pāṣāṇamāhātmyavarṇanapūrvakatatpūjanaphalādikathanam
śrīprahlāda uvāca
kṛṣṇakṛṣṇeti kṛṣṇeti śvapaco jāgaranniśi ||
japedapi kalau nityaṃ kṛṣṇarūpī bhaveddhi saḥ
||1||कृष्णकृष्णेति कृष्णेति श्वपचो जागरन्निशि ॥
जपेदपि कलौ नित्यं कृष्णरूपी भवेद्धि सः
kṛṣṇakṛṣṇeti kṛṣṇeti kalau vadatyaharniśam ||
nityaṃ yajñāyutaṃ puṇyaṃ tīrthakoṭisamudbhavam
||2||कृष्णकृष्णेति कृष्णेति कलौ वदत्यहर्निशम् ॥
नित्यं यज्ञायुतं पुण्यं तीर्थकोटिसमुद्भवम्
saṃpūrṇaikādaśī bhūtvā dvādaśyāṃ varddhate yadi ||
unmīlinīti vikhyātā tithīnāmuttamā tithiḥ
||3||संपूर्णैकादशी भूत्वा द्वादश्यां वर्द्धते यदि ॥
उन्मीलिनीति विख्याता तिथीनामुत्तमा तिथिः
vaṃjulīvāsare ye vai rātrau kurvaṃti jāgaram ||
yajñāyutāyutaṃ puṇyaṃ muhūrtārddhena jāyate
||4||वंजुलीवासरे ये वै रात्रौ कुर्वंति जागरम् ॥
यज्ञायुतायुतं पुण्यं मुहूर्तार्द्धेन जायते
saṃpūrṇā dvādaśī bhūtvā varddhate cāpare dine ||
trayodaśyāṃ muniśreṣṭhā vaṃjulī durllabhā kalau
||5||संपूर्णा द्वादशी भूत्वा वर्द्धते चापरे दिने ॥
त्रयोदश्यां मुनिश्रेष्ठा वंजुली दुर्ल्लभा कलौ
unmīlinīmanuprāpya ye prakurvaṃti jāgaram ||
nimiṣārddhena tatpuṇyaṃ gavāṃ koṭiphalapradam
||6||उन्मीलिनीमनुप्राप्य ये प्रकुर्वंति जागरम् ॥
निमिषार्द्धेन तत्पुण्यं गवां कोटिफलप्रदम्
saṃpūrṇaikādaśī bhūtvā pratya'haṃ varddhate yadi ||
darśaśca paurṇamāsī ca pakṣavṛddhistathocyate
||7||संपूर्णैकादशी भूत्वा प्रत्यऽहं वर्द्धते यदि ॥
दर्शश्च पौर्णमासी च पक्षवृद्धिस्तथोच्यते
pakṣavṛddhikarīṃ prāpya ye prakurvaṃti jāgaram ||
nimiṣārddhārddhamātreṇa gavāṃ koṭiphalapradam
||8||पक्षवृद्धिकरीं प्राप्य ये प्रकुर्वंति जागरम् ॥
निमिषार्द्धार्द्धमात्रेण गवां कोटिफलप्रदम्
śrīprahlāda uvāca
cakratīrthe naraḥ snātvā mucyate sarva kilbiṣaiḥ ||
sa yāti paramaṃ sthānaṃ dāhapralayavarjitam
||9||चक्रतीर्थे नरः स्नात्वा मुच्यते सर्व किल्बिषैः ॥
स याति परमं स्थानं दाहप्रलयवर्जितम्
cakraṃ prakṣālitaṃ yatra kṛṣṇena svayameva hi ||
tena vai cakratīrthaṃ hi puṇyaṃ ca paramaṃ hareḥ ||
bhavaṃti tatra pāṣāṇāścakrāṃkā muktidāyakāḥ
||10||चक्रं प्रक्षालितं यत्र कृष्णेन स्वयमेव हि ॥
तेन वै चक्रतीर्थं हि पुण्यं च परमं हरेः ॥
भवंति तत्र पाषाणाश्चक्रांका मुक्तिदायकाः
tatraiva yadi labhyaṃte cakrairdvādaśabhiḥ saha ||
dvādaśātmā sa vijñeyo mokṣadaḥ parikīrtitaḥ
||11||तत्रैव यदि लभ्यंते चक्रैर्द्वादशभिः सह ॥
द्वादशात्मा स विज्ञेयो मोक्षदः परिकीर्तितः
ekacakreṇa pāṣāṇo dvāravatyāṃ suśobhanaḥ ||
sudarśanābhidheyosau mokṣaikaphaladāyakaḥ
||12||एकचक्रेण पाषाणो द्वारवत्यां सुशोभनः ॥
सुदर्शनाभिधेयोसौ मोक्षैकफलदायकः
lakṣmīnārāyaṇau dvau tau bhuktimuktiphalapradau ||
tribhiścaivācyutaṃ devaṃ sadendrapadadāyakam
||13||लक्ष्मीनारायणौ द्वौ तौ भुक्तिमुक्तिफलप्रदौ ॥
त्रिभिश्चैवाच्युतं देवं सदेन्द्रपददायकम्
bhūtido vighnahaṃtā ca catuścakro janārddanaḥ ||
pañcabhirvāsudevastu janmamṛtyubhayāpahaḥ
||14||भूतिदो विघ्नहंता च चतुश्चक्रो जनार्द्दनः ॥
पञ्चभिर्वासुदेवस्तु जन्ममृत्युभयापहः
pradyumnaḥ ṣaḍbhirevāsau lakṣmīṃ kāṃtiṃ dadāti ca ||
saptabhirbaladevastu gotrakīrtivivarddhanaḥ
||15||प्रद्युम्नः षड्भिरेवासौ लक्ष्मीं कांतिं ददाति च ॥
सप्तभिर्बलदेवस्तु गोत्रकीर्तिविवर्द्धनः
vāṃchitaṃ cāṣṭabhirbhaktyā dadāti puruṣottamaḥ ||
sarvaṃ dadyānnavavyūho durllabho yaḥ surottamaiḥ
||16||वांछितं चाष्टभिर्भक्त्या ददाति पुरुषोत्तमः ॥
सर्वं दद्यान्नवव्यूहो दुर्ल्लभो यः सुरोत्तमैः
rājyaprado daśabhistu daśāvatāra eva ca ||
ekādaśabhiraiśvaryyamaniruddhaḥ prayacchati
||17||राज्यप्रदो दशभिस्तु दशावतार एव च ॥
एकादशभिरैश्वर्य्यमनिरुद्धः प्रयच्छति
nirvāṇaṃ dvādaśātmā tu cakrairdvādaśabhiḥ smṛtam ||
ata ūrdhvamanaṃto'sau saukhyamokṣapradāyakaḥ
||18||निर्वाणं द्वादशात्मा तु चक्रैर्द्वादशभिः स्मृतम् ॥
अत ऊर्ध्वमनंतोऽसौ सौख्यमोक्षप्रदायकः
ye kecittatra pāṣāṇāḥ kṛṣṇacakreṇa mudritāḥ ||
teṣāṃ sparśanamātreṇa mucyate sarvakilbiṣaiḥ
||19||ये केचित्तत्र पाषाणाः कृष्णचक्रेण मुद्रिताः ॥
तेषां स्पर्शनमात्रेण मुच्यते सर्वकिल्बिषैः
brahmahatyādikaṃ pāpaṃ manovākkāyakarmajam ||
tatsarvaṃ vilayaṃ yāti cakrāṃkitaprapūjanāt
||20||ब्रह्महत्यादिकं पापं मनोवाक्कायकर्मजम् ॥
तत्सर्वं विलयं याति चक्रांकितप्रपूजनात्
mlecchadeśe śubhe vā'pi cakrāṃko yatra tiṣṭhati ||
yojanāni daśa dve ca mama kṣetraṃ ca sundari
||21||म्लेच्छदेशे शुभे वाऽपि चक्रांको यत्र तिष्ठति ॥
योजनानि दश द्वे च मम क्षेत्रं च सुन्दरि
mṛtyukāle ca saṃprāpte hṛdaye yastu dhārayet ||
cakrākaṃ pāpadalanaṃ sa yāti paramāṃ gatim
||22||मृत्युकाले च संप्राप्ते हृदये यस्तु धारयेत् ॥
चक्राकं पापदलनं स याति परमां गतिम्
gomatīsaṃgame snātvā bhṛgutīrthe tathaiva ca ||
na māturvasate kukṣau yadyapi syātsa pātakī
||23||गोमतीसंगमे स्नात्वा भृगुतीर्थे तथैव च ॥
न मातुर्वसते कुक्षौ यद्यपि स्यात्स पातकी
tāmasaṃ rājasaṃ vāpi yatkṛtaṃ viṣṇupūjanam ||
tatsāttvikatvamabhyeti nimnagāṃbho yathārṇave
||24||तामसं राजसं वापि यत्कृतं विष्णुपूजनम् ॥
तत्सात्त्विकत्वमभ्येति निम्नगांभो यथार्णवे
iti śrīskāṃde mahāpurāṇa ekāśīti sāhasryāṃ saṃhitāyāṃ saptame prabhāsakhaṇḍe caturthe dvārakāmāhātmye dvārakākṣetrasthasudarśanapramukhānantāntacakracihnāṃkita pāṣāṇamāhātmyavarṇanapūrvakatatpūjanaphalādikathanaṃnāma saptatriṃśattamo'dhyāyaḥ || 37 ||