pāpapiṃḍapradānavidhānavarṇanam
ānarta uvāca
mūrkhatvādvā pramādādvā kāmādbālasyato'pi vā ||
yo naraḥ kurute pāpaṃ prāyaścittaṃ karoti na
||1||मूर्खत्वाद्वा प्रमादाद्वा कामाद्बालस्यतोऽपि वा ॥
यो नरः कुरुते पापं प्रायश्चित्तं करोति न
tasya pāpakṣayakaraṃ puṇyaṃ brūhi dvijottama ||
yena muktirbhavetsadyo yadi tuṣṭo'si me prabho
||2||तस्य पापक्षयकरं पुण्यं ब्रूहि द्विजोत्तम ॥
येन मुक्तिर्भवेत्सद्यो यदि तुष्टोऽसि मे प्रभो
lobhamohaparo yo'sau pāpapiṃḍaṃ mahāmune ||
pradadāti vidhiṃ brūhi yena yacchāmyahaṃ drutam
||3||लोभमोहपरो योऽसौ पापपिंडं महामुने ॥
प्रददाति विधिं ब्रूहि येन यच्छाम्यहं द्रुतम्
bhartṛyajña uvāca
dadyātsvapiṃḍaṃ sauvarṇaṃ paṃcaviṃśatpalātmakam
||4||दद्यात्स्वपिंडं सौवर्णं पंचविंशत्पलात्मकम्
vidhāyāparapakṣe tu snāpayitvā vidhānataḥ ||
maṃḍapādyaṃ ca prākkṛtvā snātvā dhautāṃbaraḥ śuciḥ
||5||विधायापरपक्षे तु स्नापयित्वा विधानतः ॥
मंडपाद्यं च प्राक्कृत्वा स्नात्वा धौतांबरः शुचिः
tadā svarūpaṃ pṛthvyādi pūjayetpāpakṛnnaraḥ ||
tathā sa mucyate pāpāttatkṛtāddhi na saṃśayaḥ
||6||तदा स्वरूपं पृथ्व्यादि पूजयेत्पापकृन्नरः ॥
तथा स मुच्यते पापात्तत्कृताद्धि न संशयः
caturviṃśatitattvāni pṛthivyādīni yāni ca ||
teṣāṃ nāmabhistatpiṃḍaṃ pūjayetannarādhipaḥ
||7||चतुर्विंशतितत्त्वानि पृथिव्यादीनि यानि च ॥
तेषां नामभिस्तत्पिंडं पूजयेतन्नराधिपः
oṃ pṛthivyai namaḥ ||
oṃ adbhyo namaḥ ||
oṃ tejase namaḥ ||
oṃ vāyave namaḥ ||
oṃ ākāśāya namaḥ ||
oṃ ghrāṇāya namaḥ ||
oṃ jihvāyai namaḥ ||
oṃ cakṣuṣe namaḥ ||
oṃ tvace namaḥ ||
oṃ śrotrāya namaḥ ||
oṃ gandhāya namaḥ ||
oṃ rasāya namaḥ ||
oṃ rūpāya namaḥ ||
oṃ sparśāya namaḥ ||
oṃ śabdāya namaḥ ||
oṃ vāce namaḥ ||
oṃ pāṇibhyāṃ namaḥ ||
oṃ pādābhyāṃ namaḥ ||
oṃ pāyave namaḥ ||
oṃ upasthāya namaḥ ||
oṃ manase namaḥ ||
oṃ buddhyai namaḥ ||
oṃ cittāya namaḥ ||
oṃ ahaṃkārāya namaḥ|
oṃ kṣetrātmane namaḥ ||
oṃ paramātmane namaḥ ||
dhūpaṃ dhūrasi maṃtreṇa agnirjyotīti dīpakam ||
yuvā suvāseti ca tato vāsāṃsi paridhāpayet
||8||ॐ पृथिव्यै नमः ॥
ॐ अद्भ्यो नमः ॥
ॐ तेजसे नमः ॥
ॐ वायवे नमः ॥
ॐ आकाशाय नमः ॥
ॐ घ्राणाय नमः ॥
ॐ जिह्वायै नमः ॥
ॐ चक्षुषे नमः ॥
ॐ त्वचे नमः ॥
ॐ श्रोत्राय नमः ॥
ॐ गन्धाय नमः ॥
ॐ रसाय नमः ॥
ॐ रूपाय नमः ॥
ॐ स्पर्शाय नमः ॥
ॐ शब्दाय नमः ॥
ॐ वाचे नमः ॥
ॐ पाणिभ्यां नमः ॥
ॐ पादाभ्यां नमः ॥
ॐ पायवे नमः ॥
ॐ उपस्थाय नमः ॥
ॐ मनसे नमः ॥
ॐ बुद्ध्यै नमः ॥
ॐ चित्ताय नमः ॥
ॐ अहंकाराय नमः।
ॐ क्षेत्रात्मने नमः ॥
ॐ परमात्मने नमः ॥
धूपं धूरसि मंत्रेण अग्निर्ज्योतीति दीपकम् ॥
युवा सुवासेति च ततो वासांसि परिधापयेत्
tato brāhmaṇamānīya vedavedāṃgapāragam ||
prakṣālya caraṇau tasya vāsāṃsi paridhāpayet
||9||ततो ब्राह्मणमानीय वेदवेदांगपारगम् ॥
प्रक्षाल्य चरणौ तस्य वासांसि परिधापयेत्
keyūraiḥ kaṃkaṇaiścaiva aṃgulīyakabhūṣaṇaiḥ
||10||केयूरैः कंकणैश्चैव अंगुलीयकभूषणैः
bhūṣayitvā tanuṃ tasya tato mūrtiṃ samānayet ||
maṃtreṇānena rājeṃdra brāhmaṇāya nivedayet
||11||भूषयित्वा तनुं तस्य ततो मूर्तिं समानयेत् ॥
मंत्रेणानेन राजेंद्र ब्राह्मणाय निवेदयेत्
eṣa ātmā mayā dattastava hemamayo dvija ||
yatkiṃcidvihitaṃ pāpaṃ pūrvaṃ bhūyāttavākhilam
||12||एष आत्मा मया दत्तस्तव हेममयो द्विज ॥
यत्किंचिद्विहितं पापं पूर्वं भूयात्तवाखिलम्
iti dānamaṃtraḥ ||
tatastu brāhmaṇo rājanmaṃtrametaṃ samuccaret
||13||इति दानमंत्रः ॥
ततस्तु ब्राह्मणो राजन्मंत्रमेतं समुच्चरेत्
yatkiṃcidvihitaṃ pāpaṃ tvayā pūrvaṃmayā hi tat ||
gṛhītaṃ mūrtirūpaṃ tattatastvaṃ pāpavarjitaḥ ||
iti pratigrahamaṃtraḥ
||14||यत्किंचिद्विहितं पापं त्वया पूर्वंमया हि तत् ॥
गृहीतं मूर्तिरूपं तत्ततस्त्वं पापवर्जितः ॥
इति प्रतिग्रहमंत्रः
evaṃ dattvā vidhānena tato vipraṃ visarjayet ||
evaṃ kṛte tato rājaṃstasmai dattvātha dakṣiṇām
||15||एवं दत्त्वा विधानेन ततो विप्रं विसर्जयेत् ॥
एवं कृते ततो राजंस्तस्मै दत्त्वाथ दक्षिणाम्
yathā tuṣṭiṃ samabhyeti tataḥ pāpaṃ nayatyasau ||
tasminkṛte mahārāja pratyayastatkṣaṇādbhavet
||16||यथा तुष्टिं समभ्येति ततः पापं नयत्यसौ ॥
तस्मिन्कृते महाराज प्रत्ययस्तत्क्षणाद्भवेत्
śarīraṃ laghutāmeti tejovṛddhiśca jāyate ||
svapne ca vīkṣate rātrau saṃtuṣṭamanasaḥ sthitān
||17||शरीरं लघुतामेति तेजोवृद्धिश्च जायते ॥
स्वप्ने च वीक्षते रात्रौ संतुष्टमनसः स्थितान्
narānstriyaḥ sitairvastraiḥ śvetamālyānulepanaiḥ ||
śvetāngovṛṣabhānaśvāṃstīrthāni vividhāni ca
||18||नरान्स्त्रियः सितैर्वस्त्रैः श्वेतमाल्यानुलेपनैः ॥
श्वेतान्गोवृषभानश्वांस्तीर्थानि विविधानि च
etatte sarvamākhyātaṃ pāpapiṃḍasya dāpanam ||
śravaṇādapi rājeṃdra yasya pāpaiḥ pramucyate
||19||एतत्ते सर्वमाख्यातं पापपिंडस्य दापनम् ॥
श्रवणादपि राजेंद्र यस्य पापैः प्रमुच्यते
anyatrāpi mahādānaṃ pāpapiṇḍo harennṛpa ||
ekajanmakṛtaṃ pāpaṃ nijakāyena nirmitam ||
kapāleśvaradevasya sahasraguṇitaṃ haret
||21||अन्यत्रापि महादानं पापपिण्डो हरेन्नृप ॥
एकजन्मकृतं पापं निजकायेन निर्मितम् ॥
कपालेश्वरदेवस्य सहस्रगुणितं हरेत्
pūrvavaccaiva kartavyo vedimaṃḍapayorvidhiḥ ||
paraṃ homaḥ prakartavyo gāyatryā kevalaṃ nṛpa
||22||पूर्ववच्चैव कर्तव्यो वेदिमंडपयोर्विधिः ॥
परं होमः प्रकर्तव्यो गायत्र्या केवलं नृप
iti śrīskānde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye kapāleśvarakṣetramāhātmyaprasaṃgena pāpapiṃḍapradānavidhānavarṇanaṃnāma saptatyuttaradviśatatamo'dhyāyaḥ || 270 ||