vastrāpathakṣetrabhavamāhātmyavarṇanam
[[File:Bhavnath Mahadev.jpg|thumb|600px|bhavanāthamahādevaḥ ]] ||
īśvara uvāca ||
tato gacchenmahādevi kṣetraṃ vastrāpathaṃ punaḥ ||
yatprabhāsasya sarvasvaṃ kṣetraṃ nābhiḥ priyaṃ mama
||1||[[File:Bhavnath Mahadev.jpg|thumb|600px|भवनाथमहादेवः ]] ॥
ईश्वर उवाच ॥
ततो गच्छेन्महादेवि क्षेत्रं वस्त्रापथं पुनः ॥
यत्प्रभासस्य सर्वस्वं क्षेत्रं नाभिः प्रियं मम
yatra sākṣādbhavo devaḥ sṛṣṭisaṃhārakārakaḥ ||
pṛthivyāṃ sa tvadhiṣṭhātā tattvānāmādimaḥ prabhuḥ
||2||यत्र साक्षाद्भवो देवः सृष्टिसंहारकारकः ॥
पृथिव्यां स त्वधिष्ठाता तत्त्वानामादिमः प्रभुः
sa svayaṃbhūḥ sthitastatra prabhāse bhūtido bhavaḥ ||
bhavatīdaṃ jagadyasmāttasmādbhava iti smṛtaḥ
||3||स स्वयंभूः स्थितस्तत्र प्रभासे भूतिदो भवः ॥
भवतीदं जगद्यस्मात्तस्माद्भव इति स्मृतः
yaḥ sakṛtkurute yātrāṃ kṣetre vastrāpathe punaḥ ||
vigāhya tatra tīrthāni kṛtakṛtyaḥ sa jāyate
||4||यः सकृत्कुरुते यात्रां क्षेत्रे वस्त्रापथे पुनः ॥
विगाह्य तत्र तीर्थानि कृतकृत्यः स जायते
atha dṛṣṭvā bhavaṃ devaṃ sakṛtpūjyavidhānataḥ ||
kedārayātrāphalabhāksa bhavenmanujottamaḥ
||5||अथ दृष्ट्वा भवं देवं सकृत्पूज्यविधानतः ॥
केदारयात्राफलभाक्स भवेन्मनुजोत्तमः
caitre māsi bhavaṃ dṛṣṭvā na punarjāyate bhuvi ||
vaiśākhyāmathavā samyagbhavaṃ dṛṣṭvā vimucyate
||6||चैत्रे मासि भवं दृष्ट्वा न पुनर्जायते भुवि ॥
वैशाख्यामथवा सम्यग्भवं दृष्ट्वा विमुच्यते
vārāṇasyāṃ kurukṣetre narmadāyāṃ tu yatphalam ||
tatphalaṃ nimiṣārddhena bhavaṃ dṛṣṭvā dinedine
||7||वाराणस्यां कुरुक्षेत्रे नर्मदायां तु यत्फलम् ॥
तत्फलं निमिषार्द्धेन भवं दृष्ट्वा दिनेदिने
durllabhastatra vāsastu durllabhaṃ bhavadarśanam ||
pretatvaṃ naiva tasyāsti na yāmyā nārakī vyathā
||8||दुर्ल्लभस्तत्र वासस्तु दुर्ल्लभं भवदर्शनम् ॥
प्रेतत्वं नैव तस्यास्ति न याम्या नारकी व्यथा
yeṣāṃ bhavālaye prāṇā gatā vai varavarṇini ||
dhanyānāmapi dhanyāste devānāmapi devatāḥ
||9||येषां भवालये प्राणा गता वै वरवर्णिनि ॥
धन्यानामपि धन्यास्ते देवानामपि देवताः
vastrāpathe matiryeṣāṃ bhave yeṣāṃ matiḥ sthirā ||
godānaṃ tatra śaṃsaṃti brāhmaṇānāṃ ca bhojanam ||
piṃḍadānaṃ ca tatraiva kalpāṃtaṃ tṛptimā vahet
||10||वस्त्रापथे मतिर्येषां भवे येषां मतिः स्थिरा ॥
गोदानं तत्र शंसंति ब्राह्मणानां च भोजनम् ॥
पिंडदानं च तत्रैव कल्पांतं तृप्तिमा वहेत्
iti saṃkṣepataḥ proktaṃ māhātmyaṃ te bhavodbhavam ||
śrutaṃ pāpopaśamanaṃ yajñāyutaphalapradam
||11||इति संक्षेपतः प्रोक्तं माहात्म्यं ते भवोद्भवम् ॥
श्रुतं पापोपशमनं यज्ञायुतफलप्रदम्
iti śrīskānde mahāpurāṇa ekāśīti sāhasryāṃ saṃhitāyāṃ saptame prabhāsakhaṇḍe dvitīye vastrāpathakṣetramāhātmye vastrāpathakṣetrabhavamāhātmyavarṇanaṃnāma dvitīyo'dhyāyaḥ || 2 ||