Vājasaneyi Madhyandina Saṃhitā — Chapter 26 (26 mantras)
Vājasaneyi Madhyandina Saṃhitā — Chapter 26
Section titled “Vājasaneyi Madhyandina Saṃhitā — Chapter 26”a̱gniśca̍ pṛthi̱vī ca̱ sanna̍te̱ te me̱ saṃ na̍matāma̱do vā̱yuścā̱ntari̍kṣaṃ ca̱ sanna̍te̱ te me̱ saṃ na̍matāma̱da ā̍di̱tyaśca dyauśca̱ sanna̍te̱ te me̱ saṃ na̍matāma̱da āpa̍śca̱ varu̍ṇaśca̱ sanna̍te̱ te me̱ saṃ na̍matāma̱daḥ |
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 26 | Mantra: 1
sa̱pta sasado̍ aṣṭa̱mī bhū̍ta̱sādha̍nī | sakā̍mā̱m̐2adhva̍naskuru sa̱ṃjñāna̍mastu me̱’munā̍
Mantra 2 {#mantra-2}
Section titled “Mantra 2 {#mantra-2}”Adhyāya: 26 | Mantra: 2
yathe̱māṃ vāca̍ṃ kalyā̱ṇīmā̱vadā̍ni̱ jane̍bhyaḥ | bra̱hma̱rā̱ja̱nyā̱bhyā śū̱drāya̱ cāryā̍ya ca̱ svāya̱ cāra̍ṇāya ca | pri̱yo de̱vānā̱ṃ dakṣi̍ṇāyai dā̱turi̱ha bhū̍yāsama̱yaṃ me̱ kāma̱: samṛ̍dhyatā̱mupa̍ mā̱do na̍matu
Mantra 3 {#mantra-3}
Section titled “Mantra 3 {#mantra-3}”Adhyāya: 26 | Mantra: 3
bṛha̍spate̱ ati̱ yada̱ryo arhā̍d dyu̱madvi̱bhāti̱ kratu̍ma̱jjane̍ṣu | yaddī̱daya̱cchava̍sa ṛtaprajāta̱ tada̱smāsu̱ dravi̍ṇaṃ dhehi ci̱tram | u̱pa̱yā̱magṛ̍hīto’si̱ bṛha̱spata̍ye tvai̱ṣa te̱ yoni̱rbṛha̱spata̍ye tvā
Mantra 4 {#mantra-4}
Section titled “Mantra 4 {#mantra-4}”Adhyāya: 26 | Mantra: 4
indra̱ goma̍nni̱hā yā̍hi̱ pibā̱ soma śatakrato | vi̱dyadbhi̱rgrāva̍bhiḥ su̱tam | u̱pa̱yā̱magṛ̍hīto̱’sīndrā̍ya tvā̱ goma̍ta e̱ṣa te̱ yoni̱rindrā̍ya tvā̱ goma̍te
Mantra 5 {#mantra-5}
Section titled “Mantra 5 {#mantra-5}”Adhyāya: 26 | Mantra: 5
indrā yā̍hi vṛtraha̱npibā̱ soma śatakrato | goma̍dbhi̱rgrāva̍bhiḥ su̱tam | u̱pa̱yā̱magṛ̍hīto̱’sīndrā̍ya tvā̱ goma̍ta e̱ṣa te̱ yoni̱rindrā̍ya tvā̱ goma̍te
Mantra 6 {#mantra-6}
Section titled “Mantra 6 {#mantra-6}”Adhyāya: 26 | Mantra: 6
ṛ̱tāvā̍naṃ vaiśvāna̱ramṛ̱tasya̱ jyoti̍ṣa̱spati̍m | aja̍sraṃ gha̱rmamī̍mahe | u̱pa̱yā̱magṛ̍hīto’si vaiśvāna̱rāya̍ tvai̱ṣa te̱ yoni̍rvaiśvāna̱rāya̍ tvā
Mantra 7 {#mantra-7}
Section titled “Mantra 7 {#mantra-7}”Adhyāya: 26 | Mantra: 7
vai̱śvā̱na̱rasya̍ suma̱tau syā̍ma̱ rājā̱ hi ka̱ṃ bhuva̍nānāmabhi̱śrīḥ | i̱to jā̱to viśva̍mi̱daṃ vi ca̍ṣṭe vaiśvāna̱ro ya̍tate̱ sūrye̍ṇa | u̱pa̱yā̱magṛ̍hīto’si vaiśvāna̱rāya̍ tvai̱ṣa te̱ yoni̍rvaiśvāna̱rāya̍ tvā
Mantra 8 {#mantra-8}
Section titled “Mantra 8 {#mantra-8}”Adhyāya: 26 | Mantra: 8
vai̱śvā̱na̱ro na ū̱taya̱ ā pra yā̍tu parā̱vata̍: | a̱gniru̱kthena̱ vāha̍sā | u̱pa̱yā̱magṛ̍hīto’si vaiśvāna̱rāya̍ tvai̱ṣa te̱ yoni̍rvaiśvāna̱rāya̍ tvā
Mantra 9 {#mantra-9}
Section titled “Mantra 9 {#mantra-9}”Adhyāya: 26 | Mantra: 9
a̱gnirṛṣi̱: pava̍māna̱: pāñca̍janyaḥ pu̱rohi̍taḥ | tamī̍mahe mahāga̱yam | u̱pa̱yā̱magṛ̍hīto’sya̱gnaye̍ tvā̱ varca̍sa e̱ṣa te̱ yoni̍ra̱gnaye̍ tvā̱ varca̍se
Mantra 10 {#mantra-10}
Section titled “Mantra 10 {#mantra-10}”Adhyāya: 26 | Mantra: 10
ma̱hām̐2 indro̱ vajra̍hastaḥ ṣoḍa̱śī śarma̍ yacchatu | hantu̍ pā̱pmāna̱ṃ yo’smāndveṣṭi̍ || u̱pa̱yā̱magṛ̍hīto’si mahe̱ndrāya̍ tvai̱ṣa te̱ yoni̍rmahe̱ndrāya̍ tvā
Mantra 11 {#mantra-11}
Section titled “Mantra 11 {#mantra-11}”Adhyāya: 26 | Mantra: 11
taṃ vo̍ da̱smamṛ̍tī̱ṣaha̱ṃ vaso̍rmandā̱namandha̍saḥ | a̱bhi va̱tsaṃ na svasa̍reṣu dhe̱nava̱ indra̍ṃ gī̱rbhirna̍vāmahe
Mantra 12 {#mantra-12}
Section titled “Mantra 12 {#mantra-12}”Adhyāya: 26 | Mantra: 12
yadvāhi̍ṣṭha̱ṃ tada̱gnaye̍ bṛ̱hada̍rca vibhāvaso | mahi̍ṣīva̱ tvadra̱yistvadvājā̱ udī̍rate
Mantra 13 {#mantra-13}
Section titled “Mantra 13 {#mantra-13}”Adhyāya: 26 | Mantra: 13
ehyū̱ ṣu bravā̍ṇi̱ te’gna̍ i̱ttheta̍rā̱ gira̍: | e̱bhirva̍rdhāsa̱ indu̍bhiḥ
Mantra 14 {#mantra-14}
Section titled “Mantra 14 {#mantra-14}”Adhyāya: 26 | Mantra: 14
ṛ̱tava̍ste ya̱jñaṃ vi ta̍nvantu̱ māsā̱ rakṣa̍ntu te̱ havi̍: | sa̱ṃva̱tsa̱raste̍ ya̱jñaṃ da̍dhātu naḥ pra̱jāṃ ca̱ pari̍ pātu naḥ
Mantra 15 {#mantra-15}
Section titled “Mantra 15 {#mantra-15}”Adhyāya: 26 | Mantra: 15
u̱pa̱hva̱re gi̍rī̱ṇā sa̍ṅga̱me ca̍ na̱dī̱nā̍m | dhi̱yā vipro̍ ajāyata
Mantra 16 {#mantra-16}
Section titled “Mantra 16 {#mantra-16}”Adhyāya: 26 | Mantra: 16
u̱ccā te̍ jā̱tamandha̍so di̱vi sadbhūmyā da̍de | u̱gra śarma̱ mahi̱ śrava̍:
Mantra 17 {#mantra-17}
Section titled “Mantra 17 {#mantra-17}”Adhyāya: 26 | Mantra: 17
sa na̱ indrā̍ya̱ yajya̍ve̱ varu̍ṇāya ma̱rudbhya̍: | va̱ri̱vo̱vitpari̍ srava
Mantra 18 {#mantra-18}
Section titled “Mantra 18 {#mantra-18}”Adhyāya: 26 | Mantra: 18
e̱nā viśvā̍nya̱rya ā dyu̱mnāni̱ mānu̍ṣāṇām | siṣā̍santo vanāmahe
Mantra 19 {#mantra-19}
Section titled “Mantra 19 {#mantra-19}”Adhyāya: 26 | Mantra: 19
anu̍ vīrai̱ranu̍ puṣyāsma̱ gobhi̱ranvaśvai̱ranu̱ sarve̍ṇa pu̱ṣṭaiḥ | anu̱ dvipa̱dā’nu̱ catu̍ṣpadā va̱yaṃ de̱vā no̍ ya̱jñamṛ̍tu̱thā na̍yantu
Mantra 20 {#mantra-20}
Section titled “Mantra 20 {#mantra-20}”Adhyāya: 26 | Mantra: 20
agne̱ patnī̍ri̱hā va̍ha de̱vānā̍muśa̱tīrupa̍ | tvaṣṭā̍ra soma̍pītaye
Mantra 21 {#mantra-21}
Section titled “Mantra 21 {#mantra-21}”Adhyāya: 26 | Mantra: 21
a̱bhi ya̱jñaṃ gṛ̍ṇīhi no̱ gnāvo̱ neṣṭa̱: piba̍ ṛ̱tunā̍ | tva hi ra̍tna̱dhā asi̍
Mantra 22 {#mantra-22}
Section titled “Mantra 22 {#mantra-22}”Adhyāya: 26 | Mantra: 22
dra̱vi̱ṇo̱dāḥ pi̍pīṣati ju̱hota̱ pra ca̍ tiṣṭhata | ne̱ṣṭrādṛ̱tubhi̍riṣyata
Mantra 23 {#mantra-23}
Section titled “Mantra 23 {#mantra-23}”Adhyāya: 26 | Mantra: 23
tavā̱ya soma̱stvamehya̱rvāḍ śa̍śvatta̱ma su̱manā̍ a̱sya pā̍hi | a̱smin ya̱jñe ba̱rhiṣyā ni̱ṣadyā̍ dadhi̱ṣvemaṃ ja̱ṭhara̱ indu̍mindra
Mantra 24 {#mantra-24}
Section titled “Mantra 24 {#mantra-24}”Adhyāya: 26 | Mantra: 24
a̱meva̍ naḥ suhavā̱ ā hi ganta̍na̱ ni ba̱rhiṣi̍ sadatanā̱ raṇi̍ṣṭana | athā̍ mandasva jujuṣā̱ṇo andha̍sa̱stvaṣṭa̍rde̱vebhi̱rjani̍bhiḥ su̱madga̍ṇaḥ
Mantra 25 {#mantra-25}
Section titled “Mantra 25 {#mantra-25}”Adhyāya: 26 | Mantra: 25
svādi̍ṣṭhayā̱ madi̍ṣṭhayā̱ pava̍sva soma̱ dhāra̍yā | indrā̍ya̱ pāta̍ve su̱taḥ
Mantra 26 {#mantra-26}
Section titled “Mantra 26 {#mantra-26}”Adhyāya: 26 | Mantra: 26
ra̱kṣo̱hā vi̱śvaca̍rṣaṇira̱bhi yoni̱mayo̍hate | droṇe̍ sa̱dhastha̱māsa̍dat