kṣetratīrthavarṇanam
agastya uvāca
etadbhaviṣyaṃ śrutvāhaṃ vyāsasya śivanaṃdana ||
āścaryabhājanaṃ jātastīrthāni kathayādhunā
||1||एतद्भविष्यं श्रुत्वाहं व्यासस्य शिवनंदन ॥
आश्चर्यभाजनं जातस्तीर्थानि कथयाधुना
ānaṃdakānane yāni yatra saṃti ṣaḍānana ||
tāni liṃgasvarūpāṇi samācakṣva mamāgrataḥ
||2||आनंदकानने यानि यत्र संति षडानन ॥
तानि लिंगस्वरूपाणि समाचक्ष्व ममाग्रतः
skaṃda uvāca
ayameva hi vai praśno devyai devena bhostadā ||
yādṛśaḥ kathito vacmi tādṛśaṃ śṛṇu kuṃbhaja
||3||अयमेव हि वै प्रश्नो देव्यै देवेन भोस्तदा ॥
यादृशः कथितो वच्मि तादृशं शृणु कुंभज
devyuvāca
yāni yāni hi tīrthāni yatrayatra maheśvara ||
tāni tānīha me kāśyāṃ tatratatra vada prabho
||4||यानि यानि हि तीर्थानि यत्रयत्र महेश्वर ॥
तानि तानीह मे काश्यां तत्रतत्र वद प्रभो
devadeva uvāca
śṛṇu devi viśālākṣi tīrthaṃ liṃgamudāhṛtam ||
jalāśayepi tīrthākhyā jātā mūrti parigrahāt
||5||शृणु देवि विशालाक्षि तीर्थं लिंगमुदाहृतम् ॥
जलाशयेपि तीर्थाख्या जाता मूर्ति परिग्रहात्
mūrtayo brahmaviṣṇvarkaśivavighneśvarādikāḥ ||
liṃgaṃ śaivamiti khyātaṃ yatraitattīrthameva tat
||6||मूर्तयो ब्रह्मविष्ण्वर्कशिवविघ्नेश्वरादिकाः ॥
लिंगं शैवमिति ख्यातं यत्रैतत्तीर्थमेव तत्
vārāṇasyāṃ mahādevaḥ prathamaṃ tīrthamucyate ||
taduttare mahākūpaḥ sārasvatapadapradaḥ
||7||वाराणस्यां महादेवः प्रथमं तीर्थमुच्यते ॥
तदुत्तरे महाकूपः सारस्वतपदप्रदः
kṣetrapūrvottarebhāge taddṛṣṭaṃ paśupāśahṛt ||
tatpaścādvigrahavatī pūjyā vārāṇasī naraiḥ
||8||क्षेत्रपूर्वोत्तरेभागे तद्दृष्टं पशुपाशहृत् ॥
तत्पश्चाद्विग्रहवती पूज्या वाराणसी नरैः
sā pūjitā prayatnena sukhavastipradā sadā ||
mahādevasya pūrveṇa goprekṣaṃ liṃgamuttamam
||9||सा पूजिता प्रयत्नेन सुखवस्तिप्रदा सदा ॥
महादेवस्य पूर्वेण गोप्रेक्षं लिंगमुत्तमम्
taddarśanādbhavetsamyaggodānajanitaṃ phalam ||
golokātpreṣitā gāvaḥ pūrvaṃ yacchaṃbhunā svayam
||10||तद्दर्शनाद्भवेत्सम्यग्गोदानजनितं फलम् ॥
गोलोकात्प्रेषिता गावः पूर्वं यच्छंभुना स्वयम्
vārāṇasīṃ samāyātā goprekṣaṃ tattataḥ snṛtam ||
goprekṣāddakṣiṇebhāge dadhīcīśvarasaṃjñitam ||
taddarśanādbhavetpuṃsāṃ phalaṃ yajñasamudbhavam ||
atrīśvaraṃ tu tatprācyāṃ madhukaiṭabhapūjitam
||12||वाराणसीं समायाता गोप्रेक्षं तत्ततः स्नृतम् ॥
गोप्रेक्षाद्दक्षिणेभागे दधीचीश्वरसंज्ञितम् ॥
तद्दर्शनाद्भवेत्पुंसां फलं यज्ञसमुद्भवम् ॥
अत्रीश्वरं तु तत्प्राच्यां मधुकैटभपूजितम्
liṃgaṃ dṛṣṭvā prayatnena vaiṣṇavaṃ padamṛcchati ||
goprekṣātpūrvadigbhāge liṃgaṃ vai vijvaraṃ smṛtam
||13||लिंगं दृष्ट्वा प्रयत्नेन वैष्णवं पदमृच्छति ॥
गोप्रेक्षात्पूर्वदिग्भागे लिंगं वै विज्वरं स्मृतम्
tasya saṃpūjanānmartyo vijvaro jāyate kṣaṇāt ||
prācyāṃ vedeśvarastasya caturvedaphalapradaḥ
||14||तस्य संपूजनान्मर्त्यो विज्वरो जायते क्षणात् ॥
प्राच्यां वेदेश्वरस्तस्य चतुर्वेदफलप्रदः
vedeśvarādudīcyāṃ tu kṣetrajñaścādikeśavaḥ ||
dṛṣṭaṃ tribhuvanaṃ sarvaṃ tasya saṃdarśanāddhruvam
||15||वेदेश्वरादुदीच्यां तु क्षेत्रज्ञश्चादिकेशवः ॥
दृष्टं त्रिभुवनं सर्वं तस्य संदर्शनाद्ध्रुवम्
saṃgameśvaramālokya tatprācyāma jāyatenaghaḥ ||
caturmukhena vidhinā tatpūrveṇa caturmukham
||16||संगमेश्वरमालोक्य तत्प्राच्याम जायतेनघः ॥
चतुर्मुखेन विधिना तत्पूर्वेण चतुर्मुखम्
prayāgasaṃjñakama liṃgamarcitama brahmalokadam ||
tatra śāṃtikarī gaurī pūjitā śāṃtikṛdbhavet
||17||प्रयागसंज्ञकम लिंगमर्चितम ब्रह्मलोकदम् ॥
तत्र शांतिकरी गौरी पूजिता शांतिकृद्भवेत्
varaṇāyāstaṭe pūrve pūjyaṃ kuṃtīśvaraṃ nṛbhiḥ ||
tatpūjanātprajāyaṃte putrā nijakulojjvalāḥ
||18||वरणायास्तटे पूर्वे पूज्यं कुंतीश्वरं नृभिः ॥
तत्पूजनात्प्रजायंते पुत्रा निजकुलोज्ज्वलाः
kuṃtīśvarāduttaratastīrthaṃ vai kāpilo hradaḥ ||
tatra vai snānamātreṇa vṛṣabhadhvajapūjanāt ||
rājasūyasya yajñasya phalaṃ tvavikalaṃ bhavet ||
roravādiṣu ye kecitpitaraḥ koṭisaṃmitāḥ
||20||कुंतीश्वरादुत्तरतस्तीर्थं वै कापिलो ह्रदः ॥
तत्र वै स्नानमात्रेण वृषभध्वजपूजनात् ॥
राजसूयस्य यज्ञस्य फलं त्वविकलं भवेत् ॥
रोरवादिषु ये केचित्पितरः कोटिसंमिताः
tatra śrāddhe kṛte putraiḥ pitṛlokaṃ prayāṃti te ||
ānusūyeśvaraṃ liṃgaṃ goprekṣāduttare mune
||21||तत्र श्राद्धे कृते पुत्रैः पितृलोकं प्रयांति ते ॥
आनुसूयेश्वरं लिंगं गोप्रेक्षादुत्तरे मुने
taddarśanādbhavetstrīṇāṃ pātivratya phalaṃ sphuṭam ||
talliṃgapūrvadigbhāge pūjyaḥ siddhivināyakaḥ
||22||तद्दर्शनाद्भवेत्स्त्रीणां पातिव्रत्य फलं स्फुटम् ॥
तल्लिंगपूर्वदिग्भागे पूज्यः सिद्धिविनायकः
yāṃ siddhiṃ yaḥ samīheta sa tāmāpnoti tannateḥ ||
hiraṇyakaśiporliṃgaṃ gaṇeśātpaścime tataḥ
||23||यां सिद्धिं यः समीहेत स तामाप्नोति तन्नतेः ॥
हिरण्यकशिपोर्लिंगं गणेशात्पश्चिमे ततः
hiraṇyakūpastatrāsti hiraṇyāśvasamṛddhikṛt
||24||हिरण्यकूपस्तत्रास्ति हिरण्याश्वसमृद्धिकृत्
muṃḍāsureśvaraṃ liṃgaṃ tatpratīcyāṃ ca siddhidam ||
abhīṣṭadaṃ tu nairṛtyāṃ goprekṣādvṛṣabheśvaram
||25||मुंडासुरेश्वरं लिंगं तत्प्रतीच्यां च सिद्धिदम् ॥
अभीष्टदं तु नैर्ऋत्यां गोप्रेक्षाद्वृषभेश्वरम्
mune skaṃdeśvaraṃ liṃgaṃ mahādevasya paścime ||
talliṃgapūjanānnṛṇāṃ bhavenmama salokatā
||26||मुने स्कंदेश्वरं लिंगं महादेवस्य पश्चिमे ॥
तल्लिंगपूजनान्नृणां भवेन्मम सलोकता
tatpārśvato hi śākheśo viśākheśaśca tatra vai ||
naigameyeśvarastatra yenye naṃdyādayo gaṇāḥ
||27||तत्पार्श्वतो हि शाखेशो विशाखेशश्च तत्र वै ॥
नैगमेयेश्वरस्तत्र येन्ये नंद्यादयो गणाः
teṣāmapi hi liṃgāni tatra saṃti sahasraśaḥ ||
taddarśanādbhavetpuṃsāṃ tattadgaṇasalokatā
||28||तेषामपि हि लिंगानि तत्र संति सहस्रशः ॥
तद्दर्शनाद्भवेत्पुंसां तत्तद्गणसलोकता
naṃdīśvarātpratīcyāṃ ca śilādeśaḥ kudhīharaḥ ||
mahābalapradastatra hiraṇyākṣeśvaraḥ śubhaḥ
||29||नंदीश्वरात्प्रतीच्यां च शिलादेशः कुधीहरः ॥
महाबलप्रदस्तत्र हिरण्याक्षेश्वरः शुभः
taddakṣiṇeṭṭahāsākhyaṃ liṃgaṃ sarvasukhapradam ||
prasannavadaneśākhyaṃ liṃgaṃ tasyottare śubham
||30||तद्दक्षिणेट्टहासाख्यं लिंगं सर्वसुखप्रदम् ॥
प्रसन्नवदनेशाख्यं लिंगं तस्योत्तरे शुभम्
prasannavadanastiṣṭhedbhaktastaddarśanācchubhāt ||
taduttare prasannodaṃ kuṃḍaṃ nairmalyadaṃ nṛṇām
||31||प्रसन्नवदनस्तिष्ठेद्भक्तस्तद्दर्शनाच्छुभात् ॥
तदुत्तरे प्रसन्नोदं कुंडं नैर्मल्यदं नृणाम्
pratīcyāmaṭṭahāsasya mitrāvaruṇanāmanī ||
liṃge tallokade pūjye mahāpātakahāriṇī
||32||प्रतीच्यामट्टहासस्य मित्रावरुणनामनी ॥
लिंगे तल्लोकदे पूज्ये महापातकहारिणी
nairṛtyāṃ cāṭṭahāsasya vṛddhavāsiṣṭhasaṃjñakam ||
liṃgaṃ tatpūjanātpuṃsāṃ jñānamutpadyate mahat
||33||नैर्ऋत्यां चाट्टहासस्य वृद्धवासिष्ठसंज्ञकम् ॥
लिंगं तत्पूजनात्पुंसां ज्ञानमुत्पद्यते महत्
vasiṣṭheśa samīpasthaḥ kṛṣṇeśo viṣṇulokadaḥ ||
tadyāmyāṃ yājñavalkyeśo brahmatejovivadharnaḥ
||34||वसिष्ठेश समीपस्थः कृष्णेशो विष्णुलोकदः ॥
तद्याम्यां याज्ञवल्क्येशो ब्रह्मतेजोविवधर्नः
prahlādeśvaramabhyarcya tatpaścādbhaktivardhanam ||
svayaṃlīnaḥ śivo yatra bhaktānugrahakāmyayā
||35||प्रह्लादेश्वरमभ्यर्च्य तत्पश्चाद्भक्तिवर्धनम् ॥
स्वयंलीनः शिवो यत्र भक्तानुग्रहकाम्यया
ataḥ svalīnaṃ tatpūrve liṃgaṃ pūjyaṃ prayatnataḥ ||
sadaiva jñānaniṣṭhānāṃ paramānaṃdamicchatām ||
yā gatirvihitā teṣāṃ svalīne sā tanutyajām
||36||अतः स्वलीनं तत्पूर्वे लिंगं पूज्यं प्रयत्नतः ॥
सदैव ज्ञाननिष्ठानां परमानंदमिच्छताम् ॥
या गतिर्विहिता तेषां स्वलीने सा तनुत्यजाम्
vairocaneśvaraṃ liṃgaṃ svalīnātpurataḥ sthitam ||
taduttare balīśaṃ ca mahābalavivardhanam
||37||वैरोचनेश्वरं लिंगं स्वलीनात्पुरतः स्थितम् ॥
तदुत्तरे बलीशं च महाबलविवर्धनम्
tatraiva liṃgaṃ bāṇeśaṃ pūjitaṃ sarvakāmadam ||
caṃdreśvarasya pūrveṇa liṃgaṃ vidyeśvarābhidham
||38||तत्रैव लिंगं बाणेशं पूजितं सर्वकामदम् ॥
चंद्रेश्वरस्य पूर्वेण लिंगं विद्येश्वराभिधम्
sarvāvidyāḥ prasannāḥ syustasya liṃgasya sevanāt ||
taddakṣiṇe tu vīreśo mahāsiddhi vidhāyakaḥ
||39||सर्वाविद्याः प्रसन्नाः स्युस्तस्य लिंगस्य सेवनात् ॥
तद्दक्षिणे तु वीरेशो महासिद्धि विधायकः
tatraiva vikaṭā devī sarvaduḥkhaughamocanī ||
paṃcamudraṃ mahāpīṭhaṃ tajjñeyaṃ sarvasiddhidam
||40||तत्रैव विकटा देवी सर्वदुःखौघमोचनी ॥
पंचमुद्रं महापीठं तज्ज्ञेयं सर्वसिद्धिदम्
tatra japtā mahāmaṃtrāḥ kṣipraṃ sidhyaṃti nānyathā ||
tatpīṭhe vāyukoṇe tu saṃpūjyaḥ sagareśvaraḥ
||41||तत्र जप्ता महामंत्राः क्षिप्रं सिध्यंति नान्यथा ॥
तत्पीठे वायुकोणे तु संपूज्यः सगरेश्वरः
tadarcanādaśvamedhaphalaṃ tvavikalaṃ bhavet ||
tadīśāne ca vālīśastiryagyoni nivārakaḥ
||42||तदर्चनादश्वमेधफलं त्वविकलं भवेत् ॥
तदीशाने च वालीशस्तिर्यग्योनि निवारकः
mahāpāpaughavidhvaṃsī sugrīveśastaduttare ||
hanūmadīśvarastatra brahmacaryaphalapradaḥ
||43||महापापौघविध्वंसी सुग्रीवेशस्तदुत्तरे ॥
हनूमदीश्वरस्तत्र ब्रह्मचर्यफलप्रदः
mahābuddhipradastatra pūjyo jāṃbavatīśvaraḥ ||
āśvine yeśvarau pūjyau gaṃgāyāḥ paścime taṭe
||44||महाबुद्धिप्रदस्तत्र पूज्यो जांबवतीश्वरः ॥
आश्विने येश्वरौ पूज्यौ गंगायाः पश्चिमे तटे
taduttare bhadrahrado gavāṃ kṣīreṇa pūritaḥ ||
kapilānāṃ sahasreṇa samyagdattena yatphalam
||45||तदुत्तरे भद्रह्रदो गवां क्षीरेण पूरितः ॥
कपिलानां सहस्रेण सम्यग्दत्तेन यत्फलम्
tatphalaṃ labhate martyaḥ snāto bhadrahrade dhruvam ||
pūrvābhādrapadā yuktā paurṇamāsī yadā bhavet
||46||तत्फलं लभते मर्त्यः स्नातो भद्रह्रदे ध्रुवम् ॥
पूर्वाभाद्रपदा युक्ता पौर्णमासी यदा भवेत्
tadā puṇyatamaḥ kālo vājimedhaphalapradaḥ ||
hrada paścima tīre tu bhadreśvara vilokanāt
||47||तदा पुण्यतमः कालो वाजिमेधफलप्रदः ॥
ह्रद पश्चिम तीरे तु भद्रेश्वर विलोकनात्
golokaṃ prāpnuyāttasmātpuṇyānnaivātra saṃśayaḥ ||
bhadreśvarādyātudhānyāmupaśāṃta śivo mune
||48||गोलोकं प्राप्नुयात्तस्मात्पुण्यान्नैवात्र संशयः ॥
भद्रेश्वराद्यातुधान्यामुपशांत शिवो मुने
tasya liṃgasya saṃsparśātparā śāṃtiṃ samṛcchati ||
upaśāṃta śivaṃ liṃgaṃ dṛṣṭvā janmaśatārjitam
||49||तस्य लिंगस्य संस्पर्शात्परा शांतिं समृच्छति ॥
उपशांत शिवं लिंगं दृष्ट्वा जन्मशतार्जितम्
tyajedaśreyaso rāśiṃ śreyorāśiṃ ca viṃdati ||
taduttare ca cakreśo yonicakra nivārakaḥ
||50||त्यजेदश्रेयसो राशिं श्रेयोराशिं च विंदति ॥
तदुत्तरे च चक्रेशो योनिचक्र निवारकः
taduttare cakrahrado mahāpuṇyavivardhanaḥ ||
snātvā cakrahrade martyaścakreśaṃ paripūjya ca
||51||तदुत्तरे चक्रह्रदो महापुण्यविवर्धनः ॥
स्नात्वा चक्रह्रदे मर्त्यश्चक्रेशं परिपूज्य च
śivalokamavāpnoti bhāvitenāṃtarātmanā ||
tannairṛte ca śūleśo draṣṭavyaśca prayatnataḥ
||52||शिवलोकमवाप्नोति भावितेनांतरात्मना ॥
तन्नैर्ऋते च शूलेशो द्रष्टव्यश्च प्रयत्नतः
śūlaṃ tatra purā nyastaṃ snānārthaṃ varavarṇini ||
hradastatra samutpannaḥ śūleśasyāgrato mahān
||53||शूलं तत्र पुरा न्यस्तं स्नानार्थं वरवर्णिनि ॥
ह्रदस्तत्र समुत्पन्नः शूलेशस्याग्रतो महान्
snānaṃ kṛtvā hrade tatra dṛṣṭvā śūleśvaraṃ vibhum ||
rudralokaṃ narā yāṃti tyaktvā saṃsāragahvaram
||54||स्नानं कृत्वा ह्रदे तत्र दृष्ट्वा शूलेश्वरं विभुम् ॥
रुद्रलोकं नरा यांति त्यक्त्वा संसारगह्वरम्
tatpūrvato nāradena tapastaptaṃ mahattaram ||
liṃgaṃ ca sthāpitaṃ śreṣṭhaṃ kuṃḍaṃ cāpi śubhaṃ kṛtam
||55||तत्पूर्वतो नारदेन तपस्तप्तं महत्तरम् ॥
लिंगं च स्थापितं श्रेष्ठं कुंडं चापि शुभं कृतम्
tatra kuṃḍe naraḥ snātvā dṛṣṭvā vai nāradeśvaram ||
saṃsārābdhimahāghoraṃ saṃtarennātra saṃjayaḥ
||56||तत्र कुंडे नरः स्नात्वा दृष्ट्वा वै नारदेश्वरम् ॥
संसाराब्धिमहाघोरं संतरेन्नात्र संजयः
nāradeśvara pūrveṇa dṛṣṭvā'vabhrātakeśvaram ||
nirmalāṃ gatimāpnoti pāpaughaṃ ca vimuṃcati
||57||नारदेश्वर पूर्वेण दृष्ट्वाऽवभ्रातकेश्वरम् ॥
निर्मलां गतिमाप्नोति पापौघं च विमुंचति
tadagre tāmrakuṃḍaṃ ca tatra snāto na garbhabhāk ||
vighnahartā gaṇādhyakṣastadvāyavye suvighnahṛt
||58||तदग्रे ताम्रकुंडं च तत्र स्नातो न गर्भभाक् ॥
विघ्नहर्ता गणाध्यक्षस्तद्वायव्ये सुविघ्नहृत्
tatra vighnaharaṃ kuṃḍaṃ tatra snāto na vighnabhāk ||
anārakeśvaraṃ liṃgaṃ tadudagdiśi cottamam
||59||तत्र विघ्नहरं कुंडं तत्र स्नातो न विघ्नभाक् ॥
अनारकेश्वरं लिंगं तदुदग्दिशि चोत्तमम्
kuṃḍaṃ cānārakākhyaṃ vai tatra snāto na nārakī ||
varaṇāyāstaṭe ramye varaṇeśastaduttare
||60||कुंडं चानारकाख्यं वै तत्र स्नातो न नारकी ॥
वरणायास्तटे रम्ये वरणेशस्तदुत्तरे
tatra pāśupataḥ siddhastvakṣapādo mahāmune ||
anenaiva śarīreṇa śāśvatīṃ siddhimāgataḥ
||61||तत्र पाशुपतः सिद्धस्त्वक्षपादो महामुने ॥
अनेनैव शरीरेण शाश्वतीं सिद्धिमागतः
tatpaścime ca śaileśaḥ paranirvāṇakāmadaḥ ||
koṭīśvaraṃ tu tadyāmyāṃ liṃgaṃ śāśvatasiddhidam
||62||तत्पश्चिमे च शैलेशः परनिर्वाणकामदः ॥
कोटीश्वरं तु तद्याम्यां लिंगं शाश्वतसिद्धिदम्
koṭitīrthe hrade snātvā koṭīśaṃ paripūjya ca ||
gavāṃ koṭipradānasya phalamāpnoti mānavaḥ
||63||कोटितीर्थे ह्रदे स्नात्वा कोटीशं परिपूज्य च ॥
गवां कोटिप्रदानस्य फलमाप्नोति मानवः
mahāśmaśānastaṃbhosti koṭīśādvahnidiksthitaḥ ||
tasminstaṃbhe mahārudrastiṣṭhate comayā saha
||64||महाश्मशानस्तंभोस्ति कोटीशाद्वह्निदिक्स्थितः ॥
तस्मिन्स्तंभे महारुद्रस्तिष्ठते चोमया सह
taṃ staṃbhaṃ samalaṃkṛtya narastatpadamāpnuyāt ||
tatraiva tīrthaṃ paramaṃ kapāleśa samīpataḥ
||65||तं स्तंभं समलंकृत्य नरस्तत्पदमाप्नुयात् ॥
तत्रैव तीर्थं परमं कपालेश समीपतः
kapālamocanaṃ nāma tatra snāto'śvamedhabhāk ||
ṛṇamocanatīrthaṃ tu tadudagdiśi śobhanam
||66||कपालमोचनं नाम तत्र स्नातोऽश्वमेधभाक् ॥
ऋणमोचनतीर्थं तु तदुदग्दिशि शोभनम्
tatra tīrthe naraḥ snātvā mukto bhavati carṇataḥ ||
tatraivāṃgārakaṃ tīrthaṃ kuṃḍaṃ cāṃgāranirmalam
||67||तत्र तीर्थे नरः स्नात्वा मुक्तो भवति चर्णतः ॥
तत्रैवांगारकं तीर्थं कुंडं चांगारनिर्मलम्
snātvāṃgāraka tīrthe tu bhavedbhūyo na garbhabhāk ||
aṃgāravārayuktāyāṃ caturthyāṃ snāti yo naraḥ ||
vyādhibhirnābhi bhūyeta na ca duḥkhī kadācana
||68||स्नात्वांगारक तीर्थे तु भवेद्भूयो न गर्भभाक् ॥
अंगारवारयुक्तायां चतुर्थ्यां स्नाति यो नरः ॥
व्याधिभिर्नाभि भूयेत न च दुःखी कदाचन
viśvakarmeśvaraṃ liṃgaṃ jñānadaṃ ca taduttare ||
mahāmuṃḍeśvaraṃ liṃgaṃ tasya dakṣiṇataḥ śubham
||69||विश्वकर्मेश्वरं लिंगं ज्ञानदं च तदुत्तरे ॥
महामुंडेश्वरं लिंगं तस्य दक्षिणतः शुभम्
kūpaḥ śubhoda nāmāpi snātavyaṃ tatra niścitam ||
tatra muṃḍamayī mālā mayā kṣiptātiśobhanā
||70||कूपः शुभोद नामापि स्नातव्यं तत्र निश्चितम् ॥
तत्र मुंडमयी माला मया क्षिप्तातिशोभना
mahāmuṃḍā tato devī samutpannāghahāriṇī ||
khaṭvāṃgaṃ ca dhṛtaṃ tatra khaṭvāṃgeśastatobhavat
||71||महामुंडा ततो देवी समुत्पन्नाघहारिणी ॥
खट्वांगं च धृतं तत्र खट्वांगेशस्ततोभवत्
niṣpāpo jāyate martyaḥ khaṭvāṃgeśa vilokanāt ||
bhuvaneśastato yāmyāṃ kuṃḍaṃ ca bhuvaneśvaram
||72||निष्पापो जायते मर्त्यः खट्वांगेश विलोकनात् ॥
भुवनेशस्ततो याम्यां कुंडं च भुवनेश्वरम्
tatra kuṃḍe naraḥ snāto bhuvane śobhavennaraḥ ||
tadyāmyāṃ vimaleśaśca kuṃḍaṃ ca vimalodakam
||73||तत्र कुंडे नरः स्नातो भुवने शोभवेन्नरः ॥
तद्याम्यां विमलेशश्च कुंडं च विमलोदकम्
tatra snātvā vilokyeśaṃ vimalo jāyate naraḥ ||
tatra pāśupataḥ siddhastryaṃbako nāma nāmataḥ
||74||तत्र स्नात्वा विलोक्येशं विमलो जायते नरः ॥
तत्र पाशुपतः सिद्धस्त्र्यंबको नाम नामतः
anenaiva śarīreṇa rudralokamavāptavān ||
bhṛgorāyatanaṃ tasya paścime'tīva puṇyadam
||72||अनेनैव शरीरेण रुद्रलोकमवाप्तवान् ॥
भृगोरायतनं तस्य पश्चिमेऽतीव पुण्यदम्
vidhipūrvaṃ tadabhyarcya prāpnuyācchivamaṃdiram ||
śubheśvaraśca tadyāmyāṃ mahāśubhaphalapradaḥ
||76||विधिपूर्वं तदभ्यर्च्य प्राप्नुयाच्छिवमंदिरम् ॥
शुभेश्वरश्च तद्याम्यां महाशुभफलप्रदः
tatra siddhaḥ pāśupataḥ kapilarṣirmahātapāḥ ||
tatrāsti hi guhā ramyā kapileśvara saṃnidhau
||77||तत्र सिद्धः पाशुपतः कपिलर्षिर्महातपाः ॥
तत्रास्ति हि गुहा रम्या कपिलेश्वर संनिधौ
tāṃ guhāṃ praviśedyo vai na sa garbhe viśetkvacit ||
tatra yajñodakūposti vājimedhaphalapradaḥ
||78||तां गुहां प्रविशेद्यो वै न स गर्भे विशेत्क्वचित् ॥
तत्र यज्ञोदकूपोस्ति वाजिमेधफलप्रदः
oṃkāra eṣa evāsāvādivarṇamayātmakaḥ ||
matsyodaryuttare kūle nādeśastvahameva ca
||79||ओंकार एष एवासावादिवर्णमयात्मकः ॥
मत्स्योदर्युत्तरे कूले नादेशस्त्वहमेव च
nādeśaḥ paramaṃ brahma nādeśaḥ paramā gatiḥ ||
nādeśaḥ paramaṃ sthānaṃ duḥkhasaṃsāramocanam
||80||नादेशः परमं ब्रह्म नादेशः परमा गतिः ॥
नादेशः परमं स्थानं दुःखसंसारमोचनम्
kadācittasya devasya darśane yāti jāhnavī ||
matsyodarī sā kathitā snānaṃ puṇyairavāpyate
||81||कदाचित्तस्य देवस्य दर्शने याति जाह्नवी ॥
मत्स्योदरी सा कथिता स्नानं पुण्यैरवाप्यते
matsyodarī yadā gaṃgā paścime kapileśvaram ||
samāyāti mahādevi tadā yogaḥ sudurlabhaḥ
||82||मत्स्योदरी यदा गंगा पश्चिमे कपिलेश्वरम् ॥
समायाति महादेवि तदा योगः सुदुर्लभः
uddālakeśvaraṃ liṃgamudīcyāṃ kapileśvarāt ||
taddarśanena saṃsiddhiḥ parā sarvairavāpyate
||83||उद्दालकेश्वरं लिंगमुदीच्यां कपिलेश्वरात् ॥
तद्दर्शनेन संसिद्धिः परा सर्वैरवाप्यते
taduttare bāṣkulīśaṃ liṃgaṃ sarvārthasiddhidam ||
bāṣkulīśāddakṣiṇato liṃgaṃ vai kaustubheśvaram
||84||तदुत्तरे बाष्कुलीशं लिंगं सर्वार्थसिद्धिदम् ॥
बाष्कुलीशाद्दक्षिणतो लिंगं वै कौस्तुभेश्वरम्
tasyārcanena ratnaughairna viyujyeta karhicit ||
śaṃkukarṇeśvaraṃ liṃgaṃ kaustubheśvaradakṣiṇe
||85||तस्यार्चनेन रत्नौघैर्न वियुज्येत कर्हिचित् ॥
शंकुकर्णेश्वरं लिंगं कौस्तुभेश्वरदक्षिणे
saṃsevya paramaṃ jñānaṃ labhedadyāpi sādhakaḥ ||
aghoreśo guhādvāri kūpastasyottare śubhaḥ
||86||संसेव्य परमं ज्ञानं लभेदद्यापि साधकः ॥
अघोरेशो गुहाद्वारि कूपस्तस्योत्तरे शुभः
aghoroda iti khyāto vājimedhaphalapradaḥ ||
gargeśo damaneśaśca tatra liṃgadvayaṃ śubham
||87||अघोरोद इति ख्यातो वाजिमेधफलप्रदः ॥
गर्गेशो दमनेशश्च तत्र लिंगद्वयं शुभम्
anenaiveha dehena yatra tau siddhimāpatuḥ ||
talliṃgayoḥ samarcātaḥ siddhirbhavati vāṃchitā
||88||अनेनैवेह देहेन यत्र तौ सिद्धिमापतुः ॥
तल्लिंगयोः समर्चातः सिद्धिर्भवति वांछिता
taddakṣiṇe mahākuṃḍaṃ rudrāvāsa iti smṛtam ||
tatra rudreśamabhyarcya koṭirudraphalaṃ labhet
||89||तद्दक्षिणे महाकुंडं रुद्रावास इति स्मृतम् ॥
तत्र रुद्रेशमभ्यर्च्य कोटिरुद्रफलं लभेत्
caturdaśī yadāparṇe rudranakṣatra saṃyutā ||
tadā puṇyatamaḥ kālastasminkuṃḍe mahāphalaḥ
||90||चतुर्दशी यदापर्णे रुद्रनक्षत्र संयुता ॥
तदा पुण्यतमः कालस्तस्मिन्कुंडे महाफलः
rudrakuṃḍe naraḥ snātvā dṛṣṭvā rudreśvaraṃ vibhum ||
yatratatra mṛto vāpi rudralokamavāpnuyāt
||91||रुद्रकुंडे नरः स्नात्वा दृष्ट्वा रुद्रेश्वरं विभुम् ॥
यत्रतत्र मृतो वापि रुद्रलोकमवाप्नुयात्
rudrasya nairṛte bhāge liṃgaṃ tatra mahālayam ||
tadagre pitṛkūposti pitṝṇāmālayaḥ paraḥ
||92||रुद्रस्य नैर्ऋते भागे लिंगं तत्र महालयम् ॥
तदग्रे पितृकूपोस्ति पितॄणामालयः परः
tatra śrāddhaṃ naraḥ kṛtvā piṃḍānkūpe parikṣipet ||
ekaviṃśakulopetaḥ śrāddhakṛdrudralokabhāk
||93||तत्र श्राद्धं नरः कृत्वा पिंडान्कूपे परिक्षिपेत् ॥
एकविंशकुलोपेतः श्राद्धकृद्रुद्रलोकभाक्
tatra vaitaraṇī nāma dīrghikā paścimānanā ||
tasyāṃ snāto naro devi narakaṃ naiva gacchati
||94||तत्र वैतरणी नाम दीर्घिका पश्चिमानना ॥
तस्यां स्नातो नरो देवि नरकं नैव गच्छति
bṛhaspatīśvaraṃ liṃgaṃ rudrakuṃḍācca paścime ||
gurupuṣyasamāyoge dṛṣṭvā divyāṃ labhedgiram
||95||बृहस्पतीश्वरं लिंगं रुद्रकुंडाच्च पश्चिमे ॥
गुरुपुष्यसमायोगे दृष्ट्वा दिव्यां लभेद्गिरम्
rudrāvāsāddakṣiṇataḥ kāmeśaṃ liṃgamuttamam ||
taddakṣiṇe mahākuṃḍaṃ snānācciṃtita kāmadam
||96||रुद्रावासाद्दक्षिणतः कामेशं लिंगमुत्तमम् ॥
तद्दक्षिणे महाकुंडं स्नानाच्चिंतित कामदम्
caitraśukla trayodaśyāṃ tatra yātrā ca kāmadā ||
nalakūbara liṃgaṃ ca prācyāṃ kāmeśvarācchubham
||97||चैत्रशुक्ल त्रयोदश्यां तत्र यात्रा च कामदा ॥
नलकूबर लिंगं च प्राच्यां कामेश्वराच्छुभम्
tadagre pāvanaḥ kūpo dhanadhānya samṛddhidaḥ ||
nalakūbarapūrveṇa sūryācaṃdramaseśvarau
||96||तदग्रे पावनः कूपो धनधान्य समृद्धिदः ॥
नलकूबरपूर्वेण सूर्याचंद्रमसेश्वरौ
ajñānadhvāṃtapaṭalīṃ haratastau samarcitau ||
taddakṣiṇedhvakeśaśca dṛṣṭo mohavināśanaḥ
||99||अज्ञानध्वांतपटलीं हरतस्तौ समर्चितौ ॥
तद्दक्षिणेध्वकेशश्च दृष्टो मोहविनाशनः
tatra siddhīśvaraṃ liṃgaṃ mahāsiddhisamarpakam ||
tatraiva maṃḍaleśaśca maṃḍaleśapadapradaḥ
||100||तत्र सिद्धीश्वरं लिंगं महासिद्धिसमर्पकम् ॥
तत्रैव मंडलेशश्च मंडलेशपदप्रदः
kāmakuṃḍasya pūrveṇa cyavaneśaḥ samṛddhidaḥ ||
tatraiva sanakeśaśca rājasūyaphalapradaḥ
||1||कामकुंडस्य पूर्वेण च्यवनेशः समृद्धिदः ॥
तत्रैव सनकेशश्च राजसूयफलप्रदः
sanatkumāra liṃgaṃ ca tatpaścādyogasiddhikṛt ||
taduttare sanaṃdeśo mahājñāna samarthakaḥ
||2||सनत्कुमार लिंगं च तत्पश्चाद्योगसिद्धिकृत् ॥
तदुत्तरे सनंदेशो महाज्ञान समर्थकः
tadyāmyāmāhutīśaśca dṛṣṭo homaphalapradaḥ ||
tadyāmyāṃ puṇyajanakaṃ liṃgaṃ paṃcaśikheśvaram
||3||तद्याम्यामाहुतीशश्च दृष्टो होमफलप्रदः ॥
तद्याम्यां पुण्यजनकं लिंगं पंचशिखेश्वरम्
mārkaṃḍeya hradastasya paścime puṇyavardhanaḥ ||
tasminhrade naraḥ snātvā kiṃ bhūyaḥ pariśocati
||4||मार्कंडेय ह्रदस्तस्य पश्चिमे पुण्यवर्धनः ॥
तस्मिन्ह्रदे नरः स्नात्वा किं भूयः परिशोचति
tatra snānaṃ ca dānaṃ ca bhavedakṣaya puṇyadam ||
taduttare ca kuṃḍeśaḥ sarvasiddhairnamaskṛtaḥ
||5||तत्र स्नानं च दानं च भवेदक्षय पुण्यदम् ॥
तदुत्तरे च कुंडेशः सर्वसिद्धैर्नमस्कृतः
dīkṣāṃ pāśupatīṃ labdhvā dvādaśābdena yatphalam ||
tatphalaṃ labhate vipra martyaḥ kuṃḍeśa darśanāt
||6||दीक्षां पाशुपतीं लब्ध्वा द्वादशाब्देन यत्फलम् ॥
तत्फलं लभते विप्र मर्त्यः कुंडेश दर्शनात्
mārkaṃḍeya hradātpūrvaṃ śāṃḍilyeśaḥ supuṇyadaḥ ||
tatpaścime ca caṃḍeśaścaṃḍāṃśu grahaṇāghahṛt
||7||मार्कंडेय ह्रदात्पूर्वं शांडिल्येशः सुपुण्यदः ॥
तत्पश्चिमे च चंडेशश्चंडांशु ग्रहणाघहृत्
dakṣiṇe ca kapāleśātkuṃḍaṃ śrīkaṃṭhasaṃjñitam ||
tatra kuṃḍe naraḥ snātvā dātā syācchrīprabhāvataḥ
||8||दक्षिणे च कपालेशात्कुंडं श्रीकंठसंज्ञितम् ॥
तत्र कुंडे नरः स्नात्वा दाता स्याच्छ्रीप्रभावतः
mahālakṣmīśvaraṃ liṃgaṃ tasya kuṃḍasya sannidhau ||
mahālakṣmīṃ samabhyarcya snātastatkuṃḍavāriṣu
||9||महालक्ष्मीश्वरं लिंगं तस्य कुंडस्य सन्निधौ ॥
महालक्ष्मीं समभ्यर्च्य स्नातस्तत्कुंडवारिषु
cāmarāsaktahastābhirdivyastrībhiśca vījyate ||
yadā matsyodarīṃ yāṃti svargalokāddivaukasaḥ ||
tadā tenaiva mārgeṇa yāṃti strībhirvṛtāḥ sukham
||110||चामरासक्तहस्ताभिर्दिव्यस्त्रीभिश्च वीज्यते ॥
यदा मत्स्योदरीं यांति स्वर्गलोकाद्दिवौकसः ॥
तदा तेनैव मार्गेण यांति स्त्रीभिर्वृताः सुखम्
svargadvāramataḥ khyātaṃ tatsthānaṃ munisattama ||
tatkuṃḍa dakṣiṇebhāge liṃgaṃ brahmapadapradam
||11||स्वर्गद्वारमतः ख्यातं तत्स्थानं मुनिसत्तम ॥
तत्कुंड दक्षिणेभागे लिंगं ब्रह्मपदप्रदम्
gāyatrīśvara sāvitrīśvarau pūjyau prayatnataḥ ||
matsyodaryāstaṭe ramye liṃgaṃ satyavatīśvaram
||12||गायत्रीश्वर सावित्रीश्वरौ पूज्यौ प्रयत्नतः ॥
मत्स्योदर्यास्तटे रम्ये लिंगं सत्यवतीश्वरम्
tayoḥ pūrveṇa saṃpūjya tapaḥśrī parivardhanam ||
ugreśvaraṃ mahāliṃgaṃ lakṣmīśātpūrvadiksthitam
||13||तयोः पूर्वेण संपूज्य तपःश्री परिवर्धनम् ॥
उग्रेश्वरं महालिंगं लक्ष्मीशात्पूर्वदिक्स्थितम्
jātismaro bhavenmartyastalliṃgasya samarcanāt ||
taddakṣiṇe cograkuṃḍaṃ snānātkanakhalādhikam
||14||जातिस्मरो भवेन्मर्त्यस्तल्लिंगस्य समर्चनात् ॥
तद्दक्षिणे चोग्रकुंडं स्नानात्कनखलाधिकम्
karavīreśvaraṃ liṃgaṃtasya kuṃḍaṃsya paścime ||
tasya darśanataḥ puṃsāṃ jāyate rogasaṃkṣayaḥ
||15||करवीरेश्वरं लिंगंतस्य कुंडंस्य पश्चिमे ॥
तस्य दर्शनतः पुंसां जायते रोगसंक्षयः
tadvāvye marīcīśaṃ kuṃḍaṃ cāghaughanāśanam ||
tatpaścācceṃdrakuṃḍaṃ liṃgaṃ ceṃdreśvaraṃ mune
||16||तद्वाव्ये मरीचीशं कुंडं चाघौघनाशनम् ॥
तत्पश्चाच्चेंद्रकुंडं लिंगं चेंद्रेश्वरं मुने
iṃdreśāddakṣiṇebhāge śubhā karkoṭavāpikā ||
tatra vāpījale snātvā dṛṣṭvā karkoṭakeśvaram
||17||इंद्रेशाद्दक्षिणेभागे शुभा कर्कोटवापिका ॥
तत्र वापीजले स्नात्वा दृष्ट्वा कर्कोटकेश्वरम्
nāgānāmādhipatyaṃ tu jāyate nātra saṃśayaḥ ||
tatpaścāddṛmicaṃḍeśo brahmahatyāharo haraḥ
||18||नागानामाधिपत्यं तु जायते नात्र संशयः ॥
तत्पश्चाद्दृमिचंडेशो ब्रह्महत्याहरो हरः
taddakṣiṇe mahākuṃḍaṃ rudralokaphalapradam ||
tatpaścime mahāliṃgamagnīśa iti viśrutam
||19||तद्दक्षिणे महाकुंडं रुद्रलोकफलप्रदम् ॥
तत्पश्चिमे महालिंगमग्नीश इति विश्रुतम्
āgneyaṃ nāma kuṃḍaṃ ca tatpūrvegnisalokadam ||
āgneyeśvarataḥ prācyāṃ kuṃḍaṃ taddakṣiṇe śubham
||120||आग्नेयं नाम कुंडं च तत्पूर्वेग्निसलोकदम् ॥
आग्नेयेश्वरतः प्राच्यां कुंडं तद्दक्षिणे शुभम्
tatra kuṃḍe naraḥ snātvā svarge vasati pūrvajaiḥ ||
tatprācyāṃ bālacaṃdreśaścaṃdralokagatipradaḥ
||21||तत्र कुंडे नरः स्नात्वा स्वर्गे वसति पूर्वजैः ॥
तत्प्राच्यां बालचंद्रेशश्चंद्रलोकगतिप्रदः
parito bālacaṃdreśaṃ gaṇaliṃgānyanekaśaḥ ||
vilokya tāni liṃgāni gāṇapatyaṃ padaṃ labhet
||22||परितो बालचंद्रेशं गणलिंगान्यनेकशः ॥
विलोक्य तानि लिंगानि गाणपत्यं पदं लभेत्
bālacaṃdra samīpe tu kūpaḥ pitṛgaṇapriyaḥ ||
tatra śrāddhapradaḥ snātvā pitṝnsaptā'tra tārayet
||23||बालचंद्र समीपे तु कूपः पितृगणप्रियः ॥
तत्र श्राद्धप्रदः स्नात्वा पितॄन्सप्ताऽत्र तारयेत्
tadaṃdhoḥ pūrvato liṃgaṃ puṇyaṃ viśveśvarāhvayam ||
viśveśvarasya pūrveṇa vṛddhakāleśvaro haraḥ
||24||तदंधोः पूर्वतो लिंगं पुण्यं विश्वेश्वराह्वयम् ॥
विश्वेश्वरस्य पूर्वेण वृद्धकालेश्वरो हरः
kālodo nāma kūposti tadagre sarvarogahṛt ||
yaistu tatrodakaṃ pītaṃ strībhiḥ puṃbhiḥ svakarmabhiḥ
||25||कालोदो नाम कूपोस्ति तदग्रे सर्वरोगहृत् ॥
यैस्तु तत्रोदकं पीतं स्त्रीभिः पुंभिः स्वकर्मभिः
na teṣāṃ parivartotra kalpakoṭiśatairapi ||
tatpītvā janmabaṃdhotthādbhayānmucyeta mānavaḥ
||26||न तेषां परिवर्तोत्र कल्पकोटिशतैरपि ॥
तत्पीत्वा जन्मबंधोत्थाद्भयान्मुच्येत मानवः
tatra kūpe tu yaddattaṃ dānaṃ śivaratātmanām ||
saṃvartepi na tasyāsti nāśaḥ kalaśasaṃbhava
||27||तत्र कूपे तु यद्दत्तं दानं शिवरतात्मनाम् ॥
संवर्तेपि न तस्यास्ति नाशः कलशसंभव
khaṃḍasphuṭitasaṃskāraṃ tatra kurvaṃti ye narāḥ ||
te rudralokamāsādya modaṃte sukhinaḥ sadā
||28||खंडस्फुटितसंस्कारं तत्र कुर्वंति ये नराः ॥
ते रुद्रलोकमासाद्य मोदंते सुखिनः सदा
kāleśāddakṣiṇe bhāge mṛtyvīśastvapamṛtyuhṛt ||
liṃgaṃ dakṣeśvarāhvaṃ ca tataḥ kūpādudagdiśi
||29||कालेशाद्दक्षिणे भागे मृत्य्वीशस्त्वपमृत्युहृत् ॥
लिंगं दक्षेश्वराह्वं च ततः कूपादुदग्दिशि
aparādhasahasraṃ tu naśyettasya samarcanāt
||130||अपराधसहस्रं तु नश्येत्तस्य समर्चनात्
mahākāleśa liṃgaṃ ca dakṣeśātpūrvato mahat ||
mahākuṃḍe naraḥ snātvā mahākālaṃ tu yorcayet
||31||महाकालेश लिंगं च दक्षेशात्पूर्वतो महत् ॥
महाकुंडे नरः स्नात्वा महाकालं तु योर्चयेत्
arcitaṃ tena vai tatra jagadetaccarācaram ||
aṃtakeśvaramālokya tadyāmyāṃ nāṃtakasya bhīḥ
||32||अर्चितं तेन वै तत्र जगदेतच्चराचरम् ॥
अंतकेश्वरमालोक्य तद्याम्यां नांतकस्य भीः
hastipāleśvaraṃ liṃgaṃ tasya dakṣiṇato mune ||
tasya pūjanato yāti puṇyaṃ vai hastidānajam
||33||हस्तिपालेश्वरं लिंगं तस्य दक्षिणतो मुने ॥
तस्य पूजनतो याति पुण्यं वै हस्तिदानजम्
tatrairāvatakuṃḍaṃ ca liṃgamairāvateśvaram ||
talliṃgamarcayanmartyo dhanadhānyasamṛddhibhāk
||34||तत्रैरावतकुंडं च लिंगमैरावतेश्वरम् ॥
तल्लिंगमर्चयन्मर्त्यो धनधान्यसमृद्धिभाक्
taddakṣiṇe śreyase ca liṃgaṃ syānmālatīśvaram ||
hastīśvarāduttare tu jayaṃteśo jayapradaḥ
||35||तद्दक्षिणे श्रेयसे च लिंगं स्यान्मालतीश्वरम् ॥
हस्तीश्वरादुत्तरे तु जयंतेशो जयप्रदः
baṃdīśvaro mahākāla kuṃḍāduttarataḥ śubhaḥ ||
baṃdikuṃḍaṃ ca vikhyātaṃ vārāṇasyāṃ mahāghahṛt
||36||बंदीश्वरो महाकाल कुंडादुत्तरतः शुभः ॥
बंदिकुंडं च विख्यातं वाराणस्यां महाघहृत्
tatra snānena dānena śrāddhenākṣayamaśnute ||
dhanvaṃtarīśvaraṃ liṃgaṃ kuṃḍaṃ tannāma caiva hi
||37||तत्र स्नानेन दानेन श्राद्धेनाक्षयमश्नुते ॥
धन्वंतरीश्वरं लिंगं कुंडं तन्नाम चैव हि
tasya liṃgasya nāmānyatkuṃḍanāmānyadeva hi ||
tuṃgeśvaraṃ liṃga nāma kuṃḍaṃ vaidyeśvarābhidham
||38||तस्य लिंगस्य नामान्यत्कुंडनामान्यदेव हि ॥
तुंगेश्वरं लिंग नाम कुंडं वैद्येश्वराभिधम्
sudhāmayyo mahauṣadhyaḥ kṣiptāstatra mahādhiyaḥ ||
tatkuṃḍasnānatastasmāttalliṃga parivīkṣaṇāt ||
naśyaṃti vyādhayaḥ sarve saha pāpaiḥ sudāruṇaiḥ
||39||सुधामय्यो महौषध्यः क्षिप्तास्तत्र महाधियः ॥
तत्कुंडस्नानतस्तस्मात्तल्लिंग परिवीक्षणात् ॥
नश्यंति व्याधयः सर्वे सह पापैः सुदारुणैः
taduttare halīśeśaḥ sarvavyādhinipūdanaḥ ||
śiveśvaraḥ śivakarastuṃganāmnaśca dakṣiṇe
||140||तदुत्तरे हलीशेशः सर्वव्याधिनिपूदनः ॥
शिवेश्वरः शिवकरस्तुंगनाम्नश्च दक्षिणे
jamadagnīśvaraṃ liṃgaṃ śiveśāddakṣiṇe śubham ||
tatpaścime bhairaveśaḥ kūpastasyottare śubhaḥ
||41||जमदग्नीश्वरं लिंगं शिवेशाद्दक्षिणे शुभम् ॥
तत्पश्चिमे भैरवेशः कूपस्तस्योत्तरे शुभः
tadudasparśamātreṇa sarvayajñaphalaṃ labhet ||
tatkūpapaścime bhāge sukeśo yogasiddhidaḥ
||42||तदुदस्पर्शमात्रेण सर्वयज्ञफलं लभेत् ॥
तत्कूपपश्चिमे भागे सुकेशो योगसिद्धिदः
tannairṛtyāṃ ca vyāseśaḥ kūpaśca vimalodakaḥ ||
vyāsakūpe naraḥ snātvā tarpayitvā surānpitṝn
||43||तन्नैर्ऋत्यां च व्यासेशः कूपश्च विमलोदकः ॥
व्यासकूपे नरः स्नात्वा तर्पयित्वा सुरान्पितॄन्
akṣayaṃ labhate lokaṃ yatrakutrābhikāṃkṣitam ||
vyāsatīrthātpaścimato ghaṃṭākarṇo hrado mahān
||44||अक्षयं लभते लोकं यत्रकुत्राभिकांक्षितम् ॥
व्यासतीर्थात्पश्चिमतो घंटाकर्णो ह्रदो महान्
ghaṃṭākarṇahrade snātvā vyāsaṃśa paridarśanāt ||
yatratatra mṛto vāpi vārāṇasyāṃ mṛto bhavet
||45||घंटाकर्णह्रदे स्नात्वा व्यासंश परिदर्शनात् ॥
यत्रतत्र मृतो वापि वाराणस्यां मृतो भवेत्
ghaṃṭākarṇa samīpe tu paṃcacūḍāpsaraḥ saraḥ ||
paṃcacūḍājale snātvā dṛṣṭvā devaṃ tamīśvaram
||46||घंटाकर्ण समीपे तु पंचचूडाप्सरः सरः ॥
पंचचूडाजले स्नात्वा दृष्ट्वा देवं तमीश्वरम्
svargalokaṃ naro yāti paṃcacūḍāpriyo bhavet ||
gaurīkūpastatovācyāṃ sarvajāḍyavināśanaḥ
||47||स्वर्गलोकं नरो याति पंचचूडाप्रियो भवेत् ॥
गौरीकूपस्ततोवाच्यां सर्वजाड्यविनाशनः
paṃcacūḍottare bhāge tīrthaṃ cāśokasaṃjñitam ||
maṃdākinī mahātīrthaṃ tadudīcyāṃ mahāghahṛt
||48||पंचचूडोत्तरे भागे तीर्थं चाशोकसंज्ञितम् ॥
मंदाकिनी महातीर्थं तदुदीच्यां महाघहृत्
svargalokepi sā puṇyā kiṃ punarmānave mune ||
taduttare madhyameśo madhye kṣetraṃ svapityaho
||49||स्वर्गलोकेपि सा पुण्या किं पुनर्मानवे मुने ॥
तदुत्तरे मध्यमेशो मध्ये क्षेत्रं स्वपित्यहो
tatra jāgaraṇaṃ kṛtvā'śokāṣṭamyāṃ madhau naraḥ ||
na jātu śokaṃ labhate sadānaṃdamayo bhavet
||150||तत्र जागरणं कृत्वाऽशोकाष्टम्यां मधौ नरः ॥
न जातु शोकं लभते सदानंदमयो भवेत्
muktikṣetrapramāṇaṃ ca krośaṃ krośaṃ ca sarvataḥ ||
ārabhya liṃgādasmācca puṇyadānmadhyameśvarāt
||51||मुक्तिक्षेत्रप्रमाणं च क्रोशं क्रोशं च सर्वतः ॥
आरभ्य लिंगादस्माच्च पुण्यदान्मध्यमेश्वरात्
etadeva sadā prāhuḥ sarve vai prapitāmahāḥ ||
kaścidasmatkule jāto maṃdākinyā jalāplutaḥ
||52||एतदेव सदा प्राहुः सर्वे वै प्रपितामहाः ॥
कश्चिदस्मत्कुले जातो मंदाकिन्या जलाप्लुतः
bhojayetprayato viprānyatīnpāśupatānapi ||
madākinyāṃ naraḥ snātvā dṛṣṭvā vai madhyameśvaram
||53||भोजयेत्प्रयतो विप्रान्यतीन्पाशुपतानपि ॥
मदाकिन्यां नरः स्नात्वा दृष्ट्वा वै मध्यमेश्वरम्
ekaviṃśatkulopeto rudraloke vasecciram ||
madhyameśādavācyāṃ ca viśvedeveśvaraḥ śubhaḥ
||54||एकविंशत्कुलोपेतो रुद्रलोके वसेच्चिरम् ॥
मध्यमेशादवाच्यां च विश्वेदेवेश्वरः शुभः
tadarcanādarcitāḥ syurviśvedevāstrayodaśa ||
tatpūrve vīrabhadreśo mahāvīrapadapradaḥ
||55||तदर्चनादर्चिताः स्युर्विश्वेदेवास्त्रयोदश ॥
तत्पूर्वे वीरभद्रेशो महावीरपदप्रदः
bhadradā bhadrkālī ca tasya dakṣiṇataḥ śubhā ||
bhadrākāla hrado nāma tatrātīva śubhapradaḥ
||56||भद्रदा भद्र्काली च तस्य दक्षिणतः शुभा ॥
भद्राकाल ह्रदो नाम तत्रातीव शुभप्रदः
āpastaṃbeśvaraṃ liṃgaṃ tatprācyāṃ jñānadaṃ param ||
taduttare puṇyakūpastatpaścācchaunako hradaḥ
||57||आपस्तंबेश्वरं लिंगं तत्प्राच्यां ज्ञानदं परम् ॥
तदुत्तरे पुण्यकूपस्तत्पश्चाच्छौनको ह्रदः
hradapaścimato liṃgaṃ śaunakeśaṃ sudhīpradam ||
hrade tatra naraḥ snātvā dṛṣṭvā vai śaunakeśvaram
||58||ह्रदपश्चिमतो लिंगं शौनकेशं सुधीप्रदम् ॥
ह्रदे तत्र नरः स्नात्वा दृष्ट्वा वै शौनकेश्वरम्
jñānaṃ tatsaṃlabheddivyaṃ yena mṛtyuṃ taratyasau ||
taddakṣiṇe jaṃbukeśastiryagyoni nivārakaḥ
||59||ज्ञानं तत्संलभेद्दिव्यं येन मृत्युं तरत्यसौ ॥
तद्दक्षिणे जंबुकेशस्तिर्यग्योनि निवारकः
taduttare mataṃgeśo gānavidyāprabodhakaḥ ||
mataṃgeśasya vāyavye nānāliṃgāni sarvataḥ
||160||तदुत्तरे मतंगेशो गानविद्याप्रबोधकः ॥
मतंगेशस्य वायव्ये नानालिंगानि सर्वतः
munibhiḥ sthāpitānīha sarvasiddhipradāni ca ||
brahmarāteśvaraṃ liṃgaṃ mataṃgeśācca dakṣiṇe
||61||मुनिभिः स्थापितानीह सर्वसिद्धिप्रदानि च ॥
ब्रह्मरातेश्वरं लिंगं मतंगेशाच्च दक्षिणे
talliṃgadarśanādāyurnāṃtarācchidyate kvacit ||
tatrājyapeśvaraṃ liṃgaṃ pitṛliṃgānyanekaśaḥ ||
talliṃgasevayā sarve tuṣyaṃti prapitāmahāḥ
||62||तल्लिंगदर्शनादायुर्नांतराच्छिद्यते क्वचित् ॥
तत्राज्यपेश्वरं लिंगं पितृलिंगान्यनेकशः ॥
तल्लिंगसेवया सर्वे तुष्यंति प्रपितामहाः
taddakṣiṇe siddhakūpaḥ siddhāḥ saṃti sahasraśaḥ ||
vāyurūpāstu ye siddhā ye siddhā bhānuraśmigāḥ
||63||तद्दक्षिणे सिद्धकूपः सिद्धाः संति सहस्रशः ॥
वायुरूपास्तु ये सिद्धा ये सिद्धा भानुरश्मिगाः
taiḥ sthāpitaṃ tu yalliṃgaṃ tatsiddheśvaramīritam ||
tasya saṃdarśanādeva sarvāḥ syuḥ siddhayo'malāḥ
||64||तैः स्थापितं तु यल्लिंगं तत्सिद्धेश्वरमीरितम् ॥
तस्य संदर्शनादेव सर्वाः स्युः सिद्धयोऽमलाः
tatpaścime siddhavāpī pītā snātā ca siddhidā ||
prācyāṃ ca siddhakūpādvai liṃgaṃ vyāghreśvarābhidham
||65||तत्पश्चिमे सिद्धवापी पीता स्नाता च सिद्धिदा ॥
प्राच्यां च सिद्धकूपाद्वै लिंगं व्याघ्रेश्वराभिधम्
talliṃgadarśanānnṛṇāṃ na bhayaṃ vyāghracorajam ||
jyeṣṭheśvaraṃ ca tadyāmyāṃ jyeṣṭhasthāneti siddhidam
||66||तल्लिंगदर्शनान्नृणां न भयं व्याघ्रचोरजम् ॥
ज्येष्ठेश्वरं च तद्याम्यां ज्येष्ठस्थानेति सिद्धिदम्
taddakṣiṇe mudāṃ dhāma liṃgaṃ prahasiteśvaram ||
taduttare nivāseśa kāśīvāsaphalapradaḥ
||67||तद्दक्षिणे मुदां धाम लिंगं प्रहसितेश्वरम् ॥
तदुत्तरे निवासेश काशीवासफलप्रदः
catuḥsamudrakūposti tatrābdhisnāna puṇyadaḥ ||
jyeṣṭhā devī tu tatrāsti natā jyeṣṭhapadapradā
||68||चतुःसमुद्रकूपोस्ति तत्राब्धिस्नान पुण्यदः ॥
ज्येष्ठा देवी तु तत्रास्ति नता ज्येष्ठपदप्रदा
avācyāṃ vyāghraliṃgācca liṃgaṃ caṃḍīśvarābhidham ||
taduttare daṃḍakhātaṃ saraḥ pitṛmudāvaham
||69||अवाच्यां व्याघ्रलिंगाच्च लिंगं चंडीश्वराभिधम् ॥
तदुत्तरे दंडखातं सरः पितृमुदावहम्
grahaṇānaṃtare snānaṃ daṃḍakhāteti puṇyadam ||
jaigīṣavya guhā tatra tatra liṃgaṃ tadāhvayam
||170||ग्रहणानंतरे स्नानं दंडखातेति पुण्यदम् ॥
जैगीषव्य गुहा तत्र तत्र लिंगं तदाह्वयम्
trirātropoṣitastatra jñānaṃ labhyeta nirmalam ||
mahāpuṇyapradaṃ liṃgaṃ tatpaścāddevaleśvaram
||71||त्रिरात्रोपोषितस्तत्र ज्ञानं लभ्येत निर्मलम् ॥
महापुण्यप्रदं लिंगं तत्पश्चाद्देवलेश्वरम्
śatakālastatsamīpe śataṃ kālānumāpatiḥ ||
talliṃgāvirbhave kāśyāṃ kālayāmāsa kuṃbhaja
||72||शतकालस्तत्समीपे शतं कालानुमापतिः ॥
तल्लिंगाविर्भवे काश्यां कालयामास कुंभज
talliṃgadaśarnādāyuḥ śatavarṣāṇyakhaṃḍitam ||
śātātapeśastadyāmyāṃ mahājapaphalapradaḥ
||73||तल्लिंगदशर्नादायुः शतवर्षाण्यखंडितम् ॥
शातातपेशस्तद्याम्यां महाजपफलप्रदः
tatpaścime hetukeśo hetubhūto mahāphale ||
taddakṣiṇekṣapādeśo mahājñānaprarvatakaḥ
||74||तत्पश्चिमे हेतुकेशो हेतुभूतो महाफले ॥
तद्दक्षिणेक्षपादेशो महाज्ञानप्रर्वतकः
tadagre ca kaṇādeśastatra puṇyodakaḥ prahiḥ ||
snātvā kāṇādakūpe yaḥ kaṇādeśaṃ samarcayet
||75||तदग्रे च कणादेशस्तत्र पुण्योदकः प्रहिः ॥
स्नात्वा काणादकूपे यः कणादेशं समर्चयेत्
na dhanena na dhānyena tyajyate sa kadācana ||
tasya dakṣiṇato dṛśyo bhūtīśo bhūtikṛtsatām
||76||न धनेन न धान्येन त्यज्यते स कदाचन ॥
तस्य दक्षिणतो दृश्यो भूतीशो भूतिकृत्सताम्
tatpaścime'ghasaṃhartṛ āṣāḍhīśvara saṃjñitam ||
durvāseśaśca tatpūrve sarvakāmasamṛddhikṛt
||77||तत्पश्चिमेऽघसंहर्तृ आषाढीश्वर संज्ञितम् ॥
दुर्वासेशश्च तत्पूर्वे सर्वकामसमृद्धिकृत्
tadyāmyāṃ bhārabhūteśaḥ pāpabhārāpahārakaḥ ||
vyāseśvarasya pūrveṇa dvau śaṃkhalikhiteśvarau ||
tau dṛśyau yatnataḥ kāśyāṃ mahājñāna pravartakau
||78||तद्याम्यां भारभूतेशः पापभारापहारकः ॥
व्यासेश्वरस्य पूर्वेण द्वौ शंखलिखितेश्वरौ ॥
तौ दृश्यौ यत्नतः काश्यां महाज्ञान प्रवर्तकौ
yatsamāpyāpyate puṇyaṃ niṣṭhā pāśupatavratam ||
tadāpyatetra viśveśa sakṛdīkṣaṇataḥ kṣaṇāt
||79||यत्समाप्याप्यते पुण्यं निष्ठा पाशुपतव्रतम् ॥
तदाप्यतेत्र विश्वेश सकृदीक्षणतः क्षणात्
tadīśānevadhūteśo yogajñānapravartakaḥ ||
tīrthaṃ caivāvadhūteśaṃ sarvakalmaṣanāśakṛt
||180||तदीशानेवधूतेशो योगज्ञानप्रवर्तकः ॥
तीर्थं चैवावधूतेशं सर्वकल्मषनाशकृत्
avadhūteśvarātpūrve liṃgaṃ paśupatīśvaram ||
talliṃgasevayā puṃsāṃ paśupāśavimokṣaṇam
||81||अवधूतेश्वरात्पूर्वे लिंगं पशुपतीश्वरम् ॥
तल्लिंगसेवया पुंसां पशुपाशविमोक्षणम्
taddakṣiṇe gobhileśo mahābhilaṣitapradaḥ|
jīmūtavāhaneśaśca tatpaścālliṃgamuttamam
||82||तद्दक्षिणे गोभिलेशो महाभिलषितप्रदः।
जीमूतवाहनेशश्च तत्पश्चाल्लिंगमुत्तमम्
vidyādharapadaprāptistalliṃgaparisevanāt ||
mayūkhārkaḥ paṃcanade gabhastīśaśca tatra vai
||83||विद्याधरपदप्राप्तिस्तल्लिंगपरिसेवनात् ॥
मयूखार्कः पंचनदे गभस्तीशश्च तत्र वै
dadhikalpahrado nāma tadudīcyāṃ mahāprahiḥ ||
durlabhaṃ tatprahisnānaṃ durlabhaṃ ca tadīkṣaṇam
||84||दधिकल्पह्रदो नाम तदुदीच्यां महाप्रहिः ॥
दुर्लभं तत्प्रहिस्नानं दुर्लभं च तदीक्षणम्
gabhastīśottare bhāge dadhikalpeśvaro haraḥ ||
narastamāśu saṃvīkṣya kalpaṃ tryakṣapure vaset
||85||गभस्तीशोत्तरे भागे दधिकल्पेश्वरो हरः ॥
नरस्तमाशु संवीक्ष्य कल्पं त्र्यक्षपुरे वसेत्
gabhastīśāddakṣiṇe tu maṃgalāṃ maṃgalālayām ||
uddiśya maṃgalāṃ gaurīṃ bhojayeddvijadaṃpatī
||86||गभस्तीशाद्दक्षिणे तु मंगलां मंगलालयाम् ॥
उद्दिश्य मंगलां गौरीं भोजयेद्द्विजदंपती
alaṃkṛtya yathāśakti tatpuṇyāṃto na karhicit ||
kṣitipradakṣiṇaphalā maṃgalaikā pradakṣiṇā
||87||अलंकृत्य यथाशक्ति तत्पुण्यांतो न कर्हिचित् ॥
क्षितिप्रदक्षिणफला मंगलैका प्रदक्षिणा
vadanaprekṣaṇādevī mukhaprekṣeśvarottare ||
maṃgalāyāḥ samīpe tu sarvasiddhikarī śivā
||88||वदनप्रेक्षणादेवी मुखप्रेक्षेश्वरोत्तरे ॥
मंगलायाः समीपे तु सर्वसिद्धिकरी शिवा
liṃge tvaṣṭrīśavṛtteśau mukhaprekṣottare śubhe ||
sahemabhūmidānasya phalaṃ darśanatastayoḥ
||89||लिंगे त्वष्ट्रीशवृत्तेशौ मुखप्रेक्षोत्तरे शुभे ॥
सहेमभूमिदानस्य फलं दर्शनतस्तयोः
taduttare carcikāyā devyāḥ saṃdarśanaṃ śubham ||
revateśvara liṃgaṃ ca carcikāgreṇa śāṃtikṛt
||190||तदुत्तरे चर्चिकाया देव्याः संदर्शनं शुभम् ॥
रेवतेश्वर लिंगं च चर्चिकाग्रेण शांतिकृत्
mahāśubhāyatasyāgre liṃgaṃ paṃcanadeśvaram ||
maṃgalodo mahākūpo maṃgalā paścime śubhaḥ
||91||महाशुभायतस्याग्रे लिंगं पंचनदेश्वरम् ॥
मंगलोदो महाकूपो मंगला पश्चिमे शुभः
upamanyormahāliṃgaṃ maṃgalā paścime śubham ||
vyāghrapādeśvaraṃ liṃgaṃ tatpaścādvyāghrabhītihṛt
||92||उपमन्योर्महालिंगं मंगला पश्चिमे शुभम् ॥
व्याघ्रपादेश्वरं लिंगं तत्पश्चाद्व्याघ्रभीतिहृत्
nairṛtyāṃ ca gabhastīśācchaśāṃkeśoghasaṃghahṛt ||
tatpaścime caitrarathaṃ liṃgaṃ divyagatipradam
||93||नैर्ऋत्यां च गभस्तीशाच्छशांकेशोघसंघहृत् ॥
तत्पश्चिमे चैत्ररथं लिंगं दिव्यगतिप्रदम्
revateśātpaścimato jaiminīśo mahāghahṛt ||
tatra liṃgānyanekāni ṛṣīṇāmṛṣisattama
||94||रेवतेशात्पश्चिमतो जैमिनीशो महाघहृत् ॥
तत्र लिंगान्यनेकानि ऋषीणामृषिसत्तम
jaiminīśācca vāyavye liṃgaṃ vai rāvaṇeśvaram ||
na taddaśarnataḥ puṃsāṃ rākṣasānāṃ mahābhayam
||95||जैमिनीशाच्च वायव्ये लिंगं वै रावणेश्वरम् ॥
न तद्दशर्नतः पुंसां राक्षसानां महाभयम्
taddakṣiṇe varāheśo māṃḍavyeśastato yame ||
taddakṣiṇe pracaṃḍeśo yogeśo dakṣiṇe tataḥ
||96||तद्दक्षिणे वराहेशो मांडव्येशस्ततो यमे ॥
तद्दक्षिणे प्रचंडेशो योगेशो दक्षिणे ततः
taddakṣiṇe ca dhāteśaḥ someśaśca tadagrataḥ ||
tannairṛtyāṃ kanakeśo mahākanakadaḥ satām
||97||तद्दक्षिणे च धातेशः सोमेशश्च तदग्रतः ॥
तन्नैर्ऋत्यां कनकेशो महाकनकदः सताम्
taduttare pāṃḍavānāṃ paṃcaliṃgāni sanmude ||
saṃvarteśastadagre ca śveteśastasya paścime
||98||तदुत्तरे पांडवानां पंचलिंगानि सन्मुदे ॥
संवर्तेशस्तदग्रे च श्वेतेशस्तस्य पश्चिमे
tatpaścātkalaśeśaśca liṃgaṃ kālābhayapradam ||
kālena pāśite śvete mune kuṃbhātsamutthitam
||99||तत्पश्चात्कलशेशश्च लिंगं कालाभयप्रदम् ॥
कालेन पाशिते श्वेते मुने कुंभात्समुत्थितम्
citragupteśvaraṃ liṃgaṃ tadudīcyāmaghāpaham ||
citragupteśvarātpaścādyo dṛḍheśo mahāphalaḥ
||200||चित्रगुप्तेश्वरं लिंगं तदुदीच्यामघापहम् ॥
चित्रगुप्तेश्वरात्पश्चाद्यो दृढेशो महाफलः
kalaśeśādavācyāṃ ca graheśo liṃgamuttamam ||
grahabādhāṃ śamayati talliṃga parilokanam
||1||कलशेशादवाच्यां च ग्रहेशो लिंगमुत्तमम् ॥
ग्रहबाधां शमयति तल्लिंग परिलोकनम्
citragupteśvarātpaścādyadṛccheśo mahāphalaḥ ||
utathyavāmadeveśaṃ liṃgaṃ yāmyāṃ graheśvarāt
||2||चित्रगुप्तेश्वरात्पश्चाद्यदृच्छेशो महाफलः ॥
उतथ्यवामदेवेशं लिंगं याम्यां ग्रहेश्वरात्
kaṃbalāśvatareśau ca tasya dakṣiṇataḥ śubhe ||
tatraiva nirmalaṃ liṃgaṃ nalakūbarapūjitam
||3||कंबलाश्वतरेशौ च तस्य दक्षिणतः शुभे ॥
तत्रैव निर्मलं लिंगं नलकूबरपूजितम्
tadyāmyāṃ maṇikarṇīśaṃ tadudakpaliteśvaram ||
jarāharaṃ ca tatraiva tatpaścātpāpanāśanam
||4||तद्याम्यां मणिकर्णीशं तदुदक्पलितेश्वरम् ॥
जराहरं च तत्रैव तत्पश्चात्पापनाशनम्
tatpaścime nirjareśastannairṛtyāṃ pitāmahaḥ ||
pitāmahasrotikā ca tatra śrāddhaṃ mahāphalam
||5||तत्पश्चिमे निर्जरेशस्तन्नैर्ऋत्यां पितामहः ॥
पितामहस्रोतिका च तत्र श्राद्धं महाफलम्
tadyāmyāṃ varuṇeśaśca bāṇeśastasya dakṣiṇe|
pitāmahasrotikāyāṃ kūśmāṃḍeśastu siddhikṛt
||6||तद्याम्यां वरुणेशश्च बाणेशस्तस्य दक्षिणे।
पितामहस्रोतिकायां कूश्मांडेशस्तु सिद्धिकृत्
tatpūrvato rākṣaseśo gaṃgeśastasya dakṣiṇe ||
taduttare nimnageśāḥ saṃti liṃgānyanekaśaḥ
||7||तत्पूर्वतो राक्षसेशो गंगेशस्तस्य दक्षिणे ॥
तदुत्तरे निम्नगेशाः संति लिंगान्यनेकशः
vaivasvateśvarastatra yamalokanivārakaḥ ||
tatpaścādaditīśaśca cakreśastasya cāgrataḥ
||8||वैवस्वतेश्वरस्तत्र यमलोकनिवारकः ॥
तत्पश्चाददितीशश्च चक्रेशस्तस्य चाग्रतः
tadagre kālakeśākhyo dṛṣṭapratyayakṛtparaḥ ||
chāyā saṃdṛśyate tatra niṣpāpastadavekṣaṇāt
||9||तदग्रे कालकेशाख्यो दृष्टप्रत्ययकृत्परः ॥
छाया संदृश्यते तत्र निष्पापस्तदवेक्षणात्
tadagre tārakeśaśca tadagre svarṇabhāradaḥ ||
taduttare marutteśaḥ śakreśaśca tadagrataḥ
||210||तदग्रे तारकेशश्च तदग्रे स्वर्णभारदः ॥
तदुत्तरे मरुत्तेशः शक्रेशश्च तदग्रतः
taddakṣiṇe ca raṃbheśastatraiva ca śaśīśvaraḥ ||
taduttare lokapeśāstatra liṃgānyanekaśaḥ
||11||तद्दक्षिणे च रंभेशस्तत्रैव च शशीश्वरः ॥
तदुत्तरे लोकपेशास्तत्र लिंगान्यनेकशः
nāgagaṃdharvayakṣāṇāṃ kinnarāpsarasāmapi ||
devarṣigaṇavṛdānāṃ nānāsiddhikarāṇyapi
||12||नागगंधर्वयक्षाणां किन्नराप्सरसामपि ॥
देवर्षिगणवृदानां नानासिद्धिकराण्यपि
śakreśāddakṣiṇe bhāge phālguneśo mahāghahṛt ||
mahāpāśupateśaśca tadyāmyāṃ śubhakṛtparaḥ
||13||शक्रेशाद्दक्षिणे भागे फाल्गुनेशो महाघहृत् ॥
महापाशुपतेशश्च तद्याम्यां शुभकृत्परः
tatpaścime samudreśa īśāneśastaduttare ||
tatpūrve lāṃgalīśaśca sarvasiddhisamarpakaḥ
||14||तत्पश्चिमे समुद्रेश ईशानेशस्तदुत्तरे ॥
तत्पूर्वे लांगलीशश्च सर्वसिद्धिसमर्पकः
rāgadveṣavinirmuktāḥ siddhiṃ yāṃti ca pūjakāḥ ||
teṣāṃ mokṣo mayā khyāto na tu te devi mānavāḥ
||15||रागद्वेषविनिर्मुक्ताः सिद्धिं यांति च पूजकाः ॥
तेषां मोक्षो मया ख्यातो न तु ते देवि मानवाः
madhupiṃgaśvetaketū lāṃgalīśe tapasvinau ||
anenaiva śarīreṇa jagmatuḥ siddhimuttamām
||16||मधुपिंगश्वेतकेतू लांगलीशे तपस्विनौ ॥
अनेनैव शरीरेण जग्मतुः सिद्धिमुत्तमाम्
tatraiva nakulīśaśca kapileśaśca tatra vai ||
rahasyaṃ paramaṃ cobhau mama vrata niṣeviṇau
||17||तत्रैव नकुलीशश्च कपिलेशश्च तत्र वै ॥
रहस्यं परमं चोभौ मम व्रत निषेविणौ
tatsannidhau prītikeśastatra prītirmama priye ||
tatropavāsādekasmātphalamabdaśatādhikam
||18||तत्सन्निधौ प्रीतिकेशस्तत्र प्रीतिर्मम प्रिये ॥
तत्रोपवासादेकस्मात्फलमब्दशताधिकम्
ekaṃ jāgaraṇaṃ kṛtvā prītikeśa upoṣitaḥ ||
gaṇatvapadavī tasya niścitā mama parvaṇi
||19||एकं जागरणं कृत्वा प्रीतिकेश उपोषितः ॥
गणत्वपदवी तस्य निश्चिता मम पर्वणि
devasya dakṣiṇe bhāge tatra vāpī śubhodakā ||
tadaṃbuprāśanaṃ nṛṇāmapunarbhavahetave
||220||देवस्य दक्षिणे भागे तत्र वापी शुभोदका ॥
तदंबुप्राशनं नृणामपुनर्भवहेतवे
tajjalātpaścime bhāge daṃḍapāṇiḥ sadāvati ||
tatprācyavācyuttarasyāṃ tāraḥ kālaḥ śilādajaḥ
||21||तज्जलात्पश्चिमे भागे दंडपाणिः सदावति ॥
तत्प्राच्यवाच्युत्तरस्यां तारः कालः शिलादजः
liṃgatrayaṃ hṛdabjeyacchraddhayāpī tamarpayet ||
yaistatra tajjalaṃ pītaṃ kṛtārthāste narottamāḥ
||22||लिंगत्रयं हृदब्जेयच्छ्रद्धयापी तमर्पयेत् ॥
यैस्तत्र तज्जलं पीतं कृतार्थास्ते नरोत्तमाः
avimuktasamīpecyoṃ mokṣeśo mokṣabuddhidaḥ ||
karuṇeśo dayādhāma tadudīcyāṃ samarcayet
||23||अविमुक्तसमीपेच्यों मोक्षेशो मोक्षबुद्धिदः ॥
करुणेशो दयाधाम तदुदीच्यां समर्चयेत्
svarṇākṣeśastu tatprācyāṃ jñānadastasya cottare ||
saubhāgyagaurī saṃpūjyā bahusaubhāgyasaṃpade
||24||स्वर्णाक्षेशस्तु तत्प्राच्यां ज्ञानदस्तस्य चोत्तरे ॥
सौभाग्यगौरी संपूज्या बहुसौभाग्यसंपदे
viśveśāddakṣiṇebhāge nikuṃbheśaḥ prayatnataḥ ||
kṣetrakṣemakaraḥ pūjyastatpaścādvighnanāyakaḥ
||25||विश्वेशाद्दक्षिणेभागे निकुंभेशः प्रयत्नतः ॥
क्षेत्रक्षेमकरः पूज्यस्तत्पश्चाद्विघ्ननायकः
sarvavighnacchidabhyarcyaścaturthyāṃ tu viśeṣataḥ ||
virūpākṣo nikuṃbheśādvahnau pūjyaḥ susiddhidaḥ
||26||सर्वविघ्नच्छिदभ्यर्च्यश्चतुर्थ्यां तु विशेषतः ॥
विरूपाक्षो निकुंभेशाद्वह्नौ पूज्यः सुसिद्धिदः
taddakṣiṇe ca śukreśaḥ putrapautrapravardhanaḥ ||
tadudīcyāṃ mahāliṃgaṃ devayānīśvarābhidham
||27||तद्दक्षिणे च शुक्रेशः पुत्रपौत्रप्रवर्धनः ॥
तदुदीच्यां महालिंगं देवयानीश्वराभिधम्
śukreśādagrataḥ pūjyaḥ kaceśa iti saṃjñitaḥ ||
śukrakūpamupaspṛśya hayamedhaphalaṃ labhet
||28||शुक्रेशादग्रतः पूज्यः कचेश इति संज्ञितः ॥
शुक्रकूपमुपस्पृश्य हयमेधफलं लभेत्
bhavānīśau namasyau ca śukreśātpaścime śubhau ||
bhaktapotapradau tau tu nijabhaktasya sarvadā
||29||भवानीशौ नमस्यौ च शुक्रेशात्पश्चिमे शुभौ ॥
भक्तपोतप्रदौ तौ तु निजभक्तस्य सर्वदा
alarkeśaḥ samabhyarcyaḥ śukreśātpūrvadiksthitaḥ ||
madālaseśvarastatra tatpūrve sarvavighnahṛt
||230||अलर्केशः समभ्यर्च्यः शुक्रेशात्पूर्वदिक्स्थितः ॥
मदालसेश्वरस्तत्र तत्पूर्वे सर्वविघ्नहृत्
gaṇeśvareśvaraṃ liṃgaṃ sarvasiddhikaraṃ param ||
hatvā laṃkeśvaraṃ vipra raghuṇātha pratiṣṭhitam
||31||गणेश्वरेश्वरं लिंगं सर्वसिद्धिकरं परम् ॥
हत्वा लंकेश्वरं विप्र रघुणाथ प्रतिष्ठितम्
talliṃgasparśanādāśu brahmahāpi viśudhyati ||
mahāpuṇyapradaṃ cānyattatrārcyaṃ tripurāṃtakam
||32||तल्लिंगस्पर्शनादाशु ब्रह्महापि विशुध्यति ॥
महापुण्यप्रदं चान्यत्तत्रार्च्यं त्रिपुरांतकम्
dattātreyeśvaraṃ liṃgaṃ tasya paścimataḥ śubham ||
tadyāmyāṃ harikeśeśo gokarṇeśastataḥ param
||33||दत्तात्रेयेश्वरं लिंगं तस्य पश्चिमतः शुभम् ॥
तद्याम्यां हरिकेशेशो गोकर्णेशस्ततः परम्
sarastadagre pāpaghnaṃ tatpaścācca dhruveśvaraḥ ||
tadagre dhuvakuṃḍaṃ ca pitṛprītikaraṃ param
||34||सरस्तदग्रे पापघ्नं तत्पश्चाच्च ध्रुवेश्वरः ॥
तदग्रे धुवकुंडं च पितृप्रीतिकरं परम्
taduttarapiśāceśaḥ paiśācya padahārakaḥ ||
pitrīśastadyamadiśi pitṛkuṃḍaṃ tadagrataḥ
||35||तदुत्तरपिशाचेशः पैशाच्य पदहारकः ॥
पित्रीशस्तद्यमदिशि पितृकुंडं तदग्रतः
tatra śrāddhakṛtāṃ puṃsāṃ tuṣyeyuḥ prapitāmahāḥ ||
agre dhruveśāttāreśo vaidyanāthaḥ sa eva hi
||36||तत्र श्राद्धकृतां पुंसां तुष्येयुः प्रपितामहाः ॥
अग्रे ध्रुवेशात्तारेशो वैद्यनाथः स एव हि
tannairṛtyāṃ manoliṃgaṃ vaṃśavṛddhikaraṃ param ||
priyavrateśvaraṃ liṃgaṃ vaidyanāthapurogatam
||37||तन्नैर्ऋत्यां मनोलिंगं वंशवृद्धिकरं परम् ॥
प्रियव्रतेश्वरं लिंगं वैद्यनाथपुरोगतम्
tadyāmyāṃ mucukuṃdeśastatpārśve gautameśvaraḥ ||
tatpaścimena bhadreśtadyāmyāmṛṣyaśṛṃgiṇaḥ
||38||तद्याम्यां मुचुकुंदेशस्तत्पार्श्वे गौतमेश्वरः ॥
तत्पश्चिमेन भद्रेश्तद्याम्यामृष्यशृंगिणः
brahmeśastatpurastācca parjanyeśastadīśagaḥ ||
tatprācyāṃ nahuṣeśaśca viśālākṣī ca tatpuraḥ
||39||ब्रह्मेशस्तत्पुरस्ताच्च पर्जन्येशस्तदीशगः ॥
तत्प्राच्यां नहुषेशश्च विशालाक्षी च तत्पुरः
viśālākṣīśvaraṃ liṃgaṃ tatraiva kṣetravastidam ||
jarāsaṃdheśvaraṃ liṃgaṃ tadyāmyāṃ jvaranāśanam
||240||विशालाक्षीश्वरं लिंगं तत्रैव क्षेत्रवस्तिदम् ॥
जरासंधेश्वरं लिंगं तद्याम्यां ज्वरनाशनम्
tatpurastāddhiraṇyākṣaliṃgaṃ pūjyaṃ hiraṇyadam ||
tatpaścime gayādhīśastatpratīcyāṃ bhagīrathaḥ
||41||तत्पुरस्ताद्धिरण्याक्षलिंगं पूज्यं हिरण्यदम् ॥
तत्पश्चिमे गयाधीशस्तत्प्रतीच्यां भगीरथः
tadagre ca dilīpeśo brahmeśātpaścime mune ||
tatra liṃgaṃ sakuṃḍaṃ ca snāturiṣṭaphalapradam
||42||तदग्रे च दिलीपेशो ब्रह्मेशात्पश्चिमे मुने ॥
तत्र लिंगं सकुंडं च स्नातुरिष्टफलप्रदम्
tatra viśvāvasorliṃgaṃ muṃḍeśastatra pūrvataḥ ||
taddakṣiṇe vidhīśaśca tadyāmyāṃ vājimedhakaḥ
||43||तत्र विश्वावसोर्लिंगं मुंडेशस्तत्र पूर्वतः ॥
तद्दक्षिणे विधीशश्च तद्याम्यां वाजिमेधकः
daśāśvamedhike snātvā dṛṣṭvā talliṃgamuttamam ||
daśānāmaśvamedhānāṃ phalaṃ prāpnoti mānavaḥ
||44||दशाश्वमेधिके स्नात्वा दृष्ट्वा तल्लिंगमुत्तमम् ॥
दशानामश्वमेधानां फलं प्राप्नोति मानवः
taduttare mātṛtīrthaṃ snāturjanmabhayāpahṛt ||
tatra snānaṃ tu yakuryānnārī vā puruṣopi vā
||45||तदुत्तरे मातृतीर्थं स्नातुर्जन्मभयापहृत् ॥
तत्र स्नानं तु यकुर्यान्नारी वा पुरुषोपि वा
īpsitaṃ phalamāpnoti mātṛṇāṃ ca prasādataḥ ||
dakṣiṇe tava kuṃḍācca puṣpadaṃteśvaraḥ paraḥ
||46||ईप्सितं फलमाप्नोति मातृणां च प्रसादतः ॥
दक्षिणे तव कुंडाच्च पुष्पदंतेश्वरः परः
tadagnidiśi devarṣi gaṇa liṃgānyanekaśaḥ ||
puṣpadaṃtāddakṣiṇataḥ siddhīśaḥ parasiddhidaḥ
||47||तदग्निदिशि देवर्षि गण लिंगान्यनेकशः ॥
पुष्पदंताद्दक्षिणतः सिद्धीशः परसिद्धिदः
paṃcopacārapūjātaḥ svapne siddhiṃ parāṃ diśet ||
rājyaprāptirbhavetpuṃsāṃ hariścaṃdreśasevayā
||48||पंचोपचारपूजातः स्वप्ने सिद्धिं परां दिशेत् ॥
राज्यप्राप्तिर्भवेत्पुंसां हरिश्चंद्रेशसेवया
tatpaścime nairṛteśoṃgiraseśastato yame ||
taddakṣiṇe ca kṣemeśaścitrāṃgeśastato yame
||49||तत्पश्चिमे नैर्ऋतेशोंगिरसेशस्ततो यमे ॥
तद्दक्षिणे च क्षेमेशश्चित्रांगेशस्ततो यमे
taddakṣiṇe ca kedāro rudrānucaratāpradaḥ ||
caṃdrasūryānvayairbhūpaiḥ kedārāddakṣiṇāpathe
||250||तद्दक्षिणे च केदारो रुद्रानुचरताप्रदः ॥
चंद्रसूर्यान्वयैर्भूपैः केदाराद्दक्षिणापथे
pratiṣṭhitāni liṃgāni śataśotha sahasraśaḥ ||
lolārkāddakṣiṇāśāyāṃ sarvāśāpūrakorcitaḥ
||51||प्रतिष्ठितानि लिंगानि शतशोथ सहस्रशः ॥
लोलार्काद्दक्षिणाशायां सर्वाशापूरकोर्चितः
karaṃdhameśvaraṃ liṃgaṃ tatpratīcyāṃ mahāphalam ||
tatpaścime mahādurgā mahādurgaprabhaṃjanī
||52||करंधमेश्वरं लिंगं तत्प्रतीच्यां महाफलम् ॥
तत्पश्चिमे महादुर्गा महादुर्गप्रभंजनी
śuṣkeśvaraṃ ca tadyāmyāṃ śuṣkayā saritārcitam ||
janakeśastatpratīcyāṃ śaṃkukarṇastaduttare
||53||शुष्केश्वरं च तद्याम्यां शुष्कया सरितार्चितम् ॥
जनकेशस्तत्प्रतीच्यां शंकुकर्णस्तदुत्तरे
mahāsiddhīśvaraṃ liṃgaṃ tatprācyāṃ sarvasiddhidam ||
siddhakuṃḍe naraḥ snātvā dṛṣṭvā siddheśvaraṃ mahat
||54||महासिद्धीश्वरं लिंगं तत्प्राच्यां सर्वसिद्धिदम् ॥
सिद्धकुंडे नरः स्नात्वा दृष्ट्वा सिद्धेश्वरं महत्
sarvāsāmeva siddhīnāṃ pāraṃ gacchati mānavaḥ ||
śaṃkukarṇeśa vāyavye liṃgaṃ vāḍavyasaṃjñitam
||55||सर्वासामेव सिद्धीनां पारं गच्छति मानवः ॥
शंकुकर्णेश वायव्ये लिंगं वाडव्यसंज्ञितम्
tadagre ca vibhāṃḍeśaḥ kaholeśastaduttare ||
tatra dvāreśvaraṃ liṃgaṃ devī dvāreśvarī śubhā
||56||तदग्रे च विभांडेशः कहोलेशस्तदुत्तरे ॥
तत्र द्वारेश्वरं लिंगं देवी द्वारेश्वरी शुभा
tatpūjanādbhavetsiddhirānaṃdāraṇya vastidā ||
rakṣakāśca gaṇāstatra nānārūpāyudhā mune
||57||तत्पूजनाद्भवेत्सिद्धिरानंदारण्य वस्तिदा ॥
रक्षकाश्च गणास्तत्र नानारूपायुधा मुने
tatraiva haridīśaṃ ca liṃgaṃ kātyāyanaṃ tataḥ ||
tatpārśve jāṃgaleśaśca tatpaścānmukuṭeśvaraḥ
||58||तत्रैव हरिदीशं च लिंगं कात्यायनं ततः ॥
तत्पार्श्वे जांगलेशश्च तत्पश्चान्मुकुटेश्वरः
tatraiva kuṃḍaṃ vimalaṃ sarvayātrāphalapradam ||
snātvā mukuṭakuṃḍe ca dṛṣṭvā vai mukuṭeśvaram
||59||तत्रैव कुंडं विमलं सर्वयात्राफलप्रदम् ॥
स्नात्वा मुकुटकुंडे च दृष्ट्वा वै मुकुटेश्वरम्
yātrayā sarva liṃgānāṃ yatphalaṃ tadavāpyate ||
tapasaścāpi yogasya siddhidā sā'vanīparā
||260||यात्रया सर्व लिंगानां यत्फलं तदवाप्यते ॥
तपसश्चापि योगस्य सिद्धिदा साऽवनीपरा
mune śataṃ sahasrāṇi tatra liṃgāni siddhaye ||
ekā diguttarā devi vārāṇasyāṃ priyā mama
||61||मुने शतं सहस्राणि तत्र लिंगानि सिद्धये ॥
एका दिगुत्तरा देवि वाराणस्यां प्रिया मम
tatrāpi paṃcāyatane ratirme nitarāṃ priye ||
utpattisthiti kālepi tatrāhaṃ sarvadā sthitaḥ
||62||तत्रापि पंचायतने रतिर्मे नितरां प्रिये ॥
उत्पत्तिस्थिति कालेपि तत्राहं सर्वदा स्थितः
evaṃ yastu vijānāti na sa pāpaiḥ pralipyate ||
satyaṃ satyaṃ punaḥ satyaṃ trisatyaṃ nānyataḥ priye
||63||एवं यस्तु विजानाति न स पापैः प्रलिप्यते ॥
सत्यं सत्यं पुनः सत्यं त्रिसत्यं नान्यतः प्रिये
śīghraṃ tatraiva gaṃtavyaṃ yadīcchenmāmakaṃ padam ||
uddeśamātraṃ ligāni kathitāni mayā mune
||64||शीघ्रं तत्रैव गंतव्यं यदीच्छेन्मामकं पदम् ॥
उद्देशमात्रं लिगानि कथितानि मया मुने
dvistriḥ kṛtvaḥ sthāpitāni bhaktyā liṃgāni kānicit ||
na tāni punaruktāni śraddhayārcyāni sarvataḥ
||65||द्विस्त्रिः कृत्वः स्थापितानि भक्त्या लिंगानि कानिचित् ॥
न तानि पुनरुक्तानि श्रद्धयार्च्यानि सर्वतः
etāni yāni liṃgāni yāni kuṃḍāni yeṃ'dhavaḥ ||
yā vāpyastāni sarvāṇi śraddheyāni manīṣibhiḥ
||66||एतानि यानि लिंगानि यानि कुंडानि येंऽधवः ॥
या वाप्यस्तानि सर्वाणि श्रद्धेयानि मनीषिभिः
eteṣāṃ darśanātsnānātphalamatrottarottaram ||
atratyānāṃ ca liṃgānāṃ kūpānāṃ sarasāmapi
||67||एतेषां दर्शनात्स्नानात्फलमत्रोत्तरोत्तरम् ॥
अत्रत्यानां च लिंगानां कूपानां सरसामपि
vāpīnāṃ cāpi mūrtīnāṃ kaḥ saṃkhyātuṃ prabhurbhavet ||
ānaṃdakānanasthāni tṛṇānyapi paraṃ varam
||68||वापीनां चापि मूर्तीनां कः संख्यातुं प्रभुर्भवेत् ॥
आनंदकाननस्थानि तृणान्यपि परं वरम्
divaukasopi nānyatra yatpunarjanmabhājanam ||
sarvaliṃgamayī kāśī sarvatīrthekajanmabhūḥ
||69||दिवौकसोपि नान्यत्र यत्पुनर्जन्मभाजनम् ॥
सर्वलिंगमयी काशी सर्वतीर्थेकजन्मभूः
svargāpavargayordātrī dṛṣṭā dehāṃtasevitā ||
mama priyatamā devi tvameva tapaso balāt
||270||स्वर्गापवर्गयोर्दात्री दृष्टा देहांतसेविता ॥
मम प्रियतमा देवि त्वमेव तपसो बलात्
svabhāvatastviyaṃ kāśī sukhaviśrāmabhūrmama ||
ye kāśyānāma gṛhṇaṃti yenumodaṃta eva hi
||71||स्वभावतस्त्वियं काशी सुखविश्रामभूर्मम ॥
ये काश्यानाम गृह्णंति येनुमोदंत एव हि
te me śākhaviśākhābhāḥ skaṃdanaṃdigajāsyavat ||
ta eva bhaktā me devi ta eva mama sevakāḥ
||72||ते मे शाखविशाखाभाः स्कंदनंदिगजास्यवत् ॥
त एव भक्ता मे देवि त एव मम सेवकाः
mumukṣavasta evātra yecānaṃdavanaukasaḥ ||
tapastaptaṃ mahattaistu kṛtaṃ taistu mahāvratam
||73||मुमुक्षवस्त एवात्र येचानंदवनौकसः ॥
तपस्तप्तं महत्तैस्तु कृतं तैस्तु महाव्रतम्
taiśca dattaṃ mahādānaṃ ye cānaṃdavanaukasaḥ ||
te snātasarvatīrthā vai tekhilādhvaradīkṣitāḥ
||74||तैश्च दत्तं महादानं ये चानंदवनौकसः ॥
ते स्नातसर्वतीर्था वै तेखिलाध्वरदीक्षिताः
te cīrṇasarvadharmāhi ye cānaṃdavanaukasaḥ ||
surāsuroraganarā bhūmibhārāyate'khilāḥ ||
vayasyapīha carame yenānaṃdavanaukasaḥ
||75||ते चीर्णसर्वधर्माहि ये चानंदवनौकसः ॥
सुरासुरोरगनरा भूमिभारायतेऽखिलाः ॥
वयस्यपीह चरमे येनानंदवनौकसः
aṃtyajopi varaḥ kāśyāṃ nānyatra śrutipāragaḥ ||
saṃsārapāragaḥ pūrvastvaṃtyaścāṃtyajatopyadhaḥ
||76||अंत्यजोपि वरः काश्यां नान्यत्र श्रुतिपारगः ॥
संसारपारगः पूर्वस्त्वंत्यश्चांत्यजतोप्यधः
sa eva nūnaṃ sarvajñaḥ sa eva hyadhikekṣaṇaḥ ||
yaḥ pārthivīṃ tanuṃ hitvā kāśyāṃ dhatte sudhāmayīm
||77||स एव नूनं सर्वज्ञः स एव ह्यधिकेक्षणः ॥
यः पार्थिवीं तनुं हित्वा काश्यां धत्ते सुधामयीम्
śrutvādhyāyamidaṃ puṇyaṃ sarvatīrtharahasyavat ||
kāśīdarśanajaṃ puṇyaṃ prāpnoti niyataṃ naraḥ
||78||श्रुत्वाध्यायमिदं पुण्यं सर्वतीर्थरहस्यवत् ॥
काशीदर्शनजं पुण्यं प्राप्नोति नियतं नरः
yaḥ paṭhedimamadhyāyaṃ prātaḥ prātardinedine ||
dṛṣṭāni tena sarvāṇi tīrthānyetāni nānyathā
||79||यः पठेदिममध्यायं प्रातः प्रातर्दिनेदिने ॥
दृष्टानि तेन सर्वाणि तीर्थान्येतानि नान्यथा
sarvaliṃgamayādhyāyaṃ yo'muṃ nityaṃ japetsudhīḥ ||
na taṃ yamo na taṃ dūtā nainamaṃhopi bādhate
||280||सर्वलिंगमयाध्यायं योऽमुं नित्यं जपेत्सुधीः ॥
न तं यमो न तं दूता नैनमंहोपि बाधते
brahmayajñaphalaṃ tasya jāyate sukṛtātmanaḥ ||
yo japedamumadhyāyaṃ śucistadgatamānasaḥ
||81||ब्रह्मयज्ञफलं तस्य जायते सुकृतात्मनः ॥
यो जपेदमुमध्यायं शुचिस्तद्गतमानसः
sa snātaḥ sarvakuṃḍeṣu sarvavāpyaṃbupaḥ sa ca ||
sarvaliṃgārcakaḥ sotra yo'mumadhyāyamājapet
||82||स स्नातः सर्वकुंडेषु सर्ववाप्यंबुपः स च ॥
सर्वलिंगार्चकः सोत्र योऽमुमध्यायमाजपेत्
kimanyairbahubhiḥ stotrairatistokaphalapradaiḥ ||
matpremavadbhiradhyāyo japtavyoyaṃ mahāphala
||83||किमन्यैर्बहुभिः स्तोत्रैरतिस्तोकफलप्रदैः ॥
मत्प्रेमवद्भिरध्यायो जप्तव्योयं महाफल
mahādāneṣu datteṣu yatphalaṃ prāpyate'tra vai ||
sakṛjjapānmahādhyāyādamuṣmāttatsamāpyate
||84||महादानेषु दत्तेषु यत्फलं प्राप्यतेऽत्र वै ॥
सकृज्जपान्महाध्यायादमुष्मात्तत्समाप्यते
snātvā sarvāṇi tīrthāni dṛṣṭvā liṃgānyanekaśaḥ ||
yatphalaṃ labhyate martyaistadetajjapanāddhruvam
||85||स्नात्वा सर्वाणि तीर्थानि दृष्ट्वा लिंगान्यनेकशः ॥
यत्फलं लभ्यते मर्त्यैस्तदेतज्जपनाद्ध्रुवम्
idameva tapotyugramayameva japo mahān ||
kāśīliṃgāvalī nāmādhyāyo japyeta yanmune
||86||इदमेव तपोत्युग्रमयमेव जपो महान् ॥
काशीलिंगावली नामाध्यायो जप्येत यन्मुने
mama druhe nāstikāya vedaniṃdāratāya ca ||
na dātavyo na dātavyo na dātavyo japastvayam
||87||मम द्रुहे नास्तिकाय वेदनिंदारताय च ॥
न दातव्यो न दातव्यो न दातव्यो जपस्त्वयम्
adhyāyasyāsya japanātpāpaṃ brahmavadhodbhavam ||
agamyāgamanaṃ cāpi tathābhakṣasyabhakṣaṇam
||88||अध्यायस्यास्य जपनात्पापं ब्रह्मवधोद्भवम् ॥
अगम्यागमनं चापि तथाभक्षस्यभक्षणम्
gurudārābhicārotthaṃ hemasteyasamudbhavam ||
mātāpitṛvadhājjātaṃ gobhrūṇahananodbhavam
||89||गुरुदाराभिचारोत्थं हेमस्तेयसमुद्भवम् ॥
मातापितृवधाज्जातं गोभ्रूणहननोद्भवम्
mahāpāpāni pāpāni jñātājñātāni bhūriśaḥ ||
upapāpāni pāpāni manovākkāyajānyapi
||290||महापापानि पापानि ज्ञाताज्ञातानि भूरिशः ॥
उपपापानि पापानि मनोवाक्कायजान्यपि
vilayaṃ yāṃtyaśeṣāṇi niḥsaṃdehaṃ mamājñayā ||
putrānpautrāndhanaṃ dhānyaṃ kalatraṃ kṣetrameva ca
||91||विलयं यांत्यशेषाणि निःसंदेहं ममाज्ञया ॥
पुत्रान्पौत्रान्धनं धान्यं कलत्रं क्षेत्रमेव च
manaḥsamīhitaṃ sarvaṃ svargaṃ mokṣasukhānyapi ||
japtvādhyāyamimaṃ vidvānprāpsyatyeva na saṃśayaḥ
||92||मनःसमीहितं सर्वं स्वर्गं मोक्षसुखान्यपि ॥
जप्त्वाध्यायमिमं विद्वान्प्राप्स्यत्येव न संशयः
iti yāvatsamākhyāti devo devīpuraḥ kathām ||
tāvannaṃdīsamāgatya praṇamyeti vyajijñapat
||93||इति यावत्समाख्याति देवो देवीपुरः कथाम् ॥
तावन्नंदीसमागत्य प्रणम्येति व्यजिज्ञपत्
jātā parisamāptiśca mahāprāsādanirmiteḥ ||
sajjīkṛto rathaścāyaṃ brahmādyā militāḥ surāḥ
||94||जाता परिसमाप्तिश्च महाप्रासादनिर्मितेः ॥
सज्जीकृतो रथश्चायं ब्रह्माद्या मिलिताः सुराः
tārkṣyagaḥ puṃḍarīkākṣo dvāri tiṣṭhati sānugaḥ ||
pratīkṣamāṇo'vasaraṃ puraskṛtya munīśvarān
||95||तार्क्ष्यगः पुंडरीकाक्षो द्वारि तिष्ठति सानुगः ॥
प्रतीक्षमाणोऽवसरं पुरस्कृत्य मुनीश्वरान्
caturdaśasu lokeṣu ye ye tiṣṭhaṃti suvratāḥ ||
te niśamyādyamilitāḥ prāveśika mahotsavam
||96||चतुर्दशसु लोकेषु ये ये तिष्ठंति सुव्रताः ॥
ते निशम्याद्यमिलिताः प्रावेशिक महोत्सवम्
skaṃda uvāca
iti naṃdivacaḥ śrutvā devo devī samāyutaḥ ||
divyaṃ rathaṃ samāruhya nirjagāma triviṣṭapāt
||297||इति नंदिवचः श्रुत्वा देवो देवी समायुतः ॥
दिव्यं रथं समारुह्य निर्जगाम त्रिविष्टपात्
iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍa uttarārdhe kṣetratīrthavarṇanaṃ nāma saptanavatitamo'dhyāyaḥ || 97 ||