rukmiṇīhradamāhātmyavarṇanam
prahlāda uvāca
tato gaccheddvijaśreṣṭhāḥ saptakuṇḍānsuviśrutān ||
sarvapāpapraśamanānṛddhibuddhivivarddhanān
||1||ततो गच्छेद्द्विजश्रेष्ठाः सप्तकुण्डान्सुविश्रुतान् ॥
सर्वपापप्रशमनानृद्धिबुद्धिविवर्द्धनान्
ārādhitaḥ sa ca yadā harirāvirbabhūva ha ||
saṃstūyamāno munibhirlakṣmyā saha jagatpatiḥ
||2||आराधितः स च यदा हरिराविर्बभूव ह ॥
संस्तूयमानो मुनिभिर्लक्ष्म्या सह जगत्पतिः
arhaṇaṃ ca tadā cakrurharaye suragaṅgayā ||
vāmapārśve sthitāṃ padmāmabhiṣektuṃ samudyatām
||3||अर्हणं च तदा चक्रुर्हरये सुरगङ्गया ॥
वामपार्श्वे स्थितां पद्मामभिषेक्तुं समुद्यताम्
sanakādyā brahmasutāḥ saptaite manasā dvijāḥ ||
pṛthakpṛthagghradānkṛtvā siṣicuḥ sāgarodbhavām
||4||सनकाद्या ब्रह्मसुताः सप्तैते मनसा द्विजाः ॥
पृथक्पृथग्घ्रदान्कृत्वा सिषिचुः सागरोद्भवाम्
tato lakṣmīhradāḥ proktā devyā nātraiva saṃjñitāḥ ||
prāpte tu dvāparasyāṃte rukmiṇīsaṃśrayeṇa tu
||5||ततो लक्ष्मीह्रदाः प्रोक्ता देव्या नात्रैव संज्ञिताः ॥
प्राप्ते तु द्वापरस्यांते रुक्मिणीसंश्रयेण तु
rukmiṇīhradamityevaṃ kalau khyātiṃ gatāḥ punaḥ ||
bhṛguṇā sevitaṃ yasmādbhṛgutīrthamiti smṛtam
||6||रुक्मिणीह्रदमित्येवं कलौ ख्यातिं गताः पुनः ॥
भृगुणा सेवितं यस्माद्भृगुतीर्थमिति स्मृतम्
tasmingatvā mahābhāgāḥ prakṣālya caraṇau mṛdā ||
ācamya ca kuśāngṛhya prāṅmukho niyataḥ śuciḥ
||7||तस्मिन्गत्वा महाभागाः प्रक्षाल्य चरणौ मृदा ॥
आचम्य च कुशान्गृह्य प्राङ्मुखो नियतः शुचिः
saṃpūrṇaṃ cārghyamādāya phalapuṣpākṣatādibhiḥ ||
rajataṃ ca śire kṛtvā mantrametamudīrayet
||8||संपूर्णं चार्घ्यमादाय फलपुष्पाक्षतादिभिः ॥
रजतं च शिरे कृत्वा मन्त्रमेतमुदीरयेत्
bhaktyā cārghyaṃ pradāsyāmi hrade rukmiṇisaṃjñite ||
sarvapāpavināśāya rukmiṇyāḥ prīṇanāya ca
||9||भक्त्या चार्घ्यं प्रदास्यामि ह्रदे रुक्मिणिसंज्ञिते ॥
सर्वपापविनाशाय रुक्मिण्याः प्रीणनाय च
snānaṃ kuryyāttato viprāḥ kṛtvā śirasi tārakam ||
devānmanupyānsantarpya pitṝnatha viśeṣataḥ
||10||स्नानं कुर्य्यात्ततो विप्राः कृत्वा शिरसि तारकम् ॥
देवान्मनुप्यान्सन्तर्प्य पितॄनथ विशेषतः
śrāddhaṃ tataḥ prakurvīta viprānāhūya bhaktitaḥ ||
dakṣiṇāṃ ca tato dadyādrajataṃ rukmameva ca
||11||श्राद्धं ततः प्रकुर्वीत विप्रानाहूय भक्तितः ॥
दक्षिणां च ततो दद्याद्रजतं रुक्ममेव च
viśeṣataḥ pradeyāni phalāni rasavanti ca ||
dampatyorbhojanaṃ dadyānmiṣṭānnena dvijottamāḥ
||12||विशेषतः प्रदेयानि फलानि रसवन्ति च ॥
दम्पत्योर्भोजनं दद्यान्मिष्टान्नेन द्विजोत्तमाः
viprapatnyastu saṃpūjyāḥ striyaścānyāḥ svaśaktitaḥ ||
kañcukai raktavastraiśca rukmiṇī prīyatāmiti
||13||विप्रपत्न्यस्तु संपूज्याः स्त्रियश्चान्याः स्वशक्तितः ॥
कञ्चुकै रक्तवस्त्रैश्च रुक्मिणी प्रीयतामिति
evaṃ kṛte dvijaśreṣṭhāḥ kṛtakṛtyo bhavennaraḥ ||
sarvānkāmānavāpnoti viṣṇulokaṃ sa gacchati
||14||एवं कृते द्विजश्रेष्ठाः कृतकृत्यो भवेन्नरः ॥
सर्वान्कामानवाप्नोति विष्णुलोकं स गच्छति
vasate ca sadā gehe lakṣmīstasya na saṃśayaḥ ||
ārogyaṃ manasastuṣṭirna codvegaḥ kadācana
||15||वसते च सदा गेहे लक्ष्मीस्तस्य न संशयः ॥
आरोग्यं मनसस्तुष्टिर्न चोद्वेगः कदाचन
pitṝṇāmakṣayā tṛptiḥ prajā bhavati niścalā ||
hīnasattvo naiva bhaveddīrghāyuśca bhavennaraḥ
||16||पितॄणामक्षया तृप्तिः प्रजा भवति निश्चला ॥
हीनसत्त्वो नैव भवेद्दीर्घायुश्च भवेन्नरः
āḍhyo bhavati sarvatra yaḥ snāto rukmiṇī hrade ||
na lakṣmyā mucyate viprā nālakṣmyā vriyate naraḥ
||17||आढ्यो भवति सर्वत्र यः स्नातो रुक्मिणी ह्रदे ॥
न लक्ष्म्या मुच्यते विप्रा नालक्ष्म्या व्रियते नरः
na vairaṃ kalahastasya yaḥ snāto rukmiṇīhrade ||
gamanāgamanaṃ na syātsaṃsārabhramaṇaṃ tathā
||18||न वैरं कलहस्तस्य यः स्नातो रुक्मिणीह्रदे ॥
गमनागमनं न स्यात्संसारभ्रमणं तथा
duḥkhaśokau kutastasya yaḥ snāto rukmiṇīhrade ||
sarvapāpavinirmukto mahābhayavivarjitaḥ
||19||दुःखशोकौ कुतस्तस्य यः स्नातो रुक्मिणीह्रदे ॥
सर्वपापविनिर्मुक्तो महाभयविवर्जितः
sarvānkāmāniha prāpya yāti viṣṇupadaṃ naraḥ
||20||सर्वान्कामानिह प्राप्य याति विष्णुपदं नरः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe caturthe dvārakā māhātmye rukmiṇīhradamāhātmyavarṇanaṃnāma navamo'dhyāyaḥ || 9 ||