tatrāṃtare tau ca nāthaṃ praṇamya vidhimādhavau
naṃdikeśvara uvāca
tatrāṃtare tau ca nāthaṃ praṇamya vidhimādhavau |
baddhāṃjalipuṭau tūṣṇīṃ tasthaturdakṣavāmagau 1 |
tatra saṃsthāpya tau devaṃ sakuṭuṃbaṃ varāsane |
pūjayāmāsatuḥ pūjyaṃ puṇyaiḥ puruṣavastubhiḥ 2 |
pauruṣaṃ prākṛtaṃ vastujñeyaṃ dīrghālpakālikam |
hāranūpurakeyūrakirīṭamaṇikuṃḍalaiḥ 3 |
yajñasūtrottarīyasrakkṣaumamālyāṃgulīyakaiḥ |
puṣpatāṃbūlakarpūracaṃdanāgurulepanaiḥ 4 |
dhūpadīpasitacchatravyajanadhvajacāmaraiḥ |
anyairdivyopahāraiśca vāṇmanotītavaibhavaiḥ 5 |
patiyogyaiḥ paśvalabhyaistau samarcayatāṃ patim |
yadyacchreṣṭhatamaṃ vastu patiyogyaṃ hitaddhvaje 6 |
tadvastvakhilamīśopi pāraṃ paryacikīrṣayā |
sabhyānāṃ pradadau hṛṣṭaḥ pṛthaktatra yathākramam 7 |
kolāhalo mahānāsīttatra tadvastu gṛhṇatām |
tatraiva brahmaviṣṇubhyāṃ cārcitaḥ śaṃkaraḥ purā 8 |
prasannaḥ prāha tau namrau sasmitaṃ bhaktivardhanaḥ |
īśvara uvāca |
tuṣṭo'hamadya vāṃ vatsau pūjayā'sminmahādine 9 |
dinametattataḥ puṇyaṃ bhaviṣyati mahattaram |
śivarātririti khyātā tithireṣā mama priyā 1.9.10 |
etatkāle tu yaḥ kuryātpūjāṃ malliṃgaberayoḥ |
kuryāttu jagataḥ kṛtyaṃ sthitisargādikaṃ pumān 11 |
śivarātrāvahorātraṃ nirāhāro jiteṃdri yaḥ 12b|
arcayedvā yathānyāyaṃ yathābalamavaṃcakaḥ 12 |
yatphalaṃ mama pūjāyāṃ varṣamekaṃ niraṃtaram |
tatphalaṃ labhate sadyaḥ śivarātrau madarcanāt 13 |
maddharmavṛddhikālo'yaṃ caṃdra kāla ivāṃbudheḥ |
pratiṣṭhādyutsavo yatra māmako maṃgalāyanaḥ 14 |
yatpunaḥ staṃbharūpeṇa svāvirāsamahaṃ purā |
sa kālo mārgaśīrṣe tu syādādrā r! ṛkṣamarbhakau 15 |
ādrā ryāṃ! mārgaśīrṣe tu yaḥ paśyenmāmumāsakham |
madberamapi vā liṃgaṃ sa guhādapi me priyaḥ 16 |
alaṃ darśanamātreṇa phalaṃ tasmindine śubhe |
abhyarcanaṃ cedadhikaṃ phalaṃ vācāmagocaram 17 |
raṇaraṃgatale'muṣminyadahaṃ liṃgavarṣmaṇā |
jṛṃbhito liṃgavattasmālliṃgasthānamidaṃ bhavet 18 |
anādyaṃtamidaṃ staṃbhamaṇumātraṃ bhaviṣyati |
darśanārthaṃ hi jagatāṃ pūjanārthaṃ hi putrako 19 |
bhogāvahamidaṃ liṃgaṃ bhuktiṃ muktyekasādhanam |
darśanasparśanadhyānājjaṃtūnāṃ janmamocanam 1.9.20 |
analācalasaṃkāśaṃ yadidaṃ liṃgamutthitam |
aruṇācalamityeva tadidaṃ khyātimeṣyati 21 |
atra tīrthaṃ ca bahudhā bhaviṣyati mahattaram |
muktirapyatra jaṃtūnāṃ vāsena maraṇena ca 22 |
rathotsavādikalyāṇaṃ janāvāsaṃ tu sarvataḥ |
atra dattaṃ hutaṃ japtaṃ sarvaṃ koṭiguṇaṃ bhavet 23 |
matkṣetrādapi sarvasmātkṣetrametanmahattaram |
atra saṃsmṛtimātreṇa muktirbhavati dehinām 24 |
tasmānmahattaramidaṃ kṣetramatyaṃtaśobhanam |
sarvakalyāṇasaṃpūrṇaṃ sarvamuktikaraṃ śubham 25 |
arcayitvā'tra māmeva liṃge liṃginamīśvaram |
sālokyaṃ caiva sāmīpyaṃ sārūpyaṃ sārṣṭireva ca 26 |
sāyujyamiti paṃcaite kriyādīnāṃ phalaṃ matam |
sarvepi yūyaṃ sakalaṃ prāpsyathāśu manoratham 27 |
naṃdikeśvara uvāca |
ityanugṛhya bhagavānvinītau vidhimādhavau |
yatpūrvaṃ prahataṃ yuddhe tayoḥ sainyaṃ parasparam 28 |
tadutthāpayadatyarthaṃ svaśaktyā'mṛtadhārayā |
tayormauḍhyaṃ ca vairaṃ ca vyapanetumuvāca tau 29 |
sakalaṃ niṣkalaṃ ceti svarūpadvayamasti me |
nānyasya kasyacittasmādanyaḥ sarvopyanīśvaraḥ 1.9.30 |
purastātstaṃbharūpeṇa paścādrū peṇa cārbhakau |
brahmatvaṃ niṣkalaṃ proktamīśatvaṃ sakalaṃ tathā 31 |
dvayaṃ mamaiva saṃsiddhaṃ na madanyasya kasyacit |
tasmādīśatvamanyeṣāṃ yuvayorapi na kvacit 32 |
tadajñānena vāṃ vṛttamīśamānaṃ mahādbhutam |
tannirākartumatraivamutthito'haṃ raṇakṣitau 33 |
tyajataṃ mānamātmīyaṃ mayīśe kurutaṃ matim |
matprasādena lokeṣu sarvopyarthaḥ prakāśate 34 |
gurūktirvyaṃjakaṃ tatra pramāṇaṃ vā punaḥ punaḥ |
brahmatattvamidaṃ gūḍhaṃ bhavatprītyā bhaṇāmyaham 35 |
ahameva paraṃ brahma matsvarūpaṃ kalākalam |
brahmatvādīśvaraścāhaṃ kṛtyaṃ menugrahādikam 36 |
bṛhattvādbṛṃhaṇatvācca brahmāhaṃ brahmakeśavau |
samatvādvyāpakatvācca tathaivātmāhamarbhakau 37 |
anātmānaḥ pare sarve jīvā eva na saṃśayaḥ |
anugrahādyaṃ sargāṃtaṃ jagatkṛtyaṃ ca paṃkajam 38 |
īśatvādeva me nityaṃ na madanyasya kasyacit |
ādau brahmattvabuddhyarthaṃ niṣkalaṃ liṃgamutthitam 39 |
tasmādajñātamīśatvaṃ vyaktaṃ dyotayituṃ hi vām |
sakalohamato jātaḥ sākṣādīśastu tatkṣaṇāt 1.9.40 |
sakalatvamato jñeyamīśatvaṃ mayi satvaram |
yadidaṃ niṣkalaṃ staṃbhaṃ mama brahmatvabodhakam 41 |
liṃgalakṣaṇayuktatvānmama liṃgaṃ bhavedidam |
tadidaṃ nityamabhyarcyaṃ yuvābhyāmatra putrakau 42 |
madātmakamidaṃ nityaṃ mama sānnidhyakāraṇam |
mahatpūjyamidaṃ nityamabhedālliṃgasiṃginoḥ 43 |
yatrapratiṣṭhitaṃ yena madīyaṃ liṃgamīdṛśam |
tatra pratiṣṭhitaḥ sohamapratiṣṭhopi vatsakau 44 |
matsāmyamekaliṃgasya sthāpane phalamīritam |
dvitīye sthāpite liṃge madaikyaṃ phalameva hi 45 |
liṃgaṃ prādhānyataḥ sthāpyaṃ tathāberaṃ tu gauṇakam |
liṃgābhāvena tatkṣetraṃ saberamapi sarvataḥ 46
||1||तत्रांतरे तौ च नाथं प्रणम्य विधिमाधवौ ।
बद्धांजलिपुटौ तूष्णीं तस्थतुर्दक्षवामगौ १ ।
तत्र संस्थाप्य तौ देवं सकुटुंबं वरासने ।
पूजयामासतुः पूज्यं पुण्यैः पुरुषवस्तुभिः २ ।
पौरुषं प्राकृतं वस्तुज्ञेयं दीर्घाल्पकालिकम् ।
हारनूपुरकेयूरकिरीटमणिकुंडलैः ३ ।
यज्ञसूत्रोत्तरीयस्रक्क्षौममाल्यांगुलीयकैः ।
पुष्पतांबूलकर्पूरचंदनागुरुलेपनैः ४ ।
धूपदीपसितच्छत्रव्यजनध्वजचामरैः ।
अन्यैर्दिव्योपहारैश्च वाण्मनोतीतवैभवैः ५ ।
पतियोग्यैः पश्वलभ्यैस्तौ समर्चयतां पतिम् ।
यद्यच्छ्रेष्ठतमं वस्तु पतियोग्यं हितद्ध्वजे ६ ।
तद्वस्त्वखिलमीशोपि पारं पर्यचिकीर्षया ।
सभ्यानां प्रददौ हृष्टः पृथक्तत्र यथाक्रमम् ७ ।
कोलाहलो महानासीत्तत्र तद्वस्तु गृह्णताम् ।
तत्रैव ब्रह्मविष्णुभ्यां चार्चितः शंकरः पुरा ८ ।
प्रसन्नः प्राह तौ नम्रौ सस्मितं भक्तिवर्धनः ।
ईश्वर उवाच ।
तुष्टोऽहमद्य वां वत्सौ पूजयाऽस्मिन्महादिने ९ ।
दिनमेतत्ततः पुण्यं भविष्यति महत्तरम् ।
शिवरात्रिरिति ख्याता तिथिरेषा मम प्रिया 1.9.१० ।
एतत्काले तु यः कुर्यात्पूजां मल्लिंगबेरयोः ।
कुर्यात्तु जगतः कृत्यं स्थितिसर्गादिकं पुमान् ११ ।
शिवरात्रावहोरात्रं निराहारो जितेंद्रि यः १२ब्।
अर्चयेद्वा यथान्यायं यथाबलमवंचकः १२ ।
यत्फलं मम पूजायां वर्षमेकं निरंतरम् ।
तत्फलं लभते सद्यः शिवरात्रौ मदर्चनात् १३ ।
मद्धर्मवृद्धिकालोऽयं चंद्र काल इवांबुधेः ।
प्रतिष्ठाद्युत्सवो यत्र मामको मंगलायनः १४ ।
यत्पुनः स्तंभरूपेण स्वाविरासमहं पुरा ।
स कालो मार्गशीर्षे तु स्यादाद्रा र्! ऋक्षमर्भकौ १५ ।
आद्रा र्यां! मार्गशीर्षे तु यः पश्येन्मामुमासखम् ।
मद्बेरमपि वा लिंगं स गुहादपि मे प्रियः १६ ।
अलं दर्शनमात्रेण फलं तस्मिन्दिने शुभे ।
अभ्यर्चनं चेदधिकं फलं वाचामगोचरम् १७ ।
रणरंगतलेऽमुष्मिन्यदहं लिंगवर्ष्मणा ।
जृंभितो लिंगवत्तस्माल्लिंगस्थानमिदं भवेत् १८ ।
अनाद्यंतमिदं स्तंभमणुमात्रं भविष्यति ।
दर्शनार्थं हि जगतां पूजनार्थं हि पुत्रको १९ ।
भोगावहमिदं लिंगं भुक्तिं मुक्त्येकसाधनम् ।
दर्शनस्पर्शनध्यानाज्जंतूनां जन्ममोचनम् 1.9.२० ।
अनलाचलसंकाशं यदिदं लिंगमुत्थितम् ।
अरुणाचलमित्येव तदिदं ख्यातिमेष्यति २१ ।
अत्र तीर्थं च बहुधा भविष्यति महत्तरम् ।
मुक्तिरप्यत्र जंतूनां वासेन मरणेन च २२ ।
रथोत्सवादिकल्याणं जनावासं तु सर्वतः ।
अत्र दत्तं हुतं जप्तं सर्वं कोटिगुणं भवेत् २३ ।
मत्क्षेत्रादपि सर्वस्मात्क्षेत्रमेतन्महत्तरम् ।
अत्र संस्मृतिमात्रेण मुक्तिर्भवति देहिनाम् २४ ।
तस्मान्महत्तरमिदं क्षेत्रमत्यंतशोभनम् ।
सर्वकल्याणसंपूर्णं सर्वमुक्तिकरं शुभम् २५ ।
अर्चयित्वाऽत्र मामेव लिंगे लिंगिनमीश्वरम् ।
सालोक्यं चैव सामीप्यं सारूप्यं सार्ष्टिरेव च २६ ।
सायुज्यमिति पंचैते क्रियादीनां फलं मतम् ।
सर्वेपि यूयं सकलं प्राप्स्यथाशु मनोरथम् २७ ।
नंदिकेश्वर उवाच ।
इत्यनुगृह्य भगवान्विनीतौ विधिमाधवौ ।
यत्पूर्वं प्रहतं युद्धे तयोः सैन्यं परस्परम् २८ ।
तदुत्थापयदत्यर्थं स्वशक्त्याऽमृतधारया ।
तयोर्मौढ्यं च वैरं च व्यपनेतुमुवाच तौ २९ ।
सकलं निष्कलं चेति स्वरूपद्वयमस्ति मे ।
नान्यस्य कस्यचित्तस्मादन्यः सर्वोप्यनीश्वरः 1.9.३० ।
पुरस्तात्स्तंभरूपेण पश्चाद्रू पेण चार्भकौ ।
ब्रह्मत्वं निष्कलं प्रोक्तमीशत्वं सकलं तथा ३१ ।
द्वयं ममैव संसिद्धं न मदन्यस्य कस्यचित् ।
तस्मादीशत्वमन्येषां युवयोरपि न क्वचित् ३२ ।
तदज्ञानेन वां वृत्तमीशमानं महाद्भुतम् ।
तन्निराकर्तुमत्रैवमुत्थितोऽहं रणक्षितौ ३३ ।
त्यजतं मानमात्मीयं मयीशे कुरुतं मतिम् ।
मत्प्रसादेन लोकेषु सर्वोप्यर्थः प्रकाशते ३४ ।
गुरूक्तिर्व्यंजकं तत्र प्रमाणं वा पुनः पुनः ।
ब्रह्मतत्त्वमिदं गूढं भवत्प्रीत्या भणाम्यहम् ३५ ।
अहमेव परं ब्रह्म मत्स्वरूपं कलाकलम् ।
ब्रह्मत्वादीश्वरश्चाहं कृत्यं मेनुग्रहादिकम् ३६ ।
बृहत्त्वाद्बृंहणत्वाच्च ब्रह्माहं ब्रह्मकेशवौ ।
समत्वाद्व्यापकत्वाच्च तथैवात्माहमर्भकौ ३७ ।
अनात्मानः परे सर्वे जीवा एव न संशयः ।
अनुग्रहाद्यं सर्गांतं जगत्कृत्यं च पंकजम् ३८ ।
ईशत्वादेव मे नित्यं न मदन्यस्य कस्यचित् ।
आदौ ब्रह्मत्त्वबुद्ध्यर्थं निष्कलं लिंगमुत्थितम् ३९ ।
तस्मादज्ञातमीशत्वं व्यक्तं द्योतयितुं हि वाम् ।
सकलोहमतो जातः साक्षादीशस्तु तत्क्षणात् 1.9.४० ।
सकलत्वमतो ज्ञेयमीशत्वं मयि सत्वरम् ।
यदिदं निष्कलं स्तंभं मम ब्रह्मत्वबोधकम् ४१ ।
लिंगलक्षणयुक्तत्वान्मम लिंगं भवेदिदम् ।
तदिदं नित्यमभ्यर्च्यं युवाभ्यामत्र पुत्रकौ ४२ ।
मदात्मकमिदं नित्यं मम सान्निध्यकारणम् ।
महत्पूज्यमिदं नित्यमभेदाल्लिंगसिंगिनोः ४३ ।
यत्रप्रतिष्ठितं येन मदीयं लिंगमीदृशम् ।
तत्र प्रतिष्ठितः सोहमप्रतिष्ठोपि वत्सकौ ४४ ।
मत्साम्यमेकलिंगस्य स्थापने फलमीरितम् ।
द्वितीये स्थापिते लिंगे मदैक्यं फलमेव हि ४५ ।
लिंगं प्राधान्यतः स्थाप्यं तथाबेरं तु गौणकम् ।
लिंगाभावेन तत्क्षेत्रं सबेरमपि सर्वतः ४६
iti śrīśivamahāpurāṇe vidyeśvarasaṃhitāyāṃ navamo'dhyāyaḥ 9 ||