Vājasaneyi Madhyandina Saṃhitā — Chapter 17 (99 mantras)
Vājasaneyi Madhyandina Saṃhitā — Chapter 17
Section titled “Vājasaneyi Madhyandina Saṃhitā — Chapter 17”aśma̱nnūrja̱ṃ parva̍te śiśriyā̱ṇāma̱dbhya oṣa̍dhībhyo̱ vana̱spatibhyo̱ adhi̱ sambhṛ̍ta̱ṃ paya̍: |
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 17 | Mantra: 1
tāṃ na̱ iṣa̱mūrja̍ṃ dhatta marutaḥ sararā̱ṇāḥ aśma̍m̐ste̱ kṣunmayi̍ ta̱ ūrgyaṃ dvi̱ṣmastaṃ te̱ śugṛ̍cchatu
Mantra 2 {#mantra-2}
Section titled “Mantra 2 {#mantra-2}”Adhyāya: 17 | Mantra: 2
i̱mā me̍ agna̱ iṣṭa̍kā dhe̱nava̍: sa̱ntvekā̍ ca̱ daśa̍ ca̱ daśa̍ ca śa̱taṃ ca̍ śa̱taṃ ca̍ sa̱hasra̍ṃ ca sa̱hasra̍ṃ cā̱yuta̍ṃ cā̱yuta̍ṃ ca ni̱yuta̍ṃ ca ni̱yuta̍ṃ ca pra̱yuta̱ṃ cārbu̍daṃ ca̱ nya̍rbudaṃ samu̱draśca̱ madhya̱ṃ cānta̍śca parā̱rdhaścai̱tā me̍ agna̱ iṣṭa̍kā dhe̱nava̍: santva̱mutrā̱muṣmi̍m̐llo̱ke
Mantra 3 {#mantra-3}
Section titled “Mantra 3 {#mantra-3}”Adhyāya: 17 | Mantra: 3
ṛ̱tava̍ stha ṛtā̱vṛdha̍ ṛtu̱ṣṭhā stha̍ ṛtā̱vṛdha̍: | ghṛ̱ta̱ścyuto̍ madhu̱ścyuto̍ vi̱rājo̱ nāma̍ kāma̱dughā̱ akṣī̍yamāṇāḥ
Mantra 4 {#mantra-4}
Section titled “Mantra 4 {#mantra-4}”Adhyāya: 17 | Mantra: 4
sa̱mu̱drasya̱ tvā’va̍ka̱yāgne̱ pari̍ vyayāmasi | pā̱va̱ko a̱smabhya śi̱vo bha̍va
Mantra 5 {#mantra-5}
Section titled “Mantra 5 {#mantra-5}”Adhyāya: 17 | Mantra: 5
hi̱masya̍ tvā ja̱rāyu̱ṇā’gne̱ pari̍ vyayāmasi | pā̱va̱ko a̱smabhya śi̱vo bha̍va
Mantra 6 {#mantra-6}
Section titled “Mantra 6 {#mantra-6}”Adhyāya: 17 | Mantra: 6
upa̱ jmannupa̍ veta̱se’va̍ tara na̱dīṣvā | agne̍ pi̱ttama̱pāma̍si̱ maṇḍū̍ki̱ tābhi̱rā ga̍hi̱ semaṃ no̍ ya̱jñaṃ pā̍va̱kava̍rṇa śi̱vaṃ kṛ̍dhi
Mantra 7 {#mantra-7}
Section titled “Mantra 7 {#mantra-7}”Adhyāya: 17 | Mantra: 7
a̱pāmi̱daṃ nyaya̍na samu̱drasya̍ ni̱veśa̍nam | a̱nyām̐ste̍ a̱smatta̍pantu he̱taya̍: pāva̱ko a̱smabhya śi̱vo bha̍va
Mantra 8 {#mantra-8}
Section titled “Mantra 8 {#mantra-8}”Adhyāya: 17 | Mantra: 8
agne̍ pāvaka ro̱ciṣā̍ ma̱ndrayā̍ deva ji̱hvayā̍ | ā de̱vān va̍kṣi̱ yakṣi̍ ca
Mantra 9 {#mantra-9}
Section titled “Mantra 9 {#mantra-9}”Adhyāya: 17 | Mantra: 9
sa na̍: pāvaka dīdi̱vo’gne̍ de̱vām̐2 i̱hā va̍ha | upa̍ ya̱jña ha̱viśca̍ naḥ
Mantra 10 {#mantra-10}
Section titled “Mantra 10 {#mantra-10}”Adhyāya: 17 | Mantra: 10
pā̱va̱kayā̱ yaści̱taya̍ntyā kṛ̱pā kṣāma̍n ruru̱ca u̱ṣaso̱ na bhā̱nunā̍ | tūrva̱n na yāma̱nneta̍śasya̱ nū raṇa̱ ā yo ghṛ̱ṇe na ta̍tṛṣā̱ṇo a̱jara̍:
Mantra 11 {#mantra-11}
Section titled “Mantra 11 {#mantra-11}”Adhyāya: 17 | Mantra: 11
nama̍ste̱ hara̍se śo̱ciṣe̱ nama̍ste astva̱rciṣe̍ | a̱nyām̐ste̍ a̱smatta̍pantu he̱taya̍: pāva̱ko a̱smabhya śi̱vo bha̍va
Mantra 12 {#mantra-12}
Section titled “Mantra 12 {#mantra-12}”Adhyāya: 17 | Mantra: 12
nṛ̱ṣade̱ veḍa̍psu̱ṣade̱ veḍ ba̍rhi̱ṣade̱ veḍ va̍na̱sade̱ veḍ sva̱rvide̱ veṭ
Mantra 13 {#mantra-13}
Section titled “Mantra 13 {#mantra-13}”Adhyāya: 17 | Mantra: 13
ye de̱vā de̱vānā̍ṃ ya̱jñiyā̍ ya̱jñiyā̍nā saṃvatsa̱rīṇa̱mupa̍ bhā̱gamāsa̍te | a̍hu̱tādo̍ ha̱viṣo̍ ya̱jñe a̱smintsva̱yaṃ pi̍bantu̱ madhu̍no ghṛ̱tasya̍
Mantra 14 {#mantra-14}
Section titled “Mantra 14 {#mantra-14}”Adhyāya: 17 | Mantra: 14
ye de̱vā de̱veṣvadhi̍ deva̱tvamāya̱n ye brahma̍ṇaḥ pura e̱tāro̍ a̱sya | yebhyo̱ na ṛ̱te pava̍te̱ dhāma̱ kiñca̱na na te di̱vo na pṛ̍thi̱vyā adhi̱ snuṣu̍
Mantra 15 {#mantra-15}
Section titled “Mantra 15 {#mantra-15}”Adhyāya: 17 | Mantra: 15
prā̱ṇa̱dā a̍pāna̱dā vyā̍na̱dā va̍rco̱dā va̍rivo̱dāḥ | a̱nyām̐ste̍ a̱smatta̍pantu he̱taya̍: pāva̱ko a̱smabhya śi̱vo bha̍va
Mantra 16 {#mantra-16}
Section titled “Mantra 16 {#mantra-16}”Adhyāya: 17 | Mantra: 16
a̱gnisti̱gmena̍ śo̱ciṣā̱ yāsa̱dviśva̱ṃ nyatriṇa̍m | a̱gnirno̍ vanate ra̱yim
Mantra 17 {#mantra-17}
Section titled “Mantra 17 {#mantra-17}”Adhyāya: 17 | Mantra: 17
ya i̱mā viśvā̱ bhuva̍nāni̱ juhva̱dṛṣi̱rhotā̱ nyasī̍dat pi̱tā na̍: | sa ā̱śiṣā̱ dravi̍ṇami̱cchamā̍naḥ prathama̱cchadava̍rā̱m̐2 ā vi̍veśa
Mantra 18 {#mantra-18}
Section titled “Mantra 18 {#mantra-18}”Adhyāya: 17 | Mantra: 18
kisvi̍dāsīdadhi̱ṣṭhāna̍mā̱rambha̍ṇaṃ kata̱matsvi̍tka̱thā”sī̍t | yato̱ bhūmi̍ṃ ja̱naya̍n vi̱śvaka̍rmā̱ vi dyāmaurṇo̍nmahi̱nā vi̱śvaca̍kṣāḥ
Mantra 19 {#mantra-19}
Section titled “Mantra 19 {#mantra-19}”Adhyāya: 17 | Mantra: 19
vi̱śvata̍ścakṣuru̱ta vi̱śvato̍mukho vi̱śvato̍bāhuru̱ta vi̱śvata̍spāt | saṃ bā̱hubhyā̱ṃ dhama̍ti̱ saṃ pata̍trai̱rdyāvā̱bhūmī̍ ja̱naya̍n de̱va eka̍:
Mantra 20 {#mantra-20}
Section titled “Mantra 20 {#mantra-20}”Adhyāya: 17 | Mantra: 20
kisvi̱dvana̱ṃ ka u̱ sa vṛ̱kṣa ā̍sa̱ yato̱ dyāvā̍pṛthi̱vī ni̍ṣṭata̱kṣuḥ | manī̍ṣiṇo̱ mana̍sā pṛ̱cchatedu̱ tadyada̱dhyati̍ṣṭha̱dbhuva̍nāni dhā̱raya̍n
Mantra 21 {#mantra-21}
Section titled “Mantra 21 {#mantra-21}”Adhyāya: 17 | Mantra: 21
yā te̱ dhāmā̍ni para̱māṇi̱ yā’va̱mā yā ma̍dhya̱mā vi̍śvakarmannu̱temā | śikṣā̱ sakhi̍bhyo ha̱viṣi̍ svadhāvaḥ sva̱yaṃ ya̍jasva ta̱nva̱ṃ vṛdhā̱naḥ
Mantra 22 {#mantra-22}
Section titled “Mantra 22 {#mantra-22}”Adhyāya: 17 | Mantra: 22
viśva̍karman ha̱viṣā̍ vāvṛdhā̱naḥ sva̱yaṃ ya̍jasva pṛthi̱vīmu̱ta dyām | muhya̍ntva̱nye a̱bhita̍: sa̱patnā̍ i̱hāsmāka̍ṃ ma̱ghavā̍ sū̱rira̍stu
Mantra 23 {#mantra-23}
Section titled “Mantra 23 {#mantra-23}”Adhyāya: 17 | Mantra: 23
vā̱caspati̍ṃ vi̱śvaka̍rmāṇamū̱taye̍ mano̱juva̱ṃ vāje̍ a̱dyā hu̍vema | sa no̱ viśvā̍ni̱ hava̍nāni joṣadvi̱śvaśa̍mbhū̱rava̍se sā̱dhuka̍rmā
Mantra 24 {#mantra-24}
Section titled “Mantra 24 {#mantra-24}”Adhyāya: 17 | Mantra: 24
viśva̍karman ha̱viṣā̱ vardha̍nena trā̱tāra̱mindra̍makṛṇorava̱dhyam | tasmai̱ viśa̱: sama̍namanta pū̱rvīra̱yamu̱gro vi̱havyo̱ yathā’sa̍t
Mantra 25 {#mantra-25}
Section titled “Mantra 25 {#mantra-25}”Adhyāya: 17 | Mantra: 25
cakṣu̍ṣaḥ pi̱tā mana̍sā̱ hi dhīro̍ ghṛ̱tame̍ne ajana̱nnamna̍māne | ya̱dedantā̱ ada̍dṛhanta̱ pūrva̱ ādid dyāvā̍pṛthi̱vī a̍prathetām
Mantra 26 {#mantra-26}
Section titled “Mantra 26 {#mantra-26}”Adhyāya: 17 | Mantra: 26
vi̱śvaka̍rmā̱ vima̍nā̱ ādvihā̍yā dhā̱tā vi̍dhā̱tā pa̍ra̱mota sa̱ndṛk | teṣā̍mi̱ṣṭāni̱ sami̱ṣā ma̍danti̱ yatrā̍ sapta ṛ̱ṣīn pa̱ra eka̍mā̱huḥ
Mantra 27 {#mantra-27}
Section titled “Mantra 27 {#mantra-27}”Adhyāya: 17 | Mantra: 27
yo na̍: pi̱tā ja̍ni̱tā yo vi̍dhā̱tā dhāmā̍ni̱ veda̱ bhuva̍nāni̱ viśvā̍ | yo de̱vānā̍ṃ nāma̱dhā eka̍ e̱va ta sa̍mpra̱śnaṃ bhuva̍nā yantya̱nyā
Mantra 28 {#mantra-28}
Section titled “Mantra 28 {#mantra-28}”Adhyāya: 17 | Mantra: 28
ta ā’ya̍janta̱ dravi̍ṇa sama̍smā̱ ṛṣa̍ya̱: pūrve̍ jari̱tāro̱ na bhū̱nā | a̱sūrte̱ sūrte̱ raja̍si niṣa̱tte ye bhū̱tāni̍ sa̱makṛ̍ṇvanni̱māni̍
Mantra 29 {#mantra-29}
Section titled “Mantra 29 {#mantra-29}”Adhyāya: 17 | Mantra: 29
pa̱ro di̱vā pa̱ra e̱nā pṛ̍thi̱vyā pa̱ro de̱vebhi̱rasu̍rai̱ryadasti̍ | kasvi̱d garbha̍ṃ pratha̱maṃ da̍dhra̱ āpo̱ yatra̍ de̱vāḥ sa̱mapa̍śyanta̱ pūrve̍
Mantra 30 {#mantra-30}
Section titled “Mantra 30 {#mantra-30}”Adhyāya: 17 | Mantra: 30
tamidgarbha̍ṃ pratha̱maṃ da̍dhra̱ āpo̱ yatra̍ de̱vāḥ sa̱maga̍cchanta̱ viśve̍ | a̱jasya̱ nābhā̱vadhyeka̱marpi̍ta̱ṃ yasmi̱n viśvā̍ni̱ bhuva̍nāni ta̱sthuḥ
Mantra 31 {#mantra-31}
Section titled “Mantra 31 {#mantra-31}”Adhyāya: 17 | Mantra: 31
na taṃ vi̍dātha̱ ya i̱mā ja̱jānā̱nyadyu̱ṣmāka̱manta̍raṃ babhūva | nī̱hā̱reṇa̱ prāvṛ̍tā̱ jalpyā̍ cāsu̱tṛpa̍ uktha̱śāsa̍ścaranti
Mantra 32 {#mantra-32}
Section titled “Mantra 32 {#mantra-32}”Adhyāya: 17 | Mantra: 32
vi̱śvaka̍rmā̱ hyaja̍niṣṭa de̱va ādidga̍ndha̱rvo a̍bhavad dvi̱tīya̍: | tṛ̱tīya̍: pi̱tā ja̍ni̱tauṣa̍dhīnāma̱pāṃ garbha̱ṃ vya̱dadhāt puru̱trā
Mantra 33 {#mantra-33}
Section titled “Mantra 33 {#mantra-33}”Adhyāya: 17 | Mantra: 33
ā̱śuḥ śiśā̍no vṛṣa̱bho na bhī̱mo gha̍nāgha̱naḥ kṣobha̍ṇaścarṣaṇī̱nām | sa̱ṃkranda̍no’nimi̱ṣa e̍kavī̱raḥ śa̱ta senā̍ ajayat sā̱kamindra̍:
Mantra 34 {#mantra-34}
Section titled “Mantra 34 {#mantra-34}”Adhyāya: 17 | Mantra: 34
sa̱ṃkranda̍nenānimi̱ṣeṇa̍ ji̱ṣṇunā̍ yutkā̱reṇa̍ duścyava̱nena̍ dhṛ̱ṣṇunā̍ | tadindre̍ṇa jayata̱ tatsa̍hadhva̱ṃ yudho̍ nara̱ iṣu̍hastena̱ vṛṣṇā̍
Mantra 35 {#mantra-35}
Section titled “Mantra 35 {#mantra-35}”Adhyāya: 17 | Mantra: 35
sa iṣu̍hastai̱ḥ sa ni̍ṣa̱ṅgibhi̍rva̱śī sasra̍ṣṭā̱ sa yudha̱ indro̍ ga̱ṇena̍ | sasṛṣṭa̱jitso̍ma̱pā bā̍huśa̱rdhyugradha̍nvā̱ prati̍hitābhi̱rastā̍
Mantra 36 {#mantra-36}
Section titled “Mantra 36 {#mantra-36}”Adhyāya: 17 | Mantra: 36
bṛha̍spate̱ pari̍ dīyā̱ rathe̍na rakṣo̱hā’mitrā̍m̐2 apa̱bādha̍mānaḥ | pra̱bha̱ñjantsenā̍: pramṛ̱ṇo yu̱dhā jaya̍nna̱smāka̍medhyavi̱tā rathā̍nām
Mantra 37 {#mantra-37}
Section titled “Mantra 37 {#mantra-37}”Adhyāya: 17 | Mantra: 37
ba̱la̱vi̱jñā̱ya sthavi̍ra̱: pravī̍ra̱: saha̍svān vā̱jī saha̍māna u̱graḥ | a̱bhivī̍ro a̱bhisa̍tvā saho̱jā jai̍tramindra̱ ratha̱mā ti̍ṣṭha go̱vit
Mantra 38 {#mantra-38}
Section titled “Mantra 38 {#mantra-38}”Adhyāya: 17 | Mantra: 38
go̱tra̱bhida̍ṃ go̱vida̱ṃ vajra̍bāhu̱ṃ jaya̍nta̱majma̍ pramṛ̱ṇanta̱moja̍sā | i̱ma sa̍jātā̱ anu̍ vīrayadhva̱mindra sakhāyo̱ anu̱ sa ra̍bhadhvam
Mantra 39 {#mantra-39}
Section titled “Mantra 39 {#mantra-39}”Adhyāya: 17 | Mantra: 39
a̱bhi go̱trāṇi̱ saha̍sā̱ gāha̍māno’da̱yo vī̱raḥ śa̱tama̍nyu̱rindra̍: | du̱ścya̱va̱naḥ pṛ̍tanā̱ṣāḍa̍yu̱dhyo’smāka senā̍ avatu̱ pra yu̱tsu
Mantra 40 {#mantra-40}
Section titled “Mantra 40 {#mantra-40}”Adhyāya: 17 | Mantra: 40
indra̍ āsāṃ ne̱tā bṛha̱spati̱rdakṣi̍ṇā ya̱jñaḥ pu̱ra e̍tu̱ soma̍: | de̱va̱se̱nānā̍mabhibhañjatī̱nāṃ jaya̍ntīnāṃ ma̱ruto̍ ya̱ntvagra̍m
Mantra 41 {#mantra-41}
Section titled “Mantra 41 {#mantra-41}”Adhyāya: 17 | Mantra: 41
indra̍sya̱ vṛṣṇo̱ varu̍ṇasya̱ rājña̍ ādi̱tyānā̍ṃ ma̱rutā śardha̍ u̱gram | ma̱hāma̍nasāṃ bhuvanacya̱vānā̱ṃ ghoṣo̍ de̱vānā̱ṃ jaya̍tā̱muda̍sthāt
Mantra 42 {#mantra-42}
Section titled “Mantra 42 {#mantra-42}”Adhyāya: 17 | Mantra: 42
uddha̍rṣaya maghava̱nnāyu̍dhā̱nyutsatva̍nāṃ māma̱kānā̱ṃ manāsi | udvṛ̍trahan vā̱jinā̱ṃ vāji̍nā̱nyudrathā̍nā̱ṃ jaya̍tāṃ yantu̱ ghoṣā̍:
Mantra 43 {#mantra-43}
Section titled “Mantra 43 {#mantra-43}”Adhyāya: 17 | Mantra: 43
a̱smāka̱mindra̱: samṛ̍teṣu dhva̱jeṣva̱smāka̱ṃ yā iṣa̍va̱stā ja̍yantu | a̱smāka̍ṃ vī̱rā utta̍re bhavantva̱smām̐2 u̍ devā avatā̱ have̍ṣu
Mantra 44 {#mantra-44}
Section titled “Mantra 44 {#mantra-44}”Adhyāya: 17 | Mantra: 44
a̱mīṣā̍ṃ ci̱ttaṃ pra̍tilo̱bhaya̍ntī gṛhā̱ṇāṅgā̍nyapve̱ pare̍hi | a̱bhi prehi̱ nirda̍ha hṛ̱tsu śokai̍ra̱ndhenā̱mitrā̱stama̍sā sacantām
Mantra 45 {#mantra-45}
Section titled “Mantra 45 {#mantra-45}”Adhyāya: 17 | Mantra: 45
ava̍sṛṣṭā̱ parā̍ pata̱ śara̍vye̱ brahma̍saśite | gacchā̱mitrā̱n pra pa̍dyasva̱ mā’mīṣā̱ṃ kaṃ ca̱nocchi̍ṣaḥ
Mantra 46 {#mantra-46}
Section titled “Mantra 46 {#mantra-46}”Adhyāya: 17 | Mantra: 46
pretā̱ jaya̍tā nara̱ indro̍ va̱: śarma̍ yacchatu | u̱grā va̍: santu bā̱havo̍’nādhṛ̱ṣyā yathā’sa̍tha
Mantra 47 {#mantra-47}
Section titled “Mantra 47 {#mantra-47}”Adhyāya: 17 | Mantra: 47
asau̱ yā senā̍ maruta̱: pare̍ṣāma̱bhyaiti̍ na̱ oja̍sā̱ spardha̍mānā | tāṃ gū̍hata̱ tama̱sā’pa̍vratena̱ yathā̱’mī a̱nyo a̱nyaṃ na jā̱nan
Mantra 48 {#mantra-48}
Section titled “Mantra 48 {#mantra-48}”Adhyāya: 17 | Mantra: 48
yatra̍ bā̱ṇāḥ sa̱mpata̍nti kumā̱rā vi̍śi̱khā i̍va | tanna̱ indro̱ bṛha̱spati̱radi̍ti̱: śarma̍ yacchatu vi̱śvāhā̱ śarma̍ yacchatu
Mantra 49 {#mantra-49}
Section titled “Mantra 49 {#mantra-49}”Adhyāya: 17 | Mantra: 49
marmā̍ṇi te̱ varma̍ṇā chādayāmi̱ soma̍stvā̱ rājā̱’mṛte̱nānu̍vastām | u̱rorvarī̍yo̱ varu̍ṇaste kṛṇotu̱ jaya̍nta̱ṃ tvā’nu̍ de̱vā ma̍dantu
Mantra 50 {#mantra-50}
Section titled “Mantra 50 {#mantra-50}”Adhyāya: 17 | Mantra: 50
ude̍namutta̱rāṃ na̱yāgne̍ ghṛtenāhuta | rā̱yaspoṣe̍ṇa̱ sa sṛ̍ja pra̱jayā̍ ca ba̱huṃ kṛ̍dhi
Mantra 51 {#mantra-51}
Section titled “Mantra 51 {#mantra-51}”Adhyāya: 17 | Mantra: 51
indre̱maṃ pra̍ta̱rāṃ na̍ya sajā̱tānā̍masadva̱śī | same̍na̱ṃ varca̍sā sṛja de̱vānā̍ṃ bhāga̱dā a̍sat
Mantra 52 {#mantra-52}
Section titled “Mantra 52 {#mantra-52}”Adhyāya: 17 | Mantra: 52
yasya̍ ku̱rmo gṛ̱he ha̱vistama̍gne vardhayā̱ tvam | tasmai̍ de̱vā adhi̍ bruvanna̱yaṃ ca̱ brahma̍ṇa̱spati̍:
Mantra 53 {#mantra-53}
Section titled “Mantra 53 {#mantra-53}”Adhyāya: 17 | Mantra: 53
udu̍ tvā̱ viśve̍ de̱vā agne̍ bharantu̱ citti̍bhiḥ | sa no̍ bhava śi̱vastva su̱pratī̍ko vi̱bhāva̍suḥ
Mantra 54 {#mantra-54}
Section titled “Mantra 54 {#mantra-54}”Adhyāya: 17 | Mantra: 54
pañca̱ diśo̱ daivī̍rya̱jñama̍vantu de̱vīrapāma̍ti̱ṃ durma̍ti̱ṃ bādha̍mānāḥ | rā̱yaspoṣe̍ ya̱jñapa̍timā̱bhaja̍ntī rā̱yaspoṣe̱ adhi̍ ya̱jño a̍sthāt
Mantra 55 {#mantra-55}
Section titled “Mantra 55 {#mantra-55}”Adhyāya: 17 | Mantra: 55
sami̍ddhe a̱gnāvadhi̍ māmahā̱na u̱kthapa̍tra̱ īḍyo̍ gṛbhī̱taḥ | ta̱ptaṃ gha̱rmaṃ pa̍ri̱gṛhyā̍yajanto̱rjā yadya̱jñamaya̍janta de̱vāḥ
Mantra 56 {#mantra-56}
Section titled “Mantra 56 {#mantra-56}”Adhyāya: 17 | Mantra: 56
dai̍vyāya dha̱rtre joṣṭre̍ deva̱śrīḥ śrīma̍nāḥ śa̱tapa̍yāḥ | pa̱ri̱gṛhya̍ de̱vā ya̱jñamā̍yan de̱vā de̱vebhyo̍ adhva̱ryanto̍ asthuḥ
Mantra 57 {#mantra-57}
Section titled “Mantra 57 {#mantra-57}”Adhyāya: 17 | Mantra: 57
vī̱ta ha̱viḥ śa̍mi̱ta śa̍mi̱tā ya̱jadhyai̍ tu̱rīyo̍ ya̱jño yatra̍ ha̱vyameti̍ | tato̍ vā̱kā ā̱śiṣo̍ no juṣantām
Mantra 58 {#mantra-58}
Section titled “Mantra 58 {#mantra-58}”Adhyāya: 17 | Mantra: 58
sūrya̍raśmi̱rhari̍keśaḥ pu̱rastā̍tsavi̱tā jyoti̱ruda̍yā̱m̐2 aja̍sram | tasya̍ pū̱ṣā pra̍sa̱ve yā̍ti vi̱dvāntsa̱mpaśya̱nviśvā̱ bhuva̍nāni go̱pāḥ
Mantra 59 {#mantra-59}
Section titled “Mantra 59 {#mantra-59}”Adhyāya: 17 | Mantra: 59
vi̱māna̍ e̱ṣa di̱vo madhya̍ āsta āpapri̱vān roda̍sī a̱ntari̍kṣam | sa vi̱śvācī̍ra̱bhi ca̍ṣṭe ghṛ̱tācī̍ranta̱rā pūrva̱mapa̍raṃ ca ke̱tum
Mantra 60 {#mantra-60}
Section titled “Mantra 60 {#mantra-60}”Adhyāya: 17 | Mantra: 60
u̱kṣā sa̍mu̱dro a̍ru̱ṇaḥ su̍pa̱rṇaḥ pūrva̍sya̱ yoni̍ṃ pi̱turā vi̍veśa | madhye̍ di̱vo nihi̍ta̱: pṛśni̱raśmā̱ vi ca̍krame̱ raja̍saspā̱tyantau̍
Mantra 61 {#mantra-61}
Section titled “Mantra 61 {#mantra-61}”Adhyāya: 17 | Mantra: 61
indra̱ṃ viśvā̍ avīvṛdhantsamu̱dravya̍casa̱ṃ gira̍: | ra̱thīta̍ma ra̱thīnā̱ṃ vājā̍nā satpa̍ti̱ṃ pati̍m
Mantra 62 {#mantra-62}
Section titled “Mantra 62 {#mantra-62}”Adhyāya: 17 | Mantra: 62
de̱va̱hūrya̱jña ā ca̍ vakṣatsumna̱hūrya̱jña ā ca̍ vakṣat | yakṣa̍da̱gnirde̱vo de̱vām̐2 ā ca̍ vakṣat
Mantra 63 {#mantra-63}
Section titled “Mantra 63 {#mantra-63}”Adhyāya: 17 | Mantra: 63
vāja̍sya mā prasa̱va u̍dgrā̱bheṇoda̍grabhīt | adhā̍ sa̱patnā̱nindro̍ me nigrā̱bheṇādha̍rām̐2 akaḥ
Mantra 64 {#mantra-64}
Section titled “Mantra 64 {#mantra-64}”Adhyāya: 17 | Mantra: 64
u̱dgrā̱bhaṃ ca̍ nigrā̱bhaṃ ca̱ brahma̍ de̱vā a̍vīvṛdhan | adhā̍ sa̱patnā̍nindrā̱gnī me̍ viṣū̱cīnā̱nvya̱syatām
Mantra 65 {#mantra-65}
Section titled “Mantra 65 {#mantra-65}”Adhyāya: 17 | Mantra: 65
krama̍dhvama̱gninā̱ nāka̱mukhya haste̍ṣu̱ bibhra̍taḥ | di̱vaspṛ̱ṣṭha sva̍rga̱tvā mi̱śrā de̱vebhi̍rādhvam
Mantra 66 {#mantra-66}
Section titled “Mantra 66 {#mantra-66}”Adhyāya: 17 | Mantra: 66
prācī̱manu̍ pra̱diśa̱ṃ prehi̍ vi̱dvāna̱gnera̍gne puro a̍gnirbhave̱ha | viśvā̱ āśā̱ dīdyā̍no̱ vi bhā̱hyūrja̍ṃ no dhehi dvi̱pade̱ catu̍ṣpade
Mantra 67 {#mantra-67}
Section titled “Mantra 67 {#mantra-67}”Adhyāya: 17 | Mantra: 67
pṛ̱thi̱vyā a̱hamuda̱ntari̍kṣa̱mā’ru̍hama̱ntari̍kṣā̱ddiva̱māru̍ham | di̱vo nāka̍sya pṛ̱ṣṭhāt sva̱rjyoti̍ragāma̱ham
Mantra 68 {#mantra-68}
Section titled “Mantra 68 {#mantra-68}”Adhyāya: 17 | Mantra: 68
sva̱ryanto̱ nāpe̍kṣanta̱ ā dyā ro̍hanti̱ roda̍sī | ya̱jñaṃ ye vi̱śvato̍dhāra suvi̍dvāso viteni̱re
Mantra 69 {#mantra-69}
Section titled “Mantra 69 {#mantra-69}”Adhyāya: 17 | Mantra: 69
agne̱ prehi̍ pratha̱mo de̍vaya̱tāṃ cakṣu̍rde̱vānā̍mu̱ta martyā̍nām | iya̍kṣamāṇā̱ bhṛgu̍bhiḥ sa̱joṣā̱: sva̱ryantu̱ yaja̍mānāḥ sva̱sti
Mantra 70 {#mantra-70}
Section titled “Mantra 70 {#mantra-70}”Adhyāya: 17 | Mantra: 70
nakto̱ṣāsā̱ sama̍nasā̱ virū̍pe dhā̱paye̍te̱ śiśu̱meka samī̱cī | dyāvā̱kṣāmā̍ ru̱kmo a̱ntarvi bhā̍ti de̱vā a̱gniṃ dhā̍rayan draviṇo̱dāḥ
Mantra 71 {#mantra-71}
Section titled “Mantra 71 {#mantra-71}”Adhyāya: 17 | Mantra: 71
agne̍ sahasrākṣa śatamūrdhañcha̱taṃ te̍ prā̱ṇāḥ sa̱hasra̍ṃ vyā̱nāḥ | tva sā̍ha̱srasya̍ rā̱ya ī̍śiṣe̱ tasmai̍ te vidhema̱ vājā̍ya̱ svāhā̍
Mantra 72 {#mantra-72}
Section titled “Mantra 72 {#mantra-72}”Adhyāya: 17 | Mantra: 72
su̱pa̱rṇo̱’si ga̱rutmā̍n pṛ̱ṣṭhe pṛ̍thi̱vyāḥ sī̍da | bhā̱sā’ntari̍kṣa̱mā pṛ̍ṇa̱ jyoti̍ṣā̱ diva̱mutta̍bhāna̱ teja̍sā̱ diśa̱ uddṛha
Mantra 73 {#mantra-73}
Section titled “Mantra 73 {#mantra-73}”Adhyāya: 17 | Mantra: 73
ā̱juhvā̍naḥ su̱pratī̍kaḥ pu̱rastā̱dagne̱ svaṃ yoni̱mā sī̍da sādhu̱yā | a̱smintsa̱dhasthe̱ adhyutta̍rasmi̱nviśve̍ devā̱ yaja̍mānaśca sīdata
Mantra 74 {#mantra-74}
Section titled “Mantra 74 {#mantra-74}”Adhyāya: 17 | Mantra: 74
tā sa̍vi̱turvare̍ṇyasya ci̱trāmā’haṃ vṛ̍ṇe suma̱tiṃ vi̱śvaja̍nyām | yāma̍sya̱ kaṇvo̱ adu̍ha̱tprapī̍nā sa̱hasra̍dhārā̱ṃ paya̍sā ma̱hīṃ gām
Mantra 75 {#mantra-75}
Section titled “Mantra 75 {#mantra-75}”Adhyāya: 17 | Mantra: 75
vi̱dhema̍ te para̱me janma̍nnagne vi̱dhema̱ stomai̱rava̍re sa̱dhasthe̍ | yasmā̱dyone̍ru̱dāri̍thā̱ yaje̱ taṃ pra tve ha̱vīṣi̍ juhure̱ sami̍ddhe
Mantra 76 {#mantra-76}
Section titled “Mantra 76 {#mantra-76}”Adhyāya: 17 | Mantra: 76
preddho̍ agne dīdihi pu̱ro na’ja̍srayā sū̱rmyā̱ yaviṣṭha | tvā śaśva̍nta̱ upa̍ yanti̱ vājā̍:
Mantra 77 {#mantra-77}
Section titled “Mantra 77 {#mantra-77}”Adhyāya: 17 | Mantra: 77
agne̱ tama̱dyāśva̱ṃ na stomai̱: kratu̱ṃ na bha̱dra hṛ̍di̱spṛśa̍m | ṛ̱dhyāmā̍ ta̱ ohai̍:
Mantra 78 {#mantra-78}
Section titled “Mantra 78 {#mantra-78}”Adhyāya: 17 | Mantra: 78
citti̍ṃ juhomi̱ mana̍sā ghṛ̱tena̱ yathā̍ de̱vā i̱hāgama̍nvī̱tiho̍trā ṛtā̱vṛdha̍: | patye̱ viśva̍sya̱ bhūma̍no ju̱homi̍ vi̱śvaka̍rmaṇe vi̱śvāhā’dā̍bhya ha̱vi:
Mantra 79 {#mantra-79}
Section titled “Mantra 79 {#mantra-79}”Adhyāya: 17 | Mantra: 79
sa̱pta te̍ agne sa̱midha̍: sa̱pta ji̱hvāḥ sa̱pta ṛṣa̍yaḥ sa̱pta dhāma̍ pri̱yāṇi̍ | sa̱pta hotrā̍: sapta̱dhā tvā̍ yajanti sa̱pta yonī̱rā pṛ̍ṇasva ghṛ̱tena̱ svāhā̍
Mantra 80 {#mantra-80}
Section titled “Mantra 80 {#mantra-80}”Adhyāya: 17 | Mantra: 80
śu̱krajyo̍tiśca ci̱trajyo̍tiśca sa̱tyajyo̍tiśca̱ jyoti̍ṣmām̐śca | śu̱kraśca̍ ṛta̱pāścātyahāḥ
Mantra 81 {#mantra-81}
Section titled “Mantra 81 {#mantra-81}”Adhyāya: 17 | Mantra: 81
ī̱dṛṅ cā̍nyā̱dṛṅ ca̍ sa̱dṛṅ ca̍ prati̍sadṛṅ ca̍ | mi̱taśca̱ sammi̍taśca̱ sabha̍rāḥ
Mantra 82 {#mantra-82}
Section titled “Mantra 82 {#mantra-82}”Adhyāya: 17 | Mantra: 82
ṛ̱taśca̍ sa̱tyaśca̍ dhru̱vaśca̍ dha̱ruṇa̍śca | dha̱rtā ca̍ vidha̱rtā ca̍ vidhāra̱yaḥ
Mantra 83 {#mantra-83}
Section titled “Mantra 83 {#mantra-83}”Adhyāya: 17 | Mantra: 83
ṛ̱ta̱jicca̍ satya̱jicca̍ sena̱jicca̍ su̱ṣeṇa̍śca | anti̍mitraśca dū̱re a̍mitraśca ga̱ṇaḥ
Mantra 84 {#mantra-84}
Section titled “Mantra 84 {#mantra-84}”Adhyāya: 17 | Mantra: 84
ī̱dṛkṣā̍sa etā̱dṛkṣā̍sa ū̱ ṣu ṇa̍: sa̱dṛkṣā̍sa̱: prati̍sadṛkṣāsa̱ eta̍na | mi̱tāsa̍śca̱ sammi̍tāso no a̱dya sabha̍raso maruto ya̱jñe a̱smin
Mantra 85 {#mantra-85}
Section titled “Mantra 85 {#mantra-85}”Adhyāya: 17 | Mantra: 85
svata̍vām̐śca praghā̱sī ca̍ sāntapa̱naśca̍ gṛhame̱dhī ca̍ | krī̱ḍī ca̍ śā̱kī co̍jje̱ṣī
Mantra 86 {#mantra-86}
Section titled “Mantra 86 {#mantra-86}”Adhyāya: 17 | Mantra: 86
Mantra 87 {#mantra-87}
Section titled “Mantra 87 {#mantra-87}”Adhyāya: 17 | Mantra: 87
i̱ma stana̱mūrja̍svantaṃ dhayā̱pāṃ prapī̍namagne sari̱rasya̱ madhye̍ | utsa̍ṃ juṣasva̱ madhu̍mantamarvantsamu̱driya sada̍na̱mā vi̍śasva
Mantra 88 {#mantra-88}
Section titled “Mantra 88 {#mantra-88}”Adhyāya: 17 | Mantra: 88
ghṛ̱taṃ mi̍mikṣe ghṛ̱tama̍sya̱ yoni̍rghṛ̱te śri̱to ghṛ̱tamva̍sya̱ dhāma̍ | a̱nuṣva̱dhamā va̍ha mā̱daya̍sva̱ svāhā̍kṛtaṃ vṛṣabha vakṣi ha̱vyam
Mantra 89 {#mantra-89}
Section titled “Mantra 89 {#mantra-89}”Adhyāya: 17 | Mantra: 89
samu̱drādū̱rmirmadhu̍mā̱m̐2 udā̍ra̱dupāśunā̱ sama̍mṛta̱tvamā̍naṭ | ghṛ̱tasya̱ nāma̱ guhya̱ṃ yadasti̍ ji̱hvā de̱vānā̍ma̱mṛta̍sya̱ nābhi̍:
Mantra 90 {#mantra-90}
Section titled “Mantra 90 {#mantra-90}”Adhyāya: 17 | Mantra: 90
va̱yaṃ nāma̱ pra bra̍vāmā ghṛ̱tasyā̱smin ya̱jñe dhā̍rayāmā̱ namo̍bhiḥ | upa̍ bra̱hmā śṛ̍ṇavaccha̱syamā̍na̱ṃ catu̍:śṛṅgo̱’vamīdgau̱ra e̱tat
Mantra 91 {#mantra-91}
Section titled “Mantra 91 {#mantra-91}”Adhyāya: 17 | Mantra: 91
ca̱tvāri̱ śṛṅgā̱ trayo̍ asya̱ pādā̱ dve śī̱rṣe sa̱pta hastā̍so asya | tridhā̍ ba̱ddho vṛ̍ṣa̱bho ro̍ravīti ma̱ho de̱vo martyā̱m̐2 ā vi̍veśa
Mantra 92 {#mantra-92}
Section titled “Mantra 92 {#mantra-92}”Adhyāya: 17 | Mantra: 92
tridhā̍ hi̱taṃ pa̱ṇibhi̍rgu̱hyamā̍na̱ṃ gavi̍ de̱vāso̍ ghṛ̱tamanva̍vindan | indra̱ eka sūrya̱ eka̍ṃ jajāna ve̱nādeka sva̱dhayā̱ niṣṭa̍takṣuḥ
Mantra 93 {#mantra-93}
Section titled “Mantra 93 {#mantra-93}”Adhyāya: 17 | Mantra: 93
e̱tā a̍rṣanti̱ hṛdyā̍tsamu̱drāccha̱tavra̍jā ri̱puṇā̱ nāva̱cakṣe̍ | ghṛ̱tasya̱ dhārā̍ a̱bhi cā̍kaśīmi hira̱ṇyayo̍ veta̱so madhya̍ āsām
Mantra 94 {#mantra-94}
Section titled “Mantra 94 {#mantra-94}”Adhyāya: 17 | Mantra: 94
sa̱myak sra̍vanti sa̱rito̱ na dhenā̍ a̱ntarhṛ̱dā mana̍sā pū̱yamā̍nāḥ | e̱te a̍rṣantyū̱rmayo̍ ghṛ̱tasya̍ mṛ̱gā i̍va kṣipa̱ṇorīṣa̍māṇāḥ
Mantra 95 {#mantra-95}
Section titled “Mantra 95 {#mantra-95}”Adhyāya: 17 | Mantra: 95
sindho̍riva prādhva̱ne śū̍gha̱nāso̱ vāta̍pramiyaḥ patayanti ya̱hvāḥ | ghṛ̱tasya̱ dhārā̍ aru̱ṣo na vā̱jī kāṣṭhā̍ bhi̱ndannū̱rmibhi̱: pinva̍mānaḥ
Mantra 96 {#mantra-96}
Section titled “Mantra 96 {#mantra-96}”Adhyāya: 17 | Mantra: 96
a̱bhi pra̍vanta̱ sama̍neva̱ yoṣā̍: kalyā̱ṇyaḥ smaya̍mānāso a̱gnim | ghṛ̱tasya̱ dhārā̍: sa̱midho̍ nasanta̱ tā ju̍ṣā̱ṇo ha̍ryati jā̱tave̍dāḥ
Mantra 97 {#mantra-97}
Section titled “Mantra 97 {#mantra-97}”Adhyāya: 17 | Mantra: 97
ka̱nyā̱ iva vaha̱tumeta̱vā u̍ a̱ñjya̱ñjā̱nā a̱bhi cā̍kaśīmi | yatra̱ soma̍: sū̱yate̱ yatra̍ ya̱jño ghṛ̱tasya̱ dhārā̍ a̱bhi tatpa̍vante
Mantra 98 {#mantra-98}
Section titled “Mantra 98 {#mantra-98}”Adhyāya: 17 | Mantra: 98
a̱bhya̱rṣata suṣṭu̱tiṃ gavya̍mā̱jima̱smāsu̍ bha̱drā dravi̍ṇāni dhatta | i̱maṃ ya̱jñaṃ na̍yata de̱vatā̍ no ghṛ̱tasya̱ dhārā̱ madhu̍matpavante
Mantra 99 {#mantra-99}
Section titled “Mantra 99 {#mantra-99}”Adhyāya: 17 | Mantra: 99
dhāma̍ṃ te̱ viśva̱ṃ bhuva̍na̱madhi̍ śri̱tama̱ntaḥ sa̍mu̱dre hṛ̱dyantarāyu̍ṣi | a̱pāmanī̍ke sami̱the ya ābhṛ̍ta̱stama̍śyāma̱ madhu̍mantaṃ ta ū̱rmim