mune tvattaḥ śrutaṃ samyaṅmāhātmyaṃ jagadīśituḥ
munaya ūcuḥ
mune tvattaḥ śrutaṃ samyaṅmāhātmyaṃ jagadīśituḥ ||
nirmālyaprabhṛtīnāṃ ca yathāvadanupūrvaśaḥ
||1||मुने त्वत्तः श्रुतं सम्यङ्माहात्म्यं जगदीशितुः ॥
निर्माल्यप्रभृतीनां च यथावदनुपूर्वशः
śrotumicchāmahe brahmanyātrāṃ taraphalāni vai ||
śṛṇvatāṃ tattvato brūhi yathoddeśaḥ kṛtaḥ purā
||2||श्रोतुमिच्छामहे ब्रह्मन्यात्रां तरफलानि वै ॥
शृण्वतां तत्त्वतो ब्रूहि यथोद्देशः कृतः पुरा
jaiminiruvāca
sarvathā varttate lokahitāya puruṣottamaḥ ||
nānāguṇavikāsaiśca nānārūpaviceṣṭitaiḥ
||3||सर्वथा वर्त्तते लोकहिताय पुरुषोत्तमः ॥
नानागुणविकासैश्च नानारूपविचेष्टितैः
nānārūpavilāsena nānātmā ca jaganmayaḥ ||
ahaṃkāraṃ vinā karmaphalaṃ no dvijasattamāḥ
||4||नानारूपविलासेन नानात्मा च जगन्मयः ॥
अहंकारं विना कर्मफलं नो द्विजसत्तमाः
ahaṃkāreṇa badhyante kārāgāre bhavābhidhe ||
buddhyahaṃkārayuktastu yatkarmārabhate naraḥ
||5||अहंकारेण बध्यन्ते कारागारे भवाभिधे ॥
बुद्ध्यहंकारयुक्तस्तु यत्कर्मारभते नरः
tasya sadguṇamāpnoti phalaṃ śubhamathāparam ||
buddhistu trividhā teṣāṃ guṇabhedena bhāvitā
||6||तस्य सद्गुणमाप्नोति फलं शुभमथापरम् ॥
बुद्धिस्तु त्रिविधा तेषां गुणभेदेन भाविता
tatra ye sāttvikāḥ saṃtaḥ phalāvāptiparāṅmukhāḥ ||
bhagavatprītaye karma kurvate te mumukṣavaḥ
||7||तत्र ये सात्त्विकाः संतः फलावाप्तिपराङ्मुखाः ॥
भगवत्प्रीतये कर्म कुर्वते ते मुमुक्षवः
parasya sparddhayā kīrtyai phalamuddiśya vā punaḥ ||
bahuvittavyayāyāsai rājasaṃ karma tanvate
||8||परस्य स्पर्द्धया कीर्त्यै फलमुद्दिश्य वा पुनः ॥
बहुवित्तव्ययायासै राजसं कर्म तन्वते
gatānugatikā ye ca dṛṣṭārthaikaparāyaṇāḥ ||
prasaṃgātphalamicchaṃtastāmasaṃ karma kurvate
||9||गतानुगतिका ये च दृष्टार्थैकपरायणाः ॥
प्रसंगात्फलमिच्छंतस्तामसं कर्म कुर्वते
sāttvikānāṃ jagannāthaḥ sarvadā sarvabhāvanaḥ ||
dhyāto dṛṣṭaḥ smṛto vāpi muktidātā na saṃśayaḥ
||10||सात्त्विकानां जगन्नाथः सर्वदा सर्वभावनः ॥
ध्यातो दृष्टः स्मृतो वापि मुक्तिदाता न संशयः
rājasāstāmasā ye vai mūḍhātmānaḥ phalaiṣiṇaḥ ||
utsavādikṛtaṃ karma manyaṃte phaladāyi te
||11||राजसास्तामसा ये वै मूढात्मानः फलैषिणः ॥
उत्सवादिकृतं कर्म मन्यंते फलदायि ते
saṃbhūya bahavo viprā ārabhaṃte'lpakaṃ vidhim ||
bahulāyāsaduḥkhaṃ yatkarma teṣāṃ phalapradam
||12||संभूय बहवो विप्रा आरभंतेऽल्पकं विधिम् ॥
बहुलायासदुःखं यत्कर्म तेषां फलप्रदम्
teṣāmuddharaṇārthāya viśvāsāya durātmanām ||
yātrā nānāvidhā viprā varṣe varṣe pravartayet
||13||तेषामुद्धरणार्थाय विश्वासाय दुरात्मनाम् ॥
यात्रा नानाविधा विप्रा वर्षे वर्षे प्रवर्तयेत्
janmasnānaṃ mahāvedyā utsavaśca prakīrtitaḥ ||
mahāyātrādvayaṃ puṃsāṃ kīrtanātpāpanāśanam
||14||जन्मस्नानं महावेद्या उत्सवश्च प्रकीर्तितः ॥
महायात्राद्वयं पुंसां कीर्तनात्पापनाशनम्
darśanaṃ dakṣiṇāmūrtestathā ca śayanotsavaḥ ||
sarvapāpaharaścaiṣāmutsavo dakṣiṇāyane
||15||दर्शनं दक्षिणामूर्तेस्तथा च शयनोत्सवः ॥
सर्वपापहरश्चैषामुत्सवो दक्षिणायने
ataḥ paraṃ pravakṣyāmi pārśvasya parivartanam ||
śayitasya jagadbhartuḥ parivartayituryugam
||16||अतः परं प्रवक्ष्यामि पार्श्वस्य परिवर्तनम् ॥
शयितस्य जगद्भर्तुः परिवर्तयितुर्युगम्
nabhasya vimale pakṣe saṃprāpte harivāsare ||
viṣṇoḥ svāpagṛhadvāri śanairgatvā praviśya ca
||17||नभस्य विमले पक्षे संप्राप्ते हरिवासरे ॥
विष्णोः स्वापगृहद्वारि शनैर्गत्वा प्रविश्य च
namaskṛtvā jagannāthaṃ paryaṃke śayitaṃ mudā ||
avacchādya śanairgatvā pūjayedupacārakaiḥ
||18||नमस्कृत्वा जगन्नाथं पर्यंके शयितं मुदा ॥
अवच्छाद्य शनैर्गत्वा पूजयेदुपचारकैः
praṇamya bhaktyā tatpādau guhyopaniṣadaiḥ stuvan ||
mantraṃ cemaṃ paṭhandevaṃ svāpayeduttarāmukham
||19||प्रणम्य भक्त्या तत्पादौ गुह्योपनिषदैः स्तुवन् ॥
मन्त्रं चेमं पठन्देवं स्वापयेदुत्तरामुखम्
devadeva jagannātha kalpānāṃ parivartaka ||
parivṛttamidaṃ sarvaṃ yena sthāvarajaṃgamam
||20||देवदेव जगन्नाथ कल्पानां परिवर्तक ॥
परिवृत्तमिदं सर्वं येन स्थावरजंगमम्
yadicchāceṣṭitaireva jāgratsvapnasuṣuptibhiḥ ||
jagaddhitāya supto'si pārśvena parivarttaya
||21||यदिच्छाचेष्टितैरेव जाग्रत्स्वप्नसुषुप्तिभिः ॥
जगद्धिताय सुप्तोऽसि पार्श्वेन परिवर्त्तय
parivarttanakālo'yaṃ jagataḥ pālanāya te ||
tavājñayā'yaṃ śakro'pi dhvaje tiṣṭhansamutsukaḥ
||22||परिवर्त्तनकालोऽयं जगतः पालनाय ते ॥
तवाज्ञयाऽयं शक्रोऽपि ध्वजे तिष्ठन्समुत्सुकः
draṣṭuṃ tvatpādakamalaṃ vimucañjaladairjalam ||
mahītalaṃ plāvayati prajāpālanahetukam
||23||द्रष्टुं त्वत्पादकमलं विमुचञ्जलदैर्जलम् ॥
महीतलं प्लावयति प्रजापालनहेतुकम्
iti saṃprārthya deveśaṃ vīpsayā toṣayettataḥ ||
vyajanaiścāmaraiścaiva vījayedanukalpakṛt
||24||इति संप्रार्थ्य देवेशं वीप्सया तोषयेत्ततः ॥
व्यजनैश्चामरैश्चैव वीजयेदनुकल्पकृत्
sugandhacandanairasya sarvāṃgaṃ parilepayet ||
svādūnikṣuvikārāṃśca vikṛtaiḥ pāyasaistathā
||25||सुगन्धचन्दनैरस्य सर्वांगं परिलेपयेत् ॥
स्वादूनिक्षुविकारांश्च विकृतैः पायसैस्तथा
yāvakāni ca hṛdyāni phalāni vividhāni vai ||
svādūpadaṃśānanyāṃśca ghṛtapūpānsapāyasān
||26||यावकानि च हृद्यानि फलानि विविधानि वै ॥
स्वादूपदंशानन्यांश्च घृतपूपान्सपायसान्
pakvatāṃbūla patrāṇi sopaskārāṇi ca dvijāḥ ||
śayyāgṛhadvāri vibhoḥ śanairbhaktyā nivedayet
||27||पक्वतांबूल पत्राणि सोपस्काराणि च द्विजाः ॥
शय्यागृहद्वारि विभोः शनैर्भक्त्या निवेदयेत्
tasmindine hare rūpaṃ bhavedyadi mahāphalam ||
devamuddiśya yaḥ kuryātsarvamakṣayatāṃ vrajet
||28||तस्मिन्दिने हरे रूपं भवेद्यदि महाफलम् ॥
देवमुद्दिश्य यः कुर्यात्सर्वमक्षयतां व्रजेत्
snānaṃ dānaṃ japo homastapo jāgaraṇaṃ tathā ||
upavāsaśca niyamo vratāṃte dvijatarpaṇam
||29||स्नानं दानं जपो होमस्तपो जागरणं तथा ॥
उपवासश्च नियमो व्रतांते द्विजतर्पणम्
sāṃgaṃ vratamidaṃ kṛtvā viṣṇulokamavāpnuyāt ||
yaṃ yaṃ kāmayate citte taṃ tamāpnotyasaṃśayam
||30||सांगं व्रतमिदं कृत्वा विष्णुलोकमवाप्नुयात् ॥
यं यं कामयते चित्ते तं तमाप्नोत्यसंशयम्
ayaṃ vaḥ kathito viprāḥ pārśvaparyāyaṇotsavaḥ ||
anāyāsena lokānāmakṣayaḥ sukhadāyakaḥ
||31||अयं वः कथितो विप्राः पार्श्वपर्यायणोत्सवः ॥
अनायासेन लोकानामक्षयः सुखदायकः
ataḥ paraṃ vai śṛṇuta utthāpanamahotsavam ||
pūjayitvā jagannāthaṃ kaumudyākhye mahotsave
||32||अतः परं वै शृणुत उत्थापनमहोत्सवम् ॥
पूजयित्वा जगन्नाथं कौमुद्याख्ये महोत्सवे
akṣakrīḍādibhiḥ puṣpavastramālyānulepanaiḥ ||
tatosminpaurṇamāsyāyāṃ rātrāvutsavasaṃyutam
||33||अक्षक्रीडादिभिः पुष्पवस्त्रमाल्यानुलेपनैः ॥
ततोस्मिन्पौर्णमास्यायां रात्रावुत्सवसंयुतम्
nārikelādibhirdravyaiḥ piṣṭakairarcayeddharim ||
tataḥ prabhāte saṃkalpya kārttike vratamuttamam
||34||नारिकेलादिभिर्द्रव्यैः पिष्टकैरर्चयेद्धरिम् ॥
ततः प्रभाते संकल्प्य कार्त्तिके व्रतमुत्तमम्
vratena tenaiva nayedyāvadekādaśī sitā ||
tasyāmutthāpayeddevaṃ susuptaṃ jagadīśvaram
||35||व्रतेन तेनैव नयेद्यावदेकादशी सिता ॥
तस्यामुत्थापयेद्देवं सुसुप्तं जगदीश्वरम्
pūrvavatpūjayitvā tu niśāmadhye jagadgurum ||
utthāpayedimaṃ maṃtramāhvayañchanakairmudā
||36||पूर्ववत्पूजयित्वा तु निशामध्ये जगद्गुरुम् ॥
उत्थापयेदिमं मंत्रमाह्वयञ्छनकैर्मुदा
uttiṣṭha devadeveśa tejorāśe jagatpate ||
vīkṣasva sakalaṃ deva prasuptaṃ tava māyayā
||37||उत्तिष्ठ देवदेवेश तेजोराशे जगत्पते ॥
वीक्षस्व सकलं देव प्रसुप्तं तव मायया
praphullapuṃḍarīkaśrīhāriṇā nayanena vai ||
tvayā dṛṣṭaṃ jagadidaṃ pāvitryaṃ parameṣyati
||38||प्रफुल्लपुंडरीकश्रीहारिणा नयनेन वै ॥
त्वया दृष्टं जगदिदं पावित्र्यं परमेष्यति
śrautasmārttāḥ kriyāḥ sarvāḥ pravartaṃte tato dhruvam ||
ityutthāpya jagannāthaṃ veṇuvīṇādikasvanaiḥ
||39||श्रौतस्मार्त्ताः क्रियाः सर्वाः प्रवर्तंते ततो ध्रुवम् ॥
इत्युत्थाप्य जगन्नाथं वेणुवीणादिकस्वनैः
baṃdimāgadhasūtānāṃ stutibhirmaṃgalasvanaiḥ ||
śaṃkhakāhālamurajavādanairnṛtyagītakaiḥ
||40||बंदिमागधसूतानां स्तुतिभिर्मंगलस्वनैः ॥
शंखकाहालमुरजवादनैर्नृत्यगीतकैः
jayaśabdaistathā stotrairnayaṃttaṃ nṛtyamaṇḍapam ||
sugandhatailenābhyajya snāpayetpuruṣottamam
||41||जयशब्दैस्तथा स्तोत्रैर्नयंत्तं नृत्यमण्डपम् ॥
सुगन्धतैलेनाभ्यज्य स्नापयेत्पुरुषोत्तमम्
pañcāmṛtairnārikelarasaiḥ phalarasaistathā ||
sugandhāmalakenātha yavakalkena lepayet
||42||पञ्चामृतैर्नारिकेलरसैः फलरसैस्तथा ॥
सुगन्धामलकेनाथ यवकल्केन लेपयेत्
gharṣayettulasīcūrṇairlepayedgandhacandanaiḥ ||
puṣpādhivāsitaistoyaistathā karpūravāsitaiḥ
||43||घर्षयेत्तुलसीचूर्णैर्लेपयेद्गन्धचन्दनैः ॥
पुष्पाधिवासितैस्तोयैस्तथा कर्पूरवासितैः
kuśodakai ratnatoyaistathā gaṃdhodakaistathā ||
snāpyamānaṃ tathā devaṃ ye paśyaṃti mudānvitāḥ
||44||कुशोदकै रत्नतोयैस्तथा गंधोदकैस्तथा ॥
स्नाप्यमानं तथा देवं ये पश्यंति मुदान्विताः
kṣālayanti dṛḍhaṃ paṃkaṃ bahujanmopapāditam ||
tataḥ śrījagadīśasya kroḍe saṃvāsayeddvijāḥ
||45||क्षालयन्ति दृढं पंकं बहुजन्मोपपादितम् ॥
ततः श्रीजगदीशस्य क्रोडे संवासयेद्द्विजाः
āpādānmūrdhaparyaṃtaṃ sarvāgaṃ parilepayet ||
kuṃkumāgurukastūrīkarpūraiścaṃdanānvitaiḥ
||46||आपादान्मूर्धपर्यंतं सर्वागं परिलेपयेत् ॥
कुंकुमागुरुकस्तूरीकर्पूरैश्चंदनान्वितैः
pāṭalodakasaṃpiṣṭaiḥ kālāgururasāplutaiḥ ||
dattvā ca mālatīmālā candracūrṇena saṃyutām
||47||पाटलोदकसंपिष्टैः कालागुरुरसाप्लुतैः ॥
दत्त्वा च मालतीमाला चन्द्रचूर्णेन संयुताम्
mahopacāraiḥ saṃpūjya viṣṇuṃ nīrājayettataḥ ||
kṛtāṃjalipuṭo bhūtvā prārthayetparayā mudā
||48||महोपचारैः संपूज्य विष्णुं नीराजयेत्ततः ॥
कृतांजलिपुटो भूत्वा प्रार्थयेत्परया मुदा
carācaramidaṃ sarvaṃ tvadekaśaraṇaṃ vibho ||
anugrahāmṛtālokaiḥ pāvayasva jagadguro
||49||चराचरमिदं सर्वं त्वदेकशरणं विभो ॥
अनुग्रहामृतालोकैः पावयस्व जगद्गुरो
nṛtyagītaiḥ prekṣaṇakai rātriśeṣaṃ samāpayet ||
śayanādutthitaṃ devaṃ yaḥ paśyati gadādharam
||50||नृत्यगीतैः प्रेक्षणकै रात्रिशेषं समापयेत् ॥
शयनादुत्थितं देवं यः पश्यति गदाधरम्
nidrāṃ mohamayīṃ bhittvā jyotiḥ śāṃtaṃ vrajaṃti te ||
sarvānkāmānavāpnoti yānyānkāmayate hṛdi
||51||निद्रां मोहमयीं भित्त्वा ज्योतिः शांतं व्रजंति ते ॥
सर्वान्कामानवाप्नोति यान्यान्कामयते हृदि
aśvamedhasahasrasya phalaṃ sāgraṃ labheta vai ||
kapilālaṃkṛtādhenukoṭidānaphalaṃ tathā
||52||अश्वमेधसहस्रस्य फलं साग्रं लभेत वै ॥
कपिलालंकृताधेनुकोटिदानफलं तथा
puṇyaṃ cāpnoti paramaṃ sarvatīrthābhiṣekajam ||
kārttikyāṃ pāraṇaṃ kuryāccāturmāsyavratasya vai
||53||पुण्यं चाप्नोति परमं सर्वतीर्थाभिषेकजम् ॥
कार्त्तिक्यां पारणं कुर्याच्चातुर्मास्यव्रतस्य वै
dāmodarasya pratimāṃ svarṇaniṣkeṇa nirmitām ||
yathāśaktikṛtāṃ vāpi śālagrāmaśilāsthitām
||54||दामोदरस्य प्रतिमां स्वर्णनिष्केण निर्मिताम् ॥
यथाशक्तिकृतां वापि शालग्रामशिलास्थिताम्
cakramūrtiṃ bhagavataḥ pūjayetprayatātmavān ||
racayenmaṇḍapaṃ śubhramekadeśaṃ gṛhasya vā
||55||चक्रमूर्तिं भगवतः पूजयेत्प्रयतात्मवान् ॥
रचयेन्मण्डपं शुभ्रमेकदेशं गृहस्य वा
alaṃkuryātpuṣpadāmacāmaraiḥ savitānakaiḥ ||
bhūmibhittīḥ sudhālepaiḥ staṃbhaiścitradukūlakaiḥ
||56||अलंकुर्यात्पुष्पदामचामरैः सवितानकैः ॥
भूमिभित्तीः सुधालेपैः स्तंभैश्चित्रदुकूलकैः
kālāgurūṇāṃ dhūpaiśca dhūpayettadgṛhaṃ śubham ||
tanmadhye maṇḍalaṃ kuryātsvastikaṃ varṇakaiḥ śubhaiḥ
||57||कालागुरूणां धूपैश्च धूपयेत्तद्गृहं शुभम् ॥
तन्मध्ये मण्डलं कुर्यात्स्वस्तिकं वर्णकैः शुभैः
tadantaḥ sthāpayetkhaṭvāṃ karidantamayīṃ śubhām ||
paṭṭatūlīṃ tadupari vāsayetpuruṣottamam
||58||तदन्तः स्थापयेत्खट्वां करिदन्तमयीं शुभाम् ॥
पट्टतूलीं तदुपरि वासयेत्पुरुषोत्तमम्
dāmodarākṛtiṃ śaṃkhapadmapāṇiṃ caturbhujam ||
lakṣmīmāliṃgya padmasthāṃ kroḍasthāṃ vāmapāṇinā
||59||दामोदराकृतिं शंखपद्मपाणिं चतुर्भुजम् ॥
लक्ष्मीमालिंग्य पद्मस्थां क्रोडस्थां वामपाणिना
bhaktebhyo dātumudyaṃtaṃ varaṃ dakṣiṇapāṇinā ||
sunāsaṃ sulalāṭaṃ ca sunetraṃ suśrutidvayam
||60||भक्तेभ्यो दातुमुद्यंतं वरं दक्षिणपाणिना ॥
सुनासं सुललाटं च सुनेत्रं सुश्रुतिद्वयम्
viśālavakṣasaṃ devaṃ sarvalāvaṇyasaṃyutam ||
sarvālaṃkāraruciraṃ divyapītanicolinam
||61||विशालवक्षसं देवं सर्वलावण्यसंयुतम् ॥
सर्वालंकाररुचिरं दिव्यपीतनिचोलिनम्
lakṣmīṃ padmakarāṃ vāpi tāṃbūlaṃ dadatīṃ tathā ||
pañcāmṛtaiḥ snāpayitvā vāsoyugmena veṣṭayet
||62||लक्ष्मीं पद्मकरां वापि तांबूलं ददतीं तथा ॥
पञ्चामृतैः स्नापयित्वा वासोयुग्मेन वेष्टयेत्
pūjayedupacāraistaṃ yathāvibhavavistaraiḥ ||
tāmradīpānmṛnmayānvā jvālayedgavyasarpiṣā
||63||पूजयेदुपचारैस्तं यथाविभवविस्तरैः ॥
ताम्रदीपान्मृन्मयान्वा ज्वालयेद्गव्यसर्पिषा
tailena vā śataṃ dīpavṛkṣāṃścaiva pradāpayet ||
brahmāṇaṃ nāradādīṃśca devarṣīṃstatra pūjayet
||64||तैलेन वा शतं दीपवृक्षांश्चैव प्रदापयेत् ॥
ब्रह्माणं नारदादींश्च देवर्षींस्तत्र पूजयेत्
dāmodarasvarūpānvai brāhmaṇānapi pūjayet ||
vastrayugmairmālyagandhairbhakṣyabhojyaphalaistathā
||65||दामोदरस्वरूपान्वै ब्राह्मणानपि पूजयेत् ॥
वस्त्रयुग्मैर्माल्यगन्धैर्भक्ष्यभोज्यफलैस्तथा
tīrtharājābhiṣekāṃgaṃ pūjākarma yathocitam ||
dāmodarasya tenaiva vidhinehārcanaṃ bhavet
||66||तीर्थराजाभिषेकांगं पूजाकर्म यथोचितम् ॥
दामोदरस्य तेनैव विधिनेहार्चनं भवेत्
tadviṣṇoriti mantreṇa brahmādīnapi pūjayet ||
veṇuvīṇādikairgītaiḥ purāṇapaṭhanena ca
||67||तद्विष्णोरिति मन्त्रेण ब्रह्मादीनपि पूजयेत् ॥
वेणुवीणादिकैर्गीतैः पुराणपठनेन च
mahotsavaṃ prakurvīta tato jāgaraṇena ca ||
tataḥ prabhāte vimale'gnikāryaṃ ca samācaret
||68||महोत्सवं प्रकुर्वीत ततो जागरणेन च ॥
ततः प्रभाते विमलेऽग्निकार्यं च समाचरेत्
aṣṭākṣareṇa maṃtreṇa samidājyacarūnapi ||
lājānmadhusaminmiśrāñjuhuyācca tataḥ śriye
||69||अष्टाक्षरेण मंत्रेण समिदाज्यचरूनपि ॥
लाजान्मधुसमिन्मिश्राञ्जुहुयाच्च ततः श्रिये
sūktenāṣṭottaraśataṃ brahmādīnāṃ tadantataḥ ||
aṣṭāhutīrvai juhuyātkramādekaikaśastilaiḥ
||70||सूक्तेनाष्टोत्तरशतं ब्रह्मादीनां तदन्ततः ॥
अष्टाहुतीर्वै जुहुयात्क्रमादेकैकशस्तिलैः
brahmāṇaṃ nāradaṃ dakṣaṃ vasiṣṭhaṃ gautamaṃ tathā ||
sanatkumāramatriṃ ca bharadvājaṃ ca kaśyapam
||71||ब्रह्माणं नारदं दक्षं वसिष्ठं गौतमं तथा ॥
सनत्कुमारमत्रिं च भरद्वाजं च कश्यपम्
durvāsasamagastyaṃ ca mahādevaṃ tataḥ param ||
vikhyātā vaiṣṇavā hyete viṣṇurūpā na saṃśayaḥ
||72||दुर्वाससमगस्त्यं च महादेवं ततः परम् ॥
विख्याता वैष्णवा ह्येते विष्णुरूपा न संशयः
etānsaṃpūjayanviprānviṣṇuḥ prīṇāti tatkṣaṇāt ||
homāṃte prāśanaṃ kṛtvā dadyādācāryadakṣiṇām
||73||एतान्संपूजयन्विप्रान्विष्णुः प्रीणाति तत्क्षणात् ॥
होमांते प्राशनं कृत्वा दद्यादाचार्यदक्षिणाम्
suvarṇabhūṣitāṃ dhenuṃ vastraṃ dhānyaṃ ca bhaktitaḥ ||
prītaye vāsudevasya bhojayeddvijapuṃgavān
||74||सुवर्णभूषितां धेनुं वस्त्रं धान्यं च भक्तितः ॥
प्रीतये वासुदेवस्य भोजयेद्द्विजपुंगवान्
sarvopacārasahitaṃ dadyāddāmodaraṃ tataḥ
||76||सर्वोपचारसहितं दद्याद्दामोदरं ततः
oṃ dāmodara jagannātha tvanmayaṃ viśvameva hi ||
tvadādhāramidaṃ sarvaṃ tvaṃ dharmaḥ sarvabhāvanaḥ ||
tvatprasādādvrataṃ cīrṇaṃ susaṃpūrṇaṃ tadastu me
||76||ॐ दामोदर जगन्नाथ त्वन्मयं विश्वमेव हि ॥
त्वदाधारमिदं सर्वं त्वं धर्मः सर्वभावनः ॥
त्वत्प्रसादाद्व्रतं चीर्णं सुसंपूर्णं तदस्तु मे
dāmodaraḥ pradātā ca gṛhītā ca vṛṣadhvajaḥ ||
pradīyate jagannāthaḥ prīyatāṃ me jagadguruḥ
||77||दामोदरः प्रदाता च गृहीता च वृषध्वजः ॥
प्रदीयते जगन्नाथः प्रीयतां मे जगद्गुरुः
iti maṃtraṃ japandadyādācāryāya surottamam ||
samāpya pūjayedbhaktyā stūyāttaṃ ca prasādayet
||78||इति मंत्रं जपन्दद्यादाचार्याय सुरोत्तमम् ॥
समाप्य पूजयेद्भक्त्या स्तूयात्तं च प्रसादयेत्
ācārye parituṣṭe tu tuṣṭo bhavati mādhavaḥ ||
tattaddravyāṇi ca tato dadyādviprebhya eva hi
||79||आचार्ये परितुष्टे तु तुष्टो भवति माधवः ॥
तत्तद्द्रव्याणि च ततो दद्याद्विप्रेभ्य एव हि
tataḥ svayaṃ vai bhuṃjīta iṣṭaiḥ śiṣṭaiḥ svabaṃdhubhiḥ ||
cāturmāsyavrataṃ cedaṃ pratiṣṭhāpya vidhānataḥ
||80||ततः स्वयं वै भुंजीत इष्टैः शिष्टैः स्वबंधुभिः ॥
चातुर्मास्यव्रतं चेदं प्रतिष्ठाप्य विधानतः
yathoktaphalasaṃpanno viṣṇulokamavāpnuyāt ||
śrutismṛtipurāṇeṣu nātaḥ parataraṃ vratam
||81||यथोक्तफलसंपन्नो विष्णुलोकमवाप्नुयात् ॥
श्रुतिस्मृतिपुराणेषु नातः परतरं व्रतम्
yenānuṣṭhitamātreṇa kṛtakṛtyo bhavennaraḥ ||
viṣṇoḥ prītikaraṃ yādṛṅna tathānyadvrataṃ dvijāḥ
||82||येनानुष्ठितमात्रेण कृतकृत्यो भवेन्नरः ॥
विष्णोः प्रीतिकरं यादृङ्न तथान्यद्व्रतं द्विजाः
tilapātrasahasraistu gavāṃ caivāyutāyutaiḥ ||
kṛṣṇājinaśatenāpi kanyānāmayutena ca
||83||तिलपात्रसहस्रैस्तु गवां चैवायुतायुतैः ॥
कृष्णाजिनशतेनापि कन्यानामयुतेन च
dattvā yatphalamāpnoti kṛtvaitadvratamuttamam ||
sārddhatrikoṭitīrthānāmabhiṣekaphalaṃ tathā
||84||दत्त्वा यत्फलमाप्नोति कृत्वैतद्व्रतमुत्तमम् ॥
सार्द्धत्रिकोटितीर्थानामभिषेकफलं तथा
prāpnoti tatphalaṃ viprā yaṃ yaṃ kāmayate naraḥ
||85||प्राप्नोति तत्फलं विप्रा यं यं कामयते नरः
iti śrī skāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe puruṣottamakṣetramāhātmye cāturmāsyavratavidhirnāmaikonacatvāriṃśo'dhyāyaḥ || 39 ||