Vājasaneyi Madhyandina Saṃhitā — Chapter 12 (117 mantras)
Vājasaneyi Madhyandina Saṃhitā — Chapter 12
Section titled “Vājasaneyi Madhyandina Saṃhitā — Chapter 12”dṛ̱śā̱no ru̱kma u̱rvyā vya̍dyaud du̱rmarṣa̱māyu̍: śri̱ye ru̍cā̱naḥ |
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 12 | Mantra: 1
a̱gnira̱mṛto̍ abhava̱dvayo̍bhi̱ryade̍na̱ṃ dyauraja̍nayatsu̱retā̍:
Mantra 2 {#mantra-2}
Section titled “Mantra 2 {#mantra-2}”Adhyāya: 12 | Mantra: 2
nakto̱ṣāsā̱ sama̍nasā̱ virū̍pe dhā̱paye̍te̱ śiśu̱meka samī̱cī | dyāvā̱kṣāmā̍ ru̱kmo a̱ntarvi bhā̍ti de̱vā a̱gniṃ dhā̍rayandraviṇo̱dāḥ
Mantra 3 {#mantra-3}
Section titled “Mantra 3 {#mantra-3}”Adhyāya: 12 | Mantra: 3
viśvā̍ rū̱pāṇi̱ prati̍ muñcate ka̱viḥ prāsā̍vīdbha̱draṃ dvi̱pade̱ catu̍ṣpade | vi nāka̍makhyatsavi̱tā vare̱ṇyo’nu̍ pra̱yāṇa̍mu̱ṣaso̱ vi rā̍jati
Mantra 4 {#mantra-4}
Section titled “Mantra 4 {#mantra-4}”Adhyāya: 12 | Mantra: 4
su̱pa̱rṇo̱’si ga̱rutmā̍m̐stri̱vṛtte̱ śiro̍ gāya̱traṃ cakṣu̍rbṛhadrathanta̱re pakṣau | stoma̍ ā̱tmā chandāsyaṅgā̍ni̱ yajūm̐ṣi̱ nāma̍ | sāma̍ te ta̱nūrvā̍made̱vyaṃ ya̍jñāya̱jñiya̱ṃ puccha̱ṃ dhiṣṇyā̍: śa̱pāḥ | su̱pa̱rṇo̱’si ga̱rutmā̱ndiva̍ṃ gaccha̱ sva̍: pata
Mantra 5 {#mantra-5}
Section titled “Mantra 5 {#mantra-5}”Adhyāya: 12 | Mantra: 5
viṣṇo̱: kramo̍’si sapatna̱hā gā̍ya̱traṃ chanda̱ ā ro̍ha pṛthi̱vīmanu̱ vi kra̍masva̱ viṣṇo̱: kramo̍’syabhimāti̱hā trai̍ṣṭubha̱ṃ chanda̱ ā ro̍hā̱ntari̍kṣa̱manu̱ vi kra̍masva viṣṇo̱: kramo̍’syarātīya̱to ha̱ntā jāga̍ta̱ṃ chanda̱ ā ro̍ha̱ diva̱manu̱ vi kra̍masva viṣṇo̱: kramo̍’si śatrūya̱to ha̱ntā”nu̍ṣṭubha̱ṃ chanda̱ ā ro̍ha̱ diśo’nu̱ vi kra̍masva
Mantra 6 {#mantra-6}
Section titled “Mantra 6 {#mantra-6}”Adhyāya: 12 | Mantra: 6
akra̍ndada̱gni sta̱naya̍nniva̱ dyau̱: kṣāmā̱ reri̍hadvī̱rudha̍: sama̱ñjan | sa̱dyo ja̍jñā̱no vi hīmi̱ddho akhya̱dā roda̍sī bhā̱nunā̍ bhātya̱ntaḥ
Mantra 7 {#mantra-7}
Section titled “Mantra 7 {#mantra-7}”Adhyāya: 12 | Mantra: 7
agne̍’bhyāvartinna̱bhi mā̱ ni va̍rta̱svāyu̍ṣā̱ varca̍sā pra̱jayā̱ dhane̍na | sa̱nyā me̱dhayā̍ ra̱yyā poṣe̍ṇa
Mantra 8 {#mantra-8}
Section titled “Mantra 8 {#mantra-8}”Adhyāya: 12 | Mantra: 8
agne̍ aṅgiraḥ śa̱taṃ te̍ santvā̱vṛta̍: sa̱hasra̍ṃ ta upā̱vṛta̍: | adhā̱ poṣa̍sya̱ poṣe̍ṇa̱ puna̍rno na̱ṣṭamā kṛ̍dhi̱ puna̍rno ra̱yimā kṛ̍dhi
Mantra 9 {#mantra-9}
Section titled “Mantra 9 {#mantra-9}”Adhyāya: 12 | Mantra: 9
puna̍rū̱rjā ni va̍rtasva̱ puna̍ragna i̱ṣā”yu̍ṣā | puna̍rnaḥ pā̱hyaha̍saḥ
Mantra 10 {#mantra-10}
Section titled “Mantra 10 {#mantra-10}”Adhyāya: 12 | Mantra: 10
sa̱ha ra̱yyā ni va̍rta̱svāgne̱ pinva̍sva̱ dhāra̍yā | vi̱śvapsnyā̍ vi̱śvata̱spari̍
Mantra 11 {#mantra-11}
Section titled “Mantra 11 {#mantra-11}”Adhyāya: 12 | Mantra: 11
ā tvā̍’hārṣama̱ntara̍bhūrdhru̱vasti̱ṣṭhāvi̍cācaliḥ | viśa̍stvā̱ sarvā̍ vāñchantu̱ mā tvadrā̱ṣṭramadhi̍bhraśat
Mantra 12 {#mantra-12}
Section titled “Mantra 12 {#mantra-12}”Adhyāya: 12 | Mantra: 12
udu̍tta̱maṃ va̍ruṇa̱ pāśa̍ma̱smadavā̍dha̱maṃ vi ma̍dhya̱ma śra̍thāya | athā̍ va̱yamā̍ditya vra̱te tavānā̍gaso̱ adi̍taye syāma
Mantra 13 {#mantra-13}
Section titled “Mantra 13 {#mantra-13}”Adhyāya: 12 | Mantra: 13
agre̍ bṛ̱hannu̱ṣasā̍mū̱rdhvo a̍sthānnirjaga̱nvān tama̍so̱ jyoti̱ṣā”gā̍t | a̱gnirbhā̱nunā̱ ruśa̍tā̱ svaṅga̱ ā jā̱to viśvā̱ sadmā̍nyaprāḥ
Mantra 14 {#mantra-14}
Section titled “Mantra 14 {#mantra-14}”Adhyāya: 12 | Mantra: 14
hasaḥ śu̍ci̱ṣadvasu̍rantarikṣa̱saddhotā̍ vedi̱ṣadati̍thirdūroṇa̱sat | nṛ̱ṣadva̍ra̱sadṛ̍ta̱sad vyoma̱sada̱bjā go̱jā ṛ̍ta̱jā a̍dri̱jā ṛ̱taṃ bṛ̱hat
Mantra 15 {#mantra-15}
Section titled “Mantra 15 {#mantra-15}”Adhyāya: 12 | Mantra: 15
sīda̱ tvaṃ mā̱tura̱syā u̱pasthe̱ viśvā̍nyagne va̱yunā̍ni vi̱dvān | mai̍nā̱ṃ tapa̍sā̱ mārciṣā̱’bhi śo̍cīra̱ntara̍syā śu̱krajyo̍ti̱rvi bhā̍hi
Mantra 16 {#mantra-16}
Section titled “Mantra 16 {#mantra-16}”Adhyāya: 12 | Mantra: 16
a̱ntara̍gne ru̱cā tvamu̱khāyā̱ḥ sada̍ne̱ sve | tasyā̱stva hara̍sā̱ tapa̱ñjāta̍vedaḥ śi̱vo bha̍va
Mantra 17 {#mantra-17}
Section titled “Mantra 17 {#mantra-17}”Adhyāya: 12 | Mantra: 17
śi̱vo bhū̱tvā mahya̍magne̱ atho̍ sīda śi̱vastvam | śi̱vā: kṛ̱tvā diśa̱: sarvā̱: svaṃ yoni̍mi̱hāsa̍daḥ
Mantra 18 {#mantra-18}
Section titled “Mantra 18 {#mantra-18}”Adhyāya: 12 | Mantra: 18
di̱vaspari̍ pratha̱maṃ ja̍jñe a̱gnira̱smad dvi̱tīya̱ṃ pari̍ jā̱tave̍dāḥ | tṛ̱tīya̍ma̱psu nṛ̱maṇā̱ aja̍sra̱mindhā̍na enaṃ jarate svā̱dhīḥ
Mantra 19 {#mantra-19}
Section titled “Mantra 19 {#mantra-19}”Adhyāya: 12 | Mantra: 19
vi̱dmā te̍ agne tre̱dhā tra̱yāṇi̍ vi̱dmā te̱ dhāma̱ vibhṛ̍tā puru̱trā | vi̱dmā te̱ nāma̍ para̱maṃ guhā̱ yadvi̱dmā tamutsa̱ṃ yata̍ āja̱gantha̍
Mantra 20 {#mantra-20}
Section titled “Mantra 20 {#mantra-20}”Adhyāya: 12 | Mantra: 20
sa̱mu̱dre tvā̍ nṛ̱maṇā̍ a̱psvantarnṛ̱cakṣā̍ īdhe di̱vo a̍gna̱ ūdha̍n | tṛ̱tīye̍ tvā̱ raja̍si tasthi̱vāsa̍ma̱pāmu̱pasthe̍ mahi̱ṣā a̍vardhan
Mantra 21 {#mantra-21}
Section titled “Mantra 21 {#mantra-21}”Adhyāya: 12 | Mantra: 21
akra̍ndada̱gni sta̱naya̍nniva̱ dyau: kṣāmā̱ reri̍hadvī̱rudha̍: sama̱ñjan | sa̱dyo ja̍jñā̱no vi hīmi̱ddho akhya̱dā roda̍sī bhā̱nunā̍ bhātya̱ntaḥ
Mantra 22 {#mantra-22}
Section titled “Mantra 22 {#mantra-22}”Adhyāya: 12 | Mantra: 22
śrī̱ṇāmu̍dā̱ro dha̱ruṇo̍ rayī̱ṇāṃ ma̍nī̱ṣāṇā̱ṃ prārpa̍ṇa̱: soma̍gopāḥ | vasu̍: sū̱nuḥ saha̍so a̱psu rājā̱ vi bhā̱tyagra̍ u̱ṣasā̍midhā̱naḥ
Mantra 23 {#mantra-23}
Section titled “Mantra 23 {#mantra-23}”Adhyāya: 12 | Mantra: 23
viśva̍sya ke̱turbhuva̍nasya̱ garbha̱ ā roda̍sī apṛṇā̱jjāya̍mānaḥ | vī̱ḍuṃ ci̱dadri̍mabhinat parā̱yañjanā̱ yada̱gnimaya̍janta̱ pañca̍
Mantra 24 {#mantra-24}
Section titled “Mantra 24 {#mantra-24}”Adhyāya: 12 | Mantra: 24
u̱śikpā̍va̱ko a̍ra̱tiḥ su̍me̱dhā martye̍ṣva̱gnira̱mṛto̱ ni dhā̍yi | iya̍rti dhū̱mama̍ru̱ṣaṃ bhari̍bhra̱ducchu̱kreṇa̍ śo̱ciṣā̱ dyāmina̍kṣan
Mantra 25 {#mantra-25}
Section titled “Mantra 25 {#mantra-25}”Adhyāya: 12 | Mantra: 25
dṛ̱śā̱no ru̱kma u̱rvyā vya̍dyauddu̱rmarṣa̱māyu̍: śri̱ye ru̍cā̱naḥ | a̱gnira̱mṛto̍ abhava̱dvayo̍bhi̱ryade̍naṃ dyauraja̍naya̍tsu̱retā̍:
Mantra 26 {#mantra-26}
Section titled “Mantra 26 {#mantra-26}”Adhyāya: 12 | Mantra: 26
yaste̍ a̱dya kṛ̱ṇava̍dbhadraśoce’pū̱paṃ de̍va ghṛ̱tava̍ntamagne | pra taṃ na̍ya prata̱raṃ vasyo̱ acchā̱bhi su̱mnaṃ de̱vabha̍ktaṃ yaviṣṭha
Mantra 27 {#mantra-27}
Section titled “Mantra 27 {#mantra-27}”Adhyāya: 12 | Mantra: 27
ā taṃ bha̍ja sauśrava̱seṣva̍gna u̱ktha u̍ktha̱ ā bha̍ja śa̱syamā̍ne | pri̱yaḥ sūrye̍ pri̱yo a̱gnā bha̍vā̱tyujjā̱tena̍ bhi̱nada̱dujjani̍tvaiḥ
Mantra 28 {#mantra-28}
Section titled “Mantra 28 {#mantra-28}”Adhyāya: 12 | Mantra: 28
tvāma̍gne̱ yaja̍mānā̱ anu̱ dyūn viśvā̱ vasu̍ dadhire̱ vāryā̍ṇi | tvayā̍ sa̱ha dravi̍ṇami̱cchamā̍nā vra̱jaṃ goma̍ntamu̱śijo̱ vi va̍vruḥ
Mantra 29 {#mantra-29}
Section titled “Mantra 29 {#mantra-29}”Adhyāya: 12 | Mantra: 29
astā̍vya̱gnirna̱rā su̱śevo̍ vaiśvāna̱ra ṛṣi̍bhi̱: soma̍gopāḥ | a̱dve̱ṣe dyāvā̍pṛthi̱vī hu̍vema̱ devā̍ dha̱tta ra̱yima̱sme su̱vīra̍m
Mantra 30 {#mantra-30}
Section titled “Mantra 30 {#mantra-30}”Adhyāya: 12 | Mantra: 30
sa̱midhā̱’gniṃ du̍vasyata ghṛ̱tairbo̍dhaya̱tāti̍thim | ā’smi̍n havyā ju̍hotana
Mantra 31 {#mantra-31}
Section titled “Mantra 31 {#mantra-31}”Adhyāya: 12 | Mantra: 31
udu̍ tvā̱ viśve̍ de̱vā agne̱ bhara̍ntu̱ citti̍bhiḥ | sa no̍ bhava śi̱vastva su̱pratī̍ko vi̱bhāva̍suḥ
Mantra 32 {#mantra-32}
Section titled “Mantra 32 {#mantra-32}”Adhyāya: 12 | Mantra: 32
preda̍gne̱ jyoti̍ṣmān yāhi śi̱vebhi̍ra̱rcibhi̱ṣṭvam | bṛ̱hadbhi̍rbhā̱nubhi̱rbhāsa̱nmā hisīsta̱nvā̱ pra̱jāḥ
Mantra 33 {#mantra-33}
Section titled “Mantra 33 {#mantra-33}”Adhyāya: 12 | Mantra: 33
akra̍ndada̱gni sta̱naya̍nniva̱ dyau: kṣāmā̱ reri̍hadvī̱rudha̍: sama̱ñjan | sa̱dyo ja̍jñā̱no vi hīmi̱ddho akhya̱dā roda̍sī bhā̱nunā̍ bhātya̱ntaḥ
Mantra 34 {#mantra-34}
Section titled “Mantra 34 {#mantra-34}”Adhyāya: 12 | Mantra: 34
pra-prā̱yama̱gnirbha̍ra̱tasya̍ śṛṇve̱ vi yatsūryo̱ na roca̍te bṛ̱hadbhāḥ | a̱bhi yaḥ pū̱ruṃ pṛta̍nāsu ta̱sthau dī̱dāya daivyo̱ ati̍thiḥ śi̱vo na̍:
Mantra 35 {#mantra-35}
Section titled “Mantra 35 {#mantra-35}”Adhyāya: 12 | Mantra: 35
āpo̍ devī̱: prati̍ gṛbhṇīta̱ bhasmai̱tatsyo̱ne kṛ̍ṇudhva sura̱bhā u̍ lo̱ke | tasmai̍ namantā̱ṃ jana̍yaḥ su̱patnī̍rmā̱teva̍ pu̱traṃ bi̍bhṛtā̱psve̱nat
Mantra 36 {#mantra-36}
Section titled “Mantra 36 {#mantra-36}”Adhyāya: 12 | Mantra: 36
a̱psva̱gne̱ sadhi̱ṣṭava̱ sauṣa̍dhī̱ranu̍ rudhyase | garbhe̱ sañjā̍yase̱ puna̍:
Mantra 37 {#mantra-37}
Section titled “Mantra 37 {#mantra-37}”Adhyāya: 12 | Mantra: 37
garbho̍ a̱syoṣa̍dhīnā̱ṃ garbho̱ vana̱spatī̍nām | garbho̱ viśva̍sya bhū̱tasyāgne̱ garbho̍ a̱pāma̍si
Mantra 38 {#mantra-38}
Section titled “Mantra 38 {#mantra-38}”Adhyāya: 12 | Mantra: 38
pra̱sadya̱ bhasma̍nā̱ yoni̍ma̱paśca̍ pṛthi̱vīma̍gne | sasṛjya̍ mā̱tṛbhi̱ṣṭvaṃ jyoti̍ṣmā̱n puna̱rā ‘sa̍daḥ
Mantra 39 {#mantra-39}
Section titled “Mantra 39 {#mantra-39}”Adhyāya: 12 | Mantra: 39
puna̍rā̱sadya̱ sada̍nama̱paśca̍ pṛthi̱vīma̍gne | śeṣe̍ mā̱turyatho̱pasthe̱’ntara̍syā śi̱vata̍maḥ
Mantra 40 {#mantra-40}
Section titled “Mantra 40 {#mantra-40}”Adhyāya: 12 | Mantra: 40
puna̍rū̱rjā ni va̍rtasva̱ puna̍ragna i̱ṣā”yu̍ṣā | puna̍rnaḥ pā̱hyaha̍saḥ
Mantra 41 {#mantra-41}
Section titled “Mantra 41 {#mantra-41}”Adhyāya: 12 | Mantra: 41
sa̱ha ra̱yyā ni va̍rta̱svāgne̱ pinva̍sva̱ dhāra̍yā | vi̱śvapsnyā̍ vi̱śvata̱spari̍
Mantra 42 {#mantra-42}
Section titled “Mantra 42 {#mantra-42}”Adhyāya: 12 | Mantra: 42
bodhā̍ me a̱sya vaca̍so yaviṣṭha̱ mahi̍ṣṭhasya̱ prabhṛ̍tasya svadhāvaḥ | pīya̍ti tvo̱ anu̍ tvo gṛṇāti va̱ndāru̍ṣṭe ta̱nva̱ṃ vande agne
Mantra 43 {#mantra-43}
Section titled “Mantra 43 {#mantra-43}”Adhyāya: 12 | Mantra: 43
sa bo̍dhi sū̱rirma̱ghavā̱ vasu̍pate̱ vasu̍dāvan | yu̱yo̱dhyasmad dveṣāsi vi̱śvaka̍rmaṇe̱ svāhā̍
Mantra 44 {#mantra-44}
Section titled “Mantra 44 {#mantra-44}”Adhyāya: 12 | Mantra: 44
puna̍stvā”di̱tyā ru̱drā vasa̍va̱: sami̍ndhatā̱ṃ puna̍rbra̱hmāṇo̍ vasunītha ya̱jñaiḥ | ghṛ̱tena̱ tvaṃ ta̱nva̱ṃ vardhayasva sa̱tyāḥ sa̍ntu̱ yaja̍mānasya̱ kāmā̍:
Mantra 45 {#mantra-45}
Section titled “Mantra 45 {#mantra-45}”Adhyāya: 12 | Mantra: 45
ape̍ta̱ vī̱ta̱ vi ca̍ sarpa̱tāto̱ ye’tra̱ stha pu̍rā̱ṇā ye ca̱ nūta̍nāḥ | adā̍dya̱mo̱’va̱sāna̍ṃ pṛthi̱vyā akra̍nni̱maṃ pi̱taro̍ lo̱kama̍smai
Mantra 46 {#mantra-46}
Section titled “Mantra 46 {#mantra-46}”Adhyāya: 12 | Mantra: 46
sa̱ṃjñāna̍masi kāma̱dhara̍ṇa̱ṃ mayi̍ te kāma̱dhara̍ṇaṃ bhūyāt | a̱gnerbhasmā̍sya̱gneḥ purī̍ṣamasi̱ | cita̍ stha pari̱cita̍ ūrdhva̱cita̍: śrayadhvam
Mantra 47 {#mantra-47}
Section titled “Mantra 47 {#mantra-47}”Adhyāya: 12 | Mantra: 47
a̱ya so a̱gniryasmi̱ntsoma̱mindra̍: su̱taṃ da̱dhe ja̱ṭhare̍ vāvaśā̱naḥ | sa̱ha̱sriya̱ṃ vāja̱matya̱ṃ na sapti sasa̱vāntsantstū̍yase jātavedaḥ
Mantra 48 {#mantra-48}
Section titled “Mantra 48 {#mantra-48}”Adhyāya: 12 | Mantra: 48
agne̱ yatte̍ di̱vi varca̍: pṛthi̱vyāṃ yadoṣa̍dhīṣva̱psvā ya̍jatra | yenā̱ntari̍kṣamu̱rvā̍ta̱tantha̍ tve̱ṣaḥ sa bhā̱nura̍rṇa̱vo nṛ̱cakṣā̍:
Mantra 49 {#mantra-49}
Section titled “Mantra 49 {#mantra-49}”Adhyāya: 12 | Mantra: 49
agne̍ di̱vo arṇa̱macchā̍ jigā̱syacchā̍ de̱vām̐2 ū̍ciṣe̱ dhiṣṇyā̱ ye | yā ro̍ca̱ne pa̱rastā̱t sūrya̍sya̱ yāścā̱vastā̍dupa̱tiṣṭha̍nta̱ āpa̍:
Mantra 50 {#mantra-50}
Section titled “Mantra 50 {#mantra-50}”Adhyāya: 12 | Mantra: 50
pu̱rī̱ṣyā̱so a̱gnaya̍: prāva̱ṇebhi̍: sa̱joṣa̍saḥ | ju̱ṣantā̍ṃ ya̱jñama̱druho̍’namī̱vā iṣo̍ ma̱hīḥ
Mantra 51 {#mantra-51}
Section titled “Mantra 51 {#mantra-51}”Adhyāya: 12 | Mantra: 51
iḍā̍magne puru̱dasa sa̱niṃ goḥ śa̍śvatta̱ma hava̍mānāya sādha | syānna̍: sū̱nustana̍yo vi̱jāvāgne̱ sā te̍ suma̱tirbhū̍tva̱sme
Mantra 52 {#mantra-52}
Section titled “Mantra 52 {#mantra-52}”Adhyāya: 12 | Mantra: 52
a̱yaṃ te̱ yoni̍rṛ̱tviyo̱ yato̍ jā̱to aro̍cathāḥ | taṃ jā̱nanna̍gna̱ ā ro̱hāthā̍ no vardhayā ra̱yim
Mantra 53 {#mantra-53}
Section titled “Mantra 53 {#mantra-53}”Adhyāya: 12 | Mantra: 53
cida̍si̱ tayā̍ de̱vata̍yā’ṅgira̱svad dhru̱vā sī̍da pa̍ri̱cida̍si̱ tayā̍ de̱vata̍yā’ṅgira̱svad dhru̱vā sī̍da
Mantra 54 {#mantra-54}
Section titled “Mantra 54 {#mantra-54}”Adhyāya: 12 | Mantra: 54
lo̱kaṃ pṛ̍ṇa chi̱draṃ pṛ̱ṇātho̍ sīda dhru̱vā tvam | i̱ndrā̱gnī tvā̱ bṛha̱spati̍ra̱smin yonā̍vasīṣadan
Mantra 55 {#mantra-55}
Section titled “Mantra 55 {#mantra-55}”Adhyāya: 12 | Mantra: 55
tā a̍sya̱ sūda̍dohasa̱: soma̍ śrīṇanti̱ pṛśna̍yaḥ | janma̍nde̱vānā̱ṃ viśa̍stri̱ṣvā ro̍ca̱ne di̱vaḥ
Mantra 56 {#mantra-56}
Section titled “Mantra 56 {#mantra-56}”Adhyāya: 12 | Mantra: 56
indra̱ṃ viśvā̍ avīvṛdhantsamu̱dravya̍casa̱ṃ gira̍: | ra̱thīta̍ma ra̱thīnā̱ṃ vājā̍nā satpa̍ti̱ṃ pati̍m
Mantra 57 {#mantra-57}
Section titled “Mantra 57 {#mantra-57}”Adhyāya: 12 | Mantra: 57
sami̍ta saṃ ka̍lpethā saṃpri̍yau roci̱ṣṇū su̍mana̱syamā̍nau | iṣa̱mūrja̍ma̱bhi sa̱ṃvasā̍nau
Mantra 58 {#mantra-58}
Section titled “Mantra 58 {#mantra-58}”Adhyāya: 12 | Mantra: 58
saṃ vā̱ṃ manāsi̱ saṃ vra̱tā samu̍ ci̱ttānyāka̍ram | agne̍ purīṣyādhi̱pā bha̍va̱ tvaṃ na̱ iṣa̱mūrja̱ṃ yaja̍mānāya dhehi
Mantra 59 {#mantra-59}
Section titled “Mantra 59 {#mantra-59}”Adhyāya: 12 | Mantra: 59
agne̱ tvaṃ pu̍rī̱ṣyo̱ rayi̱mān pu̍ṣṭi̱mām̐2 a̍si | śi̱vāḥ kṛ̱tvā diśa̱: sarvā̱: svaṃ yoni̍mi̱hā’sa̍daḥ
Mantra 60 {#mantra-60}
Section titled “Mantra 60 {#mantra-60}”Adhyāya: 12 | Mantra: 60
bhava̍taṃ na̱: sama̍nasau̱ sace̍tasāvare̱pasau̍ | mā ya̱jña hisiṣṭa̱ṃ mā ya̱jñapa̍tiṃ jātavedasau śi̱vau bha̍vatama̱dya na̍:
Mantra 61 {#mantra-61}
Section titled “Mantra 61 {#mantra-61}”Adhyāya: 12 | Mantra: 61
mā̱teva̍ pu̱traṃ pṛ̍thi̱vī pu̍rī̱ṣya̱ma̱gni sve yonā̍vabhāru̱khā | tāṃ viśvai̍rde̱vairṛ̱tubhi̍: saṃvidā̱naḥ pra̱jāpa̍tirvi̱śvaka̍rmā̱ vi mu̍ñcatu
Mantra 62 {#mantra-62}
Section titled “Mantra 62 {#mantra-62}”Adhyāya: 12 | Mantra: 62
asu̍nvanta̱maya̍jamānamiccha ste̱nasye̱tyāmanvi̍hi̱ taska̍rasya | a̱nyama̱smadi̍ccha̱ sā ta̍ i̱tyā namo̍ devi nirṛte̱ tubhya̍mastu
Mantra 63 {#mantra-63}
Section titled “Mantra 63 {#mantra-63}”Adhyāya: 12 | Mantra: 63
nama̱: su te̍ nirṛte tigmatejo’ya̱smaya̱ṃ vi cṛ̍tā ba̱ndhame̱tam | ya̱mena̱ tvaṃ ya̱myā sa̍ṃvidā̱notta̱me nā̱ke adhi̍ rohayainam
Mantra 64 {#mantra-64}
Section titled “Mantra 64 {#mantra-64}”Adhyāya: 12 | Mantra: 64
yasyā̍ste ghora ā̱sañju̱homye̱ṣāṃ ba̱ndhānā̍mava̱sarja̍nāya | yāṃ tvā̱ jano̱ bhūmi̱riti̍ pra̱manda̍te̱ nirṛ̍tiṃ tvā̱’haṃ pari̍veda vi̱śvata̍:
Mantra 65 {#mantra-65}
Section titled “Mantra 65 {#mantra-65}”Adhyāya: 12 | Mantra: 65
yaṃ te̍ de̱vī nirṛ̍tirāba̱bandha̱ pāśa̍ṃ grī̱vāsva̍vicṛ̱tyam | taṃ te̱ vi ṣyā̱myāyu̍ṣo̱ na madhyā̱dathai̱taṃ pi̱tuma̍ddhi̱ prasū̍taḥ | namo̱ bhūtyai̱ yedaṃ ca̱kāra̍
Mantra 66 {#mantra-66}
Section titled “Mantra 66 {#mantra-66}”Adhyāya: 12 | Mantra: 66
ni̱veśa̍naḥ sa̱ṅgama̍no̱ vasū̍nā̱ṃ viśvā̍ rū̱pā’bhi ca̍ṣṭe̱ śacī̍bhiḥ | de̱va i̍va savi̱tā sa̱tyadha̱rmendro̱ na ta̍sthau sama̱re pa̍thī̱nām
Mantra 67 {#mantra-67}
Section titled “Mantra 67 {#mantra-67}”Adhyāya: 12 | Mantra: 67
sīrā̍ yuñjanti ka̱vayo̍ yu̱gā vi ta̍nvate̱ pṛtha̍k | dhīrā̍ de̱veṣu̍ sumna̱yā
Mantra 68 {#mantra-68}
Section titled “Mantra 68 {#mantra-68}”Adhyāya: 12 | Mantra: 68
yu̱nakta̱ sīrā̱ vi yu̱gā ta̍nudhvaṃ kṛ̱te yonau̍ vapate̱ha bīja̍m | gi̱rā ca̍ śru̱ṣṭiḥ sabha̍rā̱ asa̍nno̱ nedī̍ya̱ itsṛ̱ṇya̱: pa̱kvameyā̍t
Mantra 69 {#mantra-69}
Section titled “Mantra 69 {#mantra-69}”Adhyāya: 12 | Mantra: 69
śu̱na su phālā̱ vi kṛ̍ṣantu̱ bhūmi śu̱naṃ kī̱nāśā̍ a̱bhi ya̍ntu vā̱haiḥ | śunā̍sīrā ha̱viṣā̱ tośa̍mānā supippa̱lā oṣa̍dhīḥ kartanā̱smai
Mantra 70 {#mantra-70}
Section titled “Mantra 70 {#mantra-70}”Adhyāya: 12 | Mantra: 70
ghṛ̱tena̱ sītā̱ madhu̍nā̱ sama̍jyatā̱ṃ viśvai̍rde̱vairanu̍matā ma̱rudbhi̍: | ūrja̍svatī̱ paya̍sā̱ pinva̍mānā̱smāntsī̍te̱ paya̍sā̱’bhyā va̍vṛtsva
Mantra 71 {#mantra-71}
Section titled “Mantra 71 {#mantra-71}”Adhyāya: 12 | Mantra: 71
lāṅga̍la̱ṃ pavī̍ravatsu̱śeva soma̱pitsa̍ru | tadudva̍pati̱ gāmavi̍ṃ prapha̱rvya̱ṃ ca̱ pīva̍rīṃ pra̱sthāva̍dratha̱vāha̍ṇam
Mantra 72 {#mantra-72}
Section titled “Mantra 72 {#mantra-72}”Adhyāya: 12 | Mantra: 72
kāma̍ṃ kāmadughe dhukṣva mi̱trāya̱ varu̍ṇāya ca | indrā̍yā̱śvibhyā̍ṃ pū̱ṣṇe pra̱jābhya̱ oṣa̍dhībhyaḥ
Mantra 73 {#mantra-73}
Section titled “Mantra 73 {#mantra-73}”Adhyāya: 12 | Mantra: 73
vi mu̍cyadhvamaghnyā devayānā̱ aga̍nma̱ tama̍saspā̱rama̱sya |jyoti̍rāpāma
Mantra 74 {#mantra-74}
Section titled “Mantra 74 {#mantra-74}”Adhyāya: 12 | Mantra: 74
sa̱jūrabdo̱ aya̍vobhiḥ sa̱jūru̱ṣā aru̍ṇībhiḥ | sa̱joṣa̍sāva̱śvinā̱ daso̍bhiḥ sa̱jūḥ sūra̱ eta̍śena sa̱jūrvai̍śvāna̱ra iḍa̍yā ghṛ̱tena̱ svāhā̍
Mantra 75 {#mantra-75}
Section titled “Mantra 75 {#mantra-75}”Adhyāya: 12 | Mantra: 75
yā oṣa̍dhī̱: pūrvā̍ jā̱tā de̱vebhya̍striyu̱gaṃ pu̱rā | manai̱ nu ba̱bhrūṇā̍ma̱ha śa̱taṃ dhāmā̍ni sa̱pta ca̍
Mantra 76 {#mantra-76}
Section titled “Mantra 76 {#mantra-76}”Adhyāya: 12 | Mantra: 76
śa̱taṃ vo̍ amba̱ dhāmā̍ni sa̱hasra̍mu̱ta vo̱ ruha̍: | adhā̍ śatakratvo yū̱yami̱maṃ me̍ aga̱daṃ kṛ̍ta
Mantra 77 {#mantra-77}
Section titled “Mantra 77 {#mantra-77}”Adhyāya: 12 | Mantra: 77
oṣa̍dhī̱: prati̍ modadhva̱ṃ puṣpa̍vatīḥ pra̱sūva̍rīḥ | aśvā̍ iva sa̱jitva̍rīrvī̱rudha̍: pārayi̱ṣṇva̱:
Mantra 78 {#mantra-78}
Section titled “Mantra 78 {#mantra-78}”Adhyāya: 12 | Mantra: 78
oṣa̍dhī̱riti̍ mātara̱stadvo̍ devī̱rupa̍ bruve | sa̱neya̱maśva̱ṃ gāṃ vāsa̍ ā̱tmāna̱ṃ tava̍ pūruṣa
Mantra 79 {#mantra-79}
Section titled “Mantra 79 {#mantra-79}”Adhyāya: 12 | Mantra: 79
a̱śva̱tthe vo̍ ni̱ṣada̍naṃ pa̱rṇe vo̍ vasa̱tiṣkṛ̱tā | go̱bhāja̱ itkilā̍satha̱ yatsa̱nava̍tha̱ pūru̍ṣam
Mantra 80 {#mantra-80}
Section titled “Mantra 80 {#mantra-80}”Adhyāya: 12 | Mantra: 80
yatrau̍ṣadhīḥ sa̱magma̍ta̱ rājā̍na̱: sami̍tāviva | vipra̱: sa u̍cyate bhi̱ṣagra̍kṣo̱hāmī̍va̱cāta̍naḥ
Mantra 81 {#mantra-81}
Section titled “Mantra 81 {#mantra-81}”Adhyāya: 12 | Mantra: 81
a̱śvā̱va̱tī so̍māva̱tīmū̱rjaya̍ntī̱mudo̍jasam | ā’vi̍tsi̱ sarvā̱ oṣa̍dhīra̱smā a̍ri̱ṣṭatā̍taye
Mantra 82 {#mantra-82}
Section titled “Mantra 82 {#mantra-82}”Adhyāya: 12 | Mantra: 82
ucchuṣmā̱ oṣa̍dhīnā̱ṃ gāvo̍ go̱ṣṭhādi̍verate | dhana sani̱ṣyantī̍nāmā̱tmāna̱ṃ tava̍ pūruṣa
Mantra 83 {#mantra-83}
Section titled “Mantra 83 {#mantra-83}”Adhyāya: 12 | Mantra: 83
i̱ṣkṛ̍ti̱rnāma̍ vo mā̱tā’tho̍ yū̱ya stha̱ niṣkṛ̍tīḥ | sī̱rāḥ pa̍ta̱triṇī̍ sthana̱ yadā̱maya̍ti̱ niṣkṛ̍tha
Mantra 84 {#mantra-84}
Section titled “Mantra 84 {#mantra-84}”Adhyāya: 12 | Mantra: 84
ati̱ viśvā̍: pari̱ṣṭhā ste̱na i̍va vra̱jama̍kramuḥ | oṣa̍dhī̱: prācu̍cyavu̱ryatkiṃ ca̍ ta̱nvo rapa̍:
Mantra 85 {#mantra-85}
Section titled “Mantra 85 {#mantra-85}”Adhyāya: 12 | Mantra: 85
yadi̱mā vā̱jaya̍nna̱hamoṣa̍dhī̱rhasta̍ āda̱dhe | ā̱tmā yakṣma̍sya naśyati pu̱rā jī̍va̱gṛbho̍ yathā
Mantra 86 {#mantra-86}
Section titled “Mantra 86 {#mantra-86}”Adhyāya: 12 | Mantra: 86
yasyau̍ṣadhīḥ pra̱sarpa̱thāṅga̍maṅga̱ṃ paru̍ṣparuḥ | tato̱ yakṣma̱ṃ vi bā̍dhadhva u̱gro ma̍dhyama̱śīri̍va
Mantra 87 {#mantra-87}
Section titled “Mantra 87 {#mantra-87}”Adhyāya: 12 | Mantra: 87
sā̱kaṃ ya̍kṣma̱ pra pa̍ta̱ cāṣe̍ṇa kikidī̱vinā̍ | sā̱kaṃ vāta̍sya̱ dhrājyā̍ sā̱kaṃ na̍śya ni̱hāka̍yā
Mantra 88 {#mantra-88}
Section titled “Mantra 88 {#mantra-88}”Adhyāya: 12 | Mantra: 88
a̱nyā vo̍ a̱nyāma̍vatva̱nyānyasyā̱ upā̍vata | tāḥ sarvā̍: saṃvidā̱nā i̱daṃ me̱ prāva̍tā̱ vaca̍:
Mantra 89 {#mantra-89}
Section titled “Mantra 89 {#mantra-89}”Adhyāya: 12 | Mantra: 89
yāḥ pha̱linī̱ryā a̍pha̱lā a̍pu̱ṣpā yāśca̍ pu̱ṣpiṇī̍: | bṛha̱spati̍prasūtā̱stā no̍ muñca̱ntvaha̍saḥ
Mantra 90 {#mantra-90}
Section titled “Mantra 90 {#mantra-90}”Adhyāya: 12 | Mantra: 90
mu̱ñcantu̍ mā śapa̱thyādatho̍ varu̱ṇyā̱du̱ta | atho̍ ya̱masya̱ paḍvī̍śā̱tsarva̍smāddevakilbi̱ṣāt
Mantra 91 {#mantra-91}
Section titled “Mantra 91 {#mantra-91}”Adhyāya: 12 | Mantra: 91
a̱va̱pata̍ntīravadandi̱va oṣa̍dhaya̱spari̍ | yaṃ jī̱vama̱śnavā̍mahai̱ na sa ri̍ṣyāti̱ pūru̍ṣaḥ
Mantra 92 {#mantra-92}
Section titled “Mantra 92 {#mantra-92}”Adhyāya: 12 | Mantra: 92
yā oṣa̍dhī̱: soma̍rājñīrba̱hvīḥ śa̱tavi̍cakṣaṇāḥ | tāsā̍masi̱ tvamu̍tta̱māra̱ṃ kāmā̍ya̱ śa hṛ̱de
Mantra 93 {#mantra-93}
Section titled “Mantra 93 {#mantra-93}”Adhyāya: 12 | Mantra: 93
yā oṣa̍dhī̱: soma̍rājñī̱rviṣṭhi̍tāḥ pṛthi̱vīmanu̍ | bṛha̱spati̍prasūtā asyai̱ saṃda̍tta vī̱rya̱m
Mantra 94 {#mantra-94}
Section titled “Mantra 94 {#mantra-94}”Adhyāya: 12 | Mantra: 94
yāśce̱damu̍paśṛ̱ṇvanti̱ yāśca̍ dū̱raṃ parā̍gatāḥ | sarvā̍: sa̱ṃgatya̍ vīrudho’syai̱ saṃda̍tta vī̱rya̱m
Mantra 95 {#mantra-95}
Section titled “Mantra 95 {#mantra-95}”Adhyāya: 12 | Mantra: 95
mā vo̍ riṣat khani̱tā yasmai̍ cā̱haṃ khanā̍mi vaḥ | dvi̱pāccatu̍ṣpāda̱smāka sarva̍mastvanātu̱ram
Mantra 96 {#mantra-96}
Section titled “Mantra 96 {#mantra-96}”Adhyāya: 12 | Mantra: 96
oṣa̍dhaya̱: sama̍vadanta̱ some̍na sa̱ha rājñā̍ | yasmai̍ kṛ̱ṇoti̍ brāhma̱ṇasta rā̍jan pārayāmasi
Mantra 97 {#mantra-97}
Section titled “Mantra 97 {#mantra-97}”Adhyāya: 12 | Mantra: 97
nā̱śa̱yi̱trī ba̱lāsa̱syārśa̍sa upa̱citā̍masi | atho̍ śa̱tasya̱ yakṣmā̍ṇāṃ pākā̱rora̍si̱ nāśa̍nī
Mantra 98 {#mantra-98}
Section titled “Mantra 98 {#mantra-98}”Adhyāya: 12 | Mantra: 98
tvāṃ ga̍ndha̱rvā a̍khana̱m̐stvāmindra̱stvāṃ bṛha̱spati̍: | tvāmo̍ṣadhe̱ somo̱ rājā̍ vi̱dvān yakṣmā̍damucyata
Mantra 99 {#mantra-99}
Section titled “Mantra 99 {#mantra-99}”Adhyāya: 12 | Mantra: 99
saha̍sva me̱ arā̍tī̱: saha̍sva pṛtanāya̱taḥ | saha̍sva̱ sarva̍ṃ pā̱pmāna saha̍mānāsyoṣadhe
Mantra 100 {#mantra-100}
Section titled “Mantra 100 {#mantra-100}”Adhyāya: 12 | Mantra: 100
dī̱rghāyu̍sta oṣadhe khani̱tā yasmai̍ ca tvā̱ khanā̍mya̱ham | atho̱ tvaṃ dī̱rghāyu̍rbhū̱tvā śa̱tava̍lśā̱ viro̍hatāt
Mantra 101 {#mantra-101}
Section titled “Mantra 101 {#mantra-101}”Adhyāya: 12 | Mantra: 101
tvamu̍tta̱māsyo̍ṣadhe̱ tava̍ vṛ̱kṣā upa̍stayaḥ | upa̍stirastu̱ so’smāka̱ṃ yo a̱smām̐2 a̍bhi̱dāsa̍ti
Mantra 102 {#mantra-102}
Section titled “Mantra 102 {#mantra-102}”Adhyāya: 12 | Mantra: 102
mā mā̍ hisījjani̱tā yaḥ pṛ̍thi̱vyā yo vā̱ diva sa̱tyadha̍rmā̱ vyāna̍ṭ | yaścā̱paśca̱ndrāḥ pra̍tha̱mo ja̱jāna̱ kasmai̍ de̱vāya̍ ha̱viṣā̍ vidhema
Mantra 103 {#mantra-103}
Section titled “Mantra 103 {#mantra-103}”Adhyāya: 12 | Mantra: 103
a̱bhyā va̍rtasva pṛthivi ya̱jñena̱ paya̍sā sa̱ha | va̱pāṃ te̍ a̱gniri̍ṣi̱to a̍rohat
Mantra 104 {#mantra-104}
Section titled “Mantra 104 {#mantra-104}”Adhyāya: 12 | Mantra: 104
agne̱ yatte̍ śu̱kraṃ yacca̱ndraṃ yatpū̱taṃ yacca̍ ya̱jñiya̍m | tadde̱vebhyo̍ bharāmasi
Mantra 105 {#mantra-105}
Section titled “Mantra 105 {#mantra-105}”Adhyāya: 12 | Mantra: 105
iṣa̱mūrja̍ma̱hami̱ta āda̍mṛ̱tasya̱ yoni̍ṃ mahi̱ṣasya̱ dhārā̍m | ā mā̱ goṣu̍ viśa̱tvā ta̱nūṣu̱ jahā̍mi se̱dimani̍rā̱mamī̍vām
Mantra 106 {#mantra-106}
Section titled “Mantra 106 {#mantra-106}”Adhyāya: 12 | Mantra: 106
agne̱ tava̱ śravo̱ vayo̱ mahi̍ bhrājante a̱rcayo̍ vibhāvaso | bṛha̍dbhāno̱ śava̍sā̱ vāja̍mu̱kthyaṃ dadhā̍si dā̱śuṣe̍ kave
Mantra 107 {#mantra-107}
Section titled “Mantra 107 {#mantra-107}”Adhyāya: 12 | Mantra: 107
pā̱va̱kava̍rcāḥ śu̱krava̍rcā̱ anū̍navarcā̱ udi̍yarṣi bhā̱nunā̍ | pu̱tro mā̱tarā̍ vi̱cara̱nnupā̍vasi pṛ̱ṇakṣi̱ roda̍sī u̱bhe
Mantra 108 {#mantra-108}
Section titled “Mantra 108 {#mantra-108}”Adhyāya: 12 | Mantra: 108
ūrjo̍ napājjātavedaḥ suśa̱stibhi̱rmanda̍sva dhī̱tibhi̍rhi̱taḥ | tve iṣa̱: sanda̍dhu̱rbhūri̍varpasaści̱trota̍yo vā̱majā̍tāḥ
Mantra 109 {#mantra-109}
Section titled “Mantra 109 {#mantra-109}”Adhyāya: 12 | Mantra: 109
i̱ra̱jyanna̍gne prathayasva ja̱ntubhi̍ra̱sme rāyo̍ amartya | sa da̍rśa̱tasya̱ vapu̍ṣo̱ vi rā̍jasi pṛ̱ṇakṣi̍ sāna̱siṃ kratu̍m
Mantra 110 {#mantra-110}
Section titled “Mantra 110 {#mantra-110}”Adhyāya: 12 | Mantra: 110
i̱ṣka̱rtāra̍madhva̱rasya̱ prace̍tasa̱ṃ kṣaya̍nta rādha̍so ma̱haḥ | rā̱tiṃ vā̱masya̍ su̱bhagā̍ṃ ma̱hīmiṣa̱ṃ dadhā̍si sāna̱si ra̱yim
Mantra 111 {#mantra-111}
Section titled “Mantra 111 {#mantra-111}”Adhyāya: 12 | Mantra: 111
ṛ̱tāvā̍naṃ mahi̱ṣaṃ vi̱śvada̍rśatama̱gni su̱mnāya̍ dadhire pu̱ro janā̍: | śrutka̍rṇa sa̱pratha̍stamaṃ tvā gi̱rā dai̍vya̱ṃ mānu̍ṣā yu̱gā
Mantra 112 {#mantra-112}
Section titled “Mantra 112 {#mantra-112}”Adhyāya: 12 | Mantra: 112
ā pyā̍yasva̱ same̍tu te vi̱śvata̍: soma̱ vṛṣṇya̍m | bhavā̱ vāja̍sya saṅga̱the
Mantra 113 {#mantra-113}
Section titled “Mantra 113 {#mantra-113}”Adhyāya: 12 | Mantra: 113
saṃ te̱ payāsi̱ samu̍ yantu̱ vājā̱: saṃ vṛṣṇyā̍nyabhimāti̱ṣāha̍: | ā̱pyāya̍māno a̱mṛtā̍ya soma di̱vi śravāsyutta̱māni̍ dhiṣva
Mantra 114 {#mantra-114}
Section titled “Mantra 114 {#mantra-114}”Adhyāya: 12 | Mantra: 114
ā pyā̍yasva madintama̱ soma̱ viśve̍bhiraśubhi̍: | bhavā̍ naḥ sa̱pratha̍stama̱: sakhā̍ vṛ̱dhe
Mantra 115 {#mantra-115}
Section titled “Mantra 115 {#mantra-115}”Adhyāya: 12 | Mantra: 115
ā te̍ va̱tso mano̍ yamatpara̱mācci̍tsa̱dhasthā̍t | agne̱ tvāṅkā̍mayā gi̱rā
Mantra 116 {#mantra-116}
Section titled “Mantra 116 {#mantra-116}”Adhyāya: 12 | Mantra: 116
tubhya̱ṃ tā a̍ṅgirastama̱ viśvā̍: sukṣi̱taya̱: pṛtha̍k | agne̱ kāmā̍ya yemire
Mantra 117 {#mantra-117}
Section titled “Mantra 117 {#mantra-117}”Adhyāya: 12 | Mantra: 117
a̱gniḥ pri̱yeṣu̱ dhāma̍su̱ kāmo̍ bhū̱tasya̱ bhavya̍sya | sa̱mrāḍeko̱ vi rā̍jati