gāyatrīsahasranāmastotravarṇanam
nārada uvāca
bhagavansarvadharmajña sarvaśāstraviśārada |
śrutismṛtipurāṇānāṃ rahasyaṃ tvanmukhācchrutam
||1||भगवन्सर्वधर्मज्ञ सर्वशास्त्रविशारद ।
श्रुतिस्मृतिपुराणानां रहस्यं त्वन्मुखाच्छ्रुतम्
sarvapāpaharaṃ deva yena vidyā pravartate |
kena vā brahmavijñānaṃ kiṃ nu vā mokṣasādhanam
||2||सर्वपापहरं देव येन विद्या प्रवर्तते ।
केन वा ब्रह्मविज्ञानं किं नु वा मोक्षसाधनम्
brāhmaṇānāṃ gatiḥ kena kena vā mṛtyunāśanam |
aihikāmuṣmikaphalaṃ kena vā padmalocana
||3||ब्राह्मणानां गतिः केन केन वा मृत्युनाशनम् ।
ऐहिकामुष्मिकफलं केन वा पद्मलोचन
vaktumarhasyaśeṣeṇa sarvaṃ nikhilamāditaḥ |
śrīnārāyaṇa uvāca |
sādhu sādhu mahāprājña samyak pṛṣṭaṃ tvayānagha
||4||वक्तुमर्हस्यशेषेण सर्वं निखिलमादितः ।
श्रीनारायण उवाच ।
साधु साधु महाप्राज्ञ सम्यक् पृष्टं त्वयानघ
śṛṇu vakṣyāmi yatnena gāyatryaṣṭasahasrakam |
nāmnāṃ śubhānāṃ divyānāṃ sarvapāpavināśanam
||5||शृणु वक्ष्यामि यत्नेन गायत्र्यष्टसहस्रकम् ।
नाम्नां शुभानां दिव्यानां सर्वपापविनाशनम्
sṛṣṭyādau yadbhagavatā pūrvaṃ proktaṃ bravīmi te |
aṣṭottarasahasrasya ṛṣirbrahmā prakīrtitaḥ
||6||सृष्ट्यादौ यद्भगवता पूर्वं प्रोक्तं ब्रवीमि ते ।
अष्टोत्तरसहस्रस्य ऋषिर्ब्रह्मा प्रकीर्तितः
chando'nuṣṭup tathā devī gāyatrī devatā smṛtā |
halo bījāni tasyaiva svarāḥ śaktaya īritāḥ
||7||छन्दोऽनुष्टुप् तथा देवी गायत्री देवता स्मृता ।
हलो बीजानि तस्यैव स्वराः शक्तय ईरिताः
aṅganyāsakaranyāsāvucyete mātṛkākṣaraiḥ |
atha dhyānaṃ pravakṣyāmi sādhakānāṃ hitāya vai
||8||अङ्गन्यासकरन्यासावुच्येते मातृकाक्षरैः ।
अथ ध्यानं प्रवक्ष्यामि साधकानां हिताय वै
raktaśvetahiraṇyanīladhavalairyuktāṃ trinetrojjvalāṃ raktāṃ raktanavasrajaṃ maṇigaṇairyuktāṃ kumārīmimām |
gāyatrīṃ kamalāsanāṃ karatalavyānaddhakuṇḍāmbujāṃ padmākṣīṃ ca varasrajaṃ ca dadhatīṃ haṃsādhirūḍhāṃ bhaje
||9||रक्तश्वेतहिरण्यनीलधवलैर्युक्तां त्रिनेत्रोज्ज्वलां रक्तां रक्तनवस्रजं मणिगणैर्युक्तां कुमारीमिमाम् ।
गायत्रीं कमलासनां करतलव्यानद्धकुण्डाम्बुजां पद्माक्षीं च वरस्रजं च दधतीं हंसाधिरूढां भजे
acintyalakṣaṇāvyaktāpyarthamātṛmaheśvarī |
amṛtārṇavamadhyasthāpyajitā cāparājitā
||10||अचिन्त्यलक्षणाव्यक्ताप्यर्थमातृमहेश्वरी ।
अमृतार्णवमध्यस्थाप्यजिता चापराजिता
aṇimādiguṇādhārāpyarkamaṇḍalasaṃsthitā |
ajarājāparādharmā akṣasūtradharādharā
||11||अणिमादिगुणाधाराप्यर्कमण्डलसंस्थिता ।
अजराजापराधर्मा अक्षसूत्रधराधरा
akārādikṣakārāntāpyariṣaḍvargabhedinī |
añjanādripratīkāśāpyañjanādrinivāsinī
||12||अकारादिक्षकारान्ताप्यरिषड्वर्गभेदिनी ।
अञ्जनाद्रिप्रतीकाशाप्यञ्जनाद्रिनिवासिनी
aditiścājapāvidyāpyaravindanibhekṣaṇā |
antarbahiḥsthitāvidyādhvaṃsinī cāntarātmikā
||13||अदितिश्चाजपाविद्याप्यरविन्दनिभेक्षणा ।
अन्तर्बहिःस्थिताविद्याध्वंसिनी चान्तरात्मिका
ajā cājamukhāvāsāpyaravindanibhānanā |
ardhamātrārthadānajñāpyarimaṇḍalamardinī
||14||अजा चाजमुखावासाप्यरविन्दनिभानना ।
अर्धमात्रार्थदानज्ञाप्यरिमण्डलमर्दिनी
asuraghnīhyamāvāsyāpyalakṣmīghnyantyajārcitā |
ādilakṣmīścādiśaktirākṛtiścāyatānanā
||15||असुरघ्नीह्यमावास्याप्यलक्ष्मीघ्न्यन्त्यजार्चिता ।
आदिलक्ष्मीश्चादिशक्तिराकृतिश्चायतानना
ādityapadavīcārāpyādityaparisevitā |
ācāryāvartanācārāpyādimūrtinivāsinī
||16||आदित्यपदवीचाराप्यादित्यपरिसेविता ।
आचार्यावर्तनाचाराप्यादिमूर्तिनिवासिनी
āgneyī cāmarī cādyā cārādhyā cāsanasthitā |
ādhāranilayādhārā cākāśāntanivāsinī
||17||आग्नेयी चामरी चाद्या चाराध्या चासनस्थिता ।
आधारनिलयाधारा चाकाशान्तनिवासिनी
ādyākṣarasamāyuktā cāntarākāśarūpiṇī |
ādityamaṇḍalagatā cāntaradhvāntanāśinī
||18||आद्याक्षरसमायुक्ता चान्तराकाशरूपिणी ।
आदित्यमण्डलगता चान्तरध्वान्तनाशिनी
indirā ceṣṭadā ceṣṭā cendīvaranibhekṣaṇā |
irāvatī cendrapadā cendrāṇī cendurūpiṇī
||19||इन्दिरा चेष्टदा चेष्टा चेन्दीवरनिभेक्षणा ।
इरावती चेन्द्रपदा चेन्द्राणी चेन्दुरूपिणी
ikṣukodaṇḍasaṃyuktā ceṣusandhānakāriṇī |
indranīlasamākārā ceḍāpiṅgalarūpiṇī
||20||इक्षुकोदण्डसंयुक्ता चेषुसन्धानकारिणी ।
इन्द्रनीलसमाकारा चेडापिङ्गलरूपिणी
indrākṣī ceśvarī devī cehātrayavivarjitā |
umā coṣā hyuḍunibhā urvārukaphalānanā
||21||इन्द्राक्षी चेश्वरी देवी चेहात्रयविवर्जिता ।
उमा चोषा ह्युडुनिभा उर्वारुकफलानना
uḍuprabhā coḍumatī hyuḍupā hyuḍumadhyagā |
ūrdhvaṃ cāpyūrdhvakeśī cāpyūrdhvādhogatibhedinī
||22||उडुप्रभा चोडुमती ह्युडुपा ह्युडुमध्यगा ।
ऊर्ध्वं चाप्यूर्ध्वकेशी चाप्यूर्ध्वाधोगतिभेदिनी
ūrdhvabāhupriyā cormimālāvāggranthadāyinī |
ṛtaṃ carṣirṛtumatī ṛṣidevanamaskṛtā
||23||ऊर्ध्वबाहुप्रिया चोर्मिमालावाग्ग्रन्थदायिनी ।
ऋतं चर्षिर्ऋतुमती ऋषिदेवनमस्कृता
ṛgvedā ṛṇahartrī ca ṛṣimaṇḍalacāriṇī |
ṛddhidā ṛjumārgasthā ṛjudharmā ṛtupradā
||24||ऋग्वेदा ऋणहर्त्री च ऋषिमण्डलचारिणी ।
ऋद्धिदा ऋजुमार्गस्था ऋजुधर्मा ऋतुप्रदा
ṛgvedanilayā ṛjvī luptadharmapravartinī |
lūtārivarasambhūtā lūtādiviṣahāriṇī
||25||ऋग्वेदनिलया ऋज्वी लुप्तधर्मप्रवर्तिनी ।
लूतारिवरसम्भूता लूतादिविषहारिणी
ekākṣarā caikamātrā caikā caikaikaniṣṭhitā |
aindrī hyairāvatārūḍhā caihikāmuṣmikapradā
||26||एकाक्षरा चैकमात्रा चैका चैकैकनिष्ठिता ।
ऐन्द्री ह्यैरावतारूढा चैहिकामुष्मिकप्रदा
oṅkārā hyoṣadhī cotā cotaprotanivāsinī |
aurvā hyauṣadhasampannā aupāsanaphalapradā
||27||ओङ्कारा ह्योषधी चोता चोतप्रोतनिवासिनी ।
और्वा ह्यौषधसम्पन्ना औपासनफलप्रदा
aṇḍamadhyasthitā devī cāḥkāramanurūpiṇī |
kātyāyanī kālarātriḥ kāmākṣī kāmasundarī
||28||अण्डमध्यस्थिता देवी चाःकारमनुरूपिणी ।
कात्यायनी कालरात्रिः कामाक्षी कामसुन्दरी
kamalā kāminī kāntā kāmadā kālakaṇṭhinī |
karikumbhastanabharā karavīrasuvāsinī
||29||कमला कामिनी कान्ता कामदा कालकण्ठिनी ।
करिकुम्भस्तनभरा करवीरसुवासिनी
kalyāṇī kuṇḍalavatī kurukṣetranivāsinī |
kuruvindadalākārā kuṇḍalī kumudālayā
||30||कल्याणी कुण्डलवती कुरुक्षेत्रनिवासिनी ।
कुरुविन्ददलाकारा कुण्डली कुमुदालया
kālajihvā karālāsyā kālikā kālarūpiṇī |
kamanīyaguṇā kāntiḥ kalādhārā kumudvatī
||31||कालजिह्वा करालास्या कालिका कालरूपिणी ।
कमनीयगुणा कान्तिः कलाधारा कुमुद्वती
kauśikī kamalākārā kāmacāraprabhañjinī |
kaumārī karuṇāpāṅgī kakubantā karipriyā
||32||कौशिकी कमलाकारा कामचारप्रभञ्जिनी ।
कौमारी करुणापाङ्गी ककुबन्ता करिप्रिया
kesarī keśavanutā kadambakusumapriyā |
kālindī kālikā kāñcī kalaśodbhavasaṃstutā
||33||केसरी केशवनुता कदम्बकुसुमप्रिया ।
कालिन्दी कालिका काञ्ची कलशोद्भवसंस्तुता
kāmamātā kratumatī kāmarūpā kṛpāvatī |
kumārī kuṇḍanilayā kirātī kīravāhanā
||34||काममाता क्रतुमती कामरूपा कृपावती ।
कुमारी कुण्डनिलया किराती कीरवाहना
kaikeyī kokilālāpā ketakī kusumapriyā |
kamaṇḍaludharā kālī karmanirmūlakāriṇī
||35||कैकेयी कोकिलालापा केतकी कुसुमप्रिया ।
कमण्डलुधरा काली कर्मनिर्मूलकारिणी
kalahaṃsagatiḥ kakṣā kṛtakautukamaṅgalā |
kastūrītilakā kamrā karīndragamanā kuhūḥ
||36||कलहंसगतिः कक्षा कृतकौतुकमङ्गला ।
कस्तूरीतिलका कम्रा करीन्द्रगमना कुहूः
karpūralepanā kṛṣṇā kapilā kuharāśrayā |
kūṭasthā kudharā kamrā kukṣisthākhilaviṣṭapā
||37||कर्पूरलेपना कृष्णा कपिला कुहराश्रया ।
कूटस्था कुधरा कम्रा कुक्षिस्थाखिलविष्टपा
khaḍgakheṭakarā kharvā khecarī khagavāhanā |
khaṭvāṅgadhāriṇī khyātā khagarājoparisthitā
||38||खड्गखेटकरा खर्वा खेचरी खगवाहना ।
खट्वाङ्गधारिणी ख्याता खगराजोपरिस्थिता
khalaghnī khaṇḍitajarā khaṇḍākhyānapradāyinī |
khaṇḍendutilakā gaṅgā gaṇeśaguhapūjitā
||39||खलघ्नी खण्डितजरा खण्डाख्यानप्रदायिनी ।
खण्डेन्दुतिलका गङ्गा गणेशगुहपूजिता
gāyatrī gomatī gītā gāndhārī gānalolupā |
gautamī gāminī gāthā gandharvāpsarasevitā
||40||गायत्री गोमती गीता गान्धारी गानलोलुपा ।
गौतमी गामिनी गाथा गन्धर्वाप्सरसेविता
govindacaraṇākrāntā guṇatrayavibhāvitā |
gandharvī gahvarī gotrā girīśā gahanā gamī
||41||गोविन्दचरणाक्रान्ता गुणत्रयविभाविता ।
गन्धर्वी गह्वरी गोत्रा गिरीशा गहना गमी
guhāvāsā guṇavatī gurupāpapraṇāśinī |
gurvī guṇavatī guhyā goptavyā guṇadāyinī
||42||गुहावासा गुणवती गुरुपापप्रणाशिनी ।
गुर्वी गुणवती गुह्या गोप्तव्या गुणदायिनी
girijā guhyamātaṅgī garuḍadhvajavallabhā |
garvāpahāriṇī godā gokulasthā gadādharā
||43||गिरिजा गुह्यमातङ्गी गरुडध्वजवल्लभा ।
गर्वापहारिणी गोदा गोकुलस्था गदाधरा
gokarṇanilayāsaktā guhyamaṇḍalavartinī |
gharmadā ghanadā ghaṇṭā ghoradānavamardinī
||44||गोकर्णनिलयासक्ता गुह्यमण्डलवर्तिनी ।
घर्मदा घनदा घण्टा घोरदानवमर्दिनी
ghṛṇimantramayī ghoṣā ghanasampātadāyinī |
ghaṇṭāravapriyā ghrāṇā ghṛṇisantuṣṭakāriṇī
||45||घृणिमन्त्रमयी घोषा घनसम्पातदायिनी ।
घण्टारवप्रिया घ्राणा घृणिसन्तुष्टकारिणी
ghanārimaṇḍalā ghūrṇā ghṛtācī ghanaveginī |
jñānadhātumayī carcā carcitā cāruhāsinī
||46||घनारिमण्डला घूर्णा घृताची घनवेगिनी ।
ज्ञानधातुमयी चर्चा चर्चिता चारुहासिनी
caṭulā caṇḍikā citrā citramālyavibhūṣitā |
caturbhujā cārudantā cāturī caritapradā
||47||चटुला चण्डिका चित्रा चित्रमाल्यविभूषिता ।
चतुर्भुजा चारुदन्ता चातुरी चरितप्रदा
cūlikā citravastrāntā candramaḥkarṇakuṇḍalā |
candrahāsā cārudātrī cakorī candrahāsinī
||48||चूलिका चित्रवस्त्रान्ता चन्द्रमःकर्णकुण्डला ।
चन्द्रहासा चारुदात्री चकोरी चन्द्रहासिनी
candrikā candradhātrī ca caurī caurā ca caṇḍikā |
cañcadvāgvādinī candracūḍā coravināśinī
||49||चन्द्रिका चन्द्रधात्री च चौरी चौरा च चण्डिका ।
चञ्चद्वाग्वादिनी चन्द्रचूडा चोरविनाशिनी
cārucandanaliptāṅgī cañcaccāmaravījitā |
cārumadhyā cārugatiścandilā candrarūpiṇī
||50||चारुचन्दनलिप्ताङ्गी चञ्चच्चामरवीजिता ।
चारुमध्या चारुगतिश्चन्दिला चन्द्ररूपिणी
cāruhomapriyā cārvācaritā cakrabāhukā |
candramaṇḍalamadhyasthā candramaṇḍaladarpaṇā
||51||चारुहोमप्रिया चार्वाचरिता चक्रबाहुका ।
चन्द्रमण्डलमध्यस्था चन्द्रमण्डलदर्पणा
cakravākastanī ceṣṭā citrā cāruvilāsinī |
citsvarūpā candravatī candramāścandanapriyā
||52||चक्रवाकस्तनी चेष्टा चित्रा चारुविलासिनी ।
चित्स्वरूपा चन्द्रवती चन्द्रमाश्चन्दनप्रिया
codayitrī ciraprajñā cātakā cāruhetukī |
chatrayātā chatradharā chāyā chandaḥparicchadā
||53||चोदयित्री चिरप्रज्ञा चातका चारुहेतुकी ।
छत्रयाता छत्रधरा छाया छन्दःपरिच्छदा
chāyādevīcchidranakhā channendriyavisarpiṇī |
chando'nuṣṭuppratiṣṭhāntā chidropadravabhedinī
||54||छायादेवीच्छिद्रनखा छन्नेन्द्रियविसर्पिणी ।
छन्दोऽनुष्टुप्प्रतिष्ठान्ता छिद्रोपद्रवभेदिनी
chedā chatreśvarī chinnā churikā chedanapriyā |
jananī janmarahitā jātavedā jaganmayī
||55||छेदा छत्रेश्वरी छिन्ना छुरिका छेदनप्रिया ।
जननी जन्मरहिता जातवेदा जगन्मयी
jāhnavī jaṭilā jetrī jarāmaraṇavarjitā |
jambūdvīpavatī jvālā jayantī jalaśālinī
||56||जाह्नवी जटिला जेत्री जरामरणवर्जिता ।
जम्बूद्वीपवती ज्वाला जयन्ती जलशालिनी
jitendriyā jitakrodhā jitāmitrā jagatpriyā |
jātarūpamayī jihvā jānakī jagatī jarā
||57||जितेन्द्रिया जितक्रोधा जितामित्रा जगत्प्रिया ।
जातरूपमयी जिह्वा जानकी जगती जरा
janitrī jahnutanayā jagattrayahitaiṣiṇī |
jvālāmukhī japavatī jvaraghnī jitaviṣṭapā
||58||जनित्री जह्नुतनया जगत्त्रयहितैषिणी ।
ज्वालामुखी जपवती ज्वरघ्नी जितविष्टपा
jitākrāntamayī jvālā jāgratī jvaradevatā |
jvalantī jaladā jyeṣṭhā jyāghoṣāsphoṭadiṅmukhī
||59||जिताक्रान्तमयी ज्वाला जाग्रती ज्वरदेवता ।
ज्वलन्ती जलदा ज्येष्ठा ज्याघोषास्फोटदिङ्मुखी
jambhinī jṛmbhaṇā jṛmbhā jvalanmāṇikyakuṇḍalā |
jhiṃjhikā jhaṇanirghoṣā jhaṃjhāmārutaveginī
||60||जम्भिनी जृम्भणा जृम्भा ज्वलन्माणिक्यकुण्डला ।
झिंझिका झणनिर्घोषा झंझामारुतवेगिनी
jhallarīvādyakuśalā ñarūpā ñabhujā smṛtā |
ṭaṅkabāṇasamāyuktā ṭaṅkinī ṭaṅkabhedinī
||61||झल्लरीवाद्यकुशला ञरूपा ञभुजा स्मृता ।
टङ्कबाणसमायुक्ता टङ्किनी टङ्कभेदिनी
ṭaṅkīgaṇakṛtāghoṣā ṭaṅkanīyamahorasā |
ṭaṅkārakāriṇī devī ṭhaṭhaśabdaninādinī
||62||टङ्कीगणकृताघोषा टङ्कनीयमहोरसा ।
टङ्कारकारिणी देवी ठठशब्दनिनादिनी
ḍāmarī ḍākinī ḍimbhā ḍuṇḍumāraikanirjitā |
ḍāmarītantramārgasthā ḍamaḍḍamarunādinī
||63||डामरी डाकिनी डिम्भा डुण्डुमारैकनिर्जिता ।
डामरीतन्त्रमार्गस्था डमड्डमरुनादिनी
ḍiṇḍīravasahā ḍimbhalasatkrīḍāparāyaṇā |
ḍhuṇḍhivighneśajananī ḍhakkāhastā ḍhilivrajā
||64||डिण्डीरवसहा डिम्भलसत्क्रीडापरायणा ।
ढुण्ढिविघ्नेशजननी ढक्काहस्ता ढिलिव्रजा
nityajñānā nirupamā nirguṇā narmadā nadī |
triguṇā tripadā tantrī tulasītaruṇātaruḥ
||65||नित्यज्ञाना निरुपमा निर्गुणा नर्मदा नदी ।
त्रिगुणा त्रिपदा तन्त्री तुलसीतरुणातरुः
trivikramapadākrāntā turīyapadagāminī |
taruṇādityasaṅkāśā tāmasī tuhinā turā
||66||त्रिविक्रमपदाक्रान्ता तुरीयपदगामिनी ।
तरुणादित्यसङ्काशा तामसी तुहिना तुरा
trikālajñānasampannā triveṇī ca trilocanā |
triśaktistripurā tuṅgā turaṅgavadanā tathā
||67||त्रिकालज्ञानसम्पन्ना त्रिवेणी च त्रिलोचना ।
त्रिशक्तिस्त्रिपुरा तुङ्गा तुरङ्गवदना तथा
timiṅgilagilā tīvrā trisrotā tāmasādinī |
tantramantraviśeṣajñā tanumadhyā triviṣṭapā
||68||तिमिङ्गिलगिला तीव्रा त्रिस्रोता तामसादिनी ।
तन्त्रमन्त्रविशेषज्ञा तनुमध्या त्रिविष्टपा
trisandhyā tristanī toṣāsaṃsthā tālapratāpinī |
tāṭaṅkinī tuṣārābhā tuhinācalavāsinī
||69||त्रिसन्ध्या त्रिस्तनी तोषासंस्था तालप्रतापिनी ।
ताटङ्किनी तुषाराभा तुहिनाचलवासिनी
tantujālasamāyuktā tārahārāvalipriyā |
tilahomapriyā tīrthā tamālakusumākṛtiḥ
||70||तन्तुजालसमायुक्ता तारहारावलिप्रिया ।
तिलहोमप्रिया तीर्था तमालकुसुमाकृतिः
tārakā triyutā tanvī triśaṅkuparivāritā |
talodarī tilābhūṣā tāṭaṅkapriyavāhinī
||71||तारका त्रियुता तन्वी त्रिशङ्कुपरिवारिता ।
तलोदरी तिलाभूषा ताटङ्कप्रियवाहिनी
trijaṭā tittirī tṛṣṇā trividhā taruṇākṛtiḥ |
taptakāñcanasaṃkāśā taptakāñcanabhūṣaṇā
||72||त्रिजटा तित्तिरी तृष्णा त्रिविधा तरुणाकृतिः ।
तप्तकाञ्चनसंकाशा तप्तकाञ्चनभूषणा
traiyambakā trivargā ca trikālajñānadāyinī |
tarpaṇā tṛptidā tṛptā tāmasī tumburustutā
||73||त्रैयम्बका त्रिवर्गा च त्रिकालज्ञानदायिनी ।
तर्पणा तृप्तिदा तृप्ता तामसी तुम्बुरुस्तुता
tārkṣyasthā triguṇākārā tribhaṅgī tanuvallariḥ |
thātkārī thāravā thāntā dohinī dīnavatsalā
||74||तार्क्ष्यस्था त्रिगुणाकारा त्रिभङ्गी तनुवल्लरिः ।
थात्कारी थारवा थान्ता दोहिनी दीनवत्सला
dānavāntakarī durgā durgāsuranibarhiṇī |
devarītirdivārātrirdraupadī dundubhisvanā
||75||दानवान्तकरी दुर्गा दुर्गासुरनिबर्हिणी ।
देवरीतिर्दिवारात्रिर्द्रौपदी दुन्दुभिस्वना
devayānī durāvāsā dāridryodbhedinī divā |
dāmodarapriyā dīptā digvāsā digvimohinī
||76||देवयानी दुरावासा दारिद्र्योद्भेदिनी दिवा ।
दामोदरप्रिया दीप्ता दिग्वासा दिग्विमोहिनी
daṇḍakāraṇyanilayā daṇḍinī devapūjitā |
devavandyā diviṣadā dveṣiṇī dānavākṛtiḥ
||77||दण्डकारण्यनिलया दण्डिनी देवपूजिता ।
देववन्द्या दिविषदा द्वेषिणी दानवाकृतिः
dīnānāthastutā dīkṣā daivatādisvarūpiṇī |
dhātrī dhanurdharā dhenurdhāriṇī dharmacāriṇī
||78||दीनानाथस्तुता दीक्षा दैवतादिस्वरूपिणी ।
धात्री धनुर्धरा धेनुर्धारिणी धर्मचारिणी
dharaṃdharā dharādhārā dhanadā dhānyadohinī |
dharmaśīlā dhanādhyakṣā dhanurvedaviśāradā
||79||धरंधरा धराधारा धनदा धान्यदोहिनी ।
धर्मशीला धनाध्यक्षा धनुर्वेदविशारदा
dhṛtirdhanyā dhṛtapadā dharmarājapriyā dhruvā |
dhūmāvatī dhūmakeśī dharmaśāstraprakāśinī
||80||धृतिर्धन्या धृतपदा धर्मराजप्रिया ध्रुवा ।
धूमावती धूमकेशी धर्मशास्त्रप्रकाशिनी
nandā nandapriyā nidrā nṛnutā nandanātmikā |
narmadā nalinī nīlā nīlakaṇṭhasamāśrayā
||81||नन्दा नन्दप्रिया निद्रा नृनुता नन्दनात्मिका ।
नर्मदा नलिनी नीला नीलकण्ठसमाश्रया
nārāyaṇapriyā nityā nirmalā nirguṇā nidhiḥ |
nirādhārā nirupamā nityaśuddhā nirañjanā
||82||नारायणप्रिया नित्या निर्मला निर्गुणा निधिः ।
निराधारा निरुपमा नित्यशुद्धा निरञ्जना
nādabindukalātītā nādabindukalātmikā |
nṛsiṃhinī nagadharā nṛpanāgavibhūṣitā
||83||नादबिन्दुकलातीता नादबिन्दुकलात्मिका ।
नृसिंहिनी नगधरा नृपनागविभूषिता
narakakleśaśamanī nārāyaṇapadodbhavā |
niravadyā nirākārā nāradapriyakāriṇī
||84||नरकक्लेशशमनी नारायणपदोद्भवा ।
निरवद्या निराकारा नारदप्रियकारिणी
nānājyotiḥsamākhyātā nidhidā nirmalātmikā |
navasūtradharā nītirnirupadravakāriṇī
||85||नानाज्योतिःसमाख्याता निधिदा निर्मलात्मिका ।
नवसूत्रधरा नीतिर्निरुपद्रवकारिणी
nandajā navaratnāḍhyā naimiṣāraṇyavāsinī |
navanītapriyā nārī nīlajīmūtaniḥsvanā
||86||नन्दजा नवरत्नाढ्या नैमिषारण्यवासिनी ।
नवनीतप्रिया नारी नीलजीमूतनिःस्वना
nimeṣiṇī nadīrūpā nīlagrīvā niśīśvarī |
nāmāvalirniśumbhaghnī nāgalokanivāsinī
||87||निमेषिणी नदीरूपा नीलग्रीवा निशीश्वरी ।
नामावलिर्निशुम्भघ्नी नागलोकनिवासिनी
navajāmbūnadaprakhyā nāgalokādhidevatā |
nūpurākrāntacaraṇā naracittapramodinī
||88||नवजाम्बूनदप्रख्या नागलोकाधिदेवता ।
नूपुराक्रान्तचरणा नरचित्तप्रमोदिनी
nimagnāraktanayanā nirghātasamaniḥsvanā |
nandanodyānanilayā nirvyūhoparicāriṇī
||89||निमग्नारक्तनयना निर्घातसमनिःस्वना ।
नन्दनोद्याननिलया निर्व्यूहोपरिचारिणी
pārvatī paramodārā parabrahmātmikā parā |
pañcakośavinirmuktā pañcapātakanāśinī
||90||पार्वती परमोदारा परब्रह्मात्मिका परा ।
पञ्चकोशविनिर्मुक्ता पञ्चपातकनाशिनी
paracittavidhānajñā pañcikā pañcarūpiṇī |
pūrṇimā paramā prītiḥ paratejaḥ prakāśinī
||91||परचित्तविधानज्ञा पञ्चिका पञ्चरूपिणी ।
पूर्णिमा परमा प्रीतिः परतेजः प्रकाशिनी
purāṇī pauruṣī puṇyā puṇḍarīkanibhekṣaṇā |
pātālatalanirmagnā prītā prītivivardhinī
||92||पुराणी पौरुषी पुण्या पुण्डरीकनिभेक्षणा ।
पातालतलनिर्मग्ना प्रीता प्रीतिविवर्धिनी
pāvanī pādasahitā peśalā pavanāśinī |
prajāpatiḥ pariśrāntā parvatastanamaṇḍalā
||93||पावनी पादसहिता पेशला पवनाशिनी ।
प्रजापतिः परिश्रान्ता पर्वतस्तनमण्डला
padmapriyā padmasaṃsthā padmākṣī padmasambhavā |
padmapatrā padmapadā padminī priyabhāṣiṇī
||94||पद्मप्रिया पद्मसंस्था पद्माक्षी पद्मसम्भवा ।
पद्मपत्रा पद्मपदा पद्मिनी प्रियभाषिणी
paśupāśavinirmuktā purandhrī puravāsinī |
puṣkalā puruṣā parvā pārijātasumapriyā
||95||पशुपाशविनिर्मुक्ता पुरन्ध्री पुरवासिनी ।
पुष्कला पुरुषा पर्वा पारिजातसुमप्रिया
pativratā pavitrāṅgī puṣpahāsaparāyaṇā |
prajñāvatīsutā pautrī putrapūjyā payasvinī
||96||पतिव्रता पवित्राङ्गी पुष्पहासपरायणा ।
प्रज्ञावतीसुता पौत्री पुत्रपूज्या पयस्विनी
paṭṭipāśadharā paṅktiḥ pitṛlokapradāyinī |
purāṇī puṇyaśīlā ca praṇatārtivināśinī
||97||पट्टिपाशधरा पङ्क्तिः पितृलोकप्रदायिनी ।
पुराणी पुण्यशीला च प्रणतार्तिविनाशिनी
pradyumnajananī puṣṭā pitāmahaparigrahā |
puṇḍarīkapurāvāsā puṇḍarīkasamānanā
||98||प्रद्युम्नजननी पुष्टा पितामहपरिग्रहा ।
पुण्डरीकपुरावासा पुण्डरीकसमानना
pṛthujaṅghā pṛthubhujā pṛthupādā pṛthūdarī |
pravālaśobhā piṅgākṣī pītavāsāḥ pracāpalā
||99||पृथुजङ्घा पृथुभुजा पृथुपादा पृथूदरी ।
प्रवालशोभा पिङ्गाक्षी पीतवासाः प्रचापला
prasavā puṣṭidā puṇyā pratiṣṭhā praṇavāgatiḥ |
pañcavarṇā pañcavāṇī pañcikā pañjarasthitā
||100||प्रसवा पुष्टिदा पुण्या प्रतिष्ठा प्रणवागतिः ।
पञ्चवर्णा पञ्चवाणी पञ्चिका पञ्जरस्थिता
paramāyā parajyotiḥ paraprītiḥ parāgatiḥ |
parākāṣṭhā pareśānī pāvanī pāvakadyutiḥ
||101||परमाया परज्योतिः परप्रीतिः परागतिः ।
पराकाष्ठा परेशानी पावनी पावकद्युतिः
puṇyabhadrā paricchedyā puṣpahāsā pṛthūdarī |
pītāṅgī pītavasanā pītaśayyā piśācinī
||102||पुण्यभद्रा परिच्छेद्या पुष्पहासा पृथूदरी ।
पीताङ्गी पीतवसना पीतशय्या पिशाचिनी
pītakriyā piśācaghnī pāṭalākṣī paṭukriyā |
pañcabhakṣapriyācārā pūtanāprāṇaghātinī
||103||पीतक्रिया पिशाचघ्नी पाटलाक्षी पटुक्रिया ।
पञ्चभक्षप्रियाचारा पूतनाप्राणघातिनी
punnāgavanamadhyasthā puṇyatīrthaniṣevitā |
pañcāṅgī ca parāśaktiḥ paramāhlādakāriṇī
||104||पुन्नागवनमध्यस्था पुण्यतीर्थनिषेविता ।
पञ्चाङ्गी च पराशक्तिः परमाह्लादकारिणी
puṣpakāṇḍasthitā pūṣā poṣitākhilaviṣṭapā |
pānapriyā pañcaśikhā pannagopariśāyinī
||105||पुष्पकाण्डस्थिता पूषा पोषिताखिलविष्टपा ।
पानप्रिया पञ्चशिखा पन्नगोपरिशायिनी
pañcamātrātmikā pṛthvī pathikā pṛthudohinī |
purāṇanyāyamīmāṃsā pāṭalī puṣpagandhinī
||106||पञ्चमात्रात्मिका पृथ्वी पथिका पृथुदोहिनी ।
पुराणन्यायमीमांसा पाटली पुष्पगन्धिनी
puṇyaprajā pāradātrī paramārgaikagocarā |
pravālaśobhā pūrṇāśā praṇavā pallavodarī
||107||पुण्यप्रजा पारदात्री परमार्गैकगोचरा ।
प्रवालशोभा पूर्णाशा प्रणवा पल्लवोदरी
phalinī phaladā phalguḥ phūtkārī phalakākṛtiḥ |
phaṇīndrabhogaśayanā phaṇimaṇḍalamaṇḍitā
||108||फलिनी फलदा फल्गुः फूत्कारी फलकाकृतिः ।
फणीन्द्रभोगशयना फणिमण्डलमण्डिता
bālabālā bahumatā bālātapanibhāṃśukā |
balabhadrapriyā vandyā vaḍavā buddhisaṃstutā
||109||बालबाला बहुमता बालातपनिभांशुका ।
बलभद्रप्रिया वन्द्या वडवा बुद्धिसंस्तुता
bandīdevī bilavatī baḍiśaghnī balipriyā |
bāndhavī bodhitā buddhirbandhūkakusumapriyā
||110||बन्दीदेवी बिलवती बडिशघ्नी बलिप्रिया ।
बान्धवी बोधिता बुद्धिर्बन्धूककुसुमप्रिया
bālabhānuprabhākārā brāhmī brāhmaṇadevatā |
bṛhaspatistutā vṛndā vṛndāvanavihāriṇī
||111||बालभानुप्रभाकारा ब्राह्मी ब्राह्मणदेवता ।
बृहस्पतिस्तुता वृन्दा वृन्दावनविहारिणी
bālākinī bilāhārā bilavāsā bahūdakā |
bahunetrā bahupadā bahukarṇāvataṃsikā
||112||बालाकिनी बिलाहारा बिलवासा बहूदका ।
बहुनेत्रा बहुपदा बहुकर्णावतंसिका
bahubāhuyutā bījarūpiṇī bahurūpiṇī |
bindunādakalātītā bindunādasvarūpiṇī
||113||बहुबाहुयुता बीजरूपिणी बहुरूपिणी ।
बिन्दुनादकलातीता बिन्दुनादस्वरूपिणी
baddhagodhāṅgulitrāṇā badaryāśramavāsinī |
bṛndārakā bṛhatskandhā bṛhatī bāṇapātinī
||114||बद्धगोधाङ्गुलित्राणा बदर्याश्रमवासिनी ।
बृन्दारका बृहत्स्कन्धा बृहती बाणपातिनी
vṛndādhyakṣā bahunutā vanitā bahuvikramā |
baddhapadmāsanāsīnā bilvapatratalasthitā
||115||वृन्दाध्यक्षा बहुनुता वनिता बहुविक्रमा ।
बद्धपद्मासनासीना बिल्वपत्रतलस्थिता
bodhidrumanijāvāsā baḍisthā bindudarpaṇā |
bālā bāṇāsanavatī vaḍavānalaveginī
||116||बोधिद्रुमनिजावासा बडिस्था बिन्दुदर्पणा ।
बाला बाणासनवती वडवानलवेगिनी
brahmāṇḍabahirantaḥsthā brahmakaṅkaṇasūtriṇī |
bhavānī bhīṣaṇavatī bhāvinī bhayahāriṇī
||117||ब्रह्माण्डबहिरन्तःस्था ब्रह्मकङ्कणसूत्रिणी ।
भवानी भीषणवती भाविनी भयहारिणी
bhadrakālī bhujaṅgākṣī bhāratī bhāratāśayā |
bhairavī bhīṣaṇākārā bhūtidā bhūtimālinī
||118||भद्रकाली भुजङ्गाक्षी भारती भारताशया ।
भैरवी भीषणाकारा भूतिदा भूतिमालिनी
bhāminī bhoganiratā bhadradā bhūrivikramā |
bhūtavāsā bhṛgulatā bhārgavī bhūsurārcitā
||119||भामिनी भोगनिरता भद्रदा भूरिविक्रमा ।
भूतवासा भृगुलता भार्गवी भूसुरार्चिता
bhāgīrathī bhogavatī bhavanasthā bhiṣagvarā |
bhāminī bhoginī bhāṣā bhavānī bhūridakṣiṇā
||120||भागीरथी भोगवती भवनस्था भिषग्वरा ।
भामिनी भोगिनी भाषा भवानी भूरिदक्षिणा
bhargātmikā bhīmavatī bhavabandhavimocinī |
bhajanīyā bhūtadhātrīrañjitā bhuvaneśvarī
||121||भर्गात्मिका भीमवती भवबन्धविमोचिनी ।
भजनीया भूतधात्रीरञ्जिता भुवनेश्वरी
bhujaṅgavalayā bhīmā bheruṇḍā bhāgadheyinī |
mātā māyā madhumatī madhujihvā madhupriyā
||122||भुजङ्गवलया भीमा भेरुण्डा भागधेयिनी ।
माता माया मधुमती मधुजिह्वा मधुप्रिया
mahādevī mahābhāgā mālinī mīnalocanā |
māyātītā madhumatī madhumāṃsā madhudravā
||123||महादेवी महाभागा मालिनी मीनलोचना ।
मायातीता मधुमती मधुमांसा मधुद्रवा
mānavī madhusambhūtā mithilāpuravāsinī |
madhukaiṭabhasaṃhartrī medinī meghamālinī
||124||मानवी मधुसम्भूता मिथिलापुरवासिनी ।
मधुकैटभसंहर्त्री मेदिनी मेघमालिनी
mandodarī mahāmāyā maithilī masṛṇapriyā |
mahālakṣmīrmahākālī mahākanyā maheśvarī
||125||मन्दोदरी महामाया मैथिली मसृणप्रिया ।
महालक्ष्मीर्महाकाली महाकन्या महेश्वरी
māhendrī merutanayā mandārakusumārcitā |
mañjumañjīracaraṇā mokṣadā mañjubhāṣiṇī
||126||माहेन्द्री मेरुतनया मन्दारकुसुमार्चिता ।
मञ्जुमञ्जीरचरणा मोक्षदा मञ्जुभाषिणी
madhuradrāviṇī mudrā malayā malayānvitā |
medhā marakataśyāmā māgadhī menakātmajā
||127||मधुरद्राविणी मुद्रा मलया मलयान्विता ।
मेधा मरकतश्यामा मागधी मेनकात्मजा
mahāmārī mahāvīrā mahāśyāmā manustutā |
mātṛkā mihirābhāsā mukundapadavikramā
||128||महामारी महावीरा महाश्यामा मनुस्तुता ।
मातृका मिहिराभासा मुकुन्दपदविक्रमा
mūlādhārasthitā mugdhā maṇipūrakavāsinī |
mṛgākṣī mahiṣārūḍhā mahiṣāsuramardinī
||129||मूलाधारस्थिता मुग्धा मणिपूरकवासिनी ।
मृगाक्षी महिषारूढा महिषासुरमर्दिनी
yogāsanā yogagamyā yogā yauvanakāśrayā |
yauvanī yuddhamadhyasthā yamunā yugadhāriṇī
||130||योगासना योगगम्या योगा यौवनकाश्रया ।
यौवनी युद्धमध्यस्था यमुना युगधारिणी
yakṣiṇī yogayuktā ca yakṣarājaprasūtinī |
yātrā yānavidhānajñā yaduvaṃśasamudbhavā
||131||यक्षिणी योगयुक्ता च यक्षराजप्रसूतिनी ।
यात्रा यानविधानज्ञा यदुवंशसमुद्भवा
yakārādihakārāntā yājuṣī yajñarūpiṇī |
yāminī yoganiratā yātudhānabhayaṅkarī
||132||यकारादिहकारान्ता याजुषी यज्ञरूपिणी ।
यामिनी योगनिरता यातुधानभयङ्करी
rukmiṇī ramaṇī rāmā revatī reṇukā ratiḥ |
raudrī raudrapriyākārā rāmamātā ratipriyā
||133||रुक्मिणी रमणी रामा रेवती रेणुका रतिः ।
रौद्री रौद्रप्रियाकारा राममाता रतिप्रिया
rohiṇī rājyadā revā ramā rājīvalocanā |
rākeśī rūpasampannā ratnasiṃhāsanasthitā
||134||रोहिणी राज्यदा रेवा रमा राजीवलोचना ।
राकेशी रूपसम्पन्ना रत्नसिंहासनस्थिता
raktamālyāmbaradharā raktagandhānulepanā |
rājahaṃsasamārūḍhā rambhā raktabalipriyā
||135||रक्तमाल्याम्बरधरा रक्तगन्धानुलेपना ।
राजहंससमारूढा रम्भा रक्तबलिप्रिया
ramaṇīyayugādhārā rājitākhilabhūtalā |
rurucarmaparīdhānā rathinī ratnamālikā
||136||रमणीययुगाधारा राजिताखिलभूतला ।
रुरुचर्मपरीधाना रथिनी रत्नमालिका
rogeśī rogaśamanī rāviṇī romaharṣiṇī |
rāmacandrapadākrāntā rāvaṇacchedakāriṇī
||137||रोगेशी रोगशमनी राविणी रोमहर्षिणी ।
रामचन्द्रपदाक्रान्ता रावणच्छेदकारिणी
ratnavastraparicchannā rathasthā rukmabhūṣaṇā |
lajjādhidevatā lolā lalitā liṅgadhāriṇī
||138||रत्नवस्त्रपरिच्छन्ना रथस्था रुक्मभूषणा ।
लज्जाधिदेवता लोला ललिता लिङ्गधारिणी
lakṣmīrlolā luptaviṣā lokinī lokaviśrutā |
lajjā lambodarī devī lalanā lokadhāriṇī
||139||लक्ष्मीर्लोला लुप्तविषा लोकिनी लोकविश्रुता ।
लज्जा लम्बोदरी देवी ललना लोकधारिणी
varadā vanditā vidyā vaiṣṇavī vimalākṛtiḥ |
vārāhī virajā varṣā varalakṣmīrvilāsinī
||140||वरदा वन्दिता विद्या वैष्णवी विमलाकृतिः ।
वाराही विरजा वर्षा वरलक्ष्मीर्विलासिनी
vinatā vyomamadhyasthā vārijāsanasaṃsthitā |
vāruṇī veṇusambhūtā vītihotrā virūpiṇī
||141||विनता व्योममध्यस्था वारिजासनसंस्थिता ।
वारुणी वेणुसम्भूता वीतिहोत्रा विरूपिणी
vāyumaṇḍalamadhyasthā viṣṇurūpā vidhipriyā |
viṣṇupatnī viṣṇumatī viśālākṣī vasundharā
||142||वायुमण्डलमध्यस्था विष्णुरूपा विधिप्रिया ।
विष्णुपत्नी विष्णुमती विशालाक्षी वसुन्धरा
vāmadevapriyā velā vajriṇī vasudohinī |
vedākṣaraparītāṅgī vājapeyaphalapradā
||143||वामदेवप्रिया वेला वज्रिणी वसुदोहिनी ।
वेदाक्षरपरीताङ्गी वाजपेयफलप्रदा
vāsavī vāmajananī vaikuṇṭhanilayā varā |
vyāsapriyā varmadharā vālmīkiparisevitā
||144||वासवी वामजननी वैकुण्ठनिलया वरा ।
व्यासप्रिया वर्मधरा वाल्मीकिपरिसेविता
śākambharī śivā śāntā śāradā śaraṇāgatiḥ |
śātodarī śubhācārā śumbhāsuravimardinī
||145||शाकम्भरी शिवा शान्ता शारदा शरणागतिः ।
शातोदरी शुभाचारा शुम्भासुरविमर्दिनी
śobhāvatī śivākārā śaṅkarārdhaśarīriṇī |
śoṇā śubhāśayā śubhrā śiraḥsandhānakāriṇī
||146||शोभावती शिवाकारा शङ्करार्धशरीरिणी ।
शोणा शुभाशया शुभ्रा शिरःसन्धानकारिणी
śarāvatī śarānandā śarajjyotsnā śubhānanā |
śarabhā śūlinī śuddhā śabarī śukavāhanā
||147||शरावती शरानन्दा शरज्ज्योत्स्ना शुभानना ।
शरभा शूलिनी शुद्धा शबरी शुकवाहना
śrīmatī śrīdharānandā śravaṇānandadāyinī |
śarvāṇī śarvarīvandyā ṣaḍbhāṣā ṣaḍṛtupriyā
||148||श्रीमती श्रीधरानन्दा श्रवणानन्ददायिनी ।
शर्वाणी शर्वरीवन्द्या षड्भाषा षड्ऋतुप्रिया
ṣaḍādhārasthitā devī ṣaṇmukhapriyakāriṇī |
ṣaḍaṅgarūpasumatisurāsuranamaskṛtā
||149||षडाधारस्थिता देवी षण्मुखप्रियकारिणी ।
षडङ्गरूपसुमतिसुरासुरनमस्कृता
sarasvatī sadādhārā sarvamaṅgalakāriṇī |
sāmagānapriyā sūkṣmā sāvitrī sāmasambhavā
||150||सरस्वती सदाधारा सर्वमङ्गलकारिणी ।
सामगानप्रिया सूक्ष्मा सावित्री सामसम्भवा
sarvāvāsā sadānandā sustanī sāgarāmbarā |
sarvaiśvaryapriyā siddhiḥ sādhubandhuparākramā
||151||सर्वावासा सदानन्दा सुस्तनी सागराम्बरा ।
सर्वैश्वर्यप्रिया सिद्धिः साधुबन्धुपराक्रमा
saptarṣimaṇḍalagatā somamaṇḍalavāsinī |
sarvajñā sāndrakaruṇā samānādhikavarjitā
||152||सप्तर्षिमण्डलगता सोममण्डलवासिनी ।
सर्वज्ञा सान्द्रकरुणा समानाधिकवर्जिता
sarvottuṅgā saṅgahīnā sadguṇā sakaleṣṭadā |
saraghā sūryatanayā sukeśī somasaṃhatiḥ
||153||सर्वोत्तुङ्गा सङ्गहीना सद्गुणा सकलेष्टदा ।
सरघा सूर्यतनया सुकेशी सोमसंहतिः
hiraṇyavarṇā hariṇī hrīṃkārī haṃsavāhinī |
kṣaumavastraparītāṅgī kṣīrābdhitanayā kṣamā
||154||हिरण्यवर्णा हरिणी ह्रींकारी हंसवाहिनी ।
क्षौमवस्त्रपरीताङ्गी क्षीराब्धितनया क्षमा
gāyatrī caiva sāvitrī pārvatī ca sarasvatī |
vedagarbhā varārohā śrīgāyatrī parāmbikā
||155||गायत्री चैव सावित्री पार्वती च सरस्वती ।
वेदगर्भा वरारोहा श्रीगायत्री पराम्बिका
iti sāhasrakaṃ nāmnāṃ gāyatryāścaiva nārada |
puṇyadaṃ sarvapāpaghnaṃ mahāsampattidāyakam
||156||इति साहस्रकं नाम्नां गायत्र्याश्चैव नारद ।
पुण्यदं सर्वपापघ्नं महासम्पत्तिदायकम्
evaṃ nāmāni gāyatryāstoṣotpattikarāṇi hi |
aṣṭamyāṃ ca viśeṣeṇa paṭhitavyaṃ dvijaiḥ saha
||157||एवं नामानि गायत्र्यास्तोषोत्पत्तिकराणि हि ।
अष्टम्यां च विशेषेण पठितव्यं द्विजैः सह
japaṃ kṛtvā homapūjādhyānaṃ kṛtvā viśeṣataḥ |
yasmai kasmai na dātavyaṃ gāyatryāstu viśeṣataḥ
||158||जपं कृत्वा होमपूजाध्यानं कृत्वा विशेषतः ।
यस्मै कस्मै न दातव्यं गायत्र्यास्तु विशेषतः
subhaktāya suśiṣyāya vaktavyaṃ bhūsurāya vai |
bhraṣṭebhyaḥ sādhakebhyaśca bāndhavebhyo na darśayet
||159||सुभक्ताय सुशिष्याय वक्तव्यं भूसुराय वै ।
भ्रष्टेभ्यः साधकेभ्यश्च बान्धवेभ्यो न दर्शयेत्
yadgṛhe likhitaṃ śāstraṃ bhayaṃ tasya na kasyacit |
cañcalāpi sthirā bhūtvā kamalā tatra tiṣṭhati
||160||यद्गृहे लिखितं शास्त्रं भयं तस्य न कस्यचित् ।
चञ्चलापि स्थिरा भूत्वा कमला तत्र तिष्ठति
idaṃ rahasyaṃ paramaṃ guhyādguhyataraṃ mahat |
puṇyapradaṃ manuṣyāṇāṃ daridrāṇāṃ nidhipradam
||161||इदं रहस्यं परमं गुह्याद्गुह्यतरं महत् ।
पुण्यप्रदं मनुष्याणां दरिद्राणां निधिप्रदम्
mokṣapradaṃ mumukṣūṇāṃ kāmināṃ sarvakāmadam |
rogādvai mucyate rogī baddho mucyeta bandhanāt
||162||मोक्षप्रदं मुमुक्षूणां कामिनां सर्वकामदम् ।
रोगाद्वै मुच्यते रोगी बद्धो मुच्येत बन्धनात्
bahmahatyāsurāpānasuvarṇasteyino narāḥ |
gurutalpagato vāpi pātakānmucyate sakṛt
||163||बह्महत्यासुरापानसुवर्णस्तेयिनो नराः ।
गुरुतल्पगतो वापि पातकान्मुच्यते सकृत्
asatpratigrahāccaivābhakṣyabhakṣādviśeṣataḥ |
pākhaṇḍānṛtamukhyebhyaḥ paṭhanādeva mucyate
||164||असत्प्रतिग्रहाच्चैवाभक्ष्यभक्षाद्विशेषतः ।
पाखण्डानृतमुख्येभ्यः पठनादेव मुच्यते
idaṃ rahasyamamalaṃ mayoktaṃ padmajodbhava |
brahmasāyujyadaṃ nṝṇāṃ satyaṃ satyaṃ na saṃśayaḥ
||165||इदं रहस्यममलं मयोक्तं पद्मजोद्भव ।
ब्रह्मसायुज्यदं नॄणां सत्यं सत्यं न संशयः
iti śrīmaddevībhāgavate mahāpurāṇe'ṣṭādaśasāhasryāṃ saṃhitāyāṃ dvādaśaskandhe gāyatrīsahasranāmastotravarṇanaṃ nāma ṣaṣṭho'dhyāyaḥ || 6 ||
vargaḥdevībhāgavatapurāṇam