mā gacchadhvaṃ suranadīṃ kāliṃdīṃ mā sarasvatīm
prahlāda uvāca
mā gacchadhvaṃ suranadīṃ kāliṃdīṃ mā sarasvatīm ||
gacchadhvaṃ ca dvijaśreṣṭhā gomatyudadhisaṃgame
||1||मा गच्छध्वं सुरनदीं कालिंदीं मा सरस्वतीम् ॥
गच्छध्वं च द्विजश्रेष्ठा गोमत्युदधिसंगमे
prāpyate helayā yatra sarve kāmā na saṃśayaḥ ||
gomatījalakallolaiḥ krīḍate yatra sāgaraḥ
||2||प्राप्यते हेलया यत्र सर्वे कामा न संशयः ॥
गोमतीजलकल्लोलैः क्रीडते यत्र सागरः
pāpaghnaṃ gomatītīraṃ prāpyate puṇyavannaraiḥ ||
sāgareṇa ca saṃmiśraṃ mahāpātakanāśanam
||3||पापघ्नं गोमतीतीरं प्राप्यते पुण्यवन्नरैः ॥
सागरेण च संमिश्रं महापातकनाशनम्
gomatī saṃgatā yatra sāgareṇa dvijottamāḥ ||
muktidvāraṃ tu tatproktaṃ kalikāle na saṃśayaḥ
||4||गोमती संगता यत्र सागरेण द्विजोत्तमाः ॥
मुक्तिद्वारं तु तत्प्रोक्तं कलिकाले न संशयः
yatpuṇyaṃ labhate tūrṇaṃ gaṃgāsāgarasaṃgame ||
tatpuṇyaṃ samavāpnoti gomatyudadhisaṃgame
||5||यत्पुण्यं लभते तूर्णं गंगासागरसंगमे ॥
तत्पुण्यं समवाप्नोति गोमत्युदधिसंगमे
namaskṛtya ca toyeśaṃ gomatīṃ ca saridvarām ||
arghyaṃ dadyādvidhānena kṛtvā ca karayoḥ kuśān
||6||नमस्कृत्य च तोयेशं गोमतीं च सरिद्वराम् ॥
अर्घ्यं दद्याद्विधानेन कृत्वा च करयोः कुशान्
maṃtreṇānena vipreṃdrā dadyādarghyaṃ vidhānataḥ ||
brāhmaṇaiḥ saha saṃgatya sadā tattīrthavāsibhiḥ
||7||मंत्रेणानेन विप्रेंद्रा दद्यादर्घ्यं विधानतः ॥
ब्राह्मणैः सह संगत्य सदा तत्तीर्थवासिभिः
bhaktyā cārghyaṃ pradāsyāmi devāya paramā tmane ||
trāhi māṃ pāpinaṃ ghoraṃ namaste surarūpiṇe
||8||भक्त्या चार्घ्यं प्रदास्यामि देवाय परमा त्मने ॥
त्राहि मां पापिनं घोरं नमस्ते सुररूपिणे
tīrtharāja namastubhyaṃ ratnākara mahārṇava ||
gomatyā saha goviṃda gṛhāṇārghyaṃ namo'stu te
||9||तीर्थराज नमस्तुभ्यं रत्नाकर महार्णव ॥
गोमत्या सह गोविंद गृहाणार्घ्यं नमोऽस्तु ते
dattvā cārghyaṃ śikhāṃ baddhvā saṃsmṛtya jalaśāyinam ||
kuryācca prāṅmukhaḥ snānaṃ tataḥ pratyaṅmukhastathā
||10||दत्त्वा चार्घ्यं शिखां बद्ध्वा संस्मृत्य जलशायिनम् ॥
कुर्याच्च प्राङ्मुखः स्नानं ततः प्रत्यङ्मुखस्तथा
snātvā ca parayā bhaktyā pitṝnsaṃtarpayettataḥ ||
viśvedevādi saṃpūjya pitṝṇāṃ śrāddhamācaret
||11||स्नात्वा च परया भक्त्या पितॄन्संतर्पयेत्ततः ॥
विश्वेदेवादि संपूज्य पितॄणां श्राद्धमाचरेत्
yathoktāṃ dakṣiṇāṃ dadyādviṣṇurme prīyatāmiti ||
viśeṣataḥ pradātavyaṃ suvarṇaṃ viprasattamāḥ
||12||यथोक्तां दक्षिणां दद्याद्विष्णुर्मे प्रीयतामिति ॥
विशेषतः प्रदातव्यं सुवर्णं विप्रसत्तमाः
daṃpatyorvāsasī caiva kaṃcukoṣṇīṣameva ca ||
lakṣmyā saha jagannātho viṣṇurme prīyatāmiti
||13||दंपत्योर्वाससी चैव कंचुकोष्णीषमेव च ॥
लक्ष्म्या सह जगन्नाथो विष्णुर्मे प्रीयतामिति
mahādānāni sarvāṇi gomatyudadhisaṃgame ||
saptadvīpapatirbhūtvā viṣṇuloke mahīyate
||14||महादानानि सर्वाणि गोमत्युदधिसंगमे ॥
सप्तद्वीपपतिर्भूत्वा विष्णुलोके महीयते
yastulāpuruṣaṃ dadyādgomatyudadhisaṃgame ||
saptadvīpapatirbhūtvā viṣṇuloke mahīyate
||15||यस्तुलापुरुषं दद्याद्गोमत्युदधिसंगमे ॥
सप्तद्वीपपतिर्भूत्वा विष्णुलोके महीयते
ātmānaṃ tolayedyastu svarṇena rajatena vā ||
vastrairvā kuṃkumairvāpi phalairvāpi tathā rasaiḥ
||16||आत्मानं तोलयेद्यस्तु स्वर्णेन रजतेन वा ॥
वस्त्रैर्वा कुंकुमैर्वापि फलैर्वापि तथा रसैः
bhuktvā bhogānsuvipulāṃstathā kāmānmanoharān ||
saṃpūjyamānastridaśairyāti viṣṇvālayaṃ naraḥ
||17||भुक्त्वा भोगान्सुविपुलांस्तथा कामान्मनोहरान् ॥
संपूज्यमानस्त्रिदशैर्याति विष्ण्वालयं नरः
hiraṇyarūpyadānaṃ ca hyaśvaṃ dhenuṃ tathaiva ca ||
gomatīsaṃgame dattvā sarvānkāmānavāpnuyāt
||18||हिरण्यरूप्यदानं च ह्यश्वं धेनुं तथैव च ॥
गोमतीसंगमे दत्त्वा सर्वान्कामानवाप्नुयात्
bhūmidānaṃ ca yo dadyādgomatyudadhisaṃgame ||
snātvā śucirhariṃ smṛtvā tasmāddhanyataro nahi
||19||भूमिदानं च यो दद्याद्गोमत्युदधिसंगमे ॥
स्नात्वा शुचिर्हरिं स्मृत्वा तस्माद्धन्यतरो नहि
kanyādānaṃ ca yaḥ kuryādvidyādānamathāpi vā ||
gomatyāḥ saṃgame snātvā yāti brahmapadaṃ naraḥ
||20||कन्यादानं च यः कुर्याद्विद्यादानमथापि वा ॥
गोमत्याः संगमे स्नात्वा याति ब्रह्मपदं नरः
yo dadyātsvarṇadhenuṃ ca ghṛtadhenuṃ samāhitaḥ ||
brahmāṇḍadānamapi vā tasya puṇyamanaṃtakam
||21||यो दद्यात्स्वर्णधेनुं च घृतधेनुं समाहितः ॥
ब्रह्माण्डदानमपि वा तस्य पुण्यमनंतकम्
tathā lavaṇadhenuṃ ca jaladhenumathāpi vā ||
dattvā yāti paraṃ sthānaṃ gomatyudadhisaṃgame
||22||तथा लवणधेनुं च जलधेनुमथापि वा ॥
दत्त्वा याति परं स्थानं गोमत्युदधिसंगमे
yugādiṣu ca sarveṣu gomatyudadhisaṃgame ||
snātvā saṃtarpya ca pitṝnakṣayaṃ lokamāpnuyāt
||23||युगादिषु च सर्वेषु गोमत्युदधिसंगमे ॥
स्नात्वा संतर्प्य च पितॄनक्षयं लोकमाप्नुयात्
āṣāḍhyāṃ ca tathā māghyāṃ kārtikyāṃ saṃgame naraḥ ||
pitṝṇāṃ tarpaṇaṃ snānaṃ śrāddhaṃ pāvakapūjanam ||
kuryāccaiva tathā dānaṃ yadīcchedakṣayaṃ padam
||24||आषाढ्यां च तथा माघ्यां कार्तिक्यां संगमे नरः ॥
पितॄणां तर्पणं स्नानं श्राद्धं पावकपूजनम् ॥
कुर्याच्चैव तथा दानं यदीच्छेदक्षयं पदम्
pitṝṇāṃ cākṣayā tṛptirgayāśrāddhena vai yathā ||
tadvacchrāddhānmahābhāga gomatyudadhisaṃgame
||25||पितॄणां चाक्षया तृप्तिर्गयाश्राद्धेन वै यथा ॥
तद्वच्छ्राद्धान्महाभाग गोमत्युदधिसंगमे
kuryyātsnānaṃ tathā dānaṃ pitṝṇāṃ tarpaṇaṃ tathā ||
pañcakāsu dvijaśreṣṭhāstathā caivāṣṭakāsu ca
||26||कुर्य्यात्स्नानं तथा दानं पितॄणां तर्पणं तथा ॥
पञ्चकासु द्विजश्रेष्ठास्तथा चैवाष्टकासु च
vaidhṛtau ca vyatīpāte chāyāyāṃ kuṃjarasya ca ||
ṣaṣṭhyāṃ ca kapilākhyāyāṃ tathā hi dvādaśīṣu ca
||27||वैधृतौ च व्यतीपाते छायायां कुंजरस्य च ॥
षष्ठ्यां च कपिलाख्यायां तथा हि द्वादशीषु च
gomatyāṃ saṃgame snātvā dadyāddānaṃ viśeṣataḥ ||
nirmalaṃ sthānamāpnoti yatra gatvā na śocati
||28||गोमत्यां संगमे स्नात्वा दद्याद्दानं विशेषतः ॥
निर्मलं स्थानमाप्नोति यत्र गत्वा न शोचति
śrāddhapakṣe tvamāvāsyāṃ gomatyudadhisaṃgame ||
helayā prāpyate puṇyaṃ dattvā piṇḍaṃ gayāsamam
||29||श्राद्धपक्षे त्वमावास्यां गोमत्युदधिसंगमे ॥
हेलया प्राप्यते पुण्यं दत्त्वा पिण्डं गयासमम्
tasmātsarvaṃ prayatnena tvamāvāsyāṃ dvijottamāḥ ||
śrāddhaṃ hi pitṛpakṣāṃte kāryyaṃ gomatisaṃgame
||30||तस्मात्सर्वं प्रयत्नेन त्वमावास्यां द्विजोत्तमाः ॥
श्राद्धं हि पितृपक्षांते कार्य्यं गोमतिसंगमे
yadyapyaśrotriyaṃ śrāddhaṃ yadyapyupahataṃ bhavet ||
pakṣaśrāddhakṛtaṃ puṇyaṃ dinenaikena labhyate
||31||यद्यप्यश्रोत्रियं श्राद्धं यद्यप्युपहतं भवेत् ॥
पक्षश्राद्धकृतं पुण्यं दिनेनैकेन लभ्यते
śraddhāhīnaṃ mantrahīnaṃ pātrahīnamathāpi vā ||
dravyahīnaṃ kālahīnaṃ manasaḥ svāsthyavarjitam
||32||श्रद्धाहीनं मन्त्रहीनं पात्रहीनमथापि वा ॥
द्रव्यहीनं कालहीनं मनसः स्वास्थ्यवर्जितम्
śrāddhapakṣe hyamāyāṃ tu gomatyudadhisaṃgame ||
paripūrṇaṃ bhavetsarvaṃ pitṝṇāṃ tṛptirakṣayā
||33||श्राद्धपक्षे ह्यमायां तु गोमत्युदधिसंगमे ॥
परिपूर्णं भवेत्सर्वं पितॄणां तृप्तिरक्षया
gomatī kamalā caiva caṃdrabhāgā tathaiva ca ||
tisrastu saṃgatā nadyaḥ praviṣṭā varuṇālayam
||34||गोमती कमला चैव चंद्रभागा तथैव च ॥
तिस्रस्तु संगता नद्यः प्रविष्टा वरुणालयम्
gayāyāṃ piṃḍadānena prayāge hyasthipātane ||
tatpuṇyaṃ samavāpnoti pakṣāṃte śrāddhakṛnnaraḥ
||35||गयायां पिंडदानेन प्रयागे ह्यस्थिपातने ॥
तत्पुण्यं समवाप्नोति पक्षांते श्राद्धकृन्नरः
yadīcchetsarvatīrtheṣu helayā tvabhiṣecanam ||
snānaṃ kurvīta bhaktyā vai gomatyudadhisaṃgame
||36||यदीच्छेत्सर्वतीर्थेषु हेलया त्वभिषेचनम् ॥
स्नानं कुर्वीत भक्त्या वै गोमत्युदधिसंगमे
pakṣepakṣe samagrā tu pitṛpūjā kṛtā ca yaiḥ ||
sampūrṇā jāyate teṣāṃ gomatyudadhisaṃgame
||317||पक्षेपक्षे समग्रा तु पितृपूजा कृता च यैः ॥
सम्पूर्णा जायते तेषां गोमत्युदधिसंगमे
śrāddhe kṛte tvamāvasyāṃ pitṛpakṣe ca vai dvijāḥ ||
aputrā caiva yā nārī kākavaṃdhyā ca yā bhavet
||38||श्राद्धे कृते त्वमावस्यां पितृपक्षे च वै द्विजाः ॥
अपुत्रा चैव या नारी काकवंध्या च या भवेत्
mṛtaputrā tathā viprāḥ saṃgame snānamācaret ||
doṣaiḥ pramucyate sarvairgomapyudadhisaṃgame ||
snātvā sukhamavāpnoti prajāṃ ca cirajīvinīm
||39||मृतपुत्रा तथा विप्राः संगमे स्नानमाचरेत् ॥
दोषैः प्रमुच्यते सर्वैर्गोमप्युदधिसंगमे ॥
स्नात्वा सुखमवाप्नोति प्रजां च चिरजीविनीम्
yāni kāni ca dānāni pṛthivyāṃ sambhavaṃti hi ||
tāni sarvāṇi deyāni gomatyudadhisaṃgame
||40||यानि कानि च दानानि पृथिव्यां सम्भवंति हि ॥
तानि सर्वाणि देयानि गोमत्युदधिसंगमे
sarvadaiva ca viprendrā viśeṣātsarvaparvasu ||
snānaṃ kurvīta niyato gomatyudadhisaṃgame
||41||सर्वदैव च विप्रेन्द्रा विशेषात्सर्वपर्वसु ॥
स्नानं कुर्वीत नियतो गोमत्युदधिसंगमे
darśanādeva pāpasya kṣayo bhavati bho dvijāḥ ||
praṇāme manasastuṣṭirmuktiścaivāvagāhane
||42||दर्शनादेव पापस्य क्षयो भवति भो द्विजाः ॥
प्रणामे मनसस्तुष्टिर्मुक्तिश्चैवावगाहने
śrāddhe kṛte pitṝṇāṃ tu tṛptirbhavati śāśvatī ||
dāne manorathāvāptirjāyate nātra saṃśayaḥ
||43||श्राद्धे कृते पितॄणां तु तृप्तिर्भवति शाश्वती ॥
दाने मनोरथावाप्तिर्जायते नात्र संशयः
kṛtakṛtyāstu te dhanyā yaiḥ kṛtaṃ pitṛtarpaṇam ||
śrāddhaṃ ca ṛṣiśārdūlā gomatyudadhisaṃgame
||44||कृतकृत्यास्तु ते धन्या यैः कृतं पितृतर्पणम् ॥
श्राद्धं च ऋषिशार्दूला गोमत्युदधिसंगमे
pitṛpakṣe ca vai kecinmātṛpakṣe tathaiva ca ||
tathā śvaśurapakṣe ca ye cānye mitrabāṃdhavāḥ
||45||पितृपक्षे च वै केचिन्मातृपक्षे तथैव च ॥
तथा श्वशुरपक्षे च ये चान्ये मित्रबांधवाः
sthāvaratvaṃ gatā ye ca pudgalatvaṃ ca ye gatāḥ ||
piśācatvaṃ gatā ye ca ye ca pretatvamāgatāḥ
||46||स्थावरत्वं गता ये च पुद्गलत्वं च ये गताः ॥
पिशाचत्वं गता ये च ये च प्रेतत्वमागताः
tiryyagyonigatā ye ca ye ca kīṭatvamāgatāḥ ||
snānamātreṇa te sarve muktiṃ yāṃti na saṃśayaḥ
||47||तिर्य्यग्योनिगता ये च ये च कीटत्वमागताः ॥
स्नानमात्रेण ते सर्वे मुक्तिं यांति न संशयः
kiṃ punaḥ śrāddhadānādi gomatīsaṃgame tathā ||
kṛtvā muktimavāpnoti mānavo nātra saṃśayaḥ
||48||किं पुनः श्राद्धदानादि गोमतीसंगमे तथा ॥
कृत्वा मुक्तिमवाप्नोति मानवो नात्र संशयः
śravaṇadvādaśīyoge gomatyudadhisaṃgame ||
snātvā muktimavāpnoti yatra gatvā na śocati
||49||श्रवणद्वादशीयोगे गोमत्युदधिसंगमे ॥
स्नात्वा मुक्तिमवाप्नोति यत्र गत्वा न शोचति
santyajya sarvatīrthāni gomatyudadhisaṃgame ||
snānaṃ kṛtvā tathā śrāddhaṃ kṛtakṛtyo bhavennaraḥ ||
paraṃ lokamavāpnoti hyarcayitvā tu vāmanam
||50||सन्त्यज्य सर्वतीर्थानि गोमत्युदधिसंगमे ॥
स्नानं कृत्वा तथा श्राद्धं कृतकृत्यो भवेन्नरः ॥
परं लोकमवाप्नोति ह्यर्चयित्वा तु वामनम्
samyaksnātvā naro yastu pūjayedgaruḍadhvajam ||
pītāṃbaradharo bhūtvā divyābharaṇabhūṣitaḥ
||51||सम्यक्स्नात्वा नरो यस्तु पूजयेद्गरुडध्वजम् ॥
पीतांबरधरो भूत्वा दिव्याभरणभूषितः
vīkṣyamāṇaḥ surastrībhirnāgārikṛtaketanaḥ ||
caturbhujadharo bhūtvā vanamālāvibhūṣitaḥ ||
saṃstūyamāno munibhiryāti viṣṇvālayaṃ naraḥ
||52||वीक्ष्यमाणः सुरस्त्रीभिर्नागारिकृतकेतनः ॥
चतुर्भुजधरो भूत्वा वनमालाविभूषितः ॥
संस्तूयमानो मुनिभिर्याति विष्ण्वालयं नरः
gomatīsaṃgame snātvā kṛtakṛtyo bhavennaraḥ ||
yatra daityavadhaṃ kṛtvā viṣṇunā prabhaviṣṇunā
||53||गोमतीसंगमे स्नात्वा कृतकृत्यो भवेन्नरः ॥
यत्र दैत्यवधं कृत्वा विष्णुना प्रभविष्णुना
cakraṃ prakṣālitaṃ pūrvaṃ kṛṣṇena svayameva hi ||
tenaiva cakratīrthaṃ hi khyātaṃ lokatraye dvijāḥ
||54||चक्रं प्रक्षालितं पूर्वं कृष्णेन स्वयमेव हि ॥
तेनैव चक्रतीर्थं हि ख्यातं लोकत्रये द्विजाः
bhavaṃti yatra pāṣāṇāścakrāṃkā muktidāyakāḥ ||
yaiḥ pūjitairjagannāthaḥ kṛṣṇaḥ sāṃnidhyamāvrajet
||55||भवंति यत्र पाषाणाश्चक्रांका मुक्तिदायकाः ॥
यैः पूजितैर्जगन्नाथः कृष्णः सांनिध्यमाव्रजेत्
tatraiva yadi labhyeta cakrairdvādaśabhiḥ saha
||56||तत्रैव यदि लभ्येत चक्रैर्द्वादशभिः सह
dvādaśātmā sa vijñeyo mokṣadaḥ sarvadehinām ||
ekacakrāṃkito yastu dvāravatyāṃ suśobhanaḥ
||57||द्वादशात्मा स विज्ञेयो मोक्षदः सर्वदेहिनाम् ॥
एकचक्रांकितो यस्तु द्वारवत्यां सुशोभनः
sudarśanābhidhāno'sau mokṣaikaphalado hi saḥ ||
lakṣmīnārāyaṇo dvābhyāṃ bhuktimuktiphalapradaḥ
||58||सुदर्शनाभिधानोऽसौ मोक्षैकफलदो हि सः ॥
लक्ष्मीनारायणो द्वाभ्यां भुक्तिमुक्तिफलप्रदः
tribhistrivikramaścaiva trivargaphaladāyakaḥ ||
śrīprado ripuhantā ca caturbhiḥ saṃyutaḥ sa hi
||59||त्रिभिस्त्रिविक्रमश्चैव त्रिवर्गफलदायकः ॥
श्रीप्रदो रिपुहन्ता च चतुर्भिः संयुतः स हि
pañcabhirvāsudevastu janmamṛtyubhayāpahaḥ ||
pradyumnaḥ ṣaḍbhirevāsau lakṣmīṃ kāṃtiṃ dadāti yaḥ
||60||पञ्चभिर्वासुदेवस्तु जन्ममृत्युभयापहः ॥
प्रद्युम्नः षड्भिरेवासौ लक्ष्मीं कांतिं ददाति यः
saptabhirbalabhadraśca cakrago'tra prakīrtitaḥ ||
lācchitaścāṣṭabhirbhaktiṃ dadāti puruṣottamaḥ
||61||सप्तभिर्बलभद्रश्च चक्रगोऽत्र प्रकीर्तितः ॥
लाच्छितश्चाष्टभिर्भक्तिं ददाति पुरुषोत्तमः
sarvaṃ dadyānnavavyūho durlabho yaḥ surairapi ||
daśāvatāro daśamī rājyado nātra saṃśayaḥ
||62||सर्वं दद्यान्नवव्यूहो दुर्लभो यः सुरैरपि ॥
दशावतारो दशमी राज्यदो नात्र संशयः
ekādaśabhiraiśvaryaṃ cakragaḥ saṃprayacchati ||
nirvāṇaṃ dvādaśātmā ca dvādaśabhirdadāti ca
||63||एकादशभिरैश्वर्यं चक्रगः संप्रयच्छति ॥
निर्वाणं द्वादशात्मा च द्वादशभिर्ददाति च
ata ūrdhvaṃ mahābhāgāḥ saukhyamokṣapradāyakāḥ ||
yato'tra te ca pāṣāṇāḥ kṛṣṇacakreṇa citritāḥ
||64||अत ऊर्ध्वं महाभागाः सौख्यमोक्षप्रदायकाः ॥
यतोऽत्र ते च पाषाणाः कृष्णचक्रेण चित्रिताः
teṣāṃ sparśanamātreṇa mucyate sarvakilbiṣaiḥ ||
cakratīrthe naraḥ snātvā kṛṣṇacakreṇa cihnitaḥ
||65||तेषां स्पर्शनमात्रेण मुच्यते सर्वकिल्बिषैः ॥
चक्रतीर्थे नरः स्नात्वा कृष्णचक्रेण चिह्नितः
pūjayitvā cakradharaṃ hariṃ dhyāyetsanātanam ||
nāputro nādhano rogī na sa saṃjāyate naraḥ
||66||पूजयित्वा चक्रधरं हरिं ध्यायेत्सनातनम् ॥
नापुत्रो नाधनो रोगी न स संजायते नरः
brahmahatyādikaṃ pāpaṃ manovākkāyakarmajam ||
tatsarvaṃ vilayaṃ yāti sakṛccakrāṃkadarśanāt
||67||ब्रह्महत्यादिकं पापं मनोवाक्कायकर्मजम् ॥
तत्सर्वं विलयं याति सकृच्चक्रांकदर्शनात्
mleccha deśe śubhe vāpi cakrāṃko dṛśyate yadi ||
tatra caiva harikṣetraṃ muktidaṃ nātra saṃśayaḥ
||68||म्लेच्छ देशे शुभे वापि चक्रांको दृश्यते यदि ॥
तत्र चैव हरिक्षेत्रं मुक्तिदं नात्र संशयः
mṛtyukāle'pi samprāpte yadi dhyāyeddhariṃ naraḥ ||
cakrāṃkaṃ dhārayedaṃge sa yāti paramaṃ padam
||69||मृत्युकालेऽपि सम्प्राप्ते यदि ध्यायेद्धरिं नरः ॥
चक्रांकं धारयेदंगे स याति परमं पदम्
hṛdayasthe ca cakrāṃke pūto bhavati tatkṣaṇāt ||
nopasarpaṃti taṃ bhītā dūtāḥ kṛṣṇāyudhaṃ tadā ||
vaiṣṇavaṃ lokamā pnoti nātra kāryā vicāraṇā
||70||हृदयस्थे च चक्रांके पूतो भवति तत्क्षणात् ॥
नोपसर्पंति तं भीता दूताः कृष्णायुधं तदा ॥
वैष्णवं लोकमा प्नोति नात्र कार्या विचारणा
api pāpasamācāraḥ kiṃ punardhārmikaḥ śuciḥ ||
gomatī saṃgame snātvā cakratīrthe tathaiva ca ||
mucyate pātakairghorai rmānavo nātra saṃśayaḥ
||71||अपि पापसमाचारः किं पुनर्धार्मिकः शुचिः ॥
गोमती संगमे स्नात्वा चक्रतीर्थे तथैव च ॥
मुच्यते पातकैर्घोरै र्मानवो नात्र संशयः
rājasāḥ sattvamāyāṃti viṣṇudharmaṃ sanātanam ||
kṣetrasya tasya māhātmyātsatyametatprakīrtitam
||72||राजसाः सत्त्वमायांति विष्णुधर्मं सनातनम् ॥
क्षेत्रस्य तस्य माहात्म्यात्सत्यमेतत्प्रकीर्तितम्
tāmasaṃ rājasaṃ cāpi yatkiñcidviṣṇupūjane ||
tacca sattvatvamāyāti nimnagā ca yathārṇave
||73||तामसं राजसं चापि यत्किञ्चिद्विष्णुपूजने ॥
तच्च सत्त्वत्वमायाति निम्नगा च यथार्णवे
durlabhā dvārakā vipra durlabhaṃ gomatījalam ||
durlabhaṃ jāgaro rātrau durlabhaṃ kṛṣṇadarśanam
||74||दुर्लभा द्वारका विप्र दुर्लभं गोमतीजलम् ॥
दुर्लभं जागरो रात्रौ दुर्लभं कृष्णदर्शनम्
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe caturthe dvārakāmāhātmye gomatyudadhi saṃgamasnānādimāhātmyapūrvaka cakratīrthamāhātmyavarṇanaṃnāmāṣṭamo'dhyāyaḥ || 8 ||