5 nodhā gautamaḥ| agniḥ|triṣṭup|
vahni̍ṃ ya̱śasa̍ṃ vi̱datha̍sya ke̱tuṃ su̍prā̱vya̍ṃ dū̱taṃ sa̱dyoa̍rtham |
dvi̱janmā̍naṃ ra̱yimi̍va praśa̱staṃ rā̱tiṃ bha̍ra̱d bhṛga̍ve māta̱riśvā̍
||1||a̱sya śāsu̍ru̱bhayā̍saḥ sacante ha̱viṣma̍nta u̱śijo̱ ye ca̱ martā̍: |
di̱vaści̱t pūrvo̱ nya̍sādi̱ hotā̱ ''pṛcchyo̍ vi̱śpati̍rvi̱kṣu ve̱dhāḥ
||2||taṃ navya̍sī hṛ̱da ā jāya̍mānama̱smat su̍kī̱rtirmadhu̍jihvamaśyāḥ |
yamṛ̱tvijo̍ vṛ̱jane̱ mānu̍ṣāsa̱: praya̍svanta ā̱yavo̱ jīja̍nanta
||3||u̱śik pā̍va̱ko vasu̱rmānu̍ṣeṣu̱ vare̍ṇyo̱ hotā̍dhāyi vi̱kṣu |
damū̍nā gṛ̱hapa̍ti̱rdama̱ ām̐ a̱gnirbhu̍vad rayi̱patī̍ rayī̱ṇām
||4||taṃ tvā̍ va̱yaṃ pati̍magne rayī̱ṇāṃ pra śa̍ṃsāmo ma̱tibhi̱rgota̍māsaḥ |
ā̱śuṃ na vā̍jambha̱raṃ ma̱rjaya̍ntaḥ prā̱tarma̱kṣū dhi̱yāva̍surjagamyāt
||5||