etatte sarvamākhyātaṃ yanmāṃ tvaṃ paripṛcchasi
pulastya uvāca
etatte sarvamākhyātaṃ yanmāṃ tvaṃ paripṛcchasi ||
arbudasya mahārāja māhātmyaṃ hi samāsataḥ
||1||एतत्ते सर्वमाख्यातं यन्मां त्वं परिपृच्छसि ॥
अर्बुदस्य महाराज माहात्म्यं हि समासतः
vistareṇa ca saṃkhyā syādapi varṣaśatairapi ||
asaṃkhyānīha tīrthāni puṇyānyāyatanāni ca ||
padepade gṛhāṇyeva nirmitāni maharṣibhiḥ
||2||विस्तरेण च संख्या स्यादपि वर्षशतैरपि ॥
असंख्यानीह तीर्थानि पुण्यान्यायतनानि च ॥
पदेपदे गृहाण्येव निर्मितानि महर्षिभिः
na tattīrthaṃ na sā siddhirna sa vṛkṣo mahīpate ||
na sā nadī na deveśo yasya tatrāsti na sthitiḥ
||3||न तत्तीर्थं न सा सिद्धिर्न स वृक्षो महीपते ॥
न सा नदी न देवेशो यस्य तत्रास्ति न स्थितिः
ye vasaṃti mahārāja suramye'rbudaparvate ||
nūnaṃ te puṇyakarmāṇo na vasaṃti triviṣṭape
||4||ये वसंति महाराज सुरम्येऽर्बुदपर्वते ॥
नूनं ते पुण्यकर्माणो न वसंति त्रिविष्टपे
kiṃ tasya jīvitenārthaḥ kiṃ dhanaiḥ kiṃ japairnṛpa ||
yo na paśyati mandātmā samantādarbudācalam
||5||किं तस्य जीवितेनार्थः किं धनैः किं जपैर्नृप ॥
यो न पश्यति मन्दात्मा समन्तादर्बुदाचलम्
api kīṭapataṃgā ye paśavaḥ pakṣiṇo mṛgāḥ ||
svedajāścāṇḍajāścāpi hyudbhijjāśca jarāyujāḥ
||6||अपि कीटपतंगा ये पशवः पक्षिणो मृगाः ॥
स्वेदजाश्चाण्डजाश्चापि ह्युद्भिज्जाश्च जरायुजाः
tasminmṛtā mahārāja niṣkāmāḥ kāmato'pi vā ||
te yānti śivasāyujyaṃ jarā maraṇavarjitam
||7||तस्मिन्मृता महाराज निष्कामाः कामतोऽपि वा ॥
ते यान्ति शिवसायुज्यं जरा मरणवर्जितम्
yaścaitacchuṇuyānnityaṃ purāṇaṃ śraddhayānvitaḥ ||
arbudasya mahārāja sa yātrāphalamaśnute
||8||यश्चैतच्छुणुयान्नित्यं पुराणं श्रद्धयान्वितः ॥
अर्बुदस्य महाराज स यात्राफलमश्नुते
tasmātsarvaprayatnena yātrāṃ tatra samācaret ||
ya icchedātmanaḥ siddhimiha loke paratra ca
||9||तस्मात्सर्वप्रयत्नेन यात्रां तत्र समाचरेत् ॥
य इच्छेदात्मनः सिद्धिमिह लोके परत्र च
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe tṛtīye'rbudakhaṃḍe'rbudakhaṇḍamāhātmyaphalaśrutivarṇanaṃnāma triṣaṣṭitamo'dhyāyaḥ || 63 ||
iti śrīskānde mahāpurāṇe saptame prabhāsakhaṇḍe tṛtīyamarbudakhaṇḍaṃ sampūrṇam