siddheśvaramahimavarṇanam
pulastya uvāca
tato gacchennṛpaśreṣṭha siddhaliṃgaṃ susiddhidam ||
siddhaistu sthāpitaṃ liṃgaṃ sarvapātakanāśanam
||1||ततो गच्छेन्नृपश्रेष्ठ सिद्धलिंगं सुसिद्धिदम् ॥
सिद्धैस्तु स्थापितं लिंगं सर्वपातकनाशनम्
tatrāsti śobhanaṃ kuṇḍaṃ sunirmalajalānvitam ||
tatra snāto naraḥ samyaṅmucyate brahmahatyayā
||2||तत्रास्ति शोभनं कुण्डं सुनिर्मलजलान्वितम् ॥
तत्र स्नातो नरः सम्यङ्मुच्यते ब्रह्महत्यया
yaṃyaṃ kāmamabhidhyāyaṃstatra snāti naro nṛpa ||
avaśyaṃ tamavāpnoti niṣṭhāṃte ca parāṃ gatim
||3||यंयं काममभिध्यायंस्तत्र स्नाति नरो नृप ॥
अवश्यं तमवाप्नोति निष्ठांते च परां गतिम्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe tṛtīye'rbudakhaṇḍe siddheśvaramahimavarṇanaṃnāma trayaścatvāriṃśo'dhyāyaḥ || 43 ||