Vājasaneyi Madhyandina Saṃhitā — Chapter 31 (22 mantras)
Vājasaneyi Madhyandina Saṃhitā — Chapter 31
Section titled “Vājasaneyi Madhyandina Saṃhitā — Chapter 31”sa̱hasra̍śīrṣā̱ puru̍ṣaḥ sahasrā̱kṣaḥ sa̱hasra̍pāt |
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 31 | Mantra: 1
sa bhūmi sa̱rvata̍ spṛ̱tvā’tya̍tiṣṭhaddaśāṅgu̱lam
Mantra 2 {#mantra-2}
Section titled “Mantra 2 {#mantra-2}”Adhyāya: 31 | Mantra: 2
puru̍ṣa e̱veda sarva̱ṃ yadbhū̱taṃ yacca̍ bhā̱vya̱m | u̱tāmṛ̍ta̱tvasyeśā̍no̱ yadanne̍nāti̱roha̍ti
Mantra 3 {#mantra-3}
Section titled “Mantra 3 {#mantra-3}”Adhyāya: 31 | Mantra: 3
e̱tāvā̍nasya mahi̱māto̱ jyāyā̍m̐śca̱ pūru̍ṣaḥ | pādo̍’sya̱ viśvā̍ bhū̱tāni̍ tri̱pāda̍syā̱mṛta̍ṃ di̱vi
Mantra 4 {#mantra-4}
Section titled “Mantra 4 {#mantra-4}”Adhyāya: 31 | Mantra: 4
tri̱pādū̱rdhva udai̱tpuru̍ṣa̱: pādo̍’sye̱hābha̍va̱t puna̍: | tato̱ viṣva̱ṅ vya̱krāmatsāśanānaśa̱ne a̱bhi
Mantra 5 {#mantra-5}
Section titled “Mantra 5 {#mantra-5}”Adhyāya: 31 | Mantra: 5
tato̍ vi̱rāḍa̍jāyata vi̱rājo̱ adhi̱ pūru̍ṣaḥ | sa jā̱to atya̍ricyata pa̱ścādbhūmi̱matho̍ pu̱raḥ
Mantra 6 {#mantra-6}
Section titled “Mantra 6 {#mantra-6}”Adhyāya: 31 | Mantra: 6
tasmā̍dya̱jñātsa̍rva̱huta̱: sambhṛ̍taṃ pṛṣadā̱jyam | pa̱śūm̐stām̐śca̍kre vāya̱vyā̱nāra̱ṇyā grā̱myāśca̱ ye
Mantra 7 {#mantra-7}
Section titled “Mantra 7 {#mantra-7}”Adhyāya: 31 | Mantra: 7
tasmā̍dya̱jñāt sa̍rva̱huta̱ ṛca̱: sāmā̍ni jajñire | chandāsi jajñire̱ tasmā̱dyaju̱stasmā̍dajāyata
Mantra 8 {#mantra-8}
Section titled “Mantra 8 {#mantra-8}”Adhyāya: 31 | Mantra: 8
tasmā̱daśvā̍ ajāyanta̱ ye ke co̍bha̱yāda̍taḥ | gāvo̍ ha jajñire̱ tasmā̱ttasmā̍jjā̱tā a̍jā̱vaya̍:
Mantra 9 {#mantra-9}
Section titled “Mantra 9 {#mantra-9}”Adhyāya: 31 | Mantra: 9
taṃ ya̱jñaṃ ba̱rhiṣi̱ praukṣa̱n puru̍ṣaṃ jā̱tama̍gra̱taḥ | tena̍ de̱vā a̍yajanta sā̱dhyā ṛṣa̍yaśca̱ ye
Mantra 10 {#mantra-10}
Section titled “Mantra 10 {#mantra-10}”Adhyāya: 31 | Mantra: 10
yatpuru̍ṣa̱ṃ vyada̍dhuḥ kati̱dhā vya̍kalpayan | mukha̱ṃ kima̍syāsī̱t kiṃ bā̱hū kimū̱rū pādā̍ ucyete
Mantra 11 {#mantra-11}
Section titled “Mantra 11 {#mantra-11}”Adhyāya: 31 | Mantra: 11
brā̱hma̱ṇo̱’sya̱ mukha̍māsīdbā̱hū rā̍ja̱nya̱: kṛ̱taḥ | ū̱rū tada̍sya̱ yadvai̍śyaḥ pa̱dbhyā śū̱dro a̍jāyata
Mantra 12 {#mantra-12}
Section titled “Mantra 12 {#mantra-12}”Adhyāya: 31 | Mantra: 12
ca̱ndramā̱ mana̍so jā̱taścakṣo̱ḥ sūryo̍ ajāyata | śrotrā̍dvā̱yuśca̍ prā̱ṇaśca̱ mukhā̍da̱gnira̍jāyata
Mantra 13 {#mantra-13}
Section titled “Mantra 13 {#mantra-13}”Adhyāya: 31 | Mantra: 13
nābhyā̍ āsīda̱ntari̍kṣa śī̱rṣṇo dyau̱: sama̍vartata | pa̱dbhyāṃ bhūmi̱rdiśa̱: śrotrā̱ttathā̍ lo̱kām̐2 a̍kalpayan
Mantra 14 {#mantra-14}
Section titled “Mantra 14 {#mantra-14}”Adhyāya: 31 | Mantra: 14
yatpuru̍ṣeṇa ha̱viṣā̍ de̱vā ya̱jñamata̍nvata | va̱sa̱nto̱’syāsī̱dājya̍ṃ grī̱ṣma i̱dhmaḥ śa̱raddha̱viḥ
Mantra 15 {#mantra-15}
Section titled “Mantra 15 {#mantra-15}”Adhyāya: 31 | Mantra: 15
sa̱ptāsyā̍san pari̱dhaya̱striḥ sa̱pta sa̱midha̍: kṛ̱tāḥ | de̱vā yadya̱jñaṃ ta̍nvā̱nā aba̍dhna̱n puru̍ṣaṃ pa̱śum
Mantra 16 {#mantra-16}
Section titled “Mantra 16 {#mantra-16}”Adhyāya: 31 | Mantra: 16
ya̱jñena̍ ya̱jñama̍yajanta de̱vāstāni̱ dharmā̍ṇi pratha̱mānyā̍san | te ha̱ nāka̍ṃ mahi̱māna̍: sacanta̱ yatra̱ pūrve̍ sā̱dhyāḥ santi̍ de̱vāḥ
Mantra 17 {#mantra-17}
Section titled “Mantra 17 {#mantra-17}”Adhyāya: 31 | Mantra: 17
a̱dbhyaḥ sambhṛ̍taḥ pṛthivyai̱ rasā̍cca vi̱śvaka̍rmaṇa̱: sama̍varta̱tāgre̍ | tasya̱ tvaṣṭā̍ vi̱dadha̍drū̱pame̍ti̱ tanmartya̍sya deva̱tvamā̱jāna̱magre̍
Mantra 18 {#mantra-18}
Section titled “Mantra 18 {#mantra-18}”Adhyāya: 31 | Mantra: 18
vedā̱hame̱taṃ puru̍ṣaṃ ma̱hānta̍mādi̱tyava̍rṇa̱ṃ tama̍saḥ pa̱rastā̍t | tame̱va vi̍di̱tvāti̍ mṛ̱tyume̍ti̱ nānyaḥ panthā̍ vidya̱te’ya̍nāya
Mantra 19 {#mantra-19}
Section titled “Mantra 19 {#mantra-19}”Adhyāya: 31 | Mantra: 19
pra̱jāpa̍tiśca̱rati̱ garbhe̍ a̱ntarajā̍yamāno bahu̱dhā vi jā̍yate | tasya̱ yoni̱ṃ pari̍ paśyanti̱ dhīrā̱stasmi̍n ha tasthu̱rbhuva̍nāni̱ viśvā̍
Mantra 20 {#mantra-20}
Section titled “Mantra 20 {#mantra-20}”Adhyāya: 31 | Mantra: 20
yo de̱vebhya̍ ā̱tapa̍ti̱ yo de̱vānā̍ṃ pu̱rohi̍taḥ | pūrvo̱ yo de̱vebhyo̍ jā̱to namo̍ ru̱cāya̱ brāhma̍ye
Mantra 21 {#mantra-21}
Section titled “Mantra 21 {#mantra-21}”Adhyāya: 31 | Mantra: 21
ru̱caṃ brā̱hmyaṃ ja̱naya̍nto de̱vā agre̱ tada̍bruvan | yastvai̱vaṃ brā̍hma̱ṇo vi̱dyāttasya̍ de̱vā a̍sa̱n vaśe̍
Mantra 22 {#mantra-22}
Section titled “Mantra 22 {#mantra-22}”Adhyāya: 31 | Mantra: 22
śrīśca̍ te la̱kṣmīśca̱ patnyā̍vahorā̱tre pā̱rśve nakṣa̍trāṇi rū̱pama̱śvinau̱ vyātta̍m | i̱ṣṇanni̍ṣāṇā̱muṃ ma̍ iṣāṇa sarvalo̱kaṃ ma̍ iṣāṇa