4 vāmadevo gautamaḥ| indravāyū, 1 vāyuḥ| anuṣṭup |
vāyo̍ śu̱kro a̍yāmi te̱ madhvo̱ agra̱ṃ divi̍ṣṭiṣu |
ā yā̍hi̱ soma̍pītaye spā̱rho de̍va ni̱yutva̍tā
||1||indra̍śca vāyaveṣā̱ṃ somā̍nāṃ pī̱tima̍rhathaḥ |
yu̱vāṃ hi yantīnda̍vo ni̱mnamāpo̱ na sa̱dhrya̍k
||2||vāya̱vindra̍śca śu̱ṣmiṇā̍ sa̱ratha̍ṃ śavasaspatī |
ni̱yutva̍ntā na ū̱taya̱ ā yā̍ta̱ṃ soma̍pītaye
||3||yā vā̱ṃ santi̍ puru̱spṛho̍ ni̱yuto̍ dā̱śuṣe̍ narā |
a̱sme tā ya̍jñavāha̱sendra̍vāyū̱ ni ya̍cchatam
||4||