tato gacchennṛpaśreṣṭha bhadrakarṇaṃ mahāhradam
pulastya uvāca
tato gacchennṛpaśreṣṭha bhadrakarṇaṃ mahāhradam ||
trinetrābhāḥ śilā yatra dṛśyaṃte'dyāpi bhūriśaḥ
||1||ततो गच्छेन्नृपश्रेष्ठ भद्रकर्णं महाह्रदम् ॥
त्रिनेत्राभाः शिला यत्र दृश्यंतेऽद्यापि भूरिशः
tasyaiva paścime bhāge liṃgamasti pinākinaḥ ||
yaṃ dṛṣṭvā mānavastatra trinetrasadṛśo bhavet
||2||तस्यैव पश्चिमे भागे लिंगमस्ति पिनाकिनः ॥
यं दृष्ट्वा मानवस्तत्र त्रिनेत्रसदृशो भवेत्
bhadrakarṇagaṇonāma purāsīcchivavallabhaḥ ||
tenātra sthāpitaṃ liṃgaṃ hradaścaiva vinirmitaḥ
||3||भद्रकर्णगणोनाम पुरासीच्छिववल्लभः ॥
तेनात्र स्थापितं लिंगं ह्रदश्चैव विनिर्मितः
kenacittvatha kālena saṃgrāme dānavaiḥ saha ||
yuyudhe purataḥ śaṃbhornānāgaṇasamanvitaḥ
||4||केनचित्त्वथ कालेन संग्रामे दानवैः सह ॥
युयुधे पुरतः शंभोर्नानागणसमन्वितः
naṣṭe skaṃde hate sainye vīrabhadre parājite ||
gatāste bhayasaṃtrastā mahākāle vinirjite
||5||नष्टे स्कंदे हते सैन्ये वीरभद्रे पराजिते ॥
गतास्ते भयसंत्रस्ता महाकाले विनिर्जिते
balavānnamucirnāma dānavo balavattaraḥ ||
khaḍgacarmadharaḥ śīghraṃ maheśvaramupādravat
||6||बलवान्नमुचिर्नाम दानवो बलवत्तरः ॥
खड्गचर्मधरः शीघ्रं महेश्वरमुपाद्रवत्
bhadrakarṇastu taṃ dṛṣṭvā dānavaṃ tadanaṃtaram ||
pataṃtaṃ saṃmukhastasya tiṣṭhatiṣṭheti cābravīt
||7||भद्रकर्णस्तु तं दृष्ट्वा दानवं तदनंतरम् ॥
पतंतं संमुखस्तस्य तिष्ठतिष्ठेति चाब्रवीत्
chittvā'simasinā tasya carma cāpi mahābalaḥ ||
stanayoraṃtare daityaṃ kopāviṣṭo'hanannṛpa
||8||छित्त्वाऽसिमसिना तस्य चर्म चापि महाबलः ॥
स्तनयोरंतरे दैत्यं कोपाविष्टोऽहनन्नृप
athāsau nihatastena praviśya vipulaṃ tamaḥ ||
nipapāta mahīpṛṣṭhe vāyubhagna iva drumaḥ ||
vadhaṃ prāptastu daityo'sau natvā haramasau sthitaḥ ||
satye sthitaṃ ca taṃ dṛṣṭvā tatastuṣṭo maheśvaraḥ
||10||अथासौ निहतस्तेन प्रविश्य विपुलं तमः ॥
निपपात महीपृष्ठे वायुभग्न इव द्रुमः ॥
वधं प्राप्तस्तु दैत्योऽसौ नत्वा हरमसौ स्थितः ॥
सत्ये स्थितं च तं दृष्ट्वा ततस्तुष्टो महेश्वरः
śrībhagavānuvāca
tava vīryeṇa saṃtuṣṭo dharmeṇa ca viśeṣataḥ ||
varaṃ varaya bhadraṃ te nityaṃ yo hṛdaye sthitaḥ
||11||तव वीर्येण संतुष्टो धर्मेण च विशेषतः ॥
वरं वरय भद्रं ते नित्यं यो हृदये स्थितः
bhadrakarṇaṃ uvāca
yanmayā sthāpitaṃ liṃgamarbude surasattama ||
atrāstu tava sāṃnidhyaṃ hrade'smiṃśca sthiro bhava
||12||यन्मया स्थापितं लिंगमर्बुदे सुरसत्तम ॥
अत्रास्तु तव सांनिध्यं ह्रदेऽस्मिंश्च स्थिरो भव
śrībhagavānuvāca
māghamāse caturddaśyāṃ kṛṣṇapakṣe sadā mama ||
sāṃnidhyaṃ ca viśeṣeṇa hrade liṃge bhaviṣyati
||13||माघमासे चतुर्द्दश्यां कृष्णपक्षे सदा मम ॥
सांनिध्यं च विशेषेण ह्रदे लिंगे भविष्यति
bhadrakarṇahrade snātvā trinetraṃ yaḥ samāhitaḥ ||
drakṣyate sa tu me sthānaṃ śāśvataṃ yāsyati dhuvam
||14||भद्रकर्णह्रदे स्नात्वा त्रिनेत्रं यः समाहितः ॥
द्रक्ष्यते स तु मे स्थानं शाश्वतं यास्यति धुवम्
tasmātsarvatra yatnena snānaṃ tatra samācaret ||
pūjayitvā ca talliṃgaṃ śivalokaṃ sa gacchati
||15||तस्मात्सर्वत्र यत्नेन स्नानं तत्र समाचरेत् ॥
पूजयित्वा च तल्लिंगं शिवलोकं स गच्छति
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe tṛtīye'rbudakhaṃḍe bhadrakarṇahradatrinetramāhātmyavarṇanaṃnāmāṣṭamo'dhyāyaḥ || 8 ||