śivaligamalaṃghyaṃ hi buddhipūrvaṃ hato hyaham
śrīprahlāda uvāca
śivaligamalaṃghyaṃ hi buddhipūrvaṃ hato hyaham ||
uvāca kṛṣṇaṃ danujaśchalito'haṃ tvayā'nagha
||1||शिवलिगमलंघ्यं हि बुद्धिपूर्वं हतो ह्यहम् ॥
उवाच कृष्णं दनुजश्छलितोऽहं त्वयाऽनघ
śrīviṣṇu ruvāca
parituṣṭosmi te daitya śauryeṇa śivasaṃśrayāt ||
varaṃ varaya bhadraṃ te yadicchasi mahāmate
||2||परितुष्टोस्मि ते दैत्य शौर्येण शिवसंश्रयात् ॥
वरं वरय भद्रं ते यदिच्छसि महामते
kuśa uvāca
yathā pūjyo mahādevo mama tvaṃ ca tathā hare ||
eka eva dvidhāmūrtistasmāttvāṃ varayāmyaham
||3||यथा पूज्यो महादेवो मम त्वं च तथा हरे ॥
एक एव द्विधामूर्तिस्तस्मात्त्वां वरयाम्यहम्
śivaliṃgaṃ tvayā nātha sthāpitaṃ yanmamopari ||
mama nāmnā bhavatu ca kuśeśvara iti smṛtam
||4||शिवलिंगं त्वया नाथ स्थापितं यन्ममोपरि ॥
मम नाम्ना भवतु च कुशेश्वर इति स्मृतम्
anugrāhyo yadyahaṃ te mama kīrtirbhavatviyam ||
evaṃ bhaviṣyatītyuktastatraivāvasthito'suraḥ
||5||अनुग्राह्यो यद्यहं ते मम कीर्तिर्भवत्वियम् ॥
एवं भविष्यतीत्युक्तस्तत्रैवावस्थितोऽसुरः
tato'nyadānavānsarvānpreṣayāmāsa mādhavaḥ ||
rasātalagatā kecitkecidviṣṇuṃ samāgatāḥ
||6||ततोऽन्यदानवान्सर्वान्प्रेषयामास माधवः ॥
रसातलगता केचित्केचिद्विष्णुं समागताः
anaṃtaḥ saṃsthitastatra viṣṇuśca tadanaṃtaram ||
jñātvā vimuktidaṃ tīrthaṃ durvāsā munipuṃgavaḥ
||7||अनंतः संस्थितस्तत्र विष्णुश्च तदनंतरम् ॥
ज्ञात्वा विमुक्तिदं तीर्थं दुर्वासा मुनिपुंगवः
gomatyāṃ cakratīrthe ca bhagavāṃśca trivikramaḥ ||
tena tanmuktidaṃ matvā durvāsāstatra saṃsthitaḥ
||8||गोमत्यां चक्रतीर्थे च भगवांश्च त्रिविक्रमः ॥
तेन तन्मुक्तिदं मत्वा दुर्वासास्तत्र संस्थितः
evaṃ trivikramaḥ svāmī tadāprabhṛti saṃsthitaḥ ||
kalau punaḥ kalānyāsātkṛṣṇatvamagamatprabhuḥ
||9||एवं त्रिविक्रमः स्वामी तदाप्रभृति संस्थितः ॥
कलौ पुनः कलान्यासात्कृष्णत्वमगमत्प्रभुः
prahlāda uvāca
pūjāvidhiṃ harerviprāḥ śṛṇudhvaṃ susamāhitāḥ ||
viśeṣātphaladaḥ proktaḥ pūjito madhumādhave
||10||पूजाविधिं हरेर्विप्राः शृणुध्वं सुसमाहिताः ॥
विशेषात्फलदः प्रोक्तः पूजितो मधुमाधवे
madhusūdanīṃ naro yastu dvāravatyāṃ karoti ca ||
pūjayetkṛṣṇadevaṃ ca snāpayitvā vilipya ca
||11||मधुसूदनीं नरो यस्तु द्वारवत्यां करोति च ॥
पूजयेत्कृष्णदेवं च स्नापयित्वा विलिप्य च
gandhaiśca vāsasā''cchādya dhūpairdīpairanekadhā ||
naivedyairbhūṣaṇaiścaiva tāṃbūlena phalena ca
||12||गन्धैश्च वाससाऽऽच्छाद्य धूपैर्दीपैरनेकधा ॥
नैवेद्यैर्भूषणैश्चैव तांबूलेन फलेन च
ārārtikena saṃpūjya daṇḍavatpraṇipatya ca ||
ghṛtena dīpakaṃ dattvā rātrau jāgaraṇaṃ tathā ||
kuryyācca gītavāditraistathā pustakavācakaiḥ
||13||आरार्तिकेन संपूज्य दण्डवत्प्रणिपत्य च ॥
घृतेन दीपकं दत्त्वा रात्रौ जागरणं तथा ॥
कुर्य्याच्च गीतवादित्रैस्तथा पुस्तकवाचकैः
kṛtvā caivaṃ vidhiṃ bhaktyā sarvānkāmānavāpnu yāt
||14||कृत्वा चैवं विधिं भक्त्या सर्वान्कामानवाप्नु यात्
tathā nabhasi sampūjya pavitrāropaṇena ca ||
pitṝṇāṃ cākṣayā tṛptiḥ saphalāḥ syurmanorathāḥ
||15||तथा नभसि सम्पूज्य पवित्रारोपणेन च ॥
पितॄणां चाक्षया तृप्तिः सफलाः स्युर्मनोरथाः
prabodhavāsare prāpte kārtike dvija sattamāḥ ||
saṃpūjya kṛṣṇaṃ deveśaṃ parāṃ gatimavāpnuyāt
||16||प्रबोधवासरे प्राप्ते कार्तिके द्विज सत्तमाः ॥
संपूज्य कृष्णं देवेशं परां गतिमवाप्नुयात्
tathā nabhasye saṃpūjya pavitrāropaṇena ca ||
sarvānkāmānavāpnoti viṣṇulokaṃ ca gacchati
||17||तथा नभस्ये संपूज्य पवित्रारोपणेन च ॥
सर्वान्कामानवाप्नोति विष्णुलोकं च गच्छति
yugādiṣu ca saṃpūjya hyayane dakṣiṇottare ||
āṣāḍhajyeṣṭhamāgheṣu pauṣādidvādaśīṣu ca
||18||युगादिषु च संपूज्य ह्ययने दक्षिणोत्तरे ॥
आषाढज्येष्ठमाघेषु पौषादिद्वादशीषु च
kalau kṛṣṇaṃ pūjayitvā gomatyudadhisaṃgame ||
vimalaṃ lokamāpnoti yatra gatvā na śocati
||19||कलौ कृष्णं पूजयित्वा गोमत्युदधिसंगमे ॥
विमलं लोकमाप्नोति यत्र गत्वा न शोचति
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe caturthe dvārakāmāhātmye gomatītīrastha kṣetrastha bhagavatpūjāmāhātmyavarṇanaṃnāmaikaviṃśatitamo'dhyāyaḥ || 21 ||