Vājasaneyi Kanva Saṃhitā — Chapter 37 (20 mantras)

Vājasaneyi Kanva Saṃhitā — Chapter 37

atha saptatriṃśo’dhyāyaḥ|

---

Mantras

Mantra	First Words
1	devasya tvā
2	yuñjate mana
3	devī dyāvāpṛthivī
4	devyo vamriyo
5	iyatyagre āsīrmakhasya
6	indrasyauja stha
7	praitu brahmaṇaspati
8	makhasya śiro’si
9	aśvasya tvā
10	ṛjave tvā
11	yamāya tvā
12	anādhṛṣṭā purastādagnerādhipatya
13	svāhā marudbhi
14	garbho devānā
15	samagniragninā gata
16	dhartā divo
17	apaśya gopāmanipadyamānamā
18	viśvāsā bhuvā
19	pitā no’si
20	aha ketunā

---

Mantra 1 {#mantra-1}

Adhyāya: 37 | Mantra: 1

de̱vasya̍ tvā savi̱tuḥ pra̍sa̱ve̱’śvino̍rbā̱hubhyā̍ṃ pū̱ṣṇo hastā̍bhyām | ā da̍de̱ nāri̍rasi

---

Mantra 2 {#mantra-2}

Adhyāya: 37 | Mantra: 2

yu̱ñjate̱ mana̍ u̱ta yu̍ñjate̱ dhiyo̱ viprā̱ vipra̍sya bṛha̱to vi̍pa̱ścita̍ḥ | vi hotrā̍ dadhe vayunā̱videka̱ inma̱hī de̱vasya̍ savi̱tuḥ pari̍ṣṭuti̱ḥ svāhā̍

---

Mantra 3 {#mantra-3}

Adhyāya: 37 | Mantra: 3

devī̍ dyāvāpṛthivī ma̱khasya̍ vāma̱dya śiro̍ rādhyāsaṃ deva̱yaja̍ne pṛthi̱vyāḥ | ma̱khāya̍ tvā ma̱khasya̍ tvā śī̱rṣṇe

---

Mantra 4 {#mantra-4}

Adhyāya: 37 | Mantra: 4

devyo̍ vamriyo bhū̱tasya̍ prathama̱jā ma̱khasya̍ vo̱’dya śiro̍ rādhyāsaṃ deva̱yaja̍ne pṛthi̱vyāḥ | ma̱khāya̍ tvā ma̱khasya̍ tvā śī̱rṣṇe ||

---

Mantra 5 {#mantra-5}

Adhyāya: 37 | Mantra: 5

iya̱tyagre̍ āsīrma̱khasya̍ te̱’dya śiro̍ rādhyāsaṃ deva̱yaja̍ne pṛthi̱vyāḥ | ma̱khāya̍ tvā ma̱khasya̍ tvā śī̱rṣṇe

---

Mantra 6 {#mantra-6}

Adhyāya: 37 | Mantra: 6

indrasyauja̍ stha ma̱khasya̍ vo̱’dya śiro̍ rādhyāsaṃ deva̱yaja̍ne pṛthi̱vyāḥ | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe

---

Mantra 7 {#mantra-7}

Adhyāya: 37 | Mantra: 7

praitu̱ brahma̍ṇa̱spati̱ḥ pra de̱vye̍tu sū̱nṛtā̍ | acchā̍ vī̱raṃ narya̍ṃ pa̱ṅktirā̍dhasaṃ de̱vā ya̱jñaṃ na̍yantu naḥ | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe

---

Mantra 8 {#mantra-8}

Adhyāya: 37 | Mantra: 8

ma̱khasya̱ śiro̍’si | ma̱khāya̍ tvā ma̱khasya̍ tvā śī̱rṣṇe | ma̱khasya̱ śiro̍’si | ma̱khāya̍ tvā ma̱khasya̍ tvā śī̱rṣṇe | ma̱khasya̱ śiro̍’si | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe

---

Mantra 9 {#mantra-9}

Adhyāya: 37 | Mantra: 9

aśva̍sya tvā̱ vṛṣṇa̍ḥ śa̱knā dhū̍payāmi deva̱yaja̍ne pṛthi̱vyāḥ | ma̱khāya̍ tvā ma̱khasya̍ tvā śī̱rṣṇe | aśva̍sya tvā̱ vṛṣṇa̍ḥ śa̱knā dhū̍payāmi deva̱yaja̍ne pṛthi̱vyāḥ | ma̱khāya̍ tvā ma̱khasya̍ tvā śī̱rṣṇe | aśva̍sya tvā̱ vṛṣṇa̍ḥ śa̱knā dhū̍payāmi deva̱yaja̍ne pṛthi̱vyāḥ | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe

---

Mantra 10 {#mantra-10}

Adhyāya: 37 | Mantra: 10

ṛ̱jave̍ tvā sā̱dhave̍ tvā sukṣi̱tyai tvā̍ | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe

---

Mantra 11 {#mantra-11}

Adhyāya: 37 | Mantra: 11

ya̱māya̍ tvā ma̱khāya̍ tvā̱ sūrya̍sya tvā̱ tapa̍se | de̱vastvā̍ savi̱tā madhvā̍naktu pṛthi̱vyāḥ sa̱spṛśa̍spāhi | a̱rcira̍si śo̱cira̍si̱ tapo̍’si

---

Mantra 12 {#mantra-12}

Adhyāya: 37 | Mantra: 12

anā̍dhṛṣṭā pu̱rastā̍da̱gnerādhi̍patya̱ āyu̍rme dāḥ pu̱trava̍tī dakṣiṇa̱ta indra̱syādhi̍patye pra̱jāṃ me̍ dāḥ | su̱ṣadā̍ pa̱ścādde̱vasya̍ savi̱turādhi̍patye̱ cakṣu̍rme dā̱ āśru̍tiruttara̱to dhā̱turādhi̍patye rā̱yaspoṣa̍ṃ me dāḥ | vidhṛ̍tiru̱pari̍ṣṭā̱d bṛha̱spate̱rādhi̍patya̱ ojo̍ me dā̱ viśvā̍bhyo mā nā̱ṣṭrābhya̍spāhi̱ mano̱raśvā̍si

---

Mantra 13 {#mantra-13}

Adhyāya: 37 | Mantra: 13

svāhā̍ ma̱rudbhi̱ḥ pari̍ śrīyasva | di̱vaḥ sa̱spṛśa̍spāhi | madhu̱ madhu̱ madhu̍

---

Mantra 14 {#mantra-14}

Adhyāya: 37 | Mantra: 14

garbho̍ de̱vānā̍ṃ pi̱tā ma̍tī̱nāṃ pati̍ḥ pra̱jānā̍m | saṃ de̱vo de̱vena̍ savi̱trā ga̍ta̱ sa sūrye̍ṇa rocate

---

Mantra 15 {#mantra-15}

Adhyāya: 37 | Mantra: 15

sama̱gnira̱gninā̍ gata̱ saṃ daive̍na savi̱trā sa sūrye̍ṇārociṣṭa | svāhā̱ sama̱gnistapa̍sā gata̱ saṃ daivye̍na savi̱trā sa sūrye̍ṇārūrucata

---

Mantra 16 {#mantra-16}

Adhyāya: 37 | Mantra: 16

dha̱rtā di̱vo vi bhā̍ti̱ tapa̍saspṛthi̱vyāṃ dha̱rtā de̱vo de̱vānā̱mama̍rtyastapo̱jāḥ | vāca̍masme̱ ni ya̍ccha devā̱yuva̍m

---

Mantra 17 {#mantra-17}

Adhyāya: 37 | Mantra: 17

apa̍śyaṃ go̱pāmani̍padyamāna̱mā ca̱ parā̍ ca pa̱thibhi̱ścara̍ntam | sa sa̱dhrīcī̱ḥ sa viṣū̍cī̱rvasā̍na̱ ā va̍rīvartti̱ bhuva̍neṣva̱ntaḥ

---

Mantra 18 {#mantra-18}

Adhyāya: 37 | Mantra: 18

viśvā̍sāṃ bhuvāṃ pate̱ viśva̍sya manasaspate̱ viśva̍sya vacasaspate̱ sarva̍sya vacasaspate | de̱va̱śruttvaṃ de̍va gharma de̱vo de̱vānpā̱hyatra̱ prāvī̱ranu̍ vāṃ de̱vavī̍taye| madhu̱ mādhvī̍bhyā̱ṃ madhu̱ mādhū̍cībhyām | hṛ̱de tvā̱ mana̍se tvā di̱ve tvā̱ sūryā̍ya tvā | ū̱rdhvo a̍dhva̱raṃ di̱vi de̱veṣu̍ dhehi

---

Mantra 19 {#mantra-19}

Adhyāya: 37 | Mantra: 19

pi̱tā no̍’si pi̱tā no̍ bodhi̱ nama̍ste astu̱ mā mā̍ hisīḥ | tvaṣṭṛ̍mantastvā sapema pu̱trānpa̱śūnmayi̍ dhe̱hyari̍ṣṭā̱ha sa̱ha pa̍tyā bhūyāsam

---

Mantra 20 {#mantra-20}

Adhyāya: 37 | Mantra: 20

aha̍ḥ ke̱tunā̍ juṣatā su̱jyoti̱rjyoti̍ṣā̱ svāhā̍ | rātri̍ḥ ke̱tunā̍ juṣatā su̱jyoti̱rjyoti̍ṣā̱ svāhā̍

---