Vājasaneyi Kanva Saṃhitā — Chapter 20 (46 mantras)
Vājasaneyi Kanva Saṃhitā — Chapter 20
Section titled “Vājasaneyi Kanva Saṃhitā — Chapter 20”atha viṃśo’dhyāyaḥ
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 20 | Mantra: 1
vāja̍sya̱ nu pra̍sa̱ve mā̱tara̍ṃ ma̱hīmadi̍ti̱ṃ nāma̱ vaca̍sā karāmahe | yasyā̍mi̱daṃ viśva̱ṃ bhuva̍namāvi̱veśa̱ tasyā̍ṃ no de̱vaḥ sa̍vi̱tā dharma̍ sāviṣak
Mantra 2 {#mantra-2}
Section titled “Mantra 2 {#mantra-2}”Adhyāya: 20 | Mantra: 2
viśve̍ a̱dya ma̱ruto̱ viśva̍ ū̱tī viśve̍ bhavantva̱gnaya̱ḥ sami̍ddhāḥ | viśve̍ no de̱vā ava̱sāga̍mantu̱ viśva̍mastu̱ dravi̍ṇa̱ṃ vājo̍ a̱sme
Mantra 3 {#mantra-3}
Section titled “Mantra 3 {#mantra-3}”Adhyāya: 20 | Mantra: 3
vājo̍ naḥ sa̱pta pra̱diśa̱ścata̍sro vā parā̱vata̍ḥ | vājo̍ no̱ viśvai̍rde̱vairdhana̍sātā i̱hāva̍tu
Mantra 4 {#mantra-4}
Section titled “Mantra 4 {#mantra-4}”Adhyāya: 20 | Mantra: 4
vājo̍ no a̱dya prasu̍vāti̱ dāna̱ṃ vājo̍ de̱vām̐3 ṛ̱tubhi̍ḥ kalpayāti | vājo̱ hi mā̱ sarva̍vīraṃ ca̱kāra̱ sarvā̱ āśā̱ vāja̍patirbhaveyam
Mantra 5 {#mantra-5}
Section titled “Mantra 5 {#mantra-5}”Adhyāya: 20 | Mantra: 5
vaja̍ḥ pu̱rastā̍du̱ta ma̍dhya̱to no̱ vājo̍ de̱vān ha̱viṣā̍ vardhayāti | vājo̱ hi mā̱ sarva̍vīraṃ ca̱kāra̱ viśvā̱ āśā̱ vāja̍patirjayeyam
Mantra 6 {#mantra-6}
Section titled “Mantra 6 {#mantra-6}”Adhyāya: 20 | Mantra: 6
saṃ mā̍ sṛjāmi̱ paya̍sā pṛthi̱vyāḥ saṃ mā̍ sṛjāmya̱dbhiroṣa̍dhībhiḥ | so̱’haṃ vāja̍ saneyamagne
Mantra 7 {#mantra-7}
Section titled “Mantra 7 {#mantra-7}”Adhyāya: 20 | Mantra: 7
paya̍ḥ pṛthi̱vyāṃ paya̱ oṣa̍dhīṣu̱ payo̍ di̱vya̱ntari̍kṣe̱ payo̍dhāḥ | paya̍svatīḥ pra̱diśa̍ḥ santu̱ mahya̍m |de̱vasya̍ tvā savi̱tuḥ pra̍sa̱ve̱’śvino̍rbā̱hubhyā̍ṃ pū̱ṣṇo hastā̍bhyām | sara̍svatyai vā̱co ya̱nturya̱ntreṇā̱gneḥ sāmrā̍jyenā̱bhiṣi̍ñcāmi
Mantra 8 {#mantra-8}
Section titled “Mantra 8 {#mantra-8}”Adhyāya: 20 | Mantra: 8
ṛ̱tā̱ṣāl̤ṛ̱tadhā̍mā̱gnirga̍ndha̱rvaḥ | tasyau̍ṣadhayo’psa̱raso̱ mudo̱ nāma̍ | sa na̍ i̱daṃ brahma̍ kṣa̱traṃ pā̍tu̱ tasmai̱ svāhā̱ vāṭ tābhya̱ḥ svāhā̍
Mantra 9 {#mantra-9}
Section titled “Mantra 9 {#mantra-9}”Adhyāya: 20 | Mantra: 9
sa̍hi̱to vi̱śvasā̍mā̱ sūryo̍ gandha̱rvaḥ | tasya̱ marī̍cayo’psa̱rasa̍ ā̱yuvo̱ nāma̍ | sa na̍ i̱daṃ brahma̍ kṣa̱traṃ pā̍tu̱ tasmai̱ svāhā̱ vāṭ tābhya̱ḥ svāhā̍
Mantra 10 {#mantra-10}
Section titled “Mantra 10 {#mantra-10}”Adhyāya: 20 | Mantra: 10
su̱ṣu̱mṇaḥ sūrya̍raśmiśca̱ndramā̍ gandha̱rvaḥ | tasya̱ nakṣa̍trāṇyapsa̱raso̍ bhe̱kura̍yo̱ nāma̍ | sa na̍ i̱daṃ brahma̍ kṣa̱traṃ pā̍tu̱ tasmai̱ svāhā̱ vāṭ tābhya̱ḥ svāhā̍
Mantra 11 {#mantra-11}
Section titled “Mantra 11 {#mantra-11}”Adhyāya: 20 | Mantra: 11
i̱ṣi̱ro vi̱śvavya̍cā̱ vāto̍ gandha̱rvaḥ | tasyāpo̍ apsa̱rasa̱ ūrjo̱ nāma̍ | sa na̍ i̱daṃ brahma̍ kṣa̱traṃ pā̍tu̱ tasmai̱ svāhā̱ vāṭ tābhya̱ḥ svāhā̍
Mantra 12 {#mantra-12}
Section titled “Mantra 12 {#mantra-12}”Adhyāya: 20 | Mantra: 12
bhu̱jyuḥ su̍pa̱rṇo ya̱jño ga̍ndha̱rvaḥ | tasya̱ dakṣi̍ṇā apsa̱rasa̍stā̱vā nāma̍ | sa na̍ i̱daṃ brahma̍ kṣa̱traṃ pā̍tu̱ tasmai̱ svāhā̱ vāṭ tābhya̱ḥ svāhā̍
Mantra 13 {#mantra-13}
Section titled “Mantra 13 {#mantra-13}”Adhyāya: 20 | Mantra: 13
pra̱jāpa̍tirvi̱śvaka̍rmā̱ mano̍ gandha̱rvaḥ | tasya̍ ṛksā̱mānya̍psa̱rasa̱ eṣṭa̍yo̱ nāma̍ | sa na̍ i̱daṃ brahma̍ kṣa̱traṃ pā̍tu̱ tasmai̱ svāhā̱ vāṭ tābhya̱ḥ svāhā̍
Mantra 14 {#mantra-14}
Section titled “Mantra 14 {#mantra-14}”Adhyāya: 20 | Mantra: 14
sa no̍ bhuvanasya pate prajāpate̱ yasya̍ ta u̱pari̍ gṛ̱hā yasya̍ ve̱ha | asmai̱ brahma̍ṇe’smai kṣa̱trāya̱ mahi̱ śarma̍ yaccha̱ svāhā̍
Mantra 15 {#mantra-15}
Section titled “Mantra 15 {#mantra-15}”Adhyāya: 20 | Mantra: 15
sa̱mu̱dro̍’si̱ nabha̍svānā̱rdradā̍nuḥ śa̱mbhūrma̍yo̱bhūra̱bhi mā̍ vāhi̱ svāhā̍ | mā̱ru̱to̍’si ma̱rutā̍ṃ ga̱ṇaḥ śa̱mbhūrma̍yo̱bhūra̱bhi mā̍ vāhi̱ svāhā̍ | a̱va̱syūra̍si̱ duva̍svāñcha̱mbhūrma̍yo̱bhūra̱bhi mā̍ vāhi̱ svāhā̍
Mantra 16 {#mantra-16}
Section titled “Mantra 16 {#mantra-16}”Adhyāya: 20 | Mantra: 16
yāste̍ agne̱ sūrye̱ ruco̱ diva̍māta̱nvanti̍ ra̱śmibhi̍ḥ | tābhi̍rno a̱dya sarvā̍bhī ru̱ce janā̍ya naskṛdhi
Mantra 17 {#mantra-17}
Section titled “Mantra 17 {#mantra-17}”Adhyāya: 20 | Mantra: 17
yā vo̍ de̱vāḥ sūrye̱ ruco̱ goṣvaśve̍ṣu̱ yā ruca̍ḥ | indrā̍gnī̱ tābhi̱ḥ sarvā̍bhī̱ ruca̍ṃ no dhatta bṛhaspate
Mantra 18 {#mantra-18}
Section titled “Mantra 18 {#mantra-18}”Adhyāya: 20 | Mantra: 18
ruca̍ṃ no dhehi brāhma̱ṇeṣu̱ ruca̱ rāja̍su naskṛdhi | ruca̱ṃ viśye̍ṣu śū̱dreṣu̱ mayi̍ dhehi ru̱cā ruca̍m
Mantra 19 {#mantra-19}
Section titled “Mantra 19 {#mantra-19}”Adhyāya: 20 | Mantra: 19
tattvā̍ yāmi̱ brahma̍ṇā̱ vanda̍māna̱stadāśā̍ste̱ yaja̍māno ha̱virbhi̍ḥ | ahe̍l̤amāno varuṇe̱ha bo̱dhyuru̍śasa̱ mā na̱ āyu̱ḥ pramo̍ṣīḥ
Mantra 20 {#mantra-20}
Section titled “Mantra 20 {#mantra-20}”Adhyāya: 20 | Mantra: 20
sva̱rṇa gha̱rmaḥ svāhā̱ sva̱rṇārkaḥ svāhā̱ sva̱rṇa śu̱kraḥ svāhā̍ | sva̱rṇa jyoti̱ḥ svāhā̱ sva̱rṇa sūrya̱ḥ svāhā̍
Mantra 21 {#mantra-21}
Section titled “Mantra 21 {#mantra-21}”Adhyāya: 20 | Mantra: 21
a̱gniṃ yu̍najmi̱ śava̍sā ghṛ̱tena̍ di̱vya su̍pa̱rṇaṃ vaya̍sā bṛ̱hanta̍m | tena̍ ga̍mema bra̱dhnasya̍ vi̱ṣṭapa̱ svo̱ ruhā̍ṇā̱ adhi̱ nāka̍mutta̱mam
Mantra 22 {#mantra-22}
Section titled “Mantra 22 {#mantra-22}”Adhyāya: 20 | Mantra: 22
i̱mau te̍ pa̱kṣā a̱jarau̍ pata̱triṇo̱ yābhyā̱ rakṣā̍syapa̱hasya̍gne | tābhyā̍ṃ patema su̱kṛtā̍mu lo̱kaṃ yatra̱ ṛṣa̍yo ja̱gmuḥ pra̍thama̱jāḥ pu̍rā̱ṇāḥ
Mantra 23 {#mantra-23}
Section titled “Mantra 23 {#mantra-23}”Adhyāya: 20 | Mantra: 23
indu̱rdakṣa̍ḥ śye̱na ṛ̱tāvā̱ hira̍ṇyapakṣaḥ śaku̱no bhu̍ra̱ṇyuḥ | ma̱hāntsa̱dhasthe̍ dhru̱va ā niṣa̍tto̱ nama̍ste astu̱ mā mā̍ hisīḥ
Mantra 24 {#mantra-24}
Section titled “Mantra 24 {#mantra-24}”Adhyāya: 20 | Mantra: 24
di̱vo mū̱rdhāsi̍ pṛthi̱vyā nābhi̱rūrga̱pāmoṣa̍dhīnām | vi̱śvāyu̱ḥ śarma̍ sa̱prathā̱ nama̍spa̱the
Mantra 25 {#mantra-25}
Section titled “Mantra 25 {#mantra-25}”Adhyāya: 20 | Mantra: 25
viśva̍sya mū̱rdhannadhi̍ tiṣṭhasi śri̱taḥ sa̍mu̱dre te̱ hṛda̍yama̱psvāyu̍ra̱po da̍ttoda̱dhiṃ bhi̍nta | di̱vaspa̱rjanyā̍da̱ntari̍kṣātpṛthi̱vyāstato̍ no̱ vṛṣṭyā̍va
Mantra 26 {#mantra-26}
Section titled “Mantra 26 {#mantra-26}”Adhyāya: 20 | Mantra: 26
i̱ṣṭo ya̱jño bhṛgu̍bhirāśī̱rdā vasu̍bhiḥ | tasya̍ na i̱ṣṭasya̍ prī̱tasya̱ dravi̍ṇe̱hāga̍meḥ
Mantra 27 {#mantra-27}
Section titled “Mantra 27 {#mantra-27}”Adhyāya: 20 | Mantra: 27
i̱ṣṭo a̱gnirāhu̍taḥ pipartu na i̱ṣṭa ha̱viḥ | sva̱gedaṃ de̱vebhyo̱ nama̍ḥ
Mantra 28 {#mantra-28}
Section titled “Mantra 28 {#mantra-28}”Adhyāya: 20 | Mantra: 28
yadākū̍tātsa̱masu̍sroddhṛ̱do vā̱ mana̍so vā̱ saṃbhṛ̍ta̱ṃ cakṣu̍ṣo vā | tadanu̱ preta̍ su̱kṛtā̍mu lo̱kaṃ yatra̱ ṛṣa̍yo ja̱gmuḥ pra̍thama̱jāḥ pu̍rā̱ṇāḥ
Mantra 29 {#mantra-29}
Section titled “Mantra 29 {#mantra-29}”Adhyāya: 20 | Mantra: 29
e̱ta sa̍dhastha̱ pari̍ te dadāmi̱ yamā̱vahā̍ccheva̱dhiṃ jā̱tave̍dāḥ | a̱nvā̱ga̱ntā ya̱jñapa̍tirvo̱ atra̱ ta sma̍ jānītha para̱me vyo̍man
Mantra 30 {#mantra-30}
Section titled “Mantra 30 {#mantra-30}”Adhyāya: 20 | Mantra: 30
e̱taṃ jā̍nātha para̱me vyo̍ma̱ndevā̍ḥ sadhasthā vi̱da rū̱pama̍sya | yadā̱gacchā̍tpa̱thibhi̍rdeva̱yānai̍riṣṭāpū̱rte kṛ̍ṇavāthā̱vira̍smai
Mantra 31 {#mantra-31}
Section titled “Mantra 31 {#mantra-31}”Adhyāya: 20 | Mantra: 31
udbu̍dhyasvāgne̱ prati̍jāgṛhi̱ tvami̍ṣṭāpū̱rte sasṛ̍jethāma̱yaṃ ca̍ | a̱smintsa̱dhasthe̱ adhyutta̍rasmi̱nviśve̍ devā̱ yaja̍mānāśca sīdata
Mantra 32 {#mantra-32}
Section titled “Mantra 32 {#mantra-32}”Adhyāya: 20 | Mantra: 32
yena̱ vaha̍si sa̱hasra̱ṃ yenā̍gne sarvaveda̱sam | tene̱maṃ ya̱jñaṃ no̍ naya̱ sva̍rde̱veṣu̱ ganta̍ve
Mantra 33 {#mantra-33}
Section titled “Mantra 33 {#mantra-33}”Adhyāya: 20 | Mantra: 33
pra̱sta̱reṇa̍ pari̱dhinā̍ sru̱cā vedyā̍ ca ba̱rhiṣā̍ | ṛ̱cemaṃ ya̱jñaṃ no̍ naya̱ sva̍rde̱veṣu̱ ganta̍ve
Mantra 34 {#mantra-34}
Section titled “Mantra 34 {#mantra-34}”Adhyāya: 20 | Mantra: 34
yadda̱ttaṃ yatpa̍rā̱dāna̱ṃ yatpū̱rtaṃ yāśca̱ dakṣi̍ṇāḥ | tada̱gnirvai̍śvakarma̱ṇaḥ sva̍rde̱veṣu̍ no dadhat
Mantra 35 {#mantra-35}
Section titled “Mantra 35 {#mantra-35}”Adhyāya: 20 | Mantra: 35
yatra̱ dhārā̱ ana̍petā̱ madho̍rghṛ̱tasya̍ ca̱ yāḥ | tada̱gnirvai̍śvakarma̱ṇaḥ sva̍rde̱veṣu̍ no dadhat
Mantra 36 {#mantra-36}
Section titled “Mantra 36 {#mantra-36}”Adhyāya: 20 | Mantra: 36
ye a̱gnaya̱ḥ pāñca̍janyā a̱syāṃ pṛ̍thi̱vyāmadhi̍ | teṣā̍masi̱ tvamu̍tta̱maḥ pra no̍ jī̱vāta̍ve suva
Mantra 37 {#mantra-37}
Section titled “Mantra 37 {#mantra-37}”Adhyāya: 20 | Mantra: 37
vārtra̍hatyāya̱ śava̍se pṛtanā̱ṣāhyā̍ya ca | indra̱ tvāva̍rtayāmasi
Mantra 38 {#mantra-38}
Section titled “Mantra 38 {#mantra-38}”Adhyāya: 20 | Mantra: 38
sa̱hadā̍nuṃ puruhūta kṣi̱yanta̍maha̱stami̍ndra̱ saṃpi̍ṇa̱k kuṇā̍rum | a̱bhi vṛ̱traṃ vardha̍māna̱ṃ piyā̍ruma̱pāda̍mindra ta̱vasā̍ jaghantha
Mantra 39 {#mantra-39}
Section titled “Mantra 39 {#mantra-39}”Adhyāya: 20 | Mantra: 39
vi na̍ indra̱ mṛdho̍ jahi nī̱cā ya̍ccha pṛtanya̱taḥ | yo a̱smām̐3 a̍bhi̱dāsa̱tyadha̍raṃ gamayā̱ tama̍ḥ
Mantra 40 {#mantra-40}
Section titled “Mantra 40 {#mantra-40}”Adhyāya: 20 | Mantra: 40
mṛ̱go na bhī̱maḥ ku̍ca̱ro gi̍ri̱ṣṭhāḥ pa̍rā̱vata̱ āja̍ganthā̱ para̍syāḥ | sṛ̱ka sa̱śāya̍ pa̱vimi̍ndra ti̱gmaṃ vi śatrū̍ntāl̤iha̱ vi mṛdho̍ nudasva
Mantra 41 {#mantra-41}
Section titled “Mantra 41 {#mantra-41}”Adhyāya: 20 | Mantra: 41
vai̱śvā̱na̱ro na̍ ū̱taya̱ ā pra yā̍tu parā̱vata̍ḥ | a̱gnirna̍ḥ suṣṭu̱tīrupa̍
Mantra 42 {#mantra-42}
Section titled “Mantra 42 {#mantra-42}”Adhyāya: 20 | Mantra: 42
pṛ̱ṣṭo di̱vi pṛ̱ṣṭo a̱gniḥ pṛ̍thi̱vyāṃ pṛ̱ṣṭo viśvā̱ oṣa̍dhī̱rā vi̍veśa | vai̱śvā̱na̱raḥ saha̍sā pṛ̱ṣṭo a̱gniḥ sa no̱ divā̱ sa ri̱ṣaspā̍tu̱ nakta̍m
Mantra 43 {#mantra-43}
Section titled “Mantra 43 {#mantra-43}”Adhyāya: 20 | Mantra: 43
a̱śyāma̱ taṃ kāma̍magne̱ tavo̱tī a̱śyāma̍ ra̱yi ra̍yivaḥ su̱vīra̍m | a̱śyāma̱ vāja̍ma̱bhi vā̱jaya̍nto̱’śyāma̍ dyu̱mnama̍jarā̱jara̍ṃ te
Mantra 44 {#mantra-44}
Section titled “Mantra 44 {#mantra-44}”Adhyāya: 20 | Mantra: 44
va̱yaṃ te̍ a̱dya ra̍ri̱mā hi kāma̍muttā̱naha̍stā̱ nama̍sopa̱sadya̍ | yaji̍ṣṭhena̱ mana̍sā yakṣi de̱vānasre̍dhatā̱ manma̍nā̱ vipro̍ agne
Mantra 45 {#mantra-45}
Section titled “Mantra 45 {#mantra-45}”Adhyāya: 20 | Mantra: 45
dhā̱ma̱cchada̱gnirindro̍ bra̱hmā de̱vo bṛha̱spati̍ḥ | sace̍taso̱ viśve̍ de̱vā ya̱jñaṃ prāva̍ntu naḥ śu̱bhe
Mantra 46 {#mantra-46}
Section titled “Mantra 46 {#mantra-46}”Adhyāya: 20 | Mantra: 46
tvaṃ ya̍viṣṭha dā̱śuṣo̱ nṝḥ pā̍hi śṛṇu̱dhī gira̍ḥ | rakṣā̍ to̱kamu̱ta tmanā̍