Vājasaneyi Kanva Saṃhitā — Chapter 6 (50 mantras)
Vājasaneyi Kanva Saṃhitā — Chapter 6
Section titled “Vājasaneyi Kanva Saṃhitā — Chapter 6”atha ṣaṣṭho’dhyāyaḥ |
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 6 | Mantra: 1
de̱vasya̍ tvā savi̱tuḥ pra̍sa̱ve̱’śvino̍rbā̱hubhyā̍ṃ pū̱ṣṇo hastā̍bhyām | āda̍de̱ nārya̍sī̱dama̱ha rakṣa̍so grī̱vā api̍kṛntāmi | yavo̍’si ya̱vayā̱smad dveṣo̍ ya̱vayārā̍tīḥ | di̱ve tvā̱ntari̍kṣāya tvā pṛthi̱vyai tvā̍ | śundha̍ntām̐llo̱kāḥ pi̍tṛ̱ṣada̍nāḥ pitṛ̱ṣada̍namasi
Mantra 2 {#mantra-2}
Section titled “Mantra 2 {#mantra-2}”Adhyāya: 6 | Mantra: 2
a̱gre̱ṇīra̍si svāve̱śa u̍nnetṝ̱ṇāme̱tasya̍ vittā̱dadhi̍ tvā sthāsyati | de̱vastvā̍ savi̱tā madhvā̍naktu supippa̱lābhya̱stvauṣa̍dhībhyaḥ | diva̱magre̍ṇāspṛkṣa̱ āntari̍kṣa̱ṃ madhye̍nāprāḥ pṛthi̱vīmupa̍reṇādṛhīḥ
Mantra 3 {#mantra-3}
Section titled “Mantra 3 {#mantra-3}”Adhyāya: 6 | Mantra: 3
yā te̱ dhāmā̍nyu̱śmasi̱ gama̍dhyai̱ yatra̱ gāvo̱ bhūri̍śṛṅgā a̱yāsa̍ḥ | atrāhai̱tadu̍rugā̱yasya̱ viṣṇo̍ḥ para̱maṃ pa̱damava̍bhāri̱ bhūri̍
Mantra 4 {#mantra-4}
Section titled “Mantra 4 {#mantra-4}”Adhyāya: 6 | Mantra: 4
bra̱hma̱vani̍ tvā kṣatra̱vani̍ rāyaspoṣa̱vani̱ paryū̍hāmi | brahma̍ dṛha kṣa̱traṃ dṛ̱hāyu̍rdṛha pra̱jāṃ dṛ̍ha
Mantra 5 {#mantra-5}
Section titled “Mantra 5 {#mantra-5}”Adhyāya: 6 | Mantra: 5
viṣṇo̱ḥ karmā̍ṇi paśyata̱ yato̍ vra̱tāni̍ paspa̱śe | indra̍sya̱ yujya̱ḥ sakhā̍
Mantra 6 {#mantra-6}
Section titled “Mantra 6 {#mantra-6}”Adhyāya: 6 | Mantra: 6
tadviṣṇo̍ḥ para̱maṃ pa̱da sadā̍ paśyanti sū̱raya̍ḥ | di̱vī̍va̱ cakṣu̱rāta̍tam
Mantra 7 {#mantra-7}
Section titled “Mantra 7 {#mantra-7}”Adhyāya: 6 | Mantra: 7
pa̱ri̱ vīra̍si̱ pari̍ tvā̱ daivī̱rviśo̍ vyayantām | parī̱maṃ yaja̍māna̱ rāyo̍ manu̱ṣyā̍ṇām | di̱vaḥ sū̱nura̍sye̱ṣa te̍ pṛthi̱vyām̐llo̱ka ā̍ra̱ṇyaste̍ pa̱śuḥ
Mantra 8 {#mantra-8}
Section titled “Mantra 8 {#mantra-8}”Adhyāya: 6 | Mantra: 8
u̱pā̱vīra̱syupa̍ de̱vān daivī̱rviśa̱ḥ prāgu̍ru̱śijo̱ vahni̍tamān | deva̍ tvaṣṭa̱rvasu̍ rama ha̱vyā te̍ svadantām
Mantra 9 {#mantra-9}
Section titled “Mantra 9 {#mantra-9}”Adhyāya: 6 | Mantra: 9
reva̍tī̱ rama̍dhva̱ṃ bṛha̍spate dhā̱rayā̱ vasū̍ni | ṛ̱tasya̍ tvā devahavi̱ḥ pāśe̍na̱ prati̍muñcāmi̱ dharṣā̱n mānu̍ṣaḥ
Mantra 10 {#mantra-10}
Section titled “Mantra 10 {#mantra-10}”Adhyāya: 6 | Mantra: 10
de̱vasya̍ tvā savi̱tuḥ pra̍sa̱ve̱’śvino̍rbā̱hubhyā̍ṃ pū̱ṣṇo hastā̍bhyām | a̱gnīṣomā̍bhyā̱ṃ juṣṭa̱ṃ niyu̍najmi | a̱dbhyastvauṣa̍dhībhya̱ḥ prokṣā̱myanu̍ tvāṃ mā̱tā ma̍nyatā̱manu̍ pi̱tānu̱ bhrātā̱ saga̱rbhyo’nu̱ sakhā̱ sayū̍thyaḥ | a̱gnīṣomā̍bhyāṃ tvā̱ juṣṭa̱ṃ prokṣā̍mi
Mantra 11 {#mantra-11}
Section titled “Mantra 11 {#mantra-11}”Adhyāya: 6 | Mantra: 11
a̱pāṃ pe̱rura̍syāpo̍ de̱vīḥ sa̍dantu | svā̱ttaṃ ci̱tsadde̍vaha̱viḥ
Mantra 12 {#mantra-12}
Section titled “Mantra 12 {#mantra-12}”Adhyāya: 6 | Mantra: 12
saṃ te̍ prā̱ṇo vāte̍na gacchatā̱ samaṅgā̍ni̱ yaja̍traiḥ| saṃ yaja̍māna ā̱śiṣā̍
Mantra 13 {#mantra-13}
Section titled “Mantra 13 {#mantra-13}”Adhyāya: 6 | Mantra: 13
ghṛ̱tenā̱ktau pa̱śūm̐strā̍yethā̱ reva̍ti̱ yaja̍māne | pri̱yaṃ dhā āvi̍śa
Mantra 14 {#mantra-14}
Section titled “Mantra 14 {#mantra-14}”Adhyāya: 6 | Mantra: 14
u̱rora̱ntari̍kṣātsa̱jūrde̱vena̱ vāte̍na | a̱sya ha̱viṣa̱stmanā̍ yaja̱ sama̍sya ta̱nvā̍ bhava
Mantra 15 {#mantra-15}
Section titled “Mantra 15 {#mantra-15}”Adhyāya: 6 | Mantra: 15
varṣo̱ varṣī̍yasi ya̱jñe ya̱jñapa̍tiṃ dhāḥ | svāhā̍ de̱vebhyo̍ de̱vebhya̱ḥ svāhā̍ | māhi̍rbhū̱rmā pṛdā̍kuḥ
Mantra 16 {#mantra-16}
Section titled “Mantra 16 {#mantra-16}”Adhyāya: 6 | Mantra: 16
nama̍sta ātānāna̱rvā prehi̍ | ghṛ̱tasya̍ ku̱lyā upa̍ ṛ̱tasya̱ pathyā̱ upa̍
Mantra 17 {#mantra-17}
Section titled “Mantra 17 {#mantra-17}”Adhyāya: 6 | Mantra: 17
devī̍rāpaḥ śu̱ddhā vo̍ḍhva̱ supa̍riviṣṭā de̱veṣu̍ | supa̍riviṣṭā va̱yaṃ pa̍rive̱ṣṭāro̍ bhūyāsma
Mantra 18 {#mantra-18}
Section titled “Mantra 18 {#mantra-18}”Adhyāya: 6 | Mantra: 18
vāca̍ṃ te śundhāmi prā̱ṇaṃ te̍ śundhāmi̱ cakṣu̍ste śundhāmi̱ śrotra̍ṃ te śundhāmi | nābhi̍ṃ te śundhāmi̱ meḍhra̍ṃ te śundhāmi pā̱yuṃ te̍ śundhāmi ca̱ritrā̍ste śundhāmi
Mantra 19 {#mantra-19}
Section titled “Mantra 19 {#mantra-19}”Adhyāya: 6 | Mantra: 19
mana̍sta̱ āpyā̍yatā̱ṃ vākta̱ āpyā̍yatāṃ prā̱ṇasta̱ āpyā̍yatā̱ṃ cakṣu̍sta̱ āpyā̍yatā̱ śrotra̍ṃ ta̱ āpyā̍yatām | yatte̍ krū̱raṃ yadāsthi̍ta̱ṃ tatta̱ āpyā̍yatā̱ṃ tatte̱ niṣṭhyā̍yatā̱ṃ tatte̍ śudhyatu̱ śamaho̍bhyaḥ
Mantra 20 {#mantra-20}
Section titled “Mantra 20 {#mantra-20}”Adhyāya: 6 | Mantra: 20
oṣa̍dhe̱ trāya̍sva̱ svadhi̍te̱ maina̍ hisīḥ | rakṣa̍sāṃ bhā̱go̍’si̱ nira̍sta̱rakṣa̍ḥ
Mantra 21 {#mantra-21}
Section titled “Mantra 21 {#mantra-21}”Adhyāya: 6 | Mantra: 21
i̱dama̱ha rakṣo̱’bhiti̍ṣṭhāmī̱dama̱ha rakṣo’va̍bādhe| i̱dama̱ha rakṣo̍’dha̱maṃ tamo̍ nayāmi
Mantra 22 {#mantra-22}
Section titled “Mantra 22 {#mantra-22}”Adhyāya: 6 | Mantra: 22
ghṛ̱tena̍ dyāvāpṛthivī̱ prorṇvā̍thā̱ṃ vāyo̱ ve sto̱kānā̍m | ju̱ṣā̱ṇo a̱gnirājya̍sya vetu̱ svāhā̍ | svāhā̍kṛte ū̱rdhvana̍bhasaṃ māru̱taṃ ga̍cchatam
Mantra 23 {#mantra-23}
Section titled “Mantra 23 {#mantra-23}”Adhyāya: 6 | Mantra: 23
saṃ te̱ mano̱ mana̍sā̱ saṃ prā̱ṇaḥ prā̱ṇena̍ gacchatām | rel̤a̍sya̱gniṣṭvā̍ śrīṇā̱tvāpa̍stvā̱ sama̍riṇan
Mantra 24 {#mantra-24}
Section titled “Mantra 24 {#mantra-24}”Adhyāya: 6 | Mantra: 24
vāta̍sya tvā̱ dhrājyai̍ pū̱ṣṇo rahyā̍ ū̱ṣmaṇo̍ vyathiṣat | prayu̍ta̱ṃ dveṣa̍ḥ
Mantra 25 {#mantra-25}
Section titled “Mantra 25 {#mantra-25}”Adhyāya: 6 | Mantra: 25
ghṛ̱taṃ ghṛ̍tapāvānaḥ pibata̱ vasā̍ṃ vasāpāvānaḥ pibata | antari̍kṣasya ha̱vira̍si̱ svāhā̍
Mantra 26 {#mantra-26}
Section titled “Mantra 26 {#mantra-26}”Adhyāya: 6 | Mantra: 26
diśa̍ḥ pra̱diśa̍ ā̱diśo̍ vi̱diśa̍ u̱ddiśo̍ di̱gbhyaḥ svāhā̍ | ai̱ndraḥ prā̱ṇo aṅge̍aṅge̱ nidhī̍ta ai̱ndra u̍dā̱no aṅge̍aṅge̱ nidī̍dhe
Mantra 27 {#mantra-27}
Section titled “Mantra 27 {#mantra-27}”Adhyāya: 6 | Mantra: 27
deva̍ tvaṣṭa̱rbhūri̍ te̱ sasa̍metu̱ sa la̍kṣmā̱ yadviṣu̍rūpa̱ṃ bhavā̍ti | de̱va̱trā yanta̱mava̍se̱ sakhā̱yo’nu̍ tvā mā̱tā pi̱taro̍ madantu
Mantra 28 {#mantra-28}
Section titled “Mantra 28 {#mantra-28}”Adhyāya: 6 | Mantra: 28
sa̱mu̱draṃ ga̍ccha̱ svāhā̍ de̱va sa̍vi̱tāra̍ṃ gaccha̱ svāhā̍ | a̱ntari̍kṣaṃ gaccha̱ svāhā̍ mi̱trāvaru̍ṇau gaccha̱ svāhā̍ | a̱ho̱rā̱tre ga̍ccha̱ svāhā̱ chandā̍si gaccha̱ svāhā̍ | dyāvā̍pṛthi̱vī ga̍ccha̱ svāhā̱ soma̍ṃ gaccha̱ svāhā̍ | ya̱jñaṃ ga̍ccha̱ svāhā̱ nabho̍ di̱vyaṃ ga̍ccha̱ svāhā̍ | a̱gniṃ vai̍śvāna̱raṃ ga̍ccha̱ svāhā̱ mano̍ me̱ hārdya̍ccha
Mantra 29 {#mantra-29}
Section titled “Mantra 29 {#mantra-29}”Adhyāya: 6 | Mantra: 29
diva̍ṃ te dhū̱mo ga̍ccha̱tva̱ntari̍kṣa̱ṃ jyoti̍ḥ | pṛthi̱vīṃ bhasma̱nāpṛ̍ṇa̱ svāhā̍
Mantra 30 {#mantra-30}
Section titled “Mantra 30 {#mantra-30}”Adhyāya: 6 | Mantra: 30
māpo mauṣa̍dhīrhisī̱rdhāmno̍dhāmno rāja̱stato̍ varuṇa no muñca | yadā̱hura̱ghnyā iti̱ varu̱ṇeti̱ śapā̍mahe̱ tato̍ varuṇa no muñca
Mantra 31 {#mantra-31}
Section titled “Mantra 31 {#mantra-31}”Adhyāya: 6 | Mantra: 31
su̱mi̱tri̱yā na̱ āpa̱ oṣa̍dhayaḥ santu durmitri̱yāstasmai̍ santu| yo̱’smān dveṣṭi̱ yaṃ ca̍ va̱yaṃ dvi̱ṣmaḥ
Mantra 32 {#mantra-32}
Section titled “Mantra 32 {#mantra-32}”Adhyāya: 6 | Mantra: 32
i̱damā̍pa̱ḥ prava̍hata̱ yatkiṃ ca̍ duri̱taṃ mayi̍| yadvā̱hama̍bhidu̱droha̱ yadvā̍ śe̱pa u̱tānṛ̍tam
Mantra 33 {#mantra-33}
Section titled “Mantra 33 {#mantra-33}”Adhyāya: 6 | Mantra: 33
ha̱viṣma̍tīri̱mā āpo̍ ha̱viṣmā̱m̐3 āvi̍vāsati | ha̱viṣmā̍n de̱vo a̍dhva̱ro ha̱viṣmā̍ṃ3 astu̱ sūrya̍ḥ
Mantra 34 {#mantra-34}
Section titled “Mantra 34 {#mantra-34}”Adhyāya: 6 | Mantra: 34
a̱gnervo’pa̍nnagṛhasya̱ sada̍si sādayāmi | i̱ndrā̱gnyorbhā̍ga̱dheyī̍ stha mi̱trāvaru̍ṇayorbhāga̱dheyī̍ stha̱| viśve̍ṣāṃ de̱vānā̍ṃ bhāga̱dheyī̍ stha
Mantra 35 {#mantra-35}
Section titled “Mantra 35 {#mantra-35}”Adhyāya: 6 | Mantra: 35
a̱mūryā upa̱ sūrye̱ yābhi̍rvā̱ sūrya̍ḥ sa̱ha | tā no̍ hinvantvadhva̱ram
Mantra 36 {#mantra-36}
Section titled “Mantra 36 {#mantra-36}”Adhyāya: 6 | Mantra: 36
hṛ̱de tvā̱ mana̍se tvā di̱ve tvā̱ sūryā̍ya tvā | ū̱rdhvo a̍dhva̱raṃ di̱vi de̱veṣu̱ hotrā̍ yaccha
Mantra 37 {#mantra-37}
Section titled “Mantra 37 {#mantra-37}”Adhyāya: 6 | Mantra: 37
soma̍ rāja̱nviśvā̱stvaṃ pra̱jā u̱pāva̍roha | viśvā̱stvāṃ pra̱jā u̱pāva̍rohantu
Mantra 38 {#mantra-38}
Section titled “Mantra 38 {#mantra-38}”Adhyāya: 6 | Mantra: 38
śṛ̱ṇotva̱gniḥ sa̱midhā̱ ha̱va̍ṃ me śṛ̱ṇvantvāpo̍ dhi̱ṣaṇā̍śca de̱vīḥ | śrotā̍ grāvāṇo vi̱duṣo̱ na ya̱jña śṛ̱ṇotu̍ de̱vaḥ sa̍vi̱tā hava̍ṃ me̱ svāhā̍
Mantra 39 {#mantra-39}
Section titled “Mantra 39 {#mantra-39}”Adhyāya: 6 | Mantra: 39
devī̍rāpo apāṃ napā̱dyo va̍ ū̱rmirha̍vi̱ṣya̍ḥ | i̱ndri̱yāvā̍n ma̱dinta̍maḥ
Mantra 40 {#mantra-40}
Section titled “Mantra 40 {#mantra-40}”Adhyāya: 6 | Mantra: 40
taṃ de̱vebhyo̍ deva̱trā dā̍ta śukra̱pebhya̍ḥ | yeṣā̍ṃ bhā̱ga stha svāhā̍
Mantra 41 {#mantra-41}
Section titled “Mantra 41 {#mantra-41}”Adhyāya: 6 | Mantra: 41
kārṣi̍rasi samu̱drasya̱ tvā kṣi̍tyā̱ unna̍yāmi | samāpo̍ a̱dbhira̍gmata̱ samoṣa̍dhībhi̱roṣa̍dhīḥ
Mantra 42 {#mantra-42}
Section titled “Mantra 42 {#mantra-42}”Adhyāya: 6 | Mantra: 42
yama̍gne pṛ̱tsu martya̱mavā̱ vāje̍ṣu̱ yaṃ ju̱nāḥ| sa yantā̱ śaśva̍tī̱riṣa̱ḥ svāhā̍
Mantra 43 {#mantra-43}
Section titled “Mantra 43 {#mantra-43}”Adhyāya: 6 | Mantra: 43
de̱vasya̍ tvā savi̱tuḥ pra̍sa̱ve̱’śvino̍rbā̱hubhyā̍ṃ pū̱ṣṇo hastā̍bhyām | āda̍de̱ rāvā̍si gabhī̱rami̱mama̍dhva̱raṃ kṛ̱dhīndrā̍ya su̱ṣūta̍mam | u̱tta̱mena̍ pa̱vinorja̍svanta̱ṃ madhu̍manta̱ṃ paya̍svantam | ni̱grā̱bhyā̍ stha deva̱śruta̍sta̱rpaya̍ta mā
Mantra 44 {#mantra-44}
Section titled “Mantra 44 {#mantra-44}”Adhyāya: 6 | Mantra: 44
mano̍ me tarpayata̱ vāca̍ṃ me tarpayata prā̱ṇaṃ me̍ tarpayata̱ cakṣu̍rme tarpayata̱ śrotra̍ṃ me tarpayata| ā̱tmāna̍ṃ me tarpayata pra̱jāṃ me̍ tarpayata pa̱śūn me̍ tarpayata ga̱ṇānme̍ tarpayata ga̱ṇā me̱ mā vitṛ̍ṣan
Mantra 45 {#mantra-45}
Section titled “Mantra 45 {#mantra-45}”Adhyāya: 6 | Mantra: 45
indrā̍ya tvā̱ vasu̍mate ru̱drava̍ta̱ indrā̍ya tvādi̱tyava̍te | indrā̍ya tvābhimāti̱ghnye śye̱nāya̍ tvā soma̱bhṛte̍’gnaye̍ tvā rāyaspoṣa̱de
Mantra 46 {#mantra-46}
Section titled “Mantra 46 {#mantra-46}”Adhyāya: 6 | Mantra: 46
yatte̍ soma di̱vi jyoti̱ryatpṛthi̱vyāṃ yadu̱rā a̱ntari̍kṣe | tenā̱smai yaja̍mānāyo̱ru rā̱ye kṛ̱dhyadhi̍ dā̱tre vo̍caḥ
Mantra 47 {#mantra-47}
Section titled “Mantra 47 {#mantra-47}”Adhyāya: 6 | Mantra: 47
śvā̱trā stha̍ vṛtra̱turo̱ rādho̍gūrttā a̱mṛta̍sya̱ patnī̍ḥ | tā de̍vīrdeva̱tremaṃ ya̱jñaṃ na̍ya̱topa̍hūtā̱ḥ soma̍sya pibata
Mantra 48 {#mantra-48}
Section titled “Mantra 48 {#mantra-48}”Adhyāya: 6 | Mantra: 48
mā bhe̱rmā saṃvi̍kthā̱ ūrja̍ṃ dhatsva̱ dhiṣa̍ṇe vī̱ḍvī sa̱tī vī̍l̤ayethā̱mūrja̍ṃ dadhāthām | pā̱pmā ha̱to na soma̍ḥ
Mantra 49 {#mantra-49}
Section titled “Mantra 49 {#mantra-49}”Adhyāya: 6 | Mantra: 49
prāgapā̱guda̍gadha̱rāksa̱rvata̍stvā̱ diśa̱ ādhā̍vantu | amba̱ niṣpa̍ra̱ sama̱rīrvi̍dām
Mantra 50 {#mantra-50}
Section titled “Mantra 50 {#mantra-50}”Adhyāya: 6 | Mantra: 50
tvama̱ṅga praśa̍siṣo de̱vaḥ śa̍viṣṭha̱ martya̍m | na tvada̱nyo ma̍ghavannasti marḍi̱tendra̱ bravī̍mi te̱ vaca̍ḥ