guptakṣetramidaṃ kasmātkasmādguptaṃ ca nārada
arjuna uvāca
guptakṣetramidaṃ kasmātkasmādguptaṃ ca nārada ||
yasya prabhāvaḥ sumahānnaiva kasyāpi saṃstutaḥ
||1||गुप्तक्षेत्रमिदं कस्मात्कस्माद्गुप्तं च नारद ॥
यस्य प्रभावः सुमहान्नैव कस्यापि संस्तुतः
nārada uvāca
purātanāmatra kathāṃ guptakṣetrasya kāraṇe ||
śṛṇu pāṃḍava śāpena guptamāsīdidaṃ yathā
||2||पुरातनामत्र कथां गुप्तक्षेत्रस्य कारणे ॥
शृणु पांडव शापेन गुप्तमासीदिदं यथा
purā nimitte kasmiṃścitsarvatīrthādhidaivatāḥ ||
praṇāmāya brahmasado brahmāṇaṃ sahitā yayuḥ
||3||पुरा निमित्ते कस्मिंश्चित्सर्वतीर्थाधिदैवताः ॥
प्रणामाय ब्रह्मसदो ब्रह्माणं सहिता ययुः
puṣkarasya prabhāsasya nimiṣasyārbudasya ca ||
kurukṣetrasya kṣetrasya dharmāraṇyasya devatāḥ
||4||पुष्करस्य प्रभासस्य निमिषस्यार्बुदस्य च ॥
कुरुक्षेत्रस्य क्षेत्रस्य धर्मारण्यस्य देवताः
vastrāpathasya śvetasya phalgutīrthaṃ sya cāpi yāḥ ||
kedārasya tathānyeṣāṃ kṣetrāṇāṃ koṭiśo'pi yāḥ
||5||वस्त्रापथस्य श्वेतस्य फल्गुतीर्थं स्य चापि याः ॥
केदारस्य तथान्येषां क्षेत्राणां कोटिशोऽपि याः
siṃdhusāgarayogasya mahīsāgarakasya ca ||
gaṃgāsāgarayogasya adhipāḥ sūkarasya ca
||6||सिंधुसागरयोगस्य महीसागरकस्य च ॥
गंगासागरयोगस्य अधिपाः सूकरस्य च
gaṃgārevāmukhīnāṃ tu nadīnāmadhidevatāḥ ||
śoṇahradapurogāṇāṃ hradānāṃ cādhidevatāḥ
||7||गंगारेवामुखीनां तु नदीनामधिदेवताः ॥
शोणह्रदपुरोगाणां ह्रदानां चाधिदेवताः
te sarve saṃghaśo bhūtvā śraiṣṭhya jñānāya cātmanaḥ ||
samupājagmuramalā mahatīṃ brahmaṇaḥ sabhām
||8||ते सर्वे संघशो भूत्वा श्रैष्ठ्य ज्ञानाय चात्मनः ॥
समुपाजग्मुरमला महतीं ब्रह्मणः सभाम्
tatra tīrthāni sarvāṇi samāyātāni vīkṣya saḥ ||
uttasthau sahitaḥ sarvaiḥ sabhāsadbhiḥ pitāmahaḥ
||9||तत्र तीर्थानि सर्वाणि समायातानि वीक्ष्य सः ॥
उत्तस्थौ सहितः सर्वैः सभासद्भिः पितामहः
praṇamya sarvatīrthebhyaḥ prabaddhakarasaṃpuṭaḥ ||
tīrthāni bhagavānāha vismayotphullalocanaḥ
||10||प्रणम्य सर्वतीर्थेभ्यः प्रबद्धकरसंपुटः ॥
तीर्थानि भगवानाह विस्मयोत्फुल्ललोचनः
adya naḥ sadma sakalaṃ yuṣmābhiratipāvitam ||
vayaṃ ca pāvitā bhūyo yuṣmākaṃ darśanādapi
||11||अद्य नः सद्म सकलं युष्माभिरतिपावितम् ॥
वयं च पाविता भूयो युष्माकं दर्शनादपि
tīrthānāṃ darśanaṃ śreyaḥ sparśanaṃ snānameva ca ||
kīrtanaṃ smaraṇaṃ cāpi na syātpuṇyaṃ vinā param
||12||तीर्थानां दर्शनं श्रेयः स्पर्शनं स्नानमेव च ॥
कीर्तनं स्मरणं चापि न स्यात्पुण्यं विना परम्
mahāpāpānvitā raudrāstvapi ye syuḥ suniṣṭhurāḥ ||
te'pi tīrthaiḥ prapūyaṃte kiṃ punardharmasaṃsthitāḥ
||13||महापापान्विता रौद्रास्त्वपि ये स्युः सुनिष्ठुराः ॥
तेऽपि तीर्थैः प्रपूयंते किं पुनर्धर्मसंस्थिताः
evamuktvā pulastyaṃ sa putramabhyādideśa ha ||
śīghramarghaṃ tīrthahetoḥ samānaya yathārcaye
||14||एवमुक्त्वा पुलस्त्यं स पुत्रमभ्यादिदेश ह ॥
शीघ्रमर्घं तीर्थहेतोः समानय यथार्चये
pulastya uvāca
asaṃkhyānīha tīrthāni dṛśyaṃte padmasaṃbhava ||
yathā diśasi māṃ tāta arghamekamupānaye
||15||असंख्यानीह तीर्थानि दृश्यंते पद्मसंभव ॥
यथा दिशसि मां तात अर्घमेकमुपानये
dharmapravacane śloko yata eṣa pragīyate
||16||धर्मप्रवचने श्लोको यत एष प्रगीयते
bhaveyuryadyasaṃkhyātā arghayogyāḥ samarcane ||
tatasteṣāṃ variṣṭhāya dātavyo'rghaḥ kilaikataḥ
||17||भवेयुर्यद्यसंख्याता अर्घयोग्याः समर्चने ॥
ततस्तेषां वरिष्ठाय दातव्योऽर्घः किलैकतः
brahmovāca
sābhiprāyaṃ sādhu vatsa tvayā proktamidaṃ vacaḥ ||
evaṃ kuruṣvaikamarghamānaya tvaṃ suśīghrataḥ
||18||साभिप्रायं साधु वत्स त्वया प्रोक्तमिदं वचः ॥
एवं कुरुष्वैकमर्घमानय त्वं सुशीघ्रतः
nārada uvāca
tataḥ pulastyo vegena samāninye'rghamuttamam ||
taṃ ca brahmā kare gṛhya tīrthānyāheti bhāratīm
||19||ततः पुलस्त्यो वेगेन समानिन्येऽर्घमुत्तमम् ॥
तं च ब्रह्मा करे गृह्य तीर्थान्याहेति भारतीम्
sarvairbhavadbhiḥ saṃhatya mukhyastvekaḥ prakīrtyatām ||
tasmai cārghaṃ prayacchāmi naivaṃ māmanayaḥ spṛśet
||20||सर्वैर्भवद्भिः संहत्य मुख्यस्त्वेकः प्रकीर्त्यताम् ॥
तस्मै चार्घं प्रयच्छामि नैवं मामनयः स्पृशेत्
tīrthānyūcuḥ
na vayaṃ śreṣṭhatāṃ vidmaḥ kathaṃcana parasparam ||
asmāddhetośca saṃprāptā jñātvā dehi tvameva tat
||21||न वयं श्रेष्ठतां विद्मः कथंचन परस्परम् ॥
अस्माद्धेतोश्च संप्राप्ता ज्ञात्वा देहि त्वमेव तत्
brahmovāca
nāhaṃ vedmi śreṣṭhatāṃ vaḥ kathaṃcana namo'stu vaḥ ||
sarve cāpāramāhātmyaṃ svayaṃ me vaktumarhatha
||22||नाहं वेद्मि श्रेष्ठतां वः कथंचन नमोऽस्तु वः ॥
सर्वे चापारमाहात्म्यं स्वयं मे वक्तुमर्हथ
yatra gaṃgā gayā kāśī puṣkaraṃ naimiṣaṃ tathā ||
kurukṣetraṃ tathā revā mahīsāgarasaṃgamaḥ
||23||यत्र गंगा गया काशी पुष्करं नैमिषं तथा ॥
कुरुक्षेत्रं तथा रेवा महीसागरसंगमः
prabhāsādyāni śataśo yatra nastatra kā matiḥ
||24||प्रभासाद्यानि शतशो यत्र नस्तत्र का मतिः
nārada uvāca
evamukte padmabhuvā kopi novāca kiṃcana ||
cireṇedaṃ tataḥ prāha mahīsāgarasaṃgamaḥ
||25||एवमुक्ते पद्मभुवा कोपि नोवाच किंचन ॥
चिरेणेदं ततः प्राह महीसागरसंगमः
mamainamarghaṃ tvaṃ yaccha caturānana śīghrataḥ ||
yataḥ koṭikalāyāṃ vā mama ko'pi na pūryate
||26||ममैनमर्घं त्वं यच्छ चतुरानन शीघ्रतः ॥
यतः कोटिकलायां वा मम कोऽपि न पूर्यते
yataścendradyumnarājñā tāpyamānā vasuṃdharā ||
sarvatīrthadravībhūtā mahīnāmābhavannadī
||27||यतश्चेन्द्रद्युम्नराज्ञा ताप्यमाना वसुंधरा ॥
सर्वतीर्थद्रवीभूता महीनामाभवन्नदी
sā ca sarvāṇi tīrthāni saṃyuktāni mayā saha ||
sarvatīrthamayastasmādasmi khyāto jagattraye
||28||सा च सर्वाणि तीर्थानि संयुक्तानि मया सह ॥
सर्वतीर्थमयस्तस्मादस्मि ख्यातो जगत्त्रये
guhena ca mahāliṃgaṃ kumāreśvaramīśvaram ||
saṃsthāpya tīrthamukhyatvaṃ mama dattaṃ mahātmanā
||29||गुहेन च महालिंगं कुमारेश्वरमीश्वरम् ॥
संस्थाप्य तीर्थमुख्यत्वं मम दत्तं महात्मना
nāradenāpi mattīre sthānaṃ saṃsthāpya śobhanam ||
sarvebhyaḥ puṇyakṣetrebhyo dattaṃ śraiṣṭhyaṃ purā mama
||30||नारदेनापि मत्तीरे स्थानं संस्थाप्य शोभनम् ॥
सर्वेभ्यः पुण्यक्षेत्रेभ्यो दत्तं श्रैष्ठ्यं पुरा मम
evaṃ tribhirhetuvarairmamevārghaḥ pradīyatām ||
guṇaikadeśe'pi samaṃ mama tīrthaṃ na vai param
||31||एवं त्रिभिर्हेतुवरैर्ममेवार्घः प्रदीयताम् ॥
गुणैकदेशेऽपि समं मम तीर्थं न वै परम्
ityukte vacane pārtha tīrtharājena bhārata ||
sarve nocuḥ kiṃcanāpi kiṃ brahmā vakṣyatīti yat
||32||इत्युक्ते वचने पार्थ तीर्थराजेन भारत ॥
सर्वे नोचुः किंचनापि किं ब्रह्मा वक्ष्यतीति यत्
tato brahmasuto jyeṣṭhaḥ śvetamālyānulepanaḥ ||
dakṣiṇaṃ bāhumuddhatya dharmo vacanamabravīt
||33||ततो ब्रह्मसुतो ज्येष्ठः श्वेतमाल्यानुलेपनः ॥
दक्षिणं बाहुमुद्धत्य धर्मो वचनमब्रवीत्
aho kaṣṭamidaṃ kūktaṃ tīrtharājena mohataḥ ||
santo'pi na guṇā vācyāḥ svayaṃ sadbhiḥ svakā yataḥ
||34||अहो कष्टमिदं कूक्तं तीर्थराजेन मोहतः ॥
सन्तोऽपि न गुणा वाच्याः स्वयं सद्भिः स्वका यतः
svīyānguṇānsvayaṃ yo hi sampatsu prakṣipanparān ||
bravīti rājasastveṣa hyahaṃkāro jugupsitaḥ
||35||स्वीयान्गुणान्स्वयं यो हि सम्पत्सु प्रक्षिपन्परान् ॥
ब्रवीति राजसस्त्वेष ह्यहंकारो जुगुप्सितः
tasmādasmādahaṃkārātsatsvapyeṣu guṇeṣu ca ||
aprakhyātaṃ dhvastarūpamidaṃ tīrthaṃ bhaviṣyati
||36||तस्मादस्मादहंकारात्सत्स्वप्येषु गुणेषु च ॥
अप्रख्यातं ध्वस्तरूपमिदं तीर्थं भविष्यति
staṃbhatīrthamiti khyātaṃ stambho garvaḥ kṛto yataḥ ||
staṃbhasya hi phalaṃ sadyo brahmāpi prāpa kiṃ paraḥ
||37||स्तंभतीर्थमिति ख्यातं स्तम्भो गर्वः कृतो यतः ॥
स्तंभस्य हि फलं सद्यो ब्रह्मापि प्राप किं परः
ityukte dharmadevena hāheti rava utthitaḥ ||
tataḥ śīghraṃ samāyāto yogīśo'haṃ ca pāṃḍava
||38||इत्युक्ते धर्मदेवेन हाहेति रव उत्थितः ॥
ततः शीघ्रं समायातो योगीशोऽहं च पांडव
guhastato vacaḥ prāha dharmadevasamāgame ||
ayuktametacchāpo'yaṃ datto yaddharma dhārṣṭyataḥ
||39||गुहस्ततो वचः प्राह धर्मदेवसमागमे ॥
अयुक्तमेतच्छापोऽयं दत्तो यद्धर्म धार्ष्ट्यतः
bravītu ko'pi sarveṣāṃ tīrthānāṃ teṣu vartatām ||
yadyaiśvaryaṃ nārhatesau mahīsāgarasaṃgamaḥ
||40||ब्रवीतु कोऽपि सर्वेषां तीर्थानां तेषु वर्तताम् ॥
यद्यैश्वर्यं नार्हतेसौ महीसागरसंगमः
tiṣṭhatvātmaguṇo yacca tīrtharājena varṇitaḥ ||
tatra ko viguṇo nāma mithyāvādī yato guṇaḥ
||41||तिष्ठत्वात्मगुणो यच्च तीर्थराजेन वर्णितः ॥
तत्र को विगुणो नाम मिथ्यावादी यतो गुणः
aho na yuktaṃ pālānāṃ yadi te'pyavimṛśya ca ||
evamarthānkariṣyaṃti kaṃ yāṃti śaraṇaṃ prajāḥ
||42||अहो न युक्तं पालानां यदि तेऽप्यविमृश्य च ॥
एवमर्थान्करिष्यंति कं यांति शरणं प्रजाः
evamukte guhenātha dharmo vacanamabravīt ||
satyametadyadarho'yaṃ mahīsāgarasaṃgamaḥ
||43||एवमुक्ते गुहेनाथ धर्मो वचनमब्रवीत् ॥
सत्यमेतद्यदर्होऽयं महीसागरसंगमः
mukhyatvaṃ sarvatīrthānāmarghaṃ cāpi pitāmahāt ||
kiṃtu nātmaguṇā vācyāḥ satāmetatsadā vratam ||
parokṣepi svapraśaṃsā brahmāṇamapi cālayet
||44||मुख्यत्वं सर्वतीर्थानामर्घं चापि पितामहात् ॥
किंतु नात्मगुणा वाच्याः सतामेतत्सदा व्रतम् ॥
परोक्षेपि स्वप्रशंसा ब्रह्माणमपि चालयेत्
svapraśaṃsāṃ prakurvāṇaḥ parākṣepasamanvitām ||
kiṃ divaḥ pṛthivīṃ pūrvaṃ yayātirna papāta ha ||
yāni pūrvaṃ pramāṇāni kṛtānīśena dhīmatā
||45||स्वप्रशंसां प्रकुर्वाणः पराक्षेपसमन्विताम् ॥
किं दिवः पृथिवीं पूर्वं ययातिर्न पपात ह ॥
यानि पूर्वं प्रमाणानि कृतानीशेन धीमता
tāni sampālanīyāni tāni ko'ti kramedbudhaḥ ||
tava pitrā samādiśya yadarthaṃ sthāpitā vayam
||46||तानि सम्पालनीयानि तानि कोऽति क्रमेद्बुधः ॥
तव पित्रा समादिश्य यदर्थं स्थापिता वयम्
pālayāmāsa etacca tvaṃ pālayitumarhasi ||
īśvarāḥ svapramāṇena bhavaṃto yadi kurvate
||47||पालयामास एतच्च त्वं पालयितुमर्हसि ॥
ईश्वराः स्वप्रमाणेन भवंतो यदि कुर्वते
tadasmābhiridaṃ yuktaṃ śāsanaṃ diśyatāṃ param ||
evamuktvā svīyamudrāṃ moktukāmaṃ vṛṣaṃ tadā
||48||तदस्माभिरिदं युक्तं शासनं दिश्यतां परम् ॥
एवमुक्त्वा स्वीयमुद्रां मोक्तुकामं वृषं तदा
ahaṃ prastāvamanvīkṣya vākyametadudairayam ||
namo dharmāya mahate viśvadhātre mahātmane
||49||अहं प्रस्तावमन्वीक्ष्य वाक्यमेतदुदैरयम् ॥
नमो धर्माय महते विश्वधात्रे महात्मने
brahmaviṣṇuśivairnityaṃ pūjitāyāghanāśine ||
yadi mudrāṃ bhavāndharma parityakṣyati karhicit
||50||ब्रह्मविष्णुशिवैर्नित्यं पूजितायाघनाशिने ॥
यदि मुद्रां भवान्धर्म परित्यक्ष्यति कर्हिचित्
tadasmākaṃ kuto bhāvo mā viśvaṃ nāśaya prabho ||
yogīśvaraṃ guhaṃ cāpi saṃmānayitumarhasi
||51||तदस्माकं कुतो भावो मा विश्वं नाशय प्रभो ॥
योगीश्वरं गुहं चापि संमानयितुमर्हसि
śivavanmānanīyo hi yataḥ sākṣācchivātmajaḥ ||
tvāṃ ca devo guhaḥ svāmī saṃmānayitumarhati
||52||शिववन्माननीयो हि यतः साक्षाच्छिवात्मजः ॥
त्वां च देवो गुहः स्वामी संमानयितुमर्हति
yuvayoraikyabhāvena sukhaṃ jīvedidaṃ jagat ||
tvayā pradattaḥ śāpo'yaṃ mā pratyākhyātilakṣaṇaḥ
||53||युवयोरैक्यभावेन सुखं जीवेदिदं जगत् ॥
त्वया प्रदत्तः शापोऽयं मा प्रत्याख्यातिलक्षणः
anugrahaśca kriyatāṃ tīrtharājasya mānada
||54||अनुग्रहश्च क्रियतां तीर्थराजस्य मानद
evamuccaramāṇaṃ māṃ praśasyāhāpi padmabhūḥ ||
sādhvetannāradenoktaṃ dharmaitadvacanaṃ kuru
||55||एवमुच्चरमाणं मां प्रशस्याहापि पद्मभूः ॥
साध्वेतन्नारदेनोक्तं धर्मैतद्वचनं कुरु
sammānaya guhaṃ cāpi guhaḥ svāmī yato hi naḥ ||
evamukte brahmaṇā ca dharmo vacanamabravīt
||56||सम्मानय गुहं चापि गुहः स्वामी यतो हि नः ॥
एवमुक्ते ब्रह्मणा च धर्मो वचनमब्रवीत्
namo guhāya siddhāya kiṃkarāyasya te vayam ||
madīyāṃ skanda vijñaptiṃ nāthaināmavadhāraya
||57||नमो गुहाय सिद्धाय किंकरायस्य ते वयम् ॥
मदीयां स्कन्द विज्ञप्तिं नाथैनामवधारय
staṃbhādetanmahātīrthamaprasiddhaṃ bhaviṣyati ||
staṃbhatīrthamiti khyātaṃ suprasiddhaṃ bhaviṣyati
||58||स्तंभादेतन्महातीर्थमप्रसिद्धं भविष्यति ॥
स्तंभतीर्थमिति ख्यातं सुप्रसिद्धं भविष्यति
stambhatīrthamiti khyātaṃ sarvatīrthaphalapradam ||
yaścātra snānadānāni prakariṣyati mānavaḥ
||59||स्तम्भतीर्थमिति ख्यातं सर्वतीर्थफलप्रदम् ॥
यश्चात्र स्नानदानानि प्रकरिष्यति मानवः
yathoktaṃ ca phalaṃ tasya sphuṭaṃ sarvaṃ bhaviṣyati ||
śanivāre hyamāvāsyā bhavettasyāḥ phalaṃ ca yat
||60||यथोक्तं च फलं तस्य स्फुटं सर्वं भविष्यति ॥
शनिवारे ह्यमावास्या भवेत्तस्याः फलं च यत्
mahīsāgarayātrāyāṃ bhavettaccāvadhāraya ||
prabhāsadaśayātrābhiḥ saptabhiḥ puṣkarasya ca
||61||महीसागरयात्रायां भवेत्तच्चावधारय ॥
प्रभासदशयात्राभिः सप्तभिः पुष्करस्य च
aṣṭābhiśca prayāgasya tatphalaṃ prabhaviṣyati ||
paṃcabhiḥ kurukṣetrasya nakulīśasya ca tribhiḥ
||62||अष्टाभिश्च प्रयागस्य तत्फलं प्रभविष्यति ॥
पंचभिः कुरुक्षेत्रस्य नकुलीशस्य च त्रिभिः
arbudasya ca yatṣaḍbhistatphalaṃ ca bhaviṣyati ||
vastrāpathasya tisṛbhirgaṃgāyāḥ paṃcabhiśca yat
||63||अर्बुदस्य च यत्षड्भिस्तत्फलं च भविष्यति ॥
वस्त्रापथस्य तिसृभिर्गंगायाः पंचभिश्च यत्
kūpodaryāścaturbhiśca tatphalaṃ prabhaviṣyati ||
kāśyāḥ ṣaḍbhistathā yatsyādgodāvaryāśca paṃcabhiḥ
||64||कूपोदर्याश्चतुर्भिश्च तत्फलं प्रभविष्यति ॥
काश्याः षड्भिस्तथा यत्स्याद्गोदावर्याश्च पंचभिः
tatphalaṃ staṃbhatīrthe vai śanidarśe bhaviṣyati ||
evaṃ datte vare skaṃdastadā prītamanābhavat
||65||तत्फलं स्तंभतीर्थे वै शनिदर्शे भविष्यति ॥
एवं दत्ते वरे स्कंदस्तदा प्रीतमनाभवत्
brahmāpi staṃbhatīrthāya dadāvarghaṃ samāhitaḥ ||
dadau ca sarvatīrthānāṃ śreṣṭhatvamamitadyutiḥ
||66||ब्रह्मापि स्तंभतीर्थाय ददावर्घं समाहितः ॥
ददौ च सर्वतीर्थानां श्रेष्ठत्वममितद्युतिः
tīrthāni ca guhaṃ nāthaṃ sammānya visasarja saḥ ||
evametatpurā vṛttaṃ guptakṣetrasya kāraṇam
||67||तीर्थानि च गुहं नाथं सम्मान्य विससर्ज सः ॥
एवमेतत्पुरा वृत्तं गुप्तक्षेत्रस्य कारणम्
bhūyaścāpi prasiddhyarthaṃ preṣitāpsaraso'tra me ||
vimokṣitā grāharūpāttvayā tāśca kurūdvaha
||68||भूयश्चापि प्रसिद्ध्यर्थं प्रेषिताप्सरसोऽत्र मे ॥
विमोक्षिता ग्राहरूपात्त्वया ताश्च कुरूद्वह
yato dharmasya sarvasya nānārūpaiḥ pravartataḥ ||
paritrāṇāya bhavataḥ kṛṣṇasya ca bhavo bhave
||69||यतो धर्मस्य सर्वस्य नानारूपैः प्रवर्ततः ॥
परित्राणाय भवतः कृष्णस्य च भवो भवे
tadidaṃ varṇitaṃ tubhyaṃ sarvatīrthaphalaṃ mahat ||
śrutvaitadāditaḥ pūrvaṃ pumānpāpaiḥ pramucyate
||70||तदिदं वर्णितं तुभ्यं सर्वतीर्थफलं महत् ॥
श्रुत्वैतदादितः पूर्वं पुमान्पापैः प्रमुच्यते
sūta uvāca
śrutveti vijayo dhīmānpraśaśaṃsa suvismitaḥ ||
visṛṣṭo nāradādyaiśca dvārakāṃ prati jagmivān
||71||श्रुत्वेति विजयो धीमान्प्रशशंस सुविस्मितः ॥
विसृष्टो नारदाद्यैश्च द्वारकां प्रति जग्मिवान्
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṃḍe mahīsāgaramāhātmyavarṇane'rjunatīrthayātrāparisamāptivarṇanaṃnāmaṣṭapaṃcāśattamo'dhyāyaḥ || 58 ||