rāmanāthaliṃgapratiṣṭhākāraṇavarṇanam
śrīrāma uvāca
paṃpāraṇye vayaṃ dīnāstvayā vānarapuṃgava ||
āśvāsitāḥ kārayitvā sakhyamādityasūnunā
||1||पंपारण्ये वयं दीनास्त्वया वानरपुंगव ॥
आश्वासिताः कारयित्वा सख्यमादित्यसूनुना
tvāṃ dṛṣṭvā pitaraṃ bandhūnkausalyāṃ jananīmapi ||
na smarāmo vayaṃ sarvānme tvayopakṛtaṃ bahu
||2||त्वां दृष्ट्वा पितरं बन्धून्कौसल्यां जननीमपि ॥
न स्मरामो वयं सर्वान्मे त्वयोपकृतं बहु
madarthaṃ sāgarastīrṇo bhavatā bahu yojanaḥ ||
talaprahārābhihato maināko'pi nagottamaḥ
||3||मदर्थं सागरस्तीर्णो भवता बहु योजनः ॥
तलप्रहाराभिहतो मैनाकोऽपि नगोत्तमः
nāgamātā ca surasā madarthaṃ bhavatā jitā ||
chāyāgrahāṃ mahākrūrāma vadhīdrākṣasīṃ bhavān
||4||नागमाता च सुरसा मदर्थं भवता जिता ॥
छायाग्रहां महाक्रूराम वधीद्राक्षसीं भवान्
sāyaṃ suvelamāsādya laṃkāmāhatya pāṇinā ||
ayāsī rāvaṇagṛhaṃ madarthaṃ tvaṃ mahākape
||5||सायं सुवेलमासाद्य लंकामाहत्य पाणिना ॥
अयासी रावणगृहं मदर्थं त्वं महाकपे
sītāmanviṣya laṃkāyāṃ rātrau gatabhayo bhavān ||
adṛṣṭvā jānakīṃ paścādaśokavanikāṃ yayau
||6||सीतामन्विष्य लंकायां रात्रौ गतभयो भवान् ॥
अदृष्ट्वा जानकीं पश्चादशोकवनिकां ययौ
namaskṛtya ca vaidehīmabhijñānaṃ pradāya ca ||
cūḍāmaṇiṃ samādāya madarthaṃ jānakīkarāt
||7||नमस्कृत्य च वैदेहीमभिज्ञानं प्रदाय च ॥
चूडामणिं समादाय मदर्थं जानकीकरात्
aśokavanikāvṛkṣānabhāṃkṣīstvaṃ mahākape ||
tatastvaśītisāhasrānkiṃkarānnāma rākṣasān
||8||अशोकवनिकावृक्षानभांक्षीस्त्वं महाकपे ॥
ततस्त्वशीतिसाहस्रान्किंकरान्नाम राक्षसान्
rāvaṇapratimānyuddhe patyaśvebharathākulān ||
avadhīstvaṃ madarthe vai mahābalaparākramān
||9||रावणप्रतिमान्युद्धे पत्यश्वेभरथाकुलान् ॥
अवधीस्त्वं मदर्थे वै महाबलपराक्रमान्
tataḥ prahastatanayaṃ jaṃbumālinamāgatam ||
avadhīnmaṃtritanayānsapta saptārcivarcasaḥ
||10||ततः प्रहस्ततनयं जंबुमालिनमागतम् ॥
अवधीन्मंत्रितनयान्सप्त सप्तार्चिवर्चसः
paṃca senāpatīnpaścādanayastvaṃ yamālayam ||
kumāramakṣamavadhīstatastvaṃ raṇamūrdhani
||11||पंच सेनापतीन्पश्चादनयस्त्वं यमालयम् ॥
कुमारमक्षमवधीस्ततस्त्वं रणमूर्धनि
tata indrajitā nīto rākṣaseṃdra sabhāṃ śubhām ||
tatra laṃkeśvaraṃ vācā tṛṇīkṛtyāvamanya ca
||12||तत इन्द्रजिता नीतो राक्षसेंद्र सभां शुभाम् ॥
तत्र लंकेश्वरं वाचा तृणीकृत्यावमन्य च
abhāṃkṣīstvaṃ purīṃ laṃkāṃ madarthaṃ vāyunaṃdana ||
punaḥ pratinivṛttastvamṛṣyamūkaṃ mahāgirim
||13||अभांक्षीस्त्वं पुरीं लंकां मदर्थं वायुनंदन ॥
पुनः प्रतिनिवृत्तस्त्वमृष्यमूकं महागिरिम्
evamādi mahāduḥkhaṃ madarthaṃ prāptavānasi ||
tvamatra bhūtale śeṣe mama śokamudīrayan
||14||एवमादि महादुःखं मदर्थं प्राप्तवानसि ॥
त्वमत्र भूतले शेषे मम शोकमुदीरयन्
ahaṃ prāṇānparityakṣye mṛto'si yadi vāyuja ||
sītayā mama kiṃ kāryaṃ lakṣmaṇenānujena vā
||15||अहं प्राणान्परित्यक्ष्ये मृतोऽसि यदि वायुज ॥
सीतया मम किं कार्यं लक्ष्मणेनानुजेन वा
bharatenāpi kiṃ kāryaṃ śatrughnena śriyāpi vā ||
rājyenāpi na me kāryaṃ paretastvaṃ kape yadi
||16||भरतेनापि किं कार्यं शत्रुघ्नेन श्रियापि वा ॥
राज्येनापि न मे कार्यं परेतस्त्वं कपे यदि
uttiṣṭha hanumanvatsa kiṃ śeṣe'dya mahītale ||
śayyāṃ kuru mahābāho nidrārthaṃ mama vānara
||17||उत्तिष्ठ हनुमन्वत्स किं शेषेऽद्य महीतले ॥
शय्यां कुरु महाबाहो निद्रार्थं मम वानर
kandamūlaphalāni tvamāhārārthaṃ mamāhara ||
snātumadya gamiṣyāmi śīghraṃ kalaśamānaya
||18||कन्दमूलफलानि त्वमाहारार्थं ममाहर ॥
स्नातुमद्य गमिष्यामि शीघ्रं कलशमानय
ajināni ca vāsāṃsi darbhāṃśca samupāhara ||
brahmāstreṇāvabaddho'haṃ mocitaśca tvayā hare
||19||अजिनानि च वासांसि दर्भांश्च समुपाहर ॥
ब्रह्मास्त्रेणावबद्धोऽहं मोचितश्च त्वया हरे
lakṣmaṇena saha bhrātrā hyauṣadhānayanena vai ||
lakṣmaṇaprāṇadātā tvaṃ paulastyamadanāśanaḥ
||20||लक्ष्मणेन सह भ्रात्रा ह्यौषधानयनेन वै ॥
लक्ष्मणप्राणदाता त्वं पौलस्त्यमदनाशनः
sahāyena tvayā yuddhe rākṣasā nrāvaṇādikān ||
nihatyātibalānvīrānavāpaṃ maithilīmaham
||21||सहायेन त्वया युद्धे राक्षसा न्रावणादिकान् ॥
निहत्यातिबलान्वीरानवापं मैथिलीमहम्
hanūmannaṃjanāsūno sītāśokavināśana ||
kathamevaṃ parityajya lakṣmaṇaṃ māṃ ca jānakīm
||22||हनूमन्नंजनासूनो सीताशोकविनाशन ॥
कथमेवं परित्यज्य लक्ष्मणं मां च जानकीम्
aprāpayitvāyodhyāṃ tvaṃ kimarthaṃ gatavānasi ||
kva gatosi mahāvīra mahārākṣasakaṇṭaka
||23||अप्रापयित्वायोध्यां त्वं किमर्थं गतवानसि ॥
क्व गतोसि महावीर महाराक्षसकण्टक
iti paśyanmukhaṃ tasya nirvākyaṃ raghunaṃdanaḥ ||
prarudannaśrujālena secayāmāsa vāyujam
||24||इति पश्यन्मुखं तस्य निर्वाक्यं रघुनंदनः ॥
प्ररुदन्नश्रुजालेन सेचयामास वायुजम्
vāyuputrastato mūrcchāmapahāya śanairdvijāḥ ||
paulastyabhayasaṃtrastalokarakṣārthamāgatam
||25||वायुपुत्रस्ततो मूर्च्छामपहाय शनैर्द्विजाः ॥
पौलस्त्यभयसंत्रस्तलोकरक्षार्थमागतम्
āśritya mānuṣaṃ bhāvaṃ nārāyaṇamajaṃ vibhum ||
jānakīlakṣmaṇayutaṃ kapibhiḥ parivāritam
||26||आश्रित्य मानुषं भावं नारायणमजं विभुम् ॥
जानकीलक्ष्मणयुतं कपिभिः परिवारितम्
kālāṃbhodharasaṃkāśaṃ raṇadhūlisamukṣitam ||
jaṭāmaṇḍalaśobhāḍhyaṃ puṇḍarīkāyatekṣaṇam
||27||कालांभोधरसंकाशं रणधूलिसमुक्षितम् ॥
जटामण्डलशोभाढ्यं पुण्डरीकायतेक्षणम्
khinnaṃ ca bahuśo yuddhe dadarśa raghunaṃdanam ||
stūyamānamamitraghnaṃ devarṣipitṛkinnaraiḥ
||28||खिन्नं च बहुशो युद्धे ददर्श रघुनंदनम् ॥
स्तूयमानममित्रघ्नं देवर्षिपितृकिन्नरैः
dṛṣṭvā dāśarathiṃ rāmaṃ kṛpābahulacetasam ||
raghunāthakarasparśapūrṇagātraḥ sa vānaraḥ
||29||दृष्ट्वा दाशरथिं रामं कृपाबहुलचेतसम् ॥
रघुनाथकरस्पर्शपूर्णगात्रः स वानरः
patitvā daṇḍavadbhūmau kṛtāṃjalipuṭo dvijāḥ ||
astauṣījjānakīnāthaṃ stotraiḥ śrutimanoharaiḥ
||30||पतित्वा दण्डवद्भूमौ कृतांजलिपुटो द्विजाः ॥
अस्तौषीज्जानकीनाथं स्तोत्रैः श्रुतिमनोहरैः
hanūmānuvāca
namo rāmāya haraye viṣṇave prabhaviṣṇave ||
ādidevāya devāya purāṇāya gadābhṛte
||31||नमो रामाय हरये विष्णवे प्रभविष्णवे ॥
आदिदेवाय देवाय पुराणाय गदाभृते
viṣṭare puṣpakaṃ nityaṃ niviṣṭāya mahātmane ||
prahṛṣṭavānarānīkajuṣṭapādāṃbujāya te
||32||विष्टरे पुष्पकं नित्यं निविष्टाय महात्मने ॥
प्रहृष्टवानरानीकजुष्टपादांबुजाय ते
niṣpiṣṭa rākṣaseṃdrāya jagadiṣṭavidhāyine ||
namaḥ sahasraśirase sahasracaraṇāya ca
||33||निष्पिष्ट राक्षसेंद्राय जगदिष्टविधायिने ॥
नमः सहस्रशिरसे सहस्रचरणाय च
sahasrākṣāya śuddhāya rāghavāya ca viṣṇave ||
bhaktārtihāriṇe tubhyaṃ sītāyāḥ pataye namaḥ
||34||सहस्राक्षाय शुद्धाय राघवाय च विष्णवे ॥
भक्तार्तिहारिणे तुभ्यं सीतायाः पतये नमः
haraye nārasiṃhāya daityarājavidāriṇe ||
namastubhyaṃ varāhāya daṃṣṭroddhṛtavasundhara
||35||हरये नारसिंहाय दैत्यराजविदारिणे ॥
नमस्तुभ्यं वराहाय दंष्ट्रोद्धृतवसुन्धर
trivikramāya bhavate baliyajña vibhedine ||
namo vāmanarūpāya namo maṃdaradhāriṇe
||36||त्रिविक्रमाय भवते बलियज्ञ विभेदिने ॥
नमो वामनरूपाय नमो मंदरधारिणे
namaste matsyarūpāya trayīpālanakāriṇe ||
namaḥ paraśurāmāya kṣatriyāṃtakarāya te
||37||नमस्ते मत्स्यरूपाय त्रयीपालनकारिणे ॥
नमः परशुरामाय क्षत्रियांतकराय ते
namaste rākṣasaghnāya namo rāghavarūpiṇe ||
mahādeva mahābhīma mahākodaṇḍabhedine
||38||नमस्ते राक्षसघ्नाय नमो राघवरूपिणे ॥
महादेव महाभीम महाकोदण्डभेदिने
kṣatriyāṃtakarakrūrabhārgavatrāsakāriṇe ||
namo'stvahilyā saṃtāpahāriṇe cāpahāriṇe
||39||क्षत्रियांतकरक्रूरभार्गवत्रासकारिणे ॥
नमोऽस्त्वहिल्या संतापहारिणे चापहारिणे
nāgāyutavalopetatāṭakādehahāriṇe ||
śilākaṭhinavistāravālivakṣovibhedine
||40||नागायुतवलोपेतताटकादेहहारिणे ॥
शिलाकठिनविस्तारवालिवक्षोविभेदिने
namo māyā mṛgonmāthakāriṇe'jñānahāriṇe ||
daśasyaṃdanaduḥkhābdhiśoṣaṇāgastyarūpiṇe
||41||नमो माया मृगोन्माथकारिणेऽज्ञानहारिणे ॥
दशस्यंदनदुःखाब्धिशोषणागस्त्यरूपिणे
anekormisamādhūtasamudramadahāriṇe ||
maithilīmānasāṃ bhojabhānave lokasākṣiṇe
||42||अनेकोर्मिसमाधूतसमुद्रमदहारिणे ॥
मैथिलीमानसां भोजभानवे लोकसाक्षिणे
rājeṃdrāya namastubhyaṃ jānakīpataye hare ||
tārakabrahmaṇe tubhyaṃ namo rājīvalocana
||43||राजेंद्राय नमस्तुभ्यं जानकीपतये हरे ॥
तारकब्रह्मणे तुभ्यं नमो राजीवलोचन
rāmāya rāmacandrāya vareṇyāya sukhātmane ||
viśvāmitrapriyāyedaṃ namaḥ kharavidāriṇe
||44||रामाय रामचन्द्राय वरेण्याय सुखात्मने ॥
विश्वामित्रप्रियायेदं नमः खरविदारिणे
prasīda devadeveśa bhaktānāmabhayaprada ||
rakṣa māṃ karu ṇāsiṃdho rāmacandra namo'stu te
||45||प्रसीद देवदेवेश भक्तानामभयप्रद ॥
रक्ष मां करु णासिंधो रामचन्द्र नमोऽस्तु ते
rakṣa māṃ vedavacasāmapyagocara rāghava ||
pāhi māṃ kṛpayā rāma śaraṇaṃ tvāmupaimyaham
||46||रक्ष मां वेदवचसामप्यगोचर राघव ॥
पाहि मां कृपया राम शरणं त्वामुपैम्यहम्
raghuvīra mahāmohamapākuru mamādhunā ||
snāne cācamane bhukto jāgratsvapnasuṣuptiṣu
||47||रघुवीर महामोहमपाकुरु ममाधुना ॥
स्नाने चाचमने भुक्तो जाग्रत्स्वप्नसुषुप्तिषु
sarvāvasthāsu sarvatra pāhi māṃ raghunaṃdana ||
mahimānaṃ tava stotuṃ kaḥ samartho jagattraye
||48||सर्वावस्थासु सर्वत्र पाहि मां रघुनंदन ॥
महिमानं तव स्तोतुं कः समर्थो जगत्त्रये
tvameva tvanmahattvaṃ vai jānāsi raghunaṃdana ||
iti stutvā vāyuputro rāmacaṃdraṃ ghṛṇānidhim
||49||त्वमेव त्वन्महत्त्वं वै जानासि रघुनंदन ॥
इति स्तुत्वा वायुपुत्रो रामचंद्रं घृणानिधिम्
sītāmapyabhituṣṭāva bhaktiyuktena cetasā ||
jānaki tvāṃ namasyāmi sarvapāpapraṇāśinīm
||50||सीतामप्यभितुष्टाव भक्तियुक्तेन चेतसा ॥
जानकि त्वां नमस्यामि सर्वपापप्रणाशिनीम्
dāridryaraṇasaṃhartrīṃ bhaktānāmiṣṭadāyinīm ||
videharājatanayāṃ rāghavānaṃdakāriṇīm
||51||दारिद्र्यरणसंहर्त्रीं भक्तानामिष्टदायिनीम् ॥
विदेहराजतनयां राघवानंदकारिणीम्
bhūmerduhitaraṃ vidyāṃ namāmi prakṛtiṃ śivām ||
paulastyaiśvaryasaṃhartrīṃ bhaktābhīṣṭāṃ sarasvatīm
||52||भूमेर्दुहितरं विद्यां नमामि प्रकृतिं शिवाम् ॥
पौलस्त्यैश्वर्यसंहर्त्रीं भक्ताभीष्टां सरस्वतीम्
pativratādhurīṇāṃ tvāṃ namāmi janakātmajām ||
anugrahaparāmṛddhimanaghāṃ harivallabhām
||53||पतिव्रताधुरीणां त्वां नमामि जनकात्मजाम् ॥
अनुग्रहपरामृद्धिमनघां हरिवल्लभाम्
ātmavidyāṃ trayīrūpāmumārūpāṃ namāmya ham ||
prasādābhimukhīṃ lakṣmīṃ kṣīrābdhitanayāṃ śubhām
||54||आत्मविद्यां त्रयीरूपामुमारूपां नमाम्य हम् ॥
प्रसादाभिमुखीं लक्ष्मीं क्षीराब्धितनयां शुभाम्
namāmi candrabhaginīṃ sītāṃ sarvāṃgasuṃdarīm ||
namāmi dharmanilayāṃ karuṇāṃ vedamātaram
||55||नमामि चन्द्रभगिनीं सीतां सर्वांगसुंदरीम् ॥
नमामि धर्मनिलयां करुणां वेदमातरम्
padmālayāṃ padmahastāṃ viṣṇuvakṣasthalālayām ||
namāmi candranilayāṃ sītāṃ candranibhānanām
||56||पद्मालयां पद्महस्तां विष्णुवक्षस्थलालयाम् ॥
नमामि चन्द्रनिलयां सीतां चन्द्रनिभाननाम्
āhlādarūpiṇīṃ siddhiṃ śivāṃ śivakarīṃ satīm ||
namāmi viśvajananīṃ rāmacandreṣṭavallabhām ||
sītāṃ sarvānavadyāṃgīṃ bhajāmi satataṃ hṛdā
||57||आह्लादरूपिणीं सिद्धिं शिवां शिवकरीं सतीम् ॥
नमामि विश्वजननीं रामचन्द्रेष्टवल्लभाम् ॥
सीतां सर्वानवद्यांगीं भजामि सततं हृदा
śrīsūta uvāca
stutvaivaṃ hanumānsītārāmacandrau sabhaktikam
||58||स्तुत्वैवं हनुमान्सीतारामचन्द्रौ सभक्तिकम्
ānaṃdāśrupariklinnastūṣṇīmāste dvijottamāḥ ||
ya idaṃ vāyuputreṇa kathitaṃ pāpanāśanam
||59||आनंदाश्रुपरिक्लिन्नस्तूष्णीमास्ते द्विजोत्तमाः ॥
य इदं वायुपुत्रेण कथितं पापनाशनम्
stotraṃ śrīrāmacaṃdrasya sītāyāḥ paṭhate'nvaham ||
sa naro mahadaiśvaryamaśnute vāṃchitaṃ sa dā
||60||स्तोत्रं श्रीरामचंद्रस्य सीतायाः पठतेऽन्वहम् ॥
स नरो महदैश्वर्यमश्नुते वांछितं स दा
anekakṣetradhānyāni gāśca dogdhrīḥ payasvinīḥ ||
āyurvidyāśca putrāṃśca bhāryāmapi manoramām
||61||अनेकक्षेत्रधान्यानि गाश्च दोग्ध्रीः पयस्विनीः ॥
आयुर्विद्याश्च पुत्रांश्च भार्यामपि मनोरमाम्
etatstotraṃ sakṛ dviprāḥ paṭhannāpnotyasaṃśayaḥ ||
etatstotrasya pāṭhena narakaṃ naiva yāsyati
||62||एतत्स्तोत्रं सकृ द्विप्राः पठन्नाप्नोत्यसंशयः ॥
एतत्स्तोत्रस्य पाठेन नरकं नैव यास्यति
brahmahatyādipāpāni naśyaṃti sumahāṃtyapi ||
sarvapāpavinirmukto dehāṃte muktimāpnuyāt
||63||ब्रह्महत्यादिपापानि नश्यंति सुमहांत्यपि ॥
सर्वपापविनिर्मुक्तो देहांते मुक्तिमाप्नुयात्
iti stuto jagannātho vāyuputreṇa rāghavaḥ ||
sītayā sahito viprā hanūmaṃtamathābravīt
||64||इति स्तुतो जगन्नाथो वायुपुत्रेण राघवः ॥
सीतया सहितो विप्रा हनूमंतमथाब्रवीत्
śrīrāma uvāca
ajñānādvā naraśreṣṭha tvayedaṃ sāhasaṃ kṛtam ||
brahmaṇā viṣṇunā vāpi śakrāditridaśairapi
||65||अज्ञानाद्वा नरश्रेष्ठ त्वयेदं साहसं कृतम् ॥
ब्रह्मणा विष्णुना वापि शक्रादित्रिदशैरपि
nedaṃ liṃgaṃ samuddhartuṃ śakyate sthāpitaṃ mayā ||
mahādevāparādhena patito'syadya mūrcchitaḥ
||66||नेदं लिंगं समुद्धर्तुं शक्यते स्थापितं मया ॥
महादेवापराधेन पतितोऽस्यद्य मूर्च्छितः
itaḥ paraṃ mā kriyatāṃ drohaḥ sāṃbasya śūlinaḥ ||
adyārabhya tvidaṃ kuṃḍaṃ tava nāmnā jagattraye
||67||इतः परं मा क्रियतां द्रोहः सांबस्य शूलिनः ॥
अद्यारभ्य त्विदं कुंडं तव नाम्ना जगत्त्रये
khyātiṃ prayātu yatra tvaṃ patito vānarottama ||
mahāpātakasaṃghānāṃ nāśaḥ syādatra majjanāt
||68||ख्यातिं प्रयातु यत्र त्वं पतितो वानरोत्तम ॥
महापातकसंघानां नाशः स्यादत्र मज्जनात्
mahādevajaṭājātā gautamī saritāṃ varā ||
aśvamedhasahasrasya phaladā snāyināṃ nṛṇām
||69||महादेवजटाजाता गौतमी सरितां वरा ॥
अश्वमेधसहस्रस्य फलदा स्नायिनां नृणाम्
tataḥ śataguṇā gaṃgā yamunā ca sarasvatī ||
etannadītrayaṃ yatra sthale pravahate kape
||70||ततः शतगुणा गंगा यमुना च सरस्वती ॥
एतन्नदीत्रयं यत्र स्थले प्रवहते कपे
militvā tatra tu snānaṃ sahasraguṇitaṃ smṛtam ||
nadīṣvetāsu yatsnānātphalaṃ puṃsāṃ bhavetkape
||71||मिलित्वा तत्र तु स्नानं सहस्रगुणितं स्मृतम् ॥
नदीष्वेतासु यत्स्नानात्फलं पुंसां भवेत्कपे
tatphalaṃ tava kuṃḍe'sminsnānātprāpnotyasaṃśayam ||
durlabhaṃ prāpya mānuṣyaṃ hanūmatkuṃḍatīrataḥ
||72||तत्फलं तव कुंडेऽस्मिन्स्नानात्प्राप्नोत्यसंशयम् ॥
दुर्लभं प्राप्य मानुष्यं हनूमत्कुंडतीरतः
śrāddhaṃ na kurute yastu bhaktiyuktena cetasā ||
nirāśāstasya pitaraḥ prayāṃti kupitāḥ kape
||73||श्राद्धं न कुरुते यस्तु भक्तियुक्तेन चेतसा ॥
निराशास्तस्य पितरः प्रयांति कुपिताः कपे
kupyaṃti munayo'pyasmai devāḥ seṃdrāḥ sacāraṇāḥ ||
na dattaṃ na hutaṃ yena hanūmatkuṃḍatīrataḥ
||74||कुप्यंति मुनयोऽप्यस्मै देवाः सेंद्राः सचारणाः ॥
न दत्तं न हुतं येन हनूमत्कुंडतीरतः
vṛthājīvita evāsāvihāmutra ca duḥkhabhāk ||
hanūmatkuṃḍasavidhe yena dattaṃ tilodakam ||
modaṃte pitarastasya ghṛtakulyāḥ pibaṃti ca
||75||वृथाजीवित एवासाविहामुत्र च दुःखभाक् ॥
हनूमत्कुंडसविधे येन दत्तं तिलोदकम् ॥
मोदंते पितरस्तस्य घृतकुल्याः पिबंति च
śrīsūta uvāca
śrutvaitadvacanaṃ viprā rāmeṇoktaṃ sa vāyujaḥ
||76||श्रुत्वैतद्वचनं विप्रा रामेणोक्तं स वायुजः
uttare rāmanāthasya liṃgaṃ svenāhṛtaṃ mudā ||
ājñayā rāmacandrasya sthāpayāmāsa vāyujaḥ
||77||उत्तरे रामनाथस्य लिंगं स्वेनाहृतं मुदा ॥
आज्ञया रामचन्द्रस्य स्थापयामास वायुजः
pratyakṣameva sarveṣāṃ kapilāṃgūlaveṣṭitam ||
haropi tatpucchajā taṃ bibharti ca valitrayam ||
taduttarāyāṃ kakubhi gaurīṃ saṃsthāpayanmudā
||78||प्रत्यक्षमेव सर्वेषां कपिलांगूलवेष्टितम् ॥
हरोपि तत्पुच्छजा तं बिभर्ति च वलित्रयम् ॥
तदुत्तरायां ककुभि गौरीं संस्थापयन्मुदा
śrīsūta uvāca
evaṃ vaḥ kathitaṃ viprā yadarthaṃ rāghaveṇa tu ||
liṃgaṃ pratiṣṭhitaṃ setau bhuktimuktipradaṃ nṛṇām
||79||एवं वः कथितं विप्रा यदर्थं राघवेण तु ॥
लिंगं प्रतिष्ठितं सेतौ भुक्तिमुक्तिप्रदं नृणाम्
yaḥ paṭhedimamadhyāyaṃ śṛṇuyādvā samāhitaḥ ||
sa vidhūyeha pāpāni śivaloke mahīyate
||80||यः पठेदिममध्यायं शृणुयाद्वा समाहितः ॥
स विधूयेह पापानि शिवलोके महीयते
iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye rāmanāthaliṃgapratiṣṭhākāraṇavarṇanaṃnāma ṣaṭcatvāriṃśo'dhyāyaḥ || 46 ||