Vājasaneyi Kanva Saṃhitā — Chapter 36 (24 mantras)
Vājasaneyi Kanva Saṃhitā — Chapter 36
Section titled “Vājasaneyi Kanva Saṃhitā — Chapter 36”atha ṣaṭtriṃśo’dhyāyaḥ|
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 36 | Mantra: 1
ṛca̱ṃ vāca̱ṃ pra pa̍dye̱ mano̱ yaju̱ḥ pra pa̍dye̱ sāma̍ prā̱ṇaṃ pra pa̍dye̱ cakṣu̱ḥ śrotra̱ṃ pra pa̍dye | vāgoja̍ḥ sa̱haujo̱ mayi̍ prāṇāpānau
Mantra 2 {#mantra-2}
Section titled “Mantra 2 {#mantra-2}”Adhyāya: 36 | Mantra: 2
yanme̍ chi̱draṃ cakṣu̍ṣo̱ hṛda̍yasya̱ mana̍so̱ vāti̍tṛṇṇa̱ṃ bṛha̱spati̍rme̱ tadda̍dhātu | śaṃ no̍ bhavatu̱ bhuva̍nasya̱ yaspati̍ḥ
Mantra 3 {#mantra-3}
Section titled “Mantra 3 {#mantra-3}”Adhyāya: 36 | Mantra: 3
bhūrbhuva̱ḥ sva̍ḥ | tatsa̍vi̱turvare̍ṇya̱ṃ bhargo̍ de̱vasya̍ dhīmahi | dhiyo̱ yo na̍ḥ praco̱dayā̍t
Mantra 4 {#mantra-4}
Section titled “Mantra 4 {#mantra-4}”Adhyāya: 36 | Mantra: 4
kayā̍ naści̱tra ā bhu̍vadū̱tī sa̱dāvṛ̍dha̱ḥ sakhā̍ | kayā̱ śaci̍ṣṭhayā vṛ̱tā
Mantra 5 {#mantra-5}
Section titled “Mantra 5 {#mantra-5}”Adhyāya: 36 | Mantra: 5
kastvā̍ sa̱tyo madā̍nā̱ṃ ma hi̍ṣṭho matsa̱dandha̍saḥ | dṛ̱l̤ahā ci̍dā̱ruje̱ vasu̍
Mantra 6 {#mantra-6}
Section titled “Mantra 6 {#mantra-6}”Adhyāya: 36 | Mantra: 6
a̱bhī ṣu ṇa̱ḥ sakhī̍nāmavi̱tā ja̍ritṝ̱ṇām | śa̱taṃ bha̍vāsyū̱tibhiḥ
Mantra 7 {#mantra-7}
Section titled “Mantra 7 {#mantra-7}”Adhyāya: 36 | Mantra: 7
kayā̱ tvaṃ na̍ ū̱tyābhi pra ma̍ndase vṛṣan | ka̱yā sto̱tṛbhya̱ ā bha̍ra
Mantra 8 {#mantra-8}
Section titled “Mantra 8 {#mantra-8}”Adhyāya: 36 | Mantra: 8
indro̱ viśva̍sya rājati | śaṃ no̍ astu dvi̱pade̱ śaṃ catu̍ṣpade
Mantra 9 {#mantra-9}
Section titled “Mantra 9 {#mantra-9}”Adhyāya: 36 | Mantra: 9
śaṃ no̍ mi̱traḥ śaṃ varu̍ṇa̱ḥ śaṃ no̍ bhavatvarya̱mā | śaṃ na̱ indro̱ bṛha̱spati̱ḥ śaṃ no̱ viṣṇu̍rurukra̱maḥ
Mantra 10 {#mantra-10}
Section titled “Mantra 10 {#mantra-10}”Adhyāya: 36 | Mantra: 10
śaṃ no̱ vāta̍ḥ pavatā̱ śaṃ na̍stapatu̱ sūrya̍ḥ | śaṃ na̱ḥ kani̍kradadde̱vaḥ pa̱rjanyo̍ a̱bhi va̍rṣatu
Mantra 11 {#mantra-11}
Section titled “Mantra 11 {#mantra-11}”Adhyāya: 36 | Mantra: 11
ahā̍ni̱ śaṃ bhava̍ntu na̱ḥ śa rātrī̱ḥ prati̍ dhīyatām | śaṃ na̍ indrā̱gnī bha̍vatā̱mavo̍bhi̱ḥ śaṃ na̱ indrā̱varu̍ṇā rā̱taha̍vyā | śaṃ na̍ indrāpū̱ṣaṇā̱ vāja̍sātau̱ śamindrā̱somā̍ suvi̱tāya̱ śaṃ yoḥ
Mantra 12 {#mantra-12}
Section titled “Mantra 12 {#mantra-12}”Adhyāya: 36 | Mantra: 12
śaṃ no̍ de̱vīra̱bhiṣṭa̍ya̱ āpo̍ bhavantu pī̱taye̍ | śaṃ yora̱bhi sra̍vantu naḥ
Mantra 13 {#mantra-13}
Section titled “Mantra 13 {#mantra-13}”Adhyāya: 36 | Mantra: 13
syo̱nā pṛ̍thivi no bhavānṛkṣa̱rā ni̱veśa̍nī | yacchā̍ na̱ḥ śarma̍ sa̱prathā̍ḥ
Mantra 14 {#mantra-14}
Section titled “Mantra 14 {#mantra-14}”Adhyāya: 36 | Mantra: 14
āpo̱ hi ṣṭhā ma̍yo̱bhuva̱stā na̍ ū̱rje da̍dhātana | ma̱he raṇā̍ya̱ cakṣa̍se
Mantra 15 {#mantra-15}
Section titled “Mantra 15 {#mantra-15}”Adhyāya: 36 | Mantra: 15
yo va̍ḥ śi̱vata̍mo̱ rasa̱stasya̍ bhājayate̱ha na̍ḥ | u̱śa̱tīri̍va mā̱tara̍ḥ
Mantra 16 {#mantra-16}
Section titled “Mantra 16 {#mantra-16}”Adhyāya: 36 | Mantra: 16
tasmā̱ ara̍ṃ gamāma vo̱ yasya̱ kṣayā̍ya̱ jinva̍tha | āpo̍ ja̱naya̍thā ca naḥ
Mantra 17 {#mantra-17}
Section titled “Mantra 17 {#mantra-17}”Adhyāya: 36 | Mantra: 17
dyau̱ḥ śānti̍ra̱ntari̍kṣa̱ śānti̍ḥ pṛthi̱vī śānti̱rāpa̱ḥ śānti̱roṣa̍dhaya̱ḥ śānti̍ḥ | vana̱spata̍ya̱ḥ śānti̱ śānti̍re̱va śānti̍ḥ
Mantra 18 {#mantra-18}
Section titled “Mantra 18 {#mantra-18}”Adhyāya: 36 | Mantra: 18
dṛte̱ dṛ ha̍ mā mi̱trasya̍ mā̱ cakṣu̍ṣā̱ sarvā̍ṇi bhū̱tāni̱ samī̍kṣantām | mi̱trasyā̱haṃ cakṣu̍ṣā̱ sarvā̍ṇi bhū̱tāni̱ samī̍kṣe | mi̱trasya̱ cakṣu̍ṣā̱ samī̍kṣāmahe
Mantra 19 {#mantra-19}
Section titled “Mantra 19 {#mantra-19}”Adhyāya: 36 | Mantra: 19
dṛte̱ dṛ ha̍ mā | jyokte̍ sa̱ṃdṛśi̍ jīvyāsa̱ṃ jyokte̍ sa̱ṃdṛśi̍ jīvyāsam
Mantra 20 {#mantra-20}
Section titled “Mantra 20 {#mantra-20}”Adhyāya: 36 | Mantra: 20
nama̍ste̱ hara̍se śo̱ciṣe̱ nama̍ste astva̱rciṣe̍ | a̱nyāste̍ a̱smatta̍pantu he̱taya̍ḥ pāva̱ko a̱smabhya̍ śi̱vo bha̍va
Mantra 21 {#mantra-21}
Section titled “Mantra 21 {#mantra-21}”Adhyāya: 36 | Mantra: 21
nama̍ste astu vi̱dyute̱ nama̍ste stanayi̱tnave̍ | nama̍ste bhagavannastu̱ yata̱ḥ sva̍ḥ sa̱mīha̍se
Mantra 22 {#mantra-22}
Section titled “Mantra 22 {#mantra-22}”Adhyāya: 36 | Mantra: 22
yato̍yataḥ sa̱mīha̍se̱ tato̍ no̱ abha̍yaṃ kuru | śaṃ na̍ḥ kuru pra̱jābhyo’bha̍yaṃ naḥ pa̱śubhya̍ḥ
Mantra 23 {#mantra-23}
Section titled “Mantra 23 {#mantra-23}”Adhyāya: 36 | Mantra: 23
su̱mi̱tri̱yā na̱ āpa̱ oṣa̍dhayaḥ santu durmitri̱yāstasmai̍ santu̱ | yo̱’smāndve̍ṣṭi̱ yaṃ ca̍ va̱yaṃ dvi̱ṣmaḥ
Mantra 24 {#mantra-24}
Section titled “Mantra 24 {#mantra-24}”Adhyāya: 36 | Mantra: 24
taccakṣu̍rde̱vahi̍taṃ pu̱rastā̍cchu̱kramu̱ccara̍t | paśye̍ma śa̱rada̍ḥ śa̱taṃ jīve̍ma śa̱rada̍ḥ śa̱ta śṛṇu̍yāma śa̱rada̍ḥ śa̱tam