Vājasaneyi Kanva Saṃhitā — Chapter 35 (55 mantras)
Vājasaneyi Kanva Saṃhitā — Chapter 35
Section titled “Vājasaneyi Kanva Saṃhitā — Chapter 35”atha pañcatriṃśo’dhyāyaḥ|
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 35 | Mantra: 1
sa̱hasra̍śīrṣā̱ puru̍ṣaḥ sahasrā̱kṣaḥ sa̱hasra̍pāt | sa bhūmi̍ sa̱rvata̍ spṛ̱tvātya̍tiṣṭhaddaśāṅgu̱lam
Mantra 2 {#mantra-2}
Section titled “Mantra 2 {#mantra-2}”Adhyāya: 35 | Mantra: 2
puru̍ṣa e̱veda sarva̱ṃ yadbhū̱taṃ yacca̍ bhā̱vya̍m | u̱tāmṛ̍ta̱tvasyeśā̍no̱ yadanne̍nāti̱roha̍ti
Mantra 3 {#mantra-3}
Section titled “Mantra 3 {#mantra-3}”Adhyāya: 35 | Mantra: 3
e̱tāvā̍nasya mahi̱māto̱ jyāyā̍śca̱ pūru̍ṣaḥ | pādo̍’sya̱ viśvā̍ bhū̱tāni̍ tri̱pāda̍syā̱mṛta̍ṃ di̱vi
Mantra 4 {#mantra-4}
Section titled “Mantra 4 {#mantra-4}”Adhyāya: 35 | Mantra: 4
tri̱pādū̱rdhva udai̱tpuru̍ṣa̱ḥ pādo̍’sye̱hābha̍va̱tpuna̍ḥ | tato̱ viṣva̱ṅ vya̍krāmatsāśanānaśa̱ne a̱bhi
Mantra 5 {#mantra-5}
Section titled “Mantra 5 {#mantra-5}”Adhyāya: 35 | Mantra: 5
tato vi̱rāl̤a̍jāyata vi̱rājo̱ adhi̱ pūru̍ṣaḥ | sa jā̱to atya̍ricyata pa̱ścādbhūmi̱matho̍ pu̱raḥ
Mantra 6 {#mantra-6}
Section titled “Mantra 6 {#mantra-6}”Adhyāya: 35 | Mantra: 6
tasmā̍dya̱jñātsa̍rva̱huta̱ḥ sambhṛ̍taṃ pṛṣadā̱jyam | pa̱śūstāśca̍kre vāya̱vyā̍nāra̱ṇyā grā̱myāśca̱ ye
Mantra 7 {#mantra-7}
Section titled “Mantra 7 {#mantra-7}”Adhyāya: 35 | Mantra: 7
tasmā̍dya̱jñātsa̍rva̱huta̱ ṛca̱ḥ sāmā̍ni jajñire | chandā̍si jajñire̱ tasmā̱dyaju̱stasmā̍dajāyata
Mantra 8 {#mantra-8}
Section titled “Mantra 8 {#mantra-8}”Adhyāya: 35 | Mantra: 8
tasmā̱daśvā̍ ajāyanta̱ ye ke co̍bha̱yāda̍taḥ | gāvo̍ ha jajñire̱ tasmā̱ttasmā̍jjā̱tā a̍jā̱vaya̍ḥ
Mantra 9 {#mantra-9}
Section titled “Mantra 9 {#mantra-9}”Adhyāya: 35 | Mantra: 9
taṃ ya̱jñaṃ ba̱rhiṣi̱ praukṣa̱npuru̍ṣaṃ jā̱tama̍gra̱taḥ | tena̍ de̱vā a̍yajanta sā̱dhyā ṛṣa̍yaśca̱ ye
Mantra 10 {#mantra-10}
Section titled “Mantra 10 {#mantra-10}”Adhyāya: 35 | Mantra: 10
yatpuru̍ṣa̱ṃ vyada̍dhuḥ kati̱dhā vya̍kalpayan | mukha̱ṃ kima̍syāsītkiṃ bā̱hū kimū̱rū pādā̍ ucyete
Mantra 11 {#mantra-11}
Section titled “Mantra 11 {#mantra-11}”Adhyāya: 35 | Mantra: 11
brā̱hma̱ṇo̍’sya̱ mukha̍māsīdbā̱hū rā̍ja̱nya̍ḥ kṛ̱taḥ | ū̱rū tada̍sya̱ yadvai̍śyaḥ pa̱dbhyā śū̱dro a̍jāyata
Mantra 12 {#mantra-12}
Section titled “Mantra 12 {#mantra-12}”Adhyāya: 35 | Mantra: 12
ca̱ndramā̱ mana̍so jā̱taścakṣo̱ḥ sūryo̍ ajāyata | śrotrā̍dvā̱yuśca̍ prā̱ṇaśca̱ mukhā̍da̱gnira̍jāyata
Mantra 13 {#mantra-13}
Section titled “Mantra 13 {#mantra-13}”Adhyāya: 35 | Mantra: 13
nābhyā̍ āsīda̱ntari̍kṣa śī̱rṣṇo dyau̱ḥ sama̍vartata | pa̱dbhyāṃ bhūmi̱rdiśa̱ḥ śrotrā̱ttathā̍ lo̱kām̐2 a̍kalpayan
Mantra 14 {#mantra-14}
Section titled “Mantra 14 {#mantra-14}”Adhyāya: 35 | Mantra: 14
yatpuru̍ṣeṇa ha̱viṣā̍ de̱vā ya̱jñamata̍nvata | va̱sa̱nto̍’syāsī̱dājya̍ṃ grī̱ṣma i̱dhmaḥ śa̱raddha̱viḥ
Mantra 15 {#mantra-15}
Section titled “Mantra 15 {#mantra-15}”Adhyāya: 35 | Mantra: 15
sa̱ptāsyā̍sanpari̱dhaya̱striḥ sa̱pta sa̱midha̍ḥ kṛ̱tāḥ | de̱vā yadya̱jñaṃ ta̍nvā̱nā aba̍dhna̱npuru̍ṣaṃ pa̱śum
Mantra 16 {#mantra-16}
Section titled “Mantra 16 {#mantra-16}”Adhyāya: 35 | Mantra: 16
ya̱jñena̍ ya̱jñama̍yajanta de̱vāstāni̱ dharmā̍ṇi pratha̱mānyā̍san | te ha̱ nāka̍ṃ mahi̱māna̍ḥ sacanta̱ yatra̱ pūrve̍ sā̱dhyāḥ santi̍ de̱vāḥ
Mantra 17 {#mantra-17}
Section titled “Mantra 17 {#mantra-17}”Adhyāya: 35 | Mantra: 17
a̱dbhyaḥ saṃbhṛ̍taḥ pṛthi̱vyai rasā̍cca vi̱śvaka̍rmaṇa̱ḥ sama̍varta̱tāgre̍ | tasya̱ tvaṣṭā̍ vi̱dadha̍drū̱pame̍ti̱ tanmartya̍sya deva̱tvamā̱jāna̱magre̍
Mantra 18 {#mantra-18}
Section titled “Mantra 18 {#mantra-18}”Adhyāya: 35 | Mantra: 18
vedā̱hame̱taṃ puru̍ṣaṃ ma̱hānta̍mādi̱tyava̍rṇa̱ṃ tama̍saḥ pa̱rastā̍t | tame̱va vi̍di̱tvāti̍ mṛ̱tyume̍ti̱ nānyaḥ panthā̍ vidya̱te’ya̍nāya
Mantra 19 {#mantra-19}
Section titled “Mantra 19 {#mantra-19}”Adhyāya: 35 | Mantra: 19
pra̱jāpa̍tiścarati̱ garbhe̍ a̱ntarajā̍yamāno bahu̱dhā vi jā̍yate | tasya̱ yoni̱ṃ pari̍ paśyanti̱ dhīrā̱stasmi̍nha tasthu̱rbhuva̍nāni̱ viśvā̍
Mantra 20 {#mantra-20}
Section titled “Mantra 20 {#mantra-20}”Adhyāya: 35 | Mantra: 20
yo de̱vebhya̍ ā̱tapa̍ti̱ yo de̱vānā̍ṃ pu̱rohi̍taḥ | pūrvo̱ yo de̱vebhyo̍ jā̱to namo̍ ru̱cāya̱ brāhma̍ye
Mantra 21 {#mantra-21}
Section titled “Mantra 21 {#mantra-21}”Adhyāya: 35 | Mantra: 21
ru̱caṃ brā̱hmaṃ ja̱naya̍nto de̱vā agre̱ tada̍bruvan | yastvai̱vaṃ brā̍hma̱ṇo vi̱dyāttasya̍ de̱vā a̍sa̱nvaśe̍
Mantra 22 {#mantra-22}
Section titled “Mantra 22 {#mantra-22}”Adhyāya: 35 | Mantra: 22
śrīśca̍ te la̱kṣmīśca̱ patnyā̍ ahorā̱tre pā̱rśve nakṣa̍trāṇi rū̱pama̱śvinau̱ vyātta̍m | i̱ṣṇanni̍ṣāṇā̱muṃ ma̍ iṣāṇa sarvalo̱kaṃ ma̍ iṣāṇa
Mantra 23 {#mantra-23}
Section titled “Mantra 23 {#mantra-23}”Adhyāya: 35 | Mantra: 23
tade̱vāgnistadā̍di̱tyastadvā̱yustadu̍ ca̱ndramā̍ḥ | tade̱va śu̱kraṃ tad brahma̱ tadāpa̱ḥ tatpra̱jāpa̍tiḥ
Mantra 24 {#mantra-24}
Section titled “Mantra 24 {#mantra-24}”Adhyāya: 35 | Mantra: 24
sarve̍ nime̱ṣā ja̍jñire vi̱dyuta̱ḥ puru̍ṣā̱dadhi̍ | nai̍namū̱rdhvaṃ na ti̱ryañca̱ṃ na madhye̱ pari̍ jagrabhat
Mantra 25 {#mantra-25}
Section titled “Mantra 25 {#mantra-25}”Adhyāya: 35 | Mantra: 25
na tasya̍ prati̱mā a̍sti̱ yasya̱ nāma̍ ma̱hadyaśa̍ḥ | hi̱ra̱ṇya̱ga̱rbha itye̱ṣaḥ
Mantra 26 {#mantra-26}
Section titled “Mantra 26 {#mantra-26}”Adhyāya: 35 | Mantra: 26
e̱ṣo ha̍ de̱vaḥ pra̱diśo’nu̱ sarvā̱ḥ pūrvo̍ ha jā̱taḥ sa̍ u̱ garbhe̍ a̱ntaḥ | sa e̱va jā̱taḥ sa ja̍ni̱ṣyamā̍ṇaḥ pra̱tyaṅ janā̍stiṣṭhati sa̱rvato̍mukhaḥ | yasmā̱nna jā̱ta ityeṣaḥ
Mantra 27 {#mantra-27}
Section titled “Mantra 27 {#mantra-27}”Adhyāya: 35 | Mantra: 27
ve̱nastatpa̍śya̱nnihi̍ta̱ṃ guhā̱ sadyatra̱ viśva̱ṃ bhava̱tyeka̍nīl̤am | tasmi̍nni̱da saṃ ca̱ vi cai̍ti̱ sarva̱ sa ota̱ḥ prota̍śca vi̱bhūḥ pra̱jāsu̍
Mantra 28 {#mantra-28}
Section titled “Mantra 28 {#mantra-28}”Adhyāya: 35 | Mantra: 28
pra tadvo̍ceda̱mṛta̱ṃ nu vi̱dvānga̍ndha̱rvo dhāma̱ vibhṛ̍ta̱ṃ guhā̱ sat | trīṇi̍ pa̱dāni̱ nihi̍tā̱ guhā̍sya̱ yastāni̱ veda̱ sa pi̱tuḥ pi̱tāsa̍t
Mantra 29 {#mantra-29}
Section titled “Mantra 29 {#mantra-29}”Adhyāya: 35 | Mantra: 29
sa no̱ bandhu̍rjani̱tā sa vi̍dhā̱tā dhāmā̍ni veda̱ bhuva̍nāni̱ viśvā̍ | yatra̍ de̱vā a̱mṛta̍mānaśā̱nāstṛ̱tīye̱ dhāma̍nna̱dhyara̍yanta
Mantra 30 {#mantra-30}
Section titled “Mantra 30 {#mantra-30}”Adhyāya: 35 | Mantra: 30
pa̱rītya̍ bhū̱tāni̍ pa̱rītya̍ lo̱kānpa̱rītya̱ sarvā̍ḥ pra̱diśo̱ diśa̍śca | u̱pa̱sthāya̍ prathama̱jāmṛ̱tasyā̱tmanā̱tmāna̍ma̱bhi saṃ vi̍veśa
Mantra 31 {#mantra-31}
Section titled “Mantra 31 {#mantra-31}”Adhyāya: 35 | Mantra: 31
pari̱ dyāvā̍pṛthi̱vī sa̱dya i̱tvā pari̍ lo̱kānpari̱ diśa̱ḥ pari̱ sva̍ḥ | ṛ̱tasya̱ tantu̱ṃ vita̍taṃ vi̱cṛtya̱ tada̍paśya̱ttada̍bhava̱ttadā̍sīt
Mantra 32 {#mantra-32}
Section titled “Mantra 32 {#mantra-32}”Adhyāya: 35 | Mantra: 32
sada̍sa̱spati̱madbhu̍taṃ pri̱yamindra̍sya̱ kāmya̍m | sa̱niṃ me̱dhāma̍yāsi̱ṣa̱ svāhā̍
Mantra 33 {#mantra-33}
Section titled “Mantra 33 {#mantra-33}”Adhyāya: 35 | Mantra: 33
yāṃ me̱dhāṃ de̍vaga̱ṇāḥ pi̱tara̍śco̱pāsa̍te | tayā̱ māma̱dya me̱dhayāgne̍ me̱dhāvi̍naṃ kuru̱ svāhā̍
Mantra 34 {#mantra-34}
Section titled “Mantra 34 {#mantra-34}”Adhyāya: 35 | Mantra: 34
i̱daṃ me̱ brahma̍ ca kṣa̱traṃ co̱bhe śriya̍maśnutām | mayi̍ de̱vā da̍dhatu̱ śriya̱mutta̍mā̱ṃ tasyai̍ te̱ svāhā̍
Mantra 35 {#mantra-35}
Section titled “Mantra 35 {#mantra-35}”Adhyāya: 35 | Mantra: 35
ape̱to ya̍ntu pa̱ṇayo’su̍mnā devapī̱yava̍ḥ | a̱sya lo̱kaḥ su̱tāva̍taḥ
Mantra 36 {#mantra-36}
Section titled “Mantra 36 {#mantra-36}”Adhyāya: 35 | Mantra: 36
dyubhi̱raho̍bhira̱ktubhi̱rvya̍ktaṃ ya̱mo da̍dātvava̱sāna̍masmai | sa̱vi̱tā te̱ śarī̍rebhyaḥ pṛthi̱vyām̐ lo̱kami̍cchatu | tasmai̍ yujyantāmu̱sriyā̍ḥ
Mantra 37 {#mantra-37}
Section titled “Mantra 37 {#mantra-37}”Adhyāya: 35 | Mantra: 37
vā̱yuḥ pu̍nātu savi̱tā pu̍nātva̱gnerbhrāja̍sā̱ sūrya̍sya̱ varca̍sā | vi mu̍cyantāmu̱sriyā̍ḥ
Mantra 38 {#mantra-38}
Section titled “Mantra 38 {#mantra-38}”Adhyāya: 35 | Mantra: 38
a̱śva̱tthe vo̍ ni̱ṣada̍naṃ pa̱rṇe vo̍ vasa̱tiṣkṛ̱tā | go̱bhāja̱ itkilā̍satha̱ yatsa̱nava̍tha̱ pūru̍ṣam
Mantra 39 {#mantra-39}
Section titled “Mantra 39 {#mantra-39}”Adhyāya: 35 | Mantra: 39
sa̱vi̱tā te̱ śarī̍rāṇi mā̱turu̱pastha̱ ā va̍patu | tasmai̍ pṛthivi̱ śaṃ bha̍va | pra̱jāpa̍tau tvā de̱vatā̍yā̱mupo̍dake lo̱ke ni da̍dhāmya̱sau
Mantra 40 {#mantra-40}
Section titled “Mantra 40 {#mantra-40}”Adhyāya: 35 | Mantra: 40
para̍ṃ mṛtyo̱ anu̱ pare̍hi̱ panthā̱m̐ yaste̍ a̱nya ita̍ro deva̱yānā̍t | cakṣu̍ṣmate śṛṇva̱te te̍ bravīmi̱ mā na̍ḥ pra̱jā rī̍riṣo̱ mota vī̱rān
Mantra 41 {#mantra-41}
Section titled “Mantra 41 {#mantra-41}”Adhyāya: 35 | Mantra: 41
śaṃ vāta̱ḥ śa hi te̱ ghṛṇi̱ḥ śaṃ te̍ bhava̱ntviṣṭa̍kāḥ | śaṃ te̍ bhavantva̱gnaya̱ḥ pārthi̍vāso̱ mā tvā̱bhi śū̍śucan
Mantra 42 {#mantra-42}
Section titled “Mantra 42 {#mantra-42}”Adhyāya: 35 | Mantra: 42
kalpa̍ntāṃ te̱ diśa̱stubhya̱māpa̍ḥ śi̱vata̍mā̱stubhya̍ṃ bhavantu̱ sindha̍vaḥ | a̱ntari̍kṣa śi̱vaṃ tubhya̱ṃ kalpa̍ntāṃ te̱ diśa̱ḥ sarvā̍ḥ
Mantra 43 {#mantra-43}
Section titled “Mantra 43 {#mantra-43}”Adhyāya: 35 | Mantra: 43
aśma̍nvatī rīyate̱ sa ra̍bhadhva̱mutti̍ṣṭhata̱ pra ta̍ratā̱ sakhā̍yaḥ | atra̍ jahī̱mo’śi̍vā̱ ye asa̍ñchi̱vānva̱yamutta̍remā̱bhi vājā̍n
Mantra 44 {#mantra-44}
Section titled “Mantra 44 {#mantra-44}”Adhyāya: 35 | Mantra: 44
apā̱ghamapa̱ kilvi̍ṣa̱mapa̍ kṛ̱tyāmapo̱ rapa̍ḥ | apā̍mārga̱ tvama̱smadapa̍ du̱ḥṣvapnya̍ suva
Mantra 45 {#mantra-45}
Section titled “Mantra 45 {#mantra-45}”Adhyāya: 35 | Mantra: 45
su̱mi̱tri̱yā na̱ āpa̱ oṣa̍dhayaḥ santu durmitri̱yāstasmai̍ santu̱ | yo̱’smāndve̍ṣṭi̱ yaṃ ca̍ va̱yaṃ dvi̱ṣmaḥ
Mantra 46 {#mantra-46}
Section titled “Mantra 46 {#mantra-46}”Adhyāya: 35 | Mantra: 46
a̱na̱ḍvāha̍ma̱nvāra̍bhāmahe sva̱staye̍ | sa na̱ indra̍ iva de̱vebhyo̱ vahni̍ḥ sa̱ṃtara̍ṇo bhava
Mantra 47 {#mantra-47}
Section titled “Mantra 47 {#mantra-47}”Adhyāya: 35 | Mantra: 47
udva̱yaṃ tama̍sa̱spari̱ sva̱ḥ paśya̍nta̱ utta̍ram | de̱vaṃ de̍va̱trā sūrya̱maga̍nma̱ jyoti̍rutta̱mam
Mantra 48 {#mantra-48}
Section titled “Mantra 48 {#mantra-48}”Adhyāya: 35 | Mantra: 48
agna̱ āyū̍ṣi pavasa̱ ā su̱vorja̱miṣa̍ṃ ca naḥ | ā̱re bā̍dhasva du̱cchunā̍m
Mantra 49 {#mantra-49}
Section titled “Mantra 49 {#mantra-49}”Adhyāya: 35 | Mantra: 49
āyu̍ṣmānagne ha̱viṣā̍ vṛdhā̱no ghṛ̱tapra̍tīko ghṛ̱tayo̍niredhi | ghṛ̱taṃ pī̱tvā madhu̱ cāru̱ gavya̍ṃ pi̱teva̍ pu̱trama̱bhi ra̍kṣatādi̱māntsvāhā̍
Mantra 50 {#mantra-50}
Section titled “Mantra 50 {#mantra-50}”Adhyāya: 35 | Mantra: 50
i̱maṃ jī̱vebhya̍ḥ pari̱dhiṃ da̍dhāmi maiṣā̱ṃ nu gā̱dapa̍ro̱ artha̍me̱tam | śa̱taṃ jī̍vantu śa̱rada̍ḥ purū̱cīra̱ntarmṛ̱tyuṃ da̍dhatā̱ṃ parva̍tena
Mantra 51 {#mantra-51}
Section titled “Mantra 51 {#mantra-51}”Adhyāya: 35 | Mantra: 51
parī̱me gāma̍neṣata̱ parya̱gnima̍hṛṣata | de̱veṣva̍krata̱ śrava̱ḥ ka i̱mām̐2 ā da̍dharṣati
Mantra 52 {#mantra-52}
Section titled “Mantra 52 {#mantra-52}”Adhyāya: 35 | Mantra: 52
kra̱vyāda̍ma̱gniṃ pra hi̍ṇomi dū̱raṃ ya̍ma̱rājya̍ṃ gacchatu ripravā̱haḥ | i̱haivāyamita̍ro jā̱tave̍dā de̱vebhyo̍ ha̱vyaṃ va̍hatu prajā̱nan
Mantra 53 {#mantra-53}
Section titled “Mantra 53 {#mantra-53}”Adhyāya: 35 | Mantra: 53
vaha̍ va̱pāṃ jā̍tavedaḥ pi̱tṛbhyo̱ yatrai̍nā̱nvettha̱ nihi̍tānparā̱ke | meda̍saḥ ku̱lyā upa̱ tāntsra̍vantu sa̱tyā e̍ṣāmā̱śiṣa̍ḥ santu̱ kāmā̱ḥ svāhā̍
Mantra 54 {#mantra-54}
Section titled “Mantra 54 {#mantra-54}”Adhyāya: 35 | Mantra: 54
syo̱nā pṛ̍thivi no bhavānṛkṣa̱rā ni̱veśa̍nī | yacchā̍ na̱ḥ śarma̍ sa̱prathā̍ḥ | apa̍ na̱ḥ śośu̍cada̱dham
Mantra 55 {#mantra-55}
Section titled “Mantra 55 {#mantra-55}”Adhyāya: 35 | Mantra: 55
a̱smāttvamadhi̍ jā̱to̍’si̱ tvada̱yaṃ jā̍yatā̱ṃ puna̍ḥ | a̱sau sva̱rgāya̍ lo̱kāya̱ svāhā̍ | apa̍ na̱ḥ śośu̍cada̱gham