tato mahaujasaṃ gacchettīrthaṃ pātakanāśanam
pulastya uvāca
tato mahaujasaṃ gacchettīrthaṃ pātakanāśanam ||
yasminsnāto naro rājaṃstejasā yujyate dhruvam ||
brahmahatyāgninā śakraḥ purā dainyaṃ paraṃ gataḥ
||1||ततो महौजसं गच्छेत्तीर्थं पातकनाशनम् ॥
यस्मिन्स्नातो नरो राजंस्तेजसा युज्यते ध्रुवम् ॥
ब्रह्महत्याग्निना शक्रः पुरा दैन्यं परं गतः
niḥśrīkastejasā hīno durgandhena samanvitaḥ ||
parityaktaḥ suraiḥ sarvairviṣādaṃ paramaṃ gataḥ
||2||निःश्रीकस्तेजसा हीनो दुर्गन्धेन समन्वितः ॥
परित्यक्तः सुरैः सर्वैर्विषादं परमं गतः
tataḥ papraccha devendro dvijaśreṣṭhaṃ bṛhaspatim ||
bhagavaṃstejaso vṛddhiḥ kathaṃ syānme yathā purā
||3||ततः पप्रच्छ देवेन्द्रो द्विजश्रेष्ठं बृहस्पतिम् ॥
भगवंस्तेजसो वृद्धिः कथं स्यान्मे यथा पुरा
bṛhaspatiruvāca
tīrthayātrāṃ suraśreṣṭha kuruṣva dharaṇītale ||
tīrthaṃ vinā dhruvaṃ vṛddhistejaso na bhaviṣyati
||4||तीर्थयात्रां सुरश्रेष्ठ कुरुष्व धरणीतले ॥
तीर्थं विना ध्रुवं वृद्धिस्तेजसो न भविष्यति
tatastīrthānyanekāni bhrāṃtvā śakro narādhipa ||
krameṇaivārbudaṃ prāptastatra dṛṣṭvā jalāśayam ||
snānaṃ cakre tataḥ śrānto mahaujāḥ pratyapadyata
||5||ततस्तीर्थान्यनेकानि भ्रांत्वा शक्रो नराधिप ॥
क्रमेणैवार्बुदं प्राप्तस्तत्र दृष्ट्वा जलाशयम् ॥
स्नानं चक्रे ततः श्रान्तो महौजाः प्रत्यपद्यत
durgandhena vinirmuktastato devaiḥ samāvṛtaḥ ||
uvāca prahasanvākyaṃ śṛṇudhvaṃ sarvadevatāḥ
||6||दुर्गन्धेन विनिर्मुक्तस्ततो देवैः समावृतः ॥
उवाच प्रहसन्वाक्यं शृणुध्वं सर्वदेवताः
ye'tra snānaṃ kariṣyanti prāpte śakrocchraye sadā ||
āśvine śuklapakṣāṃte te yāsyaṃti parāṃ gatim ||
suśrīkāśca bhaviṣyaṃti sadā janmanijanmani
||7||येऽत्र स्नानं करिष्यन्ति प्राप्ते शक्रोच्छ्रये सदा ॥
आश्विने शुक्लपक्षांते ते यास्यंति परां गतिम् ॥
सुश्रीकाश्च भविष्यंति सदा जन्मनिजन्मनि
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe tṛtīye'rbudakhaṃḍe mahaujasatīrthaprabhāvavarṇanaṃnāmaikonaṣaṣṭitamo'dhyāyaḥ || 59 ||