Vājasaneyi Kanva Saṃhitā — Chapter 22 (75 mantras)
Vājasaneyi Kanva Saṃhitā — Chapter 22
Section titled “Vājasaneyi Kanva Saṃhitā — Chapter 22”dvāviṃśo’dhyāyaḥ
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 22 | Mantra: 1
yadde̍vā deva̱hel̤a̍na̱ṃ devā̍saścakṛ̱mā va̱yam | a̱gnirmā̱ tasmā̱dena̍so̱ viśvā̍nmuñca̱tvaha̍saḥ
Mantra 2 {#mantra-2}
Section titled “Mantra 2 {#mantra-2}”Adhyāya: 22 | Mantra: 2
yadi̱ divā̱ yadi̱ nakta̱menā̍si cakṛ̱mā va̱yam | vā̱yurmā̱ tasmā̱dena̍so̱ viśvā̍nmuñca̱tvaha̍saḥ
Mantra 3 {#mantra-3}
Section titled “Mantra 3 {#mantra-3}”Adhyāya: 22 | Mantra: 3
yadi̱ jāgra̱dyadi̱ svapna̱ enā̍si cakṛ̱mā va̱yam | sūryo̍ mā̱ tasmā̱dena̍so̱ viśvā̍nmuñca̱tvaha̍saḥ
Mantra 4 {#mantra-4}
Section titled “Mantra 4 {#mantra-4}”Adhyāya: 22 | Mantra: 4
yad grāme̱ yadara̍ṇye̱ yatsa̱bhāyā̱ṃ yadi̍ndri̱ye | yacchū̱dre yadarye̱ yadena̍ścakṛ̱mā va̱yam | yadeka̱syādhi̱ dharma̍ṇi̱ tasyā̍va̱yaja̍namasi | yadāpo̍ a̱ghnyā iti̱ varu̱ṇeti̱ śapā̍mahe̱ tato̍ varuṇa no muñca | ava̍bhṛtha nicumpuṇa nice̱rura̍si nicumpu̱ṇaḥ | ava̍devairde̱vakṛ̍ta̱meno̍’ya̱kṣyava̱ martyai̱rmartya̍kṛtaṃ puru̱rāvṇo̍ deva ri̱ṣaspā̍hi | sa̱mu̱dre te̱ hṛda̍yama̱psva̱ntaḥ saṃ tvā̍ viśa̱ntvoṣa̍dhīru̱tāpa̍ḥ | su̱mi̱tri̱yā na̱ āpa̱ oṣa̍dhayaḥ santu durmitri̱yāstasmai̍ santu̱ | yo̱’smāndveṣṭi̱ yaṃ ca̍ va̱yaṃ dvi̱ṣmaḥ
Mantra 5 {#mantra-5}
Section titled “Mantra 5 {#mantra-5}”Adhyāya: 22 | Mantra: 5
dru̱pa̱dādi̍va mumucā̱naḥ svi̱nnaḥ snā̱to malā̍diva | pū̱taṃ pa̱vitre̍ṇe̱vājya̱māpa̍ḥ śundhantu̱ maina̍saḥ
Mantra 6 {#mantra-6}
Section titled “Mantra 6 {#mantra-6}”Adhyāya: 22 | Mantra: 6
udva̱yaṃ tama̍sa̱spari̱ sva̱ḥ paśya̍nta̱ utta̍ram | de̱vaṃ de̍va̱trā sūrya̱maga̍nma̱ jyoti̍rutta̱mam
Mantra 7 {#mantra-7}
Section titled “Mantra 7 {#mantra-7}”Adhyāya: 22 | Mantra: 7
a̱po a̱dyānva̍cāriṣa̱ rase̍na̱ sama̍sṛkṣmahi | paya̍svānagna̱ āga̍ma̱ṃ taṃ mā̱ sa sṛ̍ja̱ varca̍sā pra̱jayā̍ ca̱ dhane̍na ca | edho̍’syedhiṣī̱mahi̍ sa̱mida̍si̱ tejo̍’si̱ tejo̱ mayi̍ dhehi
Mantra 8 {#mantra-8}
Section titled “Mantra 8 {#mantra-8}”Adhyāya: 22 | Mantra: 8
sa̱māva̍varti pṛthi̱vī samu̱ṣāḥ samu̱ sūrya̍ḥ | samu̱ viśva̍mi̱daṃ jaga̍t | vai̱śvā̱na̱rajyo̍tirbhūyāsaṃ vi̱bhūnkāmā̱nvya̍śnavai̱ bhūḥ svāhā̍
Mantra 9 {#mantra-9}
Section titled “Mantra 9 {#mantra-9}”Adhyāya: 22 | Mantra: 9
a̱bhyā da̍dhāmi sa̱midha̱magne̍ vratapate̱ tvayi̍ | vra̱taṃ ca̍ śra̱ddhāṃ copai̍mī̱ndhe tvā̍ dīkṣi̱to a̱ham
Mantra 10 {#mantra-10}
Section titled “Mantra 10 {#mantra-10}”Adhyāya: 22 | Mantra: 10
yatra̱ brahma̍ ca kṣa̱traṃ ca̍ sa̱myañcau̱ cara̍taḥ sa̱ha | taṃ lo̱kaṃ puṇya̱ṃ prajñe̍ṣa̱ṃ yatra̍ de̱vāḥ sa̱hāgninā̍
Mantra 11 {#mantra-11}
Section titled “Mantra 11 {#mantra-11}”Adhyāya: 22 | Mantra: 11
yatrendra̍śca vā̱yuśca̍ sa̱myañcau̱ cara̍taḥ sa̱ha | taṃ lo̱kaṃ puṇya̱ṃ prajñe̍ṣa̱ṃ yatra̍ se̱dirna vi̱dyate̍
Mantra 12 {#mantra-12}
Section titled “Mantra 12 {#mantra-12}”Adhyāya: 22 | Mantra: 12
a̱śunā̍ te a̱śuḥ pṛ̍cyatā̱ṃ paru̍ṣā̱ paru̍ḥ | ga̱ndhaste̱ soma̍mavatu̱ madā̍ya̱ raso̱ acyu̍taḥ
Mantra 13 {#mantra-13}
Section titled “Mantra 13 {#mantra-13}”Adhyāya: 22 | Mantra: 13
si̱ñcanti̱ pari̍ṣiñca̱ntyutsi̍ñcanti pu̱nanti̍ ca | surā̍yai ba̱bhrvai made̍ ki̱ṃtvo va̍dati ki̱ntvaḥ
Mantra 14 {#mantra-14}
Section titled “Mantra 14 {#mantra-14}”Adhyāya: 22 | Mantra: 14
dhā̱nāva̍ntaṃ kara̱mbhiṇa̍mapū̱pava̍ntamu̱kthina̍m | indra̍ prā̱tarju̍ṣasva naḥ
Mantra 15 {#mantra-15}
Section titled “Mantra 15 {#mantra-15}”Adhyāya: 22 | Mantra: 15
bṛ̱hadindrā̍ya gāyata̱ maru̍to vṛtra̱hanta̍mam | yena̱ jyoti̱raja̍nayannṛtā̱vṛdho̍ de̱vaṃ de̱vāya̱ jāgṛ̍vi
Mantra 16 {#mantra-16}
Section titled “Mantra 16 {#mantra-16}”Adhyāya: 22 | Mantra: 16
adhva̍ryo̱ adri̍bhiḥ su̱ta soma̍ṃ pa̱vitra̱ ā na̍ya | pu̱nī̱hīndrā̍ya̱ pāta̍ve
Mantra 17 {#mantra-17}
Section titled “Mantra 17 {#mantra-17}”Adhyāya: 22 | Mantra: 17
yo bhū̱tānā̱madhi̍pati̱ryasmi̍m̐llo̱kā adhi̍ śri̱tāḥ | ya īśe̍ maha̱to ma̱hāstena̍ gṛhṇāmi̱ tvāma̱haṃ mayi̍ gṛhṇāmi̱ tvāma̱ham
Mantra 18 {#mantra-18}
Section titled “Mantra 18 {#mantra-18}”Adhyāya: 22 | Mantra: 18
u̱pa̱yā̱magṛ̍hīto’sya̱śvibhyā̍ṃ tvā̱ sara̍svatyai̱ tvendrā̍ya tvā su̱trāmṇe̍ | e̱ṣa te̱ yoni̍ra̱śvibhyā̍ṃ tvā̱ sara̍svatyai̱ tvendrā̍ya tvā su̱trāmṇe̍
Mantra 19 {#mantra-19}
Section titled “Mantra 19 {#mantra-19}”Adhyāya: 22 | Mantra: 19
prā̱ṇa̱pā me̍ apāna̱pāśca̍kṣu̱ṣpāḥ śro̍tra̱pāśca̍ me | vā̱co me̍ vi̱śvabhe̍ṣajo̱ mana̍so’si vi̱lāya̍kaḥ
Mantra 20 {#mantra-20}
Section titled “Mantra 20 {#mantra-20}”Adhyāya: 22 | Mantra: 20
a̱śvina̍kṛtasya te̱ sara̍svatikṛta̱syendre̍ṇa su̱trāmṇā̍ kṛ̱tasya̍ | upa̍hūta̱ upa̍hūtasya bhakṣayāmi
Mantra 21 {#mantra-21}
Section titled “Mantra 21 {#mantra-21}”Adhyāya: 22 | Mantra: 21
sami̍ddha̱ indra̍ u̱ṣasā̱manī̍ke puro̱rucā̍ pūrva̱kṛdvā̍vṛdhā̱naḥ | tri̱bhirde̱vaistri̱śatā̱ vajra̍bāhurja̱ghāna̍ vṛ̱traṃ vi duro̍ vavāra
Mantra 22 {#mantra-22}
Section titled “Mantra 22 {#mantra-22}”Adhyāya: 22 | Mantra: 22
narā̱śasa̱ḥ prati̱ śūro̱ mimā̍na̱stanū̱napā̱tprati̍ ya̱jñasya̱ dhāma̍ | gobhi̍rva̱pāvā̱nmadhu̍nā sama̱ñjan hira̍ṇyaiśca̱ndrī ya̍jati̱ prace̍tāḥ
Mantra 23 {#mantra-23}
Section titled “Mantra 23 {#mantra-23}”Adhyāya: 22 | Mantra: 23
ī̱l̤i̱to devai̱rhari̍vām̐2 abhi̱ṣṭirā̱juhvā̍no ha̱viṣā̱ śardha̍mānaḥ | pu̱randa̱ro go̍tra̱bhidvajra̍bāhu̱rā yā̍tu ya̱jñamupa̍ no juṣā̱ṇaḥ
Mantra 24 {#mantra-24}
Section titled “Mantra 24 {#mantra-24}”Adhyāya: 22 | Mantra: 24
ju̱ṣā̱ṇo ba̱rhirhari̍vānna̱ indra̍ḥ prā̱cīna̍ sīdatpra̱diśā̍ pṛthi̱vyāḥ | u̱ru̱prathā̱ḥ pratha̍māna syo̱namā̍di̱tyaira̱ktaṃ vasu̍bhiḥ sa̱joṣā̍ḥ
Mantra 25 {#mantra-25}
Section titled “Mantra 25 {#mantra-25}”Adhyāya: 22 | Mantra: 25
indra̱ṃ dura̍ḥ kava̱ṣyo̱ dhāva̍mānā̱ vṛṣā̍ṇaṃ yantu̱ jana̍yaḥ su̱patnī̍ḥ | dvāro̍ de̱vīra̱bhito̱ vi śra̍yantā su̱vīrā̍ vī̱raṃ pratha̍mānā̱ maho̍bhiḥ
Mantra 26 {#mantra-26}
Section titled “Mantra 26 {#mantra-26}”Adhyāya: 22 | Mantra: 26
u̱ṣāsā̱naktā̍ bṛha̱tī bṛ̱hanta̱ṃ paya̍svatī su̱dughe̱ śūra̱mindra̍m | tantu̍ṃ ta̱taṃ peśa̍sā sa̱ṃvaya̍ntī de̱vānā̍ṃ de̱vaṃ ya̍jataḥ suru̱kme
Mantra 27 {#mantra-27}
Section titled “Mantra 27 {#mantra-27}”Adhyāya: 22 | Mantra: 27
dai̍vyā̱ mimā̍nā̱ manu̍ṣaḥ puru̱trā hotā̍rā̱ indra̍ṃ pratha̱mā su̱vācā̍ | mū̱rdhanya̱jñasya̱ madhu̍nā̱ dadhā̍nā prā̱cīna̱ṃ jyoti̍rha̱viṣā̍ vṛdhātaḥ
Mantra 28 {#mantra-28}
Section titled “Mantra 28 {#mantra-28}”Adhyāya: 22 | Mantra: 28
ti̱sro de̱vīrha̱viṣā̱ vardha̍mānā̱ indra̍ṃ juṣā̱ṇā jana̍yo̱ na patnī̍ḥ | acchi̍nna̱ṃ tantu̱ṃ paya̍sā̱ sara̍sva̱tīl̤ā̍ de̱vī bhāra̍tī vi̱śvatū̍rtiḥ
Mantra 29 {#mantra-29}
Section titled “Mantra 29 {#mantra-29}”Adhyāya: 22 | Mantra: 29
tvaṣṭā̱ dadha̱cchuṣma̱mindrā̍ya̱ vṛṣṇe’pā̱koci̍ṣṭurya̱śase̍ pu̱rūṇi̍ | vṛṣā̱ yaja̱nvṛṣa̍ṇa̱ṃ bhūri̍retā mū̱rdhanya̱jñasya̱ sama̍naktu de̱vān
Mantra 30 {#mantra-30}
Section titled “Mantra 30 {#mantra-30}”Adhyāya: 22 | Mantra: 30
vana̱spati̱rava̍sṛṣṭo̱ na pāśai̱stmanyā̍ sama̱ñjañcha̍mi̱tā na de̱vaḥ | indra̍sya havyairja̱ṭhara̍ṃ pṛṇā̱naḥ svadā̍ti ya̱jñaṃ madhu̍nā ghṛ̱tena̍
Mantra 31 {#mantra-31}
Section titled “Mantra 31 {#mantra-31}”Adhyāya: 22 | Mantra: 31
sto̱kānā̱mindu̱ṃ prati̱ śūra̱ indro̍ vṛṣā̱yamā̍ṇo vṛṣa̱bhastu̍rā̱ṣāṭ | ghṛ̱ta̱pruṣā̱ mana̍sā̱ moda̍mānā̱ḥ svāhā̍ de̱vā a̱mṛtā̍ mādayantām
Mantra 32 {#mantra-32}
Section titled “Mantra 32 {#mantra-32}”Adhyāya: 22 | Mantra: 32
ā yā̱tvindrova̍sa̱ upa̍ na i̱ha stu̱taḥ sa̍dha̱māda̍stu̱ śūra̍ḥ | vā̱vṛ̱dhā̱nastavi̍ṣī̱ryasya̍ pū̱rvīrdyaurna kṣa̱trama̱bhibhū̍ti̱ puṣyā̍t
Mantra 33 {#mantra-33}
Section titled “Mantra 33 {#mantra-33}”Adhyāya: 22 | Mantra: 33
ā na̱ indro̍ dū̱rādā na̍ ā̱sāda̍bhiṣṭi̱kṛdava̍se yāsadu̱graḥ | oji̍ṣṭhebhirnṛ̱pati̱rvajra̍bāhuḥ sa̱ṃge sa̱matsu̍ tu̱rvaṇi̍ḥ pṛta̱nyūn
Mantra 34 {#mantra-34}
Section titled “Mantra 34 {#mantra-34}”Adhyāya: 22 | Mantra: 34
ā na̱ indro̱ hari̍bhiryā̱tvacchā̍rvācī̱no’va̍se̱ rādha̍se ca | tiṣṭhā̍ti va̱jrī ma̱ghavā̍ vira̱pśīmaṃ ya̱jñamanu̍ no̱ vāja̍sātau
Mantra 35 {#mantra-35}
Section titled “Mantra 35 {#mantra-35}”Adhyāya: 22 | Mantra: 35
trā̱tāra̱mindra̍mavi̱tāra̱mindra̱ have̍have su̱hava̱ śūra̱mindra̍m | hvayā̍mi śa̱kraṃ pu̍ruhū̱tamindra̍ sva̱sti no̍ ma̱ghavā̍ dhā̱tvindra̍ḥ
Mantra 36 {#mantra-36}
Section titled “Mantra 36 {#mantra-36}”Adhyāya: 22 | Mantra: 36
indra̍ḥ su̱trāmā̱ svavā̱m̐2 avo̍bhiḥ sumṛl̤ī̱ko bha̍vatu vi̱śvave̍dāḥ | bādha̍tā̱ṃ dveṣo̱ abha̍yaṃ kṛṇotu su̱vīrya̍sya̱ pata̍yaḥ syāma
Mantra 37 {#mantra-37}
Section titled “Mantra 37 {#mantra-37}”Adhyāya: 22 | Mantra: 37
tasya̍ va̱ya su̍ma̱tau ya̱jñiya̱syāpi̍ bha̱dre sau̍mana̱se syā̍ma | sa su̱trāmā̱ svavā̱m̐2 indro̍ a̱sme ā̱rācci̱d dveṣa̍ḥ sanu̱taryu̍yotu
Mantra 38 {#mantra-38}
Section titled “Mantra 38 {#mantra-38}”Adhyāya: 22 | Mantra: 38
ā ma̱ndrairi̍ndra̱ hari̍bhiryā̱hi ma̱yūra̍romabhiḥ | mā tvā̱ ke ci̱nni ya̍ma̱nviṃ nā pā̱śinoti̱ dhanve̍va̱ tām̐2 i̍hi
Mantra 39 {#mantra-39}
Section titled “Mantra 39 {#mantra-39}”Adhyāya: 22 | Mantra: 39
e̱vedindra̱ṃ vṛṣa̍ṇa̱ṃ vajra̍bāhu̱ṃ vasi̍ṣṭhāso a̱bhya̍rcantya̱rkaiḥ | sa na̍ stu̱to vī̱rava̍ddhātu̱ goma̍dyū̱yaṃ pā̍ta sva̱stibhi̱ḥ sadā̍ naḥ
Mantra 40 {#mantra-40}
Section titled “Mantra 40 {#mantra-40}”Adhyāya: 22 | Mantra: 40
sami̍ddho a̱gnira̍śvinā ta̱pto gha̱rmo vi̱rāṭ su̱taḥ | du̱he dhe̱nuḥ sara̍svatī̱ soma̍ śu̱krami̱hendri̱yam
Mantra 41 {#mantra-41}
Section titled “Mantra 41 {#mantra-41}”Adhyāya: 22 | Mantra: 41
ta̱nū̱pā bhi̱ṣajā̍ su̱te̱’svino̱bhā sara̍svatī | madhvā̱ rajā̍sīndri̱yamindrā̍ya pa̱thibhi̍rvahān
Mantra 42 {#mantra-42}
Section titled “Mantra 42 {#mantra-42}”Adhyāya: 22 | Mantra: 42
indrā̱yendu̱ sara̍svatī̱ narā̱śase̍na na̱gnahu̍m | adhā̍tāma̱śvinā̱ madhu̍ bheṣa̱jaṃ bhi̱ṣajā̍ su̱te
Mantra 43 {#mantra-43}
Section titled “Mantra 43 {#mantra-43}”Adhyāya: 22 | Mantra: 43
ā̱juhvā̍nā̱ sara̍sva̱tīndrā̍yendri̱yāṇi̍ vī̱rya̍m | il̤ā̍bhira̱śvinā̱ iṣa̱ samūrja̱ sa ra̱yiṃ da̍dhuḥ
Mantra 44 {#mantra-44}
Section titled “Mantra 44 {#mantra-44}”Adhyāya: 22 | Mantra: 44
a̱śvinā̱ namu̍ceḥ su̱ta soma̍ śu̱kraṃ pa̍ri̱srutā̍ | sara̍svatī̱ tamā bha̍radba̱rhiṣendrā̍ya̱ pāta̍ve
Mantra 45 {#mantra-45}
Section titled “Mantra 45 {#mantra-45}”Adhyāya: 22 | Mantra: 45
ka̱va̱ṣyo̍ na̱ vyaca̍svatīra̱śvibhyā̱ṃ na duro̱ diśa̍ḥ | indro̱ na roda̍sī u̱bhe du̱he kāmā̱ntsara̍svatī
Mantra 46 {#mantra-46}
Section titled “Mantra 46 {#mantra-46}”Adhyāya: 22 | Mantra: 46
u̱ṣāsā̱nakta̍maśvinā̱ divendra̍ sā̱yami̍ndriyaiḥ | sa̱ṃjā̱nā̱ne su̱peśa̍sā̱ sama̍ñjāte̱ sara̍svatyā
Mantra 47 {#mantra-47}
Section titled “Mantra 47 {#mantra-47}”Adhyāya: 22 | Mantra: 47
pā̱taṃ no̍ aśvinā̱ divā̍ pā̱hi nakta̍ sarasvati | daivyā̍ hotārā bhiṣajā pā̱tāmindra̱ sacā̍ su̱te
Mantra 48 {#mantra-48}
Section titled “Mantra 48 {#mantra-48}”Adhyāya: 22 | Mantra: 48
ti̱srastre̱dhā sara̍svatya̱śvinā̱ bhāra̱tīl̤ā̍ | tī̱vraṃ pa̍ri̱srutā̱ soma̱mindrā̍ya suṣuvu̱rmada̍m
Mantra 49 {#mantra-49}
Section titled “Mantra 49 {#mantra-49}”Adhyāya: 22 | Mantra: 49
a̱śvinā̍ bheṣa̱jaṃ madhu̍ bheṣa̱jaṃ na̱ḥ sara̍svatī | indre̱ tvaṣṭā̱ yaśa̱ḥ śriya̍ rū̱parū̍pamadhuḥ su̱te
Mantra 50 {#mantra-50}
Section titled “Mantra 50 {#mantra-50}”Adhyāya: 22 | Mantra: 50
ṛ̱tu̱thendro̱ vana̱spati̍ḥ śaśamā̱naḥ pa̍ri̱srutā̍ | kī̱lāla̍ma̱śvibhyā̱ṃ madhu̍ du̱he dhe̱nuḥ sara̍svatī
Mantra 51 {#mantra-51}
Section titled “Mantra 51 {#mantra-51}”Adhyāya: 22 | Mantra: 51
gobhi̱rna soma̍maśvinā̱ māsa̍reṇa pari̱srutā̍ | sama̍dhāta̱ sara̍svatyā̱ svāhendre̍ su̱taṃ madhu̍
Mantra 52 {#mantra-52}
Section titled “Mantra 52 {#mantra-52}”Adhyāya: 22 | Mantra: 52
a̱śvinā̍ ha̱viri̍ndri̱yaṃ namu̍cerdhi̱yā sara̍svatī | ā śu̱kramā̍su̱rādvasu̍ ma̱ghamindrā̍ya jabhrire
Mantra 53 {#mantra-53}
Section titled “Mantra 53 {#mantra-53}”Adhyāya: 22 | Mantra: 53
yama̱śvinā̱ sara̍svatī ha̱viṣendra̱mava̍rdhayan | sa bi̍bheda va̱laṃ ma̱ghaṃ namu̍cā āsu̱re sacā̍
Mantra 54 {#mantra-54}
Section titled “Mantra 54 {#mantra-54}”Adhyāya: 22 | Mantra: 54
tamindra̍ṃ pa̱śava̱ḥ sacā̱śvino̱bhā sara̍svatī | dadhā̍nā a̱bhya̍nūṣata ha̱viṣā̍ ya̱jña i̍ndri̱yaiḥ
Mantra 55 {#mantra-55}
Section titled “Mantra 55 {#mantra-55}”Adhyāya: 22 | Mantra: 55
ya indra̍ indri̱yaṃ da̱dhuḥ sa̍vi̱tā varu̍ṇo̱ bhaga̍ḥ | sa su̱trāmā̍ ha̱viṣpa̍ti̱ryaja̍mānāya saścata
Mantra 56 {#mantra-56}
Section titled “Mantra 56 {#mantra-56}”Adhyāya: 22 | Mantra: 56
sa̱vi̱tā varu̍ṇo̱ dadha̱dyaja̍mānāya dā̱śuṣe̍ | āda̍tta̱ namu̍ce̱rvasu̍ su̱trāmā̱ bala̍mindri̱yam
Mantra 57 {#mantra-57}
Section titled “Mantra 57 {#mantra-57}”Adhyāya: 22 | Mantra: 57
varu̍ṇaḥ kṣa̱trami̍ndri̱yaṃ bhage̍na savi̱tā śriya̍m | su̱trāmā̱ yaśa̍sā̱ bala̱ṃ dadhā̍nā ya̱jñamā̍śata
Mantra 58 {#mantra-58}
Section titled “Mantra 58 {#mantra-58}”Adhyāya: 22 | Mantra: 58
a̱śvinā̱ gobhi̍rindri̱yamaśve̍bhirvī̱rya̱ṃ bala̍m | ha̱viṣendra̱ sara̍svatī̱ yaja̍mānamavardhayan
Mantra 59 {#mantra-59}
Section titled “Mantra 59 {#mantra-59}”Adhyāya: 22 | Mantra: 59
tā nāsa̍tyā su̱peśa̍sā̱ hira̍ṇyavartanī̱ narā̍ | sara̍svatī ha̱viṣma̱tīndra̱ karma̍su no’vata
Mantra 60 {#mantra-60}
Section titled “Mantra 60 {#mantra-60}”Adhyāya: 22 | Mantra: 60
tā bhi̱ṣajā̍ su̱karma̍ṇā̱ sā su̱dughā̱ sara̍svatī | sa vṛ̍tra̱hā śa̱takra̍tu̱rindrā̍ya dadhurindri̱yam
Mantra 61 {#mantra-61}
Section titled “Mantra 61 {#mantra-61}”Adhyāya: 22 | Mantra: 61
yu̱va su̱rāma̍maśvinā̱ namu̍cā āsu̱re sacā̍ | vi̱pi̱pā̱nāḥ sara̍sva̱tīndra̱ṃ karma̍svāvata
Mantra 62 {#mantra-62}
Section titled “Mantra 62 {#mantra-62}”Adhyāya: 22 | Mantra: 62
pu̱trami̍va pi̱tarā̍ a̱śvino̱bhendrā̱vathu̱ḥ kāvyai̍rda̱sanā̍bhiḥ | yatsu̱rāma̱ṃ vyapi̍ba̱ḥ śacī̍bhi̱ḥ sara̍svatī tvā maghavannabhiṣṇak
Mantra 63 {#mantra-63}
Section titled “Mantra 63 {#mantra-63}”Adhyāya: 22 | Mantra: 63
yasmi̱nnaśvā̍sa ṛṣa̱bhāsa̍ u̱kṣaṇo̍ va̱śā me̱ṣā a̍vasṛ̱ṣṭāsa̱ āhu̍tāḥ | kī̱lā̱la̱pe soma̍pṛṣṭhāya ve̱dhase̍ hṛ̱dā ma̱tiṃ ja̍naye̱ cāru̍ma̱gnaye̍
Mantra 64 {#mantra-64}
Section titled “Mantra 64 {#mantra-64}”Adhyāya: 22 | Mantra: 64
ahā̍vyagne ha̱virā̱sye̍ te sru̱cī̍va ghṛ̱taṃ ca̱mvī̍va̱ soma̍ḥ | vā̱ja̱sani̍ ra̱yima̱sme su̱vīra̍ṃ praśa̱staṃ dhe̍hi ya̱śasa̍ṃ bṛ̱hanta̍m
Mantra 65 {#mantra-65}
Section titled “Mantra 65 {#mantra-65}”Adhyāya: 22 | Mantra: 65
a̱śvinā̱ teja̍sā̱ cakṣu̍ḥ prā̱ṇena̱ sara̍svatī vī̱rya̍m | vā̱cendro̱ bale̱nendrā̍ya dadhurindri̱yam
Mantra 66 {#mantra-66}
Section titled “Mantra 66 {#mantra-66}”Adhyāya: 22 | Mantra: 66
goma̍dū̱ ṣu ṇā̍sa̱tyāśvā̍vadyātamaśvinā | va̱rtī ru̍drā nṛ̱pāyya̍m
Mantra 67 {#mantra-67}
Section titled “Mantra 67 {#mantra-67}”Adhyāya: 22 | Mantra: 67
na yatparo̱ nānta̍ra āda̱dharṣa̍dvṛṣaṇvasū | du̱ḥśaso̱ martyo̍ ri̱puḥ
Mantra 68 {#mantra-68}
Section titled “Mantra 68 {#mantra-68}”Adhyāya: 22 | Mantra: 68
tā na̱ ā vo̍l̤ahamaśvinā ra̱yiṃ pi̱śaṅga̍ saṃdṛśam | dhiṣṇyā̍ varivo̱vida̍m
Mantra 69 {#mantra-69}
Section titled “Mantra 69 {#mantra-69}”Adhyāya: 22 | Mantra: 69
pā̱va̱kā na̱ḥ sara̍svatī̱ vāje̍bhirvā̱jinī̍vatī | ya̱jñaṃ va̍ṣṭu dhi̱yāva̍suḥ
Mantra 70 {#mantra-70}
Section titled “Mantra 70 {#mantra-70}”Adhyāya: 22 | Mantra: 70
co̱da̱yi̱trī sū̱nṛtā̍nā̱ṃ ceta̍ntī sumatī̱nām | ya̱jñaṃ da̍dhe̱ sara̍svatī
Mantra 71 {#mantra-71}
Section titled “Mantra 71 {#mantra-71}”Adhyāya: 22 | Mantra: 71
ma̱ho arṇa̱ḥ sara̍svatī̱ pra ce̍tayati ke̱tunā̍ | dhiyo̱ viśvā̱ vi rā̍jati
Mantra 72 {#mantra-72}
Section titled “Mantra 72 {#mantra-72}”Adhyāya: 22 | Mantra: 72
indrā yā̍hi citrabhāno su̱tā i̱me tvā̱yava̍ḥ | aṇvī̍bhi̱stanā̍ pū̱tāsa̍ḥ
Mantra 73 {#mantra-73}
Section titled “Mantra 73 {#mantra-73}”Adhyāya: 22 | Mantra: 73
indrā yā̍hi dhi̱yeṣi̱to vipra̍jūtaḥ su̱tāva̍taḥ | upa̱ brahmā̍ṇi vā̱ghata̍ḥ
Mantra 74 {#mantra-74}
Section titled “Mantra 74 {#mantra-74}”Adhyāya: 22 | Mantra: 74
indrā yā̍hi̱ tūtu̍jāna̱ upa̱ brahmā̍ṇi harivaḥ | su̱te da̍dhiṣva na̱ścana̍ḥ
Mantra 75 {#mantra-75}
Section titled “Mantra 75 {#mantra-75}”Adhyāya: 22 | Mantra: 75
a̱śvinā̍ pibatā̱ṃ madhu̱ sara̍svatyā sa̱joṣa̍sā | indra̍ḥ su̱trāmā̍ vṛtra̱hā ju̱ṣantā̍ so̱myaṃ madhu̍