tato gacchennṛpaśreṣṭha supuṇyaṃ mānuṣaṃ hradam
pulastya uvāca
tato gacchennṛpaśreṣṭha supuṇyaṃ mānuṣaṃ hradam ||
yatra snāto naraḥ samyaṅmanuṣyo jāyate sadā
||1||ततो गच्छेन्नृपश्रेष्ठ सुपुण्यं मानुषं ह्रदम् ॥
यत्र स्नातो नरः सम्यङ्मनुष्यो जायते सदा
na tiryaktvamavāpnoti kṛtvā'pi bahupātakam ||
tatrāścaryamabhūtpūrvaṃ yattacchṛṇu narādhipa
||2||न तिर्यक्त्वमवाप्नोति कृत्वाऽपि बहुपातकम् ॥
तत्राश्चर्यमभूत्पूर्वं यत्तच्छृणु नराधिप
mṛgayūthamanuprāpta vyādhavyāptaṃ samantataḥ ||
te mṛgā bhayasantrastāḥ praviṣṭā jalamadhyataḥ
||3||मृगयूथमनुप्राप्त व्याधव्याप्तं समन्ततः ॥
ते मृगा भयसन्त्रस्ताः प्रविष्टा जलमध्यतः
sadyo manuṣyatāṃ prāptāḥ pūrvajātismarāstathā ||
etasminneva kāle tu vyādhāste samupāgatāḥ
||4||सद्यो मनुष्यतां प्राप्ताः पूर्वजातिस्मरास्तथा ॥
एतस्मिन्नेव काले तु व्याधास्ते समुपागताः
cāpabāṇadharāḥ sarve yathā vai yamakiṃkarāḥ ||
papracchuśca mṛgānbhūpa mānuṣatvamupāgatān
||5||चापबाणधराः सर्वे यथा वै यमकिंकराः ॥
पप्रच्छुश्च मृगान्भूप मानुषत्वमुपागतान्
mṛgayūthamanu prāptamasminsthāne jalāśraye ||
kena mārgeṇa tadyātaṃ vadadhvaṃ satvaraṃ hi naḥ ||
vayaṃ sarve pariśrāṃtāḥ kṣuttṛḍbhyāṃ ca viśeṣataḥ
||6||मृगयूथमनु प्राप्तमस्मिन्स्थाने जलाश्रये ॥
केन मार्गेण तद्यातं वदध्वं सत्वरं हि नः ॥
वयं सर्वे परिश्रांताः क्षुत्तृड्भ्यां च विशेषतः
manuṣyā ūcuḥ
vayaṃ te hariṇāḥ sarve mānuṣyaṃ bhāvamāśritāḥ ||
tīrthasyāsya prabhāveṇa satyametadasaṃśayam
||7||वयं ते हरिणाः सर्वे मानुष्यं भावमाश्रिताः ॥
तीर्थस्यास्य प्रभावेण सत्यमेतदसंशयम्
pulastya uvāca
tataste śabarāḥ sarve tyaktvā cāpāni pārthiva ||
kṛtvā snānaṃ jale tasminsadyaḥ siddhiṃ gatā nṛpa
||8||ततस्ते शबराः सर्वे त्यक्त्वा चापानि पार्थिव ॥
कृत्वा स्नानं जले तस्मिन्सद्यः सिद्धिं गता नृप
tataḥ śakrastu taddṛṣṭvā tīrthaṃ pāpaharaṃ nṛpa ||
pūrayāmāsa sarvatra pāṃsubhirnṛpasattama
||9||ततः शक्रस्तु तद्दृष्ट्वा तीर्थं पापहरं नृप ॥
पूरयामास सर्वत्र पांसुभिर्नृपसत्तम
adyāpi manujāstatra budhāṣṭamyāṃ narādhipa ||
snānaṃ ye prakariṣyaṃti tiryaktvaṃ na vrajaṃti te
||10||अद्यापि मनुजास्तत्र बुधाष्टम्यां नराधिप ॥
स्नानं ये प्रकरिष्यंति तिर्यक्त्वं न व्रजंति ते
pitṛmedhaphalaṃ kṛtsnaṃ śrāddhadānādavāpnuyuḥ
||11||पितृमेधफलं कृत्स्नं श्राद्धदानादवाप्नुयुः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe tṛtīye'rbudakhaṃḍe manuṣyatīrthaprabhāva varṇanaṃnāmāṣṭāviṃśo'dhyāyaḥ || 28 ||