śrīdāmodaramāhātmyavarṇanam
sārasvata uvāca
athāsau vāmano vipro labdhajñāno bhavārcane ||
jagāma tadvanaṃ ramyaṃ gire raivatakasya yat
||1||अथासौ वामनो विप्रो लब्धज्ञानो भवार्चने ॥
जगाम तद्वनं रम्यं गिरे रैवतकस्य यत्
yatra vṛkṣā bahuvidhā dīrghaśākhāḥ phalānvitāḥ ||
vaṭodumbarabilvāśca sarjārjunakadaṃbakāḥ
||2||यत्र वृक्षा बहुविधा दीर्घशाखाः फलान्विताः ॥
वटोदुम्बरबिल्वाश्च सर्जार्जुनकदंबकाः
palāśāśvatthaniṃbāśca dhavāṭīvāruṇīdrumāḥ ||
śamīkaṃkolaliṃbāṃśca bījapūrī ca dāḍimaḥ
||3||पलाशाश्वत्थनिंबाश्च धवाटीवारुणीद्रुमाः ॥
शमीकंकोललिंबांश्च बीजपूरी च दाडिमः
badarī niṃbakaḥ pūgaḥ kadalī śallakī śivā ||
tālahiṃtālaśirasā bījakāvaṃśakhādirāḥ
||4||बदरी निंबकः पूगः कदली शल्लकी शिवा ॥
तालहिंतालशिरसा बीजकावंशखादिराः
ajagāsanagāgucchā iṃgudīkoraveṃgudāḥ ||
brahmavṛkṣāḥ kurubakāḥ karaṃjāḥ putrajīvinaḥ
||5||अजगासनगागुच्छा इंगुदीकोरवेंगुदाः ॥
ब्रह्मवृक्षाः कुरुबकाः करंजाः पुत्रजीविनः
aṃkollāḥ pāribhadrāśca kalaṃbāḥ panasāstathā ||
ujjvalāśca haridrāśca gaṃgaḍīvāyavā drumāḥ
||6||अंकोल्लाः पारिभद्राश्च कलंबाः पनसास्तथा ॥
उज्ज्वलाश्च हरिद्राश्च गंगडीवायवा द्रुमाः
tesuṇḍakāḥ śirīṣāśca kharjūrīkaravaṃdikāḥ ||
sevālī śālmalī śālā madhūkāśca vibhītakāḥ
||7||तेसुण्डकाः शिरीषाश्च खर्जूरीकरवंदिकाः ॥
सेवाली शाल्मली शाला मधूकाश्च विभीतकाः
harītakyaḥ kaṭāhāśca karyaṣṭā āṭarūṣakāḥ ||
vikacchavaḥ kapitthāśca rohiṇīvetrakadrumāḥ
||8||हरीतक्यः कटाहाश्च कर्यष्टा आटरूषकाः ॥
विकच्छवः कपित्थाश्च रोहिणीवेत्रकद्रुमाः
madanaphalānirguṇḍīpāṭalānaṃdipādapāḥ ||
lavaṃgailālavalyaśca santānā agarudrumāḥ
||9||मदनफलानिर्गुण्डीपाटलानंदिपादपाः ॥
लवंगैलालवल्यश्च सन्ताना अगरुद्रुमाः
śrīkhaṇḍakarpūranagāḥ kalpavṛkṣā nagotamāḥ ||
vāmanena tadā dṛṣṭāśchāyāvṛkṣāḥ surārcitāḥ
||10||श्रीखण्डकर्पूरनगाः कल्पवृक्षा नगोतमाः ॥
वामनेन तदा दृष्टाश्छायावृक्षाः सुरार्चिताः
udayāstamane yeṣāṃ chāyā na pratihanyate ||
teṣāṃ darśanamātreṇa sarvapāpakṣayo bhavet
||11||उदयास्तमने येषां छाया न प्रतिहन्यते ॥
तेषां दर्शनमात्रेण सर्वपापक्षयो भवेत्
ye janāḥ puṇyakarmāṇasteṣāṃ te dṛṣṭigocarāḥ ||
etānpaśyanyayau vṛkṣāṃstato raivatakaṃ girim
||12||ये जनाः पुण्यकर्माणस्तेषां ते दृष्टिगोचराः ॥
एतान्पश्यन्ययौ वृक्षांस्ततो रैवतकं गिरिम्
yāvannirīkṣate tuṃgaṃ śikharaṃ tasya mūrddhani ||
āścaryaṃ dadṛśe vipro mahallokabhayaṃkaram
||13||यावन्निरीक्षते तुंगं शिखरं तस्य मूर्द्धनि ॥
आश्चर्यं ददृशे विप्रो महल्लोकभयंकरम्
dhūmajvalanamadhyasthānpuruṣānpaṃca paśyati ||
kṛṣṇāṃgānkhecarānraudrānkṛṣṇāguruvibhūṣitān
||14||धूमज्वलनमध्यस्थान्पुरुषान्पंच पश्यति ॥
कृष्णांगान्खेचरान्रौद्रान्कृष्णागुरुविभूषितान्
sārameya samārūḍhānkarihastānsamekhalān ||
khaṅgakheṭakahastāṃśca ḍamaruḍḍāmarasvanān ||
saghargharīkacaraṇanyāsanāditaparvatān ||
phetkārabhāsurākārānkāśakuñcitamūrddhajān
||16||सारमेय समारूढान्करिहस्तान्समेखलान् ॥
खङ्गखेटकहस्तांश्च डमरुड्डामरस्वनान् ॥
सघर्घरीकचरणन्यासनादितपर्वतान् ॥
फेत्कारभासुराकारान्काशकुञ्चितमूर्द्धजान्
naramāṃsavasāsārakavalavyagratālukān ||
janagaṃdhasamājñānabhavatīvravilocanān
||17||नरमांसवसासारकवलव्यग्रतालुकान् ॥
जनगंधसमाज्ञानभवतीव्रविलोचनान्
pañcāgnisādhanāvyāptadivyacakṣuḥ prabhāvataḥ ||
devānpaśyati viprendro jñātakāryaparaṃparaḥ
||18||पञ्चाग्निसाधनाव्याप्तदिव्यचक्षुः प्रभावतः ॥
देवान्पश्यति विप्रेन्द्रो ज्ञातकार्यपरंपरः
ete kṣetrādhipāḥ pañca mahādevena nirmitāḥ ||
mahābalā raivatake nivasaṃti girau sadā
||19||एते क्षेत्राधिपाः पञ्च महादेवेन निर्मिताः ॥
महाबला रैवतके निवसंति गिरौ सदा
svecchācārānnarānmarttyānvārayati nage tathā ||
hariṃ haraṃ nadīṃ devīṃ na paśyaṃti giriṃ yathā
||20||स्वेच्छाचारान्नरान्मर्त्त्यान्वारयति नगे तथा ॥
हरिं हरं नदीं देवीं न पश्यंति गिरिं यथा
dṛṣṭvā jñātvā stutiṃ cakre dhyātvā devaṃ maheśvaram ||
jayaṃti duṣṭadaityeṃdrayuddhadhyānāṃkitaṃ vapuḥ ||
bibhrati bhrātaro ye te paṃceṃdrasamavikramāḥ
||21||दृष्ट्वा ज्ञात्वा स्तुतिं चक्रे ध्यात्वा देवं महेश्वरम् ॥
जयंति दुष्टदैत्येंद्रयुद्धध्यानांकितं वपुः ॥
बिभ्रति भ्रातरो ये ते पंचेंद्रसमविक्रमाः
rudravaktrodbhavā dakṣā dakṣādhvaravināśakāḥ ||
svāvalīḍhāhutīnaṣṭabhītavāḍavanaṃditāḥ
||22||रुद्रवक्त्रोद्भवा दक्षा दक्षाध्वरविनाशकाः ॥
स्वावलीढाहुतीनष्टभीतवाडवनंदिताः
kuṅkumāgarukarpūraliptāṃgāḥ suvibhūṣitāḥ ||
madirāmodamattāṃganṛtyagītakarāḥ surāḥ
||23||कुङ्कुमागरुकर्पूरलिप्तांगाः सुविभूषिताः ॥
मदिरामोदमत्तांगनृत्यगीतकराः सुराः
brahmāṃḍabhramaṇaśrāṃta svagaṃdhatrastasaṃcarāḥ ||
manojavāḥ kāmagamā kṣetrapālā jayaṃti te
||24||ब्रह्मांडभ्रमणश्रांत स्वगंधत्रस्तसंचराः ॥
मनोजवाः कामगमा क्षेत्रपाला जयंति ते
ityādivacanāttuṣṭā dvijasyāgre svayaṃ sthitāḥ ||
ekapādo'smyahaṃ caiko dvitīyo giridāruṇaḥ
||25||इत्यादिवचनात्तुष्टा द्विजस्याग्रे स्वयं स्थिताः ॥
एकपादोऽस्म्यहं चैको द्वितीयो गिरिदारुणः
tṛtīyo meghanādastu siṃhanādaścaturthakaḥ ||
paṃcamaḥ kālamegho'haṃ kurmaḥ kiṃ te vadasva tat
||26||तृतीयो मेघनादस्तु सिंहनादश्चतुर्थकः ॥
पंचमः कालमेघोऽहं कुर्मः किं ते वदस्व तत्
dvija uvāca
yadi tuṣṭā bhavaṃto me yadi deyo varo dhuvam ||
aho āpralayaṃ yāvatsthātavyaṃ matpratiṣṭhitaiḥ
||27||यदि तुष्टा भवंतो मे यदि देयो वरो धुवम् ॥
अहो आप्रलयं यावत्स्थातव्यं मत्प्रतिष्ठितैः
ekapādo giri taṭe praharṣātprathamaṃ sthitaḥ ||
vasatau vasatā tena girau ca giridāruṇaḥ
||28||एकपादो गिरि तटे प्रहर्षात्प्रथमं स्थितः ॥
वसतौ वसता तेन गिरौ च गिरिदारुणः
pratiṣṭhitaḥ prasādyātha varado'sau svayaṃ sthitaḥ ||
ujjayaṃtagirermūrdhni meghanādaḥ svayaṃ yayau
||29||प्रतिष्ठितः प्रसाद्याथ वरदोऽसौ स्वयं स्थितः ॥
उज्जयंतगिरेर्मूर्ध्नि मेघनादः स्वयं ययौ
bhavānīśaṃkaraṃ ramyaṃ siṃhanādastathāviśat ||
svayaṃ vastrāpathenaiva bhavasyāgre nirūpitaḥ
||30||भवानीशंकरं रम्यं सिंहनादस्तथाविशत् ॥
स्वयं वस्त्रापथेनैव भवस्याग्रे निरूपितः
svaṇarekhānadītīre kālamegho mahābalaḥ ||
sarvalokopakārārthaṃ tīrthaṃ saṃsthāpitaṃ purā
||31||स्वणरेखानदीतीरे कालमेघो महाबलः ॥
सर्वलोकोपकारार्थं तीर्थं संस्थापितं पुरा
vāmanena svayaṃ gatvā kṣetrapālāstu pūjitāḥ ||
purā yugādau rājeṃdra sarve devāḥ samāgatāḥ
||32||वामनेन स्वयं गत्वा क्षेत्रपालास्तु पूजिताः ॥
पुरा युगादौ राजेंद्र सर्वे देवाः समागताः
surāṣṭradeśe saṃprāptāḥ puṇye raivatake girau ||
rakṣārthaṃ sarvalokānāṃ vadhārthaṃ devavairiṇām
||33||सुराष्ट्रदेशे संप्राप्ताः पुण्ये रैवतके गिरौ ॥
रक्षार्थं सर्वलोकानां वधार्थं देववैरिणाम्
viṣṇoḥ kaṇṭhe tadā muktā jayamālā surottamaiḥ ||
dāmodareti vikhyātaṃ dattaṃ nāmottamaṃ hareḥ
||34||विष्णोः कण्ठे तदा मुक्ता जयमाला सुरोत्तमैः ॥
दामोदरेति विख्यातं दत्तं नामोत्तमं हरेः
tatrādau kārtike śukle vāsare viṣṇuvallabhe ||
upoṣya sahite devaistattīrthaṃ viṣṇunā kṛtam
||35||तत्रादौ कार्तिके शुक्ले वासरे विष्णुवल्लभे ॥
उपोष्य सहिते देवैस्तत्तीर्थं विष्णुना कृतम्
sarvatīrthamayī puṇyā svarṇarekhā nadī sthitā ||
bhuktimuktipradaṃ puṇyaṃ viṣṇulokapradāyakam
||36||सर्वतीर्थमयी पुण्या स्वर्णरेखा नदी स्थिता ॥
भुक्तिमुक्तिप्रदं पुण्यं विष्णुलोकप्रदायकम्
kṣālanaṃ sarvapāpānāṃ rogadāridryanāśanam ||
dāmodaraṃ raivatake paramānaṃdadāyakam
||37||क्षालनं सर्वपापानां रोगदारिद्र्यनाशनम् ॥
दामोदरं रैवतके परमानंददायकम्
ye paśyaṃti vimānaiste nīyaṃte viṣṇumaṃdire ||
na gṛhe kārtikaḥ kāryo viśeṣādbhīṣmapaṃcakam
||38||ये पश्यंति विमानैस्ते नीयंते विष्णुमंदिरे ॥
न गृहे कार्तिकः कार्यो विशेषाद्भीष्मपंचकम्
paṃcakāddvādaśī śreṣṭhā kāryā dāmodare jale ||
prātaḥsnānaṃ prakarttavyaṃ saṃprāpte kārtike janaiḥ
||39||पंचकाद्द्वादशी श्रेष्ठा कार्या दामोदरे जले ॥
प्रातःस्नानं प्रकर्त्तव्यं संप्राप्ते कार्तिके जनैः
māsopavāsaḥ karttavyo yatibhirbrahmacāribhiḥ ||
satībhirvidhavābhiśca muktisthānamabhīpsubhiḥ
||40||मासोपवासः कर्त्तव्यो यतिभिर्ब्रह्मचारिभिः ॥
सतीभिर्विधवाभिश्च मुक्तिस्थानमभीप्सुभिः
ekabhaktena naktena tathaivāyācitena ca ||
upavāsevana kṛcchreṇa śākāhāreṇa vā punaḥ
||41||एकभक्तेन नक्तेन तथैवायाचितेन च ॥
उपवासेवन कृच्छ्रेण शाकाहारेण वा पुनः
saṃsevyaḥ kārttike viṣṇurdīpadānaparairnaraiḥ ||
brahmacaryaparairmāso nīyate yadi mānavaiḥ
||42||संसेव्यः कार्त्तिके विष्णुर्दीपदानपरैर्नरैः ॥
ब्रह्मचर्यपरैर्मासो नीयते यदि मानवैः
tadā viṣṇupure vāsaḥ kriyate viṣṇunā saha ||
pañcopavāsāḥ karttavyāḥ saṃprāpte bhīṣmapaṃcake
||43||तदा विष्णुपुरे वासः क्रियते विष्णुना सह ॥
पञ्चोपवासाः कर्त्तव्याः संप्राप्ते भीष्मपंचके
ekādaśīṃ samārabhya paṃcamī pūrṇimādinam ||
tadetatpaṃcakaṃ proktaṃ sarvapāpaharaṃ nṛṇām
||44||एकादशीं समारभ्य पंचमी पूर्णिमादिनम् ॥
तदेतत्पंचकं प्रोक्तं सर्वपापहरं नृणाम्
sarveṣāmapi māsānāṃ pañcakātkārtikādapi ||
ekādaśī kārtikasya puṇyā dāmodare kṛtā
||45||सर्वेषामपि मासानां पञ्चकात्कार्तिकादपि ॥
एकादशी कार्तिकस्य पुण्या दामोदरे कृता
miṣṭānnaṃ kārtike deyaṃ haviṣyaṃ saghṛtaplutam ||
suvarṇaṃ rajataṃ vastraṃ toyamannaṃ phalāni ca
||46||मिष्टान्नं कार्तिके देयं हविष्यं सघृतप्लुतम् ॥
सुवर्णं रजतं वस्त्रं तोयमन्नं फलानि च
māsāṃte vividhaṃ deyaṃ gaustilāḥ kusumāni ca ||
sarvadāneṣu yatpuṇyaṃ sarva tīrtheṣu yatphalam
||47||मासांते विविधं देयं गौस्तिलाः कुसुमानि च ॥
सर्वदानेषु यत्पुण्यं सर्व तीर्थेषु यत्फलम्
aśvamedhādibhiryajñairgayāyāṃ piṃḍadasya yat ||
tatphalaṃ jāyate nṝṇāṃ dṛṣṭe dāmodare nṛpa
||48||अश्वमेधादिभिर्यज्ञैर्गयायां पिंडदस्य यत् ॥
तत्फलं जायते नॄणां दृष्टे दामोदरे नृप
ekādaśyāṃ kṛtasnāno deva pūjāparo bhavet ||
snāpya pañcāmṛtenaiva tatastīrthodakena ca
||49||एकादश्यां कृतस्नानो देव पूजापरो भवेत् ॥
स्नाप्य पञ्चामृतेनैव ततस्तीर्थोदकेन च
kuṃkumāgaruśrīkhaṃḍakarpūrodakamiśritaiḥ ||
pūjayitvā tataḥ puṣpaiḥ śatapatraiḥ sugaṃ dhibhiḥ
||50||कुंकुमागरुश्रीखंडकर्पूरोदकमिश्रितैः ॥
पूजयित्वा ततः पुष्पैः शतपत्रैः सुगं धिभिः
mālatīkusumaiḥ śubhrairbahubhistulasīdalaiḥ ||
vastrayajñopavītaṃ ca dattvā dhūpaṃ pradhūpayet
||51||मालतीकुसुमैः शुभ्रैर्बहुभिस्तुलसीदलैः ॥
वस्त्रयज्ञोपवीतं च दत्त्वा धूपं प्रधूपयेत्
dīpaṃ dadyāddhṛtenaiva tailenāpi ghṛtaṃ vinā ||
naivedyaṃ vividhaṃ deyaṃ phalaṃ tāṃbūlameva ca
||52||दीपं दद्याद्धृतेनैव तैलेनापि घृतं विना ॥
नैवेद्यं विविधं देयं फलं तांबूलमेव च
prāsādapūjā karttavyā dhvajadānādinā nṛpa ||
gauḥ savatsā tato deyā saṃsārārṇavatāriṇī
||53||प्रासादपूजा कर्त्तव्या ध्वजदानादिना नृप ॥
गौः सवत्सा ततो देया संसारार्णवतारिणी
tataḥ pradakṣiṇāṃ kṛtvā gītavāditranisvanaiḥ ||
vedapāṭhapurāṇaiśca vyākhyādivyakathādibhiḥ
||54||ततः प्रदक्षिणां कृत्वा गीतवादित्रनिस्वनैः ॥
वेदपाठपुराणैश्च व्याख्यादिव्यकथादिभिः
devāgre jāgaraḥ kāryo dīpo deyoṃ'tibhūmiṣu ||
saptadhānyamayāḥ sapta parvatā dīpasaṃyutāḥ
||55||देवाग्रे जागरः कार्यो दीपो देयोंऽतिभूमिषु ॥
सप्तधान्यमयाः सप्त पर्वता दीपसंयुताः
phalatāṃbūlapakvānnapūritāḥ parikalpitāḥ ||
vidvadbhiḥ śrotriyaiḥ śrāṃtairbrāhmaṇairgṛhamedhibhiḥ
||56||फलतांबूलपक्वान्नपूरिताः परिकल्पिताः ॥
विद्वद्भिः श्रोत्रियैः श्रांतैर्ब्राह्मणैर्गृहमेधिभिः
strībhiśca naraśārdūla śrotavyā vaiṣṇavī kathā ||
evaṃ jāgaraṇaṃ kāryaṃ rāgakrodhavivarjitaiḥ
||57||स्त्रीभिश्च नरशार्दूल श्रोतव्या वैष्णवी कथा ॥
एवं जागरणं कार्यं रागक्रोधविवर्जितैः
kṛtvā jāgaraṇaṃ rātrāvudite sūryamaḍale ||
pūrvāṃ saṃdhyāṃ tataḥ snātvā kṛtvā madhyāhnamācaret
||58||कृत्वा जागरणं रात्रावुदिते सूर्यमडले ॥
पूर्वां संध्यां ततः स्नात्वा कृत्वा मध्याह्नमाचरेत्
devānpitṝnmanuṣyāṃśca saṃtarpya vidhipūrvakam ||
kṛtvā śrāddhaṃ pitṝṇāṃ tu dadyāddānaṃ svaśaktitaḥ
||59||देवान्पितॄन्मनुष्यांश्च संतर्प्य विधिपूर्वकम् ॥
कृत्वा श्राद्धं पितॄणां तु दद्याद्दानं स्वशक्तितः
devaṃ dāmodaraṃ pūjya puṣpadhūpādinā punaḥ ||
narasiṃhaṃ suraṃ pūjya vainateyaṃ ca pūjayet
||60||देवं दामोदरं पूज्य पुष्पधूपादिना पुनः ॥
नरसिंहं सुरं पूज्य वैनतेयं च पूजयेत्
kṛtvā jāgaraṇaṃ rātrāvutthāpya madhusūdanam ||
dvādaśībhuktimāsādya kāryaṃ pāraṇakaṃ naraiḥ
||61||कृत्वा जागरणं रात्रावुत्थाप्य मधुसूदनम् ॥
द्वादशीभुक्तिमासाद्य कार्यं पारणकं नरैः
brāhmaṇānbhojayitvā ca sahitaḥ putrabāṃdhavaiḥ ||
vikalāṃdhakṛpaṇānāṃ deyamannaṃ svaśaktitaḥ
||62||ब्राह्मणान्भोजयित्वा च सहितः पुत्रबांधवैः ॥
विकलांधकृपणानां देयमन्नं स्वशक्तितः
dāmodare raivatake svarṇarekhānadījale ||
evaṃ yaḥ kurute yātrāṃ tasya puṇyaphalaṃ śṛṇu
||63||दामोदरे रैवतके स्वर्णरेखानदीजले ॥
एवं यः कुरुते यात्रां तस्य पुण्यफलं शृणु
brahmaghnaśca surāpaśca grāmasīmāvilopakaḥ ||
rājadrohī gurudrohī mithyāvratadharaśca yaḥ
||64||ब्रह्मघ्नश्च सुरापश्च ग्रामसीमाविलोपकः ॥
राजद्रोही गुरुद्रोही मिथ्याव्रतधरश्च यः
kūṭasākṣyaprado yaśca yaśca nyāsāpahārakaḥ ||
bālastrīghātako vipraḥ saṃdhyāsnānavivarjitaḥ
||65||कूटसाक्ष्यप्रदो यश्च यश्च न्यासापहारकः ॥
बालस्त्रीघातको विप्रः संध्यास्नानविवर्जितः
devabrahma svaharttā ca vedavikrayakārakaḥ ||
kanyāvikrayakarttā ca devabrāhmaṇaniṃdakaḥ
||66||देवब्रह्म स्वहर्त्ता च वेदविक्रयकारकः ॥
कन्याविक्रयकर्त्ता च देवब्राह्मणनिंदकः
viśvāsaghātako vipraḥ śūdrānnādo'tha lubdhakaḥ ||
nāyakaḥ paradārāṇāṃ svayaṃdattāpahārakaḥ
||67||विश्वासघातको विप्रः शूद्रान्नादोऽथ लुब्धकः ॥
नायकः परदाराणां स्वयंदत्तापहारकः
parvamaithunasevī ca tathā vai setubhedakaḥ ||
pariṇītāmṛtusnātāṃ svayaṃ yo nābhigacchati
||68||पर्वमैथुनसेवी च तथा वै सेतुभेदकः ॥
परिणीतामृतुस्नातां स्वयं यो नाभिगच्छति
brāhmaṇī vidhavā bālā na bhavecchrutadhāriṇī ||
mahāpātakinaścaite tathānye bahavo nṛpa
||69||ब्राह्मणी विधवा बाला न भवेच्छ्रुतधारिणी ॥
महापातकिनश्चैते तथान्ये बहवो नृप
svarṇarekhājale snātvā dṛṣṭvā dāmodaraṃ harim ||
rātrau jāgaraṇaṃ kṛtvā mucyate sarvapātakaiḥ
||70||स्वर्णरेखाजले स्नात्वा दृष्ट्वा दामोदरं हरिम् ॥
रात्रौ जागरणं कृत्वा मुच्यते सर्वपातकैः
na tu ye pāpakarmāṇaḥ samāyātāḥ prajāgare ||
saṃsārasāgare tīrthe gacchaṃti na hareḥ puram
||71||न तु ये पापकर्माणः समायाताः प्रजागरे ॥
संसारसागरे तीर्थे गच्छंति न हरेः पुरम्
yathā yathā yāti naraḥ prajāgare tathātathā viṣṇupure viciṃtyate ||
vāsaḥ surairvaiṣṇavalokahetave mṛdaṃgagītadhvaninādite gṛhe
||72||यथा यथा याति नरः प्रजागरे तथातथा विष्णुपुरे विचिंत्यते ॥
वासः सुरैर्वैष्णवलोकहेतवे मृदंगगीतध्वनिनादिते गृहे
gadāsi śaṃkhāridharāścaturbhujā daiteyadarpāpaharūpadhāriṇaḥ ||
pragīyamānāḥ surasuṃdarībhiste yāṃti khaṃ khecaragātrasaṃgāḥ
||73||गदासि शंखारिधराश्चतुर्भुजा दैतेयदर्पापहरूपधारिणः ॥
प्रगीयमानाः सुरसुंदरीभिस्ते यांति खं खेचरगात्रसंगाः
vārāhakalpe prathamaṃ yugādau dāmodaro raivatake prasiddhaḥ ||
saiṣā nadī yā saritāṃ variṣṭhā so'yaṃ hariryo bhuvanasya kartā
||74||वाराहकल्पे प्रथमं युगादौ दामोदरो रैवतके प्रसिद्धः ॥
सैषा नदी या सरितां वरिष्ठा सोऽयं हरिर्यो भुवनस्य कर्ता
idaṃ purāṇaṃ paṭhate śṛṇoti naro vimānairmadhusūda nālaye ||
devāṃganādattabhujaścaturbhujaḥ sa nīyate devagaṇairabhiṣṭutaḥ
||75||इदं पुराणं पठते शृणोति नरो विमानैर्मधुसूद नालये ॥
देवांगनादत्तभुजश्चतुर्भुजः स नीयते देवगणैरभिष्टुतः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsa khaṇḍe dvitīye vastrāpathakṣetramāhātmye sārasvataproktatīrthayātrāvidhāne śrīdāmodaramāhātmyavarṇanaṃnāma paṃcadaśo'dhyāyaḥ || 15 ||