Vājasaneyi Madhyandina Saṃhitā — Chapter 33 (97 mantras)
Vājasaneyi Madhyandina Saṃhitā — Chapter 33
Section titled “Vājasaneyi Madhyandina Saṃhitā — Chapter 33”a̱syājarā̍so da̱māma̱ritrā̍ a̱rcaddhū̍māso a̱gnaya̍: pāva̱kāḥ |
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 33 | Mantra: 1
śvi̱tī̱caya̍: śvā̱trāso̍ bhura̱ṇyavo̍ vana̱rṣado̍ vā̱yavo̱ na somā̍:
Mantra 2 {#mantra-2}
Section titled “Mantra 2 {#mantra-2}”Adhyāya: 33 | Mantra: 2
hara̍yo dhū̱make̍tavo̱ vāta̍jūtā̱ upa̱ dyavi̍ | yata̍nte̱ vṛtha̍ga̱gnaya̍:
Mantra 3 {#mantra-3}
Section titled “Mantra 3 {#mantra-3}”Adhyāya: 33 | Mantra: 3
yajā̍ no mi̱trāvaru̍ṇā̱ yajā̍ de̱vām̐2 ṛ̱taṃ bṛ̱hat | agne̱ yakṣi̱ svaṃ dama̍m
Mantra 4 {#mantra-4}
Section titled “Mantra 4 {#mantra-4}”Adhyāya: 33 | Mantra: 4
yu̱kṣvā hi de̍va̱hūta̍mā̱m̐2 aśvā̍m̐2 agne ra̱thīri̍va | ni hotā̍ pū̱rvyaḥ sa̍daḥ
Mantra 5 {#mantra-5}
Section titled “Mantra 5 {#mantra-5}”Adhyāya: 33 | Mantra: 5
dve virū̍pe carata̱: svarthe̍ a̱nyā’nyā̍ va̱tsamupa̍ dhāpayete | hari̍ra̱nyasyā̱ṃ bhava̍ti sva̱dhāvā̍ñchu̱kro a̱nyasyā̍ṃ dadṛśe su̱varcā̍:
Mantra 6 {#mantra-6}
Section titled “Mantra 6 {#mantra-6}”Adhyāya: 33 | Mantra: 6
a̱yami̱ha pra̍tha̱mo dhā̍yi dhā̱tṛbhi̱rhotā̱ yaji̍ṣṭho adhva̱reṣvīḍya̍: | yamapna̍vāno̱ bhṛga̍vo viruru̱curvane̍ṣu ci̱traṃ vi̱bhva̱ṃ vi̱śe-vi̍śe
Mantra 7 {#mantra-7}
Section titled “Mantra 7 {#mantra-7}”Adhyāya: 33 | Mantra: 7
trīṇi̍ śa̱tā trī sa̱hasrā̍ṇya̱gniṃ triśacca̍ de̱vā nava̍ cāsaparyan | aukṣa̍n ghṛ̱tairastṛ̍ṇan ba̱rhira̍smā̱ ādiddhotā̍ra̱ṃ nya̱sādayanta
Mantra 8 {#mantra-8}
Section titled “Mantra 8 {#mantra-8}”Adhyāya: 33 | Mantra: 8
mū̱rdhāna̍ṃ di̱vo a̍ra̱tiṃ pṛ̍thi̱vyā vai̍śvāna̱ramṛ̱ta ā jā̱tama̱gnim | ka̱vi sa̱mrāja̱mati̍thi̱ṃ janā̍nāmā̱sannā pātra̍ṃ janayanta de̱vāḥ
Mantra 9 {#mantra-9}
Section titled “Mantra 9 {#mantra-9}”Adhyāya: 33 | Mantra: 9
a̱gnirvṛ̱trāṇi̍ jaṅghanaddraviṇa̱syurvi̍pa̱nyayā̍ | sami̍ddhaḥ śu̱kra āhu̍taḥ
Mantra 10 {#mantra-10}
Section titled “Mantra 10 {#mantra-10}”Adhyāya: 33 | Mantra: 10
viśve̍bhiḥ so̱myaṃ madhvagna̱ indre̍ṇa vā̱yunā̍ | pibā̍ mi̱trasya̱ dhāma̍bhiḥ
Mantra 11 {#mantra-11}
Section titled “Mantra 11 {#mantra-11}”Adhyāya: 33 | Mantra: 11
ā yadi̱ṣe nṛ̱pati̱ṃ teja̱ āna̱ṭ śuci̱ reto̱ niṣi̍kta̱ṃ dyaura̱bhīke̍ | a̱gniḥ śardha̍manava̱dyaṃ yuvā̍na svā̱dhya̱ṃ janayat sū̱daya̍cca
Mantra 12 {#mantra-12}
Section titled “Mantra 12 {#mantra-12}”Adhyāya: 33 | Mantra: 12
agne̱ śardha̍ maha̱te sau̍bhagāya̱ tava̍ dyu̱mnānyu̍tta̱māni̍ santu | saṃ jā̍spa̱tya su̱yama̱mā kṛ̍ṇuṣva śatrūya̱tāma̱bhi ti̍ṣṭhā̱ mahāsi
Mantra 13 {#mantra-13}
Section titled “Mantra 13 {#mantra-13}”Adhyāya: 33 | Mantra: 13
tvā hi ma̱ndrata̍mamarkaśo̱kairva̍vṛ̱mahe̱ mahi̍ na̱: śroṣya̍gne | indra̱ṃ na tvā̱ śava̍sā de̱vatā̍ vā̱yuṃ pṛ̍ṇanti̱ rādha̍sā̱ nṛta̍māḥ
Mantra 14 {#mantra-14}
Section titled “Mantra 14 {#mantra-14}”Adhyāya: 33 | Mantra: 14
tve a̍gne svāhuta pri̱yāsa̍: santu sū̱raya̍: | ya̱ntāro̱ ye ma̱ghavā̍no̱ janā̍nāmū̱rvān daya̍nta̱ gonā̍m
Mantra 15 {#mantra-15}
Section titled “Mantra 15 {#mantra-15}”Adhyāya: 33 | Mantra: 15
śru̱dhi śru̍tkarṇa̱ vahni̍bhirde̱vaira̍gne sa̱yāva̍bhiḥ | ā sī̍dantu ba̱rhiṣi̍ mi̱tro a̍rya̱mā prā̍ta̱ryāvā̍ṇo adhva̱ram
Mantra 16 {#mantra-16}
Section titled “Mantra 16 {#mantra-16}”Adhyāya: 33 | Mantra: 16
viśve̍ṣā̱madi̍tirya̱jñiyā̍nā̱ṃ viśve̍ṣā̱mati̍thi̱rmānu̍ṣāṇām | a̱gnirde̱vānā̱mava̍ āvṛṇā̱naḥ su̍mṛḍī̱ko bha̍vatu jā̱tave̍dāḥ
Mantra 17 {#mantra-17}
Section titled “Mantra 17 {#mantra-17}”Adhyāya: 33 | Mantra: 17
ma̱ho a̱gneḥ sa̍midhā̱nasya̱ śarma̱ṇyanā̍gā mi̱tre varu̍ṇe sva̱staye̍ | śreṣṭhe̍ syāma savi̱tuḥ savī̍mani̱ tadde̱vānā̱mavo̍ a̱dyā vṛ̍ṇīmahe
Mantra 18 {#mantra-18}
Section titled “Mantra 18 {#mantra-18}”Adhyāya: 33 | Mantra: 18
āpa̍ścitpipyu sta̱ryo na gāvo̱ nakṣa̍nnṛ̱taṃ ja̍ri̱tāra̍sta indra | yā̱hi vā̱yurna ni̱yuto̍ no̱ acchā̱ tva hi dhī̱bhirdaya̍se̱ vi vājā̍n
Mantra 19 {#mantra-19}
Section titled “Mantra 19 {#mantra-19}”Adhyāya: 33 | Mantra: 19
gāva̱ upā̍vatāva̱taṃ ma̱hī ya̱jñasya̍ ra̱psudā̍ | u̱bhā karṇā̍ hira̱ṇyayā̍
Mantra 20 {#mantra-20}
Section titled “Mantra 20 {#mantra-20}”Adhyāya: 33 | Mantra: 20
yada̱dya sūra̱ udi̱te’nā̍gā mi̱tro a̍rya̱mā | su̱vāti̍ savi̱tā bhaga̍:
Mantra 21 {#mantra-21}
Section titled “Mantra 21 {#mantra-21}”Adhyāya: 33 | Mantra: 21
ā su̱te si̍ñcata̱ śriya roda̍syorabhi̱śriya̍m | ra̱sā da̍dhīta vṛṣa̱bham ||taṃ pra̱tnathā̱ ‘yaṃ ve̱na:
Mantra 22 {#mantra-22}
Section titled “Mantra 22 {#mantra-22}”Adhyāya: 33 | Mantra: 22
ā̱tiṣṭha̍nta̱ṃ pari̱ viśve̍ abhūṣa̱ñchriyo̱ vasā̍naścarati̱ svaro̍ciḥ | ma̱hattadvṛṣṇo̱ asu̍rasya̱ nāmā vi̱śvarū̍po a̱mṛtā̍ni tasthau
Mantra 23 {#mantra-23}
Section titled “Mantra 23 {#mantra-23}”Adhyāya: 33 | Mantra: 23
pra vo̍ ma̱he manda̍mānā̱yāndha̱so’rcā̍ vi̱śvāna̍rāya viśvā̱bhuve̍ | indra̍sya̱ yasya̱ suma̍kha saho̱ mahi̱ śravo̍ nṛ̱mṇaṃ ca̱ roda̍sī sapa̱ryata̍:
Mantra 24 {#mantra-24}
Section titled “Mantra 24 {#mantra-24}”Adhyāya: 33 | Mantra: 24
bṛ̱hannidi̱dhma e̍ṣā̱ṃ bhūri̍ śa̱staṃ pṛ̱thuḥ svaru̍: | yeṣā̱mindro̱ yuvā̱ sakhā̍
Mantra 25 {#mantra-25}
Section titled “Mantra 25 {#mantra-25}”Adhyāya: 33 | Mantra: 25
indrehi̱ matsyandha̍so̱ viśve̍bhiḥ soma̱parva̍bhiḥ | ma̱hām̐2 a̍bhi̱ṣṭiroja̍sā
Mantra 26 {#mantra-26}
Section titled “Mantra 26 {#mantra-26}”Adhyāya: 33 | Mantra: 26
indro̍ vṛ̱trama̍vṛṇo̱cchardha̍nīti̱: pra mā̱yinā̍maminā̱dvarpa̍ṇītiḥ | aha̱n vyasamu̱śadha̱gvane̍ṣvā̱virdhenā̍ akṛṇodrā̱myāṇā̍m
Mantra 27 {#mantra-27}
Section titled “Mantra 27 {#mantra-27}”Adhyāya: 33 | Mantra: 27
kuta̱stvami̍ndra̱ māhi̍na̱: sanneko̍ yāsi satpate̱ kiṃ ta̍ i̱tthā | saṃ pṛ̍cchase samarā̱ṇaḥ śu̍bhā̱nairvo̱cestanno̍ harivo̱ yatte̍ a̱sme | ma̱hām̐2 indro̱ ya oja̍sā ka̱dā ca̱na sta̱rīra̍si ka̱dā ca̱na pra yu̍cchasi
Mantra 28 {#mantra-28}
Section titled “Mantra 28 {#mantra-28}”Adhyāya: 33 | Mantra: 28
ā tatta̍ indrā̱yava̍: panantā̱bhi ya ū̱rvaṃ goma̍nta̱ṃ titṛ̍tsān | sa̱kṛ̱tsvaṃ ye pu̍rupu̱trāṃ ma̱hī sa̱hasra̍dhārāṃ bṛha̱tīṃ dudu̍kṣan
Mantra 29 {#mantra-29}
Section titled “Mantra 29 {#mantra-29}”Adhyāya: 33 | Mantra: 29
i̱māṃ te̱ dhiya̱ṃ pra bha̍re ma̱ho ma̱hīma̱sya sto̱tre dhi̱ṣaṇā̱ yatta̍ āna̱je | tamu̍tsa̱ve ca̍ prasa̱ve ca̍ sāsa̱himindra̍ṃ de̱vāsa̱: śava̍sāmada̱nnanu̍
Mantra 30 {#mantra-30}
Section titled “Mantra 30 {#mantra-30}”Adhyāya: 33 | Mantra: 30
vi̱bhrāḍ bṛ̱hatpi̍batu so̱myaṃ madhvāyu̱rdadha̍dya̱jñapa̍tā̱vavi̍hrutam | vāta̍jūto̱ yo a̍bhi̱rakṣa̍ti̱ tmanā̍ pra̱jāḥ pu̍poṣa puru̱dhā vi rā̍jati
Mantra 31 {#mantra-31}
Section titled “Mantra 31 {#mantra-31}”Adhyāya: 33 | Mantra: 31
udu̱ tyaṃ jā̱tave̍dasaṃ de̱vaṃ va̍hanti ke̱tava̍: | dṛ̱śe viśvā̍ya̱ sūrya̍m
Mantra 32 {#mantra-32}
Section titled “Mantra 32 {#mantra-32}”Adhyāya: 33 | Mantra: 32
yenā̍ pāvaka̱ cakṣa̍sā bhura̱ṇyanta̱ṃ janā̱m̐2 anu̍ | tvaṃ va̍ruṇa̱ paśya̍si
Mantra 33 {#mantra-33}
Section titled “Mantra 33 {#mantra-33}”Adhyāya: 33 | Mantra: 33
daivyā̍vadhvaryū̱ ā ga̍ta rathe̍na̱ sūrya̍tvacā | madhvā̍ ya̱jña sama̍ñjāthe | taṃ pra̱tnathā̱ ‘yaṃ ve̱naści̱traṃ de̱vānā̍m
Mantra 34 {#mantra-34}
Section titled “Mantra 34 {#mantra-34}”Adhyāya: 33 | Mantra: 34
ā na̱ iḍā̍bhirvi̱dathe̍ suśa̱sti vi̱śvāna̍raḥ savi̱tā de̱va e̍tu | api̱ yathā̍ yuvāno̱ matsa̍thā no̱ viśva̱ṃ jaga̍dabhipi̱tve ma̍nī̱ṣā
Mantra 35 {#mantra-35}
Section titled “Mantra 35 {#mantra-35}”Adhyāya: 33 | Mantra: 35
yada̱dya kacca̍ vṛtrahannu̱dagā̍ a̱bhi sū̍rya | sarva̱ṃ tadi̍ndra te̱ vaśe̍
Mantra 36 {#mantra-36}
Section titled “Mantra 36 {#mantra-36}”Adhyāya: 33 | Mantra: 36
ta̱raṇi̍rvi̱śvada̍rśato jyoti̱ṣkṛda̍si sūrya | viśva̱mā bhā̍si roca̱nam
Mantra 37 {#mantra-37}
Section titled “Mantra 37 {#mantra-37}”Adhyāya: 33 | Mantra: 37
tatsūrya̍sya deva̱tvaṃ tanma̍hi̱tvaṃ ma̱dhyā karto̱rvita̍ta saṃ ja̍bhāra | ya̱dedayu̍kta ha̱rita̍: sa̱dhasthā̱dādrātrī̱ vāsa̍stanute si̱masmai̍
Mantra 38 {#mantra-38}
Section titled “Mantra 38 {#mantra-38}”Adhyāya: 33 | Mantra: 38
tanmi̱trasya̱ varu̍ṇasyābhi̱cakṣe̱ sūryo̍ rū̱paṃ kṛ̍ṇute̱ dyoru̱pasthe̍ | a̱na̱ntama̱nyadruśa̍dasya̱ pāja̍: kṛ̱ṣṇama̱nyaddha̱rita̱: saṃ bha̍ranti
Mantra 39 {#mantra-39}
Section titled “Mantra 39 {#mantra-39}”Adhyāya: 33 | Mantra: 39
baṇma̱hām̐2 a̍si sūrya̱ baḍā̍ditya ma̱hām̐2 a̍si | ma̱haste̍ sa̱to ma̍hi̱mā pa̍nasyate̱’ddhā de̍va ma̱hām̐2 a̍si
Mantra 40 {#mantra-40}
Section titled “Mantra 40 {#mantra-40}”Adhyāya: 33 | Mantra: 40
baṭ sū̍rya̱ śrava̍sā ma̱hām̐2 a̍si sa̱trā de̍va ma̱hām̐2 a̍si | ma̱hnā de̱vānā̍masu̱rya̱: pu̱rohi̍to vi̱bhu jyoti̱radā̍bhyam
Mantra 41 {#mantra-41}
Section titled “Mantra 41 {#mantra-41}”Adhyāya: 33 | Mantra: 41
śrāya̍nta iva̱ sūrya̱ṃ viśvedindra̍sya bhakṣata | vasū̍ni jā̱te jana̍māna̱ oja̍sā̱ prati̍ bhā̱gaṃ na dī̍dhima
Mantra 42 {#mantra-42}
Section titled “Mantra 42 {#mantra-42}”Adhyāya: 33 | Mantra: 42
a̱dyā de̍vā̱ udi̍tā̱ sūrya̍sya̱ niraha̍saḥ pipṛ̱tā nira̍va̱dyāt | tanno̍ mi̱tro varu̍ṇo māmahantā̱madi̍ti̱: sindhu̍: pṛthi̱vī u̱ta dyau:
Mantra 43 {#mantra-43}
Section titled “Mantra 43 {#mantra-43}”Adhyāya: 33 | Mantra: 43
ā kṛ̱ṣṇena̱ raja̍sā̱ varta̍māno nive̱śaya̍nna̱mṛta̱ṃ martya̍ṃ ca | hi̱ra̱ṇyaye̍na savi̱tā rathe̱nā de̱vo yā̍ti̱ bhuva̍nāni̱ paśya̍n
Mantra 44 {#mantra-44}
Section titled “Mantra 44 {#mantra-44}”Adhyāya: 33 | Mantra: 44
pra vā̍vṛje supra̱yā ba̱rhire̍ṣā̱mā vi̱śpatī̍va̱ vvīri̍ṭa iyāte | vi̱śāma̱ktoru̱ṣasa̍: pū̱rvahū̍tau vā̱yuḥ pū̱ṣā sva̱staye̍ ni̱yutvā̍n
Mantra 45 {#mantra-45}
Section titled “Mantra 45 {#mantra-45}”Adhyāya: 33 | Mantra: 45
i̱ndra̱vā̱yū bṛha̱spati̍ṃ mi̱trāgniṃ pū̱ṣaṇaṃ bhaga̍m | ā̱di̱tyān māru̍taṃ ga̱ṇam
Mantra 46 {#mantra-46}
Section titled “Mantra 46 {#mantra-46}”Adhyāya: 33 | Mantra: 46
varu̍ṇaḥ prāvi̱tā bhu̍vanmi̱tro viśvā̍bhirū̱tibhi̍: | kara̍tāṃ naḥ su̱rādha̍saḥ
Mantra 47 {#mantra-47}
Section titled “Mantra 47 {#mantra-47}”Adhyāya: 33 | Mantra: 47
adhi̍ na indraiṣā̱ṃ viṣṇo̍ sajā̱tyā̱nām | i̱tā maru̍to̱ aśvi̍nā | taṃ pra̱tnathā̱ ‘yaṃ ve̱no ye de̍vāsa̱ ā na̱ iḍā̍bhi̱rviśve̍bhiḥ so̱myaṃ madhvomā̍saścarṣaṇīdhṛtaḥ
Mantra 48 {#mantra-48}
Section titled “Mantra 48 {#mantra-48}”Adhyāya: 33 | Mantra: 48
agna̱ indra̱ varu̍ṇa̱ mitra̱ devā̱: śardha̱: pra ya̍nta̱ māru̍to̱ta vi̍ṣṇo | u̱bhā nāsa̍tyā ru̱dro adha̱ gnāḥ pū̱ṣā bhaga̱: sara̍svatī juṣanta
Mantra 49 {#mantra-49}
Section titled “Mantra 49 {#mantra-49}”Adhyāya: 33 | Mantra: 49
i̱ndrā̱gnī mi̱trāvaru̱ṇādi̍ti sva̍: pṛthi̱vīṃ dyāṃ ma̱ruta̱: parva̍tām̐2 a̱paḥ | hu̱ve viṣṇu̍ṃ pū̱ṣaṇa̱ṃ brahma̍ṇa̱spati̱ṃ bhaga̱ṃ nu śasa savi̱tāra̍mū̱taye̍
Mantra 50 {#mantra-50}
Section titled “Mantra 50 {#mantra-50}”Adhyāya: 33 | Mantra: 50
a̱sme ru̱drā me̱hanā̱ parva̍tāso vṛtra̱hatye̱ bhara̍hūtau sa̱joṣā̍: | yaḥ śasa̍te stuva̱te dhāyi̍ pa̱jra indra̍jyeṣṭhā a̱smām̐2 a̍vantu de̱vāḥ
Mantra 51 {#mantra-51}
Section titled “Mantra 51 {#mantra-51}”Adhyāya: 33 | Mantra: 51
a̱rvāñco̍ a̱dyā bha̍vatā yajatrā̱ ā vo̱ hārdi̱ bhaya̍māno vyayeyam | trādhva̍ṃ no devā ni̱juro̱ vṛka̍sya̱ trādhva̍ṃ ka̱rtāda̍va̱pado̍ yajatrāḥ
Mantra 52 {#mantra-52}
Section titled “Mantra 52 {#mantra-52}”Adhyāya: 33 | Mantra: 52
viśve̍ a̱dya ma̱ruto̱ viśva̍ ū̱tī viśve̍ bhavantva̱gnaya̱: sami̍ddhāḥ | viśve̍ no de̱vā ava̱sā ga̍mantu̱ viśva̍mastu̱ dravi̍ṇa̱ṃ vājo̍ a̱sme
Mantra 53 {#mantra-53}
Section titled “Mantra 53 {#mantra-53}”Adhyāya: 33 | Mantra: 53
viśve̍ devāḥ śṛṇu̱tema hava̍ṃ me̱ ye a̱ntari̍kṣe̱ ya upa̱ dyavi̱ ṣṭha | ye a̍gniji̱hvā u̱ta vā̱ yaja̍trā ā̱sadyā̱sminba̱rhiṣi̍ mādayadhvam
Mantra 54 {#mantra-54}
Section titled “Mantra 54 {#mantra-54}”Adhyāya: 33 | Mantra: 54
de̱vebhyo̱ hi pra̍tha̱maṃ ya̱jñiye̍bhyo’mṛta̱tva su̱vasi̍ bhā̱gamu̍tta̱mam | ādiddā̱māna savita̱rvyū̱rṇuṣe’nūcī̱nā jī̍vi̱tā mānu̍ṣebhyaḥ
Mantra 55 {#mantra-55}
Section titled “Mantra 55 {#mantra-55}”Adhyāya: 33 | Mantra: 55
pra vā̱yumacchā̍ bṛha̱tī ma̍nī̱ṣā bṛ̱hadra̍yiṃ vi̱śvavā̍ra ratha̱prām | dyu̱tadyā̍mā ni̱yuta̱: patya̍mānaḥ ka̱viḥ ka̱vimi̍yakṣasi prayajyo
Mantra 56 {#mantra-56}
Section titled “Mantra 56 {#mantra-56}”Adhyāya: 33 | Mantra: 56
indra̍vāyū i̱me su̱tā upa̱ prayo̍bhi̱rā ga̍tam | inda̍vo vāmu̱śanti̱ hi
Mantra 57 {#mantra-57}
Section titled “Mantra 57 {#mantra-57}”Adhyāya: 33 | Mantra: 57
mi̱tra hu̍ve pū̱tada̍kṣa̱ṃ varu̍ṇaṃ ca ri̱śāda̍sam | dhiya̍ṃ ghṛ̱tācī sādha̍ntā
Mantra 58 {#mantra-58}
Section titled “Mantra 58 {#mantra-58}”Adhyāya: 33 | Mantra: 58
dasrā̍ yu̱vāka̍vaḥ su̱tā nāsa̍tyā vṛ̱ktaba̍rhiṣaḥ | ā yā̍ta rudravartanī || taṃ pra̱tnathā̱ ‘yaṃ ve̱naḥ
Mantra 59 {#mantra-59}
Section titled “Mantra 59 {#mantra-59}”Adhyāya: 33 | Mantra: 59
8 || vi̱dadyadī̍ sa̱ramā̍ ru̱gṇamadre̱rmahi̱ pātha̍: pū̱rvya sa̱dhrya̱kkaḥ | agra̍ṃ nayatsu̱padyakṣa̍rāṇā̱macchā̱ rava̍ṃ pratha̱mā jā̍na̱tī gā̍t
Mantra 60 {#mantra-60}
Section titled “Mantra 60 {#mantra-60}”Adhyāya: 33 | Mantra: 60
na̱hi spaśa̱mavi̍danna̱nyama̱smādvai̍śvāna̱rātpu̍ra e̱tāra̍ma̱gneḥ | eme̍namavṛdhanna̱mṛtā̱ ama̍rtyaṃ vaiśvāna̱raṃ kṣai̍trajityāya de̱vāḥ
Mantra 61 {#mantra-61}
Section titled “Mantra 61 {#mantra-61}”Adhyāya: 33 | Mantra: 61
u̱grā vi̍gha̱ninā̱ mṛdha̍ indrā̱gnī ha̍vāmahe | tā no̍ mṛḍāta ī̱dṛśe̍
Mantra 62 {#mantra-62}
Section titled “Mantra 62 {#mantra-62}”Adhyāya: 33 | Mantra: 62
upā̍smai gāyatā nara̱: pava̍mānā̱yenda̍ve | a̱bhi de̱vām̐2 iya̍kṣate
Mantra 63 {#mantra-63}
Section titled “Mantra 63 {#mantra-63}”Adhyāya: 33 | Mantra: 63
ye tvā̍’hi̱hatye̍ maghava̱nnava̍rdha̱nye śā̍mba̱re ha̍rivo̱ ye gavi̍ṣṭau | ye tvā̍ nū̱nama̍nu̱mada̍nti̱ viprā̱: pibe̍ndra̱ soma saga̍ṇo ma̱rudbhi̍:
Mantra 64 {#mantra-64}
Section titled “Mantra 64 {#mantra-64}”Adhyāya: 33 | Mantra: 64
jani̍ṣṭhā u̱graḥ saha̍se tu̱rāya̍ ma̱ndra oji̍ṣṭho bahu̱lābhi̍mānaḥ | ava̍rdha̱nnindra̍ṃ ma̱ruta̍ści̱datra̍ mā̱tā yadvī̱raṃ da̱dhana̱ddhani̍ṣṭhā
Mantra 65 {#mantra-65}
Section titled “Mantra 65 {#mantra-65}”Adhyāya: 33 | Mantra: 65
ā tū na̍ indra vṛtrahanna̱smāka̍ma̱rdhamā ga̍hi | ma̱hānma̱hībhi̍rū̱tibhi̍:
Mantra 66 {#mantra-66}
Section titled “Mantra 66 {#mantra-66}”Adhyāya: 33 | Mantra: 66
tvami̍ndra̱ pratū̍rtiṣva̱bhi viśvā̍ asi̱ spṛdha̍: | a̱śa̱sti̱hā ja̍ni̱tā vi̍śva̱tūra̍si̱ tvaṃ tū̍rya taruṣya̱taḥ
Mantra 67 {#mantra-67}
Section titled “Mantra 67 {#mantra-67}”Adhyāya: 33 | Mantra: 67
anu̍ te̱ śuṣma̍ṃ tu̱raya̍ntamīyatuḥ kṣo̱ṇī śiśu̱ṃ na mā̱tarā̍ | viśvā̍ste̱ spṛdha̍: śnathayanta ma̱nyave̍ vṛ̱traṃ yadi̍ndra̱ tūrva̍si
Mantra 68 {#mantra-68}
Section titled “Mantra 68 {#mantra-68}”Adhyāya: 33 | Mantra: 68
ya̱jño de̱vānā̱ṃ pratye̍ti su̱mnamādi̍tyāso̱ bhava̍tā mṛḍa̱yanta̍: | ā vo̱’rvācī̍ suma̱tirva̍vṛtyādaho̍ści̱dyā va̍rivo̱vitta̱rāsa̍t
Mantra 69 {#mantra-69}
Section titled “Mantra 69 {#mantra-69}”Adhyāya: 33 | Mantra: 69
ada̍bdhebhiḥ savitaḥ pā̱yubhi̱ṣṭva śi̱vebhi̍ra̱dya pari̍ pāhi no̱ gaya̍m | hira̍ṇyajihvaḥ suvi̱tāya̱ navya̍se̱ rakṣā̱ māki̍rno a̱ghaśasa īśata
Mantra 70 {#mantra-70}
Section titled “Mantra 70 {#mantra-70}”Adhyāya: 33 | Mantra: 70
pra vī̍ra̱yā śuca̍yo dadrire vāmadhva̱ryubhi̱rmadhu̍mantaḥ su̱tāsa̍: | vaha̍ vāyo ni̱yuto̍ yā̱hyacchā̱ pibā̍ su̱tasyāndha̍so̱ madā̍ya
Mantra 71 {#mantra-71}
Section titled “Mantra 71 {#mantra-71}”Adhyāya: 33 | Mantra: 71
gāva̱ upā̍vatāva̱taṃ ma̱hī ya̱jñasya̍ ra̱psudā̍ | u̱bhā karṇā̍ hira̱ṇyayā̍
Mantra 72 {#mantra-72}
Section titled “Mantra 72 {#mantra-72}”Adhyāya: 33 | Mantra: 72
kāvya̍yorā̱jāne̍ṣu̱ kratvā̱ dakṣa̍sya duro̱ṇe | ri̱śāda̍sā sa̱dhastha̱ ā
Mantra 73 {#mantra-73}
Section titled “Mantra 73 {#mantra-73}”Adhyāya: 33 | Mantra: 73
dai̍vyāvadhvaryū̱ ā ga̍ta rathe̍na̱ sūrya̍tvacā | madhvā̍ ya̱jña sama̍ñjāthe | taṃ pra̱tnathā̱ ‘yaṃ ve̱naḥ
Mantra 74 {#mantra-74}
Section titled “Mantra 74 {#mantra-74}”Adhyāya: 33 | Mantra: 74
ti̱ra̱ścīno̱ vita̍to ra̱śmire̍ṣāma̱dhaḥ svi̍dā̱sī3du̱pari̍ svidāsī3t | re̱to̱dhā ā̍sanmahi̱māna̍ āsantsva̱dhā a̱vastā̱tpraya̍tiḥ pa̱rastā̍t
Mantra 75 {#mantra-75}
Section titled “Mantra 75 {#mantra-75}”Adhyāya: 33 | Mantra: 75
ā roda̍sī apṛṇa̱dā sva̍rma̱hajjā̱taṃ yade̍nama̱paso̱ adhā̍rayan | so a̍dhva̱rāya̱ pari̍ ṇīyate ka̱viratyo̱ na vāja̍sātaye̱ cano̍hitaḥ
Mantra 76 {#mantra-76}
Section titled “Mantra 76 {#mantra-76}”Adhyāya: 33 | Mantra: 76
u̱kthebhi̍rvṛtra̱hanta̍mā̱ yā ma̍ndā̱nā ci̱dā gi̱rā | ā̱ṅgū̱ṣairā̱vivā̍sataḥ
Mantra 77 {#mantra-77}
Section titled “Mantra 77 {#mantra-77}”Adhyāya: 33 | Mantra: 77
upa̍ naḥ sū̱navo̱ gira̍: śṛ̱ṇvantva̱mṛta̍sya̱ ye | su̱mṛ̱ḍī̱kā bha̍vantu naḥ
Mantra 78 {#mantra-78}
Section titled “Mantra 78 {#mantra-78}”Adhyāya: 33 | Mantra: 78
brahmā̍ṇi me ma̱taya̱: śa su̱tāsa̱: śuṣma̍ iyarti̱ prabhṛ̍to me̱ adri̍: | ā śā̍sate̱ prati̍ haryantyu̱kthemā harī̍ vahata̱stā no̱ accha̍
Mantra 79 {#mantra-79}
Section titled “Mantra 79 {#mantra-79}”Adhyāya: 33 | Mantra: 79
anu̍tta̱mā te̍ maghava̱nnaki̱rnu na tvāvā̍m̐2 asti de̱vatā̱ vidā̍naḥ | na jāya̍māno̱ naśa̍te̱ na jā̱to yāni̍ kari̱ṣyā kṛ̍ṇu̱hi pra̍vṛddha
Mantra 80 {#mantra-80}
Section titled “Mantra 80 {#mantra-80}”Adhyāya: 33 | Mantra: 80
tadidā̍sa̱ bhuva̍neṣu̱ jyeṣṭha̱ṃ yato̍ ja̱jña u̱grastve̱ṣanṛ̍mṇaḥ | sa̱dyo ja̍jñā̱no ni ri̍ṇāti̱ śatrū̱nanu̱ yaṃ viśve̱ mada̱ntyūmā̍:
Mantra 81 {#mantra-81}
Section titled “Mantra 81 {#mantra-81}”Adhyāya: 33 | Mantra: 81
i̱mā u̍ tvā purūvaso̱ giro̍ vardhantu̱ yā mama̍ | pā̱va̱kava̍rṇā̱: śuca̍yo vipa̱ścito̱’bhi stomai̍ranūṣata
Mantra 82 {#mantra-82}
Section titled “Mantra 82 {#mantra-82}”Adhyāya: 33 | Mantra: 82
yasyā̱yaṃ viśva̱ āryo̱ dāsa̍: śevadhi̱pā a̱riḥ | ti̱raści̍da̱rye ru̱śame̱ pavī̍ravi̱ tubhyetso a̍jyate ra̱yiḥ
Mantra 83 {#mantra-83}
Section titled “Mantra 83 {#mantra-83}”Adhyāya: 33 | Mantra: 83
a̱ya sa̱hasra̱mṛṣi̍bhi̱: saha̍skṛtaḥ samu̱dra i̍va paprathe | sa̱tyaḥ so a̍sya mahi̱mā gṛ̍ṇe̱ śavo̍ ya̱jñeṣu̍ vipra̱rājye̍
Mantra 84 {#mantra-84}
Section titled “Mantra 84 {#mantra-84}”Adhyāya: 33 | Mantra: 84
ada̍bdhebhiḥ savitaḥ pā̱yubhi̱ṣṭva śi̱vebhi̍ra̱dya pari̍ pāhi no̱ gaya̍m | hira̍ṇyajihvaḥ suvi̱tāya̱ navya̍se̱ rakṣā̱ māki̍rno a̱ghaśasa īśata
Mantra 85 {#mantra-85}
Section titled “Mantra 85 {#mantra-85}”Adhyāya: 33 | Mantra: 85
ā no̍ ya̱jñaṃ di̍vi̱spṛśa̱ṃ vāyo̍ yā̱hi su̱manma̍bhiḥ | a̱ntaḥ pa̱vitra̍ u̱pari̍ śrīṇā̱no’ya śu̱kro a̍yāmi te
Mantra 86 {#mantra-86}
Section titled “Mantra 86 {#mantra-86}”Adhyāya: 33 | Mantra: 86
i̱ndra̱vā̱yū su̍sa̱ndṛśā̍ su̱have̱ha ha̍vāmahe | yathā̍ na̱: sarva̱ ijjano̍’namī̱vaḥ sa̱ṅgame̍ su̱manā̱ asa̍t
Mantra 87 {#mantra-87}
Section titled “Mantra 87 {#mantra-87}”Adhyāya: 33 | Mantra: 87
ṛdha̍gi̱tthā sa martya̍: śaśa̱me de̱vatā̍taye | yo nū̱naṃ mi̱trāvaru̍ṇāva̱bhiṣṭa̍ya āca̱kre ha̱vyadā̍taye
Mantra 88 {#mantra-88}
Section titled “Mantra 88 {#mantra-88}”Adhyāya: 33 | Mantra: 88
ā yā̍ta̱mupa̍ bhūṣata̱ṃ madhva̍: pibatamaśvinā | du̱gdhaṃ payo̍ vṛṣaṇā jenyāvasū̱ mā no̍ mardhiṣṭa̱mā ga̍tam
Mantra 89 {#mantra-89}
Section titled “Mantra 89 {#mantra-89}”Adhyāya: 33 | Mantra: 89
praitu̱ brahma̍ṇa̱spati̱: pra de̱vye̱tu sū̱nṛtā̍ | acchā̍ vī̱raṃ narya̍ṃ pa̱ṅktirā̍dhasaṃ de̱vā ya̱jñaṃ na̍yantu naḥ
Mantra 90 {#mantra-90}
Section titled “Mantra 90 {#mantra-90}”Adhyāya: 33 | Mantra: 90
ca̱ndramā̍ a̱psvantarā su̍pa̱rṇo dhā̍vate di̱vi | ra̱yiṃ pi̱śaṅga̍ṃ bahu̱laṃ pu̍ru̱spṛha hari̍reti̱ kani̍kradat
Mantra 91 {#mantra-91}
Section titled “Mantra 91 {#mantra-91}”Adhyāya: 33 | Mantra: 91
de̱vaṃ-de̍va̱ṃ vo’va̍se de̱vaṃ-de̍vama̱bhiṣṭa̍ye | de̱vaṃ-de̍va huvema̱ vāja̍sātaye gṛ̱ṇanto̍ de̱vyā dhi̱yā
Mantra 92 {#mantra-92}
Section titled “Mantra 92 {#mantra-92}”Adhyāya: 33 | Mantra: 92
di̱vi pṛ̱ṣṭo a̍rocatā̱gnirvai̍śvāna̱ro bṛ̱han | kṣmayā̍ vṛdhā̱na oja̍sā̱ cano̍hito̱ jyoti̍ṣā bādhate̱ tama̍:
Mantra 93 {#mantra-93}
Section titled “Mantra 93 {#mantra-93}”Adhyāya: 33 | Mantra: 93
indrā̍gnī a̱pādi̱yaṃ pūrvāgā̍t pa̱dvatī̍bhyaḥ | hi̱tvī śiro̍ ji̱hvayā̱ vāva̍da̱ccara̍ttriśatpa̱dā nya̍kramīt
Mantra 94 {#mantra-94}
Section titled “Mantra 94 {#mantra-94}”Adhyāya: 33 | Mantra: 94
de̱vāso̱ hi ṣmā̱ mana̍ve̱ sama̍nyavo̱ viśve̍ sā̱ka sarā̍tayaḥ | te no̍ a̱dya te a̍pa̱raṃ tu̱ce tu no̱ bhava̍ntu varivo̱vida̍:
Mantra 95 {#mantra-95}
Section titled “Mantra 95 {#mantra-95}”Adhyāya: 33 | Mantra: 95
apā̍dhamada̱bhiśa̍stīraśasti̱hāthendro̍ dyu̱mnyābha̍vat | da̱vāsta̍ indra sa̱khyāya̍ yemire̱ bṛha̍dbhāno̱ maru̍dgaṇa
Mantra 96 {#mantra-96}
Section titled “Mantra 96 {#mantra-96}”Adhyāya: 33 | Mantra: 96
pra va̱ indrā̍ya bṛha̱te maru̍to̱ brahmā̍rcata | vṛ̱tra ha̍nati vṛtra̱hā śa̱takra̍tu̱rvajre̍ṇa śa̱tapa̍rvaṇā
Mantra 97 {#mantra-97}
Section titled “Mantra 97 {#mantra-97}”Adhyāya: 33 | Mantra: 97
a̱syedindro̍ vāvṛdhe̱ vṛṣṇya śavo̱ made̍ su̱tasya̱ viṣṇa̍vi | a̱dyā tama̍sya mahi̱māna̍mā̱yavo’nu̍ ṣṭuvanti pū̱rvathā̍ | i̱mā u̍ tvā yasyā̱yama̱ya sa̱hasra̍mū̱rdhva ū̱ ṣu ṇa̍: