Vājasaneyi Kanva Saṃhitā — Chapter 2 (60 mantras)
Vājasaneyi Kanva Saṃhitā — Chapter 2
Section titled “Vājasaneyi Kanva Saṃhitā — Chapter 2”atha dvitīyo’dhyāyaḥ |
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 2 | Mantra: 1
kṛṣṇo̍syākhare̱ṣṭho̱’gnaye̍ tvā̱ juṣṭa̱ṃ prokṣā̍mi̱ vedi̍rasi ba̱rhiṣe̍ tvā̱ juṣṭā̱ṃ prokṣā̍mi | ba̱rhira̍si sru̱gbhyastvā̱ juṣṭa̱ṃ prokṣā̍mi
Mantra 2 {#mantra-2}
Section titled “Mantra 2 {#mantra-2}”Adhyāya: 2 | Mantra: 2
adi̍tyai̱ vyunda̍namasi̱ viṣṇo̍ stu̱po̍’si | ūrṇa̍ṃ mradasaṃ tvā stṛṇāmi svāsa̱sthāṃ de̱vebhya̍ḥ
Mantra 3 {#mantra-3}
Section titled “Mantra 3 {#mantra-3}”Adhyāya: 2 | Mantra: 3
|| bhuva̍pataye̱ svāhā̱ bhuva̍napataye̱ svāhā̍ | bhū̱tānā̱ṃ pata̍ye̱ svāhā̍| ga̱ndha̱rvastvā̍ vi̱śvāva̍su̱ḥ pari̍dadhātu̱ viśva̱syāri̍ṣṭyai
Mantra 4 {#mantra-4}
Section titled “Mantra 4 {#mantra-4}”Adhyāya: 2 | Mantra: 4
|| yaja̍mānasya pari̱dhira̍sya̱gniri̱l̤a ī̍l̤i̱taḥ | indra̍sya bā̱hura̍si̱ dakṣi̍ṇo̱ viśva̱syāri̍ṣṭyai| yaja̍mānasya pari̱dhira̍sya̱gniri̱l̤a ī̍l̤i̱taḥ | mi̱trāvaru̍ṇau tvottara̱taḥ pari̍dhattāṃ dhru̱veṇa̱ dharma̍ṇā̱ viśva̱syāri̍ṣṭyai| yaja̍mānasya pari̱dhira̍sya̱gniri̱l̤a ī̍l̤i̱taḥ
Mantra 5 {#mantra-5}
Section titled “Mantra 5 {#mantra-5}”Adhyāya: 2 | Mantra: 5
vī̱tiho̍traṃ tvā kave dyu̱manta̱ sami̍dhīmahi | agne̍ bṛ̱hanta̍madhva̱re
Mantra 6 {#mantra-6}
Section titled “Mantra 6 {#mantra-6}”Adhyāya: 2 | Mantra: 6
sa̱mida̍si | sūrya̍stvā pu̱rastā̍t pātu̱ kasyā̍ścida̱bhiśa̍styai | sa̱vi̱turbā̱hū stha̍ḥ
Mantra 7 {#mantra-7}
Section titled “Mantra 7 {#mantra-7}”Adhyāya: 2 | Mantra: 7
ūrṇa̍ṃ mradasaṃ tvā stṛṇāmi svāsa̱sthaṃ de̱vebhya̍ḥ | ā tvā̱ vasa̍vo ru̱drā ā̍di̱tyāḥ sa̍dantu
Mantra 8 {#mantra-8}
Section titled “Mantra 8 {#mantra-8}”Adhyāya: 2 | Mantra: 8
ghṛ̱tācya̍si ju̱hūrnāma̱ sedaṃ pri̱yeṇa̱ dhāmnā̍ pri̱ye sada̍si sīda | ghṛ̱tācya̍syupa̱bhṛnnāma̱ sedaṃ pri̱yeṇa̱ dhāmnā̍ pri̱ye sada̍si sī̍da | ghṛ̱tācya̍si dhru̱vā nāma̱ sedaṃ pri̱yeṇa̱ dhāmnā̍ pri̱ye sada̍si sīda | pri̱yeṇa̱ dhāmnā̍ pri̱ye sada̍si sīda
Mantra 9 {#mantra-9}
Section titled “Mantra 9 {#mantra-9}”Adhyāya: 2 | Mantra: 9
dhru̱vā a̍sadannṛ̱tasya̱ yonau̱ tā vi̍ṣṇo pāhi | pā̱hi ya̱jñaṃ pā̱hi ya̱jñapa̍tiṃ pā̱hi māṃ ya̍jña̱nya̍m
Mantra 10 {#mantra-10}
Section titled “Mantra 10 {#mantra-10}”Adhyāya: 2 | Mantra: 10
agne̍ vājaji̱dvāja̍ṃ tvā sari̱ṣyanta̍ṃ vāja̱jita̱ sammā̍rjmi | namo̍ de̱vebhya̍ḥ sva̱dhā pi̱tṛbhya̍ḥ su̱yame̍ me bhūyāstam
Mantra 11 {#mantra-11}
Section titled “Mantra 11 {#mantra-11}”Adhyāya: 2 | Mantra: 11
aska̍nnama̱dyājya̍ṃ de̱vebhya̱ḥ saṃbhri̍yāsam | aṅghri̍ṇā viṣṇo̱ mā tvāva̍kramiṣam
Mantra 12 {#mantra-12}
Section titled “Mantra 12 {#mantra-12}”Adhyāya: 2 | Mantra: 12
vasu̍matīmagne te chā̱yāmupa̍stheṣa̱ṃ viṣṇo̱ḥ sthāna̍masi | i̱ta indro̍ vī̱rya̍makṛṇodū̱rdhvo̍’dhva̱ra āsthā̍t
Mantra 13 {#mantra-13}
Section titled “Mantra 13 {#mantra-13}”Adhyāya: 2 | Mantra: 13
agne̱ verho̱traṃ verdū̱tya̍m | ava̍tāṃ tvā̱ṃ dyāvā̍pṛthi̱vī ava̱ tvaṃ dyāvā̍pṛthi̱vī
Mantra 14 {#mantra-14}
Section titled “Mantra 14 {#mantra-14}”Adhyāya: 2 | Mantra: 14
svi̱ṣṭa̱kṛdde̱vebhya̱ indra̱ ājye̍na ha̱viṣā̱ bhū̱t svāhā̍ | saṃ jyoti̍ṣā̱ jyoti̍ḥ
Mantra 15 {#mantra-15}
Section titled “Mantra 15 {#mantra-15}”Adhyāya: 2 | Mantra: 15
atra̍ pitaro mādayadhvaṃ yathābhā̱gamāvṛ̍ṣāyadhvam | amī̍ madanta pi̱taro̍ yathābhā̱gamāvṛ̍ṣāyiṣata
Mantra 16 {#mantra-16}
Section titled “Mantra 16 {#mantra-16}”Adhyāya: 2 | Mantra: 16
upa̍hūtā pṛthi̱vī mā̱topa̱ māṃ pṛ̍thi̱vī mā̱tā hva̍yatām | a̱gnirāgnī̍dhrā̱t svāhā̍
Mantra 17 {#mantra-17}
Section titled “Mantra 17 {#mantra-17}”Adhyāya: 2 | Mantra: 17
upa̍hūto̱ dyauṣpi̱topa̱ māṃ dyau̍ṣpi̱tā hva̍yatām | a̱gnirāgnī̍dhrā̱t svā̍hā
Mantra 18 {#mantra-18}
Section titled “Mantra 18 {#mantra-18}”Adhyāya: 2 | Mantra: 18
mayī̱damindra̍ indri̱yaṃ da̍dhātva̱smān rāyo̍ ma̱ghavā̍naḥ sacantām | a̱smāka̍ santvā̱śiṣa̍ḥ sa̱tyā na̍ḥ santvā̱śiṣa̍ḥ | agne̍ vājaji̱dvāja̍ṃ tvā sasṛ̱vāsa̍ṃ vāja̱jita̱ sammārjmi
Mantra 19 {#mantra-19}
Section titled “Mantra 19 {#mantra-19}”Adhyāya: 2 | Mantra: 19
deva̍ savitare̱taṃ tvā̍ vṛṇate̱ bṛha̱spati̍ṃ bra̱hmāṇa̍m| tada̱haṃ mana̍se̱ prabra̍vīmi
Mantra 20 {#mantra-20}
Section titled “Mantra 20 {#mantra-20}”Adhyāya: 2 | Mantra: 20
mano̍ gā̱yatryai gā̍ya̱trī tri̱ṣṭubhe̍ tri̱ṣṭubjaga̍tyai̱ jaga̍tyanu̱ṣṭu̱bhe̍| a̱nu̱ṣṭappra̱jāpa̍taye pra̱jāpa̍ti̱rviśve̍bhyo de̱vebhya̍ḥ
Mantra 21 {#mantra-21}
Section titled “Mantra 21 {#mantra-21}”Adhyāya: 2 | Mantra: 21
braha̱spati̍rde̱vānā̍ṃ bra̱hmāhaṃ ma̍nu̱ṣyā̍ṇām | bhūrbhuva̱ḥ sva̱rnira̍staḥ pā̱pmedama̱haṃ bṛha̱spate̱ḥ sada̍si sīdāmi
Mantra 22 {#mantra-22}
Section titled “Mantra 22 {#mantra-22}”Adhyāya: 2 | Mantra: 22
mi̱trasya̍ tvā̱ cakṣu̍ṣā̱ pratī̍kṣe | de̱vasya̍ tvā savi̱tuḥ pra̍sa̱ve̱’śvino̍rbā̱hubhyā̍ṃ pū̱ṣṇo hastā̍bhyām | prati̍gṛhṇāmi pṛthi̱vyāstvā̱ nābhau̍ sādayā̱myadi̍tyā u̱pasthe̍| de̱vasya̍ tvā savi̱tuḥ pra̍sa̱ve̱’śvino̍rbā̱hubhyā̍ṃ pū̱ṣṇo hastā̍bhyām
Mantra 23 {#mantra-23}
Section titled “Mantra 23 {#mantra-23}”Adhyāya: 2 | Mantra: 23
āda̍de̱’gneṣṭvā̱sye̍na̱ prāśnā̍mi̱ bṛha̱spate̱rmukhe̍na | yā a̱psva̱ntarde̱vatā̱stā i̱da śa̍mayantu
Mantra 24 {#mantra-24}
Section titled “Mantra 24 {#mantra-24}”Adhyāya: 2 | Mantra: 24
svāhā̍kṛtaṃ ja̱ṭharā̱mindra̍sya gacha| gha̱sinā̍ me̱ mā saṃpṛ̍kthā ū̱rdhva me̱ nābhe̍ḥ sīda
Mantra 25 {#mantra-25}
Section titled “Mantra 25 {#mantra-25}”Adhyāya: 2 | Mantra: 25
indra̍sya tvā ja̱ṭhare̍ sādayāmi| pra̱jāpa̍terbhā̱go̱syūrja̍svā̱n paya̍svān
Mantra 26 {#mantra-26}
Section titled “Mantra 26 {#mantra-26}”Adhyāya: 2 | Mantra: 26
prā̱ṇā̱pā̱nau me̍ pāhi samānavyā̱nau me̍ pāhyudānavyā̱nau me̍ pāhi| ūrga̱syūrja̱ṃ mayi̍ dhe̱hyakṣi̍tirasi̱ mā me̍ kṣeṣṭhā a̱mutrā̱muṣmi̍ṃllo̱ka i̱ha ca̍
Mantra 27 {#mantra-27}
Section titled “Mantra 27 {#mantra-27}”Adhyāya: 2 | Mantra: 27
e̱ṣā te̍ agne sa̱mittayā̱ vardha̍sva̱ cā ca̍ pyāyasva | va̱rdhi̱ṣī̱mahi̍ ca va̱yamā ca̍ pyāsiṣīmahi
Mantra 28 {#mantra-28}
Section titled “Mantra 28 {#mantra-28}”Adhyāya: 2 | Mantra: 28
e̱tat te̍ deva savitarya̱jñaṃ prāhu̱rbṛha̱spata̍ye bra̱hmaṇe̍ | tena̍ ya̱jñama̍va̱ tena̍ ya̱jñapa̍ti̱ṃ tena̱ māma̍va
Mantra 29 {#mantra-29}
Section titled “Mantra 29 {#mantra-29}”Adhyāya: 2 | Mantra: 29
mano̱jyoti̍rjuṣatā̱mājya̍sya̱ bṛha̱spati̍rya̱jñami̱maṃ ta̍notu | ari̍ṣṭaṃ ya̱jña sami̱maṃ da̍dhātu̱ viśve̍ de̱vāsa̍ i̱ha mā̍dayantā̱moṃ prati̍ṣṭha
Mantra 30 {#mantra-30}
Section titled “Mantra 30 {#mantra-30}”Adhyāya: 2 | Mantra: 30
a̱gnīṣoma̍yo̱rujji̍ti̱manūjje̍ṣa̱ṃ vāja̍sya mā prasa̱vena̱ prohā̍mi | a̱gnīṣomau̱ tamapa̍nudatā̱ṃ yo̱’smān dveṣṭi̱ yaṃ ca̍ va̱yaṃ dvi̱ṣmo vāja̍syainaṃ prasa̱venāpo̍hāmi | i̱ndrā̱gnyorujji̍ti̱manūjje̍ṣa̱ṃ vāja̍sya mā prasa̱vena̱ prohā̍mi | i̱ndrā̱gnī tamapa̍nudatā̱ṃ yo̱’smān dveṣṭi̱ yaṃ ca̍ va̱yaṃ dvi̱ṣmo vāja̍syainaṃ prasa̱venāpo̍hāmi
Mantra 31 {#mantra-31}
Section titled “Mantra 31 {#mantra-31}”Adhyāya: 2 | Mantra: 31
vasu̍bhyastvā ru̱drebhya̍stvādi̱tyebhya̍stvā | saṃjā̍nāthāṃ dyāvāpṛthivī mi̱trāvaru̍ṇau tvā̱ vṛṣṭyā̍vatām
Mantra 32 {#mantra-32}
Section titled “Mantra 32 {#mantra-32}”Adhyāya: 2 | Mantra: 32
vyantu̱ vayo̍ri̱pto rihā̍ṇā ma̱rutā̱ṃ pṛṣa̍tīṃ gacha| va̱śā pṛśni̍rbhū̱tvā diva̍ṃ gacha̱ tato̍ no̱ vṛṣṭi̱māva̍ha
Mantra 33 {#mantra-33}
Section titled “Mantra 33 {#mantra-33}”Adhyāya: 2 | Mantra: 33
ca̱kṣu̱ṣpā a̍si̱ cakṣu̍rme pāhi |yaṃ pa̍ri̱dhiṃ pa̱ryadha̍tthā̱ agne̍ deva pa̱ṇibhi̍rgu̱hyamā̍naḥ
Mantra 34 {#mantra-34}
Section titled “Mantra 34 {#mantra-34}”Adhyāya: 2 | Mantra: 34
taṃ ta̍ e̱tamanu̱ joṣa̍ṃ bharāmye̱ṣa nettvada̍pace̱tayā̍tai | a̱gneḥ pri̱yaṃ pātho’pī̍tam
Mantra 35 {#mantra-35}
Section titled “Mantra 35 {#mantra-35}”Adhyāya: 2 | Mantra: 35
sa̱ sra̱vabhā̍gā sthe̱ṣā bṛ̱hanta̍ḥ prastare̱ṣṭhāḥ pa̍ri̱dhaya̍śca de̱vāḥ | i̱māṃ vāca̍ma̱bhi viśve̍ gṛ̱ṇanta̍ ā̱sadyā̱smin ba̱rhiṣi̍ mādayadhva̱ svāhā̱ vāṭ | ghṛ̱tācī̍ stho̱ dhuryau̍ pāta su̱mne stha̍ḥ su̱mne mā̍ṃ dhattam
Mantra 36 {#mantra-36}
Section titled “Mantra 36 {#mantra-36}”Adhyāya: 2 | Mantra: 36
agne̍’dabdhāyo’śītama pā̱hi mā̍ di̱dyoḥ pā̱hi prasi̍tyai pā̱hi duri̍ṣṭyai pā̱hi du̍radma̱nyai | a̱vi̱ṣaṃ na̍ḥ pi̱tuṃ kṛ̍ṇu su̱ṣadā̱ yonau̱ svāhā̱ vāṭ
Mantra 37 {#mantra-37}
Section titled “Mantra 37 {#mantra-37}”Adhyāya: 2 | Mantra: 37
a̱gnaye̍ saṃve̱śapa̍taye̱ svāhā̱ sara̍svatyai yaśobha̱ginyai̱ svāhā̍ | u̱lūkha̍le̱ musa̍le̱ yacca̱ śūrpa̍ āśi̱śleṣa̍ dṛ̱ṣadi̱ yat ka̱pāle̍
Mantra 38 {#mantra-38}
Section titled “Mantra 38 {#mantra-38}”Adhyāya: 2 | Mantra: 38
utpruṣo̍ vi̱pruṣa̱ḥ saṃ ju̍homi sa̱tyāḥ sa̍ntu̱ yaja̍mānasya̱ kāmā̱ḥ svāhā| āpyā̍yatāṃ dhru̱vā ha̱viṣā̍ ghṛ̱tena̍ ya̱jñaṃ ya̍jña̱ṃ prati̍ deva̱yadbhaya̍ḥ|| sū̱ryāyā̱ ūdho̱ adi̍tyā u̱pastha̍ u̱rudhā̍rā pṛthi̱vī ya̱jñe a̱smin
Mantra 39 {#mantra-39}
Section titled “Mantra 39 {#mantra-39}”Adhyāya: 2 | Mantra: 39
devā̍ gātuvido gā̱tumi̱ttvā gā̱tumi̍ta | mana̍saspata i̱maṃ de̍va ya̱jña svāhā̱ vāte̍ dhāḥ
Mantra 40 {#mantra-40}
Section titled “Mantra 40 {#mantra-40}”Adhyāya: 2 | Mantra: 40
saṃba̱rhira̍ṅktā ha̱viṣā̍ ghṛ̱tena̱ samā̍dityai̱rvasu̍bhi̱ḥ saṃ ma̱rudbhi̍ḥ | samindro̍ vi̱śvade̍vebhiraṅktāṃ di̱vyaṃ nabho̍ gacchatu̱ yat svāhā̍
Mantra 41 {#mantra-41}
Section titled “Mantra 41 {#mantra-41}”Adhyāya: 2 | Mantra: 41
kastvā̱ vimu̍ñcati̱ sa tvā̱ vimu̍ñcati̱ kasmai̍ tvā̱ vimu̍ñcati̱ tasmai tvā̱ vimu̍ñcati | poṣā̍ya̱ rakṣa̍sāṃ bhā̱go̍’si
Mantra 42 {#mantra-42}
Section titled “Mantra 42 {#mantra-42}”Adhyāya: 2 | Mantra: 42
ve̱ṣo̍’syupave̱ṣo dvi̍ṣa̱to grī̱vā upa̍veviḍhḍhi | veśā̍ṃ agne subhaga dhāraye̱ha
Mantra 43 {#mantra-43}
Section titled “Mantra 43 {#mantra-43}”Adhyāya: 2 | Mantra: 43
ṛ̱ddhāḥ ka̍rma̱ṇyā̱ ana̍pāyino̱ yathāsa̍n|| ju̱homi̍ tvā subhaga̱ saubha̍gāya purū̱tama̍ṃ puruhūta śrava̱syan
Mantra 44 {#mantra-44}
Section titled “Mantra 44 {#mantra-44}”Adhyāya: 2 | Mantra: 44
saṃ varca̍sā̱ paya̍sā̱ saṃ ta̱nūbhi̱raga̍nmahi̱ mana̍sā̱ sa śi̱vena̍ | tvaṣṭā̍ su̱datro̱ vida̍dhātu̱ rāyonu̍mārṣṭu ta̱nvo̱ yadvili̍ṣṭam
Mantra 45 {#mantra-45}
Section titled “Mantra 45 {#mantra-45}”Adhyāya: 2 | Mantra: 45
yajña̱ śaṃ ca̍ ta̱ upa̍ ca | śi̱ve me̱ saṃti̍ṣṭha̱svāri̍ṣṭe me̱ saṃti̍ṣṭhasva̱ svi̍ṣṭe me̱ saṃti̍ṣṭhasva
Mantra 46 {#mantra-46}
Section titled “Mantra 46 {#mantra-46}”Adhyāya: 2 | Mantra: 46
di̱vi viṣṇu̱rvya̍krasta̱ jāga̍tena̱ chanda̍sā̱ tato̱ nirbha̍ktaḥ| yo̱’smān dveṣṭi̱ yaṃ ca̍ va̱yaṃ dvi̱ṣmaḥ | a̱ntari̍kṣe̱ viṣṇu̱rvya̍krasta̱ traiṣṭu̍bhena̱ chanda̍sā̱ tato̱ nirbha̍ktaḥ | yo̱’smān dveṣṭi̱ yaṃ ca̍ va̱yaṃ dvi̱ṣmaḥ | pṛ̱thi̱vyāṃ viṣṇu̱rvya̍krasta gāya̱treṇa̱ chanda̍sā̱ tato̱ nirbha̍ktaḥ | yo̱’smān dveṣṭi̱ yaṃ ca̍ va̱yaṃ dvi̱ṣmaḥ
Mantra 47 {#mantra-47}
Section titled “Mantra 47 {#mantra-47}”Adhyāya: 2 | Mantra: 47
a̱smādannā̍da̱syai pra̍ti̱ṣṭhāyā̱ aga̍nma̱ sva̍ḥ | saṃ jyoti̍ṣābhūma
Mantra 48 {#mantra-48}
Section titled “Mantra 48 {#mantra-48}”Adhyāya: 2 | Mantra: 48
sva̱ya̱ṃbhūra̍si̱ śreṣṭho̍ ra̱śmirva̍rco̱dā a̍si̱ varco̍ me dehi | sūrya̍syā̱vṛta̱manvāva̍rte
Mantra 49 {#mantra-49}
Section titled “Mantra 49 {#mantra-49}”Adhyāya: 2 | Mantra: 49
agne̍ gṛhapate sugṛhapa̱tira̱haṃ tvayā̍ gṛ̱hapa̍tyā bhūyāsam| su̱gṛ̱ha̱pa̱tistvaṃ mayā̍ gṛ̱hapa̍tyā bhūyāḥ
Mantra 50 {#mantra-50}
Section titled “Mantra 50 {#mantra-50}”Adhyāya: 2 | Mantra: 50
a̱sthū̱ri ṇo̱ gārha̍patyāni santu śa̱ta himā̍ḥ | ti̱gmena̍ na̱steja̍sā̱ saśi̍śādhi̱ sūrya̍syā̱vṛta̱manvāva̍rte
Mantra 51 {#mantra-51}
Section titled “Mantra 51 {#mantra-51}”Adhyāya: 2 | Mantra: 51
u̱ruvi̍ṣṇo̱ vikra̍masvo̱rukṣayā̍ya naskṛdhi | ghṛ̱taṃ ghṛ̍tayone piba̱ pra-pra̍ ya̱jñapa̍tiṃ tira
Mantra 52 {#mantra-52}
Section titled “Mantra 52 {#mantra-52}”Adhyāya: 2 | Mantra: 52
tato̍’si̱ taṃtu̍ra̱syanu̍ mā tanuhi | a̱sminya̱jñe̱syā sā̍dhu kṛ̱tyāyā̍ma̱sminnanne̱’smim̐llo̱ke
Mantra 53 {#mantra-53}
Section titled “Mantra 53 {#mantra-53}”Adhyāya: 2 | Mantra: 53
i̱daṃ me̱ karme̱daṃ vī̱rya̍ṃ pu̱tro̍’nu̱ saṃta̍notu| agne̍ vratapate vra̱tama̍cāriṣa̱ṃ tada̍śaka̱ṃ tanme̍’rādhi | i̱dama̱haṃ ya e̱vāsmi̱ sa e̱vāsmi̍
Mantra 54 {#mantra-54}
Section titled “Mantra 54 {#mantra-54}”Adhyāya: 2 | Mantra: 54
a̱gnaye̍ kavya̱vāha̍nāya̱ svāhā̱ somā̍ya pitṛ̱mate̱ svāhā̍ | apa̍hatā̱ asu̍rā̱ rakṣā̍ si vedi̱ṣada̍ḥ
Mantra 55 {#mantra-55}
Section titled “Mantra 55 {#mantra-55}”Adhyāya: 2 | Mantra: 55
ye rū̱pāṇi̍ pratimu̱ñcamā̍nā̱ asu̍rā̱ḥ santa̍ḥ sva̱dhayā̱ cara̍nti | pa̱rā̱puro̍ ni̱puro̱ ye bhara̍ntya̱gniṣṭām̐llo̱kāt praṇu̍dātya̱smāt
Mantra 56 {#mantra-56}
Section titled “Mantra 56 {#mantra-56}”Adhyāya: 2 | Mantra: 56
atra̍ pitaro mādayadhvaṃ yathābhā̱gamāvṛ̍ṣāyadhvam | amī̍madanta pi̱taro̍ yathābhā̱gamāvṛ̍ṣāyiṣata
Mantra 57 {#mantra-57}
Section titled “Mantra 57 {#mantra-57}”Adhyāya: 2 | Mantra: 57
namo̍ vaḥ pitara̱ḥ śuṣmā̍ya̱ namo̍ vaḥ pitara̱stapa̍se| namo̍ vaḥ pitaro̱ yajjī̱vaṃ tasmai̱ namo̍ vaḥ pitaro̱ rasāya̍| namo̍ vaḥ pitaro gho̱rāya̍ ma̱nyave̍ sva̱dhāyai̍ vaḥ pitaro̱ nama̍ḥ| e̱tadva̍ḥ pitaro̱ vāso̍ gṛ̱hānna̍ḥ pitaro datta
Mantra 58 {#mantra-58}
Section titled “Mantra 58 {#mantra-58}”Adhyāya: 2 | Mantra: 58
udāyu̍ṣā svā̱yuṣotparjanya̍sya̱ dhāma̍bhiḥ| uda̍sthāma̱mṛtā̱m̐ anu
Mantra 59 {#mantra-59}
Section titled “Mantra 59 {#mantra-59}”Adhyāya: 2 | Mantra: 59
ādha̍tta pitaro̱ garbha̍ṃ kumā̱raṃ puṣka̍rasrajam | yathe̱ha puru̱ṣo’sa̍t
Mantra 60 {#mantra-60}
Section titled “Mantra 60 {#mantra-60}”Adhyāya: 2 | Mantra: 60
ūrja̱ṃ vaha̍ntīra̱mṛta̍ṃ ghṛ̱taṃ paya̍ḥ kī̱lāla̍ṃ pari̱sruta̍m | sva̱dhā stha̍ ta̱rpaya̍ta me pi̱tṝn