6 agastyo maitrāvaruṇiḥ | indraḥ| 1 skaṃdhogrīvī bṛhatī, 2-5 anuṣṭup, 6 triṣṭup|
matsyapā̍yi te̱ maha̱: pātra̍syeva harivo matsa̱ro mada̍: |
vṛṣā̍ te̱ vṛṣṇa̱ indu̍rvā̱jī sa̍hasra̱sāta̍maḥ
||1||ā na̍ste gantu matsa̱ro vṛṣā̱ mado̱ vare̍ṇyaḥ | sa̱hāvā̍m̐ indra sāna̱siḥ pṛ̍tanā̱ṣāl̤ama̍rtyaḥ
||2||tvaṃ hi śūra̱: sani̍tā co̱dayo̱ manu̍ṣo̱ ratha̍m | sa̱hāvā̱n dasyu̍mavra̱tamoṣa̱: pātra̱ṃ na śo̱ciṣā̍
||3||mu̱ṣā̱ya sūrya̍ṃ kave ca̱kramīśā̍na̱ oja̍sā | vaha̱ śuṣṇā̍ya va̱dhaṃ kutsa̱ṃ vāta̱syāśvai̍:
||4||śu̱ṣminta̍mo̱ hi te̱ mado̍ dyu̱mninta̍ma u̱ta kratu̍: | vṛ̱tra̱ghnā va̍rivo̱vidā̍ maṃsī̱ṣṭhā a̍śva̱sāta̍maḥ
||5||yathā̱ pūrve̍bhyo jari̱tṛbhya̍ indra̱ maya̍ i̱vāpo̱ na tṛṣya̍te ba̱bhūtha̍ |
tāmanu̍ tvā ni̱vida̍ṃ johavīmi vi̱dyāme̱ṣaṃ vṛ̱jana̍ṃ jī̱radā̍num
||6||