5 gāthino viśvāmitraḥ| agniḥ, 4 agnīndrau| virāṭ|
agne̍ di̱vaḥ sū̱nura̍si̱ prace̍tā̱stanā̍ pṛthi̱vyā u̱ta vi̱śvave̍dāḥ |
ṛdha̍gde̱vām̐ i̱ha ya̍jā cikitvaḥ
||1||a̱gniḥ sa̍noti vī̱ryā̍ṇi vi̱dvān tsa̱noti̱ vāja̍ma̱mṛtā̍ya̱ bhūṣa̍n |
sa no̍ de̱vām̐ eha va̍hā purukṣo
||2||a̱gnirdyāvā̍pṛthi̱vī vi̱śvaja̍nye̱ ā bhā̍ti de̱vī a̱mṛte̱ amū̍raḥ |
kṣaya̱n vājai̍: puruśca̱ndro namo̍bhiḥ
||3||agna̱ indra̍śca dā̱śuṣo̍ duro̱ṇe su̱tāva̍to ya̱jñami̱hopa̍ yātam |
ama̍rdhantā soma̱peyā̍ya devā
||4||agne̍ a̱pāṃ sami̍dhyase duro̱ṇe nitya̍: sūno sahaso jātavedaḥ |
sa̱dhasthā̍ni ma̱haya̍māna ū̱tī
||5||