koṭitīrthaprabhāvavarṇanam
pulastya uvāca
koṭitīrthaṃ tato gacchetsarvapātakanāśanam ||
tīrthānāṃ yatra saṃjātā koṭiḥ pārthiva helayā
||1||कोटितीर्थं ततो गच्छेत्सर्वपातकनाशनम् ॥
तीर्थानां यत्र संजाता कोटिः पार्थिव हेलया
yadā syātkalikālastu raudro rājanmahītale ||
mlecchabhūtā janāḥ sarve tatsparśāttīrthaviplavaḥ
||2||यदा स्यात्कलिकालस्तु रौद्रो राजन्महीतले ॥
म्लेच्छभूता जनाः सर्वे तत्स्पर्शात्तीर्थविप्लवः
tisraḥ koṭyo'rdhakoṭiśca tīrthānāṃ bhūmivāsinām ||
teṣāṃ koṭistato'vātsītparvate'rbudasaṃjñake
||3||तिस्रः कोट्योऽर्धकोटिश्च तीर्थानां भूमिवासिनाम् ॥
तेषां कोटिस्ततोऽवात्सीत्पर्वतेऽर्बुदसंज्ञके
puṣkare ca tathā koṭiḥ kurukṣetre ca pārthiva ||
vārāṇasyāmardhakoṭiḥ stutā devaiḥ savāsavaiḥ ||
rājannetāni rakṣaṃti sarve devāḥ savāsavāḥ
||4||पुष्करे च तथा कोटिः कुरुक्षेत्रे च पार्थिव ॥
वाराणस्यामर्धकोटिः स्तुता देवैः सवासवैः ॥
राजन्नेतानि रक्षंति सर्वे देवाः सवासवाः
yadā yadā bhayārttāni mlecchasparśātsamaṃtataḥ ||
sthāneṣveteṣu tiṣṭhaṃti tīrthānyukteṣu satvaram
||5||यदा यदा भयार्त्तानि म्लेच्छस्पर्शात्समंततः ॥
स्थानेष्वेतेषु तिष्ठंति तीर्थान्युक्तेषु सत्वरम्
koṭitīrthāni trīṇyeva tatra jātāni bhūtale ||
ardha koṭisametāni sarvapāpaharāṇi ca
||6||कोटितीर्थानि त्रीण्येव तत्र जातानि भूतले ॥
अर्ध कोटिसमेतानि सर्वपापहराणि च
tasmātsarvaprayatnena snānaṃ tatra samācaret ||
kṛṣṇapakṣe trayodaśyāṃ nabhasye ca viśeṣataḥ
||7||तस्मात्सर्वप्रयत्नेन स्नानं तत्र समाचरेत् ॥
कृष्णपक्षे त्रयोदश्यां नभस्ये च विशेषतः
tatra snānādikaṃ sarvaṃ japahomādikaṃ ca yat ||
sarvaṃ koṭiguṇaṃ rājaṃstatprasādādasaṃśayam
||8||तत्र स्नानादिकं सर्वं जपहोमादिकं च यत् ॥
सर्वं कोटिगुणं राजंस्तत्प्रसादादसंशयम्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe tṛtīye'rbudakhaṇḍe koṭitīrthaprabhāvavarṇanaṃnāma paṃcāśattamo'dhyāyaḥ || 50 ||