vrajaṃtī girijā'paśyatsakhīṃ māturmahāprabhām
nārada uvāca
vrajaṃtī girijā'paśyatsakhīṃ māturmahāprabhām ||
kusumāmodinīṃnāma tasya śailasya devatām
||1||व्रजंती गिरिजाऽपश्यत्सखीं मातुर्महाप्रभाम् ॥
कुसुमामोदिनींनाम तस्य शैलस्य देवताम्
sāpi dṛṣṭvā girisutāṃ snehaviklavamānasā ||
kvapunargacchasītyuccairāliṃgyovāca devatā
||2||सापि दृष्ट्वा गिरिसुतां स्नेहविक्लवमानसा ॥
क्वपुनर्गच्छसीत्युच्चैरालिंग्योवाच देवता
sā cāsyai sarvamācakhyau śaṃkarātkopakāraṇam ||
punaścovāca girijā devatāṃ mātṛsaṃmatām
||3||सा चास्यै सर्वमाचख्यौ शंकरात्कोपकारणम् ॥
पुनश्चोवाच गिरिजा देवतां मातृसंमताम्
nityaṃ śailādhirājasya devatā tvamaniṃdite ||
sarvaṃ ca sannidhānaṃ ca mayi cātīva vatsalā
||4||नित्यं शैलाधिराजस्य देवता त्वमनिंदिते ॥
सर्वं च सन्निधानं च मयि चातीव वत्सला
tadahaṃ saṃpravakṣyāmi yadvidheyaṃ tavādhunā ||
athānya strīpraveśe tu samīpe tu pinākinaḥ
||5||तदहं संप्रवक्ष्यामि यद्विधेयं तवाधुना ॥
अथान्य स्त्रीप्रवेशे तु समीपे तु पिनाकिनः
tvayākhyeyaṃ mama śube yuktaṃ paścātkaromyaham ||
tathetyukte tayā devyā yayau devī giriṃ prati
||6||त्वयाख्येयं मम शुबे युक्तं पश्चात्करोम्यहम् ॥
तथेत्युक्ते तया देव्या ययौ देवी गिरिं प्रति
ramye tatra mahāśṛṃge nānāścaryopaśobhite ||
vibhūṣaṇādi sanyasya vṛkṣavalkaladhāriṇī
||7||रम्ये तत्र महाशृंगे नानाश्चर्योपशोभिते ॥
विभूषणादि सन्यस्य वृक्षवल्कलधारिणी
tapastepe girisutā putreṇa paripālitā ||
grīṣme paṃcāgnisaṃtaptā varṣāsu ca jaloṣitā
||8||तपस्तेपे गिरिसुता पुत्रेण परिपालिता ॥
ग्रीष्मे पंचाग्निसंतप्ता वर्षासु च जलोषिता
yathā na kācitpraviśedyoṣidatra harāṃtike ||
dṛṣṭvā parāṃ striyaṃ cātra vadethā mama putraka
||9||यथा न काचित्प्रविशेद्योषिदत्र हरांतिके ॥
दृष्ट्वा परां स्त्रियं चात्र वदेथा मम पुत्रक
śīghrameva kariṣyāmi tato yuktamanaṃtaram ||
evamastviti tāṃ devīṃ vīrakaḥ prāha sāṃpratam
||10||शीघ्रमेव करिष्यामि ततो युक्तमनंतरम् ॥
एवमस्त्विति तां देवीं वीरकः प्राह सांप्रतम्
māturājñā suto hlāda plāvitāṃgo gatajvaraḥ ||
jagāma tryakṣaṃ saṃdraṣṭuṃ praṇipatya ca mātaram
||11||मातुराज्ञा सुतो ह्लाद प्लावितांगो गतज्वरः ॥
जगाम त्र्यक्षं संद्रष्टुं प्रणिपत्य च मातरम्
gajavaktraṃ tataḥ prāha praṇamya samavasthitam ||
sāśrukaṃṭhaṃ prayācaṃtaṃ naya māmapi pārvati
||12||गजवक्त्रं ततः प्राह प्रणम्य समवस्थितम् ॥
साश्रुकंठं प्रयाचंतं नय मामपि पार्वति
gajavaktraṃ hi tvāṃ bāla māmivopahasiṣyati ||
tadāgaccha mayā sārdhaṃ yā gatirme tavāpi sā
||13||गजवक्त्रं हि त्वां बाल मामिवोपहसिष्यति ॥
तदागच्छ मया सार्धं या गतिर्मे तवापि सा
parābhavāddhi dhūrtānāṃ maraṇaṃ sādhu putraka ||
evamuktvā samādāya himādriṃ prati sā yayau
||14||पराभवाद्धि धूर्तानां मरणं साधु पुत्रक ॥
एवमुक्त्वा समादाय हिमाद्रिं प्रति सा ययौ
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kumāreśvaramāhātmye pārvatyastaporthaṃ gamanavarṇanaṃnāmāṣṭāviṃśo'dhyāyaḥ || 28 ||