Vājasaneyi Kanva Saṃhitā — Chapter 23 (60 mantras)
Vājasaneyi Kanva Saṃhitā — Chapter 23
Section titled “Vājasaneyi Kanva Saṃhitā — Chapter 23”atha trayoviṃśo’dhyāyaḥ|
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 23 | Mantra: 1
i̱maṃ me̍ varuṇa śru̱dhī hava̍ma̱dyā ca̍ mṛl̤aya | tvāma̍va̱syurā ca̍ke
Mantra 2 {#mantra-2}
Section titled “Mantra 2 {#mantra-2}”Adhyāya: 23 | Mantra: 2
|| tattvā̍ yāmi̱ brahma̍ṇā̱ vanda̍māna̱stadā śā̍ste̱ yaja̍māno ha̱virbhi̍ḥ | ahe̍l̤amāno varuṇe̱ha bo̱dhyuru̍śasa̱ mā na̱ āyu̱ḥ pra mo̍ṣīḥ
Mantra 3 {#mantra-3}
Section titled “Mantra 3 {#mantra-3}”Adhyāya: 23 | Mantra: 3
tvaṃ no̍ agne̱ varu̍ṇasya vi̱dvān de̱vasya̱ hel̤o̱ ava̍ yāsisīṣṭhāḥ | yaji̍ṣṭho̱ vahni̍tama̱ḥ śośu̍cāno̱ viśvā̱ dveṣā̍si̱ pra mu̍mugdhya̱smat
Mantra 4 {#mantra-4}
Section titled “Mantra 4 {#mantra-4}”Adhyāya: 23 | Mantra: 4
sa tvaṃ no̍ agne’va̱mo bha̍vo̱tī nedi̍ṣṭho a̱syā u̱ṣaso̱ vyu̍ṣṭau | ava̍ yakṣva no̱ varu̍ṇa̱ rarā̍ṇo vī̱hi mṛ̍l̤ī̱ka su̱havo̍ na edhi
Mantra 5 {#mantra-5}
Section titled “Mantra 5 {#mantra-5}”Adhyāya: 23 | Mantra: 5
ma̱hīmū̱ ṣu mā̱tara̍ suvra̱tānā̍mṛ̱tasya̱ patnī̱mava̍se huvema | tu̱vi̱kṣa̱trāma̱jara̍ntīmurū̱cī su̱śarmā̍ṇa̱madi̍ti su̱praṇī̍tim
Mantra 6 {#mantra-6}
Section titled “Mantra 6 {#mantra-6}”Adhyāya: 23 | Mantra: 6
su̱trāmā̍ṇaṃ pṛthi̱vīṃ dyāma̍ne̱hasa̍ su̱śarmā̍ṇa̱madi̍ti su̱praṇī̍tim | de̱vīṃ nāva̍ svari̱trāmanā̍gasa̱masra̍vantī̱mā ru̍hemā sva̱staye̍
Mantra 7 {#mantra-7}
Section titled “Mantra 7 {#mantra-7}”Adhyāya: 23 | Mantra: 7
su̱nāva̱mā ru̍heya̱masra̍vantī̱manā̍gasam | śa̱tāri̍trā sva̱staye̍
Mantra 8 {#mantra-8}
Section titled “Mantra 8 {#mantra-8}”Adhyāya: 23 | Mantra: 8
ā no̍ mitrāvaruṇā ghṛ̱tairgavyū̍timukṣatam | madhvā̱ rajā̍si sukratū
Mantra 9 {#mantra-9}
Section titled “Mantra 9 {#mantra-9}”Adhyāya: 23 | Mantra: 9
pra bā̱havā̍ sisṛtaṃ jī̱vase̍ na̱ ā no̱ gavyū̍timukṣataṃ ghṛ̱tena̍ | ā mā̱ jane̍ śravayataṃ yuvānā śru̱taṃ me̍ mitrāvaruṇā̱ have̱mā
Mantra 10 {#mantra-10}
Section titled “Mantra 10 {#mantra-10}”Adhyāya: 23 | Mantra: 10
śaṃ no̍ bhavantu vā̱jino̱ have̍ṣu de̱vatā̍tā mi̱tadra̍vaḥ sva̱rkāḥ | ja̱mbhaya̱nto’hi̱ṃ vṛka̱ rakṣā̍si̱ sane̍mya̱smadyu̍yava̱nnamī̍vāḥ
Mantra 11 {#mantra-11}
Section titled “Mantra 11 {#mantra-11}”Adhyāya: 23 | Mantra: 11
te no̱ arva̍nto havana̱śruto̱ hava̱ṃ viśve̍ śṛṇvatu vā̱jino̍ mi̱tadra̍vaḥ | sa̱ha̱sra̱sā me̱dhasā̍tā iva̱ tmanā̍ ma̱ho ye dhana̍ sami̱theṣu̍ jabhri̱re
Mantra 12 {#mantra-12}
Section titled “Mantra 12 {#mantra-12}”Adhyāya: 23 | Mantra: 12
vāje̍vāje’vata vājino no̱ dhane̍ṣu viprā amṛtā ṛtajñāḥ | a̱sya madhva̍ḥ pibata mā̱daya̍dhvaṃ tṛ̱ptā yā̍ta pa̱thibhi̍rdeva̱yānai̍ḥ
Mantra 13 {#mantra-13}
Section titled “Mantra 13 {#mantra-13}”Adhyāya: 23 | Mantra: 13
sami̍ddho a̱gniḥ sa̱midhā̱ susa̍middho̱ vare̍ṇyaḥ | gā̱ya̱trī chanda̍ indri̱yaṃ tryavi̱rgaurvayo̍ dadhuḥ
Mantra 14 {#mantra-14}
Section titled “Mantra 14 {#mantra-14}”Adhyāya: 23 | Mantra: 14
tanū̱napā̱cchuci̍vratastanū̱pāśca̱ sara̍svatī | u̱ṣṇihā̱ chanda̍ indri̱yaṃ di̍tya̱vāḍ gaurvayo̍ dadhuḥ
Mantra 15 {#mantra-15}
Section titled “Mantra 15 {#mantra-15}”Adhyāya: 23 | Mantra: 15
il̤ā̍bhira̱gnirīḍya̱ḥ somo̍ de̱vo ama̍rtyaḥ | a̱nu̱ṣṭupchanda̍ indri̱yaṃ pañcā̍vi̱rgaurvayo̍ dadhuḥ
Mantra 16 {#mantra-16}
Section titled “Mantra 16 {#mantra-16}”Adhyāya: 23 | Mantra: 16
su̱ba̱rhira̱gniḥ pū̍ṣa̱ṇvāntstī̱rṇaba̍rhi̱rama̍rtyaḥ | bṛ̱ha̱tī chanda̍ indri̱yaṃ tri̍va̱tso gaurvayo̍ dadhuḥ
Mantra 17 {#mantra-17}
Section titled “Mantra 17 {#mantra-17}”Adhyāya: 23 | Mantra: 17
duro̍ de̱vīrdiśo̍ ma̱hīrbra̱hmā de̱vo bṛha̱spati̍ḥ | pa̱ṅktiśchanda̍ i̱hendri̱yaṃ tu̍rya̱vāḍ gaurvayo̍ dadhuḥ
Mantra 18 {#mantra-18}
Section titled “Mantra 18 {#mantra-18}”Adhyāya: 23 | Mantra: 18
u̱ṣe ya̱hvī su̱peśa̍sā̱ viśve̍ de̱vā ama̍rtyāḥ | tri̱ṣṭup chanda̍ i̱hendri̱yaṃ pa̍ṣṭha̱vāḍ gaurvayo̍ dadhuḥ
Mantra 19 {#mantra-19}
Section titled “Mantra 19 {#mantra-19}”Adhyāya: 23 | Mantra: 19
dai̍vyā̱ hotā̍rā bhi̱ṣajendre̍ṇa sa̱yujā̍ yu̱jā | jaga̍tī̱ chanda̍ indri̱yama̍na̱ḍvān gaurvayo̍ dadhuḥ
Mantra 20 {#mantra-20}
Section titled “Mantra 20 {#mantra-20}”Adhyāya: 23 | Mantra: 20
ti̱sra il̤ā̱ sara̍svatī̱ bhāra̍tī ma̱ruto̱ viśa̍ḥ | vi̱rāṭ chanda̍ i̱hendri̱yaṃ dhe̱nurgaurna vayo̍ dadhuḥ
Mantra 21 {#mantra-21}
Section titled “Mantra 21 {#mantra-21}”Adhyāya: 23 | Mantra: 21
tvaṣṭā̍ tu̱rīpo̱ adbhu̍ta indrā̱gnī pu̍ṣṭi̱vardha̍nā | dvipa̍dā̱ chanda̍ indri̱yamu̱kṣā gaurna vayo̍ dadhuḥ
Mantra 22 {#mantra-22}
Section titled “Mantra 22 {#mantra-22}”Adhyāya: 23 | Mantra: 22
śa̱mi̱tā no̱ vana̱spati̍ḥ savi̱tā pra̍su̱van bhaga̍m | ka̱kup chanda̍ i̱hendri̱yaṃ va̱śā ve̱hadvayo̍ dadhuḥ
Mantra 23 {#mantra-23}
Section titled “Mantra 23 {#mantra-23}”Adhyāya: 23 | Mantra: 23
svāhā̍ ya̱jñaṃ varu̍ṇaḥ sukṣa̱tro bhe̍ṣa̱jaṃ ka̍rat | ati̍cchandā indri̱yaṃ bṛ̱hadṛ̍ṣa̱bho gau̱rvayo̍ dadhuḥ
Mantra 24 {#mantra-24}
Section titled “Mantra 24 {#mantra-24}”Adhyāya: 23 | Mantra: 24
va̱sa̱ntena̍ ṛ̱tunā̍ de̱vā vasa̍vastri̱vṛtā̍ stu̱tāḥ | ra̱thanta̱reṇa̱ teja̍sā ha̱virindre̱ vayo̍ dadhuḥ
Mantra 25 {#mantra-25}
Section titled “Mantra 25 {#mantra-25}”Adhyāya: 23 | Mantra: 25
grī̱ṣmeṇa̍ ṛ̱tunā̍ de̱vā ru̱drāḥ pa̍ñcada̱śe stu̱tāḥ | bṛ̱ha̱tā yaśa̍sā̱ bala̍ ha̱virindre̱ vayo̍ dadhuḥ
Mantra 26 {#mantra-26}
Section titled “Mantra 26 {#mantra-26}”Adhyāya: 23 | Mantra: 26
va̱rṣābhi̍rṛ̱tunā̍di̱tyā stome̍ saptada̱śe stu̱tāḥ | vai̱rū̱peṇa̍ vi̱śauja̍sā ha̱virindre̱ vayo̍ dadhuḥ
Mantra 27 {#mantra-27}
Section titled “Mantra 27 {#mantra-27}”Adhyāya: 23 | Mantra: 27
śā̱ra̱dena̍ ṛ̱tunā̍ de̱vā e̍kaviśa ṛ̱bhava̍ stu̱tāḥ | vai̱rā̱jena̍ śri̱yā śriya̍ ha̱virindre̱ vayo̍ dadhuḥ
Mantra 28 {#mantra-28}
Section titled “Mantra 28 {#mantra-28}”Adhyāya: 23 | Mantra: 28
he̱ma̱ntena̍ ṛ̱tunā̍ de̱vāstri̍ṇa̱ve ma̱ruta̍ stu̱tāḥ | bale̍na̱ śakva̱rīḥ saho̍ ha̱virindre̱ vayo̍ dadhuḥ
Mantra 29 {#mantra-29}
Section titled “Mantra 29 {#mantra-29}”Adhyāya: 23 | Mantra: 29
śai̱śi̱reṇa̍ ṛ̱tunā̍ de̱vāstra̍yastri̱śe̱’mṛtā̍ stu̱tāḥ | sa̱tyena̍ re̱vatī̍ḥ kṣa̱tra ha̱virindre̱ vayo̍ dadhuḥ
Mantra 30 {#mantra-30}
Section titled “Mantra 30 {#mantra-30}”Adhyāya: 23 | Mantra: 30
hotā̍ yakṣatsa̱midhā̱gnimi̱l̤aspa̱de̱’śvinendra̱ sara̍svatīma̱jo dhū̱mro na go̱dhūmai̱ḥ kuva̍lairbheṣa̱jaṃ madhu̍ | śaṣpai̱rna teja̍ indri̱yaṃ paya̱ḥ soma̍ḥ pari̱srutā̍ ghṛ̱taṃ madhu̱ vyantvājya̍sya̱ hota̱ryaja̍
Mantra 31 {#mantra-31}
Section titled “Mantra 31 {#mantra-31}”Adhyāya: 23 | Mantra: 31
hotā̍ yakṣa̱ttanū̱napā̱tsara̍svatī̱mavi̍rme̱ṣo na bhe̍ṣa̱jaṃ pa̱thā madhu̍matā̱ bhara̍nna̱śvinendrā̍ya vī̱rya̍ṃm | bada̍rairupa̱vākā̍bhirbheṣa̱jaṃ tokma̍bhi̱ḥ paya̱ḥ soma̍ḥ pari̱srutā̍ ghṛ̱taṃ madhu̱ vyantvā̍sya̱ hota̍ryaja
Mantra 32 {#mantra-32}
Section titled “Mantra 32 {#mantra-32}”Adhyāya: 23 | Mantra: 32
hotā̍ yakṣa̱nnarā̱śasa̱ṃ na na̱gnahu̱ṃ pati̱ sura̍yā bheṣa̱jaṃ me̱ṣaḥ sara̍svatī bhi̱ṣagratho̱ na ca̱ndryaśvino̍rva̱pā indra̍sya vī̱ryam | bada̍rairupa̱vākā̍bhirbheṣa̱jaṃ tokma̍bhi̱ḥ paya̱ḥ soma̍ḥ pari̱srutā̍ ghṛ̱taṃ madhu̱ vyantvājya̍sya̱ hota̱ryaja̍
Mantra 33 {#mantra-33}
Section titled “Mantra 33 {#mantra-33}”Adhyāya: 23 | Mantra: 33
hotā̍ yakṣa̱dil̤e̍l̤i̱ta ā̱juhvā̍na̱ḥ sara̍svatī̱mindra̱ṃ bale̍na va̱rdhaya̍nnṛṣa̱bheṇa̱ gave̍ndri̱yamaśvinendrā̍ya bheṣa̱jam | yavai̍ḥ ka̱rkandhu̍bhi̱rmadhu̍ lā̱jairna māsa̍ra̱ṃ paya̱ḥ soma̍ḥ pari̱srutā̍ ghṛ̱taṃ madhu̱ vyantvājya̍sya̱ hota̱ryaja̍
Mantra 34 {#mantra-34}
Section titled “Mantra 34 {#mantra-34}”Adhyāya: 23 | Mantra: 34
hotā̍ yakṣadba̱rhirūrṇa̍mradā bhi̱ṣaṅ nāsa̍tyā bhi̱ṣajā̱śvināśvā̱ śiśu̍matī bhi̱ṣagdhe̱nuḥ sara̍svatī bhi̱ṣak | du̱ha indrā̍ya bheṣa̱jaṃ paya̱ḥ soma̍ḥ pari̱srutā̍ ghṛ̱taṃ madhu̱ vyantvājya̍sya̱ hota̱ryaja̍
Mantra 35 {#mantra-35}
Section titled “Mantra 35 {#mantra-35}”Adhyāya: 23 | Mantra: 35
hotā̍ yakṣa̱dduro̱ diśa̍ḥ kava̱ṣyo̱ na vyaca̍svatīra̱śvibhyā̱ṃ na duro̱ diśa̱ indro̱ na roda̍sī̱ dughe̍ du̱he dhe̱nuḥ sara̍svatya̱śvinendrā̍ya bheṣa̱jam | śu̱kraṃ na jyoti̍rindri̱yaṃ paya̱ḥ soma̍ḥ pari̱srutā̍ ghṛ̱taṃ madhu̱ vyantvājya̍sya̱ hota̱ryaja̍
Mantra 36 {#mantra-36}
Section titled “Mantra 36 {#mantra-36}”Adhyāya: 23 | Mantra: 36
hotā̍ yakṣatsu̱peśa̍so̱ṣe nakta̱ṃ divā̱śvinā̱ sama̍ñjāte̱ sara̍svatyā̱ tviṣi̱mindre̱ na bhe̍ṣa̱jam | śye̱no na raja̍sā hṛ̱dā śri̱yā na māsa̍ra̱ṃ paya̱ḥ soma̍ḥ pari̱srutā̍ ghṛ̱taṃ madhu̱ vyantvājya̍sya̱ hota̱ryaja
Mantra 37 {#mantra-37}
Section titled “Mantra 37 {#mantra-37}”Adhyāya: 23 | Mantra: 37
hotā̍ yakṣa̱ddaivyā̱ hotā̍rā bhi̱ṣajā̱śvinendra̱ṃ na jāgṛ̍vi̱ divā̱ nakta̱ṃ na bhe̍ṣa̱jaiḥ | śūṣa̱ sara̍svatī bhi̱ṣak sīse̍na duha indri̱yaṃ paya̱ḥ soma̍ḥ pari̱srutā̍ ghṛ̱taṃ madhu̱ vyantvājya̍sya̱ hota̱ryaja̍
Mantra 38 {#mantra-38}
Section titled “Mantra 38 {#mantra-38}”Adhyāya: 23 | Mantra: 38
hotā̍ yakṣatti̱sro de̱vīrna bhe̍ṣa̱jaṃ traya̍stri̱dhāta̍vo̱’paso̍ rū̱pamindre̍ hira̱ṇyaya̍ma̱śvinel̤ā̱ na bhāra̍tī | vā̱cā sara̍svatī̱ maha̱ indrā̍ya duha indri̱yaṃ paya̱ḥ soma̍ḥ pari̱srutā̍ ghṛ̱taṃ madhu̱ vyantvājya̍sya̱ hota̱ryaja̍
Mantra 39 {#mantra-39}
Section titled “Mantra 39 {#mantra-39}”Adhyāya: 23 | Mantra: 39
hotā̍ yakṣat sureta̍samṛṣa̱bhaṃ naryā̍pasa̱ṃ tvaṣṭā̍ra̱mindra̍ma̱śvinā̍ bheṣa̱ja̱ṃ na sara̍svatī̱mojo̱ na jū̱tiri̍ndri̱yaṃ vṛko̱ na ra̍bha̱so bhi̱ṣak | yaśa̱ḥ sura̍yā bheṣa̱ja śri̱yā na māsa̍ra̱ṃ paya̱ḥ soma̍ḥ pari̱srutā̍ ghṛ̱taṃ madhu̱ vyantvājya̍sya̱ hota̱ryaja̍
Mantra 40 {#mantra-40}
Section titled “Mantra 40 {#mantra-40}”Adhyāya: 23 | Mantra: 40
hotā̍ yakṣa̱dvana̱spati̍ śami̱tāra̍ śa̱takra̍tuṃ bhī̱maṃ na ma̱nyu rājā̍naṃ vyā̱ghraṃ nama̍sā̱śvinā̍ | bhāma̱ sara̍svatī bhi̱ṣagindrā̍ya duha indri̱yaṃ paya̱ḥ soma̍ḥ pari̱srutā̍ ghṛ̱taṃ madhu̱ vyantvājya̍sya̱ hota̱ryaja̍
Mantra 41 {#mantra-41}
Section titled “Mantra 41 {#mantra-41}”Adhyāya: 23 | Mantra: 41
hotā̍ yakṣada̱gni svāhājya̍sya sto̱kānā̱ svāhā̱ meda̍sā̱ṃ pṛtha̱k svāhā̱ chāga̍ma̱śvibhyā̱ svāhā̍ me̱ṣa sara̍svatyai | svāha̍ ṛṣa̱bhamindrā̍ya si̱hāya̱ saha̍sa indri̱ya svāhā̱gniṃ na bhe̍ṣa̱ja svāhā̱ soma̍mindri̱yam | svāhendra̍ su̱trāmā̍ṇa savi̱tāra̱ṃ varu̍ṇaṃ bhi̱ṣajā̱ṃ pati̱ svāhā̱ vana̱spati̍ṃ pri̱yaṃ pātho̱ na bhe̍ṣa̱jam | svāhā̍ de̱vā ā̍jya̱pā ju̍ṣā̱ṇo a̱gnirbhe̍ṣa̱jaṃ paya̱ḥ soma̍ḥ pari̱srutā̍ ghṛ̱taṃ madhu̱ vyantvājya̍sya̱ hota̱ryaja̍
Mantra 42 {#mantra-42}
Section titled “Mantra 42 {#mantra-42}”Adhyāya: 23 | Mantra: 42
hotā̍ yakṣada̱śvinau̱ chāga̍sya va̱pāyā̱ meda̍so ju̱ṣetā̍ ha̱virhota̱ryaja̍ | hotā̍ yakṣa̱tsara̍svatīṃ me̱ṣasya̍ va̱pāyā̱ meda̍so ju̱ṣatā̍ ha̱virhota̱ryaja̍ | hotā̍ yakṣa̱dindra̍mṛṣa̱bhasya̍ va̱pāyā̱ meda̍so ju̱ṣatā̍ ha̱virhota̱ryaja̍
Mantra 43 {#mantra-43}
Section titled “Mantra 43 {#mantra-43}”Adhyāya: 23 | Mantra: 43
hotā̍ yakṣada̱śvinau̱ sara̍svatī̱mindra̍ su̱trāmā̍ṇami̱me somā̍ḥ su̱rāmā̍ṇa̱śchāgai̱rna me̱ṣairṛ̍ṣa̱bhaiḥ su̱tāḥ | śaṣpai̱rna tokma̍bhirlā̱jairmaha̍svanto̱ madā̱ māsa̍reṇa̱ pari̍ṣkṛtāḥ śu̱krāḥ paya̍svanto̱’mṛtā̱ḥ prasthi̍tā vo madhu̱ścyuta̱stāna̱śvinā̱ sara̍sva̱tīndra̍ḥ su̱trāmā̍ vṛtra̱hā ju̱ṣantā̍ so̱myaṃ madhu̱ | piba̍ntu̱ mada̍ntu̱ vyantu̱ hota̱ryaja̍
Mantra 44 {#mantra-44}
Section titled “Mantra 44 {#mantra-44}”Adhyāya: 23 | Mantra: 44
hotā̍ yakṣada̱śvinau̱ chāga̍sya ha̱viṣa̱ āttā̍ma̱dya ma̍dhya̱to meda̱ udbhṛ̍taṃ pu̱rā dveṣo̍bhyaḥ pu̱rā pau̍ruṣeyyā gṛ̱bhaḥ| ghastā̍ṃ nū̱naṃ ghā̱se a̍jrāṇā̱ṃ yava̍saprathamānā su̱matkṣa̍rāṇā śataru̱driyā̍ṇāmagniṣvā̱ttānā̱ṃ pīvo̍pavasanānām | pā̱rśva̱taḥ śro̍ṇi̱taḥ śi̍tāma̱ta u̍tsāda̱to’ṅgā̍daṅgā̱dava̍ttānā̱ṃ kara̍ta e̱vāśvinā̍ ju̱ṣetā̍ ha̱virhota̍ryaja | hotā̍ yakṣa̱tsara̍svatīṃ me̱ṣasya̍ ha̱viṣa̱ āva̍yada̱dya ma̍dhya̱to meda̱ udbhṛ̍taṃ pu̱rā dveṣo̍bhyaḥ pu̱rā pau̍ruṣeyyā gṛ̱bhaḥ | ghasa̍nnū̱naṃ ghā̱se a̍jrāṇā̱ṃ yava̍saprathamānā su̱matkṣa̍rāṇā śataru̱driyā̍ṇāmagniṣvā̱ttānā̱ṃ pīvo̍pavasanānām | pā̱rśva̱taḥ śro̍ṇi̱taḥ śi̍tāma̱ta u̍tsāda̱to’ṅgā̍daṅgā̱dava̍ttānā̱ṃ kara̍de̱va sara̍svatī ju̱ṣatā̍ ha̱virhota̍ryaja | hotā̍ yakṣa̱dindra̍mṛṣa̱bhasya̍ ha̱viṣa̱ āva̍yada̱dya ma̍dhya̱to meda̱ udbhṛ̍taṃ pu̱rā dveṣo̍bhyaḥ pu̱rā pau̍ruṣeyyā gṛ̱bhaḥ | ghasa̍nnū̱naṃ ghā̱se a̍jrāṇā̱ṃ yava̍saprathamānā su̱matkṣa̍rāṇā śataru̱driyā̍ṇāmagniṣvā̱ttānā̱ṃ pīvo̍pavasānām | pā̱rśva̱taḥ śro̍ṇi̱taḥ śi̍tāma̱ta u̍tsāda̱to’ṅgā̍daṅgā̱dava̍ttānā̱ṃ kara̍de̱vamindro̍ ju̱ṣatā̍ ha̱virhota̱ryaja̍
Mantra 45 {#mantra-45}
Section titled “Mantra 45 {#mantra-45}”Adhyāya: 23 | Mantra: 45
hotā̍ yakṣa̱dvana̱spati̍ma̱bhi hi pi̱ṣṭata̍mayā̱ rabhi̍ṣṭayā raśa̱nayādhi̍ta | yatrā̱śvino̱śchāga̍sya ha̱viṣa̍ḥ pri̱yā dhāmā̍ni̱ yatra̱ sara̍svatyā me̱ṣasya̍ ha̱viṣa̍ḥ pri̱yā dhāmā̍ni̱ yatrendra̍sya ṛṣa̱bhasya̍ ha̱viṣa̍ḥ pri̱yā dhāmā̍ni̱ | yatrā̱gneḥ pri̱yā dhāmā̍ni̱ yatra̱ soma̍sya pri̱yā dhāmā̍ni̱ yatrendra̍sya su̱trāmṇa̍ḥ pri̱yā dhāmā̍ni | yatra̍ savi̱tuḥ pri̱yā dhāmā̍ni̱ yatra̱ varu̍ṇasya pri̱yā dhāmā̍ni̱ yatra̱ vana̱spate̍ḥ pri̱yā pāthā̍si || yatra̍ de̱vānā̍mājya̱pānā̍ṃ pri̱yā dhāmā̍ni̱ yatrā̱gnerhotu̍ḥ pri̱yā dhāmā̍ni | tatrai̱tānpra̱stutye̍vopa̱stutye̍vo̱pāva̍srakṣa̱drabhī̍yasa iva kṛ̱tvī kara̍de̱vaṃ de̱vo vana̱spati̍rju̱ṣatā̍ ha̱virhota̱ryaja̍
Mantra 46 {#mantra-46}
Section titled “Mantra 46 {#mantra-46}”Adhyāya: 23 | Mantra: 46
hotā̍ yakṣada̱gni svi̍ṣṭa̱kṛta̱mayā̍l̤a̱gnira̱śvino̱śchāga̍sya ha̱viṣa̍ḥ pri̱yā dhāmā̱nyayā̱ṭa sara̍svatyā me̱ṣasya̍ ha̱viṣa̍ḥ pri̱yā dhāmā̱nyayā̱l̤indra̍sya ṛṣa̱bhasya̍ ha̱viṣa̍ḥ pri̱yā dhāmā̍ni | ayā̍l̤a̱gneḥ pri̱yā dhāmā̱nyayā̱ṭ soma̍sya pri̱yā dhāmā̱nyayā̱l̤indra̍sya su̱trāmṇa̍ḥ pri̱yā dhāmā̍ni | ayā̍ṭ savi̱tuḥ pri̱yā dhāmā̱nyayā̱ḍ varu̍ṇasya pri̱yā dhāmā̱nyayā̱ḍ vana̱spate̍ḥ pri̱yā pāthā̍si | ayā̍ḍ de̱vānā̍mājya̱pānā̍ṃ pri̱yā dhāmā̍ni̱ yakṣa̍da̱gnerhotu̍ḥ pri̱yā dhāmā̍ni | yakṣa̱tsvaṃ ma̍hi̱māna̱māya̍jatā̱mejyā̱ iṣa̍ḥ kṛ̱ṇotu̱ so a̍dhva̱rā jā̱tave̍dā ju̱ṣatā̍ ha̱virhota̱ryaja̍
Mantra 47 {#mantra-47}
Section titled “Mantra 47 {#mantra-47}”Adhyāya: 23 | Mantra: 47
de̱vaṃ ba̱rhiḥ sara̍svatī sude̱vamindre̍ a̱śvinā̍ | tejo̱ na cakṣu̍ra̱kṣyo̍rba̱rhiṣā̍ dadhurindri̱yaṃ va̍su̱vane̍ vasu̱dheya̍sya vyantu̱ yaja̍
Mantra 48 {#mantra-48}
Section titled “Mantra 48 {#mantra-48}”Adhyāya: 23 | Mantra: 48
de̱vīrdvāro̍ a̱śvinā̍ bhi̱ṣajendre̱ sara̍svatī | prā̱ṇaṃ na vī̱rya̍ṃ na̱si dvāro̍ dadhurindri̱yaṃ va̍su̱vane̍ vasu̱dheya̍sya vyantu̱ yaja̍
Mantra 49 {#mantra-49}
Section titled “Mantra 49 {#mantra-49}”Adhyāya: 23 | Mantra: 49
de̱vī u̱ṣāsā̍ a̱śvinā̍ su̱trāmendre̱ sara̍svatī | bala̱ṃ na vāca̍mā̱sya̍ u̱ṣābhyā̍ṃ dadhurindri̱yaṃ va̍su̱vane̍ vasu̱dheya̍sya vyantu̱ yaja̍
Mantra 50 {#mantra-50}
Section titled “Mantra 50 {#mantra-50}”Adhyāya: 23 | Mantra: 50
de̱vī joṣṭrī̱ sara̍svatya̱śvinendra̍mavardhayan | śrotra̱ṃ na karṇa̍yo̱ryaśo̱ joṣṭrī̍bhyāṃ dadhurindri̱yaṃ va̍su̱vane̍ vasu̱dheya̍sya vyantu̱ yaja̍
Mantra 51 {#mantra-51}
Section titled “Mantra 51 {#mantra-51}”Adhyāya: 23 | Mantra: 51
de̱vī ū̱rjāhu̍tī̱ dughe̍ su̱dughendre̱ sara̍svatya̱śvinā̍ bhi̱ṣajā̍vataḥ | śu̱kraṃ na jyoti̱ stana̍yo̱rāhu̍tī dhatta indri̱yaṃ va̍su̱vane̍ vasu̱dheya̍sya vyantu̱ yaja̍
Mantra 52 {#mantra-52}
Section titled “Mantra 52 {#mantra-52}”Adhyāya: 23 | Mantra: 52
de̱vā de̱vānā̍ṃ bhi̱ṣajā̱ hotā̍rā̱ indra̍ma̱śvinā̍ vaṣaṭkā̱raiḥ sara̍svatī̱ tviṣi̱ṃ na hṛda̍ye ma̱tim | hotṛ̍bhyāṃ dadhurindri̱yaṃ va̍su̱vane̍ vasu̱dheya̍sya vyantu̱ yaja̍
Mantra 53 {#mantra-53}
Section titled “Mantra 53 {#mantra-53}”Adhyāya: 23 | Mantra: 53
de̱vīsti̱srasti̱sro de̱vīra̱śvinel̤ā̱ sara̍svatī | śūṣa̱ṃ na madhye̱ nābhyā̱mindrā̍ya dadhurindri̱yaṃ va̍su̱vane̍ vasu̱dheya̍sya vyantu̱ yaja̍
Mantra 54 {#mantra-54}
Section titled “Mantra 54 {#mantra-54}”Adhyāya: 23 | Mantra: 54
de̱va indro̱ narā̱śasa̍strivarū̱thaḥ sara̍svatyā̱śvibhyā̍mīyate̱ ratha̍ḥ | reto̱ na rū̱pama̱mṛta̍ṃ ja̱nitra̱mindrā̍ya̱ tvaṣṭā̱ dadha̍dindri̱yāṇi̍ vasu̱dheya̍sya vyantu̱ yaja̍
Mantra 55 {#mantra-55}
Section titled “Mantra 55 {#mantra-55}”Adhyāya: 23 | Mantra: 55
de̱vo devai̱rvana̱spati̱rhira̍ṇyaparṇo a̱śvibhyā̱ sara̍svatyā supippa̱la indrā̍ya pacyate̱ madhu̍ | ojo̱ na jū̱tirṛ̍ṣa̱bho na bhāma̱ṃ vana̱spati̍rno̱ dadha̍dindri̱yāṇi̍ vasu̱vane̍ vasu̱dheya̍sya vyantu̱ yaja̍
Mantra 56 {#mantra-56}
Section titled “Mantra 56 {#mantra-56}”Adhyāya: 23 | Mantra: 56
de̱vaṃ ba̱rhirvāri̍tīnāmadhva̱re stī̱rṇama̱śvibhyā̱mūrṇa̍mradā̱ḥ sara̍svatyā syo̱nami̍ndra te̱ sada̍ḥ | ī̱śāyai̍ ma̱nyu rājā̍naṃ ba̱rhiṣā̍ dadhurindri̱yaṃ va̍su̱vane̍ vasu̱dheya̍sya vyantu̱ yaja̍
Mantra 57 {#mantra-57}
Section titled “Mantra 57 {#mantra-57}”Adhyāya: 23 | Mantra: 57
de̱vo a̱gniḥ svi̍ṣṭa̱kṛdde̱vānya̍kṣadyathāya̱tha hotā̍rā̱ indra̍ma̱śvinā̍ vā̱cā vāca̱ sara̍svatīma̱gni soma̍ sviṣṭa̱kṛt | svi̍ṣṭa̱ indra̍ḥ su̱trāmā̍ savi̱tā varu̍ṇo bhi̱ṣagi̱ṣṭo de̱vo vana̱spati̱ḥ svi̍ṣṭā de̱vā ā̍jya̱pāḥ | svi̍ṣṭo a̱gnira̱gninā̱ hotā̍ ho̱tre svi̍ṣṭa̱kṛdyaśo̱ na dadha̍dindri̱yamūrja̱mapa̍citi sva̱dhāṃ va̍su̱vane̍ vasu̱dheya̍sya vyantu̱ yaja̍
Mantra 58 {#mantra-58}
Section titled “Mantra 58 {#mantra-58}”Adhyāya: 23 | Mantra: 58
a̱gnima̱dya hotā̍ramavṛṇītā̱yaṃ yaja̍māna̱ḥ paca̱n paktī̱ḥ paca̍n puro̱l̤āśā̍n ba̱dhnanna̱śvibhyā̱ṃ chāga̱ sara̍svatyai me̱ṣamindrā̍ya ṛṣa̱bham | su̱nvanna̱śvibhyā̱ sara̍svatyā̱ indrā̍ya su̱trāmṇe̍ surāso̱mān
Mantra 59 {#mantra-59}
Section titled “Mantra 59 {#mantra-59}”Adhyāya: 23 | Mantra: 59
sū̱pa̱sthā a̱dya de̱vo vana̱spati̍rabhavada̱śvibhyā̱ṃ chāge̍na̱ sara̍svatyai me̱ṣeṇendrā̍ya ṛṣa̱bheṇa̍ | akṣa̱stān me̍da̱staḥ prati̍ paca̱tāgṛ̍bhīṣa̱tāvī̍vṛdhanta puro̱l̤āśai̱rapu̍ra̱śvinā̱ sara̍sva̱tīndra̍ḥ su̱trāmā̍ surāso̱mān
Mantra 60 {#mantra-60}
Section titled “Mantra 60 {#mantra-60}”Adhyāya: 23 | Mantra: 60
tvāma̱dya ṛ̍ṣa ārṣeya ṛṣīṇāṃ napādavṛṇītā̱yaṃ yaja̍māno ba̱hubhya̱ ā saṃga̍tebhya e̱ṣa me̍ de̱veṣu̱ vasu̱ vāryā̍yakṣyata̱ iti̱ | tā yā de̱vā de̍va̱ dānā̱nyadu̱stānya̍smā̱ ā ca̱ śāssvā ca̍ gurasveṣi̱taśca̍ hota̱rasi̍ bhadra̱vācyā̍ya̱ preṣi̍to̱ mānu̍ṣaḥ sūktavā̱kāya̍ sū̱ktā brū̍hi