Vājasaneyi Kanva Saṃhitā — Chapter 4 (49 mantras)
Vājasaneyi Kanva Saṃhitā — Chapter 4
Section titled “Vājasaneyi Kanva Saṃhitā — Chapter 4”atha caturtho’dhyāyaḥ|
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 4 | Mantra: 1
edama̍ganma deva̱yaja̍naṃ pṛthi̱vyā yatra̍ de̱vāso̱ aju̍ṣanta̱ viśve̍ | ṛksā̱mābhyā̍ sa̱ntara̍nto̱ yaju̍rbhī rā̱yaspoṣe̍ṇa̱ sami̱ṣā ma̍dema
Mantra 2 {#mantra-2}
Section titled “Mantra 2 {#mantra-2}”Adhyāya: 4 | Mantra: 2
i̱mā āpa̱ḥ śamu̍ me santu de̱vīroṣa̍dhe̱ trāya̍sva svadhi̍te̱ maina̍ hisīḥ | āpo̍ a̱smānmā̱tara̍ḥ śundhayantu ghṛ̱tena̍ no ghṛta̱pva̍ḥ punantu
Mantra 3 {#mantra-3}
Section titled “Mantra 3 {#mantra-3}”Adhyāya: 4 | Mantra: 3
viśva̱ hi ri̱ praṃ pra̱vaha̍nti de̱vīrudidā̍bhya̱ḥ śuci̱rā pū̱ta e̍mi | dī̱kṣā̱ta̱paso̍sta̱nūra̍si̱ tāṃ tvā̍ śi̱vā śa̱gmāṃ pari̍dadhe bha̱draṃ varṇa̱ṃ puṣya̍n
Mantra 4 {#mantra-4}
Section titled “Mantra 4 {#mantra-4}”Adhyāya: 4 | Mantra: 4
ma̱hīnā̱ṃ payo̍’si varco̱dā a̍si̱ varco̍ me dehi | vṛ̱trasya̍ ka̱nīna̍kāsi cakṣu̱rdā a̍si̱ cakṣu̍rme dehi
Mantra 5 {#mantra-5}
Section titled “Mantra 5 {#mantra-5}”Adhyāya: 4 | Mantra: 5
ci̱tpati̍rmā punātu vā̱kpati̍rmā punātu de̱vo mā̍ sa̱vi̱tā pu̍nā̱tvacchi̍dreṇa pa̱vitre̍ṇa̱ sūrya̍sya ra̱śmibhi̍ḥ | tasya̍ te pavitrapate pa̱vitra̍pūtasya̱ yatkā̍maḥ pu̱ne taccha̍keyam
Mantra 6 {#mantra-6}
Section titled “Mantra 6 {#mantra-6}”Adhyāya: 4 | Mantra: 6
ā vo̍ devāsa īmahe vā̱maṃ pra̍ya̱tya̍dhva̱re | ā vo̍ devāsa ā̱śiṣo̍ ya̱jñiyā̍so havāmahe
Mantra 7 {#mantra-7}
Section titled “Mantra 7 {#mantra-7}”Adhyāya: 4 | Mantra: 7
svāhā̍ ya̱jñaṃ mana̍sa̱ḥ svāho̱rora̱ntari̍kṣāt | svāhā̱ dyāvā̍pṛthi̱vībhyā̱ svāhā̱ vātā̱dāra̍bhe̱
Mantra 8 {#mantra-8}
Section titled “Mantra 8 {#mantra-8}”Adhyāya: 4 | Mantra: 8
ākū̍tyai pra̱yuje̱’gnaye̱ svāhā̍ me̱dhāyai̱ mana̍se̱gnaye̱ svāhā̍ dī̱kṣāyai̱ tapa̍se̱’gnaye̱ svāhā̱ sara̍svatyai pū̱ṣṇe̱’gnaye̱ svāhā̱| āpo̍ devīrbṛhatīrviśvaśambhuvo̱ dyāvā̍pṛthivī̱ urva̍ntarikṣa | bṛha̱spata̍ye ha̱viṣā̍ vidhema̱ svāhā̍
Mantra 9 {#mantra-9}
Section titled “Mantra 9 {#mantra-9}”Adhyāya: 4 | Mantra: 9
viśvo̍ de̱vasya̍ ne̱turmarto̍ vurīta sa̱khyam | viśvo̍ rā̱ya i̍ṣudhyati dyu̱mnaṃ vṛ̍ṇīta pu̱ṣyase̱ svāhā̍
Mantra 10 {#mantra-10}
Section titled “Mantra 10 {#mantra-10}”Adhyāya: 4 | Mantra: 10
ṛ̱ksā̱mayo̱ḥ śilpe̍ stha̱ste vā̱māra̍bhe̱ te mā̍ pātam| āsya ya̱jñasyo̱dṛca̍ḥ
Mantra 11 {#mantra-11}
Section titled “Mantra 11 {#mantra-11}”Adhyāya: 4 | Mantra: 11
śarmā̍si̱ śarma̍ me yaccha̱ nama̍ste astu̱ mā mā̍ hi sīḥ | ūrga̍syāṅgira̱syūrṇa̍ṃmradā̱ ūrja̱ṃ me yaccha
Mantra 12 {#mantra-12}
Section titled “Mantra 12 {#mantra-12}”Adhyāya: 4 | Mantra: 12
soma̍sya nī̱vira̍si̱ viṣṇo̱ḥ śarmā̍si̱ śarma̱ yaja̍mānasya | indra̍sya̱ yoni̍rasi susa̱syāḥ kṛ̱ṣīskṛ̍dhi
Mantra 13 {#mantra-13}
Section titled “Mantra 13 {#mantra-13}”Adhyāya: 4 | Mantra: 13
ucchra̍yasva vanaspata ū̱rdhvo mā̍ pā̱hya ha̍saḥ| āsya ya̱jñasyo̱dṛca̍ḥ
Mantra 14 {#mantra-14}
Section titled “Mantra 14 {#mantra-14}”Adhyāya: 4 | Mantra: 14
vra̱taṃ kṛ̍ṇuta vra̱taṃ kṛ̍ṇuta vra̱taṃ kṛ̍ṇuta | a̱gnirbrahmā̱gnirya̱jño vana̱spati̍rya̱jñiya̍ḥ
Mantra 15 {#mantra-15}
Section titled “Mantra 15 {#mantra-15}”Adhyāya: 4 | Mantra: 15
daivī̱ṃ dhiya̍ṃ manāmahe sumṛl̤ī̱kāma̱bhiṣṭa̍ye | va̱rco̱dām̐ vi̱śvadhā̍yasa sutī̱rthā no̍ asa̱dvaśe̍
Mantra 16 {#mantra-16}
Section titled “Mantra 16 {#mantra-16}”Adhyāya: 4 | Mantra: 16
ye de̱vā mano̍jātā mano̱yujo̱ dakṣa̍kratavaḥ| te no̍’vantu̱ te na̍ḥ pāntu̱ tebhya̱ḥ svāhā̍
Mantra 17 {#mantra-17}
Section titled “Mantra 17 {#mantra-17}”Adhyāya: 4 | Mantra: 17
śvā̱trāḥ pī̱tā bha̍vata yū̱yamā̍po a̱smāka̍ma̱ntaru̱dare̍ su̱śevā̍ḥ | tā a̱smabhya̍maya̱kṣmā a̍namī̱vā anā̍gasa̱ḥ svada̍ntu de̱vīra̱mṛtā̍ ṛtā̱vṛdha̍ḥ
Mantra 18 {#mantra-18}
Section titled “Mantra 18 {#mantra-18}”Adhyāya: 4 | Mantra: 18
i̱yaṃ te̍ ya̱jñiyā̍ ta̱nūra̱po mu̍ñcāmi̱ na pra̱jām | a̍ho̱muca̱ḥ svāhā̍kṛtāḥ pṛthi̱vīmāvi̍śata pṛthi̱vyā saṃbha̍va
Mantra 19 {#mantra-19}
Section titled “Mantra 19 {#mantra-19}”Adhyāya: 4 | Mantra: 19
agne̱ tva su jā̍gṛhi va̱ya su ma̍ndiṣīmahi | rakṣā̍ ṇo̱ apra̍yucchan pra̱budhe̍ na̱ḥ puna̍skṛdhi
Mantra 20 {#mantra-20}
Section titled “Mantra 20 {#mantra-20}”Adhyāya: 4 | Mantra: 20
puna̱rmana̱ḥ puna̱rāyu̍rma̱ āgā̱t puna̱ścakṣu̱ḥ puna̱ḥ śrotra̍ṃ ma̱ āgāt | puna̍ḥ prā̱ṇaḥ puna̍rā̱tmā ma̱ āgā̍t vai̱śvā̱na̱ro ada̍bdhastanū̱pā a̱gnirmā̍ pātu duri̱tāda̍va̱dyāt
Mantra 21 {#mantra-21}
Section titled “Mantra 21 {#mantra-21}”Adhyāya: 4 | Mantra: 21
tvama̍gne vrata̱pā a̍si de̱va ā martye̱ṣvā | tvaṃ ya̱jñeṣvīḍya̍ḥ
Mantra 22 {#mantra-22}
Section titled “Mantra 22 {#mantra-22}”Adhyāya: 4 | Mantra: 22
rāsveya̍tso̱mā bhūyo̍ bhara | de̱vo na̍ḥ savi̱tā vaso̍rdā̱tā vasva̍dāt
Mantra 23 {#mantra-23}
Section titled “Mantra 23 {#mantra-23}”Adhyāya: 4 | Mantra: 23
e̱ṣā te̍ śukra ta̱nūre̱tadvarca̱stayā̱ sambha̍va̱ bhrāja̍ṃ gaccha | jūra̍si dhṛ̱tā mana̍sā̱ juṣṭā̱ viṣṇa̍ve
Mantra 24 {#mantra-24}
Section titled “Mantra 24 {#mantra-24}”Adhyāya: 4 | Mantra: 24
tasyā̍ste sa̱tyasa̍vasaḥ prasa̱ve ta̱nūya̱ntrama̍śīya̱ svāhā̍ | ca̱ndrama̍si śu̱krama̍sya̱mṛta̍masi vaiśvade̱vama̍si
Mantra 25 {#mantra-25}
Section titled “Mantra 25 {#mantra-25}”Adhyāya: 4 | Mantra: 25
cida̍si ma̱nāsi̱ dhīra̍si̱ dakṣi̍ṇāsi kṣa̱triyā̍si ya̱jñiyā̱syadi̍tirasyubhayataḥśī̱rṣṇī | sā na̱ḥ suprā̍cī̱ supra̍tīcī bhava
Mantra 26 {#mantra-26}
Section titled “Mantra 26 {#mantra-26}”Adhyāya: 4 | Mantra: 26
mi̱trastvā̍ pa̱di ba̍dhnītāṃ pū̱ṣādhva̍naspā̱tvindrā̱yādhya̍kṣāya | anu̍ tvā mā̱tā ma̍nyatā̱manu̍ pi̱tānu̱ bhrātā̱ saga̱rbhyo’nu̱ sakhā̱ sayū̍thyaḥ
Mantra 27 {#mantra-27}
Section titled “Mantra 27 {#mantra-27}”Adhyāya: 4 | Mantra: 27
sā de̍vi de̱vamacche̱hīndrā̍ya̱ soma̍m| ru̱drastvā va̍rtayatu sva̱sti soma̍sakhā̱ puna̱rehi̍
Mantra 28 {#mantra-28}
Section titled “Mantra 28 {#mantra-28}”Adhyāya: 4 | Mantra: 28
vasvya̱syadi̍tirasyādi̱tyāsi̍ ru̱drāsi̍ ca̱ndrāsi̍ | bṛha̱spati̍ṣṭvā su̱mne ra̍mṇātu ru̱dro vasu̍bhi̱rāca̍ke
Mantra 29 {#mantra-29}
Section titled “Mantra 29 {#mantra-29}”Adhyāya: 4 | Mantra: 29
adi̍tyāstvā mū̱rdhannāji̍gharmi deva̱yaja̍ne pṛthi̱vyāḥ| il̤ā̍yāspa̱dama̍si ghṛ̱tava̱t svāhā̍
Mantra 30 {#mantra-30}
Section titled “Mantra 30 {#mantra-30}”Adhyāya: 4 | Mantra: 30
a̱sme ra̍masvā̱sme te̱ bandhu̍ḥ | tve rāyo̍ a̱sme rāya̍ḥ
Mantra 31 {#mantra-31}
Section titled “Mantra 31 {#mantra-31}”Adhyāya: 4 | Mantra: 31
mā va̱ya rā̱yaspoṣe̍ṇa̱ viyau̍ṣma̱ toto̱ rāya̍ḥ | sama̍khye de̱vyā dhi̱yā saṃ dakṣi̍ṇayo̱ruca̍kṣasā | mā ma̱ āyu̱ḥ pramo̍ṣī̱rmo a̱haṃ tava̍ vī̱rānvi̍deya̱ tava̍ devi sa̱ṃdṛśi̍
Mantra 32 {#mantra-32}
Section titled “Mantra 32 {#mantra-32}”Adhyāya: 4 | Mantra: 32
e̱ṣa te̍ gāya̱tro bhā̱ga iti̍ me̱ somā̍ya brūtāde̱ṣa te̱ traiṣṭu̍bho bhā̱ga iti̍ me̱ somā̍ya brūtāt| e̱ṣa te̱ jāga̍to bhā̱ga iti̍ me̱ somā̍ya brūtācchandomā̱nānā̱ sāmrā̍jyaṃ ga̱cchatā̱diti̍ me̱ somā̍ya brūtāt
Mantra 33 {#mantra-33}
Section titled “Mantra 33 {#mantra-33}”Adhyāya: 4 | Mantra: 33
ā̍smā̱ko̍’si śu̱kraste̱ grahya̍ḥ | vi̱cita̍stvā̱ vici̍nvantu
Mantra 34 {#mantra-34}
Section titled “Mantra 34 {#mantra-34}”Adhyāya: 4 | Mantra: 34
a̱bhi tyaṃ de̱va sa̍vi̱tāra̍mo̱ṇyo̍ḥ ka̱vikra̍tu̱marcā̍mi sa̱tyasa̍va ratna̱dhāma̱bhi pri̱yaṃ ma̱tiṃ ka̱vim | ū̱rdhvā yasyā̱mati̱rbhā adi̍dyuta̱tsavī̍mani̱ hira̍ṇyapāṇiramimīta su̱kratu̍ḥ kṛ̱pā sva̍ḥ
Mantra 35 {#mantra-35}
Section titled “Mantra 35 {#mantra-35}”Adhyāya: 4 | Mantra: 35
pra̱jābhya̍stvā pra̱jāstvā̍nu̱prāṇa̍ntu| pra̱jāstvama̍nu̱prāṇi̍hi
Mantra 36 {#mantra-36}
Section titled “Mantra 36 {#mantra-36}”Adhyāya: 4 | Mantra: 36
ca̱ndraṃ tvā ca̱ndreṇa̍ krīṇāmi śu̱kraṃ śu̱kreṇā̱mṛta̍ma̱mṛte̍na | sa̱gme te̱ gora̱sme te̍ ca̱ndrāṇi̍
Mantra 37 {#mantra-37}
Section titled “Mantra 37 {#mantra-37}”Adhyāya: 4 | Mantra: 37
tapa̍sasta̱nūra̍si pra̱jāpa̍te̱rvarṇa̍ḥ | para̱meṇa̍ pa̱śunā̍ krīyase sahasrapo̱ṣaṃ pu̍ṣeyam
Mantra 38 {#mantra-38}
Section titled “Mantra 38 {#mantra-38}”Adhyāya: 4 | Mantra: 38
mi̱tro na̱ ehi̱ sumi̍tradha̱ indra̍syo̱rumāvi̍śa̱ dakṣi̍ṇam | u̱śannu̱śanta̍ syo̱naḥ syo̱nam
Mantra 39 {#mantra-39}
Section titled “Mantra 39 {#mantra-39}”Adhyāya: 4 | Mantra: 39
svāna̱ bhrājāṅghā̍re̱ hasta̱ suha̍sta̱ kṛśā̍no | e̱te va̍ḥ soma̱kraya̍ṇā̱stānra̍kṣadhva̱ṃ mā vo̍ dabhan
Mantra 40 {#mantra-40}
Section titled “Mantra 40 {#mantra-40}”Adhyāya: 4 | Mantra: 40
pari̍ māgne̱ duśca̍ritādbādha̱svā mā̱ suca̍rite bhaja | udāyu̍ṣā svā̱yuṣoda̍sthāma̱mṛtā̱m̐2 anu̍
Mantra 41 {#mantra-41}
Section titled “Mantra 41 {#mantra-41}”Adhyāya: 4 | Mantra: 41
prati̱ panthā̍mapadmahi svasti̱gāma̍ne̱hasa̍m | yena̱ viśvā̱ḥ pari̱ dviṣo̍ vṛ̱ṇakti̍ vi̱ndate̱ vasu̍
Mantra 42 {#mantra-42}
Section titled “Mantra 42 {#mantra-42}”Adhyāya: 4 | Mantra: 42
adi̍tyā̱stvaga̱syadi̍tyai̱ sada̱ āsī̍da | asta̍bhnā̱ddyāmṛ̍ṣa̱bho a̱ntari̍kṣa̱mami̍mīta vari̱māṇa̍ṃ pṛthi̱vyāḥ | āsī̍da̱dviśvā̱ bhuva̍nāni sa̱mrāḍviśvettāni̱ varu̍ṇasya vra̱tāni̍
Mantra 43 {#mantra-43}
Section titled “Mantra 43 {#mantra-43}”Adhyāya: 4 | Mantra: 43
vane̍ṣu̱ vya̱ntari̍kṣaṃ tatāna̱ vāja̱marva̍tsu̱ paya̍ u̱sriyā̍su | hṛ̱tsu kratu̱ṃ varu̍ṇo vi̱kṣva̱gniṃ di̱vi sūrya̍madadhā̱t soma̱madrau̍
Mantra 44 {#mantra-44}
Section titled “Mantra 44 {#mantra-44}”Adhyāya: 4 | Mantra: 44
sūrya̍sya̱ cakṣu̱rāro̍hā̱gnera̱kṣṇaḥ ka̱nīna̍kam | yatraita̍śebhi̱rīya̍se̱ bhrāja̍māno vipa̱ścitā̍
Mantra 45 {#mantra-45}
Section titled “Mantra 45 {#mantra-45}”Adhyāya: 4 | Mantra: 45
usrā̱ eta̍ṃ dhūrvāhau yu̱jyethā̍mana̱śrū avī̍rahaṇau brahma̱coda̍nau | sva̱sti yaja̍mānasya gṛ̱hān ga̍cchatam
Mantra 46 {#mantra-46}
Section titled “Mantra 46 {#mantra-46}”Adhyāya: 4 | Mantra: 46
bha̱dro me̍’si̱ pracya̍vasva bhuvaspate̱ viśvā̍nya̱bhi dhāmā̍ni | mā tvā̍ paripa̱riṇo̍ vida̱n mā tvā̍ paripa̱nthino̍ vida̱n mā tvā̱ vṛkā̍ aghā̱yavo̍ vidan | śye̱no bhū̱tvā parā̍pata̱ yaja̍mānasya gṛ̱hān ga̍ccha̱ tannau̍ saskṛ̱tam
Mantra 47 {#mantra-47}
Section titled “Mantra 47 {#mantra-47}”Adhyāya: 4 | Mantra: 47
namo̍ mi̱trasya̱ varu̍ṇasya̱ cakṣa̍se ma̱ho de̱vāya̱ tadṛ̱ta sa̍paryata | dū̱re̱dṛśe̍ de̱vajā̍tāya ke̱tave̍ di̱vaspu̱trāya̱ sūryā̍ya śasata
Mantra 48 {#mantra-48}
Section titled “Mantra 48 {#mantra-48}”Adhyāya: 4 | Mantra: 48
varu̍ṇasyo̱ttambha̍namasi̱ varu̍ṇasya skambha̱sarja̍nī sthaḥ | varu̍ṇasya ṛta̱sada̍nyasi̱ varu̍ṇasya ṛta̱sada̍namasi varu̍ṇasya ṛta̱sada̍na̱māsī̍da
Mantra 49 {#mantra-49}
Section titled “Mantra 49 {#mantra-49}”Adhyāya: 4 | Mantra: 49
yā te̱ dhāmā̍ni ha̱viṣā̱ yaja̍nti̱ tā te̱ viśvā̍ pari̱bhūra̍stu ya̱jñam | ga̱ya̱sphāna̍ḥ pra̱tara̍ṇaḥ su̱vīro’vī̍rahā̱ praca̍rā soma̱ duryā̍n