pravaratīrthānukīrtanam
īśvara uvāca
atha vastrāpathe kṣetre saṃti tīrthāni koṭiśaḥ ||
tathāpi sāraṃ te vacmi sarvatīrthamahodayam
||1||अथ वस्त्रापथे क्षेत्रे संति तीर्थानि कोटिशः ॥
तथापि सारं ते वच्मि सर्वतीर्थमहोदयम्
dāmodare nadī proktā svarṇareṣeti yā smṛtā ||
brahmakuṇḍaṃ ca tatraiva tathā brahmeśvaraḥ smṛtaḥ
||2||दामोदरे नदी प्रोक्ता स्वर्णरेषेति या स्मृता ॥
ब्रह्मकुण्डं च तत्रैव तथा ब्रह्मेश्वरः स्मृतः
kālameghaśca saṃprokto bhavo dāmodaraḥ smṛtaḥ ||
gavyūtidvitayenaiva kālikā tatra kīrtitā
||3||कालमेघश्च संप्रोक्तो भवो दामोदरः स्मृतः ॥
गव्यूतिद्वितयेनैव कालिका तत्र कीर्तिता
indreśvaraśca tatraiva raivataḥ parvatastathā ||
ujjayaṃtaśca tatraiva devaḥ kumbhīśvaraḥ smṛtaḥ
||4||इन्द्रेश्वरश्च तत्रैव रैवतः पर्वतस्तथा ॥
उज्जयंतश्च तत्रैव देवः कुम्भीश्वरः स्मृतः
bhīmeśvaraśca tatraiva tataḥ kṣetraṃ mahāprabham ||
tailasāraṇikaṃnāma tretāyāṃ haimamārakam
||5||भीमेश्वरश्च तत्रैव ततः क्षेत्रं महाप्रभम् ॥
तैलसारणिकंनाम त्रेतायां हैममारकम्
paṃcagavyūtimātraṃ tu tatkṣetraṃ saṃprakīrtitam ||
mṛgīkuṇḍaṃ ca tatraiva sarvapātakanāśanam
||6||पंचगव्यूतिमात्रं तु तत्क्षेत्रं संप्रकीर्तितम् ॥
मृगीकुण्डं च तत्रैव सर्वपातकनाशनम्
etadvastrāpathaṃ kṣetraṃ ratnadhātvostathā''karam ||
kathitaṃ tava deveśi punaḥ saṃkṣepato mayā
||7||एतद्वस्त्रापथं क्षेत्रं रत्नधात्वोस्तथाऽऽकरम् ॥
कथितं तव देवेशि पुनः संक्षेपतो मया
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe dvitīye vastrāpathakṣetramāhātmye pravaratīrthānukīrtananāma tṛtīyo'dhyāyaḥ || 3 ||