nīlakaṃṭhamāhātmyavarṇanam
nārada uvāca
tato viprā nāradaśca samārādhya maheśvaram ||
mahīnagarake puṇye sthāpayāmāsa śaṃkaram
||1||ततो विप्रा नारदश्च समाराध्य महेश्वरम् ॥
महीनगरके पुण्ये स्थापयामास शंकरम्
lokānāṃ ca hitārthāya kedāraṃ liṃgamuttamam ||
atrīśāduttare bhāge mahāpātakanāśanam
||2||लोकानां च हितार्थाय केदारं लिंगमुत्तमम् ॥
अत्रीशादुत्तरे भागे महापातकनाशनम्
atrikuṇḍe naraḥ snātvā śrāddhaṃ kṛtvā yathāvidhi ||
atrīśaṃ ca namaskṛtya kedāraṃ yaḥ prapaśyati
||3||अत्रिकुण्डे नरः स्नात्वा श्राद्धं कृत्वा यथाविधि ॥
अत्रीशं च नमस्कृत्य केदारं यः प्रपश्यति
mātuḥ stanyaṃ punarnaiva sa pibenmuktibhāgbhavet ||
tato rudro nīlakaṃṭhaṃ nāradāya mahātmane
||4||मातुः स्तन्यं पुनर्नैव स पिबेन्मुक्तिभाग्भवेत् ॥
ततो रुद्रो नीलकंठं नारदाय महात्मने
svayaṃ dattvā svayaṃ tasthau mahīnagarake śubhe ||
koṭitīrthe naraḥ snātvā nīlakaṃṭhaṃ prapaśyati
||5||स्वयं दत्त्वा स्वयं तस्थौ महीनगरके शुभे ॥
कोटितीर्थे नरः स्नात्वा नीलकंठं प्रपश्यति
jayādityaṃ namaskṛtya rudralokamavāpnuyāt ||
jayādityaṃ pūjayaṃti kūpe snātvā narottamāḥ
||6||जयादित्यं नमस्कृत्य रुद्रलोकमवाप्नुयात् ॥
जयादित्यं पूजयंति कूपे स्नात्वा नरोत्तमाः
na teṣāṃ vaṃśanāśo'sti jayādityaprasādataḥ ||
idaṃ te kathitaṃ pārtha mahīnagarakasya ca
||7||न तेषां वंशनाशोऽस्ति जयादित्यप्रसादतः ॥
इदं ते कथितं पार्थ महीनगरकस्य च
ākhyānaṃ sakalaṃ śrutvā sarvapāpaiḥ pramucyate
||8||आख्यानं सकलं श्रुत्वा सर्वपापैः प्रमुच्यते
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṃḍe nīlakaṃṭhamāhātmyavarṇanaṃnāma saptapañcāśattamo'dhyāyaḥ || 57 ||