Vājasaneyi Kanva Saṃhitā — Chapter 16 (85 mantras)
Vājasaneyi Kanva Saṃhitā — Chapter 16
Section titled “Vājasaneyi Kanva Saṃhitā — Chapter 16”atha ṣoḍaśo’dhyāyaḥ
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 16 | Mantra: 1
agne̍ jā̱tānpraṇu̍dā naḥ sa̱patnā̱npratyajā̍tāñjātavedo nudasva | adhi̍ no brūhi su̱manā̱ ahe̍l̤astava̍ syāma̱ śarmastri̱varū̍tha udbhau
Mantra 2 {#mantra-2}
Section titled “Mantra 2 {#mantra-2}”Adhyāya: 16 | Mantra: 2
saha̍sā jā̱tānpraṇu̍dā naḥ sa̱patnā̱npratyajā̍tānnuda jātavedaḥ | adhi̍ no brūhi sumana̱syamā̍no va̱ya syā̍ma̱ praṇu̍dā naḥ sa̱patnā̍n | ṣo̱l̤a̱śī stoma̱ ojo̱ dravi̍ṇaṃ catuścatvāri̱śa stomo̱ varco̱ dravi̍ṇam
Mantra 3 {#mantra-3}
Section titled “Mantra 3 {#mantra-3}”Adhyāya: 16 | Mantra: 3
a̱gneḥ purī̍ṣama̱syapso̱ nāma̱ tāṃ tvā̱ viśve̍ a̱bhigṛ̍ṇantu de̱vāḥ | stoma̍pṛṣṭhā ghṛ̱tava̍tī̱ha sī̍da pra̱jāva̍da̱sme dravi̱ṇāya̍jasva
Mantra 4 {#mantra-4}
Section titled “Mantra 4 {#mantra-4}”Adhyāya: 16 | Mantra: 4
eva̱śchando̱ vari̍va̱śchanda̍ḥ śa̱mbhūśchanda̍ḥ pa̍ri̱bhūśchanda̍ḥ | ā̱cchacchando̱ mana̱śchando vyaca̱śchanda̍ḥ
Mantra 5 {#mantra-5}
Section titled “Mantra 5 {#mantra-5}”Adhyāya: 16 | Mantra: 5
sindhu̱śchanda̍ḥ samu̱draśchanda̍ḥ sari̱raṃ chanda̍ḥ | ka̱kup chanda̍strika̱kup chanda̍ḥ kā̱vyaṃ chando̍ aṅa ku̱paṃ chanda̍ḥ
Mantra 6 {#mantra-6}
Section titled “Mantra 6 {#mantra-6}”Adhyāya: 16 | Mantra: 6
a̱kṣara̍paṅkti̱śchanda̍ḥ pa̱dapa̍ṅkti̱śchando̍ viṣṭā̱rapa̍ṅkti̱śchanda̍ḥ kṣu̱robhrāja̱śchanda̍ḥ | ā̱cchacchanda̍ḥ pra̱cchacchanda̍ḥ sa̱ṃyacchando̍ vi̱yacchanda̍ḥ
Mantra 7 {#mantra-7}
Section titled “Mantra 7 {#mantra-7}”Adhyāya: 16 | Mantra: 7
bṛ̱hacchando̍ rathanta̱raṃ chando̍ nikā̱yaśchando̍ viva̱dhaśchanda̍ḥ | gira̱śchando̱ bhraja̱śchanda̍ḥ sa̱stup chando̍’nu̱ṣṭup chanda̍ḥ
Mantra 8 {#mantra-8}
Section titled “Mantra 8 {#mantra-8}”Adhyāya: 16 | Mantra: 8
eva̱śchando̱ vari̍va̱śchando̱ vaya̱śchando̍ vaya̱skṛcchanda̍ḥ | viṣpa̍rdhā̱śchando̍ viśā̱laṃ chanda̍ścha̱diśchando̍ dūroha̱ṇaṃ chanda̍ḥ | ta̱ndraṃ chando̍ aṅkā̱ṅkaṃ chanda̍ḥ
Mantra 9 {#mantra-9}
Section titled “Mantra 9 {#mantra-9}”Adhyāya: 16 | Mantra: 9
ra̱śminā̍ sa̱tyāya̍ sa̱tyaṃ ji̍nva̱ preti̍nā̱ dharma̍ṇā̱ dharma̍ṃ jinva | anvi̍tyā di̱vā diva̍ṃ jinva sa̱ndhinā̱ntari̍kṣeṇā̱ntari̍kṣaṃ jinva
Mantra 10 {#mantra-10}
Section titled “Mantra 10 {#mantra-10}”Adhyāya: 16 | Mantra: 10
pra̱ti̱dhinā̍ pṛthi̱vyā pṛ̍thi̱vīṃ ji̍nva viṣṭa̱mbhena̱ vṛṣṭyā̱ vṛṣṭi̍ṃ jinva | pra̱vayāhnāha̍rjinvānu̱yā rātryā̱ rātrī̍ṃ jinva
Mantra 11 {#mantra-11}
Section titled “Mantra 11 {#mantra-11}”Adhyāya: 16 | Mantra: 11
u̱śijā̱ vasu̍bhyo̱ vasū̍ñjinva prake̱tenā̍di̱tyebhya̍ ādi̱tyāñji̍nva | tantu̍nā rā̱yaspoṣe̍ṇa rā̱yaspoṣa̍ṃ jinva sasa̱rpeṇa̍ śru̱tāya̍ śru̱taṃ ji̍nva
Mantra 12 {#mantra-12}
Section titled “Mantra 12 {#mantra-12}”Adhyāya: 16 | Mantra: 12
ai̱l̤enauṣa̍dhībhi̱roṣa̍dhīrjinvotta̱mena̍ ta̱nūbhi̍sta̱nūrji̍nva | va̱yo̱dhasādhī̍te̱nādhī̍taṃ jinvābhi̱jitā̱ teja̍sā̱ tejo̍ jinva
Mantra 13 {#mantra-13}
Section titled “Mantra 13 {#mantra-13}”Adhyāya: 16 | Mantra: 13
pra̱ti̱pada̍si prati̱pade̍ tvānu̱pada̍syanu̱pade̍ tvā | sa̱mpada̍si sa̱mpade̍ tvā̱ tejo̍’si̱ teja̍se tvā
Mantra 14 {#mantra-14}
Section titled “Mantra 14 {#mantra-14}”Adhyāya: 16 | Mantra: 14
tri̱vṛda̍si tri̱vṛte̍ tvā pra̱vṛda̍si pra̱vṛte̍ tvā | vi̱vṛda̍si vi̱vṛte̍ tvā sa̱vṛda̍si sa̱vṛte̍ tvā
Mantra 15 {#mantra-15}
Section titled “Mantra 15 {#mantra-15}”Adhyāya: 16 | Mantra: 15
ā̱kra̱mo̍’syākra̱māya̍ tvā saṅkra̱mo̍’si saṅkra̱māya̍ tvā | u̱tkra̱mo̍’syutkra̱māya̱ tvotkrā̍ntira̱syutkrā̍ntyai tvā | adhi̍patino̱rjorja̍ṃ jinva̱ veṣa̍śrīḥ kṣa̱trāya̍ kṣa̱traṃ ji̍nva
Mantra 16 {#mantra-16}
Section titled “Mantra 16 {#mantra-16}”Adhyāya: 16 | Mantra: 16
rājñya̍si̱ prācī̱ digvasa̍vaste de̱vā adhi̍patayaḥ | a̱gnirhe̍tī̱nāṃ pra̍tidha̱rtā
Mantra 17 {#mantra-17}
Section titled “Mantra 17 {#mantra-17}”Adhyāya: 16 | Mantra: 17
tri̱vṛt tvā̱ stoma̍ḥ pṛthi̱vyā śra̍ya̱tvājya̍mu̱kthamavya̍thāyai stabhnātu | ra̱tha̱nta̱ra sāma̱ prati̍ṣṭhityā a̱ntari̍kṣe
Mantra 18 {#mantra-18}
Section titled “Mantra 18 {#mantra-18}”Adhyāya: 16 | Mantra: 18
ṛṣa̍yastvā prathama̱jā de̱veṣu̍ di̱vo mātra̍yā vari̱mṇā pra̍thantu | vi̱dha̱rtā cā̱yamadhi̍patiśca̱ te tvā̱ sarve̍ saṃvidā̱nā nāka̍sya pṛ̱ṣṭhe sva̱rge lo̱ke yaja̍mānaṃ ca sādayantu
Mantra 19 {#mantra-19}
Section titled “Mantra 19 {#mantra-19}”Adhyāya: 16 | Mantra: 19
vi̱rāl̤a̍si̱ dakṣi̍ṇā̱ digru̱drāste̍ de̱vā adhi̍patayaḥ | indro̍ hetī̱nāṃ pra̍tidha̱rtā
Mantra 20 {#mantra-20}
Section titled “Mantra 20 {#mantra-20}”Adhyāya: 16 | Mantra: 20
pa̱ñca̱da̱śastvā̱ stoma̍ḥ pṛthi̱vyā śra̍yatu̱ pra uga̍mu̱kthamavya̍thāyai stabhnātu | bṛ̱hatsāma̱ prati̍ṣṭhityā a̱ntari̍kṣe
Mantra 21 {#mantra-21}
Section titled “Mantra 21 {#mantra-21}”Adhyāya: 16 | Mantra: 21
ṛṣa̍yastvā prathama̱jā de̱veṣu̍ di̱vo mātra̍yā vari̱mṇā pra̍thantu | vi̱dha̱rtā cā̱yamadhi̍patiśca̱ te tvā̱ sarve̍ saṃvidāṃnā nāka̍sya pṛ̱ṣṭhe sva̱rge lo̱ke yaja̍mānaṃ ca sādayantu
Mantra 22 {#mantra-22}
Section titled “Mantra 22 {#mantra-22}”Adhyāya: 16 | Mantra: 22
sa̱mrāl̤a̍si pra̱tīcī̱ digā̍di̱tyāste̍ de̱vā adhi̍patayaḥ | varu̍ṇo hetī̱nāṃ pra̍tidha̱rtā
Mantra 23 {#mantra-23}
Section titled “Mantra 23 {#mantra-23}”Adhyāya: 16 | Mantra: 23
sa̱ptada̱śastvā̱ stoma̍ḥ pṛthi̱vyā śra̍yatu marutva̱tīya̍mu̱kthamavya̍thāyai stabhnātu | vai̱rū̱pa sāma̱ prati̍ṣṭhityā a̱ntari̍kṣe
Mantra 24 {#mantra-24}
Section titled “Mantra 24 {#mantra-24}”Adhyāya: 16 | Mantra: 24
ṛṣa̍yastvā prathama̱jā de̱veṣu̍ di̱vo mātra̍yā vari̱mṇā pra̍thantu | vi̱dha̱rtā cā̱yamadhi̍patiśca̱ te tvā̱ sarve̍ saṃvidā̱nā nāka̍sya pṛ̱ṣṭhe sva̱rge lo̱ke yaja̍mānaṃ ca sādayantu
Mantra 25 {#mantra-25}
Section titled “Mantra 25 {#mantra-25}”Adhyāya: 16 | Mantra: 25
sva̱rāl̤a̱syudī̍cī̱ diṅ ma̱ruta̍ste de̱vā adhi̍patayaḥ | somo̍ hetī̱nāṃ pra̍tidha̱rtā
Mantra 26 {#mantra-26}
Section titled “Mantra 26 {#mantra-26}”Adhyāya: 16 | Mantra: 26
e̱ka̱vi̱śastvā̱ stoma̍ḥ pṛthi̱vyā śra̍yatu̱ niṣke̍valyamu̱kthamavya̍thāyai stabhnātu | vai̱rā̱ja sāma̱ prati̍ṣṭhityā a̱ntari̍kṣe
Mantra 27 {#mantra-27}
Section titled “Mantra 27 {#mantra-27}”Adhyāya: 16 | Mantra: 27
ṛṣa̍yastvā prathama̱jā de̱veṣu̍ di̱vo mātra̍yā vari̱mṇā pra̍thantu | vi̱dha̱rtā cā̱yamadhi̍patiśca̱ te tvā̱ sarve̍ saṃvidā̱nā nāka̍sya pṛ̱ṣṭhe sva̱rge lo̱ke yaja̍mānaṃ ca sādayantu
Mantra 28 {#mantra-28}
Section titled “Mantra 28 {#mantra-28}”Adhyāya: 16 | Mantra: 28
adhi̍patnyasi bṛha̱tī digviśve̍ te de̱vā adhi̍patayaḥ | bṛha̱spati̍rhetī̱nāṃ pra̍tidha̱rtā
Mantra 29 {#mantra-29}
Section titled “Mantra 29 {#mantra-29}”Adhyāya: 16 | Mantra: 29
tri̱ṇa̱va̱tra̱ya̱stri̱śau tvā̱ stomau̍ pṛthi̱vyā śra̍yatāṃ vaiśvadevāgnimāru̱te u̱kthe avya̍thāyai stabhnītām | śā̱kva̱ra̱rai̱va̱te sāma̍nī̱ prati̍ṣṭhityā a̱ntari̍kṣe
Mantra 30 {#mantra-30}
Section titled “Mantra 30 {#mantra-30}”Adhyāya: 16 | Mantra: 30
ṛṣa̍yastvā prathama̱jā de̱veṣu̍ di̱vo mātra̍yā vari̱mṇā pra̍thantu | vidha̱rtā cā̱yamadhi̍patiśca̱ te tvā̱ sarve̍ saṃvidā̱nā nāka̍sya pṛ̱ṣṭhe sva̱rge lo̱ke yaja̍mānaṃ ca sādayantu
Mantra 31 {#mantra-31}
Section titled “Mantra 31 {#mantra-31}”Adhyāya: 16 | Mantra: 31
a̱yaṃ pu̱ro hari̍keśa̱ḥ sūrya̍raśmi̱stasya̍ rathagṛ̱tsaśca̱ rathau̍jāśca senānīgrāma̱ṇyau̍ | pu̱ñji̱ka̱stha̱lā ca̍ kratustha̱lā cā̍psa̱rasau̍ da̱ṅkṣṇava̍ḥ pa̱śavo̍ he̱tiḥ pau̍ruṣeyo va̱dhaḥ prahe̍tiḥ
Mantra 32 {#mantra-32}
Section titled “Mantra 32 {#mantra-32}”Adhyāya: 16 | Mantra: 32
tebhyo̱ namo̍ astu̱ te no̍ mṛl̤ayantu̱ te no̍’vantu | te yaṃ dvi̱ṣmo yaśca̍ no̱ dveṣṭi̱ tame̍ṣā̱ṃ jambhe̍ dadhmaḥ
Mantra 33 {#mantra-33}
Section titled “Mantra 33 {#mantra-33}”Adhyāya: 16 | Mantra: 33
a̱yaṃ da̍kṣi̱ṇā vi̱śvaka̍rmā̱ tasya̍ rathasva̱naśca̱ rathe̍citraśca senānīgrāma̱ṇyau̍ | me̱na̱kā ca̍ sahaja̱nyā cā̍psa̱rasau̍ yātu̱dhānā̍ he̱tī rakṣā̍si̱ prahe̍tiḥ
Mantra 34 {#mantra-34}
Section titled “Mantra 34 {#mantra-34}”Adhyāya: 16 | Mantra: 34
tebhyo̱ namo̍ astu̱ te no̍ mṛl̤ayantu̱ te no̍’vantu | te yaṃ dvi̱ṣmo yaśca̍ no̱ dveṣṭi̱ tame̍ṣā̱ṃ jambhe̍ dadhmaḥ
Mantra 35 {#mantra-35}
Section titled “Mantra 35 {#mantra-35}”Adhyāya: 16 | Mantra: 35
a̱yaṃ pa̱ścādvi̱śvavya̍cā̱stasya̱ ratha̍prota̱ścāsa̍marathaśca senānīgrāma̱ṇyau̍ | pra̱mloca̍ntī cānu̱mloca̍ntī cāpsa̱rasau̍ vyā̱ghrā he̱tiḥ sa̱rpā prahe̍tiḥ
Mantra 36 {#mantra-36}
Section titled “Mantra 36 {#mantra-36}”Adhyāya: 16 | Mantra: 36
tebhyo̱ namo̍ astu̱ te no̍ mṛl̤ayantu̱ te no̍’vantu | te yaṃ dvi̱ṣmo yaśca̍ no̱ dveṣṭi̱ tame̍ṣā̱ṃ jambhe̍ dadhmaḥ
Mantra 37 {#mantra-37}
Section titled “Mantra 37 {#mantra-37}”Adhyāya: 16 | Mantra: 37
a̱yamu̍tta̱rātsa̱ṃyadva̍su̱stasya̱ tārkṣya̱ścāri̍ṣṭanemiśca senānīgrāma̱ṇyau̍ | vi̱śvācī̍ ca ghṛ̱tācī̍ cāpsa̱rasā̱ āpo̍ he̱tirvāta̱ḥ prahe̍tiḥ
Mantra 38 {#mantra-38}
Section titled “Mantra 38 {#mantra-38}”Adhyāya: 16 | Mantra: 38
tebhyo̱ namo̍ astu̱ te no̍ mṛl̤ayantu̱ te no̍’vantu | te yaṃ dvi̱ṣmo yaśca̍ no̱ dveṣṭi̱ tame̍ṣā̱ṃ jambhe̍ dadhmaḥ
Mantra 39 {#mantra-39}
Section titled “Mantra 39 {#mantra-39}”Adhyāya: 16 | Mantra: 39
a̱yamu̱parya̱rvāgva̍su̱stasya̍ sena̱jicca̍ su̱ṣeṇa̍śca senānīgrāma̱ṇyau̍ | u̱rvaśī̍ ca pū̱rvaci̍ttiścāpsa̱rasā̍ ava̱sphūrja̍nhe̱tirvi̱dyutprahe̍ti̱
Mantra 40 {#mantra-40}
Section titled “Mantra 40 {#mantra-40}”Adhyāya: 16 | Mantra: 40
tebhyo̱ namo̍ astu̱ te no̍ mṛl̤ayantu̱ te no̍’vantu| te yaṃ dvi̱ṣmo yaśca̍ no̱ dveṣṭi̱ tame̍ṣā̱ṃ jambhe̍ dadhmaḥ
Mantra 41 {#mantra-41}
Section titled “Mantra 41 {#mantra-41}”Adhyāya: 16 | Mantra: 41
a̱gnirmū̱rdhā di̱vaḥ ka̱kutpati̍ḥ pṛthi̱vyā a̱yam | a̱pā retā̍si jinvati
Mantra 42 {#mantra-42}
Section titled “Mantra 42 {#mantra-42}”Adhyāya: 16 | Mantra: 42
a̱yama̱gniḥ sa̍ha̱sriṇo̱ vāja̍sya śa̱tina̱spati̍ḥ | mū̱rdhā ka̱vī ra̍yī̱ṇām
Mantra 43 {#mantra-43}
Section titled “Mantra 43 {#mantra-43}”Adhyāya: 16 | Mantra: 43
tvāma̍gne̱ puṣka̍rā̱dadhyatha̍rvā̱ nira̍manthata | mū̱rdhno viśva̍sya vā̱ghata̍ḥ
Mantra 44 {#mantra-44}
Section titled “Mantra 44 {#mantra-44}”Adhyāya: 16 | Mantra: 44
bhuvo̍ ya̱jñasya̱ raja̍saśca ne̱tā yatrā̍ ni̱yudbhi̱ḥ saca̍se śi̱vābhi̍ḥ | di̱vi mū̱rdhāna̍ṃ dadhiṣe sva̱rṣāṃ ji̱hvāma̍gne cakṛṣe havya̱vāha̍m
Mantra 45 {#mantra-45}
Section titled “Mantra 45 {#mantra-45}”Adhyāya: 16 | Mantra: 45
abo̍dhya̱gniḥ sa̱midhā̱ janā̍nā̱ṃ prati̍ dhe̱numi̍vāya̱tīmu̱ṣāsa̍m | ya̱hvā i̍va̱ pra va̱yāmu̱jjihā̍nā̱ḥ pra bhā̱nava̍ḥ sisrate̱ nāka̱maccha̍
Mantra 46 {#mantra-46}
Section titled “Mantra 46 {#mantra-46}”Adhyāya: 16 | Mantra: 46
avo̍cāma ka̱vaye̱ medhyā̍ya̱ vaco̍ va̱ndāru̍ vṛṣa̱bhāya̱ vṛṣṇe̍ | gavi̍ṣṭhiro̱ nama̍sā̱ stoma̍ma̱gnau di̱vī̍va ru̱kmamu̍ru̱vyañca̍maśret
Mantra 47 {#mantra-47}
Section titled “Mantra 47 {#mantra-47}”Adhyāya: 16 | Mantra: 47
a̱yami̱ha pra̍tha̱mo dhā̍yi dhā̱tṛbhi̱rhotā̱ yaji̍ṣṭho adhva̱reṣvīḍya̍ḥ | yamapna̍vāno̱ bhṛga̍vo viruru̱curvane̍ṣu ci̱traṃ vi̱bhva̍ṃ vi̱śevi̍śe
Mantra 48 {#mantra-48}
Section titled “Mantra 48 {#mantra-48}”Adhyāya: 16 | Mantra: 48
jana̍sya go̱pā a̍janiṣṭa̱ jāgṛ̍vira̱gniḥ su̱dakṣa̍ḥ suvi̱tāya̱ navya̍se | ghṛ̱tapra̍tīko bṛha̱tā di̍vi̱spṛśā̍ dyu̱madvi bhā̍ti bhara̱tebhya̱ḥ śuci̍ḥ
Mantra 49 {#mantra-49}
Section titled “Mantra 49 {#mantra-49}”Adhyāya: 16 | Mantra: 49
tvāma̍gne̱ aṅgi̍raso̱ guhā̍ hi̱tamanva̍vindacchiśriyā̱ṇaṃ vane̍vane | sa jā̍yase ma̱thyamā̍na̱ḥ saho̍ ma̱hattvāmā̍hu̱ḥ saha̍saspu̱trama̍ṅgiraḥ
Mantra 50 {#mantra-50}
Section titled “Mantra 50 {#mantra-50}”Adhyāya: 16 | Mantra: 50
sakhā̍ya̱ḥ saṃ va̍ḥ sa̱myañca̱miṣa̱ stoma̍ṃ cā̱gnaye̍ | varṣi̍ṣṭhāya kṣitī̱nāmū̱rjo naptre̱ saha̍svate
Mantra 51 {#mantra-51}
Section titled “Mantra 51 {#mantra-51}”Adhyāya: 16 | Mantra: 51
sasa̱midyu̍vase vṛṣa̱nnagne̱ viśvā̍nya̱rya ā | i̱l̤aspa̱de sami̍dhyase̱ sa no̱ vasū̱nyā bha̍ra
Mantra 52 {#mantra-52}
Section titled “Mantra 52 {#mantra-52}”Adhyāya: 16 | Mantra: 52
tvāma̍gne ha̱viṣma̍nto de̱vaṃ martā̍sa īl̤ate | manye̍ tvā jā̱tave̍dasa̱ sa ha̱vyā va̍kṣyānu̱ṣak
Mantra 53 {#mantra-53}
Section titled “Mantra 53 {#mantra-53}”Adhyāya: 16 | Mantra: 53
tvāṃ ci̍traśravastama̱ hava̍nte vi̱kṣu ja̱ntava̍ḥ | śo̱ciṣke̍śaṃ purupri̱yāgne̍ ha̱vyāya̱ vol̤aha̍ve
Mantra 54 {#mantra-54}
Section titled “Mantra 54 {#mantra-54}”Adhyāya: 16 | Mantra: 54
e̱nā vo̍ a̱gniṃ nama̍so̱rjo napā̍ta̱māhu̍ve | pri̱yaṃ ceti̍ṣṭhamara̱ti sva̍dhva̱raṃ viśva̍sya dū̱tama̱mṛta̍m
Mantra 55 {#mantra-55}
Section titled “Mantra 55 {#mantra-55}”Adhyāya: 16 | Mantra: 55
viśva̍sya dū̱tama̱mṛta̱ṃ viśva̍sya dū̱tama̱mṛta̍m | sa yo̍jate aru̱ṣā vi̱śvabho̍jasā̱ sa du̍drava̱tsvā̍hutaḥ
Mantra 56 {#mantra-56}
Section titled “Mantra 56 {#mantra-56}”Adhyāya: 16 | Mantra: 56
sa du̍drava̱t svā̍huta̱ḥ sa du̍drava̱t svā̍hutaḥ | su̱brahmā̍ ya̱jñaḥ su̱śamī̱ vasū̍nāṃ de̱va rādho̱ janā̍nām
Mantra 57 {#mantra-57}
Section titled “Mantra 57 {#mantra-57}”Adhyāya: 16 | Mantra: 57
agne̱ vāja̍sya̱ goma̍ta̱ īśā̍naḥ sahaso yaho | a̱sme dhe̍hi jātavedo̱ mahi̱ śrava̍ḥ
Mantra 58 {#mantra-58}
Section titled “Mantra 58 {#mantra-58}”Adhyāya: 16 | Mantra: 58
sa i̍dhā̱no vasu̍ṣka̱vira̱gnirī̱ḍenyo̍ gi̱rā | re̱vada̱smabhya̍ṃ purvaṇīka dīdihi
Mantra 59 {#mantra-59}
Section titled “Mantra 59 {#mantra-59}”Adhyāya: 16 | Mantra: 59
kṣa̱po rā̍jannu̱ta tmanāgne̱ vasto̍ru̱toṣasa̍ḥ | sa ti̍gmajambha ra̱kṣaso̍ daha̱ prati̍
Mantra 60 {#mantra-60}
Section titled “Mantra 60 {#mantra-60}”Adhyāya: 16 | Mantra: 60
bha̱dro no̍ a̱gnirāhu̍to bha̱drā rā̱tiḥ su̍bhaga bha̱dro a̍dhva̱raḥ | bha̱drā u̱ta praśa̍stayaḥ
Mantra 61 {#mantra-61}
Section titled “Mantra 61 {#mantra-61}”Adhyāya: 16 | Mantra: 61
bha̱drā u̱ta praśa̍stayo bha̱draṃ mana̍ḥ kṛṇuṣva vṛtra̱tūrye̍ | yenā̍ sa̱matsu̍ sā̱saha̍ḥ
Mantra 62 {#mantra-62}
Section titled “Mantra 62 {#mantra-62}”Adhyāya: 16 | Mantra: 62
yenā̍ sa̱matsu̍ sā̱saho’va̍ sthi̱rā ta̍nuhi̱ bhūri̱ śardha̍tām | va̱nemā̍ te a̱bhiṣṭi̍bhiḥ
Mantra 63 {#mantra-63}
Section titled “Mantra 63 {#mantra-63}”Adhyāya: 16 | Mantra: 63
a̱gniṃ taṃ ma̍nye̱ yo vasu̱rasta̱ṃ yaṃ yanti̍ dhe̱nava̍ḥ | asta̱marva̍nta ā̱śavo’sta̱ṃ nityā̍so vā̱jina̱ iṣa̍ sto̱tṛbhya̱ ābha̍ra
Mantra 64 {#mantra-64}
Section titled “Mantra 64 {#mantra-64}”Adhyāya: 16 | Mantra: 64
so a̱gniryo vasu̍rgṛ̱ṇe saṃ yamā̱yanti̍ dhe̱nava̍ḥ | samarva̍nto raghu̱druva̱ḥ sa su̍jā̱tāsa̍ḥ sū̱raya̱ iṣa̍ sto̱tṛbhya̱ ābha̍ra
Mantra 65 {#mantra-65}
Section titled “Mantra 65 {#mantra-65}”Adhyāya: 16 | Mantra: 65
u̱bhe su̍ścandra sa̱rpiṣo̱ darvī̍ śrīṇīṣa ā̱sani̍ | u̱to na̱ utpu̍pūryā u̱ktheṣu̍ śavasaspata̱ iṣa̍ sto̱tṛbhya̱ ābha̍ra
Mantra 66 {#mantra-66}
Section titled “Mantra 66 {#mantra-66}”Adhyāya: 16 | Mantra: 66
agne̱ tama̱dyāśva̱ṃ na stomai̱ḥ kratu̱ṃ na bha̱dra hṛ̍di̱spṛśa̍m | ṛ̱dhyāmā̍ ta̱ ohai̍ḥ
Mantra 67 {#mantra-67}
Section titled “Mantra 67 {#mantra-67}”Adhyāya: 16 | Mantra: 67
adhā̱ hya̍gne̱ krato̍rbha̱drasya̱ dakṣa̍sya sā̱dhoḥ | ra̱thīrṛ̱tasya̍ bṛha̱to ba̱bhūtha̍
Mantra 68 {#mantra-68}
Section titled “Mantra 68 {#mantra-68}”Adhyāya: 16 | Mantra: 68
e̱bhirno̍ arkai̱rbhavā̍ no a̱rvāṅ sva̱rṇa jyoti̍ḥ | agne̱ viśve̍bhiḥ su̱manā̱ anī̍kaiḥ
Mantra 69 {#mantra-69}
Section titled “Mantra 69 {#mantra-69}”Adhyāya: 16 | Mantra: 69
a̱gni hotā̍raṃ manye̱ dāsva̍nta̱ṃ vasu̍ sū̱nu saha̍so jā̱tave̍dasa̱ṃ vipra̱ṃ na jā̱tave̍dasam | ya ū̱rdhvayā̍ svadhva̱ro de̱vo de̱vācyā̍ kṛ̱pā | ghṛ̱tasya̱ vibhrā̍ṣṭi̱manu̍vaṣṭi śo̱ciṣā̱juhvā̍nasya sa̱rpiṣa̍ḥ
Mantra 70 {#mantra-70}
Section titled “Mantra 70 {#mantra-70}”Adhyāya: 16 | Mantra: 70
agne̱ tvaṃ no̱ anta̍ma u̱ta trā̱tā śi̱vo bha̍vā varū̱thya̍ḥ | vasu̍ra̱gnirvasu̍śravā̱ acchā̍ nakṣi dyu̱matta̍ma ra̱yindā̍ḥ | taṃ tvā̍ śociṣṭha dīdivaḥ su̱mnāya̍ nū̱namī̍mahe̱ sakhi̍bhyaḥ
Mantra 71 {#mantra-71}
Section titled “Mantra 71 {#mantra-71}”Adhyāya: 16 | Mantra: 71
yena̱ ṛṣa̍ya̱stapa̍sā sa̱tramāya̱nnindhā̍nā a̱gni sva̍rā̱bhara̍ntaḥ | tasmi̍nna̱haṃ nida̍dhe̱ nāke̍ a̱gniṃ yamā̱hurmana̍va stī̱rṇaba̍rhiṣam
Mantra 72 {#mantra-72}
Section titled “Mantra 72 {#mantra-72}”Adhyāya: 16 | Mantra: 72
taṃ patnī̍bhi̱ranu̍ gacchema devāḥ putrai̱rbhrātṛ̍bhiru̱ta vā̱ hira̍ṇyaiḥ | nāka̍ṃ gṛbhṇā̱nāḥ su̍kṛ̱tasya̍ lo̱ke tṛ̱tīye̍ pṛ̱ṣṭhe adhi̍roca̱ne di̱vaḥ
Mantra 73 {#mantra-73}
Section titled “Mantra 73 {#mantra-73}”Adhyāya: 16 | Mantra: 73
ā vā̱co madhya̍maruhadbhura̱ṇyura̱yama̱gniḥ satpa̍ti̱śceki̍tānaḥ | pṛ̱ṣṭhe pṛ̍thi̱vyā nihi̍to̱ davi̍dyutadadhaspa̱daṃ kṛ̍ṇutā̱ṃ ye pṛ̍ta̱nyava̍ḥ
Mantra 74 {#mantra-74}
Section titled “Mantra 74 {#mantra-74}”Adhyāya: 16 | Mantra: 74
a̱yama̱gnirvī̱rata̍mo vayo̱dhāḥ sa̍ha̱sriyo̍ dyotatā̱mapra̍yucchan | vi̱bhrāja̍mānaḥ sari̱rasya̱ madhya̱ upa̱ prayā̍hi di̱vyāni̱ dhāma̍
Mantra 75 {#mantra-75}
Section titled “Mantra 75 {#mantra-75}”Adhyāya: 16 | Mantra: 75
sa̱ṃpracya̍vadhva̱mupa̍ sa̱ṃprayā̱tāgne pa̱tho de̍va̱yānā̍n kṛṇudhvam | puna̍ḥ kṛṇvā̱nā pi̱tarā̱ yuvā̍nā̱nvātā̍sī̱t tvayi̱ tantu̍me̱tam
Mantra 76 {#mantra-76}
Section titled “Mantra 76 {#mantra-76}”Adhyāya: 16 | Mantra: 76
udbu̍dhyasvāgne̱ prati̍jāgṛhi̱ tvami̍ṣṭāpū̱rte sa sṛ̍jethāma̱yaṃ ca̍ | a̱smintsa̱dhasthe̱ adhyutta̍rasmi̱n viśve̍ devā̱ yaja̍mānāśca sīdata
Mantra 77 {#mantra-77}
Section titled “Mantra 77 {#mantra-77}”Adhyāya: 16 | Mantra: 77
yena̱ vaha̍si sa̱hasra̱ṃ yenā̍gne sarvaveda̱sam | tene̱maṃ ya̱jñaṃ no̍ naya̱ sva̍rde̱veṣu̱ ganta̍ve
Mantra 78 {#mantra-78}
Section titled “Mantra 78 {#mantra-78}”Adhyāya: 16 | Mantra: 78
a̱yaṃ te̱ yoni̍rṛ̱tviyo̱ yato̍ jā̱to aro̍cathāḥ | taṃ jā̱nanna̍gna āro̱hāthā̍ no vardhayā ra̱yim
Mantra 79 {#mantra-79}
Section titled “Mantra 79 {#mantra-79}”Adhyāya: 16 | Mantra: 79
tapa̍śca tapa̱sya̍śca śaiśi̱rā ṛ̱tū a̱gnera̍ntaḥ śle̱ṣo̍’si̱ | kalpe̍tā̱ṃ dyāvā̍pṛthi̱vī kalpa̍ntā̱māpa̱ oṣa̍dhaya̱ḥ kalpa̍ntāma̱gnaya̱ḥ pṛtha̱ṅ mama̱ jyaiṣṭhyā̍ya̱ savra̍tāḥ | ye a̱gnaya̱ḥ sama̍naso’nta̱rā dyāvā̍pṛthi̱vī i̱me | śai̱śi̱rā ṛ̱tū a̍bhi̱kalpa̍mānā̱ indra̍miva de̱vā a̍bhi̱saṃvi̍śantu̱ tayā̍ de̱vata̍yāṅgira̱svad dhru̱ve sī̍datam | pa̱rame̱ṣṭhī tvā̍ sādayatu di̱vaspṛ̱ṣṭhe jyoti̍ṣmatīm | viśva̍smai prā̱ṇāyā̍pā̱nāya̍ vyā̱nāyā̱ viśva̱ṃ jyoti̍ryaccha| sūrya̱ste’dhi̍pati̱stayā̍ de̱vata̍yāṅgira̱svad dhru̱vā sī̍da
Mantra 80 {#mantra-80}
Section titled “Mantra 80 {#mantra-80}”Adhyāya: 16 | Mantra: 80
lo̱kaṃ pṛ̍ṇa chi̱draṃ pṛ̱ṇātho̍ sīda dhru̱vā tvam | i̱ndrā̱gnī tvā̱ bṛha̱spati̍ra̱smin yonā̍ asīṣadan
Mantra 81 {#mantra-81}
Section titled “Mantra 81 {#mantra-81}”Adhyāya: 16 | Mantra: 81
tā a̍sya̱ sūda̍dohasa̱ḥ soma̍ śrīṇanti̱ pṛśna̍yaḥ | janma̍nde̱vānā̱ṃ viśa̍stri̱ṣvāro̍ca̱ne di̱vaḥ
Mantra 82 {#mantra-82}
Section titled “Mantra 82 {#mantra-82}”Adhyāya: 16 | Mantra: 82
indra̱ṃ viśvā̍ avīvṛdhantsamu̱dravya̍casa̱ṃ gira̍ḥ | ra̱thīta̍ma ra̱thīnā̱ṃ vājā̍nā̱ satpa̍ti̱ṃ pati̍m
Mantra 83 {#mantra-83}
Section titled “Mantra 83 {#mantra-83}”Adhyāya: 16 | Mantra: 83
protha̱daśvo̱ na yava̍se’vi̱ṣyanya̱dā ma̱haḥ sa̱ṃvara̍ṇā̱dvyasthā̍t | āda̍sya̱ vāto̱ anu̍vāti śo̱ciradha̍ sma te̱ vraja̍naṃ kṛ̱ṣṇama̍sti
Mantra 84 {#mantra-84}
Section titled “Mantra 84 {#mantra-84}”Adhyāya: 16 | Mantra: 84
ā̱yoṣṭvā̱ sada̍ne sādayā̱myava̍taśchā̱yāyā samu̱drasya̱ hṛda̍ye | ra̱śmī̱vatī̱ṃ bhāsva̍tī̱mā yā dyāṃ bhāsyāpṛ̍thi̱vīmorva̱ntari̍kṣam | pa̱ra̱me̱ṣṭhī tvā̍ sādayatu di̱vaspṛ̱ṣṭhe vyaca̍svatī̱ṃ pratha̍svatī̱m | diva̍ṃ yaccha̱ diva̍ṃ dṛha̱ diva̱ṃ mā hi̍sīḥ | viśva̍smai prā̱ṇāyā̍pā̱nāya̍ vyā̱nāyo̍dā̱nāya̍ prati̱ṣṭhāyai̍ ca̱ritrā̍ya | sūrya̍stvā̱bhipā̍tu ma̱hyā sva̱styā cha̱rdiṣā̱ śaṃta̍mena̱ tayā̍ de̱vata̍yāṅgira̱svad dhru̱ve sī̍datam
Mantra 85 {#mantra-85}
Section titled “Mantra 85 {#mantra-85}”Adhyāya: 16 | Mantra: 85
sa̱hasra̍sya pra̱māsi̍ sa̱hasra̍sya prati̱māsi̍ sa̱hasra̍syo̱nmāsi̍ sā̱ha̱sro̍’si sa̱hasrā̍ya tvā