Īśā Upaniṣad — Vājasaneyi Kanva Saṃhitā (18 mantras)
Īśā Upaniṣad — Vājasaneyi Kanva Saṃhitā
Section titled “Īśā Upaniṣad — Vājasaneyi Kanva Saṃhitā”atha catvāriṃśo’dhyāyaḥ|
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 40 | Mantra: 1
ī̱śā vā̱sya̍mi̱da sarva̱ṃ yatkiṃ ca̱ jaga̍tyā̱ṃ jaga̍t | tena̍ tya̱ktena̍ bhuñjīthā̱ mā gṛ̍dha̱ḥ kasya̍ svi̱ddhana̍m
Mantra 2 {#mantra-2}
Section titled “Mantra 2 {#mantra-2}”Adhyāya: 40 | Mantra: 2
ku̱rvanne̱veha karmā̍ṇi jijīvi̱ṣeccha̱ta samā̍ḥ | e̱vaṃ tvayi̱ nānyathe̱to̍’sti̱ na karma̍ lipyate̱ nare̍
Mantra 3 {#mantra-3}
Section titled “Mantra 3 {#mantra-3}”Adhyāya: 40 | Mantra: 3
a̱su̱ryā̱ nāma̍ te lo̱kā a̱ndhena̱ tama̱sāvṛ̍tāḥ | tāste pretyā̱bhiga̍cchanti̱ ye ke cā̍tma̱hano̱ janā̍ḥ
Mantra 4 {#mantra-4}
Section titled “Mantra 4 {#mantra-4}”Adhyāya: 40 | Mantra: 4
ane̍ja̱deka̱ṃ mana̍so̱ javī̍yo̱ naina̍dde̱vā ā̍pnuva̱npūrva̱marśa̍t | taddhāva̍to̱’nyānatye̍ti̱ tiṣṭha̱ttasmi̍nna̱po mā̍ta̱riśvā̍ dadhāti
Mantra 5 {#mantra-5}
Section titled “Mantra 5 {#mantra-5}”Adhyāya: 40 | Mantra: 5
tade̍jati̱ tannai̍jati̱ taddū̱re tadva̍nti̱ke | tada̱ntara̍sya̱ sarva̍sya̱ tadu̱ sarva̍syāsya bāhya̱taḥ
Mantra 6 {#mantra-6}
Section titled “Mantra 6 {#mantra-6}”Adhyāya: 40 | Mantra: 6
yastu sarvā̍ṇi bhū̱tānyā̱tmanne̱vānu̱paśya̍ti | sa̱rva̱bhū̱teṣu̍ cā̱tmāna̱ṃ tato̱ na vi ju̍gupsate
Mantra 7 {#mantra-7}
Section titled “Mantra 7 {#mantra-7}”Adhyāya: 40 | Mantra: 7
yasmi̱ntsarvā̍ṇi bhū̱tānyā̱tmaivābhū̍dvijāna̱taḥ | tatra̱ ko moha̱ḥ kaḥ śoka̍ eka̱tvama̍nu̱paśya̍taḥ
Mantra 8 {#mantra-8}
Section titled “Mantra 8 {#mantra-8}”Adhyāya: 40 | Mantra: 8
sa parya̍gācchu̱krama̍kā̱yama̍vra̱ṇama̍snāvi̱ra śu̱ddhamapā̍paviddham | ka̱virma̍nī̱ṣī pa̍ri̱bhūḥ sva̍ya̱ṃbhūryā̍thātathya̱to’rthā̱nvya̍da dhācchāśva̱tī bhya̱ḥ samā̍bhyaḥ
Mantra 9 {#mantra-9}
Section titled “Mantra 9 {#mantra-9}”Adhyāya: 40 | Mantra: 9
a̱ndhaṃ tama̱ḥ pra vi̍śanti̱ ye’vi̍dyāmu̱pāsa̍te | tato̱ bhūya̍ iva̱ te tamo̱ ya u̍ vi̱dyāyā̍ ra̱tāḥ
Mantra 10 {#mantra-10}
Section titled “Mantra 10 {#mantra-10}”Adhyāya: 40 | Mantra: 10
a̱nyade̱vāhurvi̱dyayā̱nyadā̍hu̱ravi̍dyāyā | iti̍ śuśruma̱ dhīrā̍ṇā̱ṃ ye na̱stadvi̍cacakṣi̱re
Mantra 11 {#mantra-11}
Section titled “Mantra 11 {#mantra-11}”Adhyāya: 40 | Mantra: 11
vi̱dyāṃ cāvi̍dyāṃ ca̱ yastadvedo̱bhaya̍ sa̱ha | avi̍dyayā mṛ̱tyuṃ tī̱rtvā vi̱dyayā̱mṛta̍maśnute
Mantra 12 {#mantra-12}
Section titled “Mantra 12 {#mantra-12}”Adhyāya: 40 | Mantra: 12
a̱ndhaṃ tama̱ḥ pravi̍śanti̱ ye’sa̍ṃbhūtimu̱pāsa̍te | tato̱ bhūya̍ iva̱ te tamo̱ ya u̱ saṃbhū̍tyā ra̱tāḥ
Mantra 13 {#mantra-13}
Section titled “Mantra 13 {#mantra-13}”Adhyāya: 40 | Mantra: 13
a̱nyade̱vāhuḥ sa̍ṃbha̱vāda̱nyadā̍hu̱rasa̍ṃbhavāt | iti̍ śuśruma̱ dhīrā̍ṇā̱ṃ ye na̱stadvi̍cacakṣi̱re
Mantra 14 {#mantra-14}
Section titled “Mantra 14 {#mantra-14}”Adhyāya: 40 | Mantra: 14
saṃbhū̍tiṃ ca vinā̱śaṃ ca̱ yastadvedo̱bhaya̍ sa̱ha | vi̱nā̱śena̍ mṛ̱tyuṃ tī̱rtvā saṃbhū̍tyā̱mṛta̍maśnute
Mantra 15 {#mantra-15}
Section titled “Mantra 15 {#mantra-15}”Adhyāya: 40 | Mantra: 15
hi̱ra̱ṇmaye̍na̱ pātre̍ṇa sa̱tyasyāpi̍hita̱ṃ mukha̍m | tattvaṃ pū̍ṣa̱nnapāvṛ̍ṇu sa̱tyadha̍rmāya dṛ̱ṣṭaye̍
Mantra 16 {#mantra-16}
Section titled “Mantra 16 {#mantra-16}”Adhyāya: 40 | Mantra: 16
tejo̱ yatte̍ rū̱pe kalyā̍ṇatama̱ṃ tatte̍ paśyāmi | yo̱’sāva̱sau puru̍ṣa̱ḥ so̱’hama̍smi
Mantra 17 {#mantra-17}
Section titled “Mantra 17 {#mantra-17}”Adhyāya: 40 | Mantra: 17
vā̱yurani̍lama̱mṛta̱mathe̱daṃ bhasmā̍nta̱ śarī̍ram | om3 krato̱ smara̍ kṛ̱ta sma̍ra̱ krato̱ smara̍ kṛ̱ta sma̍ra
Mantra 18 {#mantra-18}
Section titled “Mantra 18 {#mantra-18}”Adhyāya: 40 | Mantra: 18
agne̱ naya̍ su̱pathā̍ rā̱ye a̱smānviśvā̍ni deva va̱yunā̍ni vi̱dvān | yu̱yo̱dhya̱smajju̍hurā̱ṇameno̱ bhūyi̍ṣṭhāṃ te̱ nama̍ u̱ktiṃ vidhema