kaṭeśvaragaṃgeśvaramāhātmyavarṇanam
pulastyasya uvāca
tataḥ kaṭeśvaraṃ gacchelliṃgaṃ gaurīvinirmitam ||
tathā gaṃgeśvaraṃ cānyadgaṅgayā nirmitaṃ svayam
||1||ततः कटेश्वरं गच्छेल्लिंगं गौरीविनिर्मितम् ॥
तथा गंगेश्वरं चान्यद्गङ्गया निर्मितं स्वयम्
purā samabhavadyuddhamumāyāḥ saha gaṃgayā ||
saubhāgyaṃ prati rājendra tato gaurītyabhāṣata
||2||पुरा समभवद्युद्धमुमायाः सह गंगया ॥
सौभाग्यं प्रति राजेन्द्र ततो गौरीत्यभाषत
yayā saṃpūjitaḥ śaṃbhuḥ śīghraṃ yāsyati darśanam ||
sā saubhāgyavatī nūnabhāvayoḥ saṃbhaviṣyati
||3||यया संपूजितः शंभुः शीघ्रं यास्यति दर्शनम् ॥
सा सौभाग्यवती नूनभावयोः संभविष्यति
evamuktā tato gaṃgā satvaraityātra parvate ||
liṃgamanveṣayāmāsa cirakālādavāpa sā
||4||एवमुक्ता ततो गंगा सत्वरैत्यात्र पर्वते ॥
लिंगमन्वेषयामास चिरकालादवाप सा
dṛṣṭvā gauryātha kaṭakaṃ parvatasya manoharam ||
liṃgākāraṃ mahārāja pūjayāmāsa sā tadā
||5||दृष्ट्वा गौर्याथ कटकं पर्वतस्य मनोहरम् ॥
लिंगाकारं महाराज पूजयामास सा तदा
samyakchraddhāsamopetā tatastuṣṭo maheśvaraḥ ||
pradadau darśanaṃ tasyā varado'smīti cābravīt
||6||सम्यक्छ्रद्धासमोपेता ततस्तुष्टो महेश्वरः ॥
प्रददौ दर्शनं तस्या वरदोऽस्मीति चाब्रवीत्
gauryuvāca
sāpatnyajerṣyayā deva mayā liṃgaṃ prakalpitam ||
tasmātkaṭeśvarākhyā ca loke cāsya bhaviṣyati
||7||सापत्न्यजेर्ष्यया देव मया लिंगं प्रकल्पितम् ॥
तस्मात्कटेश्वराख्या च लोके चास्य भविष्यति
yā nārī patinā muktā sapatnīduḥkhaduḥkhitā ||
asya saṃdarśanādeva sā bhaviṣyati vijvarā ||
sutasaubhāgyasaṃpannā bhartṛprāṇasamā tathā
||8||या नारी पतिना मुक्ता सपत्नीदुःखदुःखिता ॥
अस्य संदर्शनादेव सा भविष्यति विज्वरा ॥
सुतसौभाग्यसंपन्ना भर्तृप्राणसमा तथा
gaṃgayārādhito deva evameva varaṃ dadau ||
tasmālliṃgadvayaṃ tacca draṣṭavyaṃ manujādhipa
||9||गंगयाराधितो देव एवमेव वरं ददौ ॥
तस्माल्लिंगद्वयं तच्च द्रष्टव्यं मनुजाधिप
viśeṣataśca nārībhiḥ sapatnīdoṣahānidam ||
sukhasaubhāgyadaṃ nityaṃ tathā'bhīṣṭapradaṃ nṛṇām
||10||विशेषतश्च नारीभिः सपत्नीदोषहानिदम् ॥
सुखसौभाग्यदं नित्यं तथाऽभीष्टप्रदं नृणाम्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe tṛtīye'rbudakhaṃḍe kaṭeśvaragaṃgeśvaramāhātmyavarṇanaṃnāma dviṣaṣṭitamo'dhyāyaḥ || 62 ||