devīmahiṣāsurayuddhavarṇanam
ṛṣaya ūcuḥ
dvaipāyanavineya tvaṃ sūta paurāṇikottama ||
devīpattanaparyaṃtaṃ cakratīrthamanuttamam
||1||द्वैपायनविनेय त्वं सूत पौराणिकोत्तम ॥
देवीपत्तनपर्यंतं चक्रतीर्थमनुत्तमम्
ityabravīḥ purāsmākamataḥ pṛcchāma kiṃcana ||
devīpuraṃ hi tatkutra yadantaṃ cakratīrthakam
||2||इत्यब्रवीः पुरास्माकमतः पृच्छाम किंचन ॥
देवीपुरं हि तत्कुत्र यदन्तं चक्रतीर्थकम्
devīpattana mityākhyā kathaṃ tasyābhavattathā ||
śrīrāmasetumūle ca snātānāṃ pāpināmapiḥ
||3||देवीपत्तन मित्याख्या कथं तस्याभवत्तथा ॥
श्रीरामसेतुमूले च स्नातानां पापिनामपिः
kīdṛśaṃ vā bhavetpuṇyaṃ cakratīrthe tathaiva ca ||
etaccānyānviśe ṣāṃśca brūhi paurāṇikottama
||4||कीदृशं वा भवेत्पुण्यं चक्रतीर्थे तथैव च ॥
एतच्चान्यान्विशे षांश्च ब्रूहि पौराणिकोत्तम
śrīsūta uvāca
sarvametatpravakṣyāmi śṛṇudhvaṃ munipuṃgavāḥ ||
paṭhatāṃ śṛṇvatāṃ caitadākhyānaṃ pāpanāśa nam
||5||सर्वमेतत्प्रवक्ष्यामि शृणुध्वं मुनिपुंगवाः ॥
पठतां शृण्वतां चैतदाख्यानं पापनाश नम्
yatra pāṣāṇanavakaṃ sthāpayitvā raghūdvahaḥ ||
babandha prathamaṃ setuṃ samudre maithilīpatiḥ
||6||यत्र पाषाणनवकं स्थापयित्वा रघूद्वहः ॥
बबन्ध प्रथमं सेतुं समुद्रे मैथिलीपतिः
devīpuraṃ tu tatraiva yadantaṃ cakratīrthakam ||
devīpattanamityākhyā yathā tasya samāgatā
||7||देवीपुरं तु तत्रैव यदन्तं चक्रतीर्थकम् ॥
देवीपत्तनमित्याख्या यथा तस्य समागता
tadbravīmi muniśreṣṭhāḥ śṛṇudhvaṃ śraddhayā saha ||
purā devāsure yuddhe devairnāśitaputriṇī ||
ditiḥ provāca tanayāmātmanaḥ śokamohitā
||8||तद्ब्रवीमि मुनिश्रेष्ठाः शृणुध्वं श्रद्धया सह ॥
पुरा देवासुरे युद्धे देवैर्नाशितपुत्रिणी ॥
दितिः प्रोवाच तनयामात्मनः शोकमोहिता
ditiruvāca
yāhi putri tapaḥ kartuṃ tapovanamanuttamam
||9||याहि पुत्रि तपः कर्तुं तपोवनमनुत्तमम्
putrārthaṃ tava suśroṇi niyatā niyatendriyā ||
indrādayo na śiṣyeranyena putreṇa vai surāḥ
||10||पुत्रार्थं तव सुश्रोणि नियता नियतेन्द्रिया ॥
इन्द्रादयो न शिष्येरन्येन पुत्रेण वै सुराः
uditā tanayā caivaṃ jananyā tāṃ praṇamya sā ||
svīkṛtya māhiṣaṃ rūpaṃ vanaṃ pañcāgnimadhyagā
||11||उदिता तनया चैवं जनन्या तां प्रणम्य सा ॥
स्वीकृत्य माहिषं रूपं वनं पञ्चाग्निमध्यगा
tapo'tapyata sā ghoraṃ tena lokāścakaṃpire ||
tasyāṃ tapaḥ prakurvaṃtyāṃ trilokyāsīdbhayāturā
||12||तपोऽतप्यत सा घोरं तेन लोकाश्चकंपिरे ॥
तस्यां तपः प्रकुर्वंत्यां त्रिलोक्यासीद्भयातुरा
indrādayaḥ sura gaṇā mohamāpurdvijottamāḥ ||
supārśvastapasā tasyā muniḥ kṣubdho'vadattu tām
||13||इन्द्रादयः सुर गणा मोहमापुर्द्विजोत्तमाः ॥
सुपार्श्वस्तपसा तस्या मुनिः क्षुब्धोऽवदत्तु ताम्
supārśva uvāca
parituṣṭo'smi suśroṇi putrastava bhaviṣyati ||
mukhena mahiṣākāro vapuṣā nararūpavān
||14||परितुष्टोऽस्मि सुश्रोणि पुत्रस्तव भविष्यति ॥
मुखेन महिषाकारो वपुषा नररूपवान्
mahiṣo nāmaputraste bhaviṣyatyativīryavān ||
pīḍayiṣyati yaḥ svargaṃ devendraṃ ca sasainikam
||15||महिषो नामपुत्रस्ते भविष्यत्यतिवीर्यवान् ॥
पीडयिष्यति यः स्वर्गं देवेन्द्रं च ससैनिकम्
supārśvastvevamuktvā tāṃ vinivārya tapastathā ||
āgacchadātmano lokamanunīya tapasvinīm
||16||सुपार्श्वस्त्वेवमुक्त्वा तां विनिवार्य तपस्तथा ॥
आगच्छदात्मनो लोकमनुनीय तपस्विनीम्
atha jajñe sa mahiṣo yathoktaṃ brahmaṇā purā ||
vyavarddhata mahāvīryaḥ parvaṇīva mahodadhiḥ
||17||अथ जज्ञे स महिषो यथोक्तं ब्रह्मणा पुरा ॥
व्यवर्द्धत महावीर्यः पर्वणीव महोदधिः
tataḥ putro vipracittervidyunmālyasurāgraṇīḥ ||
anye'pyasuravaryāste saṃti ye bhūtale dvijāḥ
||18||ततः पुत्रो विप्रचित्तेर्विद्युन्माल्यसुराग्रणीः ॥
अन्येऽप्यसुरवर्यास्ते संति ये भूतले द्विजाः
te sarve mahiṣasyāsya śrutvā dattavaraṃ mudā ||
samāgamya muniśreṣṭhāḥ prāvadanmahiṣāsuram
||19||ते सर्वे महिषस्यास्य श्रुत्वा दत्तवरं मुदा ॥
समागम्य मुनिश्रेष्ठाः प्रावदन्महिषासुरम्
svargādhipatyamasmākaṃ pūrva masīnmahāmate ||
devairviṣṇuṃ samāśritya rājyaṃ no hṛtamojasā
||20||स्वर्गाधिपत्यमस्माकं पूर्व मसीन्महामते ॥
देवैर्विष्णुं समाश्रित्य राज्यं नो हृतमोजसा
tadrājyamānaya valādasmākaṃ mahiṣāsura ||
vīryaṃ prakaṭayasvādya prabhāvamapi cātmanaḥ
||21||तद्राज्यमानय वलादस्माकं महिषासुर ॥
वीर्यं प्रकटयस्वाद्य प्रभावमपि चात्मनः
atulyabalavīryastvaṃ brahmadattavaroddhataḥ ||
pulomajāpatiṃ yuddhe jahi devagaṇaiḥ saha
||22||अतुल्यबलवीर्यस्त्वं ब्रह्मदत्तवरोद्धतः ॥
पुलोमजापतिं युद्धे जहि देवगणैः सह
danujairevamukto'sau yoddhukāmo'maraiḥ saha ||
mahā vīryo'tha mahiṣaḥ prayayāvamarāvatīm
||23||दनुजैरेवमुक्तोऽसौ योद्धुकामोऽमरैः सह ॥
महा वीर्योऽथ महिषः प्रययावमरावतीम्
devānāmasurāṇāṃ ca saṃvatsaraśataṃ raṇam ||
purā babhūva vipreṃdrāstumulaṃ romaharṣaṇam
||24||देवानामसुराणां च संवत्सरशतं रणम् ॥
पुरा बभूव विप्रेंद्रास्तुमुलं रोमहर्षणम्
devavṛndaṃ tato bhī tyā puraskṛtya purandaram ||
kāṃdiśīkamabhūdviprā brahmāṇaṃ ca yayau tadā
||25||देववृन्दं ततो भी त्या पुरस्कृत्य पुरन्दरम् ॥
कांदिशीकमभूद्विप्रा ब्रह्माणं च ययौ तदा
brahmā tānamarāsarvānsamādāya yayau punaḥ ||
nārāyaṇaśivau yatra vartete viśvapālakau
||26||ब्रह्मा तानमरासर्वान्समादाय ययौ पुनः ॥
नारायणशिवौ यत्र वर्तेते विश्वपालकौ
tatra gatvā namaskṛtya stutvā stotrairanekaśaḥ ||
brahmā nivedayāmāsa mahiṣāsuraceṣṭitam
||27||तत्र गत्वा नमस्कृत्य स्तुत्वा स्तोत्रैरनेकशः ॥
ब्रह्मा निवेदयामास महिषासुरचेष्टितम्
surāṇāmasuraiḥ pīḍāṃ devayoḥ śaṃbhukṛṣṇayoḥ ||
iṃdrāgniyamasūryeṃdukuberavaruṇādikān
||28||सुराणामसुरैः पीडां देवयोः शंभुकृष्णयोः ॥
इंद्राग्नियमसूर्येंदुकुबेरवरुणादिकान्
nirākṛtyādhikāreṣu teṣāṃ tiṣṭhatyayaṃ svayam ||
anyeṣāṃ devavṛṃdānāmadhikārepi tiṣṭhati
||29||निराकृत्याधिकारेषु तेषां तिष्ठत्ययं स्वयम् ॥
अन्येषां देववृंदानामधिकारेपि तिष्ठति
nirastaṃ devavṛṃdaṃ tatsvarlokādavanītale ||
manuṣyavadvicarate mahiṣāsurabādhitam
||30||निरस्तं देववृंदं तत्स्वर्लोकादवनीतले ॥
मनुष्यवद्विचरते महिषासुरबाधितम्
etajjñāpayituṃ devau yuvayorahamāgataḥ ||
sārddhaṃ deva gaṇairatra rakṣataṃ tānsamāgatān
||31||एतज्ज्ञापयितुं देवौ युवयोरहमागतः ॥
सार्द्धं देव गणैरत्र रक्षतं तान्समागतान्
brahmaṇo vacanaṃ śrutvā rameśvaramaheśvarau ||
kopātkarālavadanau duṣprekṣyau tau babhūvatuḥ
||32||ब्रह्मणो वचनं श्रुत्वा रमेश्वरमहेश्वरौ ॥
कोपात्करालवदनौ दुष्प्रेक्ष्यौ तौ बभूवतुः
atyantakopajvalitānmukhādviṣṇoratha dvijāḥ ||
niścakrāma mahattejaḥ śaṃbhoḥ sraṣṭustathaiva ca
||33||अत्यन्तकोपज्वलितान्मुखाद्विष्णोरथ द्विजाः ॥
निश्चक्राम महत्तेजः शंभोः स्रष्टुस्तथैव च
apareṣāṃ surāṇāṃ ca dehādiṃdraśarīrataḥ ||
tejaḥ samudabhūtkrūraṃ tadekaṃ samajāyata
||34||अपरेषां सुराणां च देहादिंद्रशरीरतः ॥
तेजः समुदभूत्क्रूरं तदेकं समजायत
teṣāṃ tu tejasāṃ rāśirjvalatparvatasaṃnibhaḥ ||
dadṛśe devavṛṃdaistairjvālāvyāptadigaṃtaraḥ
||35||तेषां तु तेजसां राशिर्ज्वलत्पर्वतसंनिभः ॥
ददृशे देववृंदैस्तैर्ज्वालाव्याप्तदिगंतरः
tejasāṃ samudāyo'sau nārī kāci dabhūttadā ||
śivatejo mukhamabhūdviṣṇutejo bhujau dvijāḥ
||36||तेजसां समुदायोऽसौ नारी काचि दभूत्तदा ॥
शिवतेजो मुखमभूद्विष्णुतेजो भुजौ द्विजाः
brahmatejastu caraṇau madhyamaiṃdreṇa tejasā ||
yamasya tejasā keśāḥ kucau caṃdrasya tejasā
||37||ब्रह्मतेजस्तु चरणौ मध्यमैंद्रेण तेजसा ॥
यमस्य तेजसा केशाः कुचौ चंद्रस्य तेजसा
jaṃghorū kalpitau viprā varuṇasya tu tejasā ||
nitaṃbaḥ pṛthivītejaḥ pādāṃgulyo'rkatejasā
||38||जंघोरू कल्पितौ विप्रा वरुणस्य तु तेजसा ॥
नितंबः पृथिवीतेजः पादांगुल्योऽर्कतेजसा
karāṃgulyo vasūnāṃ ca tejasā kalpitāstathā ||
kuberatejasā viprā nāsikāparikalpitā
||39||करांगुल्यो वसूनां च तेजसा कल्पितास्तथा ॥
कुबेरतेजसा विप्रा नासिकापरिकल्पिता
navaprajāpatīnāṃ ca tejasā daṃtapaṃktayaḥ ||
cakṣurdvayaṃ samajani havyavāhanatejasā
||40||नवप्रजापतीनां च तेजसा दंतपंक्तयः ॥
चक्षुर्द्वयं समजनि हव्यवाहनतेजसा
ubhe saṃdhye bhruvau jāte śravaṇe vāyutejasā ||
itareṣāṃ ca devānāṃ tejobhiratidāruṇaiḥ
||41||उभे संध्ये भ्रुवौ जाते श्रवणे वायुतेजसा ॥
इतरेषां च देवानां तेजोभिरतिदारुणैः
kṛtānyāvayavā nārī durgā paramabhāsvarā ||
babhūva durdharṣatarā sarvairapi surāsuraiḥ
||42||कृतान्यावयवा नारी दुर्गा परमभास्वरा ॥
बभूव दुर्धर्षतरा सर्वैरपि सुरासुरैः
sarvavṛṃdārakānīkatejaḥsaṃghasamudbhavā ||
tāṃ dṛṣṭvā prītimāpuste devā mahiṣabādhitāḥ
||43||सर्ववृंदारकानीकतेजःसंघसमुद्भवा ॥
तां दृष्ट्वा प्रीतिमापुस्ते देवा महिषबाधिताः
tato rudrā dayo devā viniṣkṛṣyāyudhānnijāt ||
āyudhāni dadustasyai śūlādīni dvijottamāḥ
||44||ततो रुद्रा दयो देवा विनिष्कृष्यायुधान्निजात् ॥
आयुधानि ददुस्तस्यै शूलादीनि द्विजोत्तमाः
bhūṣaṇāni dadustasyai vastramālyāni caṃdanam ||
sāpi devī tadā vastrairbhūṣaṇaiścaṃdanādibhiḥ
||45||भूषणानि ददुस्तस्यै वस्त्रमाल्यानि चंदनम् ॥
सापि देवी तदा वस्त्रैर्भूषणैश्चंदनादिभिः
kusumairāyudhairhārairbhūṣitā paricārakaiḥ ||
sāṭṭahāsaṃ pramuṃcaṃtī bhairavī bhairavasvanā
||46||कुसुमैरायुधैर्हारैर्भूषिता परिचारकैः ॥
साट्टहासं प्रमुंचंती भैरवी भैरवस्वना
nanāda kaṃpayatīva rodasī devasevitā ||
devyā bhairavanādena cacāla sakalaṃ jagat
||47||ननाद कंपयतीव रोदसी देवसेविता ॥
देव्या भैरवनादेन चचाल सकलं जगत्
siṃhavāhanamārūḍhāṃ devīṃ tāmamarāstadā ||
munayaḥ siddhagaṃdharvāstuṣṭuvurjayaśa bdataḥ
||49||सिंहवाहनमारूढां देवीं ताममरास्तदा ॥
मुनयः सिद्धगंधर्वास्तुष्टुवुर्जयश ब्दतः
atibhīṣaṇanādena devyāḥ kṣubdhaṃ jagattrayam ||
dṛṣṭvā devārayo daityāḥ samuttasthurudāyudhāḥ
||49||अतिभीषणनादेन देव्याः क्षुब्धं जगत्त्रयम् ॥
दृष्ट्वा देवारयो दैत्याः समुत्तस्थुरुदायुधाः
mahiṣo'pi mahākrodhātsamudyata mahāyudhaḥ ||
taṃ śabdamavalakṣyātha yayāvasurasaṃvṛtaḥ
||50||महिषोऽपि महाक्रोधात्समुद्यत महायुधः ॥
तं शब्दमवलक्ष्याथ ययावसुरसंवृतः
vyalokayattato devīṃ tejovyāptajagattrayīm ||
sāyudhānaṃtabāhvāḍhayāṃ nādakaṃpitabhūtalām
||51||व्यलोकयत्ततो देवीं तेजोव्याप्तजगत्त्रयीम् ॥
सायुधानंतबाह्वाढयां नादकंपितभूतलाम्
kṣobhitāśeṣaśeṣādimahānāgaparaṃparām ||
vilokya devīmasurāḥ samanahyannudāyudhāḥ
||52||क्षोभिताशेषशेषादिमहानागपरंपराम् ॥
विलोक्य देवीमसुराः समनह्यन्नुदायुधाः
tato devyā tayā sārddhamasurāṇāmabhūdraṇaḥ ||
astraiḥ śastraiḥ śaraiścakrairgadābhirmusalairapi
||53||ततो देव्या तया सार्द्धमसुराणामभूद्रणः ॥
अस्त्रैः शस्त्रैः शरैश्चक्रैर्गदाभिर्मुसलैरपि
gajāśvarathapādātairasaṃkhyeyairmahāvalaḥ ||
mahiṣo yuyudhe tatra devyā sākamariṃdamaḥ
||54||गजाश्वरथपादातैरसंख्येयैर्महावलः ॥
महिषो युयुधे तत्र देव्या साकमरिंदमः
lakṣako ṭisahasrāṇi pradhānāsurayūthapāḥ ||
ekaikasya tu senāyāsteṣāṃ saṃkhyā na vidyate
||55||लक्षको टिसहस्राणि प्रधानासुरयूथपाः ॥
एकैकस्य तु सेनायास्तेषां संख्या न विद्यते
te sarve yugapaddevīṃ śastrairāvavrurojasā ||
sāpi devī tato bhīmā daityamuktāstrasaṃcayam
||56||ते सर्वे युगपद्देवीं शस्त्रैरावव्रुरोजसा ॥
सापि देवी ततो भीमा दैत्यमुक्तास्त्रसंचयम्
bibheda līlayā bāṇaiḥ svakārmukaviniḥsṛtaiḥ ||
sasarja daityakāyeṣu bāṇapūgānyanekaśaḥ
||57||बिभेद लीलया बाणैः स्वकार्मुकविनिःसृतैः ॥
ससर्ज दैत्यकायेषु बाणपूगान्यनेकशः
devyāśrayabalā ddevā nirbhayā daityayūthapaiḥ ||
yuyudhuḥ saṃyuge śastrairastrairapyāyudhāṃtaraiḥ
||58||देव्याश्रयबला द्देवा निर्भया दैत्ययूथपैः ॥
युयुधुः संयुगे शस्त्रैरस्त्रैरप्यायुधांतरैः
tato devā balotsiktā devīśaktyupabṛṃhitāḥ ||
niḥśeṣamasurānsarvānāyu dhairniramūlayan
||59||ततो देवा बलोत्सिक्ता देवीशक्त्युपबृंहिताः ॥
निःशेषमसुरान्सर्वानायु धैर्निरमूलयन्
svasainye tu kṣayaṃ yāte saṃkṣubdho mahiṣāsuraḥ ||
cāpamādāya vegena vikṛṣya ca mahāsvanam
||60||स्वसैन्ये तु क्षयं याते संक्षुब्धो महिषासुरः ॥
चापमादाय वेगेन विकृष्य च महास्वनम्
saṃdhāya mumuce bāṇāndeva sainyeṣu bhūsurāḥ ||
iṃdre tu daśasāhasraṃ yame paṃcasahasrakam
||61||संधाय मुमुचे बाणान्देव सैन्येषु भूसुराः ॥
इंद्रे तु दशसाहस्रं यमे पंचसहस्रकम्
varuṇe cāṣṭasāhasraṃ kubere ṣaṭsahasrakam ||
sūrye caṃdre ca vahnau ca vāyau vasuṣu cāśvinoḥ
||62||वरुणे चाष्टसाहस्रं कुबेरे षट्सहस्रकम् ॥
सूर्ये चंद्रे च वह्नौ च वायौ वसुषु चाश्विनोः
anyeṣvapi ca deveṣu mahiṣo dānaveśvaraḥ ||
pratyekamayutaṃ bāṇānmumuce balināṃ varaḥ
||63||अन्येष्वपि च देवेषु महिषो दानवेश्वरः ॥
प्रत्येकमयुतं बाणान्मुमुचे बलिनां वरः
palāyaṃte tato devā mahiṣāsuramardditāḥ ||
devīṃ śaraṇamājagmustrāhitrāhītivādinaḥ
||64||पलायंते ततो देवा महिषासुरमर्द्दिताः ॥
देवीं शरणमाजग्मुस्त्राहित्राहीतिवादिनः
tato devī gaṇānsvasya bhūtavetālakādikān ||
yūyaṃ nāśayata kṣipramāsuraṃ balamityaśāt
||65||ततो देवी गणान्स्वस्य भूतवेतालकादिकान् ॥
यूयं नाशयत क्षिप्रमासुरं बलमित्यशात्
ahaṃ tu mahiṣaṃ yuddhe yodhayāmi valoddhatam ||
tato devyā gaṇaiḥ sarvamāsuraṃ kṣatamāśu vai
||66||अहं तु महिषं युद्धे योधयामि वलोद्धतम् ॥
ततो देव्या गणैः सर्वमासुरं क्षतमाशु वै
tataḥ sainyaṃ kṣayaṃ nīte gaṇai rdevīpracoditaiḥ ||
yoddhukāmaḥ sa mahiṣo gaṇaiḥ sākaṃ vyatiṣṭhata
||67||ततः सैन्यं क्षयं नीते गणै र्देवीप्रचोदितैः ॥
योद्धुकामः स महिषो गणैः साकं व्यतिष्ठत
atrāṃtare mahānādaḥ sucakṣuśca mahāhanuḥ ||
mahācaṃḍo mahābhakṣo mahodarama hotkaṭau
||68||अत्रांतरे महानादः सुचक्षुश्च महाहनुः ॥
महाचंडो महाभक्षो महोदरम होत्कटौ
pañcāsyaḥ pādacūḍaśca bahunetraḥ prabāhukaḥ ||
ekākṣastvekapādaśca bahupādo'pyapādakaḥ
||69||पञ्चास्यः पादचूडश्च बहुनेत्रः प्रबाहुकः ॥
एकाक्षस्त्वेकपादश्च बहुपादोऽप्यपादकः
ete cānye ca bahavo mahiṣāsura maṃtriṇaḥ ||
yoddhukāmā raṇe devyāḥ puratastvavatasthire
||70||एते चान्ये च बहवो महिषासुर मंत्रिणः ॥
योद्धुकामा रणे देव्याः पुरतस्त्ववतस्थिरे
siṃhaṃ vāhanamāruhya tato devī manojavam ||
pralayāṃbudanirghoṣaṃ cāpamādāya bhairavam
||71||सिंहं वाहनमारुह्य ततो देवी मनोजवम् ॥
प्रलयांबुदनिर्घोषं चापमादाय भैरवम्
visphoṭya mumuce bāṇānvajravegasamānyudhi ||
daśalakṣagajaiścāpi śatalakṣaiśca vājibhiḥ
||72||विस्फोट्य मुमुचे बाणान्वज्रवेगसमान्युधि ॥
दशलक्षगजैश्चापि शतलक्षैश्च वाजिभिः
śatalakṣai rathaiścāpi lakṣāyutapadātibhiḥ ||
yukto mahāhanurdaityo devyā yudhi nipātitaḥ
||73||शतलक्षै रथैश्चापि लक्षायुतपदातिभिः ॥
युक्तो महाहनुर्दैत्यो देव्या युधि निपातितः
sainye ca tasya nihatā devyā bāṇairdvijottamāḥ ||
lakṣakoṭisahasrāṇi pradhānāsuranāyakāḥ
||74||सैन्ये च तस्य निहता देव्या बाणैर्द्विजोत्तमाः ॥
लक्षकोटिसहस्राणि प्रधानासुरनायकाः
mahiṣasya hi vidyante mahābalaparākramāḥ ||
ekaikasya pradhānasya caturaṅgabalaṃ tathā
||75||महिषस्य हि विद्यन्ते महाबलपराक्रमाः ॥
एकैकस्य प्रधानस्य चतुरङ्गबलं तथा
mahāhanoryathā viprāstathaivāsti mahadbalam ||
tatsarvaṃ nihataṃ devyā śaraiḥ kāṃcanapuṃkhitaiḥ
||76||महाहनोर्यथा विप्रास्तथैवास्ति महद्बलम् ॥
तत्सर्वं निहतं देव्या शरैः कांचनपुंखितैः
yāmamātreṇa vipreṃdrāstadadbhutamivābhavat
||77||याममात्रेण विप्रेंद्रास्तदद्भुतमिवाभवत्
iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye cakratīrthapraśaṃsāyāṃ devīpurābhidhānakathane devīmahiṣāsurayuddhavarṇanaṃ nāma ṣaṣṭho'dhyāyaḥ || 6 ||