Vājasaneyi Kanva Saṃhitā — Chapter 3 (76 mantras)
Vājasaneyi Kanva Saṃhitā — Chapter 3
Section titled “Vājasaneyi Kanva Saṃhitā — Chapter 3”atha tṛtīyo’dhyāyaḥ|
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 3 | Mantra: 1
sa̱midhā̱gniṃ du̍vasyata ghṛ̱tairbo̍dhaya̱tāti̍thim | āsmi̍n ha̱vyā ju̍hotana
Mantra 2 {#mantra-2}
Section titled “Mantra 2 {#mantra-2}”Adhyāya: 3 | Mantra: 2
susa̍middhāya śo̱ciṣe̍ ghṛ̱taṃ tī̱vraṃ ju̍hotana | a̱gnaye̍ jā̱tave̍dase
Mantra 3 {#mantra-3}
Section titled “Mantra 3 {#mantra-3}”Adhyāya: 3 | Mantra: 3
taṃ tvā̍ sa̱midbhi̍raṅgiro ghṛ̱tena̍ vardhayāmasi | bṛ̱hacho̍cā yaviṣṭya
Mantra 4 {#mantra-4}
Section titled “Mantra 4 {#mantra-4}”Adhyāya: 3 | Mantra: 4
upa̍ tvāgne ha̱viṣma̍tīrghṛ̱tācī̍ryantu haryata | ju̱ṣasva̍ sa̱midho̱ mama̍
Mantra 5 {#mantra-5}
Section titled “Mantra 5 {#mantra-5}”Adhyāya: 3 | Mantra: 5
bhūrbhuva̱ḥ sva̱rdyauri̍va bhū̱mnā bhūmi̍riva vari̱mṇā | tasyā̍ste pṛthivi devayajani pṛ̱ṣṭhe̱gnima̍nnā̱dama̱nnādyā̱yāda̍dhe
Mantra 6 {#mantra-6}
Section titled “Mantra 6 {#mantra-6}”Adhyāya: 3 | Mantra: 6
āyaṃ gauḥ pṛśni̍rakramī̱dasa̍dan mā̱tara̍ṃ pu̱raḥ | pi̱tara̍ṃ ca pra̱yantsva̍ḥ
Mantra 7 {#mantra-7}
Section titled “Mantra 7 {#mantra-7}”Adhyāya: 3 | Mantra: 7
a̱ntaśca̍rati roca̱nāsya prā̱ṇāda̍pāna̱tī | vya̍khyan mahi̱ṣo diva̍m
Mantra 8 {#mantra-8}
Section titled “Mantra 8 {#mantra-8}”Adhyāya: 3 | Mantra: 8
tri̱ śaddhāma̱ virā̍jati̱ vāk pa̍ta̱ṅgāya̍ dhīyate | prati̱ vasto̱raha̱ dyubhi̍ḥ
Mantra 9 {#mantra-9}
Section titled “Mantra 9 {#mantra-9}”Adhyāya: 3 | Mantra: 9
a̱gnirjyo̍tiṣaṃ tvā vāyu̱matī̍ṃ prā̱ṇava̍tīm| sva̱rgyā̍sva̱rgāyopa̍dadhāmi̱ bhāsva̍tīm| a̱gnirjyoti̱rjyoti̍ra̱gniḥ svāhā̍
Mantra 10 {#mantra-10}
Section titled “Mantra 10 {#mantra-10}”Adhyāya: 3 | Mantra: 10
sūrya̍ jyotiṣaṃ tvā vāyu̱matī̍ṃ prā̱ṇava̍tīm| sva̱rgyā̍sva̱rgāyopa̍dadhāmi̱ bhāsva̍tīm| sūryo̱ jyoti̱rjyoti̱ḥ sūrya̱ḥ svāhā̍
Mantra 11 {#mantra-11}
Section titled “Mantra 11 {#mantra-11}”Adhyāya: 3 | Mantra: 11
sa̱jūrde̱vena̍ savi̱trā sa̱jū rātryendra̍vatyā | ju̱ṣā̱ṇo a̱gnirve̍tu̱ svāhā̍
Mantra 12 {#mantra-12}
Section titled “Mantra 12 {#mantra-12}”Adhyāya: 3 | Mantra: 12
sa̱jūrde̱vena̍ savi̱trā sa̱jūru̱ṣasendra̍vatyā | ju̱ṣā̱ṇaḥ sūryo̍ vetu̱ svāhā̍
Mantra 13 {#mantra-13}
Section titled “Mantra 13 {#mantra-13}”Adhyāya: 3 | Mantra: 13
i̱ha puṣṭi̱ṃ puṣṭi̍patirdadhātvi̱ha pra̱jā ra̍mayatu pra̱jāpa̍tiḥ| a̱gnaye̍ gṛ̱hapa̍taye rayi̱mate̱ puṣṭi̍pataye̱ svāhā̍| a̱gnaye̍’nnā̱dāyānna̍pataye̱ svāhā̍
Mantra 14 {#mantra-14}
Section titled “Mantra 14 {#mantra-14}”Adhyāya: 3 | Mantra: 14
a̱na̱mi̱traṃ me̍ adha̱rāga̍nami̱tramuda̍kkṛdhi | indrā̍nami̱traṃ pa̱ścānme̍nami̱traṃ pu̱raskṛ̍dhi
Mantra 15 {#mantra-15}
Section titled “Mantra 15 {#mantra-15}”Adhyāya: 3 | Mantra: 15
indra̍ḥ pa̱ścādindra̍ḥ pu̱rastā̱dindro̍ a̱smām̐3 a̱bhipā̍tu vi̱śvata̍ḥ| indro̱ jighā̍satā̱ṃ manā̍si viṣū̱cīnā̱ vya̍syatāt
Mantra 16 {#mantra-16}
Section titled “Mantra 16 {#mantra-16}”Adhyāya: 3 | Mantra: 16
sa̱mida̍si̱ sami̍ddho me agne dīdihi | sa̱me̱ddhā te̍ agne dīdyāsam
Mantra 17 {#mantra-17}
Section titled “Mantra 17 {#mantra-17}”Adhyāya: 3 | Mantra: 17
u̱pa̱pra̱yanto̍ adhva̱raṃ mantra̍ṃ vocemā̱gnaye̍ | ā̱re a̱sme ca̍ śṛṇva̱te
Mantra 18 {#mantra-18}
Section titled “Mantra 18 {#mantra-18}”Adhyāya: 3 | Mantra: 18
a̱gnirmū̱rdhā di̱vaḥ ka̱kutpati̍ḥ pṛthi̱vyā a̱yam | a̱pā retā̍si jinvati
Mantra 19 {#mantra-19}
Section titled “Mantra 19 {#mantra-19}”Adhyāya: 3 | Mantra: 19
u̱bhā vā̍mindrāgnī āhu̱vadhyā̍ u̱bhā rādha̍saḥ sa̱ha mā̍da̱yadhyai̍ | u̱bhā dā̱tārā̍ i̱ṣā ra̍yī̱ṇāmu̱bhā vāja̍sya sā̱taye̍ huve vām
Mantra 20 {#mantra-20}
Section titled “Mantra 20 {#mantra-20}”Adhyāya: 3 | Mantra: 20
a̱yaṃ te̱ yoni̍rṛ̱tviyo̱ yato̍ jā̱to aro̍cathāḥ | taṃ jā̱nanna̍gna̱ āro̱hāthā̍ no vardhayā ra̱yim
Mantra 21 {#mantra-21}
Section titled “Mantra 21 {#mantra-21}”Adhyāya: 3 | Mantra: 21
a̱yami̱ha pra̍tha̱mo dhā̍yi dhā̱tṛbhi̱rhotā̱ yaji̍ṣṭho adhva̱reṣvīḍya̍ḥ | yamapna̍vāno̱ bhṛga̍vo viruru̱curvane̍ṣu ci̱traṃ vi̱bhvaṃ vi̱śevi̍śe
Mantra 22 {#mantra-22}
Section titled “Mantra 22 {#mantra-22}”Adhyāya: 3 | Mantra: 22
a̱sya pra̱tnāmanu̱ dyuta̍ śu̱kraṃ du̍duhre̱ ahra̍yaḥ | paya̍ḥ sahasra̱sāmṛṣi̍m
Mantra 23 {#mantra-23}
Section titled “Mantra 23 {#mantra-23}”Adhyāya: 3 | Mantra: 23
ta̱nū̱pā a̍gne’si ta̱nva̍ṃ me pāhyāyu̱rdā a̍gne̱’syāyu̍rme dehi | va̱rco̱dā a̍gne’si̱ varco̍ me dehi
Mantra 24 {#mantra-24}
Section titled “Mantra 24 {#mantra-24}”Adhyāya: 3 | Mantra: 24
agne̱ yanme̍ ta̱nvā̍ ū̱naṃ tanma̱ āpṛ̍ṇa | indhā̍nāstvā śa̱ta himā̍ dyu̱manta̱ sami̍dhīmahi
Mantra 25 {#mantra-25}
Section titled “Mantra 25 {#mantra-25}”Adhyāya: 3 | Mantra: 25
vaya̍svanto vaya̱skṛta̱ saha̍svantaḥ saha̱skṛta̍m | agne̍ sapatna̱dambha̍na̱mada̍bdhāso̱ adā̍bhyam
Mantra 26 {#mantra-26}
Section titled “Mantra 26 {#mantra-26}”Adhyāya: 3 | Mantra: 26
citrā̍vaso sva̱sti te̍ pā̱rama̍śīya | saṃ tvama̍gne̱ sūrya̍sya̱ varca̍sāgathā̱ḥ samṛṣī̍ṇā stu̱tena̍
Mantra 27 {#mantra-27}
Section titled “Mantra 27 {#mantra-27}”Adhyāya: 3 | Mantra: 27
saṃ pri̱yeṇa̱ dhāmnā̱ sama̱hamāyu̍ṣā̱ saṃ varca̍sā̱ saṃ pra̱jayā̱ sa rā̱yaspoṣe̍ṇa gmiṣīya | andha̱ sthāndho̍ vo bhakṣīya̱ maha̍ stha̱ maho̍ vo bhakṣīya
Mantra 28 {#mantra-28}
Section titled “Mantra 28 {#mantra-28}”Adhyāya: 3 | Mantra: 28
ūrja̱ sthorja̍ṃ vo bhakṣīya rā̱yaspoṣa̍ stha rā̱yaspoṣa̍ṃ vo bhakṣīya | reva̍tī̱ rama̍dhvama̱smin yonā̍ a̱smin goṣṭhe̱’smin kṣaye̱’smim̐llo̱ke̱
Mantra 29 {#mantra-29}
Section titled “Mantra 29 {#mantra-29}”Adhyāya: 3 | Mantra: 29
i̱haiva ste̱to māpa̍gāta | sa̱ hi̱tāsi̍ viśvarū̱pyū̱rjā māvi̍śa gaupa̱tyena̍
Mantra 30 {#mantra-30}
Section titled “Mantra 30 {#mantra-30}”Adhyāya: 3 | Mantra: 30
upa̍ tvāgne di̱vedi̍ve̱ doṣā̍vastardhi̱yā va̱yam | namo̱ bhara̍nta̱ ema̍si
Mantra 31 {#mantra-31}
Section titled “Mantra 31 {#mantra-31}”Adhyāya: 3 | Mantra: 31
rāja̍ntamadhva̱rāṇā̍ṃ go̱pāmṛ̱tasya̱ dīdi̍vim | vardha̍māna̱ sve dame̍
Mantra 32 {#mantra-32}
Section titled “Mantra 32 {#mantra-32}”Adhyāya: 3 | Mantra: 32
sa na̍ḥ pi̱teva̍ sū̱nave’gne̍ sūpāya̱no bha̍va | saca̍svā naḥ sva̱staye̍
Mantra 33 {#mantra-33}
Section titled “Mantra 33 {#mantra-33}”Adhyāya: 3 | Mantra: 33
agne̱ tvaṃ no̱ anta̍ma u̱ta trā̱tā śi̱vo bha̍vā varū̱thya̍ḥ | vasu̍ra̱gnirvasu̍śravā̱ acchā̍ nakṣi dyu̱matta̍ma ra̱yiṃ dā̍ḥ
Mantra 34 {#mantra-34}
Section titled “Mantra 34 {#mantra-34}”Adhyāya: 3 | Mantra: 34
taṃ tvā̍ śociṣṭha dīdivaḥ su̱mnāya̍ nū̱namī̍mahe̱ sakhi̍bhyaḥ | sa no̍ bodhi śru̱dhī hava̍muru̱ṣyā ṇo̍ aghāya̱taḥ sama̍smāt
Mantra 35 {#mantra-35}
Section titled “Mantra 35 {#mantra-35}”Adhyāya: 3 | Mantra: 35
il̤a̱ ehyadi̍ta̱ ehi̍ kāmyā̱ ehi̍ | mayi̍ vaḥ kāma̱dhara̍ṇaṃ bhūyāt
Mantra 36 {#mantra-36}
Section titled “Mantra 36 {#mantra-36}”Adhyāya: 3 | Mantra: 36
so̱māna̱ svara̍ṇaṃ kṛṇu̱hi bra̍hmaṇaspate | ka̱kṣīva̍nta̱ṃ ya au̍śi̱jaḥ
Mantra 37 {#mantra-37}
Section titled “Mantra 37 {#mantra-37}”Adhyāya: 3 | Mantra: 37
yo re̱vānyo a̍mīva̱hā va̍su̱vit pu̍ṣṭi̱vardha̍naḥ | sa na̍ḥ siṣaktu̱ yastu̱raḥ
Mantra 38 {#mantra-38}
Section titled “Mantra 38 {#mantra-38}”Adhyāya: 3 | Mantra: 38
mā na̱ḥ śa so̱ ara̍ruṣo dhū̱rtiḥ praṇa̱ṅmartya̍sya | rakṣā̍ ṇo brahmaṇaspate
Mantra 39 {#mantra-39}
Section titled “Mantra 39 {#mantra-39}”Adhyāya: 3 | Mantra: 39
mahi̍ trī̱ṇāmavo̍’stu dyu̱kṣaṃ mi̱trasyā̍rya̱mṇaḥ | du̱rā̱dharṣa̱ṃ varu̍ṇasya
Mantra 40 {#mantra-40}
Section titled “Mantra 40 {#mantra-40}”Adhyāya: 3 | Mantra: 40
na̱hi teṣā̍ma̱mā ca̱na nādhva̍su vāra̱ṇeṣu̍ | īśe̍ ri̱pura̱ghaśa̍ saḥ
Mantra 41 {#mantra-41}
Section titled “Mantra 41 {#mantra-41}”Adhyāya: 3 | Mantra: 41
te hi pu̱trāso̱ adi̍te̱ḥ pra jī̱vase̱ martyā̍ya | jyoti̱ryaccha̱ntyaja̍sram
Mantra 42 {#mantra-42}
Section titled “Mantra 42 {#mantra-42}”Adhyāya: 3 | Mantra: 42
ka̱dā ca̱na sta̱rīra̍si̱ nendra̍ saścasi dā̱śuṣe̍ | u̱popennu ma̍ghava̱n bhūya̱ innu te̱ dāna̍ṃ de̱vasya̍ pṛcyate
Mantra 43 {#mantra-43}
Section titled “Mantra 43 {#mantra-43}”Adhyāya: 3 | Mantra: 43
tat sa̍vi̱turvare̍ṇya̱ṃ bhargo̍ de̱vasya̍ dhīmahi | dhiyo̱ yo na̍ḥ praco̱dayā̍t
Mantra 44 {#mantra-44}
Section titled “Mantra 44 {#mantra-44}”Adhyāya: 3 | Mantra: 44
pari̍ te dū̱l̤abho̱ ratho̱’smām̐3 a̍śnotu vi̱śvata̍ḥ | yena̱ rakṣa̍si dā̱śuṣa̍ḥ || sami̍ddho mā̱sama̍rdhaya pra̱jayā̍ ca̱ dhane̍na ca
Mantra 45 {#mantra-45}
Section titled “Mantra 45 {#mantra-45}”Adhyāya: 3 | Mantra: 45
bhūrbhuva̱ḥ sva̍ḥ supra̱jāḥ pra̱jayā̍ bhūyāsam | su̱vīro̍ vī̱raiḥ su̱poṣa̱ḥ poṣai̍ḥ
Mantra 46 {#mantra-46}
Section titled “Mantra 46 {#mantra-46}”Adhyāya: 3 | Mantra: 46
narya̍ pra̱jāṃ me̍ pāhi̱ śasya̍ pa̱śūn me̍ pāhi | āga̍nma vi̱śvave̍dasama̱smabhya̍ṃ vasu̱vitta̍mam
Mantra 47 {#mantra-47}
Section titled “Mantra 47 {#mantra-47}”Adhyāya: 3 | Mantra: 47
agne̍ samrāl̤a̱bhi dyu̱mnama̱bhi saha̱ āya̍cchasva | a̱yama̱gnirgṛ̱hapa̍ti̱rgārha̍patyaḥ pra̱jāvānvasu̱vitta̍ma
Mantra 48 {#mantra-48}
Section titled “Mantra 48 {#mantra-48}”Adhyāya: 3 | Mantra: 48
agne̍ gṛhapate̱’bhi dyu̱mnama̱bhi saha̱ āya̍cchasva | gṛhā̱ mā bi̍bhīta̱ mā ve̍padhva̱mūrja̱ṃ bibhra̍ta̱ ema̍si
Mantra 49 {#mantra-49}
Section titled “Mantra 49 {#mantra-49}”Adhyāya: 3 | Mantra: 49
ūrja̱ṃ bibhra̍dvaḥ su̱manā̍ḥ sume̱dhā gṛ̱hānaimi̱ mana̍sā̱ moda̍mānaḥ | yeṣā̍ma̱dhyeti̍ pra̱vasa̱nyeṣu̍ saumana̱so ba̱huḥ
Mantra 50 {#mantra-50}
Section titled “Mantra 50 {#mantra-50}”Adhyāya: 3 | Mantra: 50
gṛ̱hānupa̍hvayāmahe̱ te no̍ jānantu jāna̱taḥ | upa̍hūtā i̱ha gāva̱ upa̍hūtā ajā̱vaya̍ḥ
Mantra 51 {#mantra-51}
Section titled “Mantra 51 {#mantra-51}”Adhyāya: 3 | Mantra: 51
atho̱ anna̍sya kī̱lāla̱ upa̍hūto gṛ̱heṣu̍ naḥ | kṣemā̍ya va̱ḥ śāntyai̱ prapa̍dye | śi̱va śa̱gma śa̱ṃyoḥ śa̱ṃyoḥ
Mantra 52 {#mantra-52}
Section titled “Mantra 52 {#mantra-52}”Adhyāya: 3 | Mantra: 52
pra̱ghā̱sino̍ havāmahe ma̱ruta̍śca ri̱śāda̍saḥ | ka̱ra̱mbheṇa̍ sa̱joṣa̍saḥ
Mantra 53 {#mantra-53}
Section titled “Mantra 53 {#mantra-53}”Adhyāya: 3 | Mantra: 53
yad grāme̱ yadara̍ṇye̱ yatsa̱bhāyā̱ṃ yadi̍ndri̱ye | yadena̍ścakṛ̱mā va̱yami̱daṃ tadava̍yajāmahe̱ svāhā̍
Mantra 54 {#mantra-54}
Section titled “Mantra 54 {#mantra-54}”Adhyāya: 3 | Mantra: 54
mo ṣū ṇa̍ i̱ndrātra̍ pṛ̱tsu devai̱rasti̱ hi ṣmā̍ te śuṣminnava̱yāḥ | ma̱haści̱dyasya̍ mī̱l̤ahuṣo̍ ya̱vyā ha̱viṣma̍to ma̱ruto̱ vanda̍te̱ gīḥ
Mantra 55 {#mantra-55}
Section titled “Mantra 55 {#mantra-55}”Adhyāya: 3 | Mantra: 55
akra̱n karma̍ karma̱kṛta̍ḥ sa̱ha vā̱cā ma̍yo̱bhuvā̍ | de̱vebhya̱ḥ karma̍ kṛ̱tvāsta̱ṃ preta̍ sacābhuvaḥ
Mantra 56 {#mantra-56}
Section titled “Mantra 56 {#mantra-56}”Adhyāya: 3 | Mantra: 56
ava̍bhṛtha nicumpuṇa nice̱rura̍si nicumpuṇaḥ | ava̍ de̱vairde̱vakṛ̍ta̱meno̍’yāsiṣa̱mava̱ martyai̱rmartya̍kṛtaṃ puru̱rāvṇo̍ deva ri̱ṣaspā̍hi
Mantra 57 {#mantra-57}
Section titled “Mantra 57 {#mantra-57}”Adhyāya: 3 | Mantra: 57
pū̱rṇā da̍rvi̱ parā̍ pata̱ supū̍rṇā̱ puna̱rā pa̍ta | va̱sneva̱ vikrī̍ṇāvahā̱ iṣa̱mūrja śatakrato
Mantra 58 {#mantra-58}
Section titled “Mantra 58 {#mantra-58}”Adhyāya: 3 | Mantra: 58
de̱hi me̱ dadā̍mi te̱ ni me̍ dhehi̱ ni te̍ dadhau | ni̱hāra̍ṃ niha̍rāmi te ni̱hāra̱ṃ niha̍rāsi me̱ svāhā̍
Mantra 59 {#mantra-59}
Section titled “Mantra 59 {#mantra-59}”Adhyāya: 3 | Mantra: 59
akṣa̱nnamī̍madanta̱hyava̍ pri̱yā a̍dhūṣata | asto̍ṣata̱ svabhā̍navo̱ viprā̱ navi̍ṣṭhayā ma̱tī yojā̱ nvi̍ndra te̱ harī̍
Mantra 60 {#mantra-60}
Section titled “Mantra 60 {#mantra-60}”Adhyāya: 3 | Mantra: 60
su̱sa̱ṃdṛśa̍ṃ tvā va̱yaṃ magha̍van vandiṣī̱mahi̍ | pra nū̱naṃ pū̱rṇava̍ndhura stu̱to yā̍si̱ vaśā̱m̐3 anu̱ yojā̱ nvi̍ndra te̱ harī̍
Mantra 61 {#mantra-61}
Section titled “Mantra 61 {#mantra-61}”Adhyāya: 3 | Mantra: 61
mano̱ nvāhu̍vāmahe nārāśa̱sena̱ stome̍na | pi̱tṝ̱ṇāṃ ca̱ manma̍bhiḥ
Mantra 62 {#mantra-62}
Section titled “Mantra 62 {#mantra-62}”Adhyāya: 3 | Mantra: 62
ā na̍ etu̱ mana̱ḥ puna̱ḥ kratve̱ dakṣā̍ya jī̱vase̍ | jyok ca̱ sūrya̍ṃ dṛ̱śe
Mantra 63 {#mantra-63}
Section titled “Mantra 63 {#mantra-63}”Adhyāya: 3 | Mantra: 63
puna̍rnaḥ pitaro̱ mano̱ dadā̍tu daivyo̱ jana̍ḥ | jī̱vaṃ vrāta̍ sacemahi
Mantra 64 {#mantra-64}
Section titled “Mantra 64 {#mantra-64}”Adhyāya: 3 | Mantra: 64
va̱yam̐ so̍ma vra̱te tava̱ mana̍sta̱nūṣu̱ bibhra̍taḥ | pra̱jāva̍ntaḥ sacemahi
Mantra 65 {#mantra-65}
Section titled “Mantra 65 {#mantra-65}”Adhyāya: 3 | Mantra: 65
e̱ṣa te̍ rudra bhā̱gaḥ sa̱ha svasrāmbi̍kayā̱ taṃ ju̍ṣasva̱ svāhā̍ | e̱ṣa te̍ rudra bhā̱ga ā̱khuste̍ pa̱śuḥ
Mantra 66 {#mantra-66}
Section titled “Mantra 66 {#mantra-66}”Adhyāya: 3 | Mantra: 66
ava̍ ru̱drama̍dīma̱hyava̍ de̱vaṃ trya̍mbakam | yathā̍ no̱ vasya̍sa̱skara̱dyathā̍ na̱ḥ śreya̍sa̱skara̱dyadyathā̍ no vyavasā̱yayā̍t
Mantra 67 {#mantra-67}
Section titled “Mantra 67 {#mantra-67}”Adhyāya: 3 | Mantra: 67
bhe̱ṣa̱jama̍si bheṣa̱jaṃ gave’śvā̍ya̱ puru̍ṣāya bheṣa̱jam | su̱gaṃ me̱ṣāya̍ me̱ṣyai
Mantra 68 {#mantra-68}
Section titled “Mantra 68 {#mantra-68}”Adhyāya: 3 | Mantra: 68
trya̍mbakaṃ yajāmahe suga̱ndhiṃ pu̍ṣṭi̱vardha̍nam | u̱rvā̱ru̱kami̍va̱ bandha̍nānmṛ̱tyormu̍kṣīya̱ māmṛtā̍t
Mantra 69 {#mantra-69}
Section titled “Mantra 69 {#mantra-69}”Adhyāya: 3 | Mantra: 69
trya̍mbakaṃ yajāmahe suga̱ndhiṃ pa̍ti̱veda̍nam | u̱rvā̱ru̱kami̍va̱ bandha̍nādi̱to mu̍kṣīya̱ māmuta̍ḥ
Mantra 70 {#mantra-70}
Section titled “Mantra 70 {#mantra-70}”Adhyāya: 3 | Mantra: 70
e̱tena̍ rudrāva̱sena̍ pa̱ro mūja̍va̱to’tī̍hi | ava̍tatadhanvā̱ pinā̍kāvasa̱ḥ kṛtti̍vāsā̱ ahi̍sannaḥ śi̱vaḥ śānto’tī̍hi
Mantra 71 {#mantra-71}
Section titled “Mantra 71 {#mantra-71}”Adhyāya: 3 | Mantra: 71
vā̱jinā̱ṃ vājo̍’vatu bha̱kṣo asmān reta̍ḥ si̱ktama̱mṛta̱ṃ balā̍ya| viśve̍ de̱vā a̱bhi yat sa̍ṃbabhū̱vustanmā̍ dhinotu pra̱jayā̱ dhane̍na
Mantra 72 {#mantra-72}
Section titled “Mantra 72 {#mantra-72}”Adhyāya: 3 | Mantra: 72
vā̱jya̱haṃ vājina̱syo̍pahūta̱ upa̍hūtasya bhakṣayāmi| vāje̍ vā̱jī bhūyāsam
Mantra 73 {#mantra-73}
Section titled “Mantra 73 {#mantra-73}”Adhyāya: 3 | Mantra: 73
sa̱vi̱trā prasū̍tā̱ daivya̱ āpa̍ u̍dantu te ta̱nūm| dī̱rghā̱yu̱tvāya̱ varcase
Mantra 74 {#mantra-74}
Section titled “Mantra 74 {#mantra-74}”Adhyāya: 3 | Mantra: 74
ka̱śyapa̍sya tryāyu̱ṣaṃ ja̱mada̍gnestryāyu̱ṣam | yadde̱vānā̍ṃ tryāyu̱ṣaṃ tanme̍ astu tryāyu̱ṣam
Mantra 75 {#mantra-75}
Section titled “Mantra 75 {#mantra-75}”Adhyāya: 3 | Mantra: 75
yena̍ dhā̱tā bṛha̱spate̱rindra̍sya̱ cāyu̱ṣe’va̍pat|tena̍ te vapāmi̱ brahma̍ṇā jī̱vāta̍ve̱ jīva̍nāya
Mantra 76 {#mantra-76}
Section titled “Mantra 76 {#mantra-76}”Adhyāya: 3 | Mantra: 76
dī̱rghā̱yu̱tvāya̱ balā̍ya̱ varca̍se| su̱pra̱jā̱stvāya̍ cāsā̱ atho̍ jīva śa̱rada̍ḥ śatam