Vājasaneyi Kanva Saṃhitā — Chapter 10 (43 mantras)
Vājasaneyi Kanva Saṃhitā — Chapter 10
Section titled “Vājasaneyi Kanva Saṃhitā — Chapter 10”atha daśamo’dhyāyaḥ |
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 10 | Mantra: 1
deva̍ savita̱ḥ prasu̍va ya̱jñaṃ prasu̍ve̱maṃ bhagā̍ya | di̱vyo ga̍ndha̱rvaḥ ke̍ta̱pāḥ keta̍ṃ naḥ punātu vā̱caspati̍rno a̱dya vāja̍ svadatu
Mantra 2 {#mantra-2}
Section titled “Mantra 2 {#mantra-2}”Adhyāya: 10 | Mantra: 2
dhru̱va̱sada̍ṃ tvā nṛ̱ṣada̍ṃ mana̱ḥsada̍m | u̱pa̱yā̱magṛ̍hīto̱’sīndrā̍ya tvā̱ juṣṭa̍ṃ gṛhṇāmye̱ṣa te̱ yoni̱rindrā̍ya tvā̱ juṣṭa̍tamam
Mantra 3 {#mantra-3}
Section titled “Mantra 3 {#mantra-3}”Adhyāya: 10 | Mantra: 3
a̱psu̱ṣada̍ṃ tvā ghṛta̱sada̍ṃ vyoma̱sada̍m | u̱pa̱yā̱magṛ̍hīto̱’sīndrā̍ya tvā̱ juṣṭa̍ṃ gṛhṇāmye̱ṣa te̱ yoni̱rindrā̍ya tvā̱ juṣṭa̍tamam | pṛ̱thi̱vī̱sada̍ṃ tvā’ntarikṣa̱sada̍ṃ divi̱sada̍ṃ deva̱sada̍ṃ nāka̱sada̍m | u̱pa̱yā̱magṛ̍hīto̱’sīndrā̍ya tvā̱ juṣṭa̍ṃ gṛhṇāmye̱ṣa te̱ yoni̱rindrā̍ya tvā̱ juṣṭa̍tamam
Mantra 4 {#mantra-4}
Section titled “Mantra 4 {#mantra-4}”Adhyāya: 10 | Mantra: 4
a̱pā rasa̱mudva̍yasa̱ sūrye̱ santa̍ sa̱māhi̍tam | a̱pā rasa̍sya̱ yo rasa̱staṃ vo̍ gṛhṇāmyutta̱mam | u̱pa̱yā̱magṛ̍hīto̱’sīndrā̍ya tvā̱ juṣṭa̍ṃ gṛhṇāmye̱ṣa te̱ yoni̱rindrā̍ya tvā̱ juṣṭa̍tamam
Mantra 5 {#mantra-5}
Section titled “Mantra 5 {#mantra-5}”Adhyāya: 10 | Mantra: 5
grahā̍ ūrjāhutayo̱ vyanto̱ viprā̍ya ma̱tim | teṣā̱ṃ viśi̍priyāṇāṃ vo̱’hamiṣa̱mūrja̱ sama̍grabham | u̱pa̱yā̱magṛ̍hīto̱’sīndrā̍ya tvā̱ juṣṭa̍ṃ gṛhṇāmye̱ṣa te̱ yoni̱rindrā̍ya tvā̱ juṣṭa̍tamam
Mantra 6 {#mantra-6}
Section titled “Mantra 6 {#mantra-6}”Adhyāya: 10 | Mantra: 6
sa̱ṃpṛca̍ stha̱ saṃ mā̍ bha̱dreṇa̍ pṛṅkta | vi̱pṛca̍ stha̱ vi mā̍ pā̱pena̍ pṛṅkta
Mantra 7 {#mantra-7}
Section titled “Mantra 7 {#mantra-7}”Adhyāya: 10 | Mantra: 7
indra̍sya̱ vajro̍’si vāja̱sāstvayā̱ yaṃ vāja̍ set | vāja̍sya̱ nu pra̍sa̱ve mā̱tara̍ṃ ma̱hīmadi̍ti̱ṃ nāma̱ vaca̍sā karāmahe | yasyā̍mi̱daṃ viśva̱ṃ bhuva̍namāvi̱veśa̱ tasyā̍ṃ no de̱vaḥ sa̍vi̱tā dharma̍ sāviṣak
Mantra 8 {#mantra-8}
Section titled “Mantra 8 {#mantra-8}”Adhyāya: 10 | Mantra: 8
devī̍rāpo apāṃnapā̱dyo va̍ ū̱rmiḥ pratū̍rtiḥ| ka̱kunmā̍n vāja̱sāstenā̱yaṃ vāja̍set
Mantra 9 {#mantra-9}
Section titled “Mantra 9 {#mantra-9}”Adhyāya: 10 | Mantra: 9
a̱psva̱ntara̱mṛta̍ma̱psu bhe̍ṣa̱jama̱pāmu̱ta praśa̍stibhiḥ | aśvā̱ bhava̍ta vā̱jina̍ḥ
Mantra 10 {#mantra-10}
Section titled “Mantra 10 {#mantra-10}”Adhyāya: 10 | Mantra: 10
vāto̍ vā vo̱ mano̍ vā gandha̱rvāḥ sa̱ptavi̍śatiḥ | te agre’śva̍mayuñja̱ste a̍sminja̱vamāda̍dhuḥ
Mantra 11 {#mantra-11}
Section titled “Mantra 11 {#mantra-11}”Adhyāya: 10 | Mantra: 11
vāta̍rahā bhava vājinyu̱jyamā̍na̱ indra̍syeva̱ dakṣi̍ṇaḥ śri̱yaidhi̍ | yu̱ñjantu̍ tvā ma̱ruto̍ vi̱śvaveda̍sa̱ ā te̱ tvaṣṭā̍ pa̱tsu ja̱vaṃ da̍dhātu
Mantra 12 {#mantra-12}
Section titled “Mantra 12 {#mantra-12}”Adhyāya: 10 | Mantra: 12
ja̱vo yaste̍ vāji̱nnihi̍to̱ guhā̱ yaḥ śye̱ne parī̍tto̱ aca̍racca̱ vāte̍ | tena̍ no vāji̱n bala̍vā̱n bale̍na vāja̱jiccai̱dhi sama̍ne ca pārayi̱ṣṇuḥ
Mantra 13 {#mantra-13}
Section titled “Mantra 13 {#mantra-13}”Adhyāya: 10 | Mantra: 13
vāji̍no vājajito̱ vāja̍ sari̱ṣyanta̍ḥ | bṛha̱spate̍rbhā̱gamava̍jighrata
Mantra 14 {#mantra-14}
Section titled “Mantra 14 {#mantra-14}”Adhyāya: 10 | Mantra: 14
de̱vasya̍ va̱ya sa̍vi̱tuḥ sa̱ve sa̱tyasa̍vasaḥ | bṛha̱spate̍rutta̱maṃ nāka̍ ruhe̱mendra̍syotta̱maṃ nāka̍ ruhema | de̱vasya̍ va̱ya sa̍vi̱tuḥ sa̱ve sa̱tyasa̍vasaḥ | bṛha̱spate̍rutta̱maṃ nāka̍maruhā̱mendra̍syotta̱maṃ nāka̍maruhāma
Mantra 15 {#mantra-15}
Section titled “Mantra 15 {#mantra-15}”Adhyāya: 10 | Mantra: 15
bṛha̍spate̱ vāja̍ṃ jaya̱ bṛha̱spata̍ye̱ vāca̍ṃ vadata | bṛha̱spati̱ṃ vāja̍ṃ jāpayata
Mantra 16 {#mantra-16}
Section titled “Mantra 16 {#mantra-16}”Adhyāya: 10 | Mantra: 16
indra̱ vāja̍ṃ ja̱yendrā̍ya̱ vāca̍ṃ vadata | indra̱ṃ vāja̍ṃ jāpayata
Mantra 17 {#mantra-17}
Section titled “Mantra 17 {#mantra-17}”Adhyāya: 10 | Mantra: 17
e̱ṣā va̱ḥ sā sa̱tyā sa̱ṃvāga̍bhū̱dyayā̱ bṛha̱spati̱ṃ vāja̱majī̍japata | ājī̍japata̱ bṛha̱spati̱ṃ vāca̱ṃ vana̍spatayo̱ vimu̍cyadhvam
Mantra 18 {#mantra-18}
Section titled “Mantra 18 {#mantra-18}”Adhyāya: 10 | Mantra: 18
de̱vasya̍ va̱ya sa̍vi̱tuḥ sa̱ve sa̱tyasa̍vasaḥ | bṛha̱spate̍rvāja̱jito̱ vāja̍ṃ jeṣam
Mantra 19 {#mantra-19}
Section titled “Mantra 19 {#mantra-19}”Adhyāya: 10 | Mantra: 19
vāji̍no̱ vāja̍ṃ jaya̱tādhva̍na ska̱bhnanta̍ḥ | yoja̍nā̱ mimā̍nā̱ḥ kāṣṭhā̍ṃ gacchata
Mantra 20 {#mantra-20}
Section titled “Mantra 20 {#mantra-20}”Adhyāya: 10 | Mantra: 20
e̱ṣa sya vā̱jī kṣi̍pa̱ṇiṃ tu̍raṇyati grī̱vāyā̍ṃ ba̱ddho a̍pika̱kṣa ā̱sani̍ | kratu̍ṃ dadhi̱krā anu̍ sa̱ntavī̍tvatpa̱thāmaṅkā̱syanvā̱panī̍phaṇat
Mantra 21 {#mantra-21}
Section titled “Mantra 21 {#mantra-21}”Adhyāya: 10 | Mantra: 21
u̱ta smā̍sya̱ drava̍tasturaṇaya̱taḥ pa̱rṇaṃ na veranu̍vāti praga̱rdhina̍ḥ | śye̱nasye̍va̱ dhraja̍to aṅka̱saṃ pari̍ dadhi̱krāvṇa̍ḥ sa̱horjā tari̍trataḥ
Mantra 22 {#mantra-22}
Section titled “Mantra 22 {#mantra-22}”Adhyāya: 10 | Mantra: 22
śaṃ no̍ bhavantu vā̱jino̱ have̍ṣu de̱vatā̍tā mi̱tadra̍vaḥ sva̱rkāḥ | ja̱mbhaya̱nto’hi̱ṃ vṛka̱ rakṣā̍si̱ sane̍mya̱smadyu̍yava̱nnamī̍vāḥ
Mantra 23 {#mantra-23}
Section titled “Mantra 23 {#mantra-23}”Adhyāya: 10 | Mantra: 23
te no̱ arva̍nto havana̱śruto̱ hava̱ṃ viśve̍ śṛṇvantu vā̱jino̍ mi̱tadra̍vaḥ | sa̱ha̱sra̱sā me̱dhasā̍tā iva̱ tmanā̍ ma̱ho ye dhana̍ sami̱theṣu̍ jabhri̱re
Mantra 24 {#mantra-24}
Section titled “Mantra 24 {#mantra-24}”Adhyāya: 10 | Mantra: 24
vāje̍vāje’vata vājino no̱ dhane̍ṣu viprā amṛtā ṛtajñāḥ | a̱sya madhva̍ḥ pibata mā̱daya̍dhvaṃ tṛ̱ptā yā̍ta pa̱thibhi̍rdeva̱yānai̍ḥ
Mantra 25 {#mantra-25}
Section titled “Mantra 25 {#mantra-25}”Adhyāya: 10 | Mantra: 25
ā mā̱ vāja̍sya prasa̱vo ja̍gamyā̱deme dyāvā̍pṛthi̱vī vi̱śvarū̍pe | ā mā̍ gaṃtaṃ pitarā mātarā yu̱vamā mā̱ somo̍ amṛta̱tvāya̍ gamyāt
Mantra 26 {#mantra-26}
Section titled “Mantra 26 {#mantra-26}”Adhyāya: 10 | Mantra: 26
vāji̍no vājajito̱ vāja̍ sasṛ̱vāsa̍ḥ| bṛha̱spate̍rbhā̱gamava̍jighrata nimṛjā̱nāḥ
Mantra 27 {#mantra-27}
Section titled “Mantra 27 {#mantra-27}”Adhyāya: 10 | Mantra: 27
ā̱paye̱ svāhā̍ svā̱paye̱ svāhā̍’pi̱jāya̱ svāhā̱ krata̍ve̱ svāhā̍ | vasa̍ve̱ svāhā̍ha̱rpata̍ye̱ svāhā̍ | ahne̍ mu̱gdhāya̱ svāhā̍ mu̱gdhāya̍ vainaśi̱nāya̱ svāhā̍ vina̱śina̍ āntyāya̱nāya̱ svāhāntyā̍ya bhauva̱nāya̱ svāhā̱ bhuva̍nasya̱ pata̍ye̱ svāhādhi̍pataye̱ svāhā̍
Mantra 28 {#mantra-28}
Section titled “Mantra 28 {#mantra-28}”Adhyāya: 10 | Mantra: 28
āyu̍rya̱jñena̍ kalpatāṃ prā̱ṇo ya̱jñena̍ kalpatā̱ṃ cakṣu̍rya̱jñena̍ kalpatā̱ śrotra̍ṃ ya̱jñena̍ kalpatām | pṛ̱ṣṭhaṃ ya̱jñena̍ kalpatāṃ ya̱jño ya̱jñena̍ kalpatām
Mantra 29 {#mantra-29}
Section titled “Mantra 29 {#mantra-29}”Adhyāya: 10 | Mantra: 29
jāya̱ ehi̱ svo̱ rohā̍va | pra̱jāpa̍teḥ pra̱jā a̍bhūma̱ sva̍rdevā aganmā̱mṛtā̍ abhūma
Mantra 30 {#mantra-30}
Section titled “Mantra 30 {#mantra-30}”Adhyāya: 10 | Mantra: 30
a̱sme vo̍ astvindri̱yama̱sme nṛ̱mṇamu̱ta kratu̍ḥ | a̱sme varcā̍si santu vaḥ
Mantra 31 {#mantra-31}
Section titled “Mantra 31 {#mantra-31}”Adhyāya: 10 | Mantra: 31
namo̍ mā̱tre pṛ̍thi̱vyā i̱yaṃ te̱ rāḍya̱ntāsi̱ yama̍naḥ | dhru̱vo̍’si dha̱ruṇa̍ḥ kṛ̱ṣyai kṣemā̍ya ra̱yyai poṣā̍ya
Mantra 32 {#mantra-32}
Section titled “Mantra 32 {#mantra-32}”Adhyāya: 10 | Mantra: 32
vāja̍sye̱maṃ pra̍sa̱vaḥ su̍ṣu̱ve’gre̱ soma̱ rājā̍na̱moṣa̍dhīṣva̱psu | tā a̱smabhya̱ṃ madhu̍matīrbhavantu va̱ya rā̱ṣṭre jā̍gṛyāma pu̱rohi̍tāḥ
Mantra 33 {#mantra-33}
Section titled “Mantra 33 {#mantra-33}”Adhyāya: 10 | Mantra: 33
vāja̍sye̱daṃ pra̍sa̱va āba̍bhūve̱mā ca̱ viśvā̱ bhuva̍nāni sa̱rvata̍ḥ | sane̍mi̱ rājā̱ pari̍yāti vi̱dvān ra̱yiṃ puṣṭi̍ṃ va̱rdhaya̍māno a̱sme
Mantra 34 {#mantra-34}
Section titled “Mantra 34 {#mantra-34}”Adhyāya: 10 | Mantra: 34
vāja̍sye̱māṃ pra̍sa̱vaḥ śi̍śriye̱ diva̍mi̱mā ca̱ viśvā̱ bhuva̍nāni sa̱mrāṭ | ādi̍tsantaṃ dāpayati prajā̱ntsa no̍ ra̱yi sarva̍vīra̱ṃ niya̍cchatu̱
Mantra 35 {#mantra-35}
Section titled “Mantra 35 {#mantra-35}”Adhyāya: 10 | Mantra: 35
agne̱ acchā̍vade̱ha na̱ḥ prati̍ naḥ su̱manā̍ bhava | pra no̍ yaccha sahasraji̱ttvahi dha̍na̱dā asi̍
Mantra 36 {#mantra-36}
Section titled “Mantra 36 {#mantra-36}”Adhyāya: 10 | Mantra: 36
soma̱ rājā̍na̱mava̍se̱’gnima̱nvāra̍bhāmahe | ā̱di̱tyān viṣṇu̱ sūrya̍ṃ bra̱hmāṇa̍ṃ ca̱ bṛha̱spati̍m
Mantra 37 {#mantra-37}
Section titled “Mantra 37 {#mantra-37}”Adhyāya: 10 | Mantra: 37
pra no̍ yacchatvarya̱mā pra pū̱ṣā pra sara̍svatī | pra vāgde̱vī da̍dātu naḥ
Mantra 38 {#mantra-38}
Section titled “Mantra 38 {#mantra-38}”Adhyāya: 10 | Mantra: 38
a̱rya̱maṇa̱ṃ bṛha̱spati̱mindra̱ṃ dānā̍ya codaya | vāca̱ṃ viṣṇu̱ sara̍svatī savi̱tāra̍ṃ ca vā̱jina̍m
Mantra 39 {#mantra-39}
Section titled “Mantra 39 {#mantra-39}”Adhyāya: 10 | Mantra: 39
de̱vasya̍ tvā savi̱tuḥ pra̍sa̱ve̱’śvino̍rbā̱hubhyā̍ṃ pū̱ṣṇo hastā̍bhyām | sara̍svatyai vā̱co yanturye̱ dadhāmi | bṛha̱spate̍ṣṭvā̱ sāmrā̍jyenā̱bhiṣi̍ñcā̱mīndra̍sya tvā sāmrā̍jyenā̱bhiṣi̍ñcāmi
Mantra 40 {#mantra-40}
Section titled “Mantra 40 {#mantra-40}”Adhyāya: 10 | Mantra: 40
a̱gnirekā̍kṣareṇa prā̱ṇamuda̍jaya̱t tamujje̍ṣama̱śvinau̱ dvya̍kṣareṇa dvi̱pado̍ manu̱ṣyā̱nuda̍jayatā̱ṃ tānujje̍ṣam | viṣṇu̱strya̍kṣareṇa̱ trīni̱mām̐llo̱kānuda̍jaya̱ttānujje̍ṣa̱ soma̱ścatu̍rakṣareṇa̱ catu̍ṣpadaḥ pa̱śūnuda̍jaya̱ttānujje̍ṣam
Mantra 41 {#mantra-41}
Section titled “Mantra 41 {#mantra-41}”Adhyāya: 10 | Mantra: 41
pū̱ṣā pañcā̍kṣareṇa̱ pañca̍ ṛ̱tūnuda̍jaya̱ttānujje̍ṣa savi̱tā ṣal̤a̍kṣareṇa̱ ṣal̤ṛ̱tūnuda̍jaya̱ttānujje̍ṣam || ma̱ruta̍ḥ sa̱ptākṣa̍reṇa sa̱pta grā̱myān paśū̱nuda̍jaya̱stānujje̍ṣa̱ṃ bṛha̱spati̍ra̱ṣṭākṣa̍reṇa gāya̱trīmuda̍jaya̱ttāmujje̍ṣam
Mantra 42 {#mantra-42}
Section titled “Mantra 42 {#mantra-42}”Adhyāya: 10 | Mantra: 42
mi̱tro navā̍kṣareṇa tri̱vṛta̱ stoma̱muda̍jaya̱t tamujje̍ṣaṃ varu̍ṇo̱ daśā̍kṣareṇa vi̱rāja̱muda̍jaya̱ttāmujje̍ṣam | indra̱ ekāda̍śākṣareṇa tri̱ṣṭubha̱muda̍jaya̱ttāmujje̍ṣa̱ṃ viśve̍ de̱vā dvāda̍śākṣareṇa̱ jaga̍tī̱muda̍jaya̱stāmujje̍ṣam
Mantra 43 {#mantra-43}
Section titled “Mantra 43 {#mantra-43}”Adhyāya: 10 | Mantra: 43
vasa̍va̱strayo̍daśākṣareṇa trayoda̱śa stoma̱muda̍jaya̱stamujje̍ṣa ru̱drāścatu̍rdaśākṣareṇa caturda̱śa stoma̱muda̍jaya̱stamujje̍ṣam | ā̱di̱tyāḥ pañca̍daśākṣareṇa pañcada̱śa stoma̱muda̍jaya̱stamujje̍ṣa̱madi̍ti̱ḥ ṣol̤a̍śākṣareṇa ṣol̤a̱śa stoma̱muda̍jaya̱ttamujje̍ṣam | pra̱jāpa̍tiḥ sa̱ptada̍śākṣareṇa sa̱ptada̱śa stoma̱muda̍jaya̱ttamujje̍ṣam