Vājasaneyi Kanva Saṃhitā — Chapter 29 (50 mantras)
Vājasaneyi Kanva Saṃhitā — Chapter 29
Section titled “Vājasaneyi Kanva Saṃhitā — Chapter 29”athaikonatriṃśo’dhyāyaḥ|
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 29 | Mantra: 1
samā̍stvāgna ṛ̱tavo̍ vardhayantu saṃvatsa̱rā ṛṣa̍yo̱ yāni̍ sa̱tyā | saṃ di̱vyena̍ dīdihi roca̱nena̱ viśvā̱ ā bhā̍hi pra̱diśa̱ścata̍sraḥ
Mantra 2 {#mantra-2}
Section titled “Mantra 2 {#mantra-2}”Adhyāya: 29 | Mantra: 2
saṃ ce̱dhyasvā̍gne̱ pra ca̍ bodhayaina̱mucca̍ tiṣṭha maha̱te sau̍bhagāya | mā ca̍ riṣadupasa̱ttā te̍ agne bra̱hmāṇa̍ste ya̱śasa̍ḥ santu̱ mānye
Mantra 3 {#mantra-3}
Section titled “Mantra 3 {#mantra-3}”Adhyāya: 29 | Mantra: 3
tvāma̍gne vṛṇate brāhma̱ṇā i̱me śi̱vo a̍gne sa̱ṃvara̍ṇe bhavā naḥ | sa̱pa̱tna̱hā no̍ abhimāti̱jicca̱ sve gaye̍ jāgṛ̱hyapra̍yucchan
Mantra 4 {#mantra-4}
Section titled “Mantra 4 {#mantra-4}”Adhyāya: 29 | Mantra: 4
i̱haivāgne̱ adhi̍ dhārayā ra̱yiṃ mā tvā̱ ni kra̍npūrva̱cito̍ nikā̱riṇa̍ḥ | kṣa̱trama̍gne su̱yama̍mastu̱ tubhya̍mupasa̱ttā va̍rdhatāṃ te̱ ani̍ṣṭṛtaḥ
Mantra 5 {#mantra-5}
Section titled “Mantra 5 {#mantra-5}”Adhyāya: 29 | Mantra: 5
kṣa̱treṇā̍gne̱ svāyu̱ḥ sṛ ra̍bhasva mi̱treṇā̍gne mitra̱dheye̍ yatasva | sa̱jā̱tānā̍ṃ madhyama̱sthā e̍dhi̱ rājñā̍magne viha̱vyo̍ dīdihī̱ha
Mantra 6 {#mantra-6}
Section titled “Mantra 6 {#mantra-6}”Adhyāya: 29 | Mantra: 6
ati̱ niho̱ ati̱ sridho’tyaci̍tti̱matyarā̍timagne | viśvā̱ hya̍gne duri̱tā saha̱svāthā̱smabhyṛ̍ sa̱havī̍rṛ ra̱yiṃ dā̍ḥ
Mantra 7 {#mantra-7}
Section titled “Mantra 7 {#mantra-7}”Adhyāya: 29 | Mantra: 7
a̱nā̱dhṛ̱ṣyo jā̱tave̍dā̱ ani̍ṣṭṛto vi̱rāl̤a̍gne kṣatra̱bhṛddī̍dihī̱ha | viśvā̱ āśā̍ḥ pramu̱ñcanmānu̍ṣīrbhi̱yaḥ śi̱vābhi̍ra̱dya pari̍ pāhi no vṛ̱dhe
Mantra 8 {#mantra-8}
Section titled “Mantra 8 {#mantra-8}”Adhyāya: 29 | Mantra: 8
bṛha̍spate savitarbo̱dhayai̍nṛ̱ sṛśi̍taṃ citsaṃta̱rṛ sṛ śi̍śādhi | va̱rdhayai̍naṃ maha̱te sau̍bhagāya̱ viśva̍ ena̱manu̍ madantu de̱vāḥ
Mantra 9 {#mantra-9}
Section titled “Mantra 9 {#mantra-9}”Adhyāya: 29 | Mantra: 9
a̱mu̱tra̱bhūyā̱dadha̱ yadya̱masya̱ bṛha̍spate a̱bhiśa̍ste̱ramu̍ñcaḥ | pratyau̍hatāma̱śvinā̍ mṛ̱tyuma̍smādde̱vānā̍magne bhi̱ṣajā̱ śacī̍bhiḥ
Mantra 10 {#mantra-10}
Section titled “Mantra 10 {#mantra-10}”Adhyāya: 29 | Mantra: 10
udva̱yaṃ tama̍sa̱spari̱ sva̱ḥ paśya̍nta̱ utta̍ram | de̱vaṃ de̍va̱trā sūrya̱maga̍nma̱ jyoti̍rutta̱mam
Mantra 11 {#mantra-11}
Section titled “Mantra 11 {#mantra-11}”Adhyāya: 29 | Mantra: 11
ū̱rdhvā a̍sya sa̱midho̍ bhavantyū̱rdhvā śu̱krā śo̱cṛṣya̱gneḥ | dyu̱matta̍mā su̱pratī̍kasya sū̱noḥ
Mantra 12 {#mantra-12}
Section titled “Mantra 12 {#mantra-12}”Adhyāya: 29 | Mantra: 12
tanū̱napā̱dasu̍ro vi̱śvave̍dā de̱vo de̱veṣu̍ de̱vaḥ | pa̱tho a̍naktu̱ madhvā̍ ghṛ̱tena̍
Mantra 13 {#mantra-13}
Section titled “Mantra 13 {#mantra-13}”Adhyāya: 29 | Mantra: 13
madhvā̍ ya̱jñaṃ na̍kṣase prīṇā̱no narā̱śṛso̍ agne | su̱kṛdde̱vaḥ sa̍vi̱tā vi̱śvavā̍raḥ
Mantra 14 {#mantra-14}
Section titled “Mantra 14 {#mantra-14}”Adhyāya: 29 | Mantra: 14
acchā̱yame̍ti̱ śava̍sā ghṛ̱tene̍l̤ā̱no vahni̱rnama̍sā | a̱gnṛ sruco̍ adhva̱reṣu̍ pra̱yatsu̍
Mantra 15 {#mantra-15}
Section titled “Mantra 15 {#mantra-15}”Adhyāya: 29 | Mantra: 15
sa ya̍kṣadasya mahi̱māna̍ma̱gneḥ sa ī̍ṃ ma̱ndrā su̍pra̱yasa̍ḥ | vasu̱śceti̍ṣṭho vasu̱dhāta̍maśca
Mantra 16 {#mantra-16}
Section titled “Mantra 16 {#mantra-16}”Adhyāya: 29 | Mantra: 16
dvāro̍ de̱vīranva̍sya̱ viśve̍ vra̱tā da̍dante a̱gneḥ | u̱ru̱vyaca̍so̱ dhāmnā̱ patya̍mānāḥ
Mantra 17 {#mantra-17}
Section titled “Mantra 17 {#mantra-17}”Adhyāya: 29 | Mantra: 17
te a̍sya̱ yoṣa̍ṇe di̱vye na yonā̍ u̱ṣāsā̱naktā̍ | i̱maṃ ya̱jñamava̍tāmadhva̱raṃ na̍ḥ
Mantra 18 {#mantra-18}
Section titled “Mantra 18 {#mantra-18}”Adhyāya: 29 | Mantra: 18
daivyā̍ hotārā ū̱rdhvama̍dhva̱raṃ no̱’gnerji̱hvāma̱bhi gṛ̍ṇītam | kṛ̱ṇu̱taṃ na̱ḥ svi̍ṣṭim
Mantra 19 {#mantra-19}
Section titled “Mantra 19 {#mantra-19}”Adhyāya: 29 | Mantra: 19
ti̱sro de̱vīrba̱rhiredṛ sa̍da̱ntvil̤ā̱ sara̍svatī̱ bhāra̍tī | ma̱hī gṛ̍ṇā̱nā
Mantra 20 {#mantra-20}
Section titled “Mantra 20 {#mantra-20}”Adhyāya: 29 | Mantra: 20
tanna̍stu̱rīpa̱madbhu̍taṃ puru̱kṣu tvaṣṭā̍ su̱vīra̍m | rā̱yaspoṣa̱ṃ vi ṣya̍tu̱ nābhi̍ma̱sme
Mantra 21 {#mantra-21}
Section titled “Mantra 21 {#mantra-21}”Adhyāya: 29 | Mantra: 21
vana̍spa̱te’va̍ sṛjā̱ rarā̍ṇa̱stmanā̍ de̱veṣu̍ | a̱gnirha̱vyṛ śa̍mi̱tā sū̍dayāti
Mantra 22 {#mantra-22}
Section titled “Mantra 22 {#mantra-22}”Adhyāya: 29 | Mantra: 22
agne̱ svāhā̍ kṛṇuhi jātaveda̱ indrā̍ya ha̱vyam | viśve̍ de̱vā ha̱viri̱daṃ ju̍ṣantām
Mantra 23 {#mantra-23}
Section titled “Mantra 23 {#mantra-23}”Adhyāya: 29 | Mantra: 23
pīvo̍ annā rayi̱vṛdha̍ḥ sume̱dhāḥ śve̱taḥ si̍ṣakti ni̱yutā̍mabhi̱śrīḥ | te vā̱yave̱ sama̍naso̱ vi ta̍sthu̱rviśvennara̍ḥ svapa̱tyāni̍ cakruḥ
Mantra 24 {#mantra-24}
Section titled “Mantra 24 {#mantra-24}”Adhyāya: 29 | Mantra: 24
rā̱ye nu yaṃ ja̱jñatū̱ roda̍sī̱me rā̱ye de̱vī dhi̱ṣaṇā̍ dhāti de̱vam | adha̍ vā̱yuṃ ni̱yuta̍ḥ saścata̱ svā u̱ta śve̱taṃ vasu̍dhitiṃ nire̱ke
Mantra 25 {#mantra-25}
Section titled “Mantra 25 {#mantra-25}”Adhyāya: 29 | Mantra: 25
vā̱yura̍gre̱gā ya̍jña̱prīḥ sā̱kaṃ ga̱nmana̍sā ya̱jñam | śi̱vo ni̱yudbhi̍ḥ śi̱vābhi̍ḥ
Mantra 26 {#mantra-26}
Section titled “Mantra 26 {#mantra-26}”Adhyāya: 29 | Mantra: 26
pra yābhi̱ryāsi̍ dā̱śvṛsa̱macchā̍ ni̱yudbhi̍rvāya i̱ṣṭaye̍ duro̱ṇe | ni no̍ ra̱yṛ su̱bhoja̍saṃ yuvasva̱ ni vī̱raṃ gavya̱maśvya̍ṃ ca̱ rādha̍ḥ
Mantra 27 {#mantra-27}
Section titled “Mantra 27 {#mantra-27}”Adhyāya: 29 | Mantra: 27
vāyo̱ ye te̍ saha̱sriṇo̱ rathā̍sa̱stebhi̱rā ga̍hi | ni̱yutvā̱ntsoma̍pītaye
Mantra 28 {#mantra-28}
Section titled “Mantra 28 {#mantra-28}”Adhyāya: 29 | Mantra: 28
eka̍yā ca da̱śabhi̍śca svabhūte̱ dvābhyā̍mi̱ṣṭaye̍ vṛśa̱tī ca̍ | ti̱sṛbhi̍śca̱ vaha̍se trṛ̱śatā̍ ca ni̱yudbhi̍rvāya i̱ha tā vi mu̍ñca
Mantra 29 {#mantra-29}
Section titled “Mantra 29 {#mantra-29}”Adhyāya: 29 | Mantra: 29
ni̱yutvā̍nvāya̱ ā ga̍hya̱yṛ śu̱kro a̍yāmi te | gantā̍si sunva̱to gṛ̱ham
Mantra 30 {#mantra-30}
Section titled “Mantra 30 {#mantra-30}”Adhyāya: 29 | Mantra: 30
vāyo̍ śu̱kro a̍yāmi te̱ madhvo̱ agra̱ṃ divi̍ṣṭiṣu | ā yā̍hi̱ soma̍pītaye spā̱rho de̍va ni̱yutva̍tā
Mantra 31 {#mantra-31}
Section titled “Mantra 31 {#mantra-31}”Adhyāya: 29 | Mantra: 31
ā no̍ ni̱yudbhi̍ḥ śa̱tinī̍bhiradhva̱rṛ sa̍ha̱sriṇī̍bhi̱rupa̍ yāhi ya̱jñam | vāyo̍ a̱smintsava̍ne mādayasva yū̱yaṃ pā̍ta sva̱stibhi̱ḥ sadā̍ naḥ
Mantra 32 {#mantra-32}
Section titled “Mantra 32 {#mantra-32}”Adhyāya: 29 | Mantra: 32
tava̍ vāya ṛtaspate̱ tvaṣṭu̍rjāmātaradbhuta | avṛ̱syā vṛ̍ṇīmahe
Mantra 33 {#mantra-33}
Section titled “Mantra 33 {#mantra-33}”Adhyāya: 29 | Mantra: 33
hi̱ra̱ṇya̱ga̱rbha itye̱ṣaḥ | yena̱ dyauru̱grā pṛ̍thi̱vī ca̍ dṛ̱l̤ahā yena̱ sva̍ stabhi̱taṃ yena̱ nāka̍ḥ | yo a̱ntari̍kṣe̱ raja̍so vi̱mānaḥ kasmai̍ de̱vāya̍ ha̱viṣā̍ vidhema
Mantra 34 {#mantra-34}
Section titled “Mantra 34 {#mantra-34}”Adhyāya: 29 | Mantra: 34
yaṃ kranda̍sī̱ ava̍sā tastabhā̱ne a̱bhyaikṣe̍tā̱ṃ mana̍sā̱ reja̍māne | yatrādhi̱ sūra̱ udi̍to vi̱bhāti̱ kasmai̍ de̱vāya̍ ha̱viṣā̍ vidhema
Mantra 35 {#mantra-35}
Section titled “Mantra 35 {#mantra-35}”Adhyāya: 29 | Mantra: 35
āpo̍ ha̱ yadbṛ̍ha̱tīrviśva̱māya̱ngarbha̱ṃ dadhā̍nā ja̱naya̍ntīra̱gnim | tato̍ de̱vānṛ̱ sama̍varta̱tāsu̱reka̱ḥ kasmai̍ de̱vāya̍ ha̱viṣā̍ vidhema
Mantra 36 {#mantra-36}
Section titled “Mantra 36 {#mantra-36}”Adhyāya: 29 | Mantra: 36
yaści̱dāpo̍ mahi̱nā pa̱ryapa̍śya̱ddakṣa̱ṃ dadhā̍nā ja̱naya̍ntīrya̱jñam | yo de̱veṣvadhi̍ de̱va eka̱ āsī̱tkasmai̍ de̱vāya̍ ha̱viṣā̍ vidhema | mā no̍ hṛsījjani̱tā yaḥ pṛ̍thi̱vyā yo vā̱ divṛ̍ sa̱tyadha̍rmā ja̱jāna̍ | yaścā̱paśca̱ndrā bṛ̍ha̱tīrja̱jāna̱ kasmai̍ de̱vāya̍ ha̱viṣā̍ vidhema| prajā̍pate̱ na tvade̱tānya̱nyo viśvā̍ jā̱tāni̱ pari̱ tā ba̍bhūva | yatkā̍māste juhu̱mastanno̍ astu va̱yṛ syā̍ma̱ pata̍yo rayī̱ṇām
Mantra 37 {#mantra-37}
Section titled “Mantra 37 {#mantra-37}”Adhyāya: 29 | Mantra: 37
agna̱ āyṛ̍ṣi pavasa̱ ā su̱vorja̱miṣa̍ṃ ca naḥ| ā̱re bā̍dhasva du̱cchunā̍m
Mantra 38 {#mantra-38}
Section titled “Mantra 38 {#mantra-38}”Adhyāya: 29 | Mantra: 38
agne̱ pava̍sva̱ svapā̍ a̱sme varca̍ḥ su̱vīrya̍m | dadha̍dra̱yiṃ mayi̱ poṣam
Mantra 39 {#mantra-39}
Section titled “Mantra 39 {#mantra-39}”Adhyāya: 29 | Mantra: 39
a̱gnirṛṣi̱ḥ pava̍māna̱ḥ pāñca̍janyaḥ pu̱rohi̍taḥ | tamī̍mahe mahāga̱yam
Mantra 40 {#mantra-40}
Section titled “Mantra 40 {#mantra-40}”Adhyāya: 29 | Mantra: 40
a̱bhi tvā̍ śūra nonu̱mo’du̍gdhā iva dhe̱nava̍ḥ| īśā̍nama̱sya jaga̍taḥ sva̱rdṛśa̱mīśā̍namindra ta̱sthuṣa̍ḥ
Mantra 41 {#mantra-41}
Section titled “Mantra 41 {#mantra-41}”Adhyāya: 29 | Mantra: 41
na tvāvā̍m̐2 a̱nyo di̱vyo na pārthi̍vo̱ na jā̱to na ja̍niṣyate | a̱śvā̱yanto̍ maghavannindra vā̱jino̍ ga̱vyanta̍stvā havāmahe
Mantra 42 {#mantra-42}
Section titled “Mantra 42 {#mantra-42}”Adhyāya: 29 | Mantra: 42
tvāmiddhi havā̍mahe sā̱tau vāja̍sya kā̱rava̍ḥ | tvāṃ vṛ̱treṣvi̍ndra̱ satpa̍ti̱ṃ nara̱stvāṃ kāṣṭhā̱svarva̍taḥ
Mantra 43 {#mantra-43}
Section titled “Mantra 43 {#mantra-43}”Adhyāya: 29 | Mantra: 43
sa tvaṃ na̍ścitra vajrahasta dhṛṣṇu̱yā ma̱haḥ sta̍vā̱no a̍drivaḥ | gāmaśvṛ̍ ra̱thya̍mindra̱ saṃ ki̍ra sa̱trā vāja̱ṃ na ji̱gyuṣe̍
Mantra 44 {#mantra-44}
Section titled “Mantra 44 {#mantra-44}”Adhyāya: 29 | Mantra: 44
kayā̍ naści̱tra ā bhu̍vadū̱tī sa̱dāvṛ̍dha̱ḥ sakhā̍ | kayā̱ śaci̍ṣṭhayā vṛ̱tā
Mantra 45 {#mantra-45}
Section titled “Mantra 45 {#mantra-45}”Adhyāya: 29 | Mantra: 45
kastvā̍ sa̱tyo madā̍nā̱ṃ mṛhi̍ṣṭho matsa̱dandha̍saḥ | dṛ̱l̤ahā ci̍dā̱ruje̱ vasu̍
Mantra 46 {#mantra-46}
Section titled “Mantra 46 {#mantra-46}”Adhyāya: 29 | Mantra: 46
a̱bhī ṣu ṇa̱ḥ sakhī̍nāmavi̱tā ja̍ritṝ̱ṇām | śa̱taṃ bha̍vāsyū̱taye̍
Mantra 47 {#mantra-47}
Section titled “Mantra 47 {#mantra-47}”Adhyāya: 29 | Mantra: 47
ya̱jñāya̍jñā vo a̱gnaye̍ gi̱rāgi̍rā ca̱ dakṣa̍se | prapra̍ va̱yama̱mṛta̍ṃ jā̱tave̍dasaṃ pri̱yaṃ mi̱traṃ na śṛ̍siṣam
Mantra 48 {#mantra-48}
Section titled “Mantra 48 {#mantra-48}”Adhyāya: 29 | Mantra: 48
ū̱rjo napā̍tṛ̱ sa hi̱nāyama̍sma̱yurdāśe̍ma ha̱vyadā̍taye | bhuva̱dvāje̍ṣvavi̱tā bhuva̍dvṛ̱dha u̱ta trā̱tā ta̱nūnā̍m
Mantra 49 {#mantra-49}
Section titled “Mantra 49 {#mantra-49}”Adhyāya: 29 | Mantra: 49
sa̱ṃva̱tsa̱ro̍’si parivatsa̱ro̍’sīdāvatsa̱ro̍’sīdvatsa̱ro̍’si vatsa̱ro̍’si | u̱ṣasa̍ste kalpantāmahorā̱trāste̍ kalpantāmardhamā̱sāste̍ kalpantā̱ṃ māsā̍ste kalpantāmṛ̱tava̍ste kalpantṛ saṃvatsa̱raste̍ kalpatām
Mantra 50 {#mantra-50}
Section titled “Mantra 50 {#mantra-50}”Adhyāya: 29 | Mantra: 50
pretyā̱ etyai̱ saṃ cāñca̱ pra ca̍ sāraya | su̱pa̱rṇa̱cida̍si̱ tayā̍ de̱vata̍yāṅgira̱svad dhru̱vaḥ sī̍da