tato gaccheddvijaśreṣṭhāstīrthaṃ viṣṇupadodbhavam
prahlāda uvāca
tato gaccheddvijaśreṣṭhāstīrthaṃ viṣṇupadodbhavam ||
yasya darśanamātreṇa gaṃgāsnānaphalaṃ labhet
||1||ततो गच्छेद्द्विजश्रेष्ठास्तीर्थं विष्णुपदोद्भवम् ॥
यस्य दर्शनमात्रेण गंगास्नानफलं लभेत्
yasyotpattirmayā pūrvaṃ kathitā dvijasattamāḥ ||
yasya saṃsmaraṇādeva kīrtanātpāpanāśanam
||2||यस्योत्पत्तिर्मया पूर्वं कथिता द्विजसत्तमाः ॥
यस्य संस्मरणादेव कीर्तनात्पापनाशनम्
hariṇā yā samānītā rukmiṇyarthe mahātmanā ||
yasyā gaṇḍūṣamātreṇa hayamedhaphalaṃ labhet
||3||हरिणा या समानीता रुक्मिण्यर्थे महात्मना ॥
यस्या गण्डूषमात्रेण हयमेधफलं लभेत्
viṣṇoḥ pādaprasūtāyā vaiṣṇavīti ca viśrutā ||
tatra gatvā mahābhāga gṛhītvā'rghyaṃ vidhānataḥ
||4||विष्णोः पादप्रसूताया वैष्णवीति च विश्रुता ॥
तत्र गत्वा महाभाग गृहीत्वाऽर्घ्यं विधानतः
namasye tvāṃ bhagavati viṣṇupādatalodbhave ||
gṛhāṇārghyamidaṃ devi gaṃge tvaṃ hariṇā saha
||5||नमस्ये त्वां भगवति विष्णुपादतलोद्भवे ॥
गृहाणार्घ्यमिदं देवि गंगे त्वं हरिणा सह
ityuccārya dvijaśreṣṭhā mṛdamālabhya pāṇinā ||
prāṅmukhaḥ saṃyato bhūtvā snānaṃ kuryādatandritaḥ
||6||इत्युच्चार्य द्विजश्रेष्ठा मृदमालभ्य पाणिना ॥
प्राङ्मुखः संयतो भूत्वा स्नानं कुर्यादतन्द्रितः
devānpitṝnmanuṣyāṃśca tarpitavyaṃ tilākṣataiḥ ||
upahṛtyopahārāṃśca hyāhūya brāhmaṇāṃstataḥ
||7||देवान्पितॄन्मनुष्यांश्च तर्पितव्यं तिलाक्षतैः ॥
उपहृत्योपहारांश्च ह्याहूय ब्राह्मणांस्ततः
śraddhayā parayā yuktaḥ śrāddhaṃ kuryādvicakṣaṇaḥ ||
yathoktāṃ dakṣiṇāṃ dadyātsuvarṇaṃ rajataṃ tathā
||8||श्रद्धया परया युक्तः श्राद्धं कुर्याद्विचक्षणः ॥
यथोक्तां दक्षिणां दद्यात्सुवर्णं रजतं तथा
dīnāndha kṛpaṇānāñca dānaṃ deyaṃ svaśaktitaḥ ||
viśeṣataḥ pradātavyaṃ suvarṇaṃ dvijasattamāḥ
||9||दीनान्ध कृपणानाञ्च दानं देयं स्वशक्तितः ॥
विशेषतः प्रदातव्यं सुवर्णं द्विजसत्तमाः
upānahau tato deye jalakumbhaṃ dvijātaye ||
dadhyodanaṃ salavaṇaṃ śākajīrakasaṃyutam
||10||उपानहौ ततो देये जलकुम्भं द्विजातये ॥
दध्योदनं सलवणं शाकजीरकसंयुतम्
raktavastraiḥ kaṃcukībhī rukmiṇīṃ paridhāpayet ||
viprapatnīśca viprāṃśca viṣṇurmeprīyatāmiti
||11||रक्तवस्त्रैः कंचुकीभी रुक्मिणीं परिधापयेत् ॥
विप्रपत्नीश्च विप्रांश्च विष्णुर्मेप्रीयतामिति
evaṃ kṛte dvija śreṣṭhāḥ kṛtakṛtyo bhavennaraḥ ||
pitṝṇāmakṣayā tṛptirgayāśrāddhena vai yathā
||12||एवं कृते द्विज श्रेष्ठाः कृतकृत्यो भवेन्नरः ॥
पितॄणामक्षया तृप्तिर्गयाश्राद्धेन वै यथा
vaiṣṇavaṃ lokamāyānti pitarastrikulodbhavāḥ ||
jīvate sa śriyāyuktaḥ putrapautrasamanvitaḥ
||13||वैष्णवं लोकमायान्ति पितरस्त्रिकुलोद्भवाः ॥
जीवते स श्रियायुक्तः पुत्रपौत्रसमन्वितः
prītaḥ sadā bhavettasya rukmiṇyā saha keśavaḥ ||
yacchate vāñchitānsarvānaihikāmuṣmikānprabhuḥ
||14||प्रीतः सदा भवेत्तस्य रुक्मिण्या सह केशवः ॥
यच्छते वाञ्छितान्सर्वानैहिकामुष्मिकान्प्रभुः
etanmāhātmyamatulaṃ viṣṇupādodbhavaṃ tathā ||
yaḥ śṛṇoti harau bhaktyā sarvapāpaiḥ sa mucyate
||15||एतन्माहात्म्यमतुलं विष्णुपादोद्भवं तथा ॥
यः शृणोति हरौ भक्त्या सर्वपापैः स मुच्यते
śrutvā'dhyāyamimaṃ puṇyaṃ sarvapāpaiḥ pramucyate
||16||श्रुत्वाऽध्यायमिमं पुण्यं सर्वपापैः प्रमुच्यते
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe caturthe dvārakāmāhātmye viṣṇupadatīrthamāhātmyavarṇanaṃnāmaikādaśo'dhyāya. || 11 ||