Vājasaneyi Kanva Saṃhitā — Chapter 1 (49 mantras)
Vājasaneyi Kanva Saṃhitā — Chapter 1
Section titled “Vājasaneyi Kanva Saṃhitā — Chapter 1”atha prathamo daśakaḥ| atha prathamo’dhyāyaḥ|
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 1 | Mantra: 1
||oṃ|| i̱ṣe tvo̱rje tvā̍ vā̱yava̍ stha| de̱vo va̍ḥ savi̱tā prārpa̍yatu̱ śreṣṭha̍tamāya̱ karma̍ṇe
Mantra 2 {#mantra-2}
Section titled “Mantra 2 {#mantra-2}”Adhyāya: 1 | Mantra: 2
āpyā̍yadhvamaghnyā̱ indrā̍ya bhā̱gaṃ pra̱jāva̍tīranamī̱vā a̍ya̱kṣmāḥ| mā va̍ ste̱na ī̍śata̱ māghaśṛ̍ saḥ
Mantra 3 {#mantra-3}
Section titled “Mantra 3 {#mantra-3}”Adhyāya: 1 | Mantra: 3
dhru̱vā a̱smin gopa̍tau syāta ba̱hvīḥ| yaja̍mānasya pa̱śūn pā̍hi̱ vaso̍ḥ pa̱vitra̍masi
Mantra 4 {#mantra-4}
Section titled “Mantra 4 {#mantra-4}”Adhyāya: 1 | Mantra: 4
dyaura̍si pṛthi̱vya̍si māta̱riśva̍no gha̱rmo̍’si| vi̱śvadhā̍ḥ para̱meṇa̱ dhāmnā̍
Mantra 5 {#mantra-5}
Section titled “Mantra 5 {#mantra-5}”Adhyāya: 1 | Mantra: 5
dṛha̍sva mā hvā̱rmā te̍ ya̱jñapa̍tirhvārṣīt |vaso̍ḥ pa̱vitra̍masi śa̱tadhā̍ra̱ṃ vaso̍ḥ pa̱vitra̍masi sa̱hasra̍dhāram
Mantra 6 {#mantra-6}
Section titled “Mantra 6 {#mantra-6}”Adhyāya: 1 | Mantra: 6
de̱vastvā̍ savi̱tā pu̍nātu̱ vaso̍ḥ pa̱vitre̍ṇa śa̱tadhā̍reṇa| su̱pvā̱ kāma̍dhukṣaḥ || 3|| 6 sā vi̱śvāyu̱ḥ sā vi̱śvaka̍rmā̱ sā vi̱śvadhā̍yāḥ|indra̍sya tvā bhā̱gṛ some̱nāta̍nakmi̱ viṣṇo̍ ha̱vyṛ ra̍kṣasva
Mantra 7 {#mantra-7}
Section titled “Mantra 7 {#mantra-7}”Adhyāya: 1 | Mantra: 7
agne̍ vratapate vra̱taṃ ca̍riṣyāmi̱ taccha̍keya̱ṃ tanme̍ rādhyatām | i̱dama̱hamanṛ̍tāt sa̱tyamupai̍mi
Mantra 8 {#mantra-8}
Section titled “Mantra 8 {#mantra-8}”Adhyāya: 1 | Mantra: 8
kastvā̍ yunakti̱ sa tvā̍ yunakti̱ kasmai̍ tvā yunakti̱ tasmai̍ tvā yunakti | karma̍ṇe vā̱ṃ veṣā̍ya vām
Mantra 9 {#mantra-9}
Section titled “Mantra 9 {#mantra-9}”Adhyāya: 1 | Mantra: 9
pratyu̍ṣṭṛ̱ rakṣa̱ḥ pratyu̍ṣṭā̱ arā̍tayo̱ niṣṭa̍pta̱ rakṣo̱ niṣṭa̍ptā̱ arā̍tayaḥ | u̱rva̱ntari̍kṣa̱manve̍mi
Mantra 10 {#mantra-10}
Section titled “Mantra 10 {#mantra-10}”Adhyāya: 1 | Mantra: 10
dhūra̍si̱ dhūrva̱ dhūrva̍nta̱ṃ dhūrva̱ taṃ yo̱smān dhūrva̍ti|dhūrva̱ taṃ yaṃ va̱yaṃ dhūrvā̍maḥ
Mantra 11 {#mantra-11}
Section titled “Mantra 11 {#mantra-11}”Adhyāya: 1 | Mantra: 11
de̱vānā̍masi̱ sasni̍tama̱ṃ vahni̍tama̱ṃ papri̍tama̱ṃ juṣṭa̍tamaṃ deva̱hūta̍mam|ahru̍tamasi havi̱rdhāna̱ṃ dṛha̍sva̱ mā hvā̱rmā te̍ ya̱jñapa̍tirhvārṣīt
Mantra 12 {#mantra-12}
Section titled “Mantra 12 {#mantra-12}”Adhyāya: 1 | Mantra: 12
viṣṇu̍stvā kramatāmu̱ru vātā̱yāpa̍hata̱ rakṣo̱ yaccha̍ntā̱ṃ pañca̍|de̱vasya̍ tvā savi̱tuḥ pra̍sa̱ve̱śvino̍rbā̱hubhyā̍ṃ pū̱ṣṇo hastā̍bhyām
Mantra 13 {#mantra-13}
Section titled “Mantra 13 {#mantra-13}”Adhyāya: 1 | Mantra: 13
a̱gnaye̱ juṣṭa̍ṃ gṛhṇāmya̱gnīṣomā̍bhyā̱ṃ juṣṭa̍ṃ gṛhṇāmi| bhū̱tāya̍ tvā̱ nārā̍taye̱ sva̍rabhi̱vikhye̍ṣam
Mantra 14 {#mantra-14}
Section titled “Mantra 14 {#mantra-14}”Adhyāya: 1 | Mantra: 14
dṛha̍ntā̱ṃ duryā̍ḥ pṛthi̱vyāmu̱rva̱ntari̍kṣa̱manve̍mi|pṛ̱thi̱vyāstvā̱ nābhau̍ sādayā̱myadi̍tyā u̱pasthe̍|agne̍ ha̱vyara̍kṣasva
Mantra 15 {#mantra-15}
Section titled “Mantra 15 {#mantra-15}”Adhyāya: 1 | Mantra: 15
pa̱vitre̍ stho vaiṣṇa̱vyau̍ sa̍vi̱turva̍ḥ prasa̱va utpu̍nā̱mi| achi̍dreṇa pa̱vitre̍ṇa̱ sūrya̍sya ra̱śmibhi̍ḥ
Mantra 16 {#mantra-16}
Section titled “Mantra 16 {#mantra-16}”Adhyāya: 1 | Mantra: 16
devī̍rāpo agreguvo agrepuvaḥ| agra̍ i̱mama̱dya ya̱jñaṃ na̍yata su̱dhātu̍ṃ ya̱jñapa̍tiṃ devā̱yuva̍m
Mantra 17 {#mantra-17}
Section titled “Mantra 17 {#mantra-17}”Adhyāya: 1 | Mantra: 17
yu̱ṣmā indro̍’vṛṇīta vṛtra̱tūrye̍ yū̱yamindra̍mavṛṇīdhvaṃ vṛtra̱tūrye̱ prokṣi̍tā stha |a̱gnaye̍ tvā̱ juṣṭa̱ṃ prokṣā̍mya̱gnīṣomā̍bhyāṃ tvā̱ juṣṭa̱ṃ prokṣā̍mi
Mantra 18 {#mantra-18}
Section titled “Mantra 18 {#mantra-18}”Adhyāya: 1 | Mantra: 18
dai̍vyāya̱ karma̍ṇe śundhadhvaṃ devaya̱jyāyai̍| yadvo’śu̍ddhaḥ parāja̱ghānai̱tadva̱stacchu̍ndhāmi
Mantra 19 {#mantra-19}
Section titled “Mantra 19 {#mantra-19}”Adhyāya: 1 | Mantra: 19
śarmā̱syava̍dhūtṛ̱ rakṣo’va̍dhūtā̱ arā̍tayaḥ| adi̍tyā̱stvaga̍si̱ prati̱ tvādi̍tirvettu
Mantra 20 {#mantra-20}
Section titled “Mantra 20 {#mantra-20}”Adhyāya: 1 | Mantra: 20
adri̍rasi vānaspa̱tyo grāvā̍si pṛ̱thubu̍dhnaḥ| prati̱ tvādi̍tyā̱stvagve̍ttu
Mantra 21 {#mantra-21}
Section titled “Mantra 21 {#mantra-21}”Adhyāya: 1 | Mantra: 21
a̱gnesta̱nūra̍si vā̱co vi̱sarja̍nam| de̱vavī̍taye tvā gṛhṇāmi
Mantra 22 {#mantra-22}
Section titled “Mantra 22 {#mantra-22}”Adhyāya: 1 | Mantra: 22
bṛ̱han grāvā̍si vānaspa̱tyaḥ sa i̱daṃ de̱vebhya̍ḥ| ha̱vya śa̍mīṣva su̱śami̍ śamīṣva̱ havi̍ṣkṛ̱dehi̍
Mantra 23 {#mantra-23}
Section titled “Mantra 23 {#mantra-23}”Adhyāya: 1 | Mantra: 23
ku̱kku̱ṭo̍’si̱ madhu̍jihva̱ iṣa̱mūrja̱māva̍da| va̱yasa̍ṃghā̱te sa̍ṃghāte jeṣma
Mantra 24 {#mantra-24}
Section titled “Mantra 24 {#mantra-24}”Adhyāya: 1 | Mantra: 24
va̱rṣavṛ̍ddhamasi̱ prati̍ tvā va̱rṣavṛ̍ddhaṃ vettu | parā̍pūta̱rakṣa̱ḥ prati̍pūtā̱ arā̍tayaḥ
Mantra 25 {#mantra-25}
Section titled “Mantra 25 {#mantra-25}”Adhyāya: 1 | Mantra: 25
apa̍hatṛ̱ rakṣo̍ vā̱yurvo̱ vivi̍naktu|de̱vo va̍ḥ savi̱tā prati̍gṛhṇātu̱ hira̍ṇyapāṇi̱rachi̍dreṇa pā̱ṇinā̍
Mantra 26 {#mantra-26}
Section titled “Mantra 26 {#mantra-26}”Adhyāya: 1 | Mantra: 26
dhṛṣṭi̍ra̱syapā̍gne a̱gnimā̱māda̍ṃ jahi̱| niṣkra̱vyāda̍ se̱dhā de̍va̱yaja̍ṃ vaha
Mantra 27 {#mantra-27}
Section titled “Mantra 27 {#mantra-27}”Adhyāya: 1 | Mantra: 27
dhru̱vama̍si pṛthi̱vīṃ dṛ̍ha ||bra̱hma̱vani̍ tvā kṣatra̱vani̍ sajāta̱vanyupa̍dadhāmi dviṣa̱to va̱dhāya̍
Mantra 28 {#mantra-28}
Section titled “Mantra 28 {#mantra-28}”Adhyāya: 1 | Mantra: 28
agne̱ brahma̍ gṛbhṇīṣva dha̱ruṇa̍masya̱ntari̍kṣaṃ dṛha|bra̱hma̱vani̍ tvā kṣatra̱vani̍ sajāta̱vanyupa̍dadhāmi dviṣa̱to va̱dhāya̍|dha̱rtrama̍si̱ diva̍ṃ dṛha| bra̱hma̱vani̍ tvā kṣatra̱vani̍ sajāta̱vanyupa̍dadhāmi dviṣa̱to va̱dhāya̍
Mantra 29 {#mantra-29}
Section titled “Mantra 29 {#mantra-29}”Adhyāya: 1 | Mantra: 29
viśvā̍bhya̱stvāśā̍bhya̱ upa̍dadhāmi dviṣa̱to va̱dhāya̍|cita̍ sthordhva̱cito̱ bhṛgū̍ṇā̱maṅgi̍rasā̱ṃ tapa̍sā tapyadhvam
Mantra 30 {#mantra-30}
Section titled “Mantra 30 {#mantra-30}”Adhyāya: 1 | Mantra: 30
śarmā̱syava̍dhūta̱ rakṣo’va̍dhūtā̱ arā̍tayaḥ | adi̍tyā̱stvaga̍si̱ prati̱ tvādi̍tirvettu
Mantra 31 {#mantra-31}
Section titled “Mantra 31 {#mantra-31}”Adhyāya: 1 | Mantra: 31
dhi̱ṣaṇā̍si parva̱tī prati̱ tvādi̍tyā̱stvagve̍ttu |di̱vaska̍mbha̱nya̍si dhi̱ṣaṇā̍si pārvate̱yī prati̍ tvā parva̱tī ve̍ttu
Mantra 32 {#mantra-32}
Section titled “Mantra 32 {#mantra-32}”Adhyāya: 1 | Mantra: 32
dhā̱nya̍masi dhinu̱hi de̱vāṃ dhi̍nu̱hi ya̱jñaṃ dhi̍nu̱hi ya̱jñapa̍tim| dhi̱nu̱hi mām̐ ya̍jña̱nya̍m
Mantra 33 {#mantra-33}
Section titled “Mantra 33 {#mantra-33}”Adhyāya: 1 | Mantra: 33
prā̱ṇāya̍ tvodā̱nāya̍ tvā vyā̱nāya̍ tvā | dī̱rghāmanu̱ prasi̍ti̱māyu̍ṣe dhāṃ|de̱vo va̍ḥ savi̱tā prati̍gṛhṇātu̱ hira̍ṇyapāṇi̱rachi̍dreṇa pā̱ṇinā̍ | cakṣu̍ṣe tvā ma̱hīnā̱ṃ payo̍si
Mantra 34 {#mantra-34}
Section titled “Mantra 34 {#mantra-34}”Adhyāya: 1 | Mantra: 34
ve̱do̍si veda̱ yena̱ tvaṃ de̍va veda de̱vebhyo̍ ve̱do’bha̍vaḥ| tena̱ mahya̍ṃ ve̱do bha̍va
Mantra 35 {#mantra-35}
Section titled “Mantra 35 {#mantra-35}”Adhyāya: 1 | Mantra: 35
de̱vasya̍ tvā savi̱tuḥ pra̍sa̱ve̱śvino̍rbā̱hubhyā̍ṃ pū̱ṣṇo hastā̍bhyām |saṃ va̍pāmi̱ samāpa̱ oṣa̍dhībhi̱ḥ samoṣa̍dhayo̱ rase̍na |sṛ re̱vatī̱rjaga̍tībhi̱ḥ saṃ madhu̍matī̱rmadhu̍matībhiḥ pṛcyantām |jana̍yatyai tvā̱ saṃ yau̍mi
Mantra 36 {#mantra-36}
Section titled “Mantra 36 {#mantra-36}”Adhyāya: 1 | Mantra: 36
i̱dama̱gneri̱dama̱gnīṣoma̍yori̱ṣe tvā̍ | gha̱rmo̍si vi̱śvāyu̍ru̱rupra̍thā u̱ru pra̍thasvo̱ru te̍ ya̱jñapa̍tiḥ prathatām
Mantra 37 {#mantra-37}
Section titled “Mantra 37 {#mantra-37}”Adhyāya: 1 | Mantra: 37
a̱gniṣṭe̱ tvaca̱ṃ mā hi̍ sīda̱ntari̍ta̱ rakṣo̱ntari̍tā̱ arā̍tayaḥ|de̱vastvā̍ savi̱tā śra̍payatu̱ varṣi̱ṣṭhe’dhi̱ nāke̍
Mantra 38 {#mantra-38}
Section titled “Mantra 38 {#mantra-38}”Adhyāya: 1 | Mantra: 38
mā bhe̱rmā saṃ vi̍kthā̱ ata̍merurya̱jño’ta̍meru̱ryaja̍mānasya pra̱jā bhū̍yāt |tri̱tāya̍ tvā dvi̱tāya̍ tvaika̱tāya̍ tvā
Mantra 39 {#mantra-39}
Section titled “Mantra 39 {#mantra-39}”Adhyāya: 1 | Mantra: 39
de̱vasya̍ tvā savi̱tuḥ pra̍sa̱ve̱śvino̍rbā̱hubhyā̍ṃ pū̱ṣṇo hastā̍bhyām | āda̍de’dhvara̱kṛta̍ṃ de̱vebhya̍ḥ |indra̍sya bā̱hura̍si̱ dakṣi̍ṇaḥ sa̱hasra̍bhṛṣṭiḥ śa̱tate̍jāḥ| vā̱yura̍si ti̱gmate̍jā dviṣa̱to va̱dhaḥ
Mantra 40 {#mantra-40}
Section titled “Mantra 40 {#mantra-40}”Adhyāya: 1 | Mantra: 40
pṛ̱thi̱vyai varmā̍si̱ pṛthi̍vi devayajani| oṣa̍dhyāste̱ mūla̱ṃ mā hṛ siṣam
Mantra 41 {#mantra-41}
Section titled “Mantra 41 {#mantra-41}”Adhyāya: 1 | Mantra: 41
vra̱jaṃ ga̍ccha go̱ṣṭhāna̱ṃ varṣa̍tu te̱ dyaurba̍dhā̱na de̍va savitaḥ para̱masyā̍ṃ pṛthi̱vyṛ śa̱tena̱ pāśai̍ḥ|yo̱’smān dveṣṭi̱ yaṃ ca̍ va̱yaṃ dvi̱ṣmastamato̱ mā mau̍k
Mantra 42 {#mantra-42}
Section titled “Mantra 42 {#mantra-42}”Adhyāya: 1 | Mantra: 42
apā̱raru̍ṃ vadhyāsaṃ pṛthi̱vyai de̍va̱yaja̍nāt|vra̱jaṃ ga̍cha go̱ṣṭhāna̱ṃ varṣa̍tu te̱ dyaurba̍dhā̱na de̍va savitaḥ para̱masyā̍ṃ pṛthi̱vyā śa̱tena̱ pāśai̍ḥ|yo̱’smān dveṣṭi̱ yaṃ ca̍ va̱yaṃ dvi̱ṣmastamato̱ mā mau̍k | ara̍ro̱ diva̱ṃ mā pa̍pto dra̱psaste̱ dyāṃ mā ska̍n |vra̱jaṃ ga̍cha go̱ṣṭhāna̍ṃ varṣa̍tu te̱ dyaurba̍dhā̱na de̍va savitaḥ para̱masyā̍ṃ pṛthi̱vyā śa̱tena̱ pāśai̍ḥ|yo̱’smān dveṣṭi̱ yaṃ ca̍ va̱yaṃ dvi̱ṣmastamato̱ mā mau̍k
Mantra 43 {#mantra-43}
Section titled “Mantra 43 {#mantra-43}”Adhyāya: 1 | Mantra: 43
gā̱ya̱treṇa̍ tvā̱ chanda̍sā̱ pari̍gṛhṇāmi̱ traiṣṭu̍bhena tvā̱ chanda̍sā̱ pari̍gṛhṇāmi̱ jāga̍tena tvā̱ chanda̍sā̱ pari̍gṛhṇāmi |su̱kṣmā cāsi̍ śi̱vā cā̍si syo̱nā cāsi̍ su̱ṣadā̍ cāsi | ūrja̍svatī̱ cāsi̱ paya̍svatī ca
Mantra 44 {#mantra-44}
Section titled “Mantra 44 {#mantra-44}”Adhyāya: 1 | Mantra: 44
pu̱rā krū̱rasya̍ vi̱sṛpo̍ virapśinnudā̱dāya̍ pṛthi̱vīṃ jī̱vadā̍num |yāmaira̍ya śca̱ndrama̍si sva̱dhābhi̱stāṃ dhīrā̍so anu̱diśya̍ yajante | dvi̱ṣa̱to va̱dho̍’si
Mantra 45 {#mantra-45}
Section titled “Mantra 45 {#mantra-45}”Adhyāya: 1 | Mantra: 45
pratyu̍ṣṭṛ̱ rakṣa̱ḥ pratyu̍ṣṭā̱ arā̍tayo̱ niṣṭa̍pta̱ rakṣo̱ niṣṭa̍ptā̱ arā̍tayaḥ |ani̍śito’si sapatna̱kṣidvā̱jina̍ṃ tvā vāje̱dhyāyai̱ sammā̍rjmi |pratyu̍ṣṭṛ̱ rakṣa̱ḥ pratyu̍ṣṭā̱ arā̍tayo̱ niṣṭa̍pta̱rakṣo̱ niṣṭa̍ptā̱ arā̍tayaḥ |ani̍śitāsi sapatna̱kṣidvā̱jinī̍ṃ tvā vāje̱dhyāyai̱ sammā̍rjmi
Mantra 46 {#mantra-46}
Section titled “Mantra 46 {#mantra-46}”Adhyāya: 1 | Mantra: 46
adi̍tyai̱ rāsnā̍sīndrā̱ṇyai sa̱ṃnaha̍nam | viṣṇo̍rve̱ṣpo̍’syū̱rje tvāda̍bdhena tvā̱ cakṣu̱ṣāva̍paśyāmi
Mantra 47 {#mantra-47}
Section titled “Mantra 47 {#mantra-47}”Adhyāya: 1 | Mantra: 47
a̱gnerji̱hvāsi̍ su̱bhūrde̱vebhya̍ḥ | dhāmne̍ dhāmne bhava̱ yaju̍ṣe yajuṣe | sa̱vi̱tustvā̍ prasa̱va utpu̍nā̱myacchi̍dreṇa pa̱vitre̍ṇa̱ sūrya̍sya ra̱śmibhi̍ḥ |sa̱vi̱turva̍ḥ prasa̱va utpu̍nā̱myacchi̍dreṇa pa̱vitre̍ṇa̱ sūrya̍sya ra̱śmibhi̍ḥ
Mantra 48 {#mantra-48}
Section titled “Mantra 48 {#mantra-48}”Adhyāya: 1 | Mantra: 48
tejo̍’si śu̱krama̍sya̱mṛta̍masi̱ dhāma̱ nāmā̍si| pri̱yaṃ de̱vānā̱manā̱dhṛṣṭaṃ deva̱yaja̍nam
Mantra 49 {#mantra-49}
Section titled “Mantra 49 {#mantra-49}”Adhyāya: 1 | Mantra: 49
yaste̍ prā̱ṇaḥ pa̱śuṣu̱ pravi̍ṣṭo de̱vānā̍ṃ vi̱ṣṭhāmanu̱ yo vi̍tasthe|ā̱tma̱nvā̍ntso̍maghṛ̱tavā̱nhi bhū̱tvāgniṃ ga̍ccha̱ sva̱ryaja̍mānāya vinda