Study
- Anukramaṇī
- Source
3 maitrāvaruṇirvasiṣṭha:| ādityā: | triṣṭup |
ā̱di̱tyānā̱mava̍sā̱ nūta̍nena sakṣī̱mahi̱ śarma̍ṇā̱ śaṃta̍mena |
a̱nā̱gā̱stve a̍diti̱tve tu̱rāsa̍ i̱maṃ ya̱jñaṃ da̍dhatu̱ śroṣa̍māṇāḥ
||1||आ॒दि॒त्याना॒मव॑सा॒ नूत॑नेन सक्षी॒महि॒ शर्म॑णा॒ शंत॑मेन ।
अ॒ना॒गा॒स्त्वे अ॑दिति॒त्वे तु॒रास॑ इ॒मं य॒ज्ञं द॑धतु॒ श्रोष॑माणाः
ā̱di̱tyāso̱ adi̍tirmādayantāṃ mi̱tro a̍rya̱mā varu̍ṇo̱ raji̍ṣṭhāḥ |
a̱smāka̍ṃ santu̱ bhuva̍nasya go̱pāḥ piba̍ntu̱ soma̱mava̍se no a̱dya
||2||आ॒दि॒त्यासो॒ अदि॑तिर्मादयन्तां मि॒त्रो अ॑र्य॒मा वरु॑णो॒ रजि॑ष्ठाः ।
अ॒स्माकं॑ सन्तु॒ भुव॑नस्य गो॒पाः पिब॑न्तु॒ सोम॒मव॑से नो अ॒द्य
ā̱di̱tyā viśve̍ ma̱ruta̍śca̱ viśve̍ de̱vāśca̱ viśva̍ ṛ̱bhava̍śca̱ viśve̍ |
indro̍ a̱gnira̱śvinā̍ tuṣṭuvā̱nā yū̱yaṃ pā̍ta sva̱stibhi̱: sadā̍ naḥ
||3||आ॒दि॒त्या विश्वे॑ म॒रुत॑श्च॒ विश्वे॑ दे॒वाश्च॒ विश्व॑ ऋ॒भव॑श्च॒ विश्वे॑ ।
इन्द्रो॑ अ॒ग्निर॒श्विना॑ तुष्टुवा॒ना यू॒यं पा॑त स्व॒स्तिभि॒: सदा॑ नः